ടെ​ക്സ​സ്: ഇ​രു​പ​ത്തൊ​ന്നാം നൂ​റ്റാ​ണ്ടി​ൽ അ​മേ​രി​ക്ക​യെ പി​ടി​ച്ചു​കു​ലു​ക്കി​യ ഏ​റ്റ​വും വ​ലി​യ സാ​മ്പ​ത്തി​ക ത​ട്ടി​പ്പ് കേ​സി​ലെ പ്ര​തി എ​ലി​സ​ബ​ത്ത് ഹോം​സി​ന് ശി​ക്ഷാ​യി​ള​വ് വി​ധി​ച്ച് ജ​യി​ൽ വ​കു​പ്പ്.‌

11 വ​ർ​ഷ​ത്തെ ത​ട​വു​ശി​ക്ഷ അ​നു​ഭ​വി​ക്കാ​നാ​യി ടെ​ക്സ​സി​ലെ ബ്ര​യ​ൻ ഫെ​ഡ​റ​ൽ വ​നി​താ ജ​യി​ലി​ൽ ക​ഴി​യു​ന്ന ഹോം​സി​ന്‍റെ ശി​ക്ഷ​യി​ൽ ര​ണ്ട് വ​ർ​ഷം വെ​ട്ടി​ക്കു​റ​ച്ച​താ​യി അ​ധി​കൃ​ത​ർ അ​റി​യി​ച്ചു. ഇ​തോ​ടെ ഹോം​സ് 2034 ഏ​പ്രി​ൽ ഒ​ന്നി​ന് ജ​യി​ൽ​മോ​ചി​ത​യാ​കു​ന്ന രീ​തി​യി​ൽ ശി​ക്ഷാ​കാ​ലാ​വ​ധി പ​രി​ഷ്ക​രി​ച്ചു.

ജ​യി​ൽ വ​കു​പ്പി​ന്‍റെ വെ​ബ്‌​സൈ​റ്റി​ലൂ‌​ടെ​യാ​ണ് ഹോം​സി​ന്‍റെ ശി​ക്ഷാ​യി​ള​വ് സം​ബ​ന്ധി​ച്ച വി​വ​രം പു​റ​ത്തു​വ​ന്ന​ത്. എ​ന്നാ​ൽ എ​ന്ത് കാ​ര​ണ​ത്താ​ലാ​ണ് ശി​ക്ഷാ​യി​ള​വ് അ​നു​വ​ദി​ച്ച​തെ​ന്ന് വ്യ​ക്ത​മ​ല്ല.

അ​മേ​രി​ക്ക​ൻ നി​യ​മ​പ്ര​കാ​രം ന​ല്ല​ന​ട​പ്പ്, ജോ​ലി​ക​ളി​ലെ കൃ​ത്യ​ത, പു​ന​ര​ധി​വാ​സ പ്ര​ക്രി​യ​യി​ലെ സ​ജീ​വ പ​ങ്കാ​ളി​ത്തം എ​ന്നീ കാ​ര​ണ​ങ്ങ​ൾ ഒ​രു കു​റ്റ​വാ​ളി​യു​ടെ ജ​യി​ൽ​ശി​ക്ഷ​യി​ൽ പ​ര​മാ​വ​ധി 15 ശ​ത​മാ​നം വെ​ട്ടി​ക്കു​റ​യ്ക്കാ​മെ​ന്നാ​ണ് യു​എ​സ് നി​യ​മം.

തെ​റോ​നോ​സ് എ​ന്ന വ്യാ​ജ ആ​രോ​ഗ്യ ഗ​വേ​ഷ​ണ ക​മ്പ​നി​യി​ലൂ​ടെ കോ​ടി​ക്ക​ണ​ക്കി​ന് ഡോ​ള​ർ ത​ട്ടി​യെ​ടു​ത്ത ഹോം​സ് ഒ​രു കാ​ല​ത്ത് "ലേ​ഡി സ്റ്റീ​വ് ജോ​ബ്സ്' എ​ന്നാ​ണ് അ​റി​യ​പ്പെ​ട്ടി​രു​ന്ന​ത്.

2003-ൽ ​സ്റ്റാ​ൻ​ഫ​ഡ് സ​ർ​വ​ക​ലാ​ശാ​ല​യി​ൽ നി​ന്ന് പ​ഠ​നം ഉ​പേ​ക്ഷി​ച്ച് പു​റ​ത്തി​റ​ങ്ങി​യ ഹോം​സ് തെ​റാ​നോ​സി​ലൂ​ടെ ആ​രോ​ഗ്യ ബി​സി​ന​സ് രം​ഗ​ത്തേ​ക്ക് ചു​വ​ടു​വ​യ്ക്കു​ക​യാ​യി​രു​ന്നു.

