ADVERTISEMENT

ADVERTISEMENT

ഭക്ഷണത്തിൽ പച്ചക്കറി വിഭവങ്ങൾ

? 12 വയസുള്ള മകൻ ഭക്ഷണത്തിൽ പച്ചക്കറി വിഭവങ്ങൾ കഴിക്കാറെയില്ല. എപ്പോഴും ചിക്കൻ മാത്രമാണ് കഴിക്കുന്നത്. ഭക്ഷണത്തിൽ സസ്യവിഭവങ്ങൾ ഉൾപ്പെടുത്തിയില്ലെങ്കിൽ ആരോഗ്യപ്രശ്നങ്ങൾ ഉണ്ടാകുമോ. വിശദീകരിക്കാമോ
ജിഷ, എറണാകുളം

പച്ചക്കറികൾ ഏതു കുഞ്ഞിന്റെയും ഭക്ഷണത്തിലെ ഒരു മുഖ്യഘടകമായിരിക്കണം. വിറ്റാമിനുകൾ നാരുകൾ തുടങ്ങിയവയുടെ ഏറ്റവും നല്ല സ്രോതസുകളിലൊന്നാണ് പച്ചക്കറികൾ. സമീകൃതാഹാരത്തിൽ പച്ചക്കറികളും മാംസവും( അല്ലെങ്കിൽ സസ്യാഹാരങ്ങളിൽ നിന്ന് ലഭിക്കുന്ന മികച്ച പ്രോട്ടീൻ) ഒക്കെ കൂടിയേ തീരൂ. കൂടാതെ ധാരാളം ശുദ്ധജലവും.

ADVERTISEMENT

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

ADVERTISEMENT

വെള്ളപ്പാണ്ടിനു പരിഹാരമുണ്ടോ?

ഞാൻ 33 വയസുള്ള ഒരു സർക്കാർ ഉദ്യോഗസ്ഥനാണ്. എന്‍റെ അസുഖം നിമിത്തം ഇതുവരെ വിവാഹം കഴിഞ്ഞിട്ടില്ല. കഴിഞ്ഞ നാലു വർഷമായി വെള്ളപ്പാണ്ടു മൂലം വല്ലാത്ത വിഷമവൃത്തത്തിൽപ്പെട്ടിരിക്കുകയാണു ഞാൻ. പല തരം ചികിത്സാരീതികൾ പരീക്ഷിച്ചുനോക്കി.

ഒന്നിലും ഫലം കണ്ടില്ല. കഴിഞ്ഞ 6 മാസമായി ടക്രോളിമുസ് എന്നൊരു മരുന്നാണ് പുരട്ടുന്നത്. എന്നാൽ അതിനു യാതൊരു വ്യത്യാസവും കാണുന്നില്ല. ഇതുമൂലം ഞാൻ ദുഃഖിതനാണ്. എന്‍റെ വിഷമത്തിന് പരിഹാരമുണ്ടോ ?

രവികുമാർ, കായംകുളം

വെള്ളപ്പാണ്ടു മൂലമുള്ള സഹോദരന്‍റെ വ്യസനത്തിൽ ഞാനും പങ്കു ചേരുന്നു. താങ്കൾ അയച്ച കത്തിൽ പ്രധാനപ്പെട്ട പല വിവരങ്ങളും ഉൾപ്പെടുത്തിയിട്ടില്ല. ശരീരത്തിൽ ഏതു ഭാഗത്താണ് രോഗം ബാധിച്ചിരിക്കുന്നത്, ശരീരം മുഴുവൻ ബാധിച്ചിട്ടുണ്ടോ, പ്രമേഹം, തൈറോയ്ഡ് രോഗങ്ങൾ എന്നിവ അനുഭവിക്കുന്നുണ്ടോ, പാരമ്പര്യമായി ആർക്കെങ്കിലും അസുഖമുണ്ടോ മുതലായ ചോദ്യങ്ങൾക്ക് ഉത്തരം ലഭിക്കേണ്ടതുണ്ട്.

ചർമത്തിന് നിറം നൽകുന്ന മെലാനിൻ എന്ന രാസവസ്തു ഉത്പാദിപ്പിക്കുന്ന മെലാനോസൈറ്റ് കോശങ്ങളെ നമ്മുടെ ശരീരം തന്നെ നശിപ്പിക്കുന്ന ഒരു അസുഖമാണിത്. ഇതിനെ ഓട്ടോ ഇമ്മ്യൂൺ ഡിസീസ് എന്നാണു വിളിക്കുന്നത്.

രോഗം ബാധിച്ച ഭാഗത്തിന്‍റെ സമീപഭാഗങ്ങളിലെ കോശങ്ങളെ ഉത്തേജിപ്പിച്ചുകൊണ്ട് കൂടുതൽ മെലാനിൻ ഉത്പാദിപ്പിക്കുക എന്ന ലക്ഷ്യത്തോടെയുള്ള ചികിത്സയാണ് ഇവിടെ നൽകേണ്ടത്.

താങ്കൾ ഇപ്പോൾ ഉപയോഗിക്കുന്ന ടാക്രോലിമുസ് ഫലപ്രദമല്ലെങ്കിൽ താങ്കൾക്ക് ഗുണം ലഭിക്കാവുന്ന തരത്തിലുള്ള പുതുതലമുറ തന്മാത്രകൾ അടങ്ങിയ ലേപനങ്ങളും ഉള്ളിൽ കഴിക്കാവുന്ന മരുന്നുകളും ലഭ്യമാണ്.

ക്ഷമയോടെ ചികിത്സയ്ക്ക് വിധേയനാവുക എന്നാണ് എനിക്ക് ഈ വിഷയത്തിൽ നിർദേശിക്കാനുള്ളത്.

വിവരങ്ങൾ: ഡോ.‍ ജയേഷ് പി
(MBBS(GMC കോഴിക്കോട്) MD(TDMC ആലപ്പുഴ), ത്വക്ക് രോഗ വിദഗ്ധന്‍,
പാനൂര്‍, കണ്ണൂര്‍ ജില്ല
ഫോൺ: 0490 2316330

പ്രസവശേഷം മുടികൊഴിച്ചിൽ

ഞാൻ 24 വയസുള്ള യുവതിയും മൂന്നു വയസുള്ള കുട്ടിയുടെ അമ്മയുമാണ്. കഴിഞ്ഞ പ്രസവത്തിനു ശേഷം എന്‍റെ തലമുടി വല്ലാതെ കൊഴിയുന്നുണ്ട്. നിരവധി ചർമ രോഗ വിദഗ്ധരെ കണ്ടു. മൂന്നു മാസത്തോളം ഹെയർ സെറം ഉപയോഗിച്ചു.

പല തരം ഗുളികകളും എണ്ണകളും ഉപയോഗിച്ചെങ്കിലും കാര്യമായ വ്യത്യാസം കാണുന്നില്ല. മുടി കൊഴിച്ചിൽ കാരണം ഏതെങ്കിലും ചടങ്ങുകളിൽ പങ്കെടുക്കാനോ സുഹൃത്തുക്കളെയോ ബന്ധുക്കളെയോ അഭിമുഖീകരിക്കുന്നതിനോ വല്ലാത്ത ബുദ്ധിമുട്ട് അനുഭവിക്കുന്നു.

കൂടാതെ ഞാൻ വല്ലാത്ത മാനസിക പിരിമുറുക്കത്തിലുമാണ്. ഉറക്കം തീരെയില്ല. എന്‍റെ പ്രശ്നത്തിന് ഒരു പ്രതിവിധി നിർദേശിക്കാമോ?

പത്മം, കിളിപാടി

പ്രസവശേഷം 40-60 ശതമാനം സ്ത്രീകളെ ബാധിക്കുന്ന ഒരു പ്രശ്നമാണ് റ്റീലൊജൻ എഫ്ഫലുവിയം എന്നത്. ഇത് സാധാരണയായി പ്രസവശേഷം ആറു മാസ കാലഘട്ടത്തിലാണ് കാണപ്പെടാറ്. അപൂർവമായി ചിലരിലെങ്കിലും വർഷങ്ങളോളം നീണ്ടു നിൽക്കാറുണ്ട്. താങ്കളുടെ അവസ്ഥ അത്തരമൊന്നാവാനാണ് സാധ്യത.

ഹെയർ പുൾ ടെസ്റ്റ്‌ ചെയ്തു നോക്കേണ്ടി വരും. കൂടാതെ രക്തത്തിലെ ഫെരിറ്റിൻ,വിറ്റാമിൻ ഡി3, തൈറോയ്ഡ് ഹോർമോൺ, തൈറോയ്ഡ് ആന്‍റിബോഡി, ഫോലേറ്റ് ലെവൽ, വിറ്റാമിൻ B12,ആന്‍റി ന്യൂക്ലിയർ ആന്‍റിബോഡി എന്നിവയുടെ ലെവൽ എന്നിവ പരിശോധിച്ച ശേഷമേ കൃത്യമായുള്ള ചികിത്സ ആരംഭിക്കാൻ കഴിയൂ. ഒരു ചർമ രോഗ വിദഗ്ധനെ കാണുക.

വിവരങ്ങൾ: ഡോ.‍ ജയേഷ് .പി
(MBBS(GMC കോഴിക്കോട്) MD(TDMC ആലപ്പുഴ), ത്വക്ക് രോഗ വിദഗ്ധന്‍,
പാനൂര്‍, കണ്ണൂര്‍ ജില്ല. ഫോൺ: 0490 2316330.

സ്റ്റിറോയിഡ് എന്ന വില്ലന്‍

ഞാന്‍ 35 വയസുള്ള പുരുഷനാണ്. കഴിഞ്ഞ 5 വര്‍ഷമായി വട്ടച്ചൊറി മൂലം ബുദ്ധിമുട്ടുന്നയാളാണ്. ശരീരം നല്ല വൃത്തിയായി സൂക്ഷിക്കുന്ന വ്യക്തിയാണ്. ഈ അസുഖം മൂലം വല്ലാതെ കഷ്ടപ്പെടുകയാണ്. ഉറക്കം പോയിരിക്കുകയാണ്. മുന്‍പ് വല്ലപ്പോഴും മാത്രമേ ചൊറിച്ചിലും തടിപ്പും ഉണ്ടാവാറുള്ളൂ.

എന്നാല്‍, ഇപ്പോള്‍ അത് വിട്ടൊഴിയുന്നേയില്ല. കക്ഷം, പിന്‍ഭാഗം, തുടയിടുക്കുകള്‍ എന്നിവിടങ്ങളിലാണ് ഇത് സ്ഥിരമായി വരുന്നത്. മുന്‍പ് മെഡിക്കല്‍ ഷോപ്പില്‍ നിന്നു കാന്‍ഡിഡ് ബി എന്ന ഓയിൻമെന്‍റ് പുരട്ടിയാല്‍ ഭേദപ്പെടാറുണ്ട്. എന്നാല്‍ ഇപ്പോള്‍ വ്യത്യാസമേ കാണുന്നില്ല. ഇപ്പോള്‍ പലപ്പോഴായി ഡോക്ടറെ കാണിച്ചു ലുലിക്കോണസോള്‍,

ഫ്‌ലൂക്കോണസോള്‍, ടെര്‍ബീനഫിന്‍ എന്നീ മരുന്നുകള്‍ ഉപയോഗിക്കുന്നുണ്ട്. കൂടാതെ എന്നും കെറ്റോ സോപ് ഉപയോഗിച്ചാണു കുളിക്കുന്നത്.

ഡോക്ടറുടെ നിര്‍ദേശം അനുസരിച്ചു ഷുഗര്‍ പരിശോധിച്ചെങ്കിലും നോര്‍മല്‍ ആണ്. എന്‍റെ അസുഖം മാറാന്‍ ഒരുപായം പറഞ്ഞു തരുമോ?

സുരേഷ്, തലശേരി

വൈക്കം മുഹമ്മദ് ബഷീറിനോട് ഒരിക്കല്‍ ഒരു പത്രലേഖകന്‍ ഏറ്റവും സുഖം നല്‍കുന്നതെന്താണെന്നു ചോദിച്ചപ്പോള്‍ ബഷീര്‍ നല്‍കിയ മറുപടി വട്ടച്ചൊറിയില്‍ ചൊറിയുമ്പോള്‍ കിട്ടുന്ന സുഖം എന്നതായിരുന്നു.

ചൊറിയുമ്പോള്‍ നമ്മുടെ ശരീരത്തില്‍ ഉത്പാദിപ്പിക്കുന്ന സെറോട്ടണിന്‍ എന്ന രാസ വസ്തുവാണ് സുഖം പ്രദാനം ചെയ്യുന്നത്. തത്ഫലമായി ചൊറിയുള്ള ആള്‍ വീണ്ടും വീണ്ടും ചൊറിയുള്ള ഭാഗത്തു ചൊറിഞ്ഞുകൊണ്ടേയിരിക്കുന്നു. പൊതു ജനമധ്യത്തിലും ബന്ധു ജനാദികളുടെ ഇടയിലും വച്ചുമുണ്ടാവുന്ന ചൊറിച്ചല്‍ നമ്മളെ അവര്‍ക്കു മുന്നില്‍ അപമാനിതരാക്കും എന്ന കാര്യത്തില്‍ തര്‍ക്കമില്ല.

ഇവിടെ 5 വര്‍ഷമായി വിട്ടുമാറാത്ത വട്ടച്ചൊറി താങ്കളെ അലട്ടുന്നുണ്ടെങ്കില്‍ അതിന്‍റെ കാരണം താങ്കള്‍ ഉപയോഗിച്ച കാന്‍ഡിഡ് ബി എന്ന ലേപനത്തില്‍ ക്ലോട്രിമസോള്‍ എന്ന തന്മാത്രയോടൊപ്പം അടങ്ങിയിരിക്കുന്ന ബെക്ലോമെത്താസോണ്‍ എന്ന സ്റ്റിറോയ്ഡ് ആണ്.

ഇത് പൂപ്പല്‍ ബാധ മൂലമുള്ള ചര്‍മരോഗങ്ങള്‍ക്ക് ഒരിക്കലും ഉപയോഗിക്കാന്‍ പാടില്ലാത്തതാണ്. ഒരിക്കലെങ്കിലും ഉപയോഗിച്ചാല്‍ ആ പൂപ്പല്‍ നമ്മുടെ ചര്‍മത്തില്‍ നിന്ന് ഒരിക്കലും വിട്ടു പോകാത്ത അവസ്ഥ സംജാതമാവുകയും വീണ്ടും ഈ അസുഖം വരികയും ചെയ്യുന്നു.

താങ്കള്‍ ഈ വിഷയത്തില്‍ ആദ്യം ചെയ്യേണ്ടത് സ്റ്റിറോയിഡ് അടങ്ങിയ മരുന്നുകളുടെ ഉപയോഗം നിര്‍ത്തുക എന്നതാണ്. സ്വയം ചികിത്സ നടത്താതെ ഒരു നല്ല ചര്‍മ രോഗ വിദഗ്ധനെ കാണുക.

ഇന്ന് നമ്മുടെ നാട്ടിലെ ആളുകൾ നടത്തുന്ന സ്വയംചികിത്സ കാരണം സാധാരണ പൂപ്പല്‍ രോഗങ്ങള്‍ക്ക് ഉപയോഗിക്കുന്ന മരുന്നുകളായ ക്ലോട്രിമസോള്‍, ഫ്‌ലൂകോനസോള്‍, ടെര്‍ബീനഫിന്‍ എന്നിവയ്ക്കെതിരെയൊക്കെ പൂപ്പൽ പ്രതിരോധശേഷി കൈവരിച്ചതിനാല്‍ ഇവയൊന്നും തന്നെ ഫല പ്രദമാകുന്നില്ല.

വീട്ടിലെ ഇലക്ട്രിക്കല്‍ ജോലിക്ക് ഇലക്്ട്രീഷനെയും പ്ലാസ്റ്ററിംഗ് ജോലിക്ക് ആ ജോലി ചെയ്യുന്ന ആളിനെയും ഏല്‍പ്പിക്കുന്ന പോലെ ചർമരോഗം ചികില്‍സിക്കാന്‍ അതില്‍
വിദ്ഗധനായ ഒരു ഡോക്ടറെ സമീപിക്കുന്നതല്ലേ നല്ലത്.

വിവരങ്ങൾ: ഡോ.‍ ജയേഷ് .പി
(MBBS(GMC കോഴിക്കോട്) MD(TDMC ആലപ്പുഴ), ത്വക്ക് രോഗ വിദഗ്ധന്‍,
പാനൂര്‍, കണ്ണൂര്‍ ജില്ല
ഫോൺ: 0490 2316330

വേരിക്കോസ് വെയ്ന്‍ ഉണങ്ങാത്ത മുറിവുകള്‍ക്കു കാരണമാകുമ്പോള്‍

ഞാന്‍ 53 വയസുള്ള ബിസിനസുകാരനാണ്. കഴിഞ്ഞ 6 വര്‍ഷമായി വേരിക്കോസ് വെയിന്‍ മൂലമുള്ള വ്രണം കൊണ്ട് ബുദ്ധിമുട്ടുകയാണ്. നിരവധി ഡോക്ടര്‍മാരെ കാണിച്ചുവെങ്കിലും ഇതുവരെ അത് ഉണങ്ങിയിട്ടില്ല. കാലില്‍ രക്തയോട്ടം കുറയുന്നതാണ് മുറിവുണങ്ങാന്‍ താമസിക്കുന്നത് എന്നാണ് ഡോക്ടര്‍ പറഞ്ഞത്.

കാലിന്‍റെ ഡോപ്ളർ പരിശോധന നടത്തിയപ്പോള്‍ കാര്യമായ തകരാറു കാണുന്നില്ല എന്നും ഡോക്ടര്‍ പറഞ്ഞു. കാലിന്‍റെ സര്‍ജന്‍, സ്‌കിന്‍ സ്‌പെഷലിസ്‌റ്റ് എന്നിവരെ കാണിച്ചു. പ്രമേഹം, പ്രഷര്‍ എന്നിവയൊന്നും തന്നെയില്ല.

ദുശീലങ്ങളൊന്നും തന്നെയില്ല. അണുബാധയ്ക്കുള്ള മരുന്ന്, പുറമെ പുരട്ടാനുള്ള മരുന്നുകള്‍ എന്നിവയാണ് ഇപ്പോള്‍ ഉപയോഗിക്കുന്നത്. എന്‍റെ അസുഖത്തിന് ശാശ്വത പരിഹാരം ഉണ്ടാകുമോ?

വേണുഗോപാല്‍, മാനന്തവാടി

തീര്‍ച്ചയായും ഗൗരവമേറിയ പ്രശ്നം മൂലം താങ്കള്‍ വിഷമിക്കുകയാണെന്ന കാര്യത്തില്‍ രണ്ടഭിപ്രായമില്ല. താങ്കളുടെ വ്രണം (ത്വക്ക് രോഗ വിദഗ്ധര്‍ ഇതിനെ സ്റ്റേസിസ് അള്‍സര്‍ എന്നാണ് വിളിക്കുന്നത്)രക്തയോട്ടത്തിന് പ്രശ്‌നമില്ലാത്തതു കൊണ്ടും ജീവിതശൈലീ രോഗങ്ങളുടെ അഭാവത്തിലും ചികില്‍സിച്ചു മാറ്റാന്‍ പറ്റും എന്ന് തന്നെയാണ് എനിക്ക് നിരീക്ഷണം. രക്തയോട്ടം കുറവുണ്ടെങ്കില്‍ പോലും അത് വര്‍ധിപ്പിക്കാനുള്ള മരുന്നുകള്‍ ഇന്ന് ലഭ്യമാണ്.

മുറിവുണങ്ങുന്നത് കോളാജന്‍ എന്ന ടിഷ്യൂ അഥവാ കലകള്‍ മുറിവിനു ചുറ്റും കൂടുതലായി ഉല്‍പ്പാദിപ്പിക്കുമ്പോഴാണ്. താങ്കള്‍ അത്തരം മരുന്നുകൾ ഉപയോഗിച്ചിട്ടുണ്ടോ എന്ന കാര്യത്തില്‍ സംശയമുണ്ട്. മുറിവുണങ്ങുന്നതിനു തടസമാകുന്ന തരത്തില്‍ ഫ്രീ റാഡിക്കലുകള്‍ സമീപ കലകളില്‍ ഉല്‍പാദിപ്പിക്കപ്പെടുന്നതും മുറിവുകള്‍ ഉണങ്ങുന്നതിനു തടസമാകും. ഇത് പരിഹരിക്കപ്പെടേണ്ടതുണ്ട്.

മുറിവുണക്കുന്നതിന് സഹായകമായ ആര്‍ജിനിന്‍, ഒമെഗാ ഫാറ്റി അമ്ലങ്ങള്‍ മുതലായ നിരവധി സംഗതികള്‍ ആവശ്യമായി വരും. താങ്കളുടെ കാര്യത്തില്‍ എന്തെല്ലാം സാധ്യതകള്‍ മുന്നിലുണ്ടെന്ന് പരിശോധനയിലൂടെ മാത്രമേ തിരിച്ചറിയാന്‍ കഴിയൂ. താങ്കള്‍ വയനാട് ജില്ലയില്‍ നിന്നുള്ള ആളായതു കൊണ്ട് സിക്കിള്‍ സെല്‍ അനീമിയ ഉണ്ടോ എന്ന് തിരിച്ചറിയാനുള്ള സിക്ലിംഗ് ടെസ്റ്റ് കൂടി ചെയ്യേണ്ടത് അത്യാവശ്യമാണ്.

വേരിക്കോസ് വെയിന്‍ മൂലമുള്ള പ്രശ്‌നങ്ങള്‍ക്ക് മരുന്നുകള്‍ ഉപയോഗിച്ചുള്ള ചികിത്സകള്‍ക്ക് പരിമിതികള്‍ ഉണ്ട്. പ്രാരംഭഘട്ടത്തില്‍ സര്‍ജറി, ലേസര്‍ പോലുള്ള ചികിത്സകളാണ് ഫലപ്രദം. കുറേ കാലം ചികിത്സകള്‍ ഒന്നും ചെയ്യാതിരിക്കുകയാണെങ്കില്‍ അവ ചില സങ്കീർണതകൾ ഉണ്ടാക്കും. അതില്‍ പ്രധാനപ്പെട്ടതാണ് കാലിനെ ബാധിക്കുന്ന എക്‌സിമയും ഉണങ്ങാന്‍ കൂട്ടാക്കാത്ത വ്രണങ്ങളും.

ഇവ രണ്ടും വേരിക്കോസ് വെയിനിനെക്കാളും ഗൗരവത്തില്‍ ചികില്‍സിക്കേണ്ട രണ്ടു രോഗങ്ങളാണ്. വേരിക്കോസ് അഥവാ സ്റ്റേസിസ് വ്രണങ്ങളെ മറ്റേതു വ്രണങ്ങളെ ചികില്‍സിക്കുന്ന രീതിയില്‍ ചികില്‍സിക്കുന്നവരാണ് മിക്ക ഡോക്ടര്‍മാരും എന്നത് ഈ രംഗത്തെ ഒരു വെല്ലുവിളിയാണ്. വ്രണങ്ങള്‍ ദീര്‍ഘകാലം ഉണങ്ങാതിരിക്കാനും അത് ഇടയാക്കുന്നു. ശരിയായ പാതോളജി മനസിലാക്കി വേണം ഇത് ചെയ്യാന്‍.

വിവരങ്ങൾ: ഡോ.‍ ജയേഷ് പി
(MBBS(GMC കോഴിക്കോട്) MD(TDMC ആലപ്പുഴ),
ത്വക്ക് രോഗ വിദഗ്ധന്‍, പാനൂര്‍, കണ്ണൂര്‍ ജില്ല
ഫോൺ: 0490 2316330

പ്രമേഹബാധിതരിൽ സ്ട്രോക്ക് സാധ്യതയുണ്ടോ?

പാന്‍ക്രിയാസ് ഗ്രന്ഥിയിലെ ബി കോശങ്ങളില്‍ ഉല്‍പ്പാദിപ്പിക്കപ്പെടുന്ന ഇന്‍സുലിന്‍ എന്ന ഹോര്‍മോണിന്‍റെ അപര്യാപ്തതയാണ് പ്രമേഹത്തിന്‍റെ മൂലകാരണം. ഇന്‍സുലിന്‍റെ അപര്യാപ്തത രക്തത്തില്‍ ക്രമാതീതമായി ഗ്ലൂക്കോസ് അടിഞ്ഞുകൂടാന്‍ ഇടയാക്കുന്നു. കേരളത്തിലാണ് ഏറ്റവും കൂടുതല്‍ പ്രമേഹരോഗികള്‍ ഉള്ളത്.

ഹൈപ്പോഗ്ലൈസീമിയ

ഡയബറ്റീസ് പ്രധാനമായും രണ്ടു തരം. ഇന്‍സുലിന്‍കൊണ്ടു മാത്രം നിയന്ത്രിക്കാവുന്ന ടൈപ്പ്-1 പ്രമേഹം, മരുന്നുകൊണ്ട് നിയന്ത്രിക്കാവുന്ന ടൈപ്പ് -2 പ്രമേഹം. ടൈപ്പ് - 1 പ്രമേഹം സാധാരണമായി കുട്ടികളിലും ടൈപ്പ്-2 ഡയബറ്റീസ് 35 വയസ്സിന് മുകളില്‍ ഉള്ളവരിലുമാണ് കണ്ടുവരുന്നത്. പ്രമേഹരോഗികളില്‍ വളരെ പെട്ടെന്ന് രക്തത്തിലെ ഗ്ലൂക്കോസ് ലെവല്‍ താഴ്ന്നുപോകുന്നു. ഇതിനെ ഹൈപ്പോഗ്‌ളൈസിമിയ എന്നാണ് പറയുന്നത്.

വൃക്ക തകരാർ എപ്പോൾ?

പ്രമേഹരോഗികളില്‍ ഹൃദയസംബന്ധമായ അസുഖങ്ങള്‍ വളരെ കൂടുതലായി ഉണ്ടാകാം. ചെറുപ്രായത്തില്‍ തന്നെ ഹൃദയാഘാതം ഉണ്ടാകാം. വൃക്കയിലെ മൈക്രോആന്‍ജിയോപ്പതി മൂത്രത്തില്‍ കൂടിയുള്ള ആല്‍ബുമിന്‍ നഷ്ടത്തിനും, രക്തസമ്മര്‍ദ്ദം, കൈകാലുകളില്‍ നീര് എന്നിവയ്ക്കും കാരണമാവുന്നു. കാലക്രമേണ വൃക്കകളുടെ പ്രവര്‍ത്തനം മന്ദീഭവിച്ച് റീനല്‍ ഫെയ്‌ലിയറിന് കാരണമാവുന്നു.

നേരത്തേ തിമിരം

രക്തത്തിലെ ഗ്ലൂക്കോസിന്‍റെ അസന്തുലിതാവസ്ഥ കണ്ണുകളുടെ പ്രവര്‍ത്തനത്തെ ബാധിക്കുന്നു. വളരെ ചെറുപ്പത്തില്‍ തന്നെ തിമിരം ഉണ്ടാകാം. തന്മൂലം കണ്ണിന്‍റെ കാഴ്ചശക്തി നഷ്ടപ്പെടുകയും ചെയ്യുന്നു. നേത്രപടലങ്ങളിലെ രക്തസ്രാവം പെട്ടെന്നു
കൂടുന്നത് അന്ധതയ്ക്ക് കാരണമാകുന്നു.

മസ്തിഷ്കാഘാതം

പ്രമേഹ ബാധിതരില്‍ മസ്തിഷ്‌കത്തിനുണ്ടാകുന്ന ഒരു പ്രധാന രോഗാവസ്ഥയാണ് മസ്തിഷ്‌കാഘാതം അഥവാ സ്‌ട്രോക്ക്. പ്രമേഹം കൂടുന്തോറും സ്‌ട്രോക്കിനുള്ള സാധ്യത വര്‍ധിക്കുന്നു. തലച്ചോറിലേക്കുള്ള രക്തപ്രവാഹത്തില്‍ തടസം വരുന്നതോ രക്തക്കുഴല്‍ പൊട്ടി രക്തസ്രാവം ഉണ്ടാകുന്നതോ ആണ് ഇതിന്‍റെ പ്രധാന കാരണങ്ങള്‍.

രക്തക്കുഴലുകളെ ബാധിക്കുന്പോൾ

പ്രമേഹബാധിതരില്‍ രക്തത്തിലെ ഗ്ലൂക്കോസ് ഉയര്‍ന്നുനില്‍ക്കുമ്പോള്‍ ഇത് രക്തക്കുഴലിനകത്തെ ആവരണമായ എന്‍ഡോതീലിയത്തില്‍ ദോഷകരമായ പല മാറ്റങ്ങളുമുണ്ടാക്കുന്നു. ഇതുമൂലം രക്തക്കുഴലുകള്‍ക്കകത്ത് തടസങ്ങള്‍ ഉണ്ടാക്കുകയും രക്തപ്രവാഹം കുറയുകയും ചെയ്യുന്നു. ഇത് ശരീരത്തിലെ എല്ലാ ഭാഗത്തുമുള്ള രക്തക്കുഴലുകളെ ബാധിക്കുന്ന അവസ്ഥയെ പെരിഫറല്‍ വാസ്‌കുലര്‍ ഡിസീസ് എന്നു പറയുന്നു. പെരിഫറല്‍ വാസ്‌ക്കുലര്‍ ഡിസീസ് മൂലം രക്തപ്രവാഹം കുറയുന്നതാണ് പാദങ്ങളിലെ വ്രണങ്ങള്‍ ഉണങ്ങാതിരിക്കാനും ഗാംഗ്രീന്‍ രോഗത്തിനുമെല്ലാം കാരണം.

ഇതാണു പ്രമേഹകാരണം

രക്തത്തിലെ ഗ്ലൂക്കോസിന്‍റെ അളവ് ക്രമപ്പെടുത്തുന്നത് ഇന്‍സുലിന്‍ ഹോര്‍മോണ്‍ ആണ്. പാന്‍ക്രിയാസ് ഗ്രന്ഥിയിലെ ബീറ്റാ കോശങ്ങളാണ് ഇന്‍സുലിന്‍ ഉത്പാദിപ്പിക്കുന്നത്. പാന്‍ക്രിയാസിലെ ബീറ്റാകോശങ്ങള്‍ക്കുണ്ടാകുന്ന നാശമാണ് പ്രമേഹത്തിനു കാരണമാകുന്നത്.

സാധാരണജീവിതം സാധ്യമോ?

ഒരു പ്രമേഹരോഗിക്ക് ആഹാരത്തിലുള്ള നിയന്ത്രണം, വ്യായാമം, മരുന്ന് തുടങ്ങിയവ കൊണ്ടു പ്രമേഹം ഭംഗിയായി നിയന്ത്രിക്കാനും മിക്കവാറും സാധാരണജീവിതം നയിക്കാനും കഴിയും. ഹോമിയോ മരുന്നിലൂടെയും പ്രമേഹം നിയന്ത്രിച്ചുകൊണ്ടു വരാം. പാന്‍ക്രിയാസ് ഗ്രന്ഥിയിലെ നശിച്ചുകൊണ്ടിരിക്കുന്ന ബീറ്റാകോശങ്ങള്‍ക്ക് ഹോമിയോ മരുന്ന് വളരെ ഫലപ്രദമാണ്. ഉള്ളവ നശിക്കാതിരിക്കുകയും പുതിയവ ഉണ്ടാകാന്‍ സഹായിക്കുകയും ചെയ്യും.

ഡോ.കെ.വി.ഷൈൻ DHMS
ഡോ. ഷൈൻ മൾട്ടി സ്പെഷാലിറ്റി ഹോമിയോപതിക് ക്ലിനിക്, ചക്കരപ്പറന്പ്, കൊച്ചി
ഫോൺ - 9388620409

കൺജങ്റ്റിവൈറ്റിസ്; വേനൽക്കാലത്തെ കണ്ണുരോഗം

വേനൽക്കാലം പലവിധ കണ്ണുരോഗങ്ങളുടെ കാലവും കൂടിയാണ്. വൈറൽ കൺജങ്റ്റിവൈറ്റിസ് എന്ന കണ്ണുരോഗമാണു സാധാരണമായി കാണുന്നത്. നേത്രഗോളത്തിന്‍റെ വെളുത്ത പുറം പാളിയിലും കണ്‍പോളയുടെ അകം പാളിയിലുമുള്ള സ്തരത്തിന്‍റെ പേരാണു കൺജങ്റ്റൈവ. അതിനുണ്ടാകുന്ന നീർക്കെട്ടിനും പഴുപ്പിനുമാണു കൺജങ്റ്റിവൈറ്റിസ് എന്നു പറയുന്നത്.
കണ്ണുനീരിലൂടെ പകരുമോ?

വൈറസ്, ബാക്റ്റീരിയ എന്നിവയാണു രോഗകാരികൾ അതു കൂടാതെ കണ്ണിലെത്തുന്ന പൊടികൾ, അലർജികൾ ഇവയും പഴുപ്പണ്ടാക്കാം. ജലദോഷം, അഞ്ചാം പനി, ചിക്കൻ പോക്സ്, റൂബല്ല, മുണ്ടിനീര്, പിക്കോർന വൈറസ്, എച്ച്.ഐ.വൈറസ് എന്നീ വൈറസ് രോഗങ്ങൾക്കൊപ്പവും കണ്ണിന് അസുഖം വരാം. വേനൽ കാലത്തു അഡിനൊ വൈറസ് കുടുംബക്കാരാണു സാധാരണ രോഗകാരി.

രോഗിയുടെ കണ്ണുനീർ സ്പർശത്തിലൂടെയും, തുമ്മലിൽ കൂടെയും രോഗം പകരും. കണ്ണിലാണു രോഗമെങ്കിലും അതു മൂക്കിലുമെത്തും, നേസോ ലാക്രിമൽ ഡക്റ്റ് എന്ന കുഴലിനാൽ കണ്ണും മൂക്കും തമ്മിൽ ബന്ധപ്പെട്ടിരിക്കുന്നു. കണ്ണുനീരാണു മൂക്കിനു നനവു നല്കുന്നത്, അതുകൊണ്ടാണു നാം കരയുന്പോൾ മൂക്കൊലിപ്പും വരുന്നത് എന്നറിഞ്ഞിരിക്കുക.

എങ്ങനെ തിരിച്ചറിയാം?

കണ്ണുചുവപ്പ്, ചൊറിച്ചിൽ, പുകച്ചിൽ , കണ്ണീർ സ്രാവം, രാവിലെ പീളകെട്ടി കണ്‍പീലികൾ ഒട്ടിപ്പിടിച്ചിരിക്കുക., വെളിച്ചത്തിലേക്കു നോക്കുന്പോൾ അസ്വസ്ഥത എന്നിവയാണു രോഗലക്ഷണങ്ങൾ. ബാക്റ്റീരിയ രോഗം കണ്ടാൽ ഭീകരനാണെങ്കിലും കണ്ണിനു വലിയ തകരാറുവരാതെ മാറും. എന്നാൽ വൈറസ് രോഗത്തിനു ലക്ഷണങ്ങൾ നിസാരമെന്നു തോന്നിക്കും, വലിയ ചുവപ്പു കാണില്ല, എന്നാൽ രോഗത്തിന്‍റെ സങ്കീർണാവസ്ഥ ഇതിനാണു കൂടുതൽ.

