വൈക്കത്ത് കെഎസ്ആർടിസി മുൻ ജീവനക്കാരനും ഭാര്യയും ജീവനൊടുക്കി
Monday, August 14, 2023 11:14 PM IST
കോട്ടയം: വൈക്കത്ത് കെഎസ്ആർടിസിയിലെ മുൻ എംപാനൽഡ് ജീവനക്കാരനെയും ഭാര്യയെയും ജീവനൊടുക്കിയ നിലയിൽ കണ്ടെത്തി.
മറവൻതുരുത്ത് തറവട്ടത്ത് വൃന്ദാവനിൽ നടേശൻ(48), ഭാര്യ സിനിമോൾ (43) എന്നിവരാണ് മരിച്ചത്. ഇന്ന് വൈകിട്ട് ആറിനാണ് ഇവരെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. സാമ്പത്തിക ബാധ്യത മൂലമാകാം ഇവർ ജീവനൊടുക്കിയതെന്ന് പോലീസ് അറിയിച്ചു. മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
മൂന്ന് വർഷം മുമ്പ് വരെ കെഎസ്ആർടിസിയിൽ എംപാനൽഡ് ജീവനക്കാരനായിരുന്നു നടേശൻ. ജോലിയിൽ നിന്ന് പിരിച്ചുവിടപ്പെട്ടശേഷം കക്കാവാരൽ നടത്തിയാണ് ഇയാൾ കുടുംബം പുലർത്തിയിരുന്നത്.