ചെ​ന്നൈ: ഡ​ൽ​ഹി ക്യാ​പി​റ്റ​ൽ​സി​നെ​തി​രെ താ​ര​ത​മ്യേ​ന ചെ​റി​യ സ്കോ​ർ മി​ക​ച്ച ഫീ​ൽ​ഡിം​ഗി​ന്‍റെ സ​ഹാ​യ​ത്തോ​ടെ ഡി​ഫ​ൻ​ഡ് ചെ​യ്ത് ചെ​ന്നൈ സൂ​പ്പ​ർ കിം​ഗ്സ്. 27 റ​ൺ​സി​ന്‍റെ ജ​യം നേ​ടി​യ​തോ​ടെ, ലീ​ഗി​ൽ ര​ണ്ടാം സ്ഥാ​ന​ത്തു​ള്ള സി​എ​സ്കെ​യ്ക്ക് 12 മ​ത്സ​ര​ങ്ങ​ളി​ൽ നി​ന്ന് 15 പോ​യി​ന്‍റാ​യി.

സ്കോ​ർ:
ചെ​ന്നൈ സൂ​പ്പ​ർ കിം​ഗ്സ് 167/8(20)
ഡ​ൽ​ഹി ക്യാ​പി​റ്റ​ൽ​സ് 140/8(20)

ദു​ർ​ബ​ല​മെ​ന്ന് സ്ഥി​ര​മാ​യി പ​ഴി കേ​ൾ​ക്കു​ന്ന ബൗ​ളിം​ഗ് നി​ര​യാ​ണ് സി​എ​സ്കെ​യ്ക്ക് വി​ജ​യം സ​മ്മാ​നി​ച്ച​ത്. നാ​ലോ​വ​റി​ൽ 37 റ​ൺ​സ് വ​ഴ​ങ്ങി മൂ​ന്ന് വി​ക്ക​റ്റ് വീ​ഴ​ത്തി​യ ല​ങ്ക​ൻ പേ​സ​ർ മ​തീ​ഷ പ​തി​ര​ന​യാ​ണ് ബൗ​ളിം​ഗ് നി​ര​യെ ന​യി​ച്ച​ത്. മി​ക​ച്ച റ​ൺ​ഔ​ട്ടു​ക​ളും കി​ടി​ല​ൻ ക്യാ​ച്ചു​ക​ളു​മാ​യി ഫീ​ൽ​ഡ​ർ​മാ​രും ടീ​മി​നാ​യി അ​ക​മ​ഴി​ഞ്ഞ പോ​രാ​ട്ടം കാ​ഴ്ച​വ​ച്ചു.

ഡേ​വി​ഡ് വാ​ർ​ണ​ർ(0), ഫി​ൽ സോ​ൾ​ട്ട്(17), മി​ച്ച​ൽ മാ​ർ​ഷ്(5) എ​ന്നി​വ​ർ വേ​ഗം മ​ട​ങ്ങി​യ​തോ​ടെ ക്യാ​പി​റ്റ​ൽ​സ് ചേ​സി​ന്‍റെ താ​ളം​തെ​റ്റി​യി​രു​ന്നു. 37 പ​ന്തി​ൽ 35 റ​ൺ​സ് നേ​ടി​യ റൈ​ലി റൂ​സോ ആ​ണ് ടീ​മി​ന്‍റെ ടോ​പ് സ്കോ​റ​ർ. 16.3-ാം ഓ​വ​റി​ലാ​ണ് ടീം ​സ്കോ​ർ 100 ക​ട​ന്ന​ത്. അ​ക്സ​ർ പ​ട്ടേ​ലി​ന്‍റെ(21) തു​ട​ർ ബൗ​ണ്ട​റി​ക​ളും അ​വ​സാ​ന സ്പെ​ല്ലി​ൽ പ​തി​ര​ന ന​ൽ​കി​യ എ​ക്സ്ട്രാ റ​ൺ​സു​മാ​ണ് ക്യാ​പി​റ്റ​ൽ​സി​ന്‍റെ തോ​ൽ​വി​യു​ടെ ഭാ​രം കു​റ​ച്ച​ത്.

നേ​ര​ത്തെ, പ​തി​ഞ്ഞ താ​ള​ത്തി​ലാ​ണ് സി​എ​സ്കെ ബാ​റ്റിം​ഗ് ന​ട​ത്തി​യ​ത്. 25 റ​ൺ​സ് നേ​ടി​യ ശി​വം ദു​ബെ​യാ​ണ് ടീ​മി​ന്‍റെ ടോ​പ് സ്കോ​റ​ർ. മൂ​ന്നോ​വ​റി​ൽ 18 റ​ൺ​സ് വ​ഴ​ങ്ങി മൂ​ന്ന് വി​ക്ക​റ്റ് നേ​ടി​യ മാ​ർ​ഷും നാ​ലോ​വ​റി​ൽ 27 റ​ൺ​സ് മാ​ത്രം വി​ട്ടു​ന​ൽ​കി ര​ണ്ട് വി​ക്ക​റ്റു​ക​ൾ പി​ഴു​ത പ​ട്ടേ​ലും ആ​തി​ഥേ​യ​രെ വ​രി​ഞ്ഞു​കെ​ട്ടി.

ഒ​മ്പ​ത് പ​ന്തി​ൽ ര​ണ്ട് സി​ക്സും ഒ​രു ഫോ​റും പാ​യി​ച്ച് 20 റ​ൺ​സ് നേ​ടി​യ നാ​യ​ക​ൻ എം.​എ​സ്. ധോ​ണി, ര​വീ​ന്ദ്ര ജ​ഡേ​ജ(16 പ​ന്തി​ൽ 21) എ​ന്നി​വ​രാ​ണ് ടീ​മി​നെ 150 റ​ൺ​സ് ക​ട​ത്തി​യ​ത്.