ഹാ​ങ്ഷൗ: ഏ​ഷ്യ​ന്‍ ഗെ​യിം​സി​ല്‍ ച​രി​ത്രം തി​രു​ത്തി​ക്കു​റി​ച്ച് ഇ​ന്ത്യ​യു​ടെ അ​ന്നു റാ​ണി. ഏ​ഷ്യ​ന്‍ ഗെ​യിം​സി​ല്‍ ജാ​വ​ലി​ന്‍ ത്രോ​യി​ല്‍ സ്വ​ര്‍​ണം നേ​ടു​ന്ന ആ​ദ്യ ഇ​ന്ത്യ​ന്‍ വ​നി​ത എ​ന്ന നേ​ട്ട​മാ​ണ് അ​ന്നു റാ​ണി കൈ​വ​രി​ച്ച​ത്.

സീ​സ​ണി​ലെ ത​ന്‍റെ ഏ​റ്റ​വും മി​ക​ച്ച പ്ര​ക​ട​നം പു​റ​ത്തെ​ടു​ത്താ​ണ് അ​ന്നു റാ​ണി​യു​ടെ മെ​ഡ​ല്‍ നേ​ട്ടം. 62.92 മീ​റ്റ​ര്‍ ദൂ​ര​മാ​ണ് താ​രം ക​ണ്ടെ​ത്തി​യ​ത്.

ആ​ദ്യ അ​വ​സ​ര​ത്തി​ല്‍ 56.99 മീ​റ്റ​റു​മാ​യി പ​ട്ടി​ക​യി​ല്‍ ആ​റാ​മ​താ​യി​രു​ന്നു താ​രം. എ​ന്നാ​ല്‍ ര​ണ്ടാം അ​വ​സ​ര​ത്തി​ല്‍ 61.28 മീ​റ്റ​ര്‍ ദൂ​ര​ത്തേ​ക്ക് ജാ​വ​ലി​ന്‍ പാ​യി​ച്ച​തോ​ടെ അ​ന്നു റാ​ണി ഒ​ന്നാ​മ​തെ​ത്തി.

മൂ​ന്നാം അ​വ​സ​ര​ത്തി​ല്‍ 59.24 മീ​റ്റ​ര്‍ മാ​ത്ര​മേ ക​ണ്ടെ​ത്താ​ന്‍ ക​ഴി​ഞ്ഞു​ള്ളൂ​വെ​ങ്കി​ലും നാ​ലാം അ​വ​സ​ര​ത്തി​ല്‍ 62.92 മീ​റ്റ​ര്‍ ദൂ​ര​ത്തേ​ക്ക് ജാ​വ​ലി​ന്‍ പാ​യി​ച്ച് താ​രം സ്വ​ര്‍​ണം ഉ​റ​പ്പി​ക്കു​ക​യാ​യി​രു​ന്നു.

2022ലെ ​കോ​മ​ണ്‍​വെ​ല്‍​ത്ത് ഗെ​യിം​സി​ൽ അന്നു റാണി വെ​ങ്ക​ലം നേടിയിരുന്നു. കോ​മ​ണ്‍​വെ​ല്‍​ത്ത് ഗെ​യിം​സി​ന്‍റെ ച​രി​ത്ര​ത്തി​ല്‍ ഇ​ന്ത്യ​ന്‍ വ​നി​താ താ​രം ജാ​വ​ലി​ന്‍ ത്രോ​യി​ല്‍ നേ​ടു​ന്ന ആ​ദ്യ മെ​ഡ​ല്‍ കൂ​ടി​യാ​യി​രു​ന്നു അ​ത്.

ജാ​വ​ലി​ന്‍ ത്രോ​യി​ല്‍ 60 മീ​റ്റ​ര്‍ ദൂ​രം പി​ന്നി​ട്ട ആ​ദ്യ ഇ​ന്ത്യ​ന്‍ വ​നി​താ​താ​ര​വും അ​ന്നു റാ​ണി​യാ​ണ്. താ​രം 2022ല്‍ ​ഇ​ന്ത്യ​ന്‍ ഓ​പ്പ​ണ്‍ ജാ​വ​ലി​ന്‍ ത്രോ ​മ​ത്സ​ര​ത്തി​ല്‍ കു​റി​ച്ച 63.82 മീ​റ്റ​റാ​ണ് നി​ല​വി​ലെ ദേ​ശീ​യ റി​ക്കാ​ര്‍​ഡ്.