ഹൈ​ദ​രാ​ബാ​ദ്: തെ​ലു​ങ്കാ​ന മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ര റാ​വു എ​ന്‍​ഡി​എ​യി​ല്‍ ചേ​രാ​ന്‍ ആ​ഗ്ര​ഹി​ച്ചി​രു​ന്നു​വെ​ന്നും എ​ന്നാ​ല്‍ താ​ന്‍ അ​തി​നെ എ​തി​ര്‍​ക്കു​ക​യാ​യി​രു​ന്നു​വെ​ന്നും പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ വെ​ളി​പ്പെ​ടു​ത്ത​ല്‍.

തെ​ലുങ്കാ​ന​യി​ല്‍ നി​യ​മ​സ​ഭാ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട പ്ര​ചാ​ര​ണ പ​രി​പാ​ടി​ക്കി​ടെ​യാ​ണ് ന​രേ​ന്ദ്ര​മോ​ദി​ ഇ​ക്കാ​ര്യം പ​റ​ഞ്ഞ​ത്.

എ​ന്നാ​ല്‍ ഇ​തി​നു തൊ​ട്ടു​പി​ന്നാ​ലെ കെ​സി​ആ​റി​ന്‍റെ മ​ക​ന്‍ കെ.​ടി.​രാ​മ​റാ​വു മോ​ദി​ക്ക് മ​റു​പ​ടി​യു​മാ​യെ​ത്തി. എ​ന്‍​ഡി​എ​യി​ല്‍ ചേ​രാ​ന്‍ ത​ന്‍റെ അ​ച്ഛ​ന് ഭ്രാ​ന്തി​ല്ലെ​ന്നാ​യി​രു​ന്നു രാ​മ​റാ​വു​വി​ന്‍റെ പ്ര​തി​ക​ര​ണം.

ഭാ​ര​ത് രാ​ഷ്ട്ര സ​മി​തി(​ബി​ആ​ര്‍​എ​സ്)​യെ എ​ന്‍​ഡി​എ​യി​ല്‍ ചേ​ര്‍​ക്ക​ണ​മെ​ന്നാ​വ​ശ്യ​പ്പെ​ട്ട് കെ​സി​ആ​ര്‍ പ​ല ത​വ​ണ ത​ന്നെ സ​മീ​പി​ച്ചെ​ന്നും എ​ന്നാ​ല്‍ തെ​ലു​ങ്കാ​ന​യി​ലെ ജ​ന​ങ്ങ​ളെ ച​തി​ക്കാ​ന്‍ ത​യ്യാ​റ​ല്ലാ​ത്ത​തു കൊ​ണ്ട് ആ ​ആ​വ​ശ്യം നി​ര​സി​ക്കു​ക​യാ​യി​രു​ന്നു​വെ​ന്നു​മാ​ണ് പ്ര​ധാ​ന​മ​ന്ത്രി പ​റ​ഞ്ഞ​ത്. ഇതോടെ കെ​സി​ആ​ര്‍ ആ​കെ അ​സ്വ​സ്ഥ​നാ​യെന്നും മോ​ദി പ​റ​ഞ്ഞു.

'ഞാ​നൊ​രു സ​ത്യം വെളിപ്പെടുത്താൻ പോ​വു​ക​യാ​ണ്' എ​ന്ന മു​ഖ​വു​ര​യോ​ടെ തു​ട​ങ്ങി​യ പ്ര​ധാ​ന​മ​ന്ത്രി 2020ലെ ​ഹൈ​ദ​രാ​ബാ​ദ് മു​നി​സി​പ്പ​ല്‍ കോർപ്പറേഷൻ തെ​ര​ഞ്ഞെ​ടു​പ്പി​ന്‍റെ സ​മ​യ​ത്താ​ണ് കെ​സി​ആ​ര്‍ ഈ ​ആ​വ​ശ്യം പ​റ​ഞ്ഞ് ത​ന്നെ സ​മീ​പി​ച്ച​തെ​ന്നും വ്യ​ക്ത​മാ​ക്കി.

ആ​ര്‍​ക്കും ഭൂ​രി​പ​ക്ഷ​മി​ല്ലാ​തി​രു​ന്ന തെ​ര​ഞ്ഞെ​ടു​പ്പി​ല്‍ ബി​ജെ​പി 48 സീ​റ്റി​ല്‍ വി​ജ​യി​ച്ചി​രു​ന്നു. തു​ട​ര്‍​ന്ന്,എ​ന്‍​ഡി​എ​യി​ല്‍ ചേ​രാ​ന്‍ ആ​ഗ്ര​ഹ​മു​ണ്ടെ​ന്നും മുനിസിപ്പൽ കോർപ്പറേഷൻ തെര​ഞ്ഞെ​ടു​പ്പി​ല്‍ ത​ന്നെ സ​ഹാ​യി​ക്ക​ണ​മെ​ന്നും ആ​വ​ശ്യ​പ്പെ​ട്ട് ഒ​രു ഷോ​ളു​മാ​യി കെ​സി​ആ​ര്‍ ത​ന്നെ കാ​ണാ​നെ​ത്തു​ക​യാ​യി​രു​ന്നു​വെ​ന്നും മോ​ദി പ​റ​ഞ്ഞു. എ​ന്നാ​ല്‍ 'തെ​ലു​ങ്കാ​ന​യി​ലെ ജ​ന​ങ്ങ​ളെ ച​തി​ക്കാ​ന്‍ ഞ​ങ്ങ​ള്‍​ക്കാ​വി​ല്ല' എ​ന്നു പ​റ​ഞ്ഞ് താ​ന്‍ അ​ദ്ദേ​ഹ​ത്തെ മ​ട​ക്കി അ​യ​ച്ചുവെന്നും മോ​ദി കൂ​ട്ടി​ച്ചേ​ര്‍​ത്തു.

2020ലെ ​ഹൈ​ദ​രാ​ബാ​ദ് മു​നി​സി​പ്പ​ല്‍ തെ​ര​ഞ്ഞെ​ടു​പ്പ് ബി​ജെ​പി​യെ സം​ബ​ന്ധി​ച്ച് സം​സ്ഥാ​ന രാ​ഷ്ട്രീ​യ​ത്തി​ല്‍ വ​ന്‍ ചു​വ​ടുവ​യ്പാ​യി​രു​ന്നു. 150 വാ​ര്‍​ഡു​ക​ളി​ല്‍ ബി​ജെ​പി 48 എ​ണ്ണ​ത്തി​ല്‍ വി​ജ​യി​ച്ച​പ്പോ​ള്‍ കെ​സി​ആ​റി​ന്‍റെ പാ​ര്‍​ട്ടി​യു​ടെ സീ​റ്റ് 99ല്‍ ​നി​ന്നും 56 ആ​യി ഇ​ടി​യു​ക​യാ​ണു​ണ്ടാ​യ​ത്. ഒ​വൈ​സി​യു​ടെ ഐ​ഐ​എം​ഐ​എം 44 സീ​റ്റ് നേ​ടി​യ​പ്പോ​ള്‍ കോ​ണ്‍​ഗ്ര​സ് വെ​റും ര​ണ്ടു സീ​റ്റി​ല്‍ ഒ​തു​ങ്ങി.