ബം​ഗ​ളൂ​രു: ഇ​ന്ത്യ​ക്കാ​ര​നെ ര​ഹ​സ്യ​മാ​യി വി​വാ​ഹം ചെ​യ്ത് ബം​ഗ​ളൂ​രു​വി​ൽ ക​ഴി​ഞ്ഞു​വ​ന്നി​രു​ന്ന പാ​ക് യു​വ​തി​യെ നാ​ടു ക​ട​ത്തി.

ക​ഴി​ഞ്ഞ മാ​സം പി​ടി​യി​ലാ​യ പാ​ക്കി​സ്ഥാ​നി​ലെ ഹൈ​ദ​രാ​ബാ​ദ് സ്വ​ദേ​ശി​നി ഇ​ഖ്ര ജി​വാ​നി (19)യെ​യാ​ണ് പ​ഞ്ചാ​ബി​ലെ വാ​ഗാ അ​തി​ർ​ത്തി​വ​ഴി പാ​ക്കി​സ്ഥാ​നി​ലേ​ക്ക് വി​ട്ട​ത്. ജി​വാ​നി​യെ സ്വ​ക​രി​ക്കാ​ൻ ലോ​ക്ക​ൽ പോ​ലീ​സും ഇ​വ​രു​ടെ മാ​താ​പി​താ​ക്ക​ളും പാ​ക് അ​തി​ർ​ത്തി​യി​ൽ എ​ത്തി​യി​രു​ന്നു.

കോ​വി​ഡ് ലോ​ക്‌​ഡൗ​ൺ കാ​ല​ത്താ​ണ് ഓ​ൺ​ലൈ​ൻ ഗെ​യിം ആ​പ്പി​ലൂ​ടെ ഉ​ത്ത​ർ​പ്ര​ദേ​ശ് സ്വ​ദേ​ശി മു​ലാ​യം​സിം​ഗ് യാ​ദ​വി​നെ(30) ജി​വാ​നി പ​രി​ച​യ​പ്പെ​ട്ട​ത്. മൂ​ന്നു വ​ർ​ഷ​ത്തെ പ്ര​ണ​യ​ത്തി​നൊ​ടു​വി​ൽ ഇ​രു​വ​രും വി​വാ​ഹി​ത​രാ​കു​വാ​ൻ തീ​രു​മാ​നി​ച്ചു.

ഇ​തി​നാ​യി യു​വ​തി ദു​ബാ​യ് വ​ഴി നേ​പ്പാ​ൾ ത​ല​സ്ഥാ​ന​മാ​യ കാ​ഠ്മ​ണ്ഡു​വി​ലെ​ത്തി. ബം​ഗ​ളൂ​രു​വി​ൽ നി​ന്ന് കാ​ഠ്മ​ണ്ഡു​വി​ലെ​ത്തി​യ യാ​ദ​വ്, ന​ഗ​ര​ത്തി​ലെ ഒ​രു ക്ഷേ​ത്ര​ത്തി​ൽ വ​ച്ച് ജി​വാ​നി​യെ വി​വാ​ഹം ചെ​യ്തു.

തു​ട​ർ​ന്ന് ബി​ഹാ​റി​ലെ നേ​പ്പാ​ൾ അ​തി​ർ​ത്തി​യാ​യ ബി​ർ​ഗു​ഞ്ജി​ലൂ​ടെ അ​തി​ർ​ത്തി​ര​ക്ഷാ​സേ​ന​യെ വെ​ട്ടി​ച്ച് ഇ​രു​വ​രും ഇ​ന്ത്യ​യി​ലേ​ക്ക് ക​ട​ക്കു​ക​യും ബം​ഗ​ളൂ​രു​വി​ൽ താ​മ​സ​മാ​രം​ഭി​ക്കു​ക​യു​മാ​യി​രു​ന്നു. ര​വ യാ​ദ​വ് എ​ന്ന വ്യാ​ജ പേ​രി​ൽ ജി​വാ​നി​ക്ക് ആ​ധാ​ർ​കാ​ർ​ഡ് ത​ര​പ്പെ​ടു​ത്തി​യ യാ​ദ​വ് ഇ​തേ പേ​രി​ൽ പാ​സ്പോ​ർ​ട്ടി​നാ​യി അ​പേ​ക്ഷ​യും ന​ൽ​കി​യി​രു​ന്നു.

ത​ന്നെ നാ​ട്ടി​ലേ​ക്ക് വി​ട​രു​തെ​ന്നും യാദവിനൊപ്പം ജീ​വി​ക്കാ​ൻ അ​നു​വ​ദി​ക്ക​ണ​മെ​ന്നും ജിവാനി അ​ന്വേ​ഷ​ണ ഉ​ദ്യോ​ഗ​സ്ഥ​രോ​ട് ആ​വ​ശ്യ​പ്പെ​ട്ടെ​ങ്കി​ലും കാ​ര്യ​മു​ണ്ടാ​യി​ല്ല. വി​വി​ധ കു​റ്റ​ങ്ങ​ൾ ചു​മ​ത്തി അ​ന്വേ​ഷ​ണം നേ​രി​ടു​ന്ന യാ​ദ​വ് ജ​യി​ലി​ൽ ക​ഴി​യു​ക​യാ​ണ്.