ഈ രോഗം മൂലം കണ്ണിന്‍റെ ആന്തര ഭാഗത്ത് പഴുപ്പ് ബാധിക്കാം, നേത്രപടലത്തിൽ സ്ഥിരമായതോ താത്കാലികമായതോ ആയ പാടുകൾ ഉണ്ടാക്കാം. വൈറസ് രോഗം പിന്നെ ബാക്റ്റീരിയ രോഗമായി മാറാം.അലർജി കൊണ്ടുണ്ടാകുന്ന കണ്ണുരോഗം വന്നും പോയുമിരിക്കും. അവയോടൊപ്പം തൊണ്ട ചൊറിച്ചിലും മൂക്കുചൊറിച്ചിലും ഒക്കെ കാണുമെന്നതിനാൽ അലർജി കണ്ണുരോഗം വേഗം തിരിച്ചറിയാം.

കണ്ണട വയ്ക്കണോ?

രോഗം മാറുന്നതു വരെ കണ്ണടകൾ വച്ച് നടക്കുക. രോഗം മറ്റുള്ളവർക്കു പകരാതിരിക്കാനും പ്രകാശത്തിന്‍റെ തീവ്രത കുറയ്ക്കാനും ഇതു സഹായിക്കും. ഫ്രിഡ്ജിൽ വയ്ക്കാത്ത തണുത്ത വെള്ളം കൊണ്ടു കണ്ണു കഴുകുന്നത് ആശ്വാസം നല്കും. ശുദ്ധജലം ആണെന്ന് ഉറപ്പുണ്ടാകണം. മൂക്കു ചീറ്റാൻ ടവ്വലുകളേക്കാൾ ഉപകാരി റ്റിഷ്യൂ പേപ്പറുകളാണ്. അവ അവിടെയും ഇവിടെയും ഇടാതെ കത്തിച്ചു കളയാമല്ലോ.

ഹോമിയോയിൽ ചികിത്സയുണ്ടോ?

കണ്ണിന്‍റെ വിവിധങ്ങളായ തകരാറുകൾക്ക് ഹോമിയോപ്പതിയിൽ മരുന്നുകൾ ഉണ്ടെന്നു തന്നെ പലർക്കുമറിയില്ല. കണ്ണുരോഗം വൈറസ്, ബാക്ടീരിയ, അലർജി ഏതുമാകട്ടെ ഹോമിയോപ്പതിയിൽ ചികിൽസയുണ്ട്. ഇവിടെയും രോഗലക്ഷണങ്ങൾക്കാണു പ്രാധാന്യം.

കണ്ണിന്‍റെ ചുവപ്പിന്‍റെ തീവ്രത മുതൽ കണ്ണിൽ നിന്നു വരുന്ന പഴുപ്പിന്‍റെ നിറത്തിനു വരെ ഹോമിയോപ്പതിയിൽ പ്രാധാന്യമുണ്ട്. കണ്ണിലൊഴിക്കുന്ന മരുന്നിനേക്കാൾ പ്രാധാന്യം ഉള്ളിൽ കഴിക്കുന്ന മരുന്നുകൾക്കാണ്.നേത്ര രോഗങ്ങൾ വരാതെ രക്ഷിക്കാനും വിവിധ തരം കൺജങ്ങ്റ്റിവൈറ്റിസ് മാറാനും യൂഫ്രേഷ്യ ഐ ഡ്രോപ്സ് സാധാരണമായി ഉപയോഗിച്ചുവരുന്നു.

ഹോമിയോയിൽ തിമിരത്തിനു മരുന്നുണ്ടെന്ന് മിക്കവർക്കും അറിയില്ല. തിമിരത്തിന്‍റെ തുടക്കത്തിൽ തന്നെ സിനറേറിയ എന്ന ഐ ഡ്രോപ്സ് ഉപയോഗിച്ചാൽ രോഗം നിയന്ത്രിക്കാം. തിമിരം കൂടിയ അവസ്ഥയിൽ ശസ്ത്രക്രിയ തന്നെ വേണ്ടിവരാം. എന്നാൽ വിവിധ കാരണങ്ങളാൽ ശസ്ത്രക്രിയ ചെയ്യാൻ സാധിക്കാത്തവർക്ക് ഹോമിയോചികിൽസ പരീക്ഷിക്കാവുന്നതാണ്.

കണ്ണിനുണ്ടാകുന്ന ചതവുകൾക്കും പ്രമേഹം, രക്ത സമ്മർദം ഇവകൂടിയതു കൊണ്ടു കണ്ണിനു ഭവിക്കുന്ന തകരാറുകൾക്കും മരുന്നുകളുണ്ട്. കൃത്യമായ ചികിൽസായോഗ്യതയും ചികിൽസാ പരിചയവുമുള്ള ഹോമിയോപ്പതി ഡോക്ടർമാരെ സമീപിക്കുക.

ഡോ: റ്റി.ജി. മനോജ് കുമാർ,
മെഡി.ഓഫീസർ, ഹോമിയോപ്പതി വകുപ്പ്, മുഴക്കുന്ന്, കണ്ണൂർ ഫോൺ - 9447689239
[email protected]

അർബുദചികിത്സയുടെ പാർശ്വഫലങ്ങൾ ഒഴിവാക്കാൻ...

1.ചികിത്സയ്ക്ക് 4 ആഴ്ച മുമ്പ് ദന്തഡോക്ടറെ കണ്ട് വായ പരിശോധിപ്പിച്ച് സാധ്യതയുള്ള എല്ലാ പ്രശ്നങ്ങൾക്കും പരിഹാരം കാണാൻ ശ്രമിക്കണം. സാധിക്കുന്ന ചികിത്സകൾ നടത്തി ദന്ത - വായ ആരോഗ്യം നിലനിർത്തണം.

2.പൊട്ടിയ പല്ലുകൾ ഉണ്ടെങ്കിൽ ചികിത്സ നടത്തി സംരക്ഷിക്കണം. കുറ്റിപ്പല്ലുകൾ ഉണ്ടെങ്കിൽ എടുത്തു കളയണം.

3. ആഴത്തിലുള്ള പോടുകൾ ഉണ്ട് എങ്കിൽ റൂട്ട് കനാൽ ട്രീറ്റ്മെന്‍റ് നടത്തി രോഗാണു വിമുക്തമാക്കണം

4. മോണയുടെ ആരോഗ്യം പരിശോധിക്കണം. ക്ലീനിംഗ് നടക്കണം.

5. എടുത്തുമാറ്റുന്ന തരത്തിലുള്ള പല്ലുകൾ വച്ചിട്ടുണ്ടെങ്കിൽ അത് കൃത്യമായി ഉറച്ചിരിക്കുന്നുണ്ടോ എന്ന് പരിശോധിക്കണം. ഏതെങ്കിലും തരത്തിൽ മോണയിൽ മുറിവുകൾ ഉണ്ടാക്കുന്നുവെങ്കിൽ അതിന് ആവശ്യമായ മാറ്റങ്ങൾ വരുത്തണം.

6. കമ്പിയിടുന്ന ചികിത്സ നടന്നുകൊണ്ടിരിക്കുകയാണ് എങ്കിൽ കമ്പി നീക്കം ചെയ്യണം.
നിങ്ങളുടെ ദന്ത - വായ ആരോഗ്യത്തെപ്പറ്റിയുള്ള ഒരു റിപ്പോർട്ട് ദന്തഡോക്ടറിൽ നിന്നു വാങ്ങി കാൻസർ ചികിത്സ നടത്തുന്ന ഡോക്ടർക്ക് നൽകുന്നത് ഉചിതം.

7. കാൻസർ ചികിത്സയ്ക്കിടയിൽ ഏതെങ്കിലും തരത്തിലുള്ള ദന്ത ചികിത്സകൾ നടത്തേണ്ടി വന്നാൽ ഡോക്ടറെ അറിയിച്ച് അനുവാദം വാങ്ങി വേണം ചികിത്സ നടത്താൻ .

മ്യൂകോസൈറ്റിസ്

തലയുടെയും കഴുത്തിന്‍റെയും ഭാഗത്തുള്ള റേഡിയേഷൻ തെറാപ്പി വായിലെയും അന്നനാളത്തിലെയും തൊലിയിൽ വീക്കം ഉണ്ടാക്കും. വായിലെ തൊലിയിൽ ചുവന്ന കളറും നേരിയ നീർക്കെട്ടും നീറ്റലും പുകച്ചിലും അനുഭപ്പെടും. ഇത് ഭക്ഷണം കഴിക്കുബോഴും ഇറക്കുമ്പോഴും കൂടുതലായി അനുഭപ്പെടും. സാധാരണയായി ചികിൽസ തുടങ്ങി മൂന്നു ദിവസത്തിനും പത്തു ദിവസത്തിനും ഇടയിലാണ് ഇത് ആരംഭിക്കുന്നത്. ദേദമാകുന്നത് ഓരോരുത്തരുടെയും ശരീരത്തിന്‍റെ പ്രതിരോധം അനുസരിച്ച് വ്യത്യസ്ത കാലയളവിലാ യിരിക്കും.

കാൻസർ ചികിൽസാ സമയത്ത് ശ്രദ്ധിക്കേണ്ട ദിനചര്യകൾ :

ബ്രഷിംഗ് - എല്ലാ ഭക്ഷണത്തിനു ശേഷവും 30 മിനിറ്റ് വളരെ മൃദുവായി ബ്രഷ് ചെയ്യണം. സൂപ്പർ സോഫ്റ്റ്, അൾട്രാ സോഫ്റ്റ്, എക്സ്ട്രാ സോഫ്റ്റ് ബ്രഷ് കടയിൽ ലഭിക്കും.

► ഫ്ലൂറൈഡ് ടൂത്ത് പേസ്റ്റ് ഉപയോഗിക്കണം .
► ബ്രിസിൽസ് മടങ്ങിയാൽ ബ്രഷ് മാറ്റണം.
► ഫ്ലോസിംഗ് എല്ലാ ദിവസവും ചെയ്യണം. പല്ലുകൾക്കിടയിൽ ഇടുന്ന നൂലാണ് ഫ്ലോസ് . മാർക്കറ്റിൽ ലഭ്യമാണ്.

മൗത്ത് വാഷ്

എല്ലാ 4 മണിക്കൂറിനും 6 മണിക്കൂറിനും ഇടയിൽ വായ കഴുകണം.

1. കാൽ ഗ്ലാസ് വെള്ളത്തിൽ ഒരു ടീ സ്പൂൺ ഉപ്പ് ഒരു ടീ സ്പൂൺ ബേക്കിംഗ് സോഡ.
2. കാൽ ഗ്ലാസ് വെള്ളത്തിൽ ഒരു ടീ സ്പൂൺ ഉപ്പ്.
3. കാൽ ഗ്ലാസ് വെള്ളത്തിൽ ഒരു ടീ ൺ ബേക്കിംഗ് സോഡ .
4. വെള്ളം
5. ആൽക്കഹോൾ ഇല്ലാത്തതും മധുരം ഇല്ലാത്തതുമായ മൗത്ത് വാഷ് .

ഇതിൽ ഏതെങ്കിലും ലായനി മൗത്ത് വാഷ് ആയി ഉപയോഗിക്കാം. 15 മുതൽ 30 സെക്കൻഡ് വരെ കഴുകാം.

* ഭക്ഷണം വായിൽ കൂടി കഴിക്കുവാൻ സാധിക്കാത്ത അവസ്ഥയിൽ വായ വ്യത്തിയാക്കുകയും നനവോടെ നിലനിർത്തുകയും ചെയ്യണം. വാസലിൻ ഉപയോഗിച്ച് ചുണ്ട് ഉണങ്ങാതെ നിലനിർത്തണം.

ഒഴിവാക്കേണ്ടത്

പുകയില. മദ്യം, ആൽക്കഹോൾ ഉള്ള മൗത്ത് വാഷ് , ഉപ്പും എരിവും കൂടുതൽ ഉള്ള ഭക്ഷണം, പുളി കൂടുതൽ ഉള്ള ഭക്ഷണം (ഓറഞ്ച്, നാരങ്ങാ, മുന്തിരി, പൈനാപ്പിൾ മുതലായവ); തക്കാളി, സോസ്, ചിപ്സ് പോലെ വായ മുറിയുവാൻ സാധ്യത ഉള്ള വിഭവങ്ങൾ, വളരെ ചൂടും വളരെ തണുപ്പും ഉള്ള പാനീയങ്ങൾ.

വായ്ക്കുള്ളിലെ ബുദ്ധിമുട്ടുകൾ തരണം ചെയ്യാൻ

വായ്ക്കുള്ളിൽ പുരട്ടുന്ന വേദന സംഹാര ലേപനങ്ങളും മൗത്ത് വാഷും ഗുണം ചെയ്യും. ആവശ്യാനുസരണം ഇത് ഉപയോഗിക്കാം.

ഡോ. വിനോദ് മാത്യു മുളമൂട്ടിൽ
(അസിസ്റ്റന്‍റ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല).
ഫോൺ - 9447219903

അർബുദചികിത്സയിൽ ദന്ത ഡോക്ടർക്ക് എന്തു കാര്യം?

കാൻസർ ചികിത്സയിൽ പ്രധാനമായിട്ടുള്ളത് മൂന്ന് ചികിത്സാരീതികളാണ്. കീമോതെറാപ്പി. റേഡിയേഷൻ തെറാപ്പി.സർജറി. ഈ മൂന്ന് ചികിത്സാരീതികളിലും വായിലും പല്ലുകളിലും ഉമിനീർ ഗ്രന്ഥികളിലും പാർശ്വഫലങ്ങൾ ഉണ്ടാകുന്നത് സാധാരണ ജീവിതത്തെ വളരെയധികം ബാധിക്കുന്നു. നമുക്ക് സംസാരിക്കാനും ഭക്ഷണം ചവച്ചരച്ച് ഇറക്കാനും ബുദ്ധിമുട്ടുകൾ ഉണ്ടാകുമ്പോൾ സാധാരണ ജീവിതത്തെ സാരമായി ബാധിക്കും.

പാർശ്വഫലം കുറയ്ക്കാൻ

ചികിത്സയ്ക്കു മുമ്പ് ഡോക്ടർമാരുമായി സംസാരിച്ചു ദന്ത - വായ സംരക്ഷണ രീതികൾ മനസിലാക്കുന്നതു വഴി നല്ലൊരു പരിധിവരെ പാർശ്വഫലങ്ങളെ ലഘൂകരിക്കുവാൻ സാധിക്കും. പലർക്കും വ്യത്യസ്തമായ രീതിയിലുള്ള പാർശ്വഫലങ്ങളാണ് വരുന്നതെങ്കിലും വളരെ സാധാരണമായി വരാൻ സാധ്യതയുള്ള പാർശ്വഫലങ്ങൾ അറിഞ്ഞാൽ അതിന് പരിഹാരം കരുതി വയ്ക്കാനാവും.

കാൻസർ ചികിത്സ നടത്തുമ്പോൾ ശരീരത്തിൽ വരാൻ സാധ്യതയുള്ള മറ്റു പ്രശ്നങ്ങളെപ്പറ്റി ഡോക്ടർ കൃത്യമായി നമുക്ക് പറഞ്ഞുതരും. ദന്ത ഡോക്ടറുടെ സഹായം കൂടി ഉണ്ടെങ്കിൽ വായ്ക്കുള്ളിലെ പ്രശ്നങ്ങൾക്ക് മരുന്നുകളും ജീവിതരീതിയിലെ മാറ്റങ്ങൾ വഴി ഒരു പരിധിവരെ പരിഹാരം ഉണ്ടാക്കുവാൻ സാധിക്കും.

വായ പരിശോധിച്ച് വായുടെ പൊതുവായുള്ള ആരോഗ്യത്തെ പറ്റി ഡോക്ടർ നമുക്ക് പറഞ്ഞു തരും. ഏതെങ്കിലും പല്ലിൽ പോട് ഉണ്ടെങ്കിൽ അത് അടയ്ക്കുകയും ആവശ്യമുണ്ടെങ്കിൽ റുട്ട് കനാൽ ട്രീറ്റ്മെൻറ് ചെയ്ത് രോഗാണു വിമുക്തമാക്കുന്നതും നല്ലതാണ്.

ചികിത്സയ്ക്ക് മുമ്പ്

മോണയുടെ ആരോഗ്യം വളരെയധികം പ്രധാനപ്പെട്ടത് ആയതിനാൽ ചികിത്സയ്ക്ക് മുമ്പ് പരിശോധിച്ചു ക്ലീനിങ് നടത്തുന്നത് മോണയുടെ ആരോഗ്യത്തിന് വളരെ ഗുണം ചെയ്യും. മോണയ്ക്ക് പഴുപ്പ് ഉണ്ടാകാൻ സാധ്യതയുള്ള സ്ഥലങ്ങളിൽ വേണ്ട ചികിത്സകൾ നടത്തിയാൽ വായ്ക്കുള്ളിൽ കാൻസർ ചികിത്സാ സമയത്ത് ഉണ്ടാകുന്ന പ്രശ്നങ്ങൾക്ക് പരിഹാരമാവും.

റേഡിയേഷനു മുന്പേ

കാൻസറിന് ചികിത്സ നടത്തുന്ന സമയത്ത് പ്രത്യേകിച്ച് റേഡിയേഷൻ ചികിത്സ നടത്തുന്ന സമയത്ത് പല്ലുകൾക്ക് ഏതെങ്കിലും തരത്തിലുള്ള ഇൻഫെക്ഷൻ സംഭവി ച്ച് വേദന ഉണ്ടായാൽ അത് എടുത്തുകളയുന്നതിനു സാധിക്കുകയില്ല. അതിനാലാണ് ചികിത്സയ്ക്ക് മുമ്പ് ഇത്തരത്തിലുള്ള പ്രശ്നങ്ങൾക്ക് പരിഹാരം കാണണം എന്നു നിർദേശിക്കുന്നത് .

സാധാരണ പാർശ്വഫലങ്ങൾ :
1. വായ വരൾച്ച
2. ഉമിനിർ കട്ടി കൂടുന്നത്
3. രുചി വ്യത്യാസം
4. വായ്ക്കുള്ളിലെ അൾസർ
5. പല്ലുകൾക്ക് പോട്
6. ഭക്ഷണം ഇറക്കാനുള്ള ബുദ്ധിമുട്ട്
7. ഭക്ഷണം ചവയ്ക്കാനും വായ തുറക്കാനുമുള്ള ബുദ്ധിമുട്ട്
8. മോണ തടിപ്പും കഴലിച്ചയും
9. വായനാറ്റം

ഇതെല്ലാം ചികിത്സാ സമയത്ത് ഉണ്ടാകാൻ സാധ്യതയുള്ളതാണ്. എങ്കിൽ തന്നെയും ഭൂരിഭാഗവും ചികിത്സ അവസാനിക്കുമ്പോൾ മാറിക്കൊള്ളും. ചികിത്സയ്ക്കുമുമ്പ് ഇതിനുള്ള
പരിഹാരമാർഗങ്ങളും മുന്നിൽ കണ്ടാൽ ബുദ്ധിമുട്ടുകൾ നല്ലൊരു പരിധിവരെ നമുക്ക് പരിഹരിക്കാനാവും.

റേഡിയേഷൻ തെറാപ്പി കഴുത്തിലും തലയുടെ ഭാഗത്തും നടത്തുമ്പോൾ മുകളിൽ പറഞ്ഞ പ്രശ്നങ്ങൾ കൂടുതലായി വരാൻ സാധ്യതയുണ്ട്. ഇത് ചികിത്സയ്ക്ക് ശേഷവും കുറച്ചു കൂടുതൽ കാലം നിലനിൽക്കാൻ സാധ്യതയുണ്ട്.

(തുടരും)

ഡോ. വിനോദ് മാത്യു മുളമൂട്ടിൽ
(അസിസ്റ്റന്‍റ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല).
ഫോൺ - 9447219903

പ്രോസ്റ്റേറ്റ് ഗ്രന്ഥിക്കു വീക്കം ഉണ്ടാകുന്നത്...

പ്രോസ്റ്റേറ്റ് രോഗങ്ങള്‍ ഇന്നു വളരെ കൂടുതലായി കണ്ടുവരുന്നു; കുറഞ്ഞ പ്രായത്തില്‍ തന്നെ. പ്രോസ്റ്റേറ്റ് രോഗങ്ങള്‍ മൂലം കൂടുതല്‍ പുരുഷന്മാര്‍ ബുദ്ധിമുട്ട് അനുഭവിക്കുന്നു. പ്രോസ്റ്റേറ്റ് ഗ്രന്ഥിക്ക് ഉണ്ടാകുന്ന വീക്കം 40 വയസ് കഴിഞ്ഞവരില്‍ വളരെ കൂടുതലായി കണ്ടുവരുന്നു.

പ്രായം ആകുന്നതനുസരിച്ച് ശരീരത്തില്‍ ചില ഹോര്‍മോണ്‍ വ്യതിയാനങ്ങള്‍ വരാം. സാധാരണ യാതൊരു കുഴപ്പവും ഇല്ലാത്ത പ്രോസ്റ്റേറ്റ് വീക്കത്തെ ബിനൈന്‍ പ്രോസ്റ്റേറ്റ് ഹൈപ്പര്‍ പ്ലാസിയ (B.P.H.) എന്നാണ് പറയുന്നത്. എന്നാല്‍ അണുബാധ മൂലവും, കാന്‍സര്‍ മൂലവും പ്രോസ്റ്റേറ്റിന് വീക്കം ഉണ്ടാകാറുണ്ട്.

മൂത്രതടസം, അണുബാധ

പ്രോസ്റ്റേറ്റിനുള്ളിലെ കോശങ്ങള്‍ പെരുകുമ്പോഴാണ് പ്രോസ്റ്റേറ്റ് ഗ്രന്ഥിയുടെ വലുപ്പം കൂടുന്നത്. സാധാരണ പ്രോസ്റ്റേറ്റിനുള്ളിലെ കോശങ്ങള്‍ വളര്‍ന്നു പെരുകിയാലും അതിനെ പൊതിഞ്ഞിരിക്കുന്ന കാപ്‌സ്യൂളിനു നല്ല കട്ടിയുള്ളതിനാല്‍ കോശങ്ങള്‍ അതിനുള്ളില്‍ തന്നെ തിങ്ങി ഞെരുങ്ങി ഇരിക്കും. പക്ഷേ, ഈ ഞെരുക്കം മൂലം പ്രോസ്റ്റേറ്റിനുള്ളിലൂടെ കടന്നുപോകുന്ന മൂത്രനാളി വല്ലാതെ ഞെരുങ്ങും. പ്രോസ്റ്റേറ്റ് കോശങ്ങള്‍ മൂത്രനാളിയെ ഞെരുക്കുമ്പോള്‍ മൂത്ര തടസം ഉണ്ടാകും. മൂത്രാശയത്തില്‍ മൂത്രം കെട്ടിക്കിടന്ന് അണുബാധയ്ക്കു കാരണമാകാം,
മൂത്രസഞ്ചിയില്‍ കല്ലുകളുണ്ടാകാനും സാധ്യത കൂടുതലാണ്. മൂത്രാശയത്തില്‍ കെട്ടിക്കിടക്കുന്ന മൂത്രം അണുബാധയ്ക്കു കാരണമാകുന്നു. കിഡ്‌നിയിൽ അണുബാധയ്ക്കും കാരണമാകുന്നു. ചിലപ്പോള്‍ വൃക്ക പരാജയവും സംഭവിക്കാം.

പ്രോസ്റ്റേറ്റ് കൂടുതല്‍ വലുതായാൽ

പ്രോസ്റ്റേറ്റ് പുരുഷന്മാരില്‍ മാത്രം കാണപ്പെടുന്ന ഗ്രന്ഥിയാണ്. 10-20 ഗ്രാമോളം ഭാരമുള്ള പ്രോസ്റ്റേറ്റിന് മൂന്നു സെന്‍റി മീറ്ററിലധികം നീളം വരും. പ്രോസ്റ്റേറ്റ് കൂടുതല്‍ വലുപ്പം വച്ചാല്‍ ശുക്ലത്തിന്‍റെ ഉല്‍പാദനം കുറയുവാനും, സ്ഖലനം ഉണ്ടാകാതെ വരികയും ചെയ്യും. ഇത് ലൈംഗികമായ ബലക്കുറവിന് കാരണമാകും. ഈ ഘട്ടത്തില്‍ ഹോമിയോപ്പതി മരുന്നു കഴിക്കുകയാണെങ്കില്‍ പ്രോസ്റ്റേറ്റിന്‍റെ വലുപ്പം കുറയ്ക്കാം. ലൈംഗിക ബലക്കുറവും കുറയ്ക്കാനാവും.

പ്രോസ്റ്റേറ്റ് വീക്കം - ലക്ഷണങ്ങൾ

മൂത്രം വരാന്‍ താമസം, കൂടുതല്‍ തവണ മൂത്രം ഒഴിക്കണം എന്ന തോന്നല്‍, മൂത്രം ഒഴിക്കുമ്പോള്‍ ശക്തി കുറഞ്ഞുപോകുക, മൂത്രം പിടിച്ചുനിര്‍ത്താന്‍ സാധിക്കാതെ വരിക, മൂത്രം ഒഴിക്കുമ്പോള്‍ അസഹ്യവേദന, മൂത്രം ഒഴിച്ചുകഴിഞ്ഞു വീണ്ടും ഒഴിക്കണമെന്ന തോന്നല്‍, മൂത്രം ഒഴിച്ചുകഴിഞ്ഞ ശേഷവും മൂത്രം ഇറ്റിറ്റുവീഴുക എന്നിവയാണ് പ്രോസ്റ്റേറ്റ് വീക്കത്തിന്‍റെ ലക്ഷണങ്ങൾ.

ലൈംഗിക ശുചിത്വം

മൂത്രനാളിയുടെയും ലൈംഗികാവയവങ്ങളുടെയും ശുചിത്വം പ്രധാനമാണ്. പ്രോസ്റ്റേറ്റ് അണുബാധകള്‍ കൂടെക്കൂടെ വരുന്നവരില്‍ പ്രോസ്റ്റേറ്റ് കാന്‍സര്‍ വരാനുള്ള സാധ്യത കൂടുതലാണ്. മൂത്രം ദീര്‍ഘനേരം പിടിച്ചു വയ്ക്കുക, വേണ്ടത്ര വെള്ളം കുടിക്കാതിരിക്കുക, തെറ്റായ ലൈംഗികബന്ധത്തില്‍ ഏര്‍പ്പെടുക തുടങ്ങിയ കാരണങ്ങള്‍കൊണ്ട് അണുബാധ ഉണ്ടാകാം.

പ്രോസ്റ്റേറ്റ് രോഗങ്ങളെ പ്രതിരോധിക്കാന്‍ ചുവന്ന മാംസം, ബീഫ്, പന്നിമാംസം, മാട്ടിറച്ചി, സംസ്‌കരിച്ച ഭക്ഷണപദാര്‍ത്ഥങ്ങള്‍ എന്നിവ ഒഴിവാക്കുക. കൂടുതല്‍ വെജിറ്റേറിയന്‍ ഭക്ഷണങ്ങള്‍ കഴിക്കുക. മൂത്രം കൂടുതല്‍ സമയം പിടിച്ചുവയ്ക്കാതിരിക്കുക. ഒന്നിലധികം പേരുമായി ലൈംഗികബന്ധത്തില്‍ ഏര്‍പ്പെടാതിരിക്കുക. ലൈംഗികാവയവങ്ങളുടെ ശുചിത്വത്തില്‍ പ്രത്യേക ശ്രദ്ധിക്കുക.

അള്‍ട്രാ സൗണ്ട് സ്‌കാന്‍

പ്രോസ്റ്റേറ്റ് സ്‌പെസിഫിക് ആന്‍റിജന്‍ (P.S.A. TEST) ഒരു രക്ത പരിശോധനയാണ്. പ്രോസ്റ്റേറ്റ് ഗ്രന്ഥിയില്‍ ഉല്‍പാദിപ്പിക്കപ്പെടുന്ന ഒരു പ്രോട്ടീനാണ് P.S.A. അള്‍ട്രാ സൗണ്ട് സ്‌കാന്‍ ചെയ്താല്‍ പ്രോസ്റ്റേറ്റ് വീക്കം ഉണ്ടോ എന്ന് എളുപ്പത്തില്‍ കണ്ടുപിടിക്കാം.

ഹോമിയോപ്പതിയുടെ ജര്‍മ്മന്‍ മരുന്ന് ഉപയോഗിക്കുകയാണെങ്കില്‍ ഏറ്റവും ഫലപ്രദമായി പ്രോസ്റ്റേറ്റ് വീക്കം ചികിത്സിച്ച് ഭേദപ്പെടുത്താം.

ഡോ.കെ.വി.ഷൈൻ DHMS
ഡോ. ഷൈൻ മൾട്ടി സ്പെഷാലിറ്റി ഹോമിയോപതിക് ക്ലിനിക്.
ചക്കരപ്പറന്പ്, കൊച്ചി
ഫോൺ - 9388620409

ഇമ്യൂണോ തെറാപ്പി എന്ന കാൻസർ അതിജീവനതന്ത്രം

നേരത്തേ കണ്ടെത്തി ചികിത്സിച്ചാൽ 80 ശതമാനം കാൻസറുകളും സുഖപ്പെടുത്താം. 20 ശതമാനം പരാജയമാകുന്നതെന്താണ്? അവിടെയാണ് ആധുനിക ശാസ്ത്രം ഇമ്യൂണോ തെറാപ്പി എന്ന ചികിത്സാരീതി അവതരിപ്പിക്കുന്നത്. നിരവധി സെലിബ്രിറ്റികളെ അർബുദത്തിൽ നിന്നു രക്ഷിച്ച ചികിത്സാരീതിയെന്ന നിലയിലും ഇമ്യൂണോ തെറാപ്പി ശ്രദ്ധ നേടുന്നുണ്ട്.

ടി സെൽ

നമ്മുടെ ശരീരത്തിൽ രോഗപ്രതിരോധ ശേഷി കൊണ്ടുവരാൻ ഏറ്റവും ശക്തമായി പ്രയത്നിക്കുന്നതു വെളുത്ത രക്താണുക്കളാണ്(ഡബ്ള്യുബിസി സെല്ലുകൾ). അതിലുള്ള ഒരു സെല്ലാണ് ടി സെൽ. ടി സെല്ലുകളാണ് എല്ലാ പ്രതിരോധ തന്ത്രങ്ങളും നിയന്ത്രിക്കുന്നത്. ശരീരത്തിലെ പോലീസുകാരൻ - അങ്ങനെയാണ് ടി സെൽ അറിയപ്പെടുന്നത്. ശരീരത്തിൽ എവിടെ പ്രശ്നമുണ്ടെങ്കിലും അതു കണ്ടുപിടിക്കും. അവിടെപ്പോയി അതു പരിഹരിക്കും. ടി സെല്ലിന്‍റെ ഈ കഴിവിനെ ഓരോ തരം കാൻസറിനും ഏതിരായ രീതിയിൽ ഉദ്ദീപിപ്പിക്കുകയാണെങ്കിൽ ശരീരം അഡോപ്റ്റീവ് ഇമ്യൂണിറ്റി - നമ്മൾ വളർത്തിയെടുത്തു കൊണ്ടുവരുന്ന ഒരു തരം പ്രതിരോധം - എന്ന അവസ്ഥയിലെത്തും.

ടി സെല്ലിനെ ഉണർത്താം

സാധാരണഗതിയിൽ ടി സെല്ലുകൾ ഉറക്കത്തിലായിരിക്കും. അത് എപ്പോഴും ഉണർന്നിരുന്നാൽ അതു നമ്മുടെ ശരീരത്തെ തന്നെ ആക്രമിക്കും. ചില ഫുഡ് കഴിച്ചാൽ അലർജിയാണെന്നു പറയാറില്ലേ. ആ ഫുഡിലുള്ള വിഷപദാർഥങ്ങളെ നശിപ്പിക്കാനായി ടി സെൽ അവിടെപ്പോയി അതിനുമേൽ പ്രവർത്തിക്കുന്പോഴാണ് നമുക്ക് അലർജിയായി തോന്നുന്നത്.

അതുപോലെ കാൻസർ ഉള്ള ആളുകളിൽ ടി സെൽ ആദ്യമൊക്കെ അവരെ രക്ഷപ്പെടുത്താൻ നോക്കും. കാലക്രമത്തിൽ കാൻസറിന്‍റെ കാഠിന്യം കൂടുന്പോൾ ടി സെല്ലിന്‍റെ കഴിവു നഷ്ടമാകും. കഴിവുപോയ ഈ ടി സെല്ലിനെ നമ്മൾ ഉണർത്താൻ ശ്രമിച്ചാൽ പല മടങ്ങായി അതു വിഭജിച്ചുകൊണ്ടിരിക്കും. അതിന്‍റെ ആക്്ഷൻ കൂടും. അങ്ങനെയാണ് അതു വഴി കാൻസർ നിയന്ത്രിതമാകുന്നത്. അതാണ് ഇമ്യൂണോ തെറാപ്പി.

എല്ലാവരിലും ഫലപ്രദമാണോ?

കാൻസർ ബാധിതനിൽ രോഗം ഉണ്ടാക്കാൻ കാരണമായ ജനിതകമായ വേരിയേഷൻ കണ്ടുപിടിക്കുന്നു. ആ വേരിയേഷൻ എതിരേയുള്ള ആന്‍റി ഡോട്ടായ മരുന്ന് കൊടുക്കുന്പോൾ ആ കാൻസർ ഇല്ലാതാവും. അതാണ് ഇമ്യൂണോ തെറാപ്പി.

എല്ലാവരിലും ഈ ചികിത്സ ഫലപ്രാപ്തിയിലെത്തുമോ എന്നു ചോദിച്ചാൽ ഇല്ല. നൂറായിരം മാറ്റങ്ങൾ ഒരു കോശത്തിനുള്ളിൽ ഉണ്ടായെന്നുവരാം. എല്ലാറ്റിനെയും നമുക്കു കണ്ടെടുക്കാനായെന്നു വരില്ല. നമുക്കു കണ്ടെടുക്കാനാവാത്ത ലെവലിലുള്ള ഏതെങ്കിലും തരം ജനിതക മാറ്റങ്ങളാണെങ്കിൽ അവർക്ക് ഇമ്യൂണോ തെറാപ്പി ഫലം ചെയ്യില്ല.

ശ്വാസകോശ അർബുദം, കോളൻ കാൻസർ, ഓവേറിയൻ കാൻസറുകൾ, സ്്തനാർബുദം, തല, കഴുത്ത് എന്നിവയെ ബാധിക്കുന്ന ചിലതരം കാൻസറുകൾ, പാൻക്രിയാറ്റിക് കാൻസർ എന്നിവയ്ക്കു ഇമ്യൂണോ തെറാപ്പി ഫലപ്രദമാണെന്ന ് ഗവേഷണങ്ങൾ തെളിയിക്കുന്നു.

ഇമ്യൂണോ തെറാപ്പി മരുന്നുകൾ ഇന്ത്യയിലും ലഭ്യമായിക്കൊണ്ടിരിക്കുന്നു. പക്ഷേ, ഇമ്യൂണോ തെറാപ്പി ആവശ്യമാണോ എന്നു നിർണയിക്കുന്നതിനുള്ള കോംപ്രിഹെൻസീവ് ജീൻ പ്രൊഫൈലിംഗിനുള്ള സംവിധാനങ്ങൾ നിലവിൽ കൂടുത ലുള്ളതു വികസിത രാജ്യങ്ങളിലാണ്.

യുഎസ്, യൂറോപ്പ്, ഓസ്ട്രലിയ, സിംഗപ്പൂർ തുടങ്ങിയ ഇടങ്ങളിൽ. സെലിബ്രി റ്റികൾ എന്തുകൊണ്ട് കാൻസർ ചികിത്സയ്ക്ക് അമേരിക്ക‍യിൽ പോകുന്നു എന്ന ചോദ്യത്തിന് ഇപ്പോൾ ഉത്തരമായെന്നു കരുതട്ടെ. ഇന്ത്യയിലെ റിസേർച്ച് ലാബുകളും സമീപഭാവിയിൽ ത്തന്നെ അതുപോല ഉയർന്ന നിലവാരത്തിലേക്ക് എത്താനുള്ള സാധ്യതയുണ്ട്.

കേരളത്തിൽ ലഭ്യമാണോ?

കേരളത്തിലും ഇമ്യൂണോ തെറാപ്പി കൊടുക്കുന്നുണ്ട്. കോംപ്രി ഹെൻസീവ് ജീൻ പ്രൊഫൈലിംഗ് ചെയ്യാൻ സംവിധാനമുള്ള യുഎസിലെയും മറ്റും ലാബിലേക്ക് സാന്പിൾ അയയ്ക്കുന്നു. അവിടെ നിന്നു ലഭ്യമാകുന്ന ടെസ്റ്റ് റിപ്പോർട്ടിന്‍റെ അടിസ്ഥാന ത്തിലാണ് ഇവിടെ ഇമ്യൂണോ തെറാപ്പി മരുന്നു കൊടുക്കുന്നത്.

കോംപ്രിഹെൻസീവ് ജീൻ പ്രൊഫൈലിംഗിനും ഇമ്യൂണോ തെറോപ്പി മരുന്നിനും ചെലവേറും. എങ്കിലും ഈ ചികിത്സ രോഗിയുടെ ജീവൻ രക്ഷിക്കുന്നതിനു മറ്റു രീതികളേക്കാൾ ഫലപ്രദമാണെന്നു കാണുന്നു. ടെസ്റ്റിനും മരുന്നിനുമുള്ള ചെലവിനു സബ്സിഡി നല്കി ആവശ്യമുള്ള രോഗികൾക്കെല്ലാം ഇമ്യൂണോ തെറാപ്പി ലഭ്യമാക്കാവുന്നതാണ്. സർക്കാർ തലത്തിൽ അതിനുള്ള നടപടികൾ ഉണ്ടാകണം.

ഡോ. തോമസ് വർഗീസ്
MS FICS(Oncology) FACS സീനിയർ കൺസൾട്ടന്‍റ് & സർജിക്കൽ ഓങ്കോളജിസ്റ്റ്,
Renai Medicity, കൊച്ചി & പ്രസിഡന്‍റ്, കേരള കാൻസർ കെയർ സൊസൈറ്റി‌‌
ഫോൺ: 9447173088

ഒരേ ലേപനം ദീർഘകാലം ഉപയോഗിക്കാമോ?

ചർമരോഗങ്ങൾക്കു മരുന്ന് ഉപയോഗിക്കുന്പോൾ ശരിയായ രീതിയിൽതന്നെ അത് നിർവഹിക്കണം. മുഖക്കുരുവിന്‍റെ ചികിത്സയ്ക്ക് വ്യാപകമായി ഉപയോഗിക്കുന്ന മരുന്നുകളാണ് റെറ്റിനോയിഡുകൾ. ഇവ രാത്രികാലത്താണ് ഉപയോഗിക്കേണ്ടത്. മാത്രമല്ല വെളിച്ചത്തിൽ നിന്നു മാറിനിൽക്കേണ്ടതും ആവശ്യമാണ്.

മരുന്ന് പകൽസമയത്ത് ഉപയോഗിക്കുകയോ അല്ലെങ്കിൽ രാത്രി മരുന്ന് പുരട്ടിയ ശേഷം ടിവി കാണുകയോ മൊബൈൽഫോണ്‍ ഉപയോഗിക്കുകയോ ചെയ്താൽ മുഖം ചുവന്നുതുടുക്കും. വെളിച്ചത്തിന്‍റെ സാന്നിധ്യത്തിൽ മരുന്ന് നമ്മുടെ ശരീരത്തിൽ അമിതമായി പ്രതികരിക്കുന്നതാണ് ഇതിനു കാരണം.

റെറ്റിനോയ്ഡുകൾ

അതുപോലെതന്നെ റെറ്റിനോയിഡുകൾ ഉപയോഗിക്കുന്പോൾ രാവിലെ ഉണർന്നു കണ്ണാടിയിൽ നോക്കുന്പോൾ മുഖത്തു ചെതുന്പലുകൾ പോലെ കാണാം. ഇത് ചർമത്തിന്‍റെ ഉപരിതലത്തിലുള്ള കോശങ്ങൾ മരുന്നുപയോഗിക്കുന്പോൾ ചർമത്തിൽനിന്നു വേർപെട്ടുപോകുന്നതു മൂലം സംഭവിക്കുന്നതാണ്.

മുഖക്കുരുവിന് ചർമത്തിൽ ലേപനങ്ങൾ പുരട്ടുന്പോൾതന്നെ എണ്ണമയം കുറയ്ക്കുന്നതിനു സോപ്പ് അല്ലെങ്കിൽ ഫേസ് വാഷ് ഉപയോഗിക്കുന്നതാണു നല്ലത്. റെറ്റിനോയിഡുകൾ ഉപയോഗിക്കുന്പോൾ സ്ത്രീകൾ ഗർഭിണിയാകാതിരിക്കാൻ ശ്രദ്ധിക്കണം. കൂടാതെ മരുന്ന് ഉപയോഗം നിർത്തി മൂന്നു മാസമെങ്കിലും കഴിഞ്ഞുവേണം ഗർഭം ധരിക്കാൻ.

ആന്‍റിബയോട്ടിക് ലേപനങ്ങൾ

മുഖക്കുരുവിന് ദീർഘകാലം മരുന്ന് ഉപയോഗിക്കേണ്ടതായിട്ടുണ്ട്. ലേപനങ്ങൾ, സോപ്പുകൾ, ഗുളികകൾ എന്നിവ ഉപയോഗിക്കേണ്ടിവന്നേക്കാം. ആന്‍റിബയോട്ടിക് ലേപനങ്ങൾ ദീർഘകാലം ഉപയോഗിക്കണം. എന്നാൽ ഒരേ ലേപനം(ointment)തന്നെ ദീർഘകാലം ഉപയോഗിച്ചാൽ മുഖക്കുരുവിന് കാരണമായ ബാക്ടീരിയകൾ പ്രസ്തുത ആന്‍റിബയോട്ടിക്കിനെതിരേ പ്രതിരോധശേഷി നേടുന്നു. ഇത് അസുഖം ഭേദമാകാതിരിക്കുന്നതിനു കാരണമാകുന്നു. ആയതിനാൽ ഇടയ്ക്കിടെ ഇവ മാറ്റുന്നത് അത്യാവശ്യമാണ്. മുഖക്കുരുവിന് ഒരേ ലേപനം തന്നെ വർഷങ്ങളോളം ചിലർ ഉപയോഗിക്കാറുണ്ട്. ഇത് ഗുണം ചെയ്യില്ല.

ഗുളികയും ലേപനവും ഒരുമിച്ച് ?

മുഖക്കുരു വളരെ കൂടുതലുള്ളവർക്ക് ഉള്ളിൽ ഗുളിക കഴിക്കേണ്ടിവരും. ഉള്ളിൽ ഗുളിക കഴിക്കുന്ന സമയം ലേപനങ്ങൾ ഉപയോഗിക്കാത്തതാണു നല്ലത്. ഒരേസമയം ഇവ രണ്ടും ഉപയോ ഗിച്ചാൽ മുന്പു സൂചിപ്പിച്ചപോലെ ആന്‍റിബയോട്ടിക്കിനെതിരേ ബാക്ടീരിയ പ്രതിരോധശേഷി നേടുന്നതിന് കാരണമാകും.

ചർമരോഗങ്ങൾ പെട്ടെന്നു ഭേദമാകുമോ?

ചർമത്തിൽ ലേപനങ്ങളോ ലോഷനുകളോ പുരട്ടിയാൽ സാധാരണഗതിയിൽ അവയുടെ ഒരുശതമാനം മാത്രമേ ചർമത്തിലേക്ക് ആഗിരണം ചെയ്യപ്പെടുകയുള്ളൂ. ചർമം വരണ്ടതാണെങ്കിൽ രോഗമുള്ള ഭാഗം തണുത്ത ശുദ്ധജലത്തിൽ അൽപ്പസമയം മുക്കിവച്ച ശേഷം ഓയിന്‍റ്മെന്‍റ് പുരട്ടുന്നത് മരുന്നിന്‍റെ ആഗിരണം വർധിപ്പിക്കുന്നതിനു സഹായകം. ചർമരോഗമുള്ള ഭാഗത്തുനിന്ന് നീരൊലിപ്പ് ഉണ്ടെങ്കിൽ ആ ഭാഗത്ത് രണ്ടു ഗ്ലാസ് തണുത്ത വെള്ളത്തിൽ ഒരു ടീസ്പൂണ്‍ ഉപ്പിട്ട ലായനിയിൽ മുക്കിയ കോട്ടണ്‍ തുണി അൽപനേരം ചുറ്റിവയ്ക്കുന്നത് നീരൊലിപ്പ് കുറയ്ക്കുന്നതിനു സഹായകം. പിന്നീട് ലേപനങ്ങൾ പുരട്ടിയാൽ എളുപ്പത്തിൽ ഗുണം കിട്ടുന്നതായിരിക്കും. അസുഖം മാറാതെ വരുന്പോൾ ഡോക്ടർമാരെ മാറ്റിമാറ്റി പരീക്ഷിക്കുന്നത് കേരളീയരുടെ പൊതുസ്വഭാവമാണ്. പലപ്പോഴും ശരിയായ വിധത്തിൽ മരുന്ന് ഉപയോഗിക്കാതെയായിരിക്കും ഇങ്ങനെ പുതിയ ഡോക്ടർമാരെ തേടിയിറങ്ങുന്നത്. ചർമരോഗങ്ങൾ ഭേദമാകുന്നതിന് അതിന്‍റേതായ സമയം കൊടുക്കുന്നതാണു നല്ലത്.

ഡോക്ടർ നിർദേശിക്കാതെ മരുന്നു വാങ്ങിയാൽ

ദിവസങ്ങൾകൊണ്ടു ഭേദമാകുന്ന ചർമരോഗങ്ങളുണ്ട്. മുഖക്കുരുപോലുള്ള പ്രശ്നങ്ങൾക്ക് മാസങ്ങളോളം നീണ്ടുനിൽക്കുന്ന ചികിത്സ ആവശ്യമാണ്. അതിനാൽ ഗുണം കിട്ടിയില്ലെന്നു പരാതി പറഞ്ഞ് പുതിയ ഡോക്ടറെ തേടിയിറങ്ങാതിരിക്കുന്നതാണു നല്ലത്. ഡോക്ടർമാരുടെ കുറിപ്പടിയില്ലാതെ മരുന്നുകടകളിൽനിന്ന് മരുന്നു നൽകാൻ പാടില്ലെന്ന നിയമമുണ്ടെങ്കിലും പല പ്പോഴും അതു പാലിക്കപ്പെടുന്നില്ല. ഒടിസി മരുന്നു (ഓവർ ദ കൗണ്ടർ - കുറിപ്പടിയില്ലാതെ മരുന്നു വാങ്ങൽ)വില്പന വ്യാപകമാണ്. സ്വകാര്യ ക്ലിനിക്കുകളിലോ സർക്കാർ ആശുപത്രികളിലോ വിദഗ്ധരെ കണ്ട് ചികിത്സ നേടുന്നതാണു നല്ലത്. ഒരിക്കലും സ്വയം ചികിത്സയ്ക്ക് മുതിരാതിരിക്കുക. പണവും സമയവും ആരോഗ്യം നഷ്ടപ്പെടാതിരിക്കാൻ ഇത് സഹായിക്കും.

ഡോ. ജയേഷ് പി. 
സ്കിൻ സ്പെഷലിസ്റ്റ്,പന്തക്കൽ, ഫോൺ - 8714373299

ചികിത്സാസൗകര്യങ്ങൾ കൂടിയിട്ടും ഹൃദ്രോഗികളുടെ എണ്ണത്തിൽ വർധന !

ഹൃദ്രോഗ ചികിത്‌സയ്ക്ക് പൂർണ സജ്ജീകരണങ്ങളുള്ള "കാത്ത് ലാബ്' സൗകര്യമുള്ള ആശുപത്രികളുടെ എണ്ണം കേരളത്തിൽ ആശ്ചര്യമാംവിധം വർധിച്ചുവരികയാണ്. ഏവിടെയും ഹൃദ്രോഗികളെ ചികിത്‌സിക്കാനുള്ള സാമഗ്രികൾ മോടിപിടിപ്പിക്കാനുള്ള വ്യഗ്രതയിലാണ് ആശുപത്രി ഉടമകൾ.

പ്രതിരോധത്തിന്‍റെ കാര്യം മറന്നുപോകുന്പോൾ

സാങ്കേതിക മികവുള്ള ചികിത്സകൾ സജ്ജമാക്കാൻ ആക്രാന്തം കാണിക്കുന്ന മലയാളികൾ എന്നാൽ ഏറ്റവും കാതലായ പ്രതിരോധത്തിന്‍റെ കാര്യം മറന്നുപോകുന്നു. ഇത്രയൊക്കെ ചികിത്സാസൗകര്യമുള്ള ആശുപത്രികൾ കേരളത്തിൽ തല ഉയർത്തിയിട്ടും ഇവിടത്തെ ഹൃദ്രോഗികളുടെ എണ്ണത്തിൽ കുറവിനു പകരം വർധന കാണുന്നത് ഹൃദ്രോഗത്തിലേക്ക് നയിക്കുന്ന വിവിധ ആപത് ഘടകങ്ങളെ നിയന്ത്രണ വിധേയമാക്കാത്തതുകൊണ്ടുതന്നെ.

പ്രായഭേദമില്ലാതെ...

വിദേശരാജ്യങ്ങളിൽ സാധാരണ അറുപതു വയസിനു ശേഷമാണ് ഹാർട്ടറ്റാക്കുണ്ടാകുന്നത്. എന്നാൽ, കേരളത്തിൽ 40 വയസ് കഴിഞ്ഞവർ ഹൃദയാഘാതം വന്നു മരിക്കുന്നു. ഇപ്പോൾ മുപ്പതു വയസുകാരിലും ഇവിടെ ഹൃദ്രോഗസാധ്യത ഏറിവരുന്നു.

വയോജന പരിപാലനം

2022-ൽ കേരളത്തിലെ ജനസംഖ്യ 3.59 കോടിയായിരിക്കുമെന്നാണ് കണക്കുകൾ. ഇതിൽ 50 ലക്ഷം പേർ അറുപത് വയസിന് മുകളിലുള്ളവരാണ്. 80 വയസിനു മുകളിലുള്ളവർ ഇതിൽ 20 ശതമാനവും. ഇതിൽ 30 ശതമാനം വിധവകളായിരിക്കുമെന്നും കണക്കുകൾ പ്രവചിക്കുന്നു. അപ്പോൾ വയോജനങ്ങളുടെ സമഗ്ര പരിപാലനം സംസ്ഥാനത്തിന് വലിയ ഭാരമാകുമെന്ന് തീർച്ച.
ഇവിടെ മുതിർന്ന പൗരന്മാരുടെ ജീവിതവും ഏറെ സങ്കീർണമായിക്കൊണ്ടിരിക്കുന്നു. തങ്ങളുടെ ആയുസിന്‍റെ നല്ലനാളുകൾ രാജ്യത്തിനും സമൂഹത്തിനുമായി മാറ്റിവച്ച മുതിർന്ന പൗരന്മാർക്ക് മാന്യമായ ജീവിതം ഉറപ്പുവരുത്തേണ്ടതു സർക്കാരിന്‍റെ ബാധ്യതയാണ്.

നിസാരമായി അവഗണിക്കരുത്

വയോധികരിലെ ആരോഗ്യപരിപാലനം ഏറെ ദുഷ്കരമാകുന്നു. അവരുടെ രോഗങ്ങൾ തികച്ചും വ്യത്യസ്തമാണ്. കാലം ശരീരത്തിനേൽപ്പിക്കുന്ന പൊറുക്കാത്ത ആഘാതങ്ങളാണ് അതിനു കാരണം. നിസാരമായി അവഗണിക്കപ്പെടുന്ന പല രോഗാവസ്ഥകൾ മരണത്തിൽ കലാശിക്കാം.
രോഗലക്ഷണങ്ങൾ പ്രകടമാകാതെ രോഗം മൂർച്ഛിക്കാം. നെഞ്ചുവേദന കൂടാതെ ഹാർട്ടറ്റാക്കുണ്ടാകാം, പനിയില്ലാതെ അണുബാധയുണ്ടാകാം. അതുപോലെ വയോധികർക്ക് ചെറുപ്പക്കാരെ അപേക്ഷിച്ച് ഔഷധചികിത്സയും വ്യത്യസ്തമാണ്.

ആരോഗ്യം പിടിച്ചുനിർത്താൻ

കോവിഡ്19 മഹാമാരി മനസിലും ശരീരത്തിലും ഉണ്ടാക്കിയ മുറിവുകൾ ഇനിയും ഉണങ്ങിയിട്ടില്ല. ആരോഗ്യം പിടിച്ചുനിർത്താൻ നാം ഏറെ കഷ്ടപ്പെടേണ്ടിവരുന്നു. നമ്മുടെ അജ്ഞതയും മുൻവിധിയും കെടുകാര്യസ്ഥതയും കൊണ്ട് വരുംതലമുറ രോഗപീഡകളുടെ കെടുതിയിലേക്കു വഴുതിവീഴരുത്. അതിനുതക്ക നടപടികൾ എല്ലാവരും സർക്കാരും സന്നദ്ധസംഘടനകളും രാഷ്്ട്രീയ മതസാമൂഹിക പ്രസ്ഥാനങ്ങളും കൈക്കൊള്ളണം.

ഡോ. ജോർജ് തയ്യിൽ MD, FACC, FRCP
സീനിയർ കൺസൾട്ടന്‍റ് കാർഡിയോളജിസ്റ്റ്, ലൂർദ് ആശുപത്രി,എറണാകുളം

പ്രോസസ് ചെയ്ത ഭക്ഷണം കഴിക്കുന്പോൾ അറിയേണ്ടത്...

ദിവസവും നാം ഉപയോഗിക്കുന്ന പലതരം ആഹാരപാനീയങ്ങളിലെല്ലാം നിരവധി രാസവസ്തുക്കൾ ചെറിയ അളവിലാണെങ്കിലും അടങ്ങിയിട്ടുണ്ട്്. പ്രിസർവേറ്റീവ്സ്, ഫ്ളേവറിംഗ് ഏജന്‍റ്സ്്, കളറുകൾ എന്നിങ്ങനെ പലപേരുകളിലും രൂപങ്ങളിലും. ഐസ്ക്രീം, ജെല്ലുകൾ, ജാം, പുഡ്ഡിംഗ്, സോസ്, സൂപ്പ് മിക്സ്....എന്നിങ്ങനെയുള്ള റെഡിമെയ്ഡ് ഭക്ഷ്യോത്പന്നങ്ങളിൽ പ്രിസർവേറ്റീവ്സും കളറുകളും കൂടാതെ മറ്റുപലതരം രാസവസ്തുക്കളും ഉപയോഗിക്കുന്നുണ്ട്.

ഫുഡ് അഡിറ്റീവ്സ്

ഭക്ഷണസാധനങ്ങൾ പ്രോസസ് ചെയ്ത്(സംസ്കരിച്ച്) ഏറെക്കാലം സൂക്ഷിച്ചുവച്ച്
ഉപയോഗിക്കു ന്നതിനാണ് ഫുഡ് അഡിറ്റീവ്സ് ചേർക്കുന്നത്. നിയമത്തിന്‍റെ പരിധിയിൽ നിന്നുകൊണ്ട് ഏകദേശം 2500 ഫുഡ് അഡിറ്റീവ്സ് നാം ഉപയോഗിക്കുന്നുണ്ട്. എന്നാൽ അവ അനുവദനീയമായ അളവിലും അധികമായി ഉപയോഗിക്കുന്നത് ആരോഗ്യപ്രശ്നങ്ങൾക്കിടയാക്കും.

മികച്ചതാണോ‍?

പ്രോസസ് ചെയ്ത ഭക്ഷണം മികച്ചതാണെന്നു പലരും ധരിക്കുന്നുണ്ട്. പക്ഷേ, അതിൽ രാസവസ്തുക്കളുടെ സാന്നിധ്യം അത്രത്തോളമുണ്ടെന്നുകൂടി ഓർക്കണം.

പായ്ക്കറ്റിൽ ലഭിക്കുന്ന പ്രോസസ്ഡ് ധാന്യപ്പൊടികൾ ശീലമാക്കരുത്. ഗോതന്പ് വാങ്ങി കഴുകി ഉണക്കി പൊടിപ്പിച്ച് ഉപയോഗിക്കുന്നതാണു സുരക്ഷിതം.

മുളകും ഉണങ്ങി പൊടിപ്പിച്ചത് ഉപയോഗിക്കുന്നതാണു സുരക്ഷിതം. സുഗന്ധവ്യഞ്ജനങ്ങളും ധാന്യങ്ങളും വാങ്ങി വൃത്തിയാക്കി പൊടിപ്പിച്ച് ഉപയോഗിക്കുന്നതാണ് സുരക്ഷിതമെന്ന് ഫുഡ് സേഫ്റ്റി അധികൃതരും നിർദേശിക്കുന്നു.

കുഞ്ഞുങ്ങൾക്കു കൊടുക്കാമോ?

ചില ഉത്പന്നങ്ങളുടെ കവറിൽ ഫ്രീ ഫ്രം എംഎസ്ജി എന്നു രേഖപ്പെടുത്തിയിരിക്കും. (എംഎസ്ജി എന്നാൽ മോണോ സോഡിയം ഗ്ലൂട്ടാമേറ്റ് - അജിനോമോട്ടോ.) അങ്ങനെ എഴുതിയിട്ടുണ്ടാകുമെങ്കിലും ടേസ്റ്റ് എൻഹാൻസറിൽ മോണോ സോഡിയം ഗ്ലൂട്ടാമേറ്റ് അടങ്ങിയിട്ടുണ്ട്. അതായത് ഭക്ഷണത്തിന്‍റെ സ്വാദു കൂട്ടാനും ചില സ്വാദിന്‍റെ തീവ്രത കൂട്ടാനും ചിലതിന്‍റെ കുറയ്ക്കാനും ടേസ്റ്റ് എൻഹാൻസർ സഹായകം. വാസ്തവത്തിൽ നാവിലുള്ള രുചിമുകുളങ്ങളെ ഉത്തേജിപ്പിക്കുകയാണ് എംഎസ്ജി ചെയ്യുന്നത്. ഒരു വയസിനു താഴെയുള്ള കുഞ്ഞുങ്ങൾക്ക് എംഎസ്ജി അടങ്ങിയ ഭക്ഷണം കൊടുക്കാൻ പാടില്ലെന്നാണു നിർദേശം.

E 310, E 100.. ഇതൊക്കെ എന്താണ്?

പായ്ക്കറ്റ് ഭക്ഷണവിഭവങ്ങളുടെ കവറിൽ ഇ ചേർന്ന ചില നന്പറുകൾ ചേർത്തിട്ടുണ്ട്. യൂറോപ്യൻ യൂണിയന്‍റെ നന്പറാണത്. ലോകമെന്പാടും ഉപയോഗിക്കുന്ന കോഡ്. E 310, E 100 എന്നിങ്ങനെ. കളർകോഡാണത്. അനുവദനീയമായ കളറിനെ സൂചിപ്പിക്കുന്നു. ഉപയോഗിക്കാൻ പാടില്ലാത്ത കളർകോഡുകളുടെ ലിസ്റ്റ് ഫുഡ് സേഫ്റ്റി അഥോറിറ്റി വെബ്സൈറ്റിലുണ്ട്.

പച്ച, ഇളം മഞ്ഞ തുടങ്ങി മൂന്നു നാലു കളർ മാത്രമാണ് അനുവദിച്ചിട്ടുള്ളത്. മധുരപലഹാരങ്ങളിൽ ചേർക്കാൻ മാത്രമാണ് അനുമതി. മെറ്റാനിൻ യെലോ അനുവദനീയമല്ല.

(തുടരും)

ഡോ. അനിതാ മോഹൻ
നുട്രീഷൻ സ്പെഷലിസ്റ്റ് & ഡയറ്റ് കൺസൾട്ടന്‍റ്

സോറിയാസിസിനു പിന്നിൽ ജനിതകപ്രശ്നങ്ങളോ?

ലോകത്തിലെ ആകെ ജനസംഖ്യയുടെ രണ്ടു ശതമാനംപേരെ ബാധിക്കുന്ന രോഗമാണ് സോറിയാസിസ്. സോറ എന്ന ഗ്രീക്ക് പദത്തിൽനിന്നാണ് സോറിയാസിസ് എന്ന വാക്ക് ഉണ്ടായത്. പുരാതനകാലം മുതൽക്കുതന്നെ ഭൂമുഖത്ത് ഈ രോഗം ഉണ്ടായിരുന്നുവത്രേ.

സോറിയാസിസ് ഉള്ളവരിൽ...

ചർമത്തിൽ നടക്കുന്ന കെരാറ്റിനൈസേഷൻ എന്ന പ്രക്രിയയിൽ സംഭവിക്കുന്ന ചില വ്യതിയാനങ്ങളാണ് സോറിയാസിസിനു കാരണം. ചർമത്തിന്‍റെ ഏറ്റവും ഉപരിതലത്തിൽ കാണുന്ന കുറച്ച് പാതികോശങ്ങൾ മൃതാവസ്ഥയിലാണുള്ളത്. ഇതിനെ സ്ട്രാറ്റം കോർണിയം എന്നു വിളിക്കുന്നു. എപ്പിഡെർമിസിന്‍റെഏറ്റവും താഴെ സ്ഥിതിചെയ്യുന്ന വളരെ വേഗം വിഭജിക്കുന്ന കോശങ്ങൾക്ക് ചില രൂപമാറ്റങ്ങൾ സംഭവിച്ചാണ് ഈ മൃതകോശങ്ങൾ ഉണ്ടാകുന്നത്. ഇതൊരു സങ്കീർണമായ പ്രക്രിയയാണ്.

ഈ പ്രക്രിയയിൽ നമ്മുടെ ചർമത്തിലെ പ്രധാന മാംസ്യങ്ങളിലൊന്നായ കെരാറ്റിൻ ഉത്പാദിപ്പിക്കപ്പെടുന്നു. അതുകൊണ്ടാണ് ഇതിനെ കെരാറ്റിനൈസേഷൻ എന്നു വിളിക്കുന്നത്. സാധാരണയായി ഇതിന് രണ്ടാഴ്ച സമയമെടുക്കും. എന്നാൽ സോറിയാസിസ് ഉള്ളവരിൽ ചുരുങ്ങിയ ദിവസങ്ങൾക്കകം ഈ പ്രക്രിയ പൂർണമാകുന്നു. തത്ഫലമായി ചർമോപരിതലത്തിൽ മൃതകോശങ്ങൾ കട്ടി പിടിച്ചു കിടക്കുന്നു. ഇത് ചർമോപരിതലത്തിൽ ശൽക്കങ്ങളായി കാണപ്പെടുന്നു.

ചർമത്തിലുള്ള രക്തക്കുഴലുകൾ വികസിക്കുകയും ന്യൂട്രോഫില്ലുകൾ ചർമത്തിൽ അടിഞ്ഞുകൂടുകയും ചെയ്യുന്നു. ശരീരത്തിൽ രോഗപ്രതിരോധത്തിന് പ്രധാന പങ്കുവഹിക്കുന്ന കോശങ്ങളാണ് ടി ലിംഫോസൈമുകൾ. ഇവ രക്തക്കുഴലിൽനിന്നു ചർമത്തിൽ പ്രവേശിക്കുകയും അവയ്ക്ക് ഉത്തേജനം സംഭവിക്കുകയും ചെയ്യുന്നു. ഇവ ചില പ്രത്യേകതരം രാസപദാർഥങ്ങൾ ഉത്പാദിപ്പിക്കുന്നു. ഇവയാണ് സോറിയാസിസ് രോഗം ഉണ്ടാക്കുന്നതിൽ പ്രധാന പങ്കുവഹിക്കുന്നത്.

അച്ഛനോ അമ്മയ്ക്കോ രോഗം ഉണ്ടായാൽ

ജനിതകപരമായ കാരണങ്ങൾകൊണ്ട് ഈ രോഗം ഉണ്ടാകാം. അച്ഛനോ അമ്മയ്ക്കോ ഈ രോഗം ഉണ്ടായാൽ മക്കൾക്കും രോഗമുണ്ടാകാനുള്ള സാധ്യത 14 ശതമാനം വരും. എന്നാൽ രണ്ടുപേർക്കും രോഗമുണ്ടായാൽ മക്കളിൽ രോഗം വരാനുള്ള സാധ്യത 40 ശതമാനത്തോളമാണ്. മനുഷ്യരിൽ മാത്രമല്ല മൃഗങ്ങളിലും ഈ രോഗം വരാം. നേരത്തേ സൂചിപ്പിച്ച ഉത്തേജിപ്പിക്കപ്പെട്ട ടി ലിംഫോസൈറ്റുകൾ മൃഗങ്ങളിൽ കുത്തിവച്ചാൽ അവരിൽ ഈ രോഗം കൃത്രിമമായി സൃഷ്ടിക്കാൻ കഴിയുമെന്നു പഠനങ്ങൾ സൂചിപ്പിക്കുന്നു.

മാനസിക സമ്മർദം ഏറിയാൽ...

രോഗം വരാനുള്ള മറ്റൊരു പ്രധാന കാരണം പല തരത്തിലുള്ള മാനസിക സമ്മർദമാണ്. അത് വ്യക്തിപരമോ കുടുംബപരമോ സാമൂഹികപരമോ ആയ വിഷയങ്ങളാവാം. മാനസികസമ്മർദം ഉണ്ടാകുന്പോൾ രോഗം പ്രത്യക്ഷപ്പെടുകയോ അധികരിക്കുകയോ ചെയ്യാം. സമ്മർദം ലഘൂകരിക്കപ്പെട്ടാൽ അസുഖം ഭേദമാവുകയോ ലക്ഷണങ്ങൾ കുറയുകയോ ചെയ്യാം.

അതു ചികിത്സാപിഴവല്ല...

ചില ഔഷധങ്ങൾ (വേദനസംഹാരികൾ, വിഷാദരോഗത്തിന് ഉപയോഗിക്കുന്ന മരുന്നുകൾ, രക്തസമ്മർദം നിയന്ത്രിക്കാനുപയോഗിക്കുന്നവ, മലേറിയയ്ക്കെതിരേ ഉപയോഗിക്കുന്നവ) സോറിയാസിസ് ആദ്യമായി പ്രത്യക്ഷപ്പെടാനോ വർധിപ്പിക്കാനോ കാരണമാകുന്നു. ഈ മരുന്നുകൾ ഞാൻ നേരത്തേ സൂചിപ്പിച്ച പ്രക്രിയയ്ക്ക് ആക്കം കൂട്ടുന്നതുകൊണ്ടാണ് ഇങ്ങനെ സംഭവിക്കുന്നത്. അല്ലാതെ ഡോക്ടറുടെ ചികിത്സാപിഴവു മൂലമല്ല രോഗം വന്നത് എന്നോർക്കുക.

(തുടരും)
ഡോ. ജയേഷ് പി. 
സ്കിൻ സ്പെഷലിസ്റ്റ്
പന്തക്കൽ,
ഫോൺ - 8714373299

ഒമിക്രോൺ; പാലിക്കാം കർശന ജാഗ്രത

കോവിഡ് 19 എന്ന പേരിനേക്കാളും ഭയപ്പെടുത്തുന്ന മറ്റൊരു പേരാണ് നാം ഇപ്പോൾ കേട്ടുവരുന്ന ഒമിക്രോൻ അഥവാ സൂപ്പർ മ്യൂട്ടന്‍റ് കോവിഡ് 19(Super Mutant Covid19) എന്നത്.

ഒമിക്രോൺ

ഇന്ത്യൻ വകഭേദത്ത ഡെൽറ്റ (Delta) എന്നും യുകെ വകഭേദത്തെ ആൽഫ (Alpha) എന്നും ലോകാരോഗ്യ സംഘടന സൂചിപ്പിച്ചപ്പോൾ സാംസ്കാരികപരമായി ഒരുപാട് മുദ്രകുത്തലുകൾ ഉണ്ടാവാൻ ഇടയായി. അതിനാൽ ഗ്രീക്ക് അക്ഷരമാലയിലെ 15 ാം അക്ഷരമായ Omicron എന്ന പദം ഈ വകഭേദത്തിനായി സൂചിപ്പിക്കുന്നു. B.1.1.529 എന്ന ഈ വകഭേദം ഗൗട്ടെണ്ട് പ്രവിശ്യ, ജോഹന്നാസ്ബർഗ് സൗത്ത് ആഫ്രിക്കയിൽ നിന്ന് 2021 നവംബർ 24നാണ് കണ്ടെത്തിയത്.

ജനിതക കോഡിലെ മാറ്റങ്ങൾ

ഒരു വൈറസിന്‍റെ ജനിതക കോഡിൽ ഉണ്ടാകുന്ന മാറ്റങ്ങൾ/Mutation ആണ് ഇതിനെ വകഭേദം/പുതിയ ഒരു variant ആക്കി മാറ്റുന്നത്. VOC/Variant of Concern ആണ് Omicron ഉള്ളത്. ഈ വകഭേദങ്ങൾ കണ്ടെത്താൻ പ്രധാനമായും ആശ്രയിക്കുന്ന ഘടകങ്ങൾ ഇവയാണ്:

► രോഗ മൂർച്ഛ/Seventy of diseare.
► രോഗം പകരാനുള്ള സാധ്യത/Transnushilly
► ലഭ്യമായ ലാബ് ടെസ്റ്റുകൾ വഴി രോഗം കണ്ടെത്തൽ

32 മ്യൂട്ടേഷനുകൾ

ഒമിക്രോൺ കൂടുതൽ രോഗം പകർത്താൻ സാധ്യതയുള്ളതാണ് പഠനങ്ങൾ സൂചിപ്പിക്കുന്നത്. കാരണം, പ്രോട്ടീൻ ഘടനയിൽ 32 മ്യൂട്ടേഷനുകളാണ് ഇതിനുള്ളത്. മറിച്ച് ഡെൽറ്റ വകഭേദത്തിന് 11 മ്യൂട്ടേഷനുകൾ ആണ് ഉള്ളത്.

രണ്ട് വാക്സിൻ എടുത്തവരിൽ

സൗത്ത് ആഫ്രിക്കയിൽ നിന്നു വരുന്ന വാർത്തകൾ പ്രകാരം ഈ രോഗം വരുന്നവരിൽ തീവ്രതയില്ലാത്ത( Mild) രോഗലക്ഷണങ്ങൾ മാത്രമാണുള്ളത്. അതോടൊപ്പം രണ്ടു വാക്സിനേഷനുകളും എടുത്തവരിൽ രോഗലക്ഷണങ്ങൾ ഒന്നും തന്നെയില്ല.

രാജ്യങ്ങൾ യാത്രാ നിയന്ത്രണങ്ങൾ കടുപ്പിച്ചു കഴിഞ്ഞു. രോഗലക്ഷണങ്ങൾ ആദ്യം തന്നെ റിപ്പോർട്ട് ചെയ്യുക, കൂടുതൽ ടെസ്റ്റുകൾ നടത്തുക എന്നിവയാണ് ചില നിർദ്ദേശങ്ങൾ.

നമുക്ക് എന്തൊക്കെ ചെയ്യാം?

► തെറ്റായ വാർത്തകൾ പ്രചരിപ്പിക്കാതിരിക്കുക.
►വൃത്തിയുള്ളതും ശരിയായ അളവിലുമുള്ളതുമായ മാസ്കുകൾ ധരിക്കുക.
►സാമൂഹിക അകലം പാലിക്കുക.
► പുറത്ത് പോയി വന്നാൽ കൈകാലുകൾ സോപ്പ് കൊണ്ട് കഴുകി വൃത്തിയാക്കിയശേഷം
അകത്തു കടക്കുക.
► ചുമയ്ക്കുന്പോഴും തുമ്മുന്പോഴും മുഖം മറയ്ക്കുക.
► വായു സഞ്ചാരമുള്ള മുറികളിൽ കഴിയുക.
► വാക്സിനേഷൻ പൂർത്തിയാക്കുക.

ജാഗ്രത കൈവിടാതെ...

കോവിഡ് 19 ൽ ലോകം അവസാനിക്കും എന്ന് പലരും വിധിയെഴുതിയപ്പോഴും ഇന്ത്യക്കാരായ നാം അതിനെ ചെറുത്തുതോൽപ്പിക്കുകയാണ് ചെയ്തത്. ഈ ദിനവും കടന്നു പോകും. കൂടുതൽ ജാഗ്രതയോടെ, കരുതലോടെ നീങ്ങാം. നല്ലൊരു നാളെ നമുക്ക് ഉണ്ടാകും.

കരുതലോടെ ആന്‍റി ബയോട്ടിക് ഉപയോഗം

തടയൂ ആന്‍റിബയോട്ടിക് പ്രതിരോധം -3

ആന്‍റിബയോട്ടിക്ക്സ് ദുരുപയോഗം മനുഷ്യരിൽ മാത്രം ഒതുങ്ങുന്ന ഒന്നല്ല. ആകെയുള്ള ആന്‍റിബയോട്ടിക് ഉപയോഗത്തിന്‍റെ 80% മൃഗങ്ങളിലും മത്സ്യ കൃഷിയിലും ആണുളളത്. സെന്‍റർ ഫോർ സയൻസ് ആൻഡ് എൻവയോണ്‍മെന്‍റ് നടത്തിയ പഠനത്തിൽ ഇന്ത്യയിൽ വിറ്റഴിക്കപ്പെടുന്ന മിക്ക തേൻ ഉൽപ്പന്നങ്ങളിലും ആന്‍റിബയോട്ടിക്സ് വിവിധ അളവുകളിൽ അടങ്ങിയിട്ടുണ്ട്.

മാംസത്തിലും കൊഴുപ്പിലും പാലിലും..

പശുക്കൾക്കുണ്ടാകുന്ന അകിടുവീക്കം ഡയറി ഫാമുകളിലെ ഒരു പ്രധാന പ്രശ്നമാണ്. അങ്ങനെയുള്ള പശുവിന്‍റെ പാലിൽ ആന്‍റിബിയോട്ടിക്സിന് ഒപ്പം തന്നെ അവയോടു പ്രതിരോധം ആർജിച്ച അണുക്കളും ഉണ്ടാകാറുണ്ട്. മൃഗങ്ങൾക്കു തൂക്കം വർധിക്കാനും അണുബാധ മുൻകൂട്ടി തടയാനും കാലിത്തീറ്റയിലും കോഴിത്തീറ്റയിലും ഇവ ചേർത്തുകൊടുക്കുന്നത് സർവസാധാരണമാണ്. ഇവ ഭക്ഷ്യശൃംഖലയിലൂടെ മനുഷ്യരിൽ എത്തിച്ചേരുന്നു.

ഭക്ഷ്യസുരക്ഷാ നിയമപ്രകാരം മാംസത്തിലും കൊഴുപ്പിലും പാലിലും അടങ്ങിയിരിക്കുന്ന ആന്‍റിബയോട്ടിക്സിന്‍റെ അളവ് 0.01 മില്ലിഗ്രാം/കിലോഗ്രാം ആയി നിജപ്പെടുത്തിയിട്ടുണ്ട്. ഉപഭോക്തൃ സംസ്ഥാനമായ കേരളത്തിൽ ഇതിനു നിയന്ത്രണങ്ങൾ ഉണ്ടാവേണ്ടത് അത്യന്താപേക്ഷിതമാണ്. സുരക്ഷിതമായ ഭക്ഷണ സാധനങ്ങൾ വിപണിയിൽ ലഭ്യമാകുക എന്നത് ഓരോ ഉപഭോക്താവിന്‍റെയും അവകാശമാണ്.

ആന്‍റിബയോട്ടിക് പ്രതിരോധം തടയേണ്ടത്

നമ്മുടെ ശരീരത്തിലും പ്രകൃതിയിലും ഉള്ള പല സൂക്ഷ്മാണുക്കളും ആന്‍റിബയോട്ടിക്സുമായുള്ള സന്പർക്കം വഴി പ്രതിരോധം ആർജിക്കുന്നു. പിന്നീട് ഇവ മൂലം ഉണ്ടാകുന്ന അസുഖങ്ങൾ ചികിൽസിച്ചു ഭേദമാക്കുവാൻ സാധിക്കാതെ വരുന്നു. മരണനിരക്ക് കൂടുന്നു എന്നതു മാത്രമല്ല, അനാവശ്യമായ ചികിത്സാ ചെലവും ആശുപത്രിവാസവും വേണ്ടിവരുന്നു. 2050 ആകുന്പോൾ ഏതാണ്ട് 10% മരണങ്ങളും ആന്‍റിബയോട്ടിക് റെസിസ്റ്റൻസ് മൂലമാകുമെന്ന് കരുതപ്പെടുന്നു. ഇതു കാൻസർ, റോഡപകടങ്ങൾ എന്നിവമൂലമുള്ള മരണനിരക്കുകളെക്കാൾ കൂടുതലാണ്. പുതിയ ആന്‍റിബയോട്ടിക്കുകൾ വികസിക്കപ്പെടുന്നില്ല എന്ന വസ്തുതയും ഇവ കരുതലോടെ ഉപയോഗിക്കാൻ നമ്മെ ഓർമപ്പെടുത്തുന്നു.

നമ്മുക്ക് എന്തൊക്കെ ചെയ്യാം?

ഇന്ന് ലോകം അഭിമുഖീകരിക്കുന്ന ഏറ്റവും പ്രധാനപ്പെട്ട 10 ആരോഗ്യപ്രശ്നങ്ങളിൽ ഒന്നാണ് ആന്‍റിബയോട്ടിക്ക് റസിസ്റ്റൻസ്. രോഗം വന്നിട്ട് ചികിത്സിക്കുന്നതിനേക്കാൾ നല്ലത് രോഗാണുബാധകൾ ഉണ്ടാകാനുളള സാഹചര്യം കഴിവതും തടയുന്നതാണ്.

► കൈകൾ സോപ്പും വെള്ളവും ഉപയോഗിച്ച് കഴുകുക, രോഗലക്ഷണങ്ങൾ ഉള്ളവരുമായി അകലം പാലിക്കുക, രോഗ പ്രതിരോധ കുത്തിവയ്പുകൾ സമയത്തിന് എടുക്കുക എന്നീ മുൻകരുതലുകൾ സ്വീകരിക്കാം.

►പ്രതിരോധ ശേഷികുറഞ്ഞ കിടപ്പുരോഗികളെ സന്ദർശിക്കുന്നത് കഴിവതും പരിമിതപ്പെടുത്തുക.

►ആന്‍റിബയോട്ടിക്കുകൾ ഉപയോഗിക്കുന്നത് അംഗീകൃത മെഡിക്കൽ പ്രാക്ടീഷണൻമാരുടെ മേൽനോട്ടത്തിലും കുറിപ്പടി അനുസരിച്ചും മാത്രം ആയിരിക്കണം.

►താത്കാലിക രോഗ ശമനം അനുഭവപ്പെട്ടാലും ഡോക്ടർ നിർദ്ദേശിക്കുന്ന ക്രമത്തിൽ മരുന്നുകൾ കഴിച്ചു പൂർത്തിയാക്കുക. ബാക്കി വരുന്ന ആന്‍റിബയോട്ടിക്കുകൾ ചികിത്സ പൂർത്തിയായാൽ പിന്നീട് ഉപയോഗിക്കാൻ പാടുള്ളതല്ല.

►ആന്‍റിബയോട്ടിക്കുകൾ മറ്റുള്ളവർക്ക് കൊടുക്കാനോ മറ്റുള്ളവരിൽ നിന്നു കൈമാറി സ്വയം ചികിത്സയുടെ ഭാഗമായി കഴിക്കാനോ പാടില്ല.

► ഓണ്‍ലൈൻ ആയും ഡോക്ടറുടെ കുറിപ്പില്ലാതെയുമുള്ള വില്പന നിയമംവഴി പൂർണമായി തടയേണ്ടതാണ്. എല്ലാ ആശുപപത്രികളിലും ആന്‍റിബയോട്ടിക്കുകൾ കരുതലോടെ ഉപയോഗിക്കുന്നതിനാവശ്യമായ നയങ്ങളും പദ്ധതികളും രൂപവത്കരിക്കേണ്ടതുണ്ട്. ആന്‍റിബയോട്ടിക്കുകൾ നിർദ്ദേശിക്കുന്പോൾ അതിന്‍റെ ആവശ്യകതയും കൃത്യതയും ഉറപ്പുവരുത്തേണ്ട ചുമതല ഡോക്ടർമാർക്കുണ്ട്.

►പ്രതിരോധമാർജിക്കാൻ സാധ്യതകുറഞ്ഞ മരുന്നുകൾ കൂടുതലായി ഉപയോഗിക്കുകയും മാരകമായ അണുബാധയ്ക്കുളള റിസേർവ് ഡ്രഗ്സ് യുക്തിപൂർവ്വം ഉപയോഗിക്കേണ്ടതുമാണ്. ലാബ് റിപ്പോർട്ടുകളെ അടിസ്ഥാനമാക്കി നിരന്തരമായ വിശകലനവും അത്യന്താപേക്ഷിതമാണ്.

ആന്‍റിമൈക്രോബിയൽ റസിസ്റ്റൻസ് വളരെ സങ്കീർണമായ ഒരു പ്രശ്നം ആയതിനാൽ ആരോഗ്യമേഖലയിൽ മാത്രം ഒതുങ്ങിക്കൊണ്ടുളള പ്രവർത്തനങ്ങൾ അപര്യാപ്തമാണ്. പൊതുജനങ്ങളുടെയും മൃഗ-കൃഷി-ഭക്ഷ്യസുരക്ഷാ വകുപ്പുകൾ പോലുളള വിവിധമേഖലയിലുളള ആളുകളുടേയും സഹകരണത്തോടെ മാത്രമേ പ്രശ്നപരിഹാരം സാധ്യമാവുകയുള്ളു.

എന്താണ് ആന്‍റിബയോട്ടിക് ദുരുപയോഗം?

തടയൂ ആന്‍റിബയോട്ടിക് പ്രതിരോധം -2

ഒരു ചെറിയ വിഭാഗം ബാക്റ്റീരിയ ജനിതകമാറ്റം വഴി പ്രതിരോധം ആർജിക്കുകയും അവ ആന്‍റി ബയോട്ടിക് മരുന്നുകൾ ക്കെതിരേ പ്രതിരോധം നേടുകയും ചെയ്യുന്ന പ്രശ്നത്തിനെതിരെ പോരാടുന്നതിനു വേണ്ടിയാണു ഗ്ലോബൽ ആക്ഷൻ പ്ലാൻ ഫോർ ആന്‍റിമൈക്രോബിയൽ റെസിസ്റ്റൻസ് 2015-ൽ നിലവിൽ വന്നത്.

ഇതിന്‍റെ ചുവടു പിടിച്ചു ദേശീയത്തലത്തിലുള്ള മാർഗ്ഗരേഖ 2017 ലും കേരളത്തിൽ അത് 2018 ലും നിലവിൽ വന്നു. എല്ലാ വിഭാഗത്തിൽ പെട്ട ആളുകളെയും ബോധവത്കരിക്കാൻ നവംബർ 18 മുതൽ 24 വരെ എല്ലാ വർഷവും ആന്‍റിമൈക്രോബിയൽ അവയെർന‌സ് വീക്ക് ആയി ആചരിക്കുന്നു.

ആന്‍റിമൈക്രോബിയൽസ്

ബാക്റ്റീരിയ, വൈറസ്, ഫംഗസ്, പാരസൈറ്റ്സ് മുതലായ സൂഷ്മാണുക്കൾക്ക് എതിരെ ഉപയോഗിക്കുന്ന മരുന്നുകളെ പൊതുവായി ആന്‍റിമൈക്രോബിയൽസ് എന്ന് പറയുന്നു.

മരുന്നു മുടക്കിയാൽ സംഭവിക്കുന്നത്...

എന്താണ് ആന്‍റി ബയോട്ടിക് ദുരുപയോഗം? ഒരു ഉദാഹരണത്തിലൂടെ തുടങ്ങാം. ഒരാൾക്കു ക്ഷയരോഗം സ്ഥിരീകരിച്ചത് ദീർഘനാളത്തെ പരിശോധനകൾക്കു ശേഷമാണ്. പക്ഷേ, അദ്ദേഹം കോഴ്സ് പൂർത്തീകരിക്കുന്നതിനു മുന്പുതന്നെ മരുന്നുകൾ മുടക്കി. ഇതു രോഗാണുവിനെ പൂർണമായി നശിപ്പിക്കാൻ പര്യാപ്തമായിരുന്നില്ല എന്നു മാത്രമല്ല, അവയ്ക്ക് പ്രതിരോധം ആർജിക്കുവാനുള്ള അവസരം ഒരുക്കുകയും ചെയ്തു.

ആറു മാസം കഴിഞ്ഞപ്പോൾ പ്രമേഹരോഗിയായ ഭാര്യയ്ക്കും ക്ഷയരോഗം ബാധിച്ചു. ഭാര്യ കൃത്യമായിത്തന്നെ മരുന്നുകൾ എടുത്തു. എങ്കിലും പ്രതിരോധമാർജിച്ച രോഗാണു ആയതിനാൽ രോഗം മൂർച്ഛിച്ച് മരണപ്പെട്ടു. ആരാണ് അയാളുടെ ഭാര്യയുടെ മരണത്തിന് ഉത്തരവാദി?
പഴയ കുറിപ്പടി, മരുന്നുകടയിൽ നിന്ന് ഉപദേശം, ഓൺലൈൻ ചികിത്സ!!

ഇതുപോലെ തന്നെയാണ് ചെറിയ വൈറൽ പനികൾക്കും ജലദോഷത്തിനും വയറിളക്കത്തിനും മറ്റും പഴയ കുറിപ്പടി ഉപയോഗിച്ചും മരുന്നുകടകളിൽ നിന്നുള്ള ഉപദേശം തേടിയും ഓണ്‍ലൈൻ ആയും ചികിത്സ നടത്തുന്പോൾ സംഭവിക്കുന്നത്.

തെറ്റായ ആന്‍റിബയോട്ടിക് ഉപയോഗം

ആന്‍റിബയോട്ടിക്സ് വേണ്ടാത്ത സന്ദർഭങ്ങളിൽ അതുപയോഗിക്കുക, തെറ്റായ ആന്‍റിബയോട്ടിക്സ് തിരഞ്ഞെടുക്കുക, തോതും കാലയളവും കൃത്യമല്ലാതെ ഉപയോഗിക്കുക എന്നിവയെല്ലാം ദുരുപയോഗത്തിന്‍റെ ഭാഗമാണ്.

വൈറസിനെതിരേ എന്തിന് ആന്‍റിബയോട്ടിക്കുകൾ!

ആന്‍റിബയോട്ടിക്കുകൾ വൈറസുകൾക്കെതിരെ യാതൊരു പ്രവർത്തനവും ഇല്ല എന്നു മാത്രമല്ല ചിലപ്പോൾ അത് സൂപ്പർ ബഗ്ഗുകൾ മൂലമുള്ള അണുബാധയ്ക്ക് വഴിതെളിച്ചേക്കാം. വെളുക്കാൻ തേച്ചത് പണ്ടായി എന്നു പണ്ടുള്ളവർ പറയുന്ന പോലെ. നമ്മുടെ ആശുപത്രികളിലെ 50% ആന്‍റിബയോട്ടിക്സ് ഉപയോഗവും യുക്തിവിരുദ്ധമാണ്

(തുടരും)

ആന്‍റിബയോട്ടിക് അധികമായാൽ എന്താണ് കുഴപ്പം?

ഒരു നൂറ്റാണ്ട് മുൻപ് രോഗങ്ങളെ കൃത്യമായി ചികിത്സിക്കുന്നതിന് ഉപയുക്തമായ മരുന്നുകൾ ഒന്നും തന്നെ ഉണ്ടായിരുന്നില്ല.. അലക്സാണ്ടർ ഫ്ളെമിംഗ്, പൊതുവെ അലസൻ എന്നു വിളിക്കപ്പെട്ടിരുന്ന ഒരു സ്കോട്ടിഷ് ഗവേഷകൻ, വളരെ യാദൃശ്ചികമായാണ് പെൻസിലിൻ എന്ന ആദ്യ ആന്‍റിബയോട്ടിക് കണ്ടെത്തിയത്. ഇതു വൈദ്യശാസ്ത്ര രംഗത്തു വിപ്ലവകരമായ മാറ്റത്തിന് തുടക്കംകുറിച്ചു.

ഈ അദ്ഭുതമരുന്നുകളുടെ കണ്ടുപിടിത്തത്തോടെ, ഒരിക്കൽ മാരകമെന്നു കരുതിയിരുന്ന പല രോഗങ്ങളും നിസാരവത്കരിക്കപ്പെട്ടു. പിന്നീടുള്ള നാലു ദശകക്കാലം പല വിഭാഗത്തിൽപ്പെട്ട ആന്‍റിബയോട്ടിക്കുകൾ വികസിക്കപ്പെട്ടു. പല സാംക്രമിക രോഗങ്ങളും തുടച്ചുനീക്കാമെന്ന അമിതമായ ആത്മവിശ്വാസമാണ് ഇതു മാനവരാശിക്ക് നൽകിയത്. പക്ഷെ സംഭവിച്ചത് നേരെ മറിച്ചാണ്. ആന്‍റിബയോട്ടിക്സും ബാക്ടീരിയയുമായുളള യുദ്ധത്തിൽ, പ്രതിരോധമാർജിച്ച ബാക്ടീരിയ അഥവാ സൂപ്പർ ബഗ്ഗുകൾ ഉദയം ചെയ്തു.

ആന്‍റിബയോട്ടിക് റെസിസ്റ്റൻസ് അഥവാ പ്രതിരോധം എങ്ങനെ ഉണ്ടാകുന്നു?

ബാക്ടീരീയ മൂലമുണ്ടാകുന്ന അസുഖങ്ങൾ ചികിൽസിക്കാൻ ഉപയോഗിക്കുന്ന മരുന്നുകളാണ് ആന്‍റിബയോട്ടിക്സ്. സൂപ്പർ ബഗ്ഗുകൾ ഉദയം ചെയ്യുന്നതിനുള്ള പ്രധാനകാരണം ആന്‍റിബയോട്ടിക്കുമായുള്ള സന്പർക്കമാണ്. അത് ശരിയായ രീതിയിലുള്ളതോ, ദുരുപയോഗമോ ആയിക്കൊള്ളട്ടെ.

ബാക്ടീരിയ സ്വന്തം നിലനിൽപ്പിനു വേണ്ടി പരിണാമത്തിന്‍റെ ഭാഗമായ പ്രകൃതി നിർധാരണത്തിനു വിധേയമാകുന്നു. അതായത് ഒരു ചെറിയ വിഭാഗം ബാക്‌ടീരിയ ജനിതകമാറ്റം വഴി പ്രതിരോധം ആർജിക്കുകയും അവ ക്രമേണ ആധിപത്യം നേടുകയും ചെയ്യുന്നു.

നമ്മുടെ ആശുപത്രികളിൽ സാധാരണയായി കാണുന്നതും എന്നാൽ ചികിത്സിക്കാൻ പ്രയാസമേറിയതുമായ സൂപ്പർ ബഗ്ഗുകളാണ് എംആർഎസ്എ, എംഡിആർ ടിബി, ആന്‍റിബയോട്ടിക്ക് റസിസ്റ്റൻസ്, ജിഎൻബി എന്നിവ.

കഴിഞ്ഞ 30 വർഷക്കാലം വളരെ ചുരുക്കം ചില ആന്‍റിബയോട്ടിക്കുകൾ മാത്രമേ പുതുതായി വിപണിയിൽ എത്തിയിട്ടുള്ളു. ഒരു മരുന്ന് നാല് വിവിധ ഘട്ടങ്ങളിലുള്ള പരീക്ഷണങ്ങൾ കഴിഞ്ഞു വിപണിയിൽ എത്താൻ ചുരുങ്ങിയത് 10-15 വർഷം എങ്കിലും വേണ്ടി വരും.

പുതിയ മരുന്നുകൾ ഉപയോഗിക്കാൻ ചില നിയന്ത്രണങ്ങൾ ഉള്ളതിനാലും ബാക്‌ടീരിയ വളരെ പെട്ടെന്ന് തന്നെ പ്രതിരോധം ആർജിക്കുന്നതിനാലും ഇതു ലാഭകരമായ ഒരു സംരംഭം അല്ല. അതുകൊണ്ടു തന്നെ, മരുന്ന് കന്പനികൾ ഈ മേഖലയിൽ മുതൽ മുടക്കാൻ വിമുഖത കാട്ടുന്നു.

ഫലപ്രദമായ ആന്‍റിബയോട്ടിക്സ് ഇല്ലെങ്കിൽ ശസ്ത്രക്രിയകൾ, കാൻസർ ചികിത്സ, അവയവമാറ്റ ശാസ്ത്രക്രിയകൾ തുടങ്ങിയ ചികിത്സാരീതികൾ അപകടം നിറഞ്ഞതും സമീപഭാവിയിൽ ഒരുപക്ഷേ അസംഭവ്യവും ആയെന്നു വന്നേക്കാം.

നമ്മൾ ആന്‍റിബയോട്ടിക്സ് കണ്ടുപിടിക്കുന്നതിനു മുൻപുളള ആ പഴയ യുഗത്തിലേക്ക് പിന്നോക്കം പോവുകയാണോ? അല്ല; നാം ആന്‍റിബയോട്ടിക്ക് യുഗത്തിന് ശേഷമുളള ഒരു പുതിയ കാലഘട്ടത്തിലേക്ക് എത്തിചേർന്നിരിക്കുന്നു.

ഒരു ഹൃദയമാറ്റ ശസ്ത്രക്രിയ വിജയകരമായി പൂർത്തീകരിച്ചാലും അണുബാധ വഴി മരണത്തിനു കീഴടങ്ങേണ്ടി വരുന്ന ദുരവസ്ഥ! ചെറിയ മുറിവുകളും തൊണ്ടയിലുളള അണുബാധയും മറ്റും മരണത്തിലേക്ക് നയിച്ചേക്കാവുന്ന വിചിത്രമായ അവസ്ഥയെപ്പറ്റി ചിന്തിച്ചു നോക്കൂ.

ഈ പ്രശനത്തിനെതിരെ പോരാടുന്നതിനു വേണ്ടിയാണു ഗ്ലോബൽ ആക്ഷൻ പ്ലാൻ ഫോർ ആന്‍റിമൈകബിയൽ റെസിസ്റ്റൻസ് 2015-ൽ നിലവിൽ വന്നത്. ഇതിന്‍റെ ചുവടു പിടിച്ചു ദേശീയതലത്തിലുള്ള മാർഗരേഖ 2017 ലും കേരളത്തിൽ അത് 2018 ലും നിലവിൽ വന്നു. എല്ലാ വിഭാഗത്തിൽ പെട്ട ആളുകളെയും ബോധവത്കരിക്കാൻ നവംബർ 18 മുതൽ 24 വരെ എല്ലാ വർഷവും ആന്‍റിമൈക്രോബിയൽ അവയെർനെസ്‌സ് വീക്ക് ആയി ആചരിക്കുന്നു.

ആന്‍റിമൈക്രോബിയൽസ് എന്താണന്നല്ലേ? ബാക്ടീരിയ മാത്രമല്ല, വൈറസ്, ഫംഗസ് പാരാസൈറ്റസ് മുതലായ സൂക്ഷ്മാണുക്കൾക്ക് എതിരെ ഉപയോഗിക്കുന്ന മരുന്നുകളെ പൊതുവായി ആന്‍റിമൈക്രോബിയൽസ് എന്ന് പറയുന്നു.

ആന്‍റിബയോട്ടിക് ദുരുപയോഗം എന്നതുകൊണ്ട് അർഥമാക്കുന്നത് എന്തൊക്കെ?

ഒരു ഉദാഹരണത്തിലൂടെ തുടങ്ങാം. രമേശന് ക്ഷയരോഗം സ്ഥിരീകരിച്ചത് ദീർഘനാളത്തെ പരിശോധനകൾക്ക് ശേഷമാണ് പക്ഷെ, അദ്ദേഹം കോഴ്സ് പൂർത്തീകരിക്കുന്നതിന് മുൻപ് തന്നെ മരുന്നുകൾ മുടക്കി. ഇതു രോഗാണുവിനെ പൂർണമായി നശിപ്പിക്കാൻ പര്യാപ്തമായിരുന്നില്ല എന്നു മാത്രമല്ല, അവയ്ക്ക് പ്രതിരോധം ആർജിക്കാനുള്ള അവസരം ഒരുക്കുകയും ചെയ്തു.

ആറുമാസം കഴിഞ്ഞപ്പോൾ പ്രമേഹരോഗിയായ ഭാര്യ ബിന്ദുവിനും ക്ഷയരോഗം ബാധിച്ചു. ബിന്ദു കൃത്യമായിത്തന്നെ മരുന്നുകൾ എടുത്തു. എങ്കിലും പ്രതിരോധമാർജ്ജിച്ച രോഗാണു ആയതിനാൽ രോഗം മൂർച്ഛിച്ച് മരണപ്പെട്ടു. ആരാണ് ബിന്ദുവിന്‍റെ മരണത്തിനു ഉത്തരവാദി?

ഇതു പോലെ തന്നെയാണ് ചെറിയ വൈറൽ പനികൾക്കും ജലദോഷത്തിനും വയറിളക്കത്തിനും മറ്റും പഴയ കുറിപ്പടി ഉപയോഗിച്ചും, മരുന്നുകടകളിൽ നിന്നുള്ള ഉപദേശം തേടിയും, ഓണ്‍ലൈൻ ആയും, ചികിത്സ നടത്തുന്പോൾ സംഭവിക്കുന്നത്.

ആന്‍റിബയോട്ടിക്സ് വേണ്ടാത്ത സന്ദർഭങ്ങളിൽ അതുപയോഗിക്കുക, തെറ്റായ ആന്‍റിബയോട്ടിക്സ് തിരഞ്ഞെടുക്കുക, തോതും കാലയളവും കൃത്യമല്ലാതെ ഉപയോഗിക്കുക എന്നിവയെല്ലാം ദുരുപയോഗത്തിന്‍റെ ഭാഗമാണ്. ആന്‍റിബയോട്ടിക്സിനു വൈറസുകൾക്കെതിരെ യാതൊരു പ്രവർത്തനവും ഇല്ലാ എന്നു മാത്രമല്ല ചിലപ്പോൾ അത് സൂപ്പർ ബാഗ്ഗുകൾ മൂലമുള്ള അണുബാധയ്ക്ക് വഴിതെളിച്ചേക്കാം. വെളുക്കാൻ തേച്ചത് പണ്ടായി എന്നു പണ്ടുള്ളവർ പറയുന്ന പോലെ.

നമ്മുടെ ആശുപത്രികളിലെ 50 ശതമാനം ആന്‍റിബയോട്ടിക്സ് ഉപയോഗവും യുക്തിവിരുദ്ധമാണ്. ആന്‍റിബയോട്ടിക്സ് ദുരുപയോഗം മനുഷ്യരിൽ മാത്രം ഒതുങ്ങുന്ന ഒന്നല്ല. ആകെയുള്ള ആന്‍റിബയോട്ടിക് ഉപയോഗത്തിന്‍റെ 80 ശതമാനം മൃഗങ്ങളിലും മത്സ്യകൃഷിയിലും ആണുളളത്. സെന്‍റർ ഫോർ സയൻസ് ആൻഡ് എൻവയോണ്‍മെന്‍റ് നടത്തിയ പഠനത്തിൽ ഇന്ത്യയിൽ വിറ്റഴിക്കപ്പെടുന്ന മിക്ക തേൻ ഉൽപ്പന്നങ്ങളിലും ആന്‍റിബയോട്ടിക്സ് വിവിധ അളവുകളിൽ അടഞ്ഞിയിട്ടുണ്ട്.

പശുകൾക്കുണ്ടാകുന്ന അകിടുവീക്കം ഡയറി ഫാമുകളിലെ ഒരു പ്രധാന പ്രശ്നമാണ്. അങ്ങനെയുള്ള പശുവിന്‍റെ പാലിൽ ആന്‍റിബയോട്ടിക്സിന് ഒപ്പം തന്നെ അവയോടു പ്രതിരോധം ആർജിച്ച അണുക്കളും ഉണ്ടാകാറുണ്ട്.

മൃഗങ്ങൾക്കു തൂക്കം വർധിക്കാനും അണുബാധ മുൻകൂട്ടി തടയാനും കാലിത്തീറ്റയിലും കോഴിത്തീറ്റയിലും ഇവ ചേർത്ത് കൊടുക്കുന്നത് സർവസാധാരണമാണ് ഇവ ഭക്ഷ്യശൃംഖലയിലൂടെ മനുഷ്യരിൽ എത്തിച്ചേരുന്നു.

ഭക്ഷ്യസുരക്ഷാ നിയമപ്രകാരം മാംസത്തിലും കൊഴുപ്പിലും പാലിലും അടങ്ങിയിരിക്കുന്ന ആന്‍റിബയോട്ടിക്സിന്‍റെ അളവ് 0.01 mg/kg ആയി നിജപ്പെടുത്തിയിട്ടുണ്ട്. ഉപഭോക്തൃ സംസ്ഥാനമായ കേരളത്തിൽ ഇതിനു നിയന്ത്രണങ്ങൾ ഉണ്ടാവേണ്ടത് അത്യന്താപേക്ഷിതമാണ്. സുരക്ഷിതമായ ഭക്ഷണ സാധനങ്ങൾ വിപണിയിൽ ലഭ്യമാകുക എന്നത് ഓരോ ഉപഭോക്താവിന്‍റെയും അവകാശമാണ്.

ആന്‍റിബയോട്ടിക് പ്രതിരോധം തടയേണ്ടത് എന്തുകൊണ്ട്?

നമ്മുടെ ശരീരത്തിലും പ്രകൃതിയിലും ഉള്ള പല സൂക്ഷ്മാണുക്കളും ആന്‍റിബയോട്ടിക്സുമായുള്ള സന്പർക്കം വഴി പ്രതിരോധം ആർജിക്കുന്നു. പിന്നീട് ഇവ മൂലം ഉണ്ടാകുന്ന അസുഖങ്ങൾ ചികിത്സിച്ചു ഭേദമാക്കാൻ സാധിക്കാതെ വരുന്നു. മരണനിരക്ക് കൂടുന്നു എന്നത് മാത്രമല്ല, അനാവശ്യമായ ചികിത്സാ ചിലവും ആശുപത്രിവാസവും വേണ്ടിവരുന്നു.

2050 ആകുന്പോൾ ഏതാണ്ട് 10 ശതമാനം മരണങ്ങളും ആന്‍റിബയോട്ടിക് റെസിസ്റ്റൻസ് മൂലമാകുമെന്ന് കരുതപ്പെടുന്നു. ഇതു കാൻസർ, റോഡപകടങ്ങൾ എന്നിവമൂലമുള്ള മരണനിരക്കുകളെക്കാൾ കൂടുതലാണ്. പുതിയ ആന്‍റിബയോട്ടിക്കുകൾ വികസിക്കപ്പെടുന്നില്ല എന്ന വസ്തുതയും ഇവ കരുതലോടെ ഉപയോഗിക്കാൻ നമ്മെ ഓർമപ്പെടുത്തുന്നു.

നമുക്ക് എന്ത് ചെയ്യാൻ സാധിക്കും?

ഇന്ന് ലോകം അഭിമുഖീകരിക്കുന്ന ഏറ്റവും പ്രധാനപ്പെട്ട 10 ആരോഗ്യപ്രശ്നങ്ങളിൽ ഒന്നാണ് ആന്‍റിബയോട്ടിക്ക് റസിസ്റ്റൻസ്. രോഗം വന്നിട്ട് ചികിത്സിക്കുന്നതിനേക്കാൾ നല്ലത് രോഗാണുബാധകൾ ഉണ്ടാകാനുളള സാഹചര്യം കഴിവതും തടയുന്നതാണ്.

കൈകൾ സോപ്പും വെള്ളവും ഉപയോഗിച്ച് കഴുകുക, രോഗലക്ഷണങ്ങൾ ഉള്ളവരുമായി അകലം പാലിക്കുക, രോഗ പ്രതിരോധ കുത്തിവെപ്പുകൾ സമയത്തിനു എടുക്കുക എന്നീ മുൻകരുതലുകൾ സ്വീകരിക്കാം.

പ്രതിരോധ ശേഷികുറഞ്ഞ കിടപ്പ് രോഗികളെ സന്ദർശിക്കുന്നത് കഴിവതും പരിമിതപ്പെടുത്തുക, ആന്‍റിബയോട്ടിക്കുകൾ ഉപയോഗിക്കുന്നത് അംഗീകൃത മെഡിക്കൽ പ്രാക്ടീഷണൻമാരുടെ മേൽനോട്ടത്തിലും കുറുപടി അനുസരിച്ചും മാത്രം ആയിരിക്കണം.

താത്കാലിക രോഗശമനം അനുഭവപ്പെട്ടാലും ഡോക്ടർ നിർദ്ദേശിക്കുന്ന ക്രമത്തിൽ മരുന്നുകൾ കഴിച്ചു പൂർത്തിയാക്കുക. ബാക്കി വരുന്ന ആന്‍റിബയോട്ടിക്കുകൾ ചികിത്സ പൂർത്തിയായാൽ പിന്നീട് ഉപയോഗിക്കാൻ പാടുള്ളതല്ല. ആന്‍റിബയോട്ടിക്കുകൾ മറ്റുള്ളവർക്ക് കൊടുക്കാനോ മറ്റുള്ളവരിൽ നിന്നും കൈമാറി സ്വയം ചികിത്സയുടെ ഭാഗമായി കഴിക്കാനോ പാടുള്ളതല്ല.

ഓണ്‍ലൈൻ ആയും ഡോക്ടറുടെ കുറുപ്പില്ലാതെയുമുള്ള വില്പന നിയമം വഴി പൂർണമായി തടയേണ്ടതാണ്. എല്ലാ ആശുപപത്രികളിലും ആന്‍റിബയോട്ടിക്കുകൾ കരുതലോടെ ഉപയോഗിക്കുന്നതിനാവശ്യമായ നയങ്ങളും പദ്ധതികളും രൂപീകരിക്കേണ്ടതുണ്ട്. ആന്‍റിബയോട്ടിക്കുകൾ നിർദ്ദേശിക്കുന്പോൾ അതിന്‍റെ ആവശ്യകതയും കൃത്യതയും ഉറപ്പുവരുത്തേണ്ട ചുമതല ഡോക്ടർമാർക്കുണ്ട്.

പ്രതിരോധമാർജ്ജിക്കാൻ സാധ്യതകുറഞ്ഞ മരുന്നുകൾ കൂടുതലായി ഉപയോഗിക്കുകയും, മാരകമായ അണുബാധയ്ക്കുളള റിസേർവ് ഡ്രഗ്സ് യുക്തിപൂർവം ഉപയോഗിക്കേണ്ടതുമാണ്. ലാബ് റിപ്പോർട്ടുകളെ അടിസ്ഥാനമാക്കി നിരന്തരമായ വിശകലനവും അത്യന്താപേക്ഷിതമാണ്.

ആന്‍റിമൈക്രോബിയൽ റസിസ്റ്റൻസ് വളരെ സങ്കീർണമായ ഒരു പ്രശ്നം ആയതിനാൽ ആരോഗ്യമേഖലയിൽ മാത്രം ഒതുങ്ങിക്കൊണ്ടുളള പ്രവർത്തനങ്ങൾ അപര്യാപ്തമാണ്. പൊതുജനങ്ങളുടെയും മൃഗ-കൃഷി-ഭക്ഷ്യസുരക്ഷാ വകുപ്പുകൾ പോലുളള വിവിധമേഖലയിലുളള ആളുകളുടേയും സഹകരണത്തോടെ മാത്രമേ പ്രശ്നപരിഹാരം സാധ്യമാവുകയുള്ളു. ആരോഗ്യപൂർണമായ ഒരു ഭാവിക്ക് കരുതലോടെയുളള ആന്‍റിബയോട്ടിക്ക് ഉപയോഗം അത്യന്താപേക്ഷിതമാണ്.

ഡോ. നിമ്മി പോൾ
അസിസ്റ്റന്‍റ് പ്രൊഫസർ, മൈക്രോബയോളജി
ഗവണ്‍മെന്‍റ് മെഡിക്കൽ കോളേജ്, കോട്ടയം

ഫംഗസ് ബാധ ഗുരുതരമാകുന്നത് എപ്പോൾ?

ഈർപ്പമുള്ള ഏതു പ്രതലത്തിലും ഫംഗസുകൾക്ക് വളരാൻ കഴിയും. അതാണ് പ്രധാനമായി എല്ലാവരും മനസിലാക്കേണ്ട കാര്യം. മാസ്ക് നല്ലപോലെ വെയിലിൽ ഉണക്കിയെടുക്കണം. കോട്ടൺ മാസ്ക് ആണെങ്കിൽ ഉപയോഗിക്കുന്നതിനു മുൻപ് ഇസ്തിരിയിടുന്നതും നല്ലതാണ്.

നിസാരമല്ല ഫംഗസ്

കാൻസർ ബാധിച്ചവർ, പ്രമേഹ രോഗികൾ, ഏതെങ്കിലും അവയവം മാറ്റി വെച്ചിരിക്കുന്നവർ, സ്റ്റിറോയ്ഡ് ഔഷധങ്ങൾ നീണ്ട കാലമായി ഉപയോഗിച്ച് വരുന്നവർ എന്നിവർ ഫംഗസ് ബാധ ഉണ്ടാകാതിരിക്കാൻ സ്വീകരിക്കേണ്ട മുൻകരുതലുകൾ ഡോക്ടറോട് ചോദിച്ച് മനസിലാക്കണം. ഫംഗസ് ബാധകൾ ലോകത്തെ പല ഭാഗങ്ങളിലും ജനങ്ങൾക്ക് പ്രശ്നങ്ങൾ ആയിരിക്കുന്നു എന്നാണ് വാർത്തകളിൽ നിന്ന് അറിയുന്നത്. ഫംഗസ് ബാധകളെ കൈകാര്യം ചെയ്യുന്ന വിഷയത്തിൽ വൈദ്യശാസ്ത്ര രംഗം ജാഗ്രതയിലുമാണ്. കണ്ണ് നീക്കം ചെയ്ത സംഭവം വരെ വാർത്തകളിൽ കാണുകയുണ്ടായി.

എവിടെയൊക്കെ ഫംഗസ്?

ശ്വാസകോശം, വൃക്കകൾ, കുടൽ, ആമാശയം, സ്വകാര്യ ഭാഗങ്ങൾ, നഖങ്ങൾ, ചർമ്മം എന്നിവിടങ്ങളിലാണ് ഫംഗസ് ബാധകൾ പ്രശ്നങ്ങൾ ഉണ്ടാക്കാൻ സാധ്യത കൂടുതലുള്ളത്. ചുരുക്കം ചിലരിൽ ചിലപ്പോൾ ഇത് ഗുരുതരമായ അവസ്ഥയിലേയ്ക്ക് നീങ്ങാവുന്നതുമാണ്.

സൈനസിലും!

ഫംഗസ് ബാധകളെ കുറിച്ചുള്ള വാർത്തകൾ കാണുകയും കേൾക്കുകയും ചെയ്യുന്ന ഈ സമയത്ത് ഫംഗസ് ബാധകളെ കുറിച്ചുളള അറിവുകൾ നേടാൻ ശ്രമിക്കുന്നത് നല്ലതാണ്. ഫംഗസ് ശരീരത്തിൽ ബാധിക്കുന്ന അവസരങ്ങളിൽ അത് തുടക്കത്തിൽ തന്നെ മനസിലാക്കാൻ ഈ അറിവുകൾ സഹായിക്കും. ചിലരിൽ സൈനസുകൾ, ശ്വാസകോശം എന്നിവ നശിക്കുന്നതിന് ചില ഫംഗസ് ബാധകൾ കാരണമാകാറുണ്ട്.

നീണ്ടകാലം സ്റ്റിറോയ്ഡുകൾ...

മറ്റുള്ള സൂക്ഷ്മജീവികളെ പോലെ തന്നെ ശരീരത്തിലെ സഹജമായ രോഗ പ്രതിരോധ ശേഷി കുറഞ്ഞവർ, പ്രമേഹം, ആസ്ത്മ, കാൻസർ, നീണ്ട കാലമായി സ്റ്റിറോയ്ഡ് ഔഷധങ്ങൾ ഉപയോഗിക്കുന്നവർ എന്നിവർക്ക് ഫംഗസുകളും ബാധിക്കാനുള്ള സാധ്യത കൂടുതൽ ആയിരിക്കും. ഗർഭിണികളും കുട്ടികളും മുൻകരുതലുകൾ സ്വീകരിക്കുന്നത് നല്ലതായിരിക്കും.

ഫംഗസ് ലക്ഷണങ്ങൾ

ഫംഗസ് ശ്വാസകോശങ്ങളെ ആക്രമിക്കുകയാണ് എങ്കിൽ ചുമ, നെഞ്ചുവേദന, ശ്വാസം മുട്ടൽ എന്നിവ ആയിരിക്കും പ്രധാനമായി കാണുന്ന അസ്വസ്ഥതകൾ. ചിലരിൽ ഇതിൻെറ കൂടെ തലവേദനയും ഉണ്ടായിരിക്കും. ഫംഗസ് ബാധകളിൽ പൊതുവായി കാണാൻ കഴിയുന്ന ലക്ഷണങ്ങളിൽ താഴെ പറയുന്നവ കൂടി ഉണ്ടാകാവുന്നതാണ്്‌. അസ്വസ്ഥത, തളർച്ച, ചിന്താക്കുഴപ്പം, ദഹനേന്ദ്രിയ പ്രശ്നങ്ങൾ, വിശപ്പ് കുറയുക, ശരീരഭാരം കുറയുക, കണ്ണുകളിൽ ചുവപ്പ് നിറം, കാഴ്ച മങ്ങൽ, മുറിവുകൾ ഉണങ്ങാതിരിക്കുകയോ പഴുക്കുകയോ ചെയ്യുക.

ഫംഗസ് ബാധിച്ചാൽ ചെയ്യേണ്ടത്...

നാം ജീവിക്കുന്ന വീടും പരിസരവും നല്ല വൃത്തിയായി സൂക്ഷിക്കണം. വൃത്തിയില്ലാത്ത പരിസരങ്ങളിൽ നിന്നു ഫംഗസ് ബാധിക്കാനുള്ള സാധ്യത കൂടുതൽ ആയിരിക്കും, പ്രത്യേകിച്ച് പ്രമേഹം, ആസ്ത്മാ എന്നിവയുള്ളവരിൽ.

ഫംഗസ് ബാധിക്കുന്ന അവസരങ്ങളിൽ ഒട്ടും വൈകാതെ ആശുപത്രിയിൽ പോകുകയാണ് വേണ്ടത്. ശരിയായരീതിയിൽ രോഗനിർണയവും ചികിത്സയും സാധ്യമാകുന്ന കാലത്താണ് നാം എല്ലാവരും ജീവിക്കുന്നത്. അശ്രദ്ധയും അലസതയും ഒഴിവാക്കിയാൽ തന്നെ ഒരുപാട് ദുരിതങ്ങളും മരണങ്ങളും ഒഴിവാക്കാൻ കഴിയും.

പഴകിയ ആഹാരം കഴിക്കാതിരിക്കണം. വ്യക്തിശുചിത്തം ഇല്ലായ്മയും അപകടകരമാണ്. ശുചിത്വം പാലിക്കുകയും വൃത്തിയായി ജീവിക്കുകയും ചെയ്യുന്നത് ഫംഗസ് ബാധകളെ അകറ്റി നിർത്താൻ കുറേയേറെ സഹായിക്കും.

ഫംഗസിനെ തോൽപ്പിക്കാൻ എന്തു ചെയ്യണം?

സൂക്ഷ്മജീവികൾ ഏതായാലും അവയെ നേരിടാനും ചെറുത്തു തോൽപിക്കാനും ആരോഗ്യത്തിനു ഹാനികരമാകാതെ ശരീരം സംരക്ഷിക്കുന്നതിനും നമ്മുടെയെല്ലാം ശരീരത്തിൽ തന്നെ സഹജമായ ഒരു കഴിവുണ്ട്. ഈ സംരക്ഷണ സംവിധാനങ്ങളിൽ പോറലുകൾ ഉണ്ടാകുമ്പോഴാണ് പ്രതിരോധശേഷി കുറയുന്നത്.

തീരെ നിസാരമായ ചർമ രോഗങ്ങൾ മുതൽ ശ്വാസം മുട്ടലും തുടർന്ന് മരണവും വരെ സംഭവിക്കുന്ന അവസ്ഥകൾ വരെയുള്ള പല ആരോഗ്യ പ്രശ്‌നങ്ങൾക്കും ഫംഗസ് കാരണമാകാവുന്നതാണ്. പലരും ഭയത്തോടെയാണ് ഫംഗസ് വാർത്തകൾ കാണുകയും കേൾക്കുകയും ചെയ്യുന്നത്.

ചില ചർമരോഗങ്ങൾ...

ചർമത്തിൽ ഉണ്ടാകാറുള്ള ചില പ്രശ്നങ്ങൾക്ക് നാട്ടറിവുകൾ അനുസരിച്ച് വട്ടച്ചൊറി എന്ന് പറയാറുണ്ട്. ഇങ്ങനെയുള്ള പല ചർമരോഗങ്ങളും ഉണ്ടാകുന്നത് ഫംഗസ് ബാധ മൂലം ആയിരിക്കും. തലയോട്ടിയിലെ ചർമ്മം, താടി, കാൽപ്പാദം, ഊരുസന്ധി, നഖങ്ങൾ എന്നിവിടങ്ങളിൽ കാണപ്പെടുന്ന ചൊറിച്ചിലും പഴുപ്പും കൂടുതൽ പേരിലും ഫംഗസ് ബാധയുടെ ഫലമായി ഉണ്ടാകുന്നതാണ്.

പ്രതിരോധശേഷി കുറഞ്ഞാൽ

ചില ഫംഗസ് ബാധയുടെ ഫലമായി ന്യൂമോണിയ ഉണ്ടാകുന്നതാണ്. രോഗ പ്രതിരോധ ശേഷി തീരെ കുറഞ്ഞവരിൽ ഉണ്ടാകുന്ന ഏതെങ്കിലും രോഗത്തിന്‍റെ കൂടെ ഫംഗസ് ബാധയും കൂടിയാവുകയാണെങ്കിൽ അത് ചിലരിലെങ്കിലും വൃക്കകളിലും ഹൃദയത്തിലും പ്രശ്നങ്ങൾ ഉണ്ടാക്കിയെന്നിരിക്കും. ഇതിൻെറ തുടർച്ചയായി മരണം സംഭവിക്കാനുള്ള സാധ്യതയും ഉണ്ടാകാവുന്നതാണ്. പൊടിയിലൂടെ ശരീരത്തിൽ പ്രവേശിക്കുന്ന ചില ഫംഗസ് ബാധകൾ ശ്വാസകോശത്തിലെ പ്രവർത്തനങ്ങൾ താറുമാറാക്കാറുണ്ട്.

അകത്തും പുറത്തും

ചർമത്തിൽ ഉണ്ടാകുന്ന ഫംഗസ് ബാധകളിൽ , അവ എത്ര പഴക്കമുള്ളതാണെങ്കിലും ബഹുഭൂരിപക്ഷം രോഗികളിലും ഏറ്റവും പുതിയ അറിവുകൾ അനുസരിച്ചുള്ള ചികിത്സ ചെയ്യുകയാണെങ്കിൽ ഒരു ദിവസം കൊണ്ട് തന്നെ ആശ്വാസം ലഭിക്കുന്നതാണ്.

ഒരു ചെറിയ കാലയളവിൽ പൂർണമായ രോഗശമനവും സാധ്യമാകും. ശരീരത്തിനകത്തുള്ള അവയവങ്ങളിൽ ഫംഗസ് ബാധ ഉണ്ടാവുകയാണെങ്കിൽ വിദഗ്ധ പരിശോധനകൾ ആവശ്യമായി വരും. ഈ വിഷയത്തിലും ഇപ്പോൾ നിരവധി അറിവുകൾ നിലവിലുണ്ട്.

വസ്ത്രങ്ങളും ഫംഗസും

പ്രമേഹ രോഗികളിൽ ഫംഗസ് ബാധ ഉണ്ടാകാനുള്ള സാധ്യത കൂടുതൽ ആയിരിക്കും. അടിവസ്ത്രങ്ങൾ അടക്കമുള്ള വസ്ത്രങ്ങൾ ധരിക്കുന്നതിന് മുൻപ് നല്ല ചൂടിൽ ഇസ്തിരിയിടുന്നതും തോർത്ത് ദിവസവും വെയിലത്ത് ഉണക്കുന്നതും ഫംഗസ് ബാധകളെ അകറ്റി നിർത്താൻ ഒരു പരിധി വരെ സഹായിക്കുന്നതാണ്.

പ്രമേഹം, കോവിഡ്, ഫംഗസ്

ഇപ്പോൾ കോവിഡിന്‍റെ അനന്തര പ്രശ്നമായി ചില ഫംഗസ് ബാധകളുടെ പ്രശ്നങ്ങൾ ചർച്ചയിൽ വന്നിരുന്നു. കോവിഡ് പോസിറ്റീവ് ആയവരിലും പോസിറ്റീവ് ആയി പിന്നെ നെഗറ്റീവ് ആയവരിലും ആയ ചിലരിലും ആണ് പ്രശ്നങ്ങൾ ഉണ്ടാകുന്നത് എന്നാണു വാർത്തകളിൽ നിന്ന് അറിയാൻ കഴിഞ്ഞിട്ടുള്ളത്.

കോവിഡ് ബാധിക്കുന്നവർ പ്രമേഹ രോഗികൾ ആണെങ്കിൽ അവരിൽ ഫംഗസ് ബാധകൾ ഗുരുതരമാകാനുള്ള സാധ്യതകൾ കൂടുതലായിരിക്കും എന്നും കേൾക്കുകയുണ്ടായി. വൈറ്റ് ഫംഗസ്, ബ്ളാക്ക് ഫംഗസ്, യെലോ ഫംഗസ് എന്നിങ്ങനെ പല രൂപങ്ങളിലാണ് ഇപ്പോൾ അവയുടെ സ്വഭാവം. ഇതിന്‍റെ അനന്തര ഫലമായി കാഴ്ചയും ചിലപ്പോൾ കണ്ണും നഷ്ടപ്പെടാനും ചിലപ്പോൾ മരണത്തിനും ഉള്ള സാധ്യതയുണ്ടാകാം എന്നും കേൾക്കാൻ കഴിയുകയുണ്ടായി.

(തുടരും)

അശ്രദ്ധമായി കൈകാര്യം ചെയ്താൽ കരൾരോഗം ഗുരുതരമാകും

കരൾ രോഗങ്ങളിൽ കണ്ടുവരുന്ന മറ്റൊരു ഗുരുതരമായ പ്രശ്നമാണ് കരളിനുണ്ടാകുന്ന കാൻസർ. രോഗിയെ വളരെ നേരത്തേ മരണത്തിലേക്ക് നയിക്കുന്ന ഒന്നാണ് ഇത്. നീണ്ടകാലം കരൾവീക്കം നിലനിൽക്കുന്നത് കരളിൽ കാൻസർ ഉണ്ടാകുന്നതിന് ഒരു കാരണമാണ്. സിറോസിസിന്‍റെ ഭാഗമായും കരളിൽ കാൻസർ ബാധിക്കാവുന്നതാണ്.

അമിത മദ്യപാനം

അമിതമായ മദ്യപാനം, പുകയിലയിൽ അടങ്ങിയിട്ടുള്ള രാസവസ്തുക്കൾ പോലെ വിഷാംശമുള്ള രാസവസ്തുക്കളുടെ ഉപയോഗം എന്നിവ കരളിൽ കാൻസർ ഉണ്ടാകുന്നതിന് തെളിയിക്കപ്പെട്ട കാരണങ്ങൾ ആണ്. നല്ല ആരോഗ്യത്തിന് നല്ലതല്ലാത്ത ആരോഗ്യ ശീലങ്ങളും നല്ലതല്ലാത്ത ജീവിതശൈലിയും വിഷവാതകങ്ങൾ ശ്വസിക്കുന്നതും പരിസര മാലിന്യവും അണുബാധകളും വേറെ കാരണങ്ങളാണ്.

ലക്ഷണങ്ങൾ

കരളിൽ കാൻസർ ബാധിക്കുമ്പോൾ ആദ്യ കാലങ്ങളിൽ അത്ര ഗൗരവമുള്ള ആരോഗ്യ പ്രശ്നങ്ങൾ ഒന്നും അനുഭവപ്പെടുകയില്ല. വിശപ്പ് കുറയുക, ശരീര ഭാരം കുറയുക, ക്ഷീണം, വയറിൽ മുകൾവശം വലത് ഭാഗത്ത് അസ്വസ്ഥത തോന്നുക, പുറംവേദന എന്നിവ ആയിരിക്കും കൂടുതൽ പേരിലും കാണാൻ കഴിയുന്ന ലക്ഷണങ്ങൾ.

മഞ്ഞപ്പിത്തം

കാൻസർ കരളിൽ കൂടുതൽ പിടി മുറുക്കുമ്പോൾ അതിന്‍റെ ഭാഗമായി പ്രത്യക്ഷപ്പെടുന്ന ലക്ഷണം മഞ്ഞപ്പിത്തം ആയിരിക്കും. എക്സ് റേ, സ്കാനിംഗ് പരിശോധനകളിലൂടെ വ്യക്തമായ രോഗനിർണയം സാധ്യമാകുന്നതാണ്. ബയോപ്സിയാണ് മറ്റൊരു സാധ്യത.

വൈദ്യശാസ്ത്രം ഓരോ ദിവസവും പുതിയ പഠനങ്ങളും പുതിയ അറിവുകളുമായി മുന്നോട്ട് സഞ്ചരിച്ച് കൊണ്ടിരിക്കുകയാണ്. ഒരുപാടൊരുപാട് പുതിയ അറിവുകൾ ഇപ്പോൾ വൈദ്യശാസ്ത്ര മേഖലയിൽ നിലവിലുണ്ട്. പുതിയതായി പ്രസിദ്ധീകരിക്കപ്പെടുന്ന പുതിയ അറിവുകൾ അതതു കാലത്തു തന്നെ പഠിക്കുകയും ചികിത്സാ രംഗത്ത് പ്രയോജനപ്പെടുത്തുകയും ചെയ്യുന്ന കുറേയേറെ ഡോക്ടർമാരും ഉണ്ട്.

സ്വയംചികിത്സയും ഒറ്റമൂലിയും അപകടം

എന്നാലും, വിശപ്പ് കുറയുന്പോഴും ശരീരഭാരം കുറയുമ്പോഴും കരൾ രോഗത്തിന്‍റെ ആദ്യകാല ലക്ഷണങ്ങളായ അസ്വസ്ഥതകൾ ഉണ്ടാകുമ്പോഴും ഇപ്പോഴും പലരും മരുന്ന് കടകളിൽ പോയി വിവരം പറഞ്ഞ് മരുന്നുകൾ വാങ്ങി കഴിക്കുന്ന ശീലം കൊണ്ടുനടക്കുന്നതു കാണാറുണ്ട്. ഒറ്റമൂലികൾ അന്വേഷിച്ച് പോകുന്നവരും ധാരാളമാണ്.

ഇങ്ങനെ അശ്രദ്ധമായി കാര്യങ്ങൾ കൈകാര്യം ചെയ്യുന്നവരിൽ ആയിരിക്കും കരൾ രോഗങ്ങൾ ഗുരുതരമായ അവസ്ഥയിൽ ആകാനുള്ള സാധ്യത കൂടുതൽ ഉണ്ടാകുക. ദുരിതങ്ങൾ അനുഭവിക്കേണ്ടി വരുന്നതും അകാലത്തിൽ അന്ത്യശ്വാസം വലിക്കുന്നതും ഇങ്ങനെയുള്ളവർ ആയിരിക്കും.

കരളിന്‍റെ ആരോഗ്യത്തിന് കൊഴുപ്പു കുറഞ്ഞ ആഹാരം

കൂടുതൽ കൊഴുപ്പുകൾ അടങ്ങിയിരിക്കുന്ന ആഹാരം കഴിക്കാതിരിക്കുന്നത് കരളിന്‍റെ ആരോഗ്യം നല്ല നിലയിൽ നിലനിർത്താൻ സഹായിക്കും. മദ്യം കഴിക്കാതിരിക്കുന്നതും പുകയില പോലുള്ള ലഹരി വസ്തുക്കൾ ഉപയോഗിക്കാതിരിക്കുന്നതും പ്രധാനപ്പെട്ടതാണ്.

കരളിന്‍റെ ആരോഗ്യം തകരുന്ന വഴികൾ

ഹെപ്പറ്റൈറ്റിസ് എ, ഹെപ്പറ്റൈറ്റിസ് ബി വൈറസുകൾ, മദ്യപാനം, മറ്റുള്ള ലഹരി പദാർഥങ്ങളുടെ ഉപയോഗം എന്നിവയിലൂടെയാണ് കൂടുതൽ പേരിലും കരളിന്‍റെ ആരോഗ്യം തകരുന്നതും രോഗങ്ങൾ ബാധിക്കുന്നതും. ജനിതക രോഗങ്ങളുടെ തുടർച്ചയായും ചിലർ ചിലപ്പോൾ കരൾ രോഗികൾ ആകാറുണ്ട്.

കരൾവീക്കം അഥവാ സിറോസിസ്

കരളിലുണ്ടാകുന്ന രോഗങ്ങൾ മുന്നോട്ട് പോയി സങ്കീർണതകൾ നിറഞ്ഞ അവസ്ഥയാണ് കരൾവീക്കം അഥവാ സിറോസിസ് എന്ന് പറയുന്നത്. ഈ ഘട്ടത്തിൽ എത്തുന്നവരിലാണ് ഇപ്പോൾ കരൾ മാറ്റ ശസ്ത്രക്രിയകളെ കുറിച്ച് സംസാരിക്കുന്നത്.

കരളിലെ കോശങ്ങൾക്ക് സാരമായി നാശം സംഭവിക്കുകയും അതിന്‍റെ തുടർച്ചയായി കരളിന് വീക്കവും ചിലപ്പോൾ പഴുപ്പും ഉണ്ടാകുന്ന അവസ്ഥയാണ് സിറോസിസ്.

വിഷാംശം പുറത്തു കളയാനാകാതെ വരുന്പോൾ

കരളിന് ശരിയായ രീതിയിൽ പ്രവർത്തനം നടത്താൻ കഴിയാതെ വരുമ്പോൾ ശരീരത്തിലെ വിഷാംശങ്ങളെ പുറത്തു കളയാൻ കഴിയാതാവും. ഇതിന്‍റെ ഭാഗമായി ശരീരത്തിലെ
ജൈവ രാസ പ്രക്രിയകൾ താളം തെറ്റാനിടയാകുന്നു. അതിന്‍റെ ഫലമായി സംഭവിക്കുന്ന സങ്കീർണതകൾ മുന്നോട്ട് പോകുകയാണ് എങ്കിൽ രോഗിയുടെ ബോധം ക്രമേണ ഇല്ലാതാകുകയും മരണം വരെ സംഭവിക്കുകയും ചെയ്യും.

രോഗനിര്‌ണയം

വയറിനു മുകളിൽ വലത് വശത്ത് കൈപ്പത്തി കൊണ്ട് അമർത്തി നോക്കിയാൽ കരളിൽ വീക്കം ഉണ്ടായിട്ടുണ്ടോ എന്ന് മനസിലാക്കാൻ കഴിയും. മുൻകാലങ്ങളിൽ അത് പരിശോധനയുടെ ഒരു പ്രധാന ഭാഗം ആയിരുന്നു. ഇപ്പോൾ അൾട്രാസൗണ്ട്‌ സ്കാനിംഗ്, ലിവർ ഫംഗ്ഷൻ പരിശോധന എന്നിവയിലൂടെ രോഗനിർണയം വളരെ വ്യക്തതയോടെയും വേഗത്തിലും സാധിക്കുന്നുണ്ട്.

അൾട്രാസൗണ്ട് പരിശോധന

കരളിന് രോഗമുണ്ടോ എന്ന് സംശയം തോന്നിയാൽ ആദ്യമേ തന്നെ രോഗിയുടെ രക്തം, മൂത്രം എന്നിവ പരിശോധന നടത്തണം. അതോടൊപ്പം അൾട്രാസൗണ്ട് പരിശോധനയും ആകാവുന്നതാണ്.

മദ്യപാനം ഉപേക്ഷിക്കാം

ചികിത്സയുടെ ആദ്യ ഭാഗമായി, മദ്യം കുടിക്കുന്നവർ ആ ശീലം ഉപേക്ഷിക്കാൻ തയാറാകണം. ആഹാരം, ശരിയായ രീതിയിൽ... ഡോക്ടർ പറയുന്നത് അനുസരിച്ച് ക്രമീകരിക്കുകയും വേണം.
(തുടരും)

അമിതജോലിഭാരത്തിനു ശേഷം മൈഗ്രേൻ തലവേദന!

വിഷാദരോഗികളിൽ മൈഗ്രേൻ തലവേദന കൂടുതലായി കണ്ടുവരുന്നു. ബുദ്ധിമാന്ദ്യം സംഭവിച്ച രോഗികൾക്ക് ഹോമിയോ മരുന്ന് കൊടുക്കുകയാണെങ്കിൽ വളരെ നോർമൽ സ്റ്റേജിലേക്ക് രോഗിയെ രക്ഷിച്ചെടുക്കാൻ ഹോമിയോ ചികിത്സാ സന്പ്രദായത്തിനു കഴിയും.

മൈഗ്രേൻ തലവേദന - കാരണങ്ങൾ

► കഠിനാധ്വാനം, ക്ഷീണം, പോഷകാഹാരം കുറവുള്ള ഭക്ഷണം.
► കംപ്യൂട്ടറിനു മുന്നിൽ കൂടുതൽ സമയം ഇരിക്കുന്പോൾ
► ഉറക്കം നിൽക്കുക.
► സ്ത്രീകൾക്ക് ആർത്തവകാലത്ത് ഉണ്ടാകുന്ന ഹോർമോണ്‍ വ്യതിയാനങ്ങൾ.
► കാലാവസ്ഥാ വ്യതിയാനങ്ങൾ, സൂര്യപ്രകാശം ഏൽക്കുന്പോൾ.
►പുകവലിയുടെയും മദ്യത്തിന്‍റെയും അമിതമായ ഉപയോഗം.
► സ്റ്റിറോയ്ഡ് മരുന്നുകളുടെ അമിതമായ ഉപയോഗം
► ഗർഭധാരണം തടയുന്ന ഗുളികകളുടെ അമിതമായ ഉപയോഗം.
► ദീർഘസമയം ടിവി കാണുന്നത്
►കുട്ടികൾ ദീർഘസമയം കംപ്യൂട്ടറിൽ കളിക്കുന്നത്.

ഇടവിട്ട് കടുത്ത തലവേദന

ഇടവിട്ട് അനുഭവപ്പെടുന്ന കഠിന തലവേദന മൂലം ബുദ്ധിമുട്ട് അനുഭവിക്കുന്നവർ വളരെ കൂടുതലാണ്. തുടർച്ചയായി വരുന്ന ഈ തലവേദന മൈഗ്രേന്‍റെ ലക്ഷണമാണ്. കഠിന തലവേദന, മനംപുരട്ടൽ, ഛർദി, ഞരന്പുസംബന്ധമായ ചില വ്യതിയാനങ്ങൾ. സ്ത്രീകളിൽ ആർത്തവകാലത്ത് കുടുതലായി മൈഗ്രേൻ തലവേദന കാണപ്പെടുന്നു.

ക്ഷീണം, ദേഷ്യം, തലവേദന, മനംപുരട്ടൽ, ഛർദി, വെളിച്ചം കാണാനുള്ള ബുദ്ധിമുട്ട്, ഇരുട്ടുമുറിയിൽ ഇരിക്കാൻ താത്പര്യം, ദിവസങ്ങൾ നീണ്ടുനിൽക്കുന്ന തലവേദന, കണ്ണിനു മുന്നിൽ വര പോലെ കാണപ്പെടുക, സംസാരിക്കാനുള്ള ബുദ്ധിമുട്ട് ഇതൊക്കെയാണ് മൈഗ്രേന്‍റെ പ്രധാന ലക്ഷണങ്ങൾ.

ഐസ്, ചൂടുവെള്ളം

തലവേദന സമയത്ത് തലച്ചോറിനു പുറത്തുള്ള രക്തക്കുഴലുകൾ വികസിക്കുകയും രക്തയോട്ടം കൂടുകയുമാണ് ചെയ്യുന്നത്. തലവേദനസമയത്ത് നെറ്റിയിൽ ഐസ് വയ്ക്കുന്നത് രക്തക്കുഴലുകൾ ചുരുങ്ങുന്നതിനും രക്തയോട്ടം കുറയുന്നതിനും ഇടയാക്കുന്നു. പെട്ടെന്നുതന്നെ മൈഗ്രേൻ തലവേദന കുറയുകയും ചെയ്യുന്നു.

അതുപോലെതന്നെ തലവേദനയുള്ളപ്പോൾ ബേസിനിൽ ചെറു ചൂടുവള്ളം എടുത്ത് കാല് വെള്ളത്തിൽ ഇറക്കിവയ്ക്കുന്നതു നന്നായിരിക്കും. ശരീരഭാഗങ്ങളിലേക്ക് രക്തയോട്ടം കൂടുകയും തലച്ചോറിലേക്കുള്ള രക്തയോട്ടം കുറയുകയും ചെയ്യുന്നു.

അമിത ജോലിഭാരം

ചില ആളുകളിൽ അമിതമായ ജോലിഭാരത്തിനുശേഷം തലവേദന കാണാറുണ്ട്. ഓഫീസ് ജോലി ചെയ്യുന്നവർ, സ്കൂൾ ടീച്ചേഴ്സ്, കോളജ് അധ്യാപകർ തുടങ്ങിയവരിൽ മൈഗ്രേൻ തലവേദന കാണാറുണ്ട്. ഹോമിയോപ്പതി ചികിത്സകൊണ്ട് സുഖപ്പെടുത്താം.

മുകളിൽ പറഞ്ഞിരിക്കുന്ന കാരണങ്ങളിൽ തലവേദന ഉണ്ടാകാനുള്ള കാരണം കണ്ടെത്തി ചികിത്സിച്ചാൽ മൈഗ്രേൻ തലവേദന ഹോമിയോപ്പതിയിൽ പരിപൂർണമായി സുഖപ്പെടുത്താനാവും.

മൈഗ്രേൻ തലവേദനയ്ക്കു പിന്നിൽ ചിലപ്പോൾ ചില ഭക്ഷണവും!

ജീവിതരീതികളുമായി ബന്ധമുള്ള രോഗമാണ് മൈഗ്രേൻ തലവേദന. മാനസിക, ശാരീരിക സംഘർഷങ്ങളുടെ ഭാഗമായി തലച്ചോറിലുണ്ടാകുന്ന വ്യതിയാനങ്ങളുടെ ഫലമായി രക്തക്കുഴലുകൾക്ക് ഉണ്ടാകുന്ന ചുരുക്കവും വികാസവുമാണ് മൈഗ്രേൻ തലവേദനയുടെ കാരണം. മൈഗ്രേൻ തലവേദന പ്രധാനമായും നാലുതരം.

ക്ലസ്റ്റർ തലവേദന

അമിതമായി പുകവലിക്കുന്നവരിലും മദ്യം ഉപയോഗിക്കുന്നവരിലും കണ്ടുവരുന്ന ശക്തമായ തലവേദനയെ ക്ലസ്റ്റർ തലവേദന എന്നു പറയുന്നു. ഇതു കുറച്ചുസമയം മാത്രം നിൽക്കുന്നതും മൂക്കൊലിപ്പ്, കണ്ണിനു ചുവപ്പുനിറം, കണ്ണിൽ നിന്നു വെള്ളംവരൽ തുടങ്ങിയ ലക്ഷണങ്ങളോടുകൂടി കണ്ടുവരുന്നതുമാണ്.

ബേസിലർ തലവേദന

ബേസിലർ - രക്തക്കുഴലിനുണ്ടാകുന്ന ചുരുക്കംമൂലം ഉണ്ടാകുന്ന തലവേദനയാണിത്. ഇതിൽ തലയുടെ പിൻഭാഗത്തുണ്ടാകുന്ന തലവേദന രോഗിക്ക് കാഴ്ചയിൽ തകരാറുണ്ടാക്കുക, തലകറക്കം, ചെവിയിൽ മൂളൽ, നടക്കുന്പോൾ ബാലൻസ് തെറ്റുക, മനംപുരട്ടൽ, കൈകാലുകൾക്ക് മരവിപ്പ്, തളർച്ച തുടങ്ങിയ ലക്ഷണങ്ങൾ ഉണ്ടാകുന്നു.

ഫേഷ്യോപ്ലെജിക് മൈഗ്രേൻ

ഇതിൽ രോഗിക്ക് തലവേദനയോടൊപ്പം മുഖം കോടിപ്പോകുന്ന അവസ്ഥയും ഉണ്ടാകുന്നു.

ഒപ്താൽമോപ്ലെജിക് മൈഗ്രേൻ

ഇതിൽ തലവേദനയോടൊപ്പം രോഗിക്ക് കണ്ണിനും കണ്ണിനു ചുറ്റിനും വേദന തുടങ്ങിയ ലക്ഷണങ്ങൾ ഉണ്ടാകുന്നു.

