കൊ​ളം​ബോ: സ്കൂ​ൾ ക്രി​ക്ക​റ്റ് ടീ​മി​നെ നാ​ണം​കെ​ടു​ത്തു​ന്ന രീ​തി​യി​ൽ ശ്രീ​ല​ങ്ക​യെ വീ​ഴ്ത്തി ഇ​ന്ത്യ​യ്ക്ക് എ​ട്ടാം ഏ​ഷ്യാ ക​പ്പ് കീ​രി​ടം. മു​ഹ​മ്മ​ദ് സി​റാ​ജി​ന്‍റെ ആ​റ് വി​ക്ക​റ്റ് പ്ര​ക​ട​ന​ത്തി​ന്‍റെ ബ​ല​ത്തി​ൽ ശ്രീ​ല​ങ്ക​യെ വെ​റും 50 റ​ൺ​സി​ന് പു​റ​ത്താ​ക്കി​യ ഇ​ന്ത്യ 263 പ​ന്ത് ബാ​ക്കി നി​ൽ​ക്കെ​യാ​ണ് ജ​യം നേ​ടി​യ​ത്.

സ്കോ​ർ:
ശ്രീ​ല​ങ്ക 50/10(15.2)
ഇ​ന്ത്യ 51/0(6.1)

ശു​ഭ്മാ​ൻ ഗി​ൽ(19 പ​ന്തി​ൽ 27*), ഇ​ഷാ​ൻ കി​ഷ​ൻ(18 പ​ന്തി​ൽ 23*) എ​ന്നി​വ​ർ വേ​ഗം ബാ​റ്റ് വീ​ശി​യ​തോ​ടെ, വെ​റും 37 പ​ന്തി​ൽ ഇ​ന്ത്യ ഏ​ഷ്യാ ക​പ്പി​ലെ കി​രീ​ട​നേ​ട്ട റി​ക്കാ​ർ​ഡ് വി​പു​ല​മാ​ക്കി.

നേ​ര​ത്തെ, മു​ഹ​മ്മ​ദ് സി​റാ​ജ് ക​ലി​യു​ടെ വി​ശ്വ​രൂ​പം എ​ടു​ത്ത​ണി​ഞ്ഞ് 21 റ​ൺ​സ് മാ​ത്രം വ​ഴ​ങ്ങി ആ​റ് വി​ക്ക​റ്റു​ക​ൾ പി​ഴു​ത​തോ​ടെ​യാ​ണ് ല​ങ്ക വെ​റും 92 പ​ന്ത് നീ​ണ്ടു​നി​ന്ന ഇ​ന്നിം​ഗ്സി​ലേ​ക്ക് ഒ​തു​ങ്ങി​യ​ത്.

16-ാം ഓ​വ​റി​ന്‍റെ ര​ണ്ടാം പ​ന്തി​ൽ, ഹാ​ർ​ദി​ക് പാ​ണ്ഡ്യ ലെ​ഗ് സ്റ്റം​പി​ന് പു​റ​ത്തേ​ക്ക് മാ​റ്റി​യെ​റി​ഞ്ഞ പ​ന്തി​ൽ മ​തീ​ഷ പ​തി​ര​ന അ​നാ​വ​ശ്യ​മാ​യി കൈ​വ​ച്ച് ഇ​ഷാ​ൻ കി​ഷ​ന് ക്യാ​ച്ച് ന​ൽ​കി​യ​തോ​ടെ​യാ​ണ് ല​ങ്ക​ൻ പ​ത​നം പൂ​ർ​ത്തി​യാ​യ​ത്.

ടോ​സ് നേ​ടി ബാ​റ്റിം​ഗ് തെ​ര​ഞ്ഞെ​ടു​ത്ത ല​ങ്ക​യ്ക്ക് മി​ക​ച്ച സ്കോ​ർ എ​ന്ന​ത് മൂ​ടി​ക്കെ​ട്ടി​യ അ​ന്ത​രീ​ക്ഷ​ത്തി​ലെ പ​ക​ൽ​കി​നാ​വ് മാ​ത്ര​മാ​യി​രു​ന്നു. സ്കോ​ർ ബോ​ർ​ഡി​ൽ ഒ​രു റ​ൺ മാ​ത്രം നി​ൽ​ക്കെ കു​ശാ​ൽ പെ​രേ​ര​യെ പു​റ​ത്താ​ക്കി ജ​സ്പ്രീ​ത് ബും​റ​യാ​ണ് ല​ങ്ക​ൻ പ​ത​ന​ത്തി​ന് തു​ട​ക്ക​മി​ട്ട​ത്.

നാ​ലാം ഓ​വ​റി​ൽ സം​ഹാ​ര​താ​ണ്ഡ​വ​മാ​ടി​യ സി​റാ​ജ്, പ​ത്തും നി​സ​ങ്ക​യെ(2) ആ​ദ്യ പ​ന്തി​ലും സ​ധീ​ര സ​മ​ര​വി​ക്ര​മ(0), ച​രി​ത് അ​സ​ല​ങ്ക(0) എ​ന്നി​വ​രെ മൂ​ന്നും നാ​ലും പ​ന്തു​ക​ളി​ലും മ​ട​ങ്ങി. ഹാ​ട്രി​ക് സ്വ​പ്നം ന​ഷ്ട​മാ​യെ​ങ്കി​ലും ഓ​വ​റി​ന്‍റെ അ​വ​സാ​ന പ​ന്തി​ൽ ധ​ന​ഞ്ജ​യ ഡി​സി​ൽ​വ​യെ​യും(4) സി​റാ​ജ് മ​ട​ക്കി.

17 റ​ൺ​സ് നേ​ടി ല​ങ്ക​യു​ടെ ടോ​പ് സ്കോ​റ​ർ ആ​യ കു​ശാ​ൽ മെ​ൻ​ഡി​സി​നെ 12-ാം ഓ​വ​റി​ൽ സി​റാ​ജ് പ​വി​ല​യ​നി​ൽ എ​ത്തി​ച്ചു. തു​ട​ർ​ന്ന് എ​ല്ലാം ച​ട​ങ്ങു​തീ​ർ​ക്ക​ൽ മാ​ത്ര​മാ​യി.

ല​ങ്ക​ൻ സ്കോ​ർ 50 ക​ട​ന്ന​പ്പോ​ൾ ആ​തി​ഥേ​യ ആ​രാ​ധ​ക​ർ കൈ​യ​ടി​ച്ച​ത് നാ​ണ​ക്കേ​ടി​ന്‍റെ കാ​ഠി​ന്യം കു​റ​ഞ്ഞ​തു​കൊ​ണ്ട് മാ​ത്ര​മാ​ണ്. 50 ഓ​വ​റി​ലും ഓ​രോ റ​ൺ വീ​തം എ​ടു​ത്ത് ജ​യി​ക്കാ​വു​ന്ന ത​ര​ത്തി​ൽ പൂ​ർ​ത്തി​യാ​ക്കി​യ മ​ത്സ​ര​ത്തി​ൽ പാ​ണ്ഡ്യ മൂ​ന്ന് റ​ൺ​സ് വ​ഴ​ങ്ങി മൂ​ന്ന് വി​ക്ക​റ്റും നേ​ടി.