മുംബൈ: ഇന്ത്യൻ പുരുഷ ക്രിക്കറ്റ് താരങ്ങളുടെ വാർഷിക കരാർ പ്രഖ്യാപിച്ചു. മലയാളി താരം സഞ്ജു സാംസൺ ബിസിസിഐയുടെ കരാറിൽ ഇടംപിടിച്ചു. പുതുക്കിയ കരാറിൽ സി ഗ്രേഡിലാണ് സഞ്ജുവിനെ ഉൾപ്പെടുത്തിയിരിക്കുന്നത്. ഒരു കോടി രൂപയാണ് ഈ കരാറിൽ ഉൾപ്പെട്ട താരങ്ങൾക്ക് ലഭിക്കുക.
ഏറ്റവും ഉയർന്ന ഗ്രേഡായ എ പ്ലസ് വിഭാഗത്തിൽ രോഹിത് ശർമ്മ, വിരാട് കോഹ്‌ലി, ജസ്പ്രീത് ബുംറ, രവീന്ദ്ര ജഡേജ എന്നിവർക്ക് സ്ഥാനം ലഭിച്ചു. ഏഴു കോടി രൂപയാണ് എ പ്ലസ് ഗ്രേഡിലുള്ളവരുടെ വാർഷിക പ്രതിഫലം.
മറ്റു ഗ്രേഡുകളിലുള്ള താരങ്ങളുടെ വാർഷിക പ്രതിഫലം ഇങ്ങനെ:
എ ഗ്രേഡ് (അഞ്ച് കോടി) : ഹാർദിക് പാണ്ഡ്യ, രവിചന്ദ്രൻ അശ്വിൻ, മുഹമ്മദ് ഷമി, ഋഷഭ് പന്ത്, അക്സർ പട്ടേൽ.
ബി ഗ്രേഡ് (മൂന്നു കോടി): ചേതേശ്വർ പൂജാര, കെ.എൽ. രാഹുൽ, ശ്രേയസ് അയ്യർ, മുഹമ്മദ് സിറാജ്, സൂര്യകുമാർ യാദവ്, ശുഭ്മാൻ ഗിൽ.
സി ഗ്രേഡ് (ഒരു കോടി): ഉമേഷ് യാദവ്, ശിഖർ ധവാൻ, ശാർദുൽ താക്കൂർ, ഇഷാൻ കിഷൻ, ദീപക് ഹൂഡ, യുസ്വേന്ദ്ര ചാഹൽ, കുൽദീപ് യാദവ്, സഞ്ജു സാംസൺ, വാഷിംഗ്ടൺ സുന്ദർ, അർഷ്ദീപ് സിംഗ്, കെ.എസ്. ഭരത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.