ഓറ

മൈഗ്രേൻ തലവേദനയ്ക്കു മുന്നോടിയായി ചിലരിൽ ഓറ എന്ന പ്രതിഭാസം കാണാറുണ്ട്. കണ്ണിന്‍റെ മുന്നിൽ വെള്ളിവെളിച്ചം, മിന്നൽ, മൂടൽ, കൈകാലുകളിൽ പെരുപ്പ്, തരിപ്പ് മുതലായവ ഉണ്ടാകാം. വസ്തുക്കൾ രണ്ടായി കാണുക, ബാലൻസ് തെറ്റുക, തലകറക്കം ഉണ്ടാകുക മുതലായവ ഓറയുടെ ലക്ഷണങ്ങളാണ്. ഇത് 20-30 മിനിറ്റ് വരെയേ നിൽക്കാറുള്ളൂ.

ഒരു വ്യക്തിക്ക് ദിവസേനയോ ആഴ്ചയിലോ മാസത്തിലോ മൈഗ്രേൻ തലവേദന വരികയാണെങ്കിൽ ഹോമിയോപ്പതിയിൽ വ്യക്തിയുടെ ലക്ഷണചിത്രം നോക്കി കോണ്‍സ്റ്റിറ്റ്യൂഷൻ മരുന്നു കൊടുക്കുകയാണെങ്കിൽ പരിപൂർണമായി ഹോമിയോ ചികിത്സയിലൂടെ മൈഗ്രേൻ തലവേദന സുഖപ്പെടുത്താം.

അമിതമായ ടെൻഷൻ

ദിനചര്യാ വ്യതിയാനങ്ങളും അമിതമായ ടെൻഷനും ഓരോ വ്യക്തിക്കും മൈഗ്രേൻ തലവേദന വരാനുള്ള സാധ്യത കൂട്ടുന്നു. നമ്മൾ കഴിക്കുന്ന പല ഭക്ഷണവും തലവേദനയുടെ ആക്കം കൂട്ടാം. ഉദാ: ചോക്ലേറ്റ്, മോര്, ഏത്തപ്പഴം, മദ്യം, ചൈനീസ് ആഹാരങ്ങൾ എന്നിവ മൈഗ്രേൻ തലവേദനയ്ക്കു കാരണമാകാം.

( തുടരും)

എൻഡോമെട്രിയോസിസിനെ കരുതിയിരിക്കാം

സ്ത്രീകളിൽ കണ്ടുവരുന്ന ആർത്തവസംബന്ധിയായ ഒരു രോഗമാണ് എൻഡോമെട്രിയോസിസ് . ആഗോളതലത്തിൽ ഏകദേശം 10-25 ശതമാനം സ്ത്രീകളിൽ ഈ രോഗം കാണാറുണ്ട്. അവയിൽ കൂടുതലും 20നു 40നും ഇടയ്ക്ക് പ്രായമുള്ള സ്ത്രീകളിലാണ്.

ആർത്തവക്രമക്കേടുകൾ, അടിവയർ വേദന, ബന്ധപ്പെടുന്പോഴുള്ള വേദന എന്നിങ്ങനെ പല രോഗലക്ഷണങ്ങളും ഇവരിലുണ്ടാകുമെങ്കിലും എൻഡോമെട്രിയോസിസ് മാത്രമാണ് അവർക്കുള്ളതെന്ന് നമുക്ക് അനുമാനിക്കാൻ സാധ്യമല്ല. കാരണം സ്ത്രീകൾക്കുണ്ടാകുന്ന മറ്റുപല അസുഖങ്ങൾക്കും ഇതേ രോഗലക്ഷണങ്ങൾതന്നെ കണ്ടെന്നുവരാം.

എന്താണ് എൻഡോമെട്രിയോസിസ്

ഗർഭാശയഭിത്തികളുടെ ഉൾഭാഗത്തെ ആവരണമാണ് എൻഡോമെട്രിയം. ആർത്തവസമയത്ത് സാധാരണയായി ഈ അവരണം സ്വസ്ഥാനത്തുനിന്നു വേർപ്പെട്ട് ആർത്തവരക്തത്തോടൊപ്പം യോനിയിലൂടെ പുറന്തള്ളപ്പെടുന്നു. എന്നാൽ ചില സ്ത്രീകളിൽ ഈ ആവരണത്തിന്‍റെ അംശങ്ങൾ അണ്ഡവാഹിനിക്കുഴലിലൂടെ സഞ്ചരിച്ച് മറ്റ് അവയവങ്ങളായ അണ്ഡാശയം, വൻകുടൽ എന്നിവയിലോ ഉദരത്തിനകത്തെ ആവരണമായ പെരിട്ടോണിയം, വളരെ അപൂർവമായി പൊക്കിളിലോ ശ്വാസകോശത്തെ ആവരണം ചെയ്തിരിക്കുന്ന പ്ലൂറ, സിസേറിയൻ ശസ്ത്രക്രിയചെയ്ത ത്വക്കിലെ മുറിവുണ്ടായിരുന്ന സ്ഥലം എന്നിവിടങ്ങളിൽ പറ്റിപ്പിടിക്കാം.

മേൽപ്പറഞ്ഞപ്രകാരം പ്ലൂറയിലുണ്ടാകുന്നതിനെ കറ്റാമിനീയൽ ന്യൂമോതൊറാക്സ് എന്നും ത്വക്കിലെ മുറിവുണ്ടായിരുന്നിടത്ത് വരുന്നതിനെ സ്കാർ എൻഡോമെട്രിയോസിസ്, എന്നുമാണ് വിശേഷിപ്പിക്കാറുള്ളത്.

ആർത്തവസമയത്ത് ഗർഭാശയത്തിനകത്തുനിന്ന് എന്നതുപോലെ എൻഡോമെട്രിയോസിസ് ബാധിച്ച അവയവങ്ങളിലും രക്തസ്രാവമുണ്ടാകാം. എന്നാൽ ഈ രക്തത്തിനു പുറത്തേക്കു പോകാൻ വഴിയില്ലാത്തതുകൊണ്ട് അതവിടെ കെട്ടിക്കിടന്ന് പലതരത്തിലുള്ള പ്രശ്നങ്ങളുണ്ടാക്കുന്നു. അണ്ഡാശയത്തിലാണെങ്കിൽ ആർത്തവരക്തം രൂപപ്പെട്ട് ചോക്കലേറ്റ് സിസ്റ്റ് എന്നു പറയപ്പെടുന്ന മുഴകളുണ്ടാകാൻ സാധ്യതയുണ്ട്.

രോഗലക്ഷണങ്ങൾ

ഉദരത്തിനകത്തെ ആവരണമായ പെരിട്ടോണിയത്തിൽ എൻഡോമെട്രിയം ഒട്ടിപ്പിടിച്ചിരിക്കുകയാണെങ്കിൽ അവയിലേക്ക് കുടലും മറ്റും ഒട്ടിപ്പിടിച്ച് ആർത്തവസമയത്ത് അതികഠിനമായ വയറുവേദനയ്ക്കു കാരണമാകാം. വളരെ അപൂർവമായി കാണുന്ന കറ്റാമിതിയൽ ന്യൂമോതൊറാക്സ് മാസമുറയോടൊപ്പമുള്ള ശ്വാസകോശസംബന്ധമായ രോഗലക്ഷണങ്ങളായി (ശ്വാസംമുട്ടൽ, ശ്വാസമെടുക്കുന്പോൾ വേദന, രക്തം ചുമച്ചുതുപ്പുക എന്നിവ) കാണപ്പെടാം. അതിനാൽ എൻഡോമെട്രിയം എവിടെയെല്ലാമാണ് സ്ഥാനംതെറ്റിയിരിക്കുന്നത് എന്നതിനനുസരിച്ചാണ് വിവിധതരത്തിലുള്ള രോഗലക്ഷണങ്ങൾ ഉണ്ടാവുക.

പരിശോധനകൾ

രോഗനിർണയത്തിനായി രോഗലക്ഷണങ്ങൾ എന്തെ ല്ലാമാണെന്ന് മനസിലാക്കുന്നതോടൊപ്പം ശരീരപരിശോധനയും അൾട്രാസൗണ്ട് സ്കാനിംഗും വേണ്ടിവരും. അണ്ഡാശയമുഴകൾ അൾട്രാസൗണ്ട് സ്കാനിംഗിലൂടെ കണ്ടുപിടിക്കാനാവുമെങ്കിലും ഉദരത്തിനകത്തുണ്ടാകുന്ന എൻഡോമെട്രിയോസിസിന്‍റെ നിർണായക പരിശോധന ലാപ്റോ സ്കോപ്പിതന്നെയാണ്.

ചില സ്ത്രീകളിൽ മറ്റേതെങ്കിലും രോഗനിർണയത്തിനായി ചെയ്യുന്ന അൾട്രാസൗണ്ട് സ്കാനിംഗിലോ ലാപ്രോസ്കോപ്പി പരിശോധനയിലോ എൻഡോമെട്രിയോസിസ് കണ്ടെത്തിയെന്നുവരാം. ഇവരിൽ നല്ലൊരുശതമാനം സ്ത്രീകൾ ക്കും രോഗലക്ഷണങ്ങൾ ഒന്നുംതന്നെ ഉണ്ടാകണമെന്നില്ല.

ചികിത്സാരീതി

എൻഡോമെട്രിയോസിസ് എല്ലാവരിലും എപ്പോഴും പരിപൂർണമായി ചികിത്സിച്ചു മാറ്റാൻ കഴിഞ്ഞെന്നുവരില്ല. രോഗത്തിന്‍റെ തീവ്രതയനുസരിച്ചാണ് ചികിത്സ വേണോയെന്നു നിശ്ചയിക്കുന്നതുതന്നെ. എൻഡോമെട്രിയോസിസ്കൊണ്ട് ആർത്തവക്രമക്കേടുകൾ, അടിവയർ വേദന മുതലായ രോഗലക്ഷണങ്ങളുള്ള സ്ത്രീകൾക്കു വേദനാസംഹാരികളോടൊപ്പംതന്നെ ഹോർമോണ്‍ ചികിത്സയും വേണ്ടിവരും. ഇവരിൽ അണ്ഡോത്പാദനം തടയുകവഴി ആർത്തവരക്തസ്രാവം ഇല്ലാതാക്കുകയും അപ്രകാരം എൻഡോമെട്രിയോസിസിന്‍റെ വളർച്ചയെ തടയുകയുമാണ് ചികിത്സകൊണ്ടു ഉദ്ദേശിക്കുന്നത്.

ഗർഭധാരണം സാധ്യതമാകും

ഗർഭിണിയാകാൻ ആഗ്രഹിക്കുന്ന സ്ത്രീകൾക്ക് ലാപ്രോസ്കോപ്പിക് ശസ്ത്രക്രിയവഴി അണ്ഡാശയത്തിലുണ്ടാകുന്ന ചോക്കലേറ്റ് സിസ്റ്റ് നീക്കംചെയ്യുകയും അണ്ഡാശയങ്ങളും അണ്ഡവാഹിനിക്കുഴലുകളും കുടലുമായി ഒട്ടിച്ചേർന്നിരിക്കുകയാണെങ്കിൽ അത് മാറ്റുകയും ചെയ്താൽ ഗർന്ധധാരണത്തിനുള്ള സാധ്യത വർധിക്കും. വളരെ ചെറിയ അണ്ഡാശയമുഴകളാണെങ്കിൽ ചിലപ്പോൾ മരുന്നുകൊണ്ടുമാത്രം അവയെ ഇല്ലാതാക്കാം.

എന്നാൽ ഇതിനുമൊരു മറുവശമുണ്ട്. നിർഭാഗ്യവതികളായ ചില സ്ത്രീകളിൽ യാതൊരുവിധ ചികിത്സയും ഫലിക്കാതെവരികയും എൻഡോമെട്രിയോസിസ് അനിയന്ത്രിതമായി വളരുകയും ചെയ്യാറുണ്ട്. അവർ അതികഠിനമായ വേദനയും മറ്റും അനുഭവിക്കുന്നതുമൂലം ഗർഭപാത്രവും അണ്ഡാശയവും ശസ്ത്രക്രിയയിലൂടെ നീക്കംചെയ്യുകമാത്രമേ നിവൃത്തിയുള്ളൂ.

എൻഡോമെട്രിയോസിസ്കൊണ്ട് ഉണ്ടാകുന്ന അണ്ഡാശയമുഴകൾ കുറഞ്ഞില്ലെങ്കിൽ ശസ്ത്രക്രിയയിലൂടെ നീക്കംചെയ്യണം. വിവാഹം കഴിക്കാത്ത യുവതികളാണെങ്കിലും ഗർഭധാരണം കാംക്ഷിക്കുന്നവരാണെങ്കിലും മേൽപ്പറഞ്ഞ ചികിത്സ ചെയ്യുകവഴി ഭാവിയിൽ ഗർഭധാരണത്തിനു തടസമില്ലാതാക്കാൻ കഴിയും.

ഫാറ്റി ലിവർ അപകടകാരിയാണോ?

മനുഷ്യശരീരത്തിലെ ഏറ്റവും വലിയ ഗ്രന്ഥിയായ കരൾ വയറിനു മുകളിലായി വലതുഭാഗത്ത് സ്ഥിതി ചെയ്യുന്നു. ഏകദേശം ഒന്നര കിലോഗ്രാം ഭാരം വരുന്ന കരൾ യഥാർഥത്തിൽ ഒരു രാസപ്രവർത്തനശാല തന്നെയാണ്.

ഗ്ലൈക്കോജെൻ, കൊള സ്റ്ററോൾ, പ്രോട്ടീൻ, ഹോർമോണ്‍ തുടങ്ങിയവ ഉത്പാദിപ്പിക്കുന്ന കരൾ തന്നെ ശരീരത്തിനു ഹാനികരമായ വസ്തുക്കൾ വിവിധ രൂപത്തിൽ പുറംതള്ളുകയും ചെയ്യുന്നു. രക്തം കട്ട പിടിക്കുന്നതി നായുള്ള ഫാക്ടേഴ്സ് ഉത്പാദിപ്പിക്കുന്നതും കരളിനുള്ളിൽ തന്നെയാണ്. ക്രിക്കറ്റിലെ ആൾറൌണ്ടറിന് സമാനമാണ് കരളിന്‍റെ പ്രവർത്തനം.

എന്താണ് ഫാറ്റി ലിവർ?

കരളിൽ കൊഴുപ്പ് അടിയുന്പോഴാണ് ഫാറ്റി ലിവർ എന്ന അവസ്ഥ ഉണ്ടാകുന്നത്. സാധാരണ ഗതിയിൽ ഡാർക്ക് ബ്രൗണ്‍ നിറമുള്ള കരൾ കൊഴുപ്പ് അടിയുന്നതോടെ ഇളം മഞ്ഞനിറം ആകും. കരളിൽ അഞ്ച് ശതമാനത്തിനു മുകളിൽ കൊഴുപ്പ് അടിയുന്പോൾ ഫാറ്റി ലിവർ എന്നുപറയുന്നു.

ലക്ഷണങ്ങൾ

ഫാറ്റി ലിവറിനു പ്രത്യേക ലക്ഷണങ്ങൾ ഒന്നും തന്നെയില്ല. മറ്റെന്തെങ്കിലും ബുദ്ധിമുട്ടുകൾക്കായി അൾട്രാസൗണ്ട് സ്കാൻ ചെയ്യുന്പോഴാണ് ഫാറ്റി ലിവർ കണ്ടെത്തുന്നത്. ഫാറ്റി ലിവർ ഉണ്ടോയെന്ന് മനസിലാക്കാനുള്ള എളുപ്പമാർഗം യുഎസ്ജി സ്കാൻ തന്നെയാണ്.

കാരണങ്ങൾ

ഫാറ്റി ലിവറിന്‍റെ ഏറ്റവും പ്രധാന കാരണം മദ്യപാനം തന്നെയാണ്. കരളിനു മറ്റു തകരാർ ഒന്നുമില്ലെങ്കിൽ 45 മില്ലി വരെ മദ്യം ഒരാൾക്ക് അനുവദനീയമാണ്. ഈ ഒരളവിൽ മദ്യം കഴിച്ചു നിർത്തുന്നത് വിരലിൽ എണ്ണാവുന്നവർ മാത്രമാണ്.

ഭൂരിഭാഗം പേരും ഒന്ന് അല്ലെങ്കിൽ രണ്ട് പെഗ് എന്നു നിശ്ചയിച്ചു തുടങ്ങു കയും ഒടുവിൽ അളവിലധികം മദ്യപിക്കുകയും ചെയ്യുന്നു. പൊതുവേ നമ്മുടെ സമൂഹത്തിലുള്ള ധാരണ വൈനിലും ബിയറിലും കള്ളിലും ആൽക്കഹോൾ അളവ് കുറവാണെന്നും അതിനാൽ തന്നെ ഇവ ഹാനികരമല്ല എന്നുമാണ്.

ബിയറിൽ അഞ്ച് ശതമാനം മാത്രമേ ആൽക്കഹോൾ ഉള്ളുവെങ്കിലും നമ്മുടെ നാട്ടിലെ ബിയർ കുപ്പികൾ വരുന്നത് മിക്കവാറും 650 മില്ലി കുപ്പികളിലാണ്. 250 മില്ലി ബിയറിലും 100 മില്ലി വൈനിലും 30 മില്ലി വിസ്കിയിലും ഒരേ അളവിലാണ് ആൽക്കഹോൾ ഉള്ളത്.

എന്നെക്കാൾ കൂടുതൽ മദ്യം ഉപയോഗിച്ചിട്ടും മറ്റു പലർ ക്കും ഒരു കുഴപ്പവുമില്ലല്ലോ എന്നു പലരും പറയാറുണ്ട്. ഒരേ അളവിൽ മദ്യം കഴിക്കുന്ന രണ്ടു വ്യക്തികളിൽ ഒരേ തോതിൽ കരളിനു കേടു സംഭവിക്കണം എന്നില്ല. ഇത് ആൽക്കഹോളിനെ മെറ്റബോളൈസ് ചെയ്യാനുള്ള ആ വ്യക്തിയുടെ ശാരീരിക ക്ഷമതയെ ആശ്രയിച്ചിരിക്കും.

നല്ല പോലെ ഭക്ഷണം കഴിക്കുന്നതിനൊപ്പം മദ്യം കഴിച്ചാൽ കരളിന് ദോഷം ഉണ്ടാകില്ലെന്നത് യുക്തിക്ക് നിരക്കാത്തതാണ്. അമിതവണ്ണം ക്ഷണിച്ചു വരുത്തും എന്നല്ലാതെ മറ്റു പ്രയോജനം ഒന്നും ഉണ്ടാകാനിടയില്ല.

അമിത വണ്ണം കരൾരോഗത്തെ ത്വരി തപ്പെടുത്തുന്നു എന്നു പഠനങ്ങൾ തെളിയിച്ചിട്ടുണ്ട്. പുരുഷൻ മാരെ അപേക്ഷിച്ച് സ്ത്രീകളിൽ മദ്യോപയോഗം താരതമ്യേന കുറഞ്ഞ അളവിൽ തന്നെ കരൾ രോഗത്തിനു കാരണമാകുന്നു.

ഒരു തുള്ളി മദ്യം കഴിക്കാത്ത ഒരാൾക്കും ഫാറ്റി ലിവർ ഉണ്ടായേക്കാം. ഇത് അയാളുടെ ജീവിത ശൈലിയുമായി ബന്ധപ്പെട്ടിരിക്കുന്നു. അമിതവണ്ണം, പ്രമേഹം, കൊളസ്റ്ററോൾ തുടങ്ങിയവ ഫാറ്റി ലിവറിനു കാരണമായേക്കും. ഇതിനു പുറമേ ചില മരുന്നുകളുടെ തുടർച്ചയായ ഉപയോഗം കൊണ്ടും ഫാറ്റി ലിവർ ഉണ്ടായേക്കും.

കരുതൽ വേണം

എല്ലാവരിലും ഫാറ്റി ലിവർ അപകടകാരിയല്ല. പക്ഷേ ചെറിയ ശതമാനം ആളുകളിൽ ഫാറ്റി ലിവർ സീറോസിസിലേക്ക് നീങ്ങിയേക്കും. ഈ ഒരു വിഭാഗം രോഗികളെ തിരിച്ചറിയുകയാണ് മുഖ്യം. വർഷങ്ങളായുള്ള മദ്യപാനം, 50 വയസിനു മുകളിലുള്ളവർ, 10 വർഷത്തിനു മുകളിൽ ഡയബറ്റിക്/ കൊളസ്റ്ററോളിനു ചികിത്സ ചെയ്തവർ തുടങ്ങിയവർ പ്രത്യേകം ശ്രദ്ധിക്കണം.

കാലുകളിൽ നീര് കാണപ്പെടുന്നതും കണ്ണിന്‍റെ വെള്ളയിൽ മഞ്ഞ നിറം കാണുന്നതും, മൂത്രം മഞ്ഞക്കുന്നതും കൈകാലുകൾ ശോഷിക്കുന്നതും മുഖത്ത് കരുവാളിപ്പ് വരുന്നതും ഗുരുതരമായ കരൾ രോഗത്തിന്‍റെ ലക്ഷണങ്ങളാകാം. ഇക്കൂട്ടർ ഏറ്റവും പെട്ടെന്ന് ഡോക്ടറെ കണ്ട് വിദഗ്ദ്ധ ചികിത്സ നേടണം.

ഫാറ്റി ലിവർ ഉള്ള രോഗി തീർച്ചയായും ലിവർ ഫംഗ്ഷൻ ടെസ്റ്റ് (എൽ എഫ് ടി), ലിപിഡ് പ്രൊഫൈൽ, ഫാസ്റ്റിംഗ് ഷുഗർ, പ്ലേറ്റ്ലെറ്റ് കൗണ്ട് തുടങ്ങിയ ബ്ലഡ് ടെസ്റ്റ് ചെയ്തിരിക്കണം. ഫൈബ്രോസിസ് അറിയാൻ സഹായിക്കുന്ന ഇലാസ്റ്റോഗ്രാഫി ടെസ്റ്റ് പല ആശുപത്രികളിലും ഇന്ന് ലഭ്യമാണ്. സീറോസിസാ ണെന്ന് സംശയമുണ്ടെങ്കിൽ എൻഡോസ്കോപി ചെയ്യേണ്ടി വന്നേക്കാം.

ചികിത്സ എങ്ങനെ?

മദ്യപാനം മൂലമുള്ള ഫാറ്റി ലിവർ മൂന്നു മാസം പൂർണ മായും മദ്യം ഒഴിവാക്കിയാൽ പൂർവസ്ഥിതിയിലെത്തും. പ്രമേഹം, കൊളസ്റ്ററോൾ തുടങ്ങിയ അസുഖങ്ങൾ നല്ല രീതിയിൽ നിയന്ത്രി ക്കണം.

അമിതവണ്ണം ഉള്ളവർ ഭാരം കുറയ്ക്കണം. ബോഡി മാസ് ഇൻഡക്സ് അഥവാ ബിഎംഐ 23 മുതൽ 25 വരെ എത്തിക്കാൻ പരിശ്രമിക്കണം. ഇതിനു ഭക്ഷണ നിയന്ത്രണവും വ്യായാമവും ഒരു പോലെ ശ്രദ്ധിക്കണം.

ഭക്ഷണത്തിൽ അന്നജത്തിന്‍റെയും കൊഴുപ്പിന്േ‍റയും അളവ് കുറച്ച് പ്രോട്ടീൻ അളവ് കൂട്ടുന്നത് ഉത്തമം. മധുര പലഹാരങ്ങൾ, കോള, ഫാസ്റ്റ് ഫുഡ്, ജംഗ് ഫുഡ് തുടങ്ങിയവ തീർത്തും ഒഴിവാക്കുക. വറുത്തതും പൊരിച്ചതുമായ ഭക്ഷണ പദാർഥങ്ങൾ കുറയ്ക്കുകയും ആവിയിൽ പാകം ചെയ്തതോ ഗ്രിൽ ചെയ്ത തോ ആയ ഭക്ഷണം ഉപയോഗിക്കുകയും വേണം. ചോറ് പരമാവ ധി കുറച്ച് പകരം ഓട്സ്, റാഗി തുടങ്ങിയവ ഉപയോഗിക്കുക.

ചോറ് നിർബന്ധമുള്ളവർ കഴിയുമെങ്കിൽ ഒരു നേരം മാത്രം ഉപയോഗിക്കണം. വെള്ള അരി ഉപേക്ഷിച്ചു തവിടിന്‍റെ അംശം കൂടുതലുള്ള ബ്രൗണ്‍ റൈസ് തിരഞ്ഞെടുക്കുക.

ഫൈബർ കൂടുതലായുള്ള ഇലക്കറികൾ കഴിക്കുന്നതും ഭക്ഷണത്തോടൊ പ്പം സാലഡുകൾ കഴിക്കുന്നതും അമിതാഹാരത്തെ നിയന്ത്രിക്കു ന്നു. കാപ്പി കുടിക്കുന്നത് കരൾ രോഗങ്ങൾക്കു നല്ലതാണ് എന്ന് പഠനങ്ങൾ തെളിയിച്ചിട്ടുണ്ട്.

പ്രതിദിനം 45 മിനിറ്റെങ്കിലും വ്യായാമം ചെയ്യുന്നത് നന്നായിരിക്കും. ഇത് ആഴ്ചയിൽ അഞ്ച് ദിവസമെങ്കിലും വേണം. നടത്തം, ഓട്ടം, നീന്തൽ, സൈക്ലിംഗ്, സ്റ്റെപ്പ് കയറുന്നത് തുടങ്ങിയ വ്യായാമങ്ങൾ നല്ലതാണ്.

ഓർക്കുക, കരളിനെ പിണക്കാതിരിക്കാൻ മദ്യം ഒഴിവാക്കുക. ആരോഗ്യകരമായ ഭക്ഷണശീലം പാലിക്കുക. വ്യായാമം ചെയ്യുക.

കോവിഡ് തടയാൻ പ്രമേഹബാധിതർ ശ്രദ്ധിക്കേണ്ടത്...

കോവിഡ് വൈറസിനെതിരേ ഏറ്റവും ജാഗ്രത പുലര്‍ത്തേണ്ടവരില്‍ ഒരു വിഭാഗമാണു പ്രമേഹബാധിതര്‍. കോവിഡ് 19 പ്രധാനമായും ശ്വാസകോശങ്ങളെ ബാധിക്കുന്ന ഒരു അണുബാധയാണ്. എല്ലാവിധ ശ്വാസകോശ അണുബാധകളും (അവ ബാക്ടീരിയ മൂലമാകട്ടെ, വൈറസ് മൂലമാകട്ടെ) പ്രമേഹമുള്ള വ്യക്തികളില്‍ സങ്കീര്‍ണമായ അവസ്ഥയിലേക്ക് എത്തിച്ചേരാം.

എച്ച്1 എൻ 1 അണുബാധയും ക്ഷയരോഗവും പ്രമേഹമുള്ളവരില്‍ മറ്റുള്ളവരെ അപേക്ഷിച്ച് കൂടുതലായി കണ്ടുവരുന്നത് എല്ലാവർക്കും അറിവുള്ള കാര്യമാണ്. അങ്ങനെ തന്നെയാണ് കോവിഡും.

അമിതവണ്ണം അപകടം

പ്രമേഹ ബാധിതരില്‍ അമിതവണ്ണവും ദുര്‍മ്മേദസും പൊതുവേ കണ്ടുവരുന്നുണ്ട്. അമിതവണ്ണം കോവിഡ് രോഗബാധയെ സങ്കീര്‍ണമാക്കുന്ന ഒരു ആരോഗ്യപ്രശ്നമാണ്. പ്രത്യേകിച്ചും കുടവയര്‍. അമിതവണ്ണമുള്ളവരില്‍ കോശങ്ങള്‍ക്കുള്ളിലെ ഉപാപചയ പ്രവര്‍ത്തനങ്ങള്‍ തകരാറിലാവുന്നു. ഇതിന്‍റെ ഫലമായി രോഗാണുക്കളെ ചെറുക്കാന്‍ സഹായിക്കുന്ന ശരീരത്തിലെ ഇമ്മ്യൂണ്‍ വ്യവസ്ഥ ദുര്‍ബലമാവുകയും അണുബാധയുണ്ടാകുന്നതിന് വഴിയൊരുങ്ങുകയും ചെയ്യുന്നു.
പ്രശ്നമാകുന്ന കുടവയർ

മാത്രമല്ല, കുടവയറും അമിതവണ്ണവും സുഗമമായി ശ്വസിക്കുന്നതിനും തടസമുണ്ടാക്കും. വീര്‍ത്തിരിക്കുന്ന വയറുള്ളവരുടെ ശ്വാസകോശങ്ങളുടെ താഴെ ശരിയായി വായുസഞ്ചാരം ഉണ്ടാകില്ല. വൈറസ് ബാധിക്കുമ്പോള്‍ ശ്വാസകോശങ്ങളുടെ താഴ്ഭാഗത്ത്‌ ന്യുമോണിയ ഉണ്ടാകാന്‍ ഇത് കാരണമായിത്തീരാം. മാത്രമല്ല, ശ്വസിക്കാനുള്ള ബുദ്ധിമുട്ട് രക്തത്തിലെ ഓക്സിജന്‍റെ അളവിനെ കുറയ്ക്കാം. ശ്വാസകോശങ്ങളുടെ പ്രവര്‍ത്തനം തകരാറിലാവുന്നതിനെ ത്വരിതപ്പെടുത്തുകയും ചെയ്യാം.

ഗ്ലൂക്കോസിന്‍റെ അളവു നിയന്ത്രിക്കാം

കൃത്യമായ ഇടവേളകളിലുള്ള, പതിവായ രക്തപരിശോധനയിലൂടെ രക്തത്തിലെ ഗ്ലൂക്കൊസിന്‍റെ അളവ് നിരീക്ഷിക്കുകയും ആരോഗ്യകരമായ ഭക്ഷണക്രമം പിന്തുടരുകയും പതിവായി
വ്യായാമം ചെയ്യുകയും ഡോക്ടറുടെ നിര്‍ദ്ദേശപ്രകാരം ആവശ്യമെങ്കില്‍ ഔഷധങ്ങള്‍ കഴിക്കുകയും വേണ്ടിവന്നാല്‍ ഇന്‍സുലിന്‍ കുത്തിവയ്ക്കുകയും ചെയ്യുന്നതിലൂടെ ശരീരത്തിലെ ഗ്ലൂക്കോസിന്‍റെ അളവ് നിയന്ത്രിച്ചു നിർത്തുക എന്നതാണ് ഏറ്റവും പ്രധാനപ്പെട്ട കാര്യം. അങ്ങനെയുള്ള
പ്രമേഹബാധിതര്‍ തങ്ങള്‍ക്ക് മറ്റുള്ളവരില്‍ നിന്ന് അധികമായി ഉണ്ടാകാന്‍ സാധ്യതയുള്ള
അണുബാധയില്‍ നിന്ന് വിമുക്തരായിരിക്കും.

പ്രത്യേകം ശ്രദ്ധിക്കുക

1. കോവിഡിനെ നേരിടാന്‍ പ്രമേഹബാധിതര്‍ മുന്‍കൂട്ടി തയാറെടുക്കുകയാണു വേണ്ടത്. തങ്ങളുടെ ആരോഗ്യ അവസ്ഥയെക്കുറിച്ച് അവര്‍ ശരിയായി മനസിലാക്കണം. പ്രമേഹം ചികിത്സിക്കുന്ന ഡോക്ടറെ ഓണ്‍ലൈനിലൂടെയോ/നേരിട്ടോ ബന്ധപ്പെട്ടിട്ട് പ്രമേഹം ശരിയായി നിയന്ത്രിച്ചു നിർത്താന്‍ ആവശ്യമായ നിര്‍ദേശങ്ങള്‍ സ്വീകരിക്കുക

2. ചികിത്സിക്കുന്ന ഡോക്ടര്‍, സമീപത്തുള്ള ആരോഗ്യപ്രവര്‍ത്തകര്‍, ഒരാവശ്യം വന്നാല്‍ പെട്ടെന്ന് പോകേണ്ട ആശുപത്രി, കൊവിഡ് ഹെല്‍പ്പ് ലൈന്‍, ദിശ എന്നിവയുടെ നമ്പര്‍ എപ്പോഴും കാണാവുന്ന ഒരു സ്ഥലത്ത് എഴുതി വെയ്ക്കണം.

3. പ്രമേഹത്തിന് കഴിക്കേണ്ട മരുന്നുകള്‍ ആവശ്യാനുസരണം വാങ്ങി സൂക്ഷിക്കണം. മരുന്നുകള്‍ വാങ്ങാനായി കൂടെക്കൂടെ വീടിനു പുറത്തേക്ക് പോകുന്നത് നിര്‍ബന്ധമായും ഒഴിവാക്കണം.

4. വീട്ടില്‍ വച്ചുതന്നെ രക്തത്തിലെ ഗ്ലൂക്കോസ് ഇടയ്ക്കിടെ ചെക്ക് ചെയ്യാന്‍ സഹായിക്കുന്ന ഉപകരണമുണ്ടെങ്കില്‍ (ഗ്ലൂക്കോമീറ്റര്‍) നന്നായിരിക്കും.

5. മാനസിക സംമ്മര്‍ദം ഒഴിവാക്കാന്‍ ഓരോരുത്തരും അവരവര്‍ക്ക് ഇണങ്ങുന്ന മാര്‍ഗങ്ങള്‍ കണ്ടെത്തണം. സമാധാനത്തോടെ ഇരിക്കാന്‍ സ്വയം പരിശീലിക്കണം. ആവശ്യമെങ്കില്‍ അതിനായി പ്രൊഫഷണല്‍ കൗണ്‍സിലറെ സമീപിക്കാം.

വിവരങ്ങൾക്കു കടപ്പാട്: ഡോ. ജി. ആർ. സന്തോഷ് കുമാർ
ആരോഗ്യകേരളം, വയനാട്, സംസ്ഥാന ആരോഗ്യ കുടുംബക്ഷേമ വകുപ്പ്

പ്രമേഹരോഗികളിലെ ലൈംഗിക ബലഹീനത

? നാല്‍പത്തഞ്ചുകാരനായ ഞാന്‍ പ്രമേഹരോഗിയാണ്. പ്രമേഹരോഗികളിലെ ലൈംഗിക ബലഹീനതയ്ക്കുള്ള കാരണങ്ങള്‍ എന്തൊക്കെയാണ്?
-മാത്യു ജോസഫ്, കോഴിക്കോട്

= ലൈംഗിക ഉദ്ധാരണം എന്നു പറയുന്നത് ലിംഗത്തിലേക്ക് രക്തയോട്ടം കൂടുന്നതാണ്. ഉദ്ധാരണത്തിന് ധമനികളുടെയും ഞരമ്പുകളുടെയും പ്രവര്‍ത്തനത്തെ ബാധിക്കും.

ലിംഗത്തില്‍ ഫംഗല്‍ ഇന്‍ഫെക്ഷന്‍ ഉണ്ടാകാനുള്ള സാധ്യത കൂടുതലായിരിക്കും. മൂത്രനാളിക്കും രോഗാണുബാധ ഉണ്ടാകാനുള്ള സാധ്യത കൂടുതലാണ്.

പൊണ്ണത്തടി പ്രശ്‌നമാണോ?

മുപ്പതുകാരിയായ എന്റെ ഭാര്യക്ക് അമിതവണ്ണമുണ്ട്. ലൈംഗികജീവിതത്തില്‍ പൊണ്ണത്തടി പ്രശ്‌നമാണോ?

മുഹമ്മദ് സാദിഖ്, കല്‍പറ്റ

= അമിത വണ്ണം ഹോര്‍മോണ്‍ തകരാറുകൊണ്ട് സംഭവിക്കാം. അത് ലൈംഗികാസ്വാദനത്തെ കുറയ്ക്കും. അമിത വണ്ണം തീര്‍ച്ചയായും ലൈംഗികപ്രശ്‌നത്തിന് കാരണമാണ്.

