മൂന്നാറിൽ കൈയേറ്റങ്ങൾ ഒഴിപ്പിക്കുന്നു
Thursday, October 19, 2023 7:41 AM IST
മൂന്നാർ: മൂന്നാറിൽ കൈയേറ്റങ്ങൾ ഒഴിപ്പിക്കുന്നു. ആനയിറങ്കൽ-ചിന്നക്കനാൽ മേഖലയിലെ കൈയേറ്റങ്ങളാണ് ഒഴിപ്പിക്കുന്നത്. ഏലം കൃഷി ചെയ്യുന്ന അഞ്ച് ഏക്കർ സ്ഥലമാണ് ഒഴിപ്പിക്കുന്നത്. ജില്ലാ കളക്ടറുടെ കീഴിലുള്ള ദൗത്യ സംഘത്തിന്റേതാണ് നടപടി.
അടിമാലി സ്വദേശി റ്റിജു കുര്യാക്കോസ് കൈയേറിയ അഞ്ച് ഏക്കർ അന്പത്തി അഞ്ച് സെന്റ് സ്ഥലത്തെ ഒഴിപ്പിക്കൽ നടപടികൾ പൂർത്തിയായി. കൈയേറ്റ ഭൂമിയിൽ ദൗത്യസംഘം സർക്കാർ ഭൂമിയെന്ന ബോർഡും സ്ഥാപിച്ചു. സ്ഥലത്തെ കെട്ടിടങ്ങളും ഉദ്യോഗസ്ഥർ സീൽ ചെയ്തു.
2007ൽ വി.എസ്. അച്യുതാനന്ദൻ മന്ത്രിസഭയുടെ കാലത്താണ് ആദ്യ ദൗത്യസംഘം മൂന്നാറിലെത്തിയത്. 2007ൽ തന്നെ രണ്ടാം ദൗത്യവും 2011ൽ യുഡിഎഫ് ഭരണകാലത്ത് മൂന്നാം ദൗത്യസംഘവും മൂന്നാറിൽ എത്തിയിരുന്നു.