ഭു​വ​നേ​ശ്വ​ര്‍: ഒ​ഡീ​ഷ​യി​ലെ ബാ​ല​സോ​റി​ലെ ട്രെ​യി​ന്‍ ദു​ര​ന്ത​ത്തി​ല്‍ കൊ​ല്ല​പ്പെ​ട്ട യാ​ത്ര​ക്കാ​രു​ടെ മൃ​ത​ദേ​ഹ​ങ്ങ​ള്‍ താ​ല്‍​ക്കാ​ലി​ക​മാ​യി സൂ​ക്ഷി​ച്ച സ്‌​കൂ​ള്‍ പൊ​ളി​ച്ചു. ബാ​ല​സോ​റി​ലെ സ​ര്‍​ക്കാ​ര്‍ ന​ട​ത്തു​ന്ന ബ​ഹ​നാ​ഗ ഹൈ​സ്‌​കൂ​ളാ​ണ് പൊ​ളി​ച്ച​ത്.

മോ​ര്‍​ച്ച​റി​യാ​യി മാ​റ്റി​യ കെ​ട്ടി​ട​ത്തി​ലെ ക്ലാ​സു​ക​ളി​ല്‍ ഇ​രി​ക്കാ​ന്‍ ഭ​യ​മൂ​ലം കു​ട്ടി​ക​ള്‍ ത​യാ​റാ​യി​രു​ന്നി​ല്ല. സ്‌​കൂ​ളി​ല്‍ മൃ​ത​ദേ​ഹ​ങ്ങ​ള്‍ സൂ​ക്ഷി​ച്ച​തി​നാ​ല്‍ അ​വി​ടേ​ക്കെ​ത്തി​ല്ലെ​ന്ന് നി​ര​വ​ധി വി​ദ്യാ​ര്‍​ഥി​ക​ളും അ​ധ്യാ​പ​ക​രും അ​ധി​കൃ​ത​രെ അ​റി​യി​ച്ചിരുന്നു.

അ​പ​ക​ട​സ്ഥ​ല​ത്തി​ന്‍റെ 500 മീ​റ്റ​ര്‍ അ​ക​ലെ​യാ​ണ് ഈ സ്‌​കൂ​ള്‍ സ്ഥി​തി ചെ​യ്യു​ന്ന​ത്. 65 വ​ര്‍​ഷം പ​ഴ​ക്ക​മു​ള്ള ​സ്‌​കൂ​ള്‍ കെ​ട്ടി​ട​ത്തി​ലേ​ക്കാ​ണ് അ​പ​ക​ട​ത്തി​ന് തൊ​ട്ടു​പി​ന്നാ​ലെ മൃ​ത​ദേ​ഹ​ങ്ങ​ള്‍ എ​ത്തി​ച്ച​ത്.

സ്‌​കൂ​ളി​ലെ ആ​റ് ക്ലാ​സ് മു​റി​ക​ളി​ലും ഹാ​ളി​ലു​മായാ​ണ് 250ല്‍​പ​രം മൃ​ത​ദേ​ഹ​ങ്ങ​ള്‍ കി​ട​ത്തി​യ​ത്. മൃ​ത​ദേ​ഹ​ങ്ങ​ള്‍ ആ​ശു​പ​ത്രി​യി​ലേ​ക്ക് മാ​റ്റി​യ ശേ​ഷം കെ​ട്ടി​ടം മു​ഴു​വ​ന്‍ അ​ണു​വി​മു​ക്ത​മാ​ക്കു​ക​യും ചെ​യ്തു.

എ​ന്നാ​ല്‍ പ്രേ​ത​ബാ​ധ​യ​ട​ക്കം ഭ​യ​ന്നാ​ണ് പ​ല​രും സ്‌​കൂ​ളി​ലേ​ക്ക് എ​ത്താ​ത്ത​ത്. ഇ​വി​ടേ​ക്ക് കു​ട്ടി​ക​ളെ വി​ടാ​ന്‍ മാ​താ​പി​താ​ക്ക​ളും ത​യാ​റാ​കാ​ഞ്ഞ​തോ​ടെ പ​ഴ​ക്കം ചെ​ന്ന കെ​ട്ടി​ടം പൊ​ളി​ച്ചു​ക​ള​യ​ണ​മെ​ന്ന് സം​സ്ഥാ​ന സ​ര്‍​ക്കാ​രി​നോ​ട് സ്‌​കൂ​ള്‍ മാ​നേ​ജ്‌​മെ​ന്‍റ് അ​ഭ്യ​ര്‍​ഥി​ക്കു​ക​യാ​യി​രു​ന്നു.

സ്കൂ​ളി​ലെ​ത്താ​ൻ വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും പ്ര​ചോ​ദി​പ്പി​ക്കു​ന്ന​തി​നാ​യി ബു​ധ​നാ​ഴ്ച ബാ​ല​സോ​ർ ജി​ല്ലാ വി​ദ്യാ​ഭ്യാ​സ ഓ​ഫീ​സ​ർ ബി​ഷ്ണു ച​ര​ൺ സു​താ​ർ സ്കൂ​ൾ മാ​നേ​ജ്മെ​ന്‍റ് ക​മ്മി​റ്റി​യു​ടേ​യും പൂ​ർ​വ വി​ദ്യാ​ർ​ഥി​ക​ളു​ടേ​യും യോ​ഗം ന​ട​ത്തി​യി​രു​ന്നു.

വ്യാ​ഴാ​ഴ്ച ബാല​സോ​ർ ക​ള​ക്ട​റും സ്കൂ​ൾ സ​ന്ദ​ർ​ശി​ച്ചു. ഈ മാസം 16നാണ് വേനലവധിക്ക് ശേഷം സ്‌കൂള്‍ തുറക്കുക.

ഈ മാസം രണ്ടിനാണ് ഒ​ഡീ​ഷ​യി​ൽ ട്രെ​യി​ന്‍ അപകടമുണ്ടായത്. ദു​ര​ന്ത​ത്തി​ല്‍ 288 പേ​ര്‍ മ​രി​ച്ചി​രു​ന്നു. 1,100 ൽ അധി​കം പേ​ര്‍​ക്ക് പ​രി​ക്കേ​ല്‍​ക്കു​ക​യും ചെ​യ്തു.

ബാ​ല​സോ​ര്‍ ജി​ല്ല​യി​ലെ ബ​ഹാ​നാ​ഗ ബ​സാ​ര്‍ സ്റ്റേ​ഷ​നി​ല്‍ ബം​ഗ​ളൂ​രു-​ഹൗ​റ സൂ​പ്പ​ര്‍​ഫാ​സ്റ്റ് എ​ക്സ്പ്ര​സും ഷാ​ലി​മ​ര്‍-​ചെ​ന്നൈ സെ​ന്‍​ട്ര​ല്‍ കോ​റോ​മാ​ണ്ട​ല്‍ എ​ക്സ്പ്ര​സും ച​ര​ക്ക് തീ​വ​ണ്ടി​യു​മാ​യിരുന്നു അ​പ​ക​ട​ത്തി​ല്‍​പ്പെ​ട്ട​ത്.