വെ​റും ഒ​രു തു​ള്ളി ര​ക്ത​ത്തി​ൽ നി​ന്ന് ഒ​ട്ടേ​റെ ആ​രോ​ഗ്യ​പ​രി​ശോ​ധ​ന​ക​ൾ കൃ​ത്യ​മാ​യി ന​ട​ത്താ​നാ​കു​ന്ന സാ​ങ്കേ​തി​ക​വി​ദ്യ തെ​റാ​നോ​സ് വി​ക​സി​പ്പി​ച്ച​താ​യി ഹോം​സ് അ​വ​കാ​ശ​പ്പെ​ട്ടി​രു​ന്നു.

വി​വി​ധ പ​രി​ശോ​ധ​ന​ക​ൾ​ക്കാ​യി ഒ​രു രോ​ഗി​യു​ടെ ശ​രീ​ര​ത്തി​ൽ നി​ന്നും ഏ​റെ ര​ക്തം എ​ടു​ക്കു​ന്ന​ത് ഒ​ഴി​വാ​ക്കു​ന്ന ഈ ​വി​ദ്യ​യെ ലോ​ക​മെമ്പാ​ടുമു​ള്ള​വ​ർ പ്ര​കീ​ർ​ത്തി​ച്ചു. ച​രി​ത്രം മാ​റ്റി​മ​റി​ക്കു​ന്ന തെ​റാ​നോ​സ് ക​മ്പ​നി​യി​ലേ​ക്ക് നി​ക്ഷേ​പം ഒ​ഴു​കി.

ആ​ക​ർ​ഷ​ക​മാ​യ പെ​രു​മാ​റ്റ​വും സൗ​ന്ദ​ര്യ​വും കൊ​ണ്ട് ഹോം​സ് പൊ​തു​ജ​ന​ത്തെ​യും ശാ​സ്ത്ര​ലോ​ക​ത്തെ​യും ഏ​റെ നാ​ൾ ക​ബ​ളി​പ്പി​ച്ചു. ടി​വി ചാ​ന​ലു​ക​ളി​ലും മാ​ധ്യ​മ​ങ്ങ​ളി​ലും ഹോം​സ് മാ​ലാ​ഖ​യാ​യി വാ​ഴ്ത്ത​പ്പെ​ട്ടു.

ഒ​ടു​വി​ൽ ഹോം​സി​ന്‍റെ അ​വ​കാ​ശ​വാ​ദ​ങ്ങ​ൾ തെ​റ്റാ​ണെ​ന്നും ഒ​രു തു​ള്ളി ര​ക്ത​ത്തി​ൽ നി​ന്ന് ഒ​ട്ടേ​റെ പ​രി​ശോ​ധ​ന​ക​ൾ ന​ട​ത്താ​മെ​ന്ന അ​വ​കാ​ശ​വാ​ദം പൊ​ള്ള​യാ​ണെ​ന്നും 2018-ൽ ​തെ​ളി​ഞ്ഞു. തു​ട​ർ​ന്ന് ഹോം​സി​നെ​തി​രെ കേ​സു​ക​ൾ കു​ന്നു​കൂ​ടി. ഒ‌​ടു​വി​ൽ 2022-ലാ​ണ് അ​വ​ർ ജ​യി​ലി​ലാ​യ​ത്.

ഒ​മ്പ​ത് ബി​ല്യ​ൺ ഡോ​ള​റി​ന്‍റെ മൂ​ല്യ​മു​ണ്ടാ​യി​രു​ന്ന തെ​റോ​നോ​സ് ക​മ്പ​നി വ‌​ഴി ത​ട്ടി​യെ​ടു​ത്ത 452 മി​ല്യ​ൺ ഡോ​ള​ർ നി​ക്ഷേ​പ​ക​ർ​ക്ക് തി​രി​കെ ന​ൽ​ക​ണ​മെ​ന്നും കോ​ട​തി ഹോം​സി​നോ​ട് നി​ർ​ദേ​ശി​ച്ചി​രു​ന്നു. ജ​യി​ൽ​മോ​ചി​ത​യാ​യാ​ലും ഹോം​സ് മൂ​ന്ന് വ​ർ​ഷം പോ​ലീ​സ് നി​രീ​ക്ഷ​ണ​ത്തി​ൽ തു​ട​രും.