കൊ​ച്ചി: ത​നി​ക്ക് പ​ങ്കാ​ളി​ത്ത​മു​ള്ള അ​ഭി​ഭാ​ഷ​ക സ്ഥാ​പ​ന​മാ​യ കെ​എം​എ​ന്‍​പി​യെ ആ​ക്ഷേ​പി​ച്ചി​ട്ടി​ല്ലെ​ന്ന സി​പി​എം എ​റ​ണാ​കു​ളം ജി​ല്ലാ സെ​ക്ര​ട്ട​റി സി.​എ​ന്‍.​മോ​ഹ​ന​ന്‍റെ ന്യാ​യീ​ക​ര​ണ​ത്തെ പ​രി​ഹ​സി​ച്ച് കോ​ൺ​ഗ്ര​സ് നേ​താ​വ് മാ​ത്യു കു​ഴ​ൽ​നാ​ട​ൻ എം​എ​ൽ​എ.

കെ​എം​എ​ന്‍​പി അ​യ​ച്ച വ​ക്കീ​ൽ നോ​ട്ടീ​സി​ന് മ​റു​പ​ടി ന​ൽ​ക​വേ നി​ല​പാ​ട് മാ​റ്റി​യ മോ​ഹ​ന​ൻ, പ​റ​ഞ്ഞ​തെ​ല്ലാം വി​ഴു​ങ്ങി ഒ​ളി​ച്ചോ​ടു​ന്ന സി​പി​എം ശൈ​ലി​യാ​ണ് സ്വീ​ക​രി​ച്ച​തെ​ന്ന് ഫേ​സ്ബു​ക്ക് വീ​ഡി​യോ​യി​ലൂ​ടെ കു​ഴ​ൽ​നാ​ട​ൻ പ​രി​ഹ​സി​ച്ചു.

എ​തി​ർ​ക്കു​ന്ന​വ​രെ, അ​ധി​ക്ഷേ​പ​ങ്ങ​ൾ ചൊ​രി​ഞ്ഞ് മ​നോ​വീ​ര്യം ത​ക​ർ​ത്ത് നി​ശ​ബ്ദ​രാ​ക്കു​ക എ​ന്ന​താ​ണ് സി​പി​എം ശൈ​ലി. കൂ​ടാ​തെ, അ​ധി​കാ​രം ഉ​പ​യോ​ഗി​ച്ച് പീ​ഡി​പ്പി​ക്കാ​നും നി​ശ​ബ്ദ​രാ​ക്കാ​നും ശ്ര​മി​ക്കും. ഇ​തൊ​ന്നും വി​ല​പ്പോ​കാ​തെ വ​രു​മ്പോ​ൾ കാ​യി​ക​മാ​യി നേ​രി​ടാ​ൻ ശ്ര​മി​ക്കും.

ഇ​ത് കാ​ല​ങ്ങ​ളാ​യി സി​പി​എം പി​ന്തു​ട​രു​ന്ന ഫാസി​സ്റ്റ് ശൈ​ലി​യാ​ണ്. ന​മ്മ​ൾ ഇ​തി​നെ ച​ങ്കു​റ​പ്പോ​ടെ നേ​രി​ടാ​ൻ ഇ​റ​ങ്ങി​യാ​ൽ അ​വ​ർ പി​ന്നോ​ട്ട് പോ​കു​ന്ന കാ​ഴ്ച​ കാ​ണാ​മെ​ന്ന് കു​ഴ​ൽ​നാ​ട​ൻ പ​റ​ഞ്ഞു.

വാ​ർ​ത്താ സ​മ്മേ​ള​ന​ത്തി​ൽ അ​തീ​വ ഗു​രു​ത​ര​മാ​യ ആ​രോ​പ​ണ​ങ്ങ​ൾ ഉ​യ​ർ​ത്തി​യ ശേ​ഷം വ​ക്കീ​ൽ നോ​ട്ടി​സി​ന് ര​ഹ​സ്യ​മാ​യി മ​റു​പ​ടി അ​യ​ച്ച് എ​ല്ലാം ഒ​തു​ക്കാ​മെ​ന്ന് മോ​ഹ​ന​ൻ വി​ചാ​രി​ക്കേ​ണ്ട; നി​യ​മന​ട​പ​ടി​ക​ളു​മാ​യി മു​ന്നോ​ട്ട് പോ​കും.

ത​ന്‍റെ സ്ഥാ​പ​ന​ത്തി​നെ​തി​രെ ഒ​ന്നും പ​റ​ഞ്ഞി​ട്ടി​ല്ലെ​ന്നാ​ണ് അ​ദ്ദേ​ഹം അ​യ​ച്ച മ​റു​പ​ടി​യി​ൽ പ​റ​യു​ന്ന​ത്. കെ​എം​എ​ൻ​പി ലോ​യേ​ക്കു​റി​ച്ച് ഞാ​ൻ പ​റ‍​ഞ്ഞ​ത​ല്ലാ​ത്ത കാ​ര്യ​ങ്ങ​ളൊ​ന്നും അ​റി​യി​ല്ല എ​ന്നും മ​റു​പ​ടി​യി​ലു​ണ്ട്.

മാ​ത്യു കു​ഴ​ൽ​നാ​ട​ൻ എ​ന്ന രാ​ഷ്ട്രീ​യ​ക്കാ​ര​നെ​തി​രെ പ​റ​ഞ്ഞ​ത​ല്ലാ​തെ, വ​ക്കീ​ൽ നോ​ട്ടി​സ് അ​യ​ച്ച നി​യ​മ​സ്ഥാ​പ​ന​ത്തി​നെ​തി​രെ താ​ൻ ഒ​ന്നും പ​റ​ഞ്ഞി​ട്ടി​ല്ലെ​ന്നും അ​തു​കൊ​ണ്ട് ആ​വ​ശ്യ​ങ്ങ​ൾ പി​ൻ​വ​ലി​ച്ച് കേ​സി​ന് പോ​ക​രു​തെ​ന്നും മോ​ഹ​ന​ൻ ആ​വ​ശ്യ​പ്പെ​ട്ട​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു.