കൊ​പ്രാ​പ്പു​ര​യ്ക്ക് തീ​പി​ടി​ച്ചു: ല​ക്ഷ​ങ്ങ​ളു​ടെ ന​ഷ്ടം
Sunday, April 21, 2024 5:12 AM IST
ഹ​രി​പ്പാ​ട്: കൊ​പ്രാ​പ്പു​ര​യ്ക്ക് തീ​പി​ടി​ച്ച് ല​ക്ഷ​ങ്ങ​ളു​ടെ ന​ഷ്ടം. മു​തു​കു​ളം വ​ട​ക്ക് ചേ​പ്പാ​ട് ക​ന്നി​മേ​ൽ ചെ​മ്പ്രാ​ളി​ൽ ശി​വ​ൻ ചെ​ട്ടി​യാ​രു​ടെ കൊ​പ്രാ​പ്പു​ര​യ്ക്കാണ് തീ​പി​ടി​ച്ച് ല​ക്ഷ​ങ്ങ​ളു​ടെ ന​ഷ്ട​മു​ണ്ടാ​യത്. ഇ​ന്ന​ലെ രാ​വി​ലെ 5.30നാ​ണ് സം​ഭ​വം.

പുലർച്ചെ നാലിന് ​ചേ​രി​ലെ നാ​ളീ​കേ​ര​ത്തി​നു പു​ക​യി​ട്ട​തി​നുശേ​ഷം ശി​വ​ൻ ചെ​ട്ടി​യാ​ർ കു​ടും​ബ​ക്ഷേ​ത്ര​മാ​യ മു​തു​കു​ളം മാ​രി​യ​മ്മ​ൻ കോ​വി​ലി​ൽ പോ​യി​രു​ന്നു.

5.30ന് ​ചേ​രി​നു തീ​പി​ടി​ച്ച​ത് ഭാ​ര്യ രാ​ധാ​മ​ണി ക​ണ്ട​തി​നെത്തുട​ർ​ന്ന് നാ​ട്ടു​കാ​രെ വി​വ​രം അ​റി​യി​ച്ചു. നാ​ട്ടു​കാ​ർ ഫ​യ​ർ​ഫോ​ഴ്സി​ൽ വി​വ​രം അ​റി​യി​ച്ച​തി​നെത്തുട​ർ​ന്ന് അ​വ​രെ​ത്തി തീ​യ​ണ​ച്ചു.

കൊ​പ്രാ​ചേ​രും 4200 നാ​ളീ​കേ​ര​വും പൂ​ർ​ണ​മാ​യും ക​ത്തി​ന​ശി​ച്ചു. ഒ​ന്ന​രല​ക്ഷം രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. കാ​റ്റ​ടി​ച്ച് തീ ​ആ​ളി​പ്പ​ട​ർ​ന്ന​താ​ണെ​ന്ന് സം​ശ​യി​ക്കു​ന്നു. ക​ഴി​ഞ്ഞ 40 വ​ർ​ഷ​മാ​യി കൊ​പ്രാ വ്യ​വ​സാ​യ​വും വെ​ളി​ച്ചെ​ണ്ണ വ്യാ​പാ​ര​വും ന​ട​ത്തിവ​രി​ക​യാ​യി​രു​ന്നു ശി​വ​ൻ ചെ​ട്ടി​യാ​ർ.

Copyright @ 2022 , Rashtra Deepika Ltd.