ലൈംഗികതയുടെ പല ഘടകങ്ങളെയും അമിതവണ്ണം ബാധിക്കാം. ലൈംഗികബന്ധത്തില്‍ ഏര്‍പ്പെടുമ്പോഴുള്ള വേദന, സ്വന്തം ശരീരത്തെക്കുറിച്ചുള്ള അവമതിപ്പ്, വൈകാരിക പ്രശ്‌നങ്ങള്‍ ഇവ കൂടുതല്‍ ആകാം.

ആര്‍ത്തവനാളുകളില്‍ കുരുക്കള്‍

? മുപ്പത്തഞ്ചുവയസുള്ള വീട്ടമ്മയാണ് ഞാന്‍. ആര്‍ത്തവനാളുകളില്‍ നെറ്റിയിലും ശരീരത്തിലുമുണ്ടാകുന്ന ചെറിയ കുരുക്കളാണ് എന്റെ പ്രശ്‌നം. ഇതിനൊരു പരിഹാരം നിര്‍ദേശിക്കാമോ?
ലിസി, ചങ്ങനാശേരി

+ ആര്‍ത്തവ സമയത്ത് മാത്രമേ അങ്ങനെ ഉണ്ടാകുന്നുള്ളൂവെങ്കില്‍ ഹോര്‍മോണ്‍ തകരാറുണ്ടോയെന്ന് നോക്കണം. ഹോര്‍മോണ്‍ തകരാറുകൊണ്ട് ഇങ്ങനെ സംഭവിക്കാം. രോമകൂപങ്ങള്‍ അടയുകയും ഇന്‍ഫെക്ഷന്‍ ഉണ്ടാകുകയും ചെയ്യുന്ന Hidradenitis Suppura-tiva എന്ന അവസ്ഥയിലും ഇത് സംഭവിക്കാം.

പോണ്‍ വീഡിയോകളും ലൈംഗിക ജീവിതവും തമ്മില്‍ ബന്ധമുണ്ടോ?

ഡോക്ടര്‍, വളരെ വിഷമത്തോടെയാണ് ഈ കത്ത് എഴുതുന്നത്. 35കാരനായ എന്റെ ഭര്‍ത്താവിന് പോണ്‍ വീഡിയോ കാണുന്ന ശീലമുണ്ട്. അതില്‍ കാണുന്ന പോലെയുള്ള കാര്യങ്ങള്‍ ചെയ്യാന്‍ എന്നെ പ്രേരിപ്പിക്കുന്നു. പലതും അസാധ്യമായ കാര്യങ്ങളാണ്. അതുകൊണ്ടുതന്നെ ലൈംഗിക ജീവിതത്തെക്കുറിച്ച് ഓര്‍ക്കുമ്പോള്‍ ഇപ്പോള്‍ എനിക്ക് പേടിയാണ്. പോണ്‍ വീഡിയോ കാണുന്നത് ലൈംഗിക ജീവിതത്തെ മോശമായി ബാധിക്കുമോ?
ബിന്ദു, കോട്ടയം

തീര്‍ച്ചയായും വളരെ അപകടകരമായ ഒരവസ്ഥയാണിത്. താങ്കളുടെ ഭര്‍ത്താവിന് ഒരു കൗണ്‍സലിംഗ് അത്യാവശ്യമാണ്. ഇത് ഒരു തരം കുറ്റബോധമുണ്ടാക്കും. നേരെ ലൈംഗികബന്ധത്തില്‍ ഏര്‍പ്പെടാന്‍ താല്‍പര്യം കൂടും.

ഫൊര്‍പ്ലേയിലുള്ള താല്‍പര്യം കുറയും. ലൈംഗികത കൂടുതല്‍ ആക്രമണാത്മകമാകും. ലൈംഗികാധിപധ്യവും കൂടും. പങ്കാളിയോടുള്ള വൈകാരിക പ്രശ്‌നങ്ങളും കൂടുതലാകും.

ഓവുലേഷന്‍ സമയത്ത് അതിശക്തമായ വേദന

ഞാന്‍ 24 വയസുള്ള പിജി വിദ്യാര്‍ഥിനിയാണ്. ഓവുലേഷന്‍ സമയത്ത് അതിശക്തമായ വേദനയാണ്. നടക്കാനും കഴിയില്ല. മനംപിരട്ടലും ക്ഷീണവും ഉണ്ടാകാറുണ്ട്. ഇതുമൂലം ഞാന്‍ വളരെയധികം മാനസികപ്രയാസം അനുഭവിക്കുന്നു. ഓവുലേഷന്‍ വേദന കുറയ്ക്കാന്‍ മരുന്നുണ്ടോ?'
അനിത വിശ്വനാഥന്‍, കൊല്ലം

= അണ്ഡവിസര്‍ജനം (ഓവുലേഷന്‍) നടക്കുമ്പോള്‍ പലര്‍ക്കും വിഷമങ്ങളൊന്നും ഉണ്ടാകാറില്ല. അതിനാല്‍ ഓവുലേഷന്‍ നടക്കുന്നുണ്ടോ എന്നറിയാനുള്ള ടെസ്റ്റുകള്‍ പലപ്പോഴും ചെയ്യേണ്ടി വരും. ചിലര്‍ക്ക് ആ സമയത്ത് വയറു വേദനയും ചെറിയ രീതിയിലുള്ള രക്തം പോക്കും, അതു കഴിഞ്ഞാല്‍ അടുത്ത ആര്‍ത്തവം വരെ ദേഹത്തു നീരു വന്നതു പോലെ കനവും തോന്നാം. ആ സമയത്ത് ഒന്നോ രണ്ടോ കിലോ തൂക്കം കൂടുന്നവരും ഉണ്ട്. ആര്‍ത്തവം തുടങ്ങുന്നതോടു കൂടി ഈ വിഷമങ്ങളെല്ലാം മാറും.

ഈ സമയത്ത് ശരീരത്തില്‍ ഉത്പാദിപ്പിക്കപ്പെടുന്ന ഹോര്‍മോണുകളുടെ പ്രവര്‍ത്തന ഫലമാണ് ഇതെല്ലാം. അതുകൊണ്ട് ആ സമയം വേദനസംഹാരി ഗുളികകള്‍ കഴിക്കാം. പാരസെറ്റമോള്‍, ബസ്‌കോപാന്‍ മുതലായ വേദനസംഹാരികളുണ്ട്. ദിവസം ഒന്നോ, രണ്ടോ മൂന്നോ ഗുളികകള്‍ വേദനയുടെ കാഠിന്യം പോലെ കഴിക്കാം. ആഹാരം കഴിച്ചിട്ടു മാത്രം ഈ ഗുളിക കഴിക്കുക.

കാന്‍സര്‍ ലക്ഷണങ്ങള്‍

? ഒരാളുടെ ശരീരത്തില്‍ കാന്‍സര്‍ രോഗബാധയുണ്ടായാല്‍ എത്ര സമയത്തിനകം അത് അറിയാന്‍ കഴിയും. രോഗബാധയുണ്ടായി 10 - 15 വര്‍ഷത്തിനു ശേഷം മാത്രമേ അത് പ്രകടമാകുകയുള്ളോ . അതോ അപ്പോള്‍ തന്നെ അറിയാന്‍ കഴിയുമോ എന്തൊക്കെ ലക്ഷണങ്ങള്‍ കാണിക്കും?
സന്ധ്യ, വൈപ്പിന്‍

കാന്‍സര്‍ പകര്‍ച്ചവ്യാധിയല്ല. ഒരു ജനിതക വ്യതിയാനം ഉണ്ടായെങ്കിലേ കാന്‍സര്‍ ഉണ്ടാകൂ എന്ന നിഗമനത്തിലാണ് ഇന്ന് ശാസ്ത്രം നില്‍ക്കുന്നത്. ഉദാഹരണത്തിന് 80 ശതമാനം സ്തനാര്‍ബുദങ്ങളുമുണ്ടാകുന്നത് ബ്രെസ്റ്റ് കാന്‍സര്‍ ജീനിലുള്ള ജനിതക വ്യതിയാനം മൂലമാണ്. എല്ലാ മനുഷ്യരിലും BRCA 1 ,2 എന്നീ രണ്ടു തരം ജീനുകളുണ്ട്. സ്തനാര്‍ബുദ വളര്‍ച്ചയെ നിയന്ത്രിക്കുന്ന ജീനുകളാണിത്. അങ്ങനെ ഓരോ അവയവങ്ങളിലെയും കോശ വളര്‍ച്ച നിയന്ത്രിക്കുന്നതിന് പ്രത്യേക തരം ജീനുകളും പൊതുവായുള്ള ജീനുകളുമുണ്ട്. കാന്‍സര്‍ ജീനുകളും കാന്‍സര്‍ സപ്രസര്‍ ജീനുകളുമുണ്ട്. നമ്മുടെ ശരീരത്തിലുള്ള കാന്‍സര്‍ ജീനുകളെല്ലാം സാധാരണ നിര്‍ജീവാവസ്ഥയിലാണ്. കാന്‍സര്‍ ജീനുകളെ ഈ അവസ്ഥയില്‍ നിന്നു തിയുണര്‍ത്തുമ്പോഴോ കാന്‍സര്‍ സപ്രസര്‍ ജീന്‍ നിര്‍വീര്യമാക്കപ്പെടുമ്പോഴോ ആണ് കോശങ്ങള്‍ നിയന്ത്രണമില്ലാതെ പെരുകാന്‍ തുടങ്ങുന്നതും കാന്‍സര്‍ എന്ന അവസ്ഥയിലേക്ക് പോകുന്നതും.

ജനിതക വ്യതിയാനം ഉണ്ടാക്കുന്നവയെയാണ് കാര്‍സിനോജന്‍ എന്നു പറയുന്നത്. ഗവേഷണങ്ങളുടെ അടിസ്ഥാനത്തില്‍ തെളിയിക്കപ്പെിട്ടുള്ള മുന്‍പന്തിയിലുള്ള ഒരു കാര്‍സിനോജനാണ് പുകയില.

ഹ്യൂമന്‍ പാപ്പിലോമ വൈറസ് അണുബാധയാണ് ഗര്‍ഭാശയഗള കാന്‍സറിനു കാരണമായ ജനിതക മാറ്റങ്ങള്‍ ഉണ്ടാക്കുന്നത്. ഓരോ കാന്‍സറിനും ഓരോ കാര്‍സിനോജന്‍ കണ്ടെത്താന്‍ നമുക്കു സാധിച്ചിട്ടില്ല. സ്തനാര്‍ബുദ ഹേതുവായ ആഞഇഅ പരിവര്‍ത്തനം ഉണ്ടാക്കുന്ന കാര്‍സിനോജന്‍ കണ്ടു പിടിക്കാന്‍ പറ്റിയിട്ടില്ല. ഭക്ഷണ പദാര്‍ത്ഥങ്ങള്‍, മദ്യപാനം, ഹോര്‍മോണ്‍ തുടങ്ങി കുറെ കാരണങ്ങള്‍ പറയുന്നുണ്ട്. ഒറ്റക്കാരണം കണ്ടുപിടിക്കാത്തതിനാലാണ് സ്തനാര്‍ബുദത്തിന്റെ പ്രാഥമിക നിവാരണം സാധ്യമല്ലാത്തതും സ്‌ക്രീനിംഗ് ടെസ്റ്റുകള്‍ വഴി നേരത്തേ കണ്ടു പിടിച്ചു ചികിത്സിച്ചു ഭേദമാക്കാന്‍ പറയുന്നതും. കുടല്‍ കാന്‍സറും ഈ വിഭാഗത്തില്‍തന്നെപെടും.

കോശങ്ങള്‍ 30 തവണ പെരുകിയാല്‍ മാത്രമേ ഒരു സെന്റീമീറ്റര്‍ വലിപ്പമുള്ള മുഴ ഉണ്ടാകുകയുള്ളൂ. ഒരു കോശം ഒരു പ്രാവശ്യം പെരുകുന്നതിന് 12 മാസമാണ് വേണ്ടത്. ഒരു കോശം എത്ര വേഗത്തില്‍ ഇരട്ടിയാകുമോ അതനുസരിച്ചാണ് ലക്ഷണങ്ങള്‍ പ്രത്യക്ഷപ്പെടുന്നത്. 200 ദിവസമാണ് ഇരിയായി പെരുകാന്‍ വേണ്ടതെങ്കില്‍ 20 വര്‍ഷം കൊണ്ടേ ഒന്ന് രണ്ട് സെന്റിമീറ്റര്‍ ആകുകയുള്ളൂ. എന്നാല്‍ 20 ദിവസം കൊണ്ട് ഇരട്ടിയാകുമെങ്കില്‍ 2 വര്‍ഷം മതിയാകും ഒന്നു രണ്ടു സെന്റീമീറ്റര്‍ ആകാന്‍. സാധാരണ സന്തുലിതാവസ്ഥ നിലനിര്‍ത്താന്‍ കുറെ കോശങ്ങള്‍ നിര്‍ജീവാവസ്ഥയില്‍ ആയിരിക്കും. കാന്‍സര്‍ അവസ്ഥയില്‍ നിര്‍ജീവാവസ്ഥയിലുള്ള കോശങ്ങള്‍ ഒട്ടും തന്നെ ഉണ്ടാവുകയില്ല.

ഏതു ഭാഗത്താണോ കാന്‍സര്‍ പരിവര്‍ത്തനം ഉണ്ടായത് ആ ഭാഗത്ത് എത്ര വേഗത്തിലാണോ ഒരു കോശവളര്‍ച്ചയുണ്ടാകുന്നത് എന്നറിയാന്‍ ഉപയോഗിക്കുന്നതാണ് S-phase fraction. ഇത് ഇത്ര ശതമാനം എന്നാണ് എളുപ്പത്തില്‍ കണക്കാക്കുന്നത്. 50% സ്തനാര്‍ബുദങ്ങള്‍ മാത്രമാണ് 30 ശതമാനത്തില്‍ താഴെ വളര്‍ച്ചാ നിരക്കുള്ളത്. പകുതിയോളം സ്തനാര്‍ബുദങ്ങളുടെയും വളര്‍ച്ചാനിരക്ക് 50 ശതമാനത്തിലധികമാണ്. ഇന്നിപ്പോള്‍ ചികിത്സ നിര്‍ണയിക്കുന്നതിനും ഈ ടെസ്റ്റ് ഫലപ്രദമാണ്. 20 ശതമാനത്തില്‍ താഴെ വളര്‍ച്ചാ നിരക്കുള്ള സ്തനാര്‍ബുദത്തിന് ഹോര്‍മോണ്‍ ഗുളിക ഫലപ്രദമായാല്‍ കീമോതെറാപ്പിയുടെ ആവശ്യമില്ല.

വൃഷണ മുഴകള്‍, ലിംഫോമ മുതലായ കാന്‍സറുകള്‍ പൊതുവേ വളര്‍ച്ചാനിരക്ക് 50 ശതമാനത്തിലധികം ഉള്ളവയാണ്. എന്നാല്‍ സുഖ പ്രാപ്തി സ്തനാര്‍ബുദത്തേക്കാള്‍ വളരെക്കൂടുതലാണ്. 90 ശതമാനത്തിലധികമാണ് സുഖപ്രാപ്തിക്കുള്ള സാധ്യത.

75 ശതമാനം പ്രോസ്‌റ്റേറ്റ് കാന്‍സറുകളും വളര്‍ച്ചാ നിരക്ക് കുറഞ്ഞവയാണ്. 60 വയസു കഴിഞ്ഞവരിലാണ് പ്രോസ്‌റ്റേറ്റ് കാന്‍സര്‍ കൂടുതലായി കാണുന്നത്. ഒരു പൊതു തത്വം പറഞ്ഞാല്‍ പ്രായമായവരില്‍ വരുന്ന 80% കാന്‍സറുകളും വളര്‍ച്ചാ നിരക്ക് കുറഞ്ഞവയാണ്. അതുകൊണ്ടുതന്നെ പ്രാരംഭ ഘട്ടത്തില്‍ ചികിത്സ കൂടുതല്‍ ഫലപ്രദവുമാണ്.

കാന്‍സര്‍ ലക്ഷണങ്ങള്‍ പ്രകടമാകാന്‍ എടുക്കുന്ന സമയം ഈ വിവരണങ്ങളില്‍ നിന്നു മനസിലായല്ലോ. സ്തനത്തില്‍ തൊട്ടു നോക്കിയാല്‍ മുഴ അറിയണമെങ്കില്‍ 1.5 2 സെന്റീമീറ്റര്‍ എങ്കിലും വലിപ്പമാകണം. വളര്‍ച്ചാനിരക്ക് കൂടിയ കാന്‍സര്‍ പോലും രണ്ടു വര്‍ഷം കൊണ്ടേ ഈ വലിപ്പത്തിലെത്തൂ. ആ സമയംകൊണ്ടു ശരീരത്തിന്റെ മറ്റു ഭാഗങ്ങളിലേക്ക് വ്യാപിക്കാനുള്ള സാധ്യതയുമുണ്ട്. അതുകൊണ്ടാണ് കാന്‍സറിനു മുന്നോടിയായിുട്ടള്ള ഘട്ടത്തിലോ തീരെ ചെറുതായിരിക്കുമ്പോഴോ കണ്ടു പിടിച്ചാല്‍ (മാമോഗ്രഫി വഴി 0.5 സെന്റീമീറ്റര്‍ മുതലുള്ള മുഴകള്‍ അറിയാന്‍ പറ്റും.) ചികിത്സയുടെ തോത് കുറയും; ഫലവും പതിന്മടങ്ങായിരിക്കുമെന്ന് വീണ്ടും വീണ്ടും പറയുന്നത്. ഒുമിക്ക അവയവങ്ങളിലെയും കാന്‍സറുകളുടെ അവസ്ഥ ഇതു തന്നെയാണ്.

ഡോ. ചിത്രതാര കെ.
വകുപ്പ് മേധാവി, സീനിയര്‍ കണ്‍സള്‍ട്ടന്റ് സര്‍ജിക്കല്‍ ആന്‍ഡ് ഗൈനക് ഓങ്കോളജി, വിപിഎസ് ലേക്‌ഷോര്‍ ഹോസ്പിറ്റല്‍, എറണാകുളം

സ്മാര്‍ട്ട് ഫോണുകളുടെ അമിത ഉപയോഗവും ലൈംഗിക ജീവിതവും

ഞാന്‍ 28 വയസുള്ള കോളജ് അധ്യാപികയാണ്. കംപ്യൂട്ടര്‍ എന്‍ജിനിയര്‍ ആയ ഭര്‍ത്താവ് ഏതു സമയത്തും മൊബൈല്‍ഫോണില്‍ ആയിരിക്കും. രാത്രി ഞാന്‍ ഉറങ്ങിയ ശേഷമായിരിക്കും അദ്ദേഹം ഫോണ്‍ ഓഫ് ചെയ്ത് കിടക്കാന്‍ വരുന്നത്. സ്മാര്‍ട്ട് ഫോണുകളുടെ അമിതോപയോഗം ലൈംഗിക ജീവിതം ഇല്ലാതാക്കുമോ?
ആതിര സഞ്ജയ്, ശ്രീകാര്യം

+ സ്മാര്‍ട്ട് ഫോണുകള്‍ ഉപയോഗിക്കുമ്പോള്‍ ന്യൂറോകെമിക്കല്‍സിനോട് ഒരുതരം ആസക്തി ഉണ്ടാകും. അദ്ദേഹം സെക്‌സ് സൈറ്റുകള്‍ കാണുന്നുണ്ടോയെന്ന് തുറന്ന് ചര്‍ച്ച ചെയ്യണം. ഇത്തരത്തിലുള്ളവര്‍ക്ക് മനസില്‍ പലതരം ചിന്തകള്‍ കടന്നുവരാം. അത് മനസിന്റെ പ്രവര്‍ത്തനത്തെ തളര്‍ത്തും. അത് പങ്കാളിയുമൊത്തുള്ള ലൈംഗികാസ്വാദനത്തെ കുറയ്ക്കുകയും ചെയ്യും.

പൊണ്ണത്തടി കുറയ്ക്കാം

ഡോക്ടര്‍, 25 വയസുള്ള കംപ്യൂര്‍ എന്‍ജിനിയര്‍ ആണ് ഞാന്‍. പൊണ്ണത്തടികൊണ്ട് ഉണ്ടാകുന്ന ആരോഗ്യപ്രശ്‌നങ്ങള്‍ എന്തൊക്കെയാണ്?
ആതിര, കുമാരനെല്ലൂര്‍

ഇതിന് നമ്മുടെ പൂര്‍വികര്‍ നല്ല ഉത്തരം തന്നിട്ടുണ്ട്. 'പൊണ്ണത്തടിയനെ എന്തിനു കൊള്ളാം, വലിയ പുരയ്‌ക്കൊരു തൂണിനു കൊള്ളാം. 'എന്നാണല്ലോ അവര്‍ പറഞ്ഞിരിക്കുന്നത്. പ്രമേഹം, രക്തസമ്മര്‍ദ്ദം, കൊളസ്റ്ററോള്‍ കൂടുതല്‍, ഹൃദയാഘാതവും പക്ഷാഘാതവും ഉണ്ടാകാനുള്ള സാധ്യത കൂടുതല്‍, കരളിനെ ബാധിക്കുന്ന ഫാറ്റി ലിവര്‍, സിറോസിസ് , ലിവര്‍ കാന്‍സര്‍, ഉറങ്ങുമ്പോഴുള്ള ശ്വാസതടസം, മാനസിക പിരിമുറുക്കം, കാല്‍മുട്ടുവേദന, നടുവേദന, അര്‍ശസ്, വെരിക്കോസ് വെയിന്‍, കാന്‍സറിന്റെ നിരക്ക് കൂടുതല്‍ എന്നിവയാണ് പൊണ്ണത്തടി മൂലമുണ്ടാകുന്ന അസുഖങ്ങള്‍.

പൊണ്ണത്തടി മൂലം കോശങ്ങളില്‍ നീരുവന്നു കെട്ടി ഓക്‌സിജനും ഗ്ലൂക്കോസും ഉപയോഗിക്കാന്‍ പറ്റാത്ത അവസ്ഥയുണ്ടാക്കുന്നു. അതിനെ മറികടക്കാന്‍ കൂടുതല്‍ കൂടുതല്‍ ഇന്‍സുലിനും ഇന്‍സുലിന്‍ വളര്‍ച്ചാഘടകവും ഉണ്ടാക്കപ്പെടുന്നു.

കൊഴുപ്പു കോശങ്ങളില്‍ കൂടുതല്‍ സ്ത്രീ ഹോര്‍മോണുകള്‍ ഉത്പാദിപ്പിക്കപ്പെടുന്നു. കൊഴുപ്പു കോശങ്ങളുണ്ടാക്കുന്ന ഘലുശേട്ടി എന്ന പദാര്‍ഥം പൊണ്ണത്തടി ഉള്ളവരില്‍ കൂടുതലാണ്. ഘലുശേട്ടി അര്‍ബുദ വളര്‍ച്ചയുണ്ടാക്കുന്ന വസ്തുവാണ്. കുറഞ്ഞ രോഗ പ്രതിരോധ ശേഷിക്കും പൊണ്ണത്തടി കാരണമാകുന്നു.

പുരുഷന്മാരില്‍ കുടല്‍, മലാശയം, വൃക്ക, അന്നനാളം, പാന്‍ക്രിയാസ് എന്നിവിടങ്ങളിലും സ്ത്രീകള്‍ക്ക് മേല്‍ പറഞ്ഞ ഭാഗങ്ങള്‍ കൂടാതെ സ്തനം, ഗര്‍ഭാശയ ഭിത്തി എന്നിവിടങ്ങളിലും കാന്‍സര്‍ വരാനുള്ള സാധ്യതയും പൊണ്ണത്തടിയുള്ളവരില്‍ കൂടുതലാണ്. അമിതാഹാരം, അമിത മാംസാഹാരം, വ്യായാമക്കുറവ് ഇവയുടെ കൂടെ പുകവലി, മദ്യപാനം എന്നിവയും കാന്‍സര്‍ സാധ്യത വര്‍ധിപ്പിക്കുന്നു. സ്തനാര്‍ബുദം പുനരാരംഭിക്കാനുള്ള സാധ്യതയും പൊണ്ണത്തടിയുള്ളവരില്‍ കൂടുതലാണ്.

പൊണ്ണത്തടിക്കാരില്‍ ആഹാര ക്രമീകരണം, വ്യായാമം എന്നിവ അത്യാവശ്യമാണ്. പൊണ്ണത്തടി ഇങ്ങനെ കുറയ്ക്കാന്‍ കഴിയാത്തവര്‍ക്ക് ശസ്ത്രക്രിയ ആവശ്യമാണ്. ആമാശയത്തിന്റെ വലിപ്പം കുറയ്ക്കാനുള്ള സര്‍ജറികളാണ് കൂടുതല്‍ പ്രചാരത്തിലുള്ളത്.

ഡോ. ചിത്രതാര കെ.
വകുപ്പ് മേധാവി, സീനിയര്‍ കണ്‍സള്‍ട്ടന്റ് സര്‍ജിക്കല്‍ ആന്‍ഡ് ഗൈനക് ഓങ്കോളജി, വിപിഎസ് ലേക്‌ഷോര്‍ ഹോസ്പിറ്റല്‍, എറണാകുളം

പിസിഒഡി ഉള്ളവരിലെ കാന്‍സര്‍ സാധ്യത

? ഡോക്ടര്‍, എന്റെ ഇരുപതു വയസുള്ള മകള്‍ക്കു വേണ്ടിയാണ് ഇത് എഴുതുന്നത്. അവള്‍ക്ക് പോളിസിസ്റ്റിക് ഓവേറിയന്‍ ഡിസീസ് (PCOD) ഉണ്ട്. പിസിഒഡി ഉള്ളവരില്‍ കാന്‍സര്‍ ഉണ്ടാകാനുള്ള സാധ്യത കൂടുതലാണോ?
അനുപമ ഉണ്ണിക്കൃഷ്ണന്‍, കടവന്ത്ര

ആര്‍ത്തവം താമസിച്ചു വരുന്നതു മൂലം കാന്‍സര്‍ ഉണ്ടാകാന്‍ വരെ കാരണമായ സങ്കീര്‍ണമായ ഒരവസ്ഥയാണ് പിസിഒഡി. സ്ത്രീകളുടെ ആരോഗ്യത്തെ സാരമായി ബാധിക്കുന്നതുമാണിത്.

അണ്ഡാശയത്തിന്റെ പുറംചട്ടയില്‍ ചെറിയ ചെറിയ അനേക സിസ്റ്റുകള്‍ (വെള്ളം കെട്ടിനില്‍ക്കുന്ന മുഴകള്‍ ) അടുക്കി വച്ചിരിക്കുന്ന ഘടനയാണ് ഇതിന്‍േറത്. അതുകൊണ്ടാണ് ഈ പേരു വന്നത്. കൗമാരപ്രായക്കാരില്‍ പിസിഒഡിയുടെ നിരക്ക് 35.50% വരെയാണ്.

പ്രമേഹത്തിന് കോശതലത്തില്‍ ഉണ്ടാകുന്ന അതേ മാറ്റങ്ങളാണ് പിസിഒഡിയിലും ഉണ്ടാകുന്നത്. കോശങ്ങള്‍ക്ക് ആവശ്യമായ ഇന്‍സുലിന്‍ കിട്ടാതെ വരുമ്പോള്‍ കൂടുതല്‍ ഇന്‍സുലിന്‍ ഉത്പാദിപ്പിക്കാനുള്ള ഇന്‍സുലിന്‍ വളര്‍ച്ച ഘടകം (lnsulin Growth Factor) ഉള്‍പ്പെടെയുള്ള സിഗ്‌നലുകള്‍ കോശം പുറത്തുവിടും. അങ്ങനെ വര്‍ധന കൂടിക്കൂടി ഹൈപ്പര്‍ ഇന്‍സുലീനിയ എന്ന അവസ്ഥയാകും. ശരീരത്തില്‍ ഇത് പുരുഷ ഹോര്‍മോണുകളെ അമിതമായി ഉത്പാദിപ്പിക്കും. അമിത പുരുഷ ഹോര്‍മോണുകളുടെ ഫലമായി ഈസ്ട്രജന്‍ എന്ന സ്ത്രീ ഹോര്‍മോണ്‍ അമിത അളവില്‍ ഉത്പാദിപ്പിക്കപ്പെടുമെങ്കിലും ഇവയുടെ പ്രവര്‍ത്തനം അസന്തുലിതമാകുന്നു. തത്ഫലമായി ആര്‍ത്തവ വ്യതിയാനങ്ങള്‍ കൂടാതെ പുരുഷ സഹജമായ രോമ വളര്‍ച്ചയും മുഖക്കുരുവും ഉണ്ടാകും. 80 ശതമാനം സ്ത്രീകളിലും മാനസിക പിരിമുറുക്കവും കാണാം.

ആരോഗ്യ പ്രശ്‌നങ്ങള്‍

അമിതവണ്ണം 95% ആള്‍ക്കാരിലും ഉണ്ടാകാം. പ്രമേഹം പിസിഒഡിയുടെ കൂടപ്പിറപ്പു പോലെയാണ്. രക്തസമ്മര്‍ദ്ദം ഉണ്ടാകാനു ള്ള സാധ്യതയും കൂടുതലാണ്. ഈ കാരണങ്ങളെല്ലാം തന്നെ ഹൃദ്രോഗ നിരക്ക് കൂട്ടും. വന്ധ്യത ഇവരുടെ പ്രധാന പ്രശ്‌നങ്ങളിലൊന്നാണ്.

വര്‍ധിക്കുന്ന കാന്‍സര്‍ സാധ്യത

അമിത വണ്ണം, പ്രമേഹം, ശരീരത്തിന്റെ ഇന്‍സുലിന്‍ വളര്‍ച്ചാ ഘടകത്തിന്റെ കൂടിയ അളവ്, ചികിത്സയ്ക്കുവേണ്ടി ഉപയോഗിക്കുന്ന ഹോര്‍മോണുകള്‍ ഇവയെല്ലാം പിസിഒഡിയിലെ കാന്‍സര്‍ നിരക്കു വര്‍ധിപ്പിക്കുന്നു.

എന്‍ഡോമെട്രിയല്‍ കാന്‍സര്‍:

ഗര്‍ഭപാത്രത്തിന്റെ ഉള്‍പ്പാളിയില്‍ ഈസ്ട്രജന്‍ ഉണ്ടാക്കുന്ന അമിത വളര്‍ച്ച പിന്നീട് കാന്‍സറിലേക്കു നയിക്കും. സാധാരണ 60 വയസു കഴിഞ്ഞു വരുന്ന ഈ കാന്‍സര്‍ പിസിഒഡി ഉള്ളവര്‍ക്ക് ചെറുപ്പത്തിലേ വരാം. എന്‍ഡോ മെട്രിയല്‍ കാന്‍സര്‍ നിരക്കില്‍ ആറിരട്ടി വര്‍ധനയാണ് പിസിഒഡി ഉള്ളവരില്‍ കാണിക്കുന്നത്. അാശയ, സ്തനാര്‍ബുദ, പാന്‍ക്രിയാറ്റിക്ക് കാന്‍സര്‍ നിരക്കുകളും പിസിഒഡി ഉള്ളവരില്‍ ഇരിയാണ്.

എങ്ങനെ നിയന്ത്രിക്കാം?

ജീവിതശൈലീ മാറ്റങ്ങള്‍കൊണ്ട് പിസിഒഡി പെട്ടെന്ന് നിയന്ത്രിക്കാന്‍ പറ്റും. ആഹാരക്രമീകരണവും വ്യായാമവും അനിവാര്യമാണ്. അഞ്ചു ശതമാനം തൂക്കക്കുറവു പോലും ആര്‍ത്തവം സാധാരണ നിലയിലേക്കു കൊണ്ടുവരാം.

കുട്ടികള്‍ ടിവി, ടാബ് എന്നിവ കണ്ടുകൊണ്ട് ഭക്ഷണം കഴിക്കുന്നതും ഒരു ജോലിയും ചെയ്യാതെ മൊബൈലില്‍ കൂടുതല്‍ സമയം ചെലവഴിക്കുന്നതും നിരുത്സാഹപ്പെടുത്തണം. സോഫ്റ്റ് ഡ്രിങ്ക്‌സ്, ബേക്കറികള്‍, ഫാസ്റ്റ് ഫുഡ്, മാംസാഹാരം തുടങ്ങിയവയുടെ ഉപയോഗം പരിമിതപ്പെടുത്തണം. വൈന്‍, ബിയര്‍, പുകവലി ഒക്കെ തുടങ്ങാനുള്ള അവസരം ഒഴിവാക്കണം.

പിസിഒഡി ചികിത്സയ്ക്ക് ഹോര്‍മോണുകള്‍ ഉപയോഗിക്കുന്നത് ഒുട്ടം നന്നല്ല. പ്രമേഹത്തിനുപയോഗിക്കുന്ന മെറ്റ്‌ഫോര്‍മിന്‍ എന്ന ഗുളിക ഏറെ ഉപകാരപ്രദമാണെന്ന് തെളിഞ്ഞിട്ടുണ്ട്.

ഡോ. ചിത്രതാര കെ.
വകുപ്പ് മേധാവി, സീനിയര്‍ കണ്‍സള്‍ട്ടന്റ് സര്‍ജിക്കല്‍ ആന്‍ഡ് ഗൈനക് ഓങ്കോളജി
വിപിഎസ് ലേക്‌ഷോര്‍ ഹോസ്പിറ്റല്‍, എറണാകുളം

തളര്‍ച്ചയും ഇടയ്ക്കിടെ തലചുറ്റലും

? ഇരുപതു വയസുള്ള എനിക്ക് തളര്‍ച്ചയും ഇടയ്ക്കിടെ തലചുറ്റലും തോന്നും. അല്പം നടന്നാല്‍പ്പോലും കിതയ്ക്കും. ഇത് എന്തെങ്കിലും രോഗമാണോ.

തെരേസ, കൊല്ലം

വിളര്‍ച്ച എന്നു പൊതുവേ പറയുന്ന അനീമയാകും നിങ്ങളുടെ രോഗം. സ്ത്രീകളെയാണ് ഈ രോഗം താരതമ്യേന കൂടുതല്‍ ബാധിക്കുന്നത്. തളര്‍ച്ച, ക്ഷീണം, കിതപ്പ്, നെഞ്ചിടിപ്പ് തുടങ്ങിയവയെല്ലാം ഇതിന്റെ ലക്ഷണങ്ങളാണ്. രക്തത്തിലെ ഹീമോഗ്ലോബിന്റെ അളവു നോക്കിയാണ് അനീമയുടെ തീവ്രത കണ്ടെത്തുന്നത്. സ്ത്രീകളില്‍ നോര്‍മല്‍ ഹീമോഗ്ലോബിന്റെ അളവ് 14 gm/dL ആണ്. ഹീമോഗ്ലോബിന്‍ 12 gm/dL താഴെയായാല്‍ അനീമിയ ആണ്.

