മാ​ലി​ന്യം ത​ള്ളി​യ​ത് കാമറയ്ക്കു മു​ന്നി​ൽ; ചലിക്കാത്ത കാമറപോലെ അധികൃതരും
Sunday, May 5, 2024 10:58 PM IST
പൂച്ചാ​ക്ക​ൽ: നി​രീ​ക്ഷ​ണ കാ​മ​റ​യു​ടെ മു​ന്നി​ൽത​ന്നെ മാ​ലി​ന്യം ത​ള്ളി​യത് കാ​മ​റ​പോ​ലെ ക​ണ്ടി​ട്ടും ച​ലി​ക്കാ​തിരിക്കു​ക​യാ​ണ് അ​ധി​കൃ​ത​രെ​ന്ന് ആ​ക്ഷേ​പം. എ​ന്തു ചെ​യ്യ​ണ​മെ​ന്ന​റി​യാ​തെ മൂ​ക്കു​പൊ​ത്തി നാ​ട്ടു​കാരും.

ചേ​ർ​ത്ത​ല- അ​രൂ​ക്കു​റ്റി റോ​ഡി​ൽ മാ​ക്കേ​ക്ക​വ​ല ശു​ദ്ധ​ജ​ല വി​ത​ര​ണ കേ​ന്ദ്ര​ത്തി​നു സ​മീ​പ​മാ​ണ് ക​ഴി​ഞ്ഞ ദി​വ​സം മാ​ലി​ന്യം ത​ള്ളി​യ​ത്. സ​മീ​പ​ത്തെ ക​ട​യോ​ടു ചേ​ർ​ന്നു​ള്ള സ്ഥ​ല​ത്ത് ഉ​പ​യോ​ഗ​ശൂ​ന്യ​മാ​യ ക​രി​ക്കി​ൻതൊ​ണ്ടും ഹോ​ട്ട​ൽ മാ​ലി​ന്യ​വു​മാ​ണ് ത​ള്ളി​യി​രി​ക്കു​ന്ന​ത്. അ​ന്നുത​ന്നെ മാ​ക്കേ​ക്ക​വ​ല​യ്ക്കടുത്തുള്ള ഗ്യാ​സ് വി​ത​ര​ണ കേ​ന്ദ്ര​ത്തി​നു സ​മീ​പം ക​ക്കൂ​സ് മാ​ലി​ന്യവും ത​ള്ളി​.

​പ്ര​ദേ​ശ​ത്ത് വ​ർ​ഷ​ങ്ങ​ളാ​യി മാ​ലി​ന്യം ത​ള്ളു​ന്ന​ത് പ​തി​വാ​യി​രു​ന്നു. ഇ​തേ​ത്തു​ട​ർ​ന്ന് ഇ​വി​ടെ പ​ഞ്ചാ​യ​ത്ത് സ്വ​കാ​ര്യ വ്യക്തി​യു​ടെ സ​ഹ​ക​ര​ണ​ത്തോ​ടെ കാ​മ​റ സ്ഥാ​പി​ച്ചു. അ​താ​വ​ട്ടെ സ്ഥാ​പി​ച്ച അ​ന്നു മു​ത​ൽ ഇ​ന്നു​വ​രെ പ്ര​വ​ർ​ത്തി​ക്കു​ന്നു​മി​ല്ല. ഇ​ത് അ​റി​യാ​വു​ന്ന ആ​ൾ​ക്കാ​രാ​ണ് ഇ​വി​ടെ മാ​ലി​ന്യം ത​ള്ളു​ന്ന​തെ​ന്നു നാട്ടുകാ ർ പറയുന്നു.

ഗു​രു​ത​ര​മാ​യ ആരോഗ്യപ്ര​ശ്ന​ങ്ങ​ൾ ഉ​ണ്ടാ​കാ​ൻ സാ​ധ്യ​ത​യു​ണ്ടാ​യി​ട്ടും യാ​തൊ​രു ന​ട​പ​ടി​യും ഇ​തു​വ​രെ അ​ധി​കൃ​ത​ർ സ്വീ​ക​രി​ച്ചി​ട്ടി​ല്ലെ​ന്ന് നാ​ട്ടു​കാ​ർ പ​റ​യു​ന്നു. കാ​മ​റ പ്ര​വ​ർ​ത്തി​പ്പി​ക്കാ​ത്ത​തി​നാ​ൽ രാ​ത്രികാലത്ത് മാ​ലി​ന്യം ത​ള്ളു​ന്നവരെ പി​ടി​കൂ​ടാ​ൻ സ്ക്വാഡ് രൂ​പീ ക​രി​ക്കാ​നു​ള്ള ഒ​രു​ക്ക​ത്തി​ലാ​ന്ന് നാ​ട്ടു​കാ​ർ.

Copyright @ 2022 , Rashtra Deepika Ltd.