വാ​ഷിം​ഗ്ട​ൺ: യു​ക്രെ​യ്ൻ-​റ​ഷ്യ യു​ദ്ധം അ​വ​സാ​നി​പ്പി​ക്കാ​നു​ള്ള ചൈ​ന​യു​ടെ മ​ധ്യ​സ്ഥ ശ്ര​മ​ങ്ങ​ളെ രൂ​ക്ഷ​മാ​യി വി​മ​ർ​ശി​ച്ച് യു​എ​സ്. മോ​സ്കോ​യ്ക്കും കീ​വി​നും ഇ​ട​യി​ലെ നി​ഷ്പ​ക്ഷ​നാ​യ മ​ധ്യ​സ്ഥ​നാ​കാ​ൻ ചൈ​ന​യ്ക്ക് ക​ഴി​യി​ല്ലെ​ന്ന് വൈ​റ്റ് ഹൗ​സ് വി​മ​ർ​ശി​ച്ചു.

അ​ധി​നി​വേ​ശം അ​വ​സാ​നി​പ്പി​ക്കാ​ൻ ഇ​ട​നി​ല​ക്കാ​ര​നാ​കാ​നു​ള്ള ചൈ​ന​യു​ടെ നീ​ക്ക​ങ്ങ​ൾ​ക്ക് എ​തി​രാ​യ യു​എ​സി​ന്‍റെ നേ​രി​ട്ടു​ള്ള വി​മ​ർ​ശ​ന​മാ​ണി​ത്. ചൈ​ന​യെ ഒ​രു ത​ര​ത്തി​ലും നി​ഷ്പ​ക്ഷ​നാ​യി കാ​ണാ​ൻ ക​ഴി​യു​മെ​ന്ന് ക​രു​തു​ന്നി​ല്ലെ​ന്ന് വൈ​റ്റ് ഹൗ​സ് ദേ​ശീ​യ സു​ര​ക്ഷാ കൗ​ൺ​സി​ൽ വ​ക്താ​വ് ജോ​ൺ കി​ർ​ബി പ​റ​ഞ്ഞു.

റ​ഷ്യ​യു​ടെ യു​ക്രെ​യ്ൻ അ​ധി​നി​വേ​ശ​ത്തെ ചൈ​ന ഒ​രി​ക്ക​ലും ത​ള്ളി​പ്പ​റ​ഞ്ഞി​ട്ടി​ല്ല. റ​ഷ്യ​യു​മാ​യി നി​ല​വി​ലു​ള്ള സൈ​നി​ക-​വ്യാ​പാ​ര സ​ഹ​ക​ര​ണം ചൈ​ന തു​ട​ർ​ന്നു​വ​രു​ന്നു. മോ​സ്കോ​യി​ലെ ഊ​ർ​ജ വ്യ​വ​സാ​യ​ങ്ങ​ൾ​ക്ക് പ​ടി​ഞ്ഞാ​റ​ൻ രാ​ജ്യ​ങ്ങ​ൾ ഉ​പ​രോ​ധം ഏ​ർ​പ്പെ​ടു​ത്തി​യ​പ്പോ​ഴും റ​ഷ്യ​യു​ടെ എ​ണ്ണ വാ​ങ്ങു​ന്ന​ത് ചൈ​ന തു​ട​ർ​ന്നു​വെ​ന്നും കി​ർ​ബി ചൂ​ണ്ടി​ക്കാ​ട്ടി.

റ​ഷ്യ​ൻ സ​ന്ദ​ർ​ശ​നം ന​ട​ത്തു​ന്ന ചൈ​ന പ്ര​സി​ഡ​ന്‍റ് ഷി ​ചി​ൻ​പിം​ഗും റ​ഷ്യ​ൻ പ്ര​സി​ഡ​ന്‍റ് പു​ടി​നും യു​ക്രെ​യ്ൻ അ​ധി​നി​വേ​ശ​ത്തെ സം​ബ​ന്ധി​ച്ച് ച​ർ​ച്ച ന​ട​ത്തി​യ​തി​ന് പി​ന്നാ​ലെ​യാ​ണ് യു​എ​സി​ന്‍റെ വി​മ​ർ​ശ​നം. യു​ക്രെ​യ്നി​ലെ യു​ദ്ധം അ​വ​രു​ടെ അ​ജ​ണ്ട​യി​ൽ ഉ​യ​ർ​ന്ന​താ​ണെ​ന്നും വൈ​റ്റ് ഹൗ​സ് ആ​രോ​പി​ച്ചു.

യു​ക്രെ​യ്ൻ യു​ദ്ധ​ത്തി​നു​ശേ​ഷ​മു​ള്ള റ​ഷ്യ-​ചൈ​ന വ്യാ​പ​ര​ബ​ന്ധ​ത്തെ​ക്കു​റി​ച്ച് പു​ടി​നും ഷി​യും ക​ഴി​ഞ്ഞ ദി​വ​സം ച​ർ​ച്ച ചെ​യ്തി​രു​ന്നു. റ​ഷ്യ​യു​മാ​യി എ​ല്ലാ​മേ​ഖ​ല​ക​ളി​ലു​ള്ള ന​യ​ത​ന്ത്ര ബ​ന്ധം ശ​ക്തി​പ്പെ​ടു​ത്തു​ക​യാ​ണു ല​ക്ഷ്യ​മെ​ന്നു ഷീ ​ചി​ൻ​പിം​ഗ് ച​ർ​ച്ച​യ്ക്കു​ശേ​ഷം വെ​ളി​പ്പെ​ടു​ത്തി.

യു​ക്രെ​യ്ൻ പ്ര​തി​സ​ന്ധി മ​റി​ക​ട​ക്കാ​നു​ള്ള ചൈ​നീ​സ് നി​ർ​ദേ​ശ​ത്തെ​ക്കു​റി​ച്ചും ഇ​രു നേ​താ​ക്ക​ളും ച​ർ​ച്ച ന​ട​ത്തി.
..............................................................