ജാര്ഖണ്ഡ് ഉപതെരഞ്ഞെടുപ്പ്: കല്പ്പന സോറൻ മത്സരിക്കും
Thursday, April 25, 2024 7:52 PM IST
റാഞ്ചി: ജാർഖണ്ഡിലെ ഗാണ്ടേയ് നിയമസഭാ മണ്ഡലത്തിലെ ഉപതെരഞ്ഞടുപ്പില് മുൻമുഖ്യമന്ത്രി ഹേമന്ത് സോറന്റെ ഭാര്യ കല്പ്പന സോറൻ മത്സരിക്കും.
മേയ് 20 ന് നടക്കുന്ന ഉപതെരഞ്ഞെടുപ്പിൽ കല്പ്പന മത്സരിക്കുമെന്ന് ജെഎംഎം നേതൃത്വം അറിയിച്ചു. ജെഎംഎം എംഎല്എ സർഫറാസ് അഹമ്മദ് രാജി വച്ച സാഹചര്യത്തിലാണ് മണ്ഡലത്തില് ഉപതെരഞ്ഞെടുപ്പ് നടക്കുക.
അഴിമതി കേസില് അറസ്റ്റിലായ ഹേമന്ത് സോറൻ ജയിലില് കഴിയുന്നതിനിടെയാണ് മത്സരിക്കാൻ കല്പ്പന സോറന് രംഗത്തിറങ്ങുന്നത്.