കൊ​ച്ചി: കേ​സി​ല്‍ നി​ന്ന് പി​ന്മാ​റാ​മെ​ന്ന് പ​റ​ഞ്ഞ് അ​ഞ്ച് ല​ക്ഷം രൂ​പ വാ​ങ്ങി വ​ഞ്ചി​ച്ചെ​ന്ന കേ​സി​ലെ അ​ന്വേ​ഷ​ണ​ത്തി​ല്‍ ഇ​ട​പെ​ടാ​ന്‍ ഉ​ദ്ദേ​ശി​ക്കു​ന്നി​ല്ലെ​ന്ന് അ​ഡ്വ. സൈ​ബി ജോ​സി​നോ​ട് ഹൈ​ക്കോ​ട​തി. അ​ന്വേ​ഷ​ണ​ത്തെ എ​ന്തി​ന് ഭ​യ​പ്പെ​ടു​ന്നെ​ന്ന് കോ​ട​തി ചോ​ദി​ച്ചു.

വ​ഞ്ച​നാ​ക്കേ​സി​ലെ അ​ന്വേ​ഷ​ണം ത​ട​യ​ണ​മെ​ന്നാ​വ​ശ്യ​പ്പെ​ട്ട് സൈ​ബി ന​ല്‍​കി​യ ഹ​ര്‍​ജി​യാ​ണ് കോ​ട​തി പ​രി​ഗ​ണി​ച്ച​ത്. അ​റ​സ്റ്റ് ഭ​യ​പ്പെ​ടു​ന്നെ​ങ്കി​ല്‍ അ​തി​നെ നേ​രി​ടാ​ന്‍ നി​യ​മ​ത്തി​ന്‍റെ വ​ഴി​യി​ലൂ​ടെ ശ്ര​മി​ക്ക​ണ​മെ​ന്ന് കോ​ട​തി പ​റ​ഞ്ഞു. ഹ​ര്‍​ജി ഈ ​മാ​സം 21ന് ​വീ​ണ്ടും പ​രി​ഗ​ണി​ക്കും.

ചേ​രാ​ന​ല്ലൂ​ര്‍ പോ​ലീ​സാ​ണ് സൈ​ബി ജോ​സി​നെ​തി​രെ വ​ഞ്ച​നാ​ക്കു​റ്റ​ത്തി​ന് കേ​സ് ര​ജി​സ്റ്റ​ര്‍ ചെ​യ്ത​ത്. ഒ​രു കേ​സി​ല്‍ നി​ന്ന് പി​ന്മാ​റാ​മെ​ന്ന് പ​റ​ഞ്ഞ് അ​ഞ്ച് ല​ക്ഷം രൂ​പ കൈ​ക്കൂ​ലി വാ​ങ്ങി​യെ​ന്നാ​ണ് കേ​സ്. കു​ടും​ബ​പ്ര​ശ്‌​ന​വു​മാ​യി ബ​ന്ധ​പ്പെ​ട്ട് ദ​മ്പ​തി​ക​ള്‍ ത​മ്മി​ലു​ള്ള കേ​സി​ല്‍ ഭാ​ര്യ​യു​ടെ അ​ഭി​ഭാ​ഷ​ക​നാ​യി​രു​ന്നു സൈ​ബി.

കേ​സി​ല്‍ നി​ന്ന് പി​ന്മാ​റാ​മെ​ന്ന് വാ​ഗ്ദാ​നം ചെ​യ്ത് ഭ​ര്‍​ത്താ​വി​ല്‍​നി​ന്ന് പ​ണം വാ​ങ്ങി​യെ​ന്നാ​ണ് പ​രാ​തി. കേ​സു​മാ​യി മു​ന്നോ​ട്ട് പോ​യാ​ലു​ണ്ടാ​കു​ന്ന ന​ട​പ​ടി​ക​ള്‍ പ​റ​ഞ്ഞ് ഇ​യാ​ളെ ഭീ​ഷ​ണി​പ്പെ​ടു​ത്തി​യെ​ന്നും ആ​രോ​പ​ണ​മു​ണ്ട്.

പ​ണം വാ​ങ്ങി​യ ശേ​ഷം ആ​ലു​വ കോ​ട​തി​യി​ലെ കേ​സ് പി​ന്‍​വ​ലി​ച്ചെ​ങ്കി​ലും കു​ടും​ബ കോ​ട​തി​യി​ലെ കേ​സ് പി​ന്‍​വ​ലി​ച്ചി​ല്ല. ഇ​തോ​ടെ​യാ​ണ് ഇ​യാ​ള്‍ പോ​ലീ​സി​ല്‍ പ​രാ​തി ന​ല്‍​കി​യ​ത്.