ആഹാരത്തില്‍ ഇരുമ്പുസത്ത്, ഫോളിക് ആസിഡ് തുടങ്ങിയവയുടെ കുറവ് വിളര്‍ച്ചയുണ്ടാക്കും. ഇരുമ്പിന്റെ കുറവുമൂലമുള്ള അയണ്‍ ഡഫിഷ്യന്‍സി അനീമിയ മലയാളികളില്‍ പൊതുവേ കൂടുതലാണ്. ഇലക്കറികള്‍ ആഹാരത്തില്‍ കുറയുന്നതും ഫാസ്റ്റ് ഫുഡ് ആഹാരരീതിയുമാണു പ്രധാന കാരണം. ഡോക്ടറുടെ നിര്‍ദേശപ്രകാരമല്ലാതെ വെറുതെ അയണ്‍ ഗുളിക കഴിക്കരുത്. ഗുളിക ചിലരില്‍ പാര്‍ശ്വഫലങ്ങളുണ്ടാക്കും. അതിനാല്‍ ഗുളികയ്ക്കു പകരം കുത്തിവയ്പ്പു വേണ്ടിവരും. അയണ്‍ ആഗീരണം തടയുന്ന മറ്റു ചില മരുന്നുകള്‍ കുറച്ചുകാലത്തേക്ക് ഒഴിവാക്കേണ്ടിയും വരും.

ആര്‍ത്തവസമയത്തു കൂടുതല്‍ രക്തനഷ്ടമുണ്ടായാല്‍ അനീമിയ ഉണ്ടാകും. നിസാരമായ വിരശല്യം മുതല്‍ കാന്‍സര്‍ വരെയുള്ള രോഗങ്ങള്‍ അനീമിയ ഉണ്ടാക്കാം.

വൃക്കരോഗങ്ങള്‍, കരള്‍ രോഗങ്ങള്‍, ഹൈപ്പോതൈറോയ്ഡിസം, പൈല്‍സ്, ചില മരുന്നുകള്‍ എന്നിവയും അനീമയ്ക്കു കാരണമാകുന്നു. ഗര്‍ഭിണികളില്‍ നോര്‍മല്‍ ഹീമോഗ്ലോബിന്‍ സാധാരണ സ്ത്രീകളെക്കാള്‍ കുറവായിരിക്കും. ഗര്‍ഭിണികളില്‍ ഹീമോഗ്ലോബിന്‍ 11 gm/dL ലും കുറയുമ്പോഴാണ് അനീമിയ ആകുന്നത്. കൃത്യമായ രോഗകാരണം കണ്ടെത്തി ചികിത്സിക്കാന്‍ ഒരു ഫിസിഷ്യന്റെ ഉപദേശം തേടുക. അതുപോലെ തന്നെ ഹൃദയത്തിന്റെ പ്രവര്‍ത്തനത്തെക്കുറിച്ചും പഠിക്കണം.

സ്ത്രീകളുടെ ആരോഗ്യ സംരക്ഷണം

? സ്ത്രീകളുടെ ആരോഗ്യ പ്രശ്‌നങ്ങള്‍ എന്തൊക്കെയാണ്. ആരോഗ്യം സംരക്ഷിക്കാന്‍, നിലനിര്‍ത്താന്‍ സ്ത്രീകള്‍ എന്തു ചെയ്യണമെന്ന് പറഞ്ഞു തരാമോ ഡോക്ടര്‍
സരിത ബാലകൃഷ്ണന്‍,
എറണാകുളം

സ്ത്രീകളുടെ ജീവിത കാലഘട്ടത്തെ വയസിന്റെ അടിസ്ഥാനത്തില്‍ മൂന്നായി തിരിക്കാം. പ്രായപൂര്‍ത്തിയായ 18 മുതല്‍ 40 വയസുവരെ ആദ്യഘട്ടം. 40 മുതല്‍ 65 വയസുവരെ രണ്ടാം ഘട്ടം. 65 വയസിനു മുകളില്‍ മൂന്നാം ഘട്ടം.

കൗമാരക്കാരിലും യുവതികളിലും പിസിഒഡി പോലുള്ള പ്രശ്‌നങ്ങള്‍ കൊണ്ട് ക്രമം തെറ്റിയ ആര്‍ത്തവം ഉണ്ടാകാം. 18 വയസിനു ശേഷമേ ആര്‍ത്തവം ക്രമമാകൂ. അതുവരെ ക്രമം തെറ്റിയ ആര്‍ത്തവം ക്രമമാക്കാന്‍ വേണ്ടി ഹോര്‍മോണുകളോ മറ്റു മരുന്നുകളോ കഴിക്കരുത്.

തൈറോയ്ഡ് കാന്‍സറും സ്ത്രീകളിലാണ് കൂടുതല്‍ കണ്ടുവരുന്നത്. ഹൈപ്പോ തൈറോയ്ഡിസവും (തൈറോയ്ഡിന്റെ കുറവ്) കാന്‍സറുമായി നേരിട്ടു ബന്ധമില്ല. കേരളത്തിലെ സ്ത്രീകളില്‍ ഹൈപ്പോ തൈറോയിഡിസം മറ്റു സംസ്ഥാനങ്ങളിലുള്ളതിനെക്കാള്‍ വളരെക്കൂടുതലാണ്. അതുകൊണ്ട് 50 വയസു കഴിഞ്ഞ സ്ത്രീകളെല്ലാം ടിഎസ്എച്ച് പരിശോധന ചെയ്യേണ്ടതാണ്. പാരമ്പര്യമായുണ്ടെങ്കില്‍ അതിനു മുന്‍പേ നോക്കണം.

ജീവിതശൈലീ രോഗങ്ങള്‍ കൂടുതലായി വരുന്ന കാലമാണ് മിഡ് ലൈഫ്. പ്രമേഹം, തൈറോയ്ഡ് (ഹൈപ്പോ തൈറോയിഡിസം), രക്തസമ്മര്‍ദ്ദം, കാന്‍സര്‍ തുടങ്ങിയവ പിടിപെടാം. 30 വയസു കഴിഞ്ഞവര്‍ പാപ്‌സ്മിയര്‍,എച്ച്പിവി, ഡിഎന്‍എ തുടങ്ങിയ രോഗ നിര്‍ണയ പരിശോധനകള്‍ ചെയ്യണം. അണ്ഡാശയ കാന്‍സര്‍ തുടക്കത്തില്‍ കണ്ടു പിടിക്കാന്‍ ബുദ്ധിമുട്ടാണ്. അതിന് പ്രത്യേക നിര്‍ണയ പരിശോധനകള്‍ നിര്‍ദേശിച്ചിട്ടില്ലെങ്കിലും കുടുംബത്തില്‍ ആര്‍ക്കെങ്കിലും സ്തനാര്‍ബുദമോ അണ്ഡാശയാര്‍ബുദമോ വന്നിട്ടുണ്ടെങ്കില്‍ ആറു മാസത്തില്‍ ഒരിക്കലെങ്കിലും വയറിന്റെ അള്‍ട്രാസൗണ്ടും സിഎ125 രക്ത പരിശോധനയും നടത്തണം. മാമോഗ്രാം പരിശോധന നടത്തുന്നവര്‍ അതിനൊപ്പം വയറിന്റെ അള്‍ട്രാസൗണ്ടു കൂടി ചെയ്യുന്നത് വയറിലെ എല്ലാത്തരം രോഗങ്ങളും കണ്ടു പിടിക്കാന്‍ സഹായിക്കും.

40 വയസു കഴിഞ്ഞ സ്ത്രീകള്‍ സ്തന പരിശോധന നടത്തണം. വേറെ ലക്ഷണങ്ങള്‍ ഒന്നും കണ്ടില്ലെങ്കില്‍ക്കൂടി 45- 55 പ്രായത്തിലുള്ളവര്‍ എല്ലാവര്‍ഷവും 55 വയസിനു മുകളിലുള്ളവര്‍ രണ്ടു വര്‍ഷത്തിലൊരിക്കലും രോഗനിര്‍ണയ പരിശോധന നടത്തണം. 30 വയസിനു താഴെയുള്ളവരെല്ലാം ഗര്‍ഭാശയഗള കാന്‍സറിനു വാക്‌സിന്‍ എടുക്കാന്‍ ലോകാരോഗ്യ സംഘടന നിര്‍ദ്ദേശിച്ചിുണ്ട്.

ദിവസേന കുറഞ്ഞത് 30 മിനിറ്റ് വ്യായാമവും സമീകൃതാഹാരവും ശീലിച്ചാല്‍ ഒരു പരിധി വരെ ജീവിതശൈലീ രോഗങ്ങളെ തടയാന്‍ പറ്റും. പഞ്ചസാരയുടെ ഉപയോഗം കുറയ്ക്കുന്നതും ധാരാളം വെള്ളം കുടിക്കുന്നതും നല്ലതാണ്. സൈക്ലിംഗ് നല്ലൊരു വ്യായാമമാണ്. ബസിനു പോകുന്നവര്‍ ഒന്നോ രണ്ടോ സ്‌റ്റോപ്പ് നടന്നതിനു ശേഷം ബസില്‍ കയറുന്നതും ഇറങ്ങേണ്ട സ്ഥലത്തിന് ഒന്നോ രണ്ടോ സ്‌റ്റോപ്പ് മുന്‍പ് ഇറങ്ങി നടക്കുന്നതും ശീലമാക്കിയാല്‍ നടപ്പിനായി പ്രത്യേക സമയം മാറ്റി വയ്ക്കുന്നത് ഒഴിവാക്കാം. ലിഫ്റ്റ് ഒഴിവാക്കി പടികള്‍ കയറുന്നതും ഗുണം ചെയ്യും.

ഡോ. ചിത്രതാര കെ.
വകുപ്പ് മേധാവി, സീനിയര്‍ കണ്‍സള്‍ട്ടന്റ്, സര്‍ജിക്കല്‍ ആന്‍ഡ് ഗൈനക് ഓങ്കോളജി, വിപിഎസ് ലേക്‌ഷോര്‍ ഹോസ്പിറ്റല്‍, എറണാകുളം.

വ്യക്തിശുചിത്വം പാലിക്കാം; മഞ്ഞപ്പിത്തം തടയാം

മഞ്ഞപ്പിത്തം വാസ്തവത്തിൽ രോഗമല്ല; രോഗലക്ഷണമാണ്. കരൾ, പിത്താശയം തുടങ്ങിയ അവയവങ്ങളുടെ പ്രവർത്തനതകരാറിന്‍റെ ലക്ഷണമാണു മഞ്ഞപ്പിത്തം. കരളിന്‍റെ പ്രവർത്തനം തകരാറിലാകുന്നതിനു കാരണം പലതാണ്. അമിത മദ്യപാനം കരൾനാശത്തിനുള്ള ഒരു കാരണമാണ്. ഹെപ്പറ്റൈറ്റിസ് വൈറസ് മൂലം കരളിനുണ്ടാകുന്ന നീരും വീക്കവുമാണു ഹെപ്പറ്റൈറ്റിസ്. ഇതു മഞ്ഞപ്പിത്തത്തിലേക്കു നയിക്കുന്നു. ഹെപ്പറ്റൈറ്റിസ് എ, ഇ വൈറസുകൾ വെളളം, ആഹാരം എന്നിവയിലൂടെ പകരുന്നു. അതിനാലാണ് തിളപ്പിച്ചാറിച്ച വെള്ളം ഉപയോഗിക്കണം എന്നു പ്രത്യേകം പറയുന്നത്.

ഭക്ഷണം നന്നായി വേവിച്ചുകഴിക്കുക. തണുത്തതും പഴകിയതുമായ ഭക്ഷണം ഒഴിവാക്കാം. റോഡരുകിൽ രോഗാണുക്കളും പൊടിപടലങ്ങളും നിറഞ്ഞ അന്തരീക്ഷത്തിൽ തയാറാക്കുന്ന ഭക്ഷണം ഒഴിവാക്കുക.

കിണറുകളും മറ്റു കുടിവെളള സ്രോതസുകളും ബ്ലീച്ചിംഗ് പൗഡറോ പൊട്ടാസ്യം പെർമാംഗനേറ്റോ ഉപയോഗിച്ചു ശുദ്ധീകരിക്കാം. വാട്ടർ ടാങ്കുകൾ ഇടയ്ക്കിടെ കഴുകി വൃത്തിയാക്കണം. മാലിന്യങ്ങൾ അലക്ഷ്യമായി കുടിവെളള സ്രോതസുകളിൽ വലിച്ചെറിയരുത്. അങ്ങനെ ശ്രദ്ധയിൽപ്പെട്ടാൽ തടയണം. സെപ്റ്റിക് ടാങ്ക് മാലിന്യങ്ങൾ കുടിവെള്ള സ്രോതസുകളിൽ കലരാനുളള സാഹചര്യം ഒഴിവാക്കുക. കക്കൂസ് കുഴിയും കിണറും നിർമിക്കുന്പോൾ തമ്മിൽ ആവശ്യമായ അകലം പാലിക്കണം. കക്കൂസും കുളിമുറിയും ഇടയ്ക്കിടെ ബ്ലീച്ചിംഗ് പൗഡർ വിതറി ശുചിയാക്കുക.

മഞ്ഞപ്പിത്തം തടയുന്നതിൽ വ്യക്തിശുചിത്വത്തിന് ഏറെ പ്രാധാന്യമുണ്ട്. മലമൂത്രവിസർജനത്തിനു ശേഷം കൈകൾ സോപ്പോ ഹാൻഡ് വാഷോ തേച്ചു കഴുകണം. ആഹാരം തയാറാക്കുന്നതിനും കഴിക്കുന്നതിനും മുന്പും കൈ സോപ്പോ ഹാൻഡ് വാഷോ പുരട്ടി നന്നായി കഴുകണം. പുരട്ടിയ ഹാൻഡ് വാഷ് പൂർണമായും നീങ്ങുംവിധം കഴുകാൻ ശ്രദ്ധിക്കണം. തുമ്മുകയും ചുമയ്ക്കുകയും ചെയ്യുന്പോൾ തൂവാലയോ ടിഷ്യൂപേപ്പറോ ഉപയോഗിച്ചു മറച്ചു പിടിക്കണം എന്ന കാര്യം പ്രത്യേകം പറയേണ്ടതില്ലല്ലോ!

വൈറസ് രോഗങ്ങൾക്കു ഫലപ്രദമായ വാക്സിനുകൾ നിലവിലില്ല എന്നതാണു വാസ്തവം. നിലവിൽ ലഭ്യമായ ഹെപ്പറ്റൈറ്റിസ് എ വാക്സിൻ ഉപയോഗിക്കുന്നതു സംബന്ധിച്ചു വിദഗ്ധ ഡോക്ടറുടെ അഭിപ്രായം തേടണം. ശുചിത്വം പാലിക്കുന്നതിലൂടെ, മുൻകരുതലുകൾ സ്വീകരിക്കുന്നതിലൂടെ വൈറസ് ബാധയ്ക്കുളള സാധ്യത കുറയ്ക്കുകയാണ് ഉചിതം.

സന്താനോത്പാദനത്തെ ബാധിക്കുമോ

? 25കാരിയായ ഞാന്‍ ആര്‍ത്തവം നീട്ടിവയ്ക്കാനുള്ള ഗുളികകള്‍ കഴിക്കാറുണ്ട്. ഇത്തരം ഗുളികകളുടെ ഉപയോഗം സന്താനോത്പാദനത്തെ ബാധിക്കുമോ.
കാവ്യ, പാലക്കാട്

= ആര്‍ത്തവം നീട്ടിവയ്ക്കാനായി കുറഞ്ഞ കാലയളവിലേക്കു നല്‍കുന്ന ഹോര്‍മോണാണ് പ്രോജെസ്‌റ്റോണ്‍ ടാബ്‌ലെറ്റുകള്‍. അഞ്ചു മുതല്‍ ഏഴു ദിവസം വരെയാണ് ഇതു പ്രിസ്‌ക്രൈബ് ചെയ്യുന്നത്. കുറഞ്ഞ കാലയളവിലേക്ക് ഇതുപയോഗിക്കുന്നത് വന്ധ്യതയിലേക്കു വഴിവയ്ക്കില്ല.

ഫംഗസ് രോഗങ്ങൾ അകറ്റാൻ...

* ശുചിത്വം പാലിക്കുക. വ്യക്തിശുചിത്വം പ്രധാനപ്രതിരോധം
* ഫംഗസ്ബാധയുളളവർ ഉപയോഗിക്കുന്ന കിടക്കവിരികൾ, ടവൽ, ചീപ്പ്് തുടങ്ങിയവ മറ്റുളളവർ ഒഴിവാക്കുക
* വിരലുകൾക്കിടയിലെ ചർമം ഈർപ്പരഹിതമായി സൂക്ഷിക്കുക. നനഞ്ഞ സോക്സ് ഉപയോഗിക്കരുത്
* ശരീരത്തിൽ മടക്കുകളും ചുളിവുകളും ഉളള ഭാഗങ്ങൾ ഈർപ്പരഹിതമാക്കി സൂക്ഷിക്കുക
* മറ്റുളളവർ ഉപയോഗിച്ച ചീപ്പ്, സോപ്പ്, തോർത്ത്, സോക്സ് മുതലായവ ഉപയോഗിക്കരുത്.
* ഇറുകിയ വസ്ത്രധാരണരീതി ഉപേക്ഷിക്കുക
* കോട്ടണ്‍ അടിവസ്ത്രങ്ങൾ ശീലമാക്കുക. അടിവസത്രങ്ങൾ കഴുകി വെയിലത്ത് ഉണക്കണം. ദിവസവും രണ്ടുതവണ മാറി ഉപയോഗിക്കുക.
* വേനൽക്കാലത്തും മറ്റും ആൻറി ഫംഗൽ സ്പ്രേ, പൗഡർ എന്നിവ ചർമരോഗവിദഗ്ധന്‍റെ ഉപദേശപ്രകാരം തെരഞ്ഞെടുത്ത് ഉപയോഗിക്കുക. സ്വയംചികിത്സ ഒഴിവാക്കുക.

എംഎസ്ജി അടങ്ങിയ ഭക്ഷണം കുഞ്ഞുങ്ങൾക്കു കൊടുക്കാമോ?

ഭക്ഷണസാധനങ്ങൾ പ്രോസസ് ചെയ്ത് ഏറെക്കാലം സൂക്ഷിച്ചുവച്ച് ഉപയോഗിക്കു ുന്നതിനാണ് ഫുഡ് അഡിറ്റീവ്സ് ഉപയോഗിക്കുന്നത്. നിയമത്തിന്‍റെ പരിധിയിൽ നിന്നുകൊണ്ട് ഏകദേശം 2500 ഫുഡ് അഡിറ്റീവ്സ് നാം ഉപയോഗിക്കുന്നുണ്ട്. പക്ഷേ, അവ അനുവദനീയമായ അളവിലും അധികമായി ഉപയോഗിക്കുന്നത് ആരോഗ്യപ്രശ്നങ്ങൾക്കിടയാക്കും. പ്രോസസ് ചെയ്ത ഭക്ഷണം മികച്ചതാണെന്നു പലരും ധരിക്കുന്നുണ്ട്. പക്ഷേ, അതിൽ രാസവസ്തുക്കളുടെ സാന്നിധ്യം അത്രത്തോളമുണ്ടെന്നുകൂടി ഓർക്കണം.

സംസ്കരിച്ച ധാന്യപ്പൊടികൾ

പായ്ക്കറ്റിൽ ലഭിക്കുന്ന പ്രോസസ്ഡ് ധാന്യപ്പൊടികൾ ശീലമാക്കരുത്. ഗോതന്പ് വാങ്ങി കഴുകി ഉണക്കി പൊടിപ്പിച്ച് ഉപയോഗിക്കുന്നതാണു സുരക്ഷിതം. മുളകും ഉണങ്ങി പൊടിപ്പിച്ചത് ഉപയോഗിക്കുന്നതാണു സുരക്ഷിതം. സുഗന്ധവ്യഞ്ജനങ്ങളും ധാന്യങ്ങളും വാങ്ങി വൃത്തിയാക്കി മില്ലിൽ പൊടിപ്പിച്ച് ഉപയോഗിക്കുന്നതാണ് സുരക്ഷിതമെന്ന് ഫുഡ് സേഫ്റ്റി കമ്മീഷണറും നിർദേശിക്കുന്നു.

മോണോ സോഡിയം ഗ്ലൂട്ടാമേറ്റ്

ചില ഉത്പന്നങ്ങളുടെ കവറിൽ ഫ്രീ ഫ്രം എംഎസ്ജി എന്നു രേഖപ്പെടുത്തിയിരിക്കും. എംഎസ്ജി എന്നാൽ മോണോ സോഡിയം ഗ്ലൂട്ടാമേറ്റ്. അജിനോമോട്ടോ. പക്ഷേ അങ്ങനെ എഴുതിയിട്ടുണ്ടാകുമെങ്കിലും ടേസ്റ്റ് എൻഹാൻസറിൽ മോണോ സോഡിയം ഗ്ലൂട്ടാമേറ്റ് അടങ്ങിയിട്ടുണ്ട്. അതായത് ഭക്ഷണത്തിന്‍റെ സ്വാദു കൂട്ടാനും ചില സ്വാദിന്‍റെ തീവ്രത കൂട്ടാനും ചിലതിന്‍റെ കുറയ്ക്കാനും ടേസ്റ്റ് എൻഹാൻസർ സഹായകം. വാസ്തവത്തിൽ നാവിലുള്ള രുചിമുകുളങ്ങളെ ഉത്തേജിപ്പിക്കുകയാണ് എംഎസ്ജി ചെയ്യുന്നത്. ഒരു വയസിനു താഴെയുള്ള കുഞ്ഞുങ്ങൾക്ക് എംഎസ്ജി അടങ്ങിയ ഭക്ഷണം കൊടുക്കാൻ പാടില്ലെന്നാണു നിർദേശം.
ശ്രദ്ധിക്കുക

* ഫുഡ് അഡിറ്റീവ്സ് അനുവദനീയ തോതിൽ മാത്രം ഉപയോഗിക്കുന്നുവെന്ന് ഉറപ്പാക്കാൻ ഫലപ്രദമായ നിയമം കൊണ്ടുവരണം * ഫുഡ് അഡിറ്റീവ്സിനെക്കുറിച്ച്് ഉപഭോക്താവിനു കൃത്യമായ അറിവ് ഉണ്ടായിരിക്കണം.* പ്രോസസ് ചെയ്ത ഭക്ഷണം കുറച്ചുമാത്രം ഉപയോഗിക്കുക. ശീലമാക്കരുത്.

വിവരങ്ങൾ: ഡോ. അനിത മോഹൻ
ക്ലിനിക്കൽ ന്യുട്രീഷനിസ്റ്റ് & ഡയറ്റ് കണ്‍സൾട്ടന്‍റ്

പനി അവഗണിക്കരുത്

പനി അനേകം രോഗങ്ങളുടെ ലക്ഷണമാവാം, പനി ഒരു രോഗലക്ഷണം മാത്രമാണ്. സ്വയം ചികിത്സ അപകടമാണ്.

പനിവന്നാൽ ഗുരുതരമായ ലക്ഷണങ്ങൾ

*ഉയർന്ന താപനിലയും ജന്നിയും
*വായ, മൂക്ക്, മലദ്വാരം എന്നിവിടങ്ങളിൽനിന്നു രക്തസ്രാവം *കറുത്ത നിറത്തിലുള്ള മലം.
*ഛർദിലിൽ രക്തമയം
*മഞ്ഞപ്പിത്തത്തിന്‍റെ ലക്ഷണങ്ങൾ
*മൂത്രത്തിന്‍റെ അളവുകുറയുക
*പനിയോടൊപ്പം ശ്വാസംമുട്ടൽ
*പനിയും സുബോധമില്ലാത്ത സംസാരവും
*പനിയോടൊപ്പം നെഞ്ചുവേദന
*വലിയ ശബ്ദത്തോടെ ശക്തിയിലുള്ള ഛർദിൽ
*ഉയർന്ന താപനില, തൊണ്ടവേദന,
*കഫമില്ലാത്ത ചുമ
*പനിക്കുശേഷം അതിയായ ക്ഷീണം
*പനി വന്ന കുഞ്ഞുങ്ങളിലെ മാന്ദ്യവും മയക്കവും

പനിവന്നാൽ ചെയ്യേണ്ടത്

*വിശ്രമമാണ് അവശ്യം വേണ്ടത്.
ജലപാനം അത്യാവശ്യമാണ്. (ജീരക വെള്ളം, കഞ്ഞിവെള്ളം, കരിക്കിൻവെള്ളം എന്നിങ്ങനെ പല പ്രാവശ്യമായി അരഗ്ലാസ് വീതം ചുരുങ്ങിയത് 15 ഗ്ലാസ് വെള്ളം)
*ശരീരം തണുപ്പിക്കുക. സാധാരണ പച്ചവെള്ളം ഉപയോഗിച്ച് നെറ്റി, കൈകാലുകൾ, ദേഹം എന്നിങ്ങനെ തുടയ്ക്കുക.
*പനിവരുന്പോൾ കഴിവതും ഡോക്ടറുടെ നിർദേശമില്ലാതെ മരുന്നു ഉപയോഗിക്കരുത്.
*പനി മൂന്നുദിവസത്തിലേറെ നിന്നാൽ രക്തപരിശോധന
നടത്തേണ്ടതാണ്.

പനി വന്നാൽ അരുത്:

* വെള്ളവും ഭക്ഷണവും ഒഴിവാക്കരുത്
*ഐസ് ഉപയോഗിച്ച് നെറ്റിയും ശരീരവും തണുപ്പിക്കരുത്
*ശരീരം കന്പിളികൊണ്ട് പുതയ്ക്കരുത്.
*ശരീരവേദനയ്ക്ക് വേദനസംഹാരികൾ ഒന്നും ഉപയോഗിക്കരുത്
ആസ്പിരിൻ, ബ്രൂഫൻ, ഡൈക്ളോഫിനാക്, മെഫിനമിക് ആസിഡ് തുടങ്ങിയ മരുന്നുകൾ രക്തസ്രാവത്തിന് കാരണമാവാം
* കണ്ണിലെ മഞ്ഞനിറം സാധാരണ മഞ്ഞപ്പിത്തമാകണമെന്നില്ല. രോഗനിർണയം നടത്താതെ മറ്റു ചികിത്സകൾ (ഒറ്റമൂലി തുടങ്ങിയവ) ചെയ്യുന്നത് അപകടമാവാം.

കൊതുകുജന്യരോഗങ്ങൾ
ഡെങ്കിപ്പനി, ഡെങ്കി ഹെമറാജിക് പനി, മലേറിയ, ജാപ്പനീസ് എൻസഫലൈറ്റീസ് എന്നിവ വരാതിരിക്കാൻ കൊതുകുകടി ഒഴിവാക്കുക. കൊതുകുകൾ വളരാതെ നോക്കുകയുമാണ് പ്രതിരോധ മാർഗം.

ജലജന്യരോഗങ്ങൾ
എലിപ്പനി, ടൈഫോയിഡ്, കോളറ, വയറിളക്കം എന്നിവ..
* തിളപ്പിച്ചാറിയ വെള്ളം കുടിക്കുകയാണ് പ്രതിരോധമാർഗം.

പരസ്പര സന്പർക്കം മൂലം
എച്ച്1, എൻ1 പനി പരസ്പര സന്പർക്കം മൂലമാണ് പകരുന്നത്.
* വ്യക്തിശുചിത്വം പ്രതിരോധം.

വെളുത്ത സ്രവം

? ഞാന്‍ 25 വയസുള്ള അവിവാഹിതയാണ്. മാനസികമായി തകര്‍ന്ന നിലയിലാണ്. എനിക്ക് അഞ്ചടി ഉയരവും 45 കിലോഗ്രാം ശരീരഭാരവുമുണ്ട്. എന്റെ രണ്ട് സ്തനങ്ങളുടെ ഞെട്ടുകളിലും ഞെക്കുമ്പോള്‍ വെളുത്ത സ്രവം വരുന്നു. എന്തുകൊണ്ടാണിങ്ങനെ സംഭവിക്കുന്നത്. കൂടാതെ രണ്ടു സ്തനങ്ങളിലും ചെറിയ വേദനയുമുണ്ട്? പരിഹാരം നിര്‍ദേശിക്കാമോ ഡോക്ടര്‍?
ആര്യ, കുമരകം

തൈറോയ്ഡ് അപര്യാപ്തത മൂലമാണ് സ്തനങ്ങളില്‍ നിന്നുള്ള സ്രവം. ഇത് വളരെ എളുപ്പത്തില്‍ കണ്ടെത്തുകയും ഭേദമാക്കുകയും ചെയ്യാവുന്നതാണ്. ഒരു എന്‍ഡോക്രൈനോളജിസ്റ്റിനെ സമീപിക്കുക.

മുഖം നിറയെ കുരുക്കള്‍

? ഇരുപത്തഞ്ചുകാരിയായ എന്റെ മുഖം എണ്ണമയമുള്ളതാണ്. മുഖം നിറയെ കുരുക്കള്‍ വന്ന് അതു പൊട്ടിക്കഴിഞ്ഞാല്‍ കറുത്ത പാടുകള്‍ വരുന്നുവെന്നതാണ് എന്റെ പ്രശ്‌നം. ഇതു തുടങ്ങിയിട്ട് ഇപ്പോള്‍ ഏകദേശം അഞ്ചു വര്‍ഷത്തോളമായി. വെളുത്ത നിറമായതിനാല്‍ തെളിഞ്ഞു കാണുന്നു. ഇതു കാരണം പുറത്തിറങ്ങാന്‍ മടിയാണ്. കുറേ പ്രാവശ്യം ഡോക്ടറെ കാണിച്ചു ക്രീമും ഗുളികയും ഉപയോഗിച്ചിട്ടൊന്നും കുറയുന്നില്ല. ഇപ്പോള്‍ 'ഗ്ലൈക്കോളിക്' ആസിഡ് ക്രീം ആറു ശതമാനം എന്ന ക്രീമാണു സ്ഥിരമായി ഉപയോഗിക്കുന്നത്. കുറച്ചു കാലം ഫേഡ് ഔട്ട് ഉപയോഗിച്ചിരുന്നു. ഈ കലകള്‍ പൂര്‍ണമായി മാറാനും ഇനി കുരുക്കള്‍ വരാതിരിക്കാനും എന്തു ചെയ്യണം.
സോണിയ,
പൂച്ചാക്കല്‍

നിങ്ങളുടെ മുഖത്തുണ്ടാകുന്നതു മുഖക്കുരു ആകാനാണു സാധ്യത. പാരമ്പര്യവും ഹോര്‍മോണുകളും ചേര്‍ന്നു പ്രവര്‍ത്തിക്കുമ്പോഴാണ് ഇതു പ്രത്യക്ഷപ്പെടുന്നത്. മുഖത്തെ എണ്ണമയവും ഇതിന്റെ തന്നെ ഭാഗമാണ്. ഒരു ത്വക് രോഗവിദഗ്ധനെ കണ്ടു കഴിക്കാന്‍ പറ്റിയ ആന്റിബയോട്ടിക് ഏതാണെന്നു തീരുമാനിക്കുക. ആറു മുതല്‍ എട്ടാഴ്ച വരെ എങ്കിലും ചികിത്സ തുടരണം. ആര്‍ത്തവചക്രവുമായി കുരുക്കള്‍ വരുന്നതിനു ബന്ധമുണ്ടെങ്കില്‍ അതും കണക്കിലെടുക്കണം.

ലൈംഗികശേഷി വര്‍ധിപ്പിക്കുന്ന മരുന്നുണ്ടോ?

? ലൈംഗികശേഷി വര്‍ധിപ്പിക്കാന്‍ സഹായിക്കുന്ന ചില ഭക്ഷണസാധനങ്ങള്‍ ഉണ്ടെന്നു കേട്ടിട്ടുണ്ട്. ഏതൊക്കെയാണ് അത്. ഇവ ഉപയോഗിക്കുന്നതുകൊണ്ട് എന്തെങ്കിലും ദോഷമുണ്ടോ?

= ലൈംഗിക താല്‍പ്പര്യം വര്‍ധിപ്പിക്കുമെന്ന് ശാസ്ത്രീയമായി തെളിയിച്ചിട്ടുള്ള ഏതെങ്കിലും ഭക്ഷണ സാധനങ്ങളില്ല. ഇതിനായി പ്രയോജനപ്പെടുത്തുന്ന ചിലവ വൃക്കകള്‍ക്കു ഹാനികരവുമായിരിക്കും.

ഗര്‍ഭകാലവും, ലൈംഗികബന്ധവും

? എന്റെ ആദ്യ ഗര്‍ഭമാണ്. ഗര്‍ഭകാലത്ത് ലൈംഗികബന്ധത്തില്‍ ശ്രദ്ധിക്കേണ്ട കാര്യങ്ങള്‍ എന്തൊക്കെയാണ്?

= ആദ്യത്തെ മൂന്നു മാസങ്ങളില്‍ ബന്ധപ്പെടല്‍ ഒഴിവാക്കുന്നതാണ് പതിവ് (പ്രത്യേകിച്ച് ഇതിനു മുന്‍പ് അലസല്‍ ഉണ്ടായിട്ടുണ്ടെങ്കില്‍). അവസാനത്തെ ആഴ്ചകളിലും ഇത് ഒഴിവാക്കണം. ദമ്പതികള്‍ക്ക് അധികം ബലം പ്രയോഗിക്കാതെയുള്ള ബന്ധപ്പെടല്‍ ആകാവുന്നതാണ്. പുരുഷന്‍ മുകളിലുള്ള പൊസിഷന്‍ ഒഴിവാക്കുകയും വേണം.

ഹൃദയശസ്ത്രക്രിയയ്ക്ക് ശേഷമുള്ള ലൈംഗിക ജീവിതം

? ഹൃദയശസ്ത്രക്രിയ കഴിഞ്ഞ എനിക്ക് 48 വയസുണ്ട്. ആസ്വാദ്യകരമായ ലൈംഗിക ജീവിതം തുടരാനാകുമോ?
വിനു, പത്തനാപുരം

= ഹൃദയ ശസ്ത്രക്രിയയ്ക്കു ശേഷം സാധാരണ ലൈംഗിക ബന്ധം തുടരുന്നതില്‍ അപാകതയില്ല. എന്നാല്‍ അമിതമായ സമ്മര്‍ദ്ദം ഒഴിവാക്കണം. നിങ്ങളുടെ ഹൃദയ ശസ്ത്രക്രിയ നടത്തിയ ഡോക്ടറോട് ഹൃദയത്തിന്റെ സ്ഥിതിയെക്കുറിച്ച് ചോദിച്ച് അറിയണം.

യൂറിനറി ഇന്‍ഫെക്ഷന്‍

ലൈംഗികബന്ധത്തിനുമുമ്പ് മൂത്രമൊഴിച്ചാല്‍ യൂറിനറി ഇന്‍ഫെക്ഷന്‍ ഉണ്ടാകുമെന്ന് കേട്ടു. ഇത് സത്യമാണോ ഡോക്ടര്‍

ഈയൊരു പ്രസ്താവനയില്‍ വാസ്തവമൊന്നുമില്ല. മൂത്രമൊഴിക്കുന്ന സമയവും സെക്‌സും തമ്മില്‍ ബന്ധമൊന്നുമില്ല. യഥാര്‍ത്ഥത്തില്‍ ബന്ധപ്പെടുന്നതിനു മുന്‍പ് മൂത്രസഞ്ചി ശൂന്യമാക്കുന്നതും ഗുഹ്യഭാഗങ്ങള്‍ കഴുകുന്നതും നല്ലതാണ്.

ഫ്രിജിഡിറ്റി എന്താണ്?

ഞാന്‍ ഒരു വീട്ടമ്മയാണ്. ലൈംഗിക കാര്യങ്ങളില്‍ എനിക്കു താത്പര്യക്കുറവുണ്ട്. ഇതാണോ ഫ്രിജിഡിറ്റി. ഭര്‍ത്താവിന്റെ സന്തോഷത്തിനുവേണ്ടി ഞാന്‍ എന്തുചെയ്യണം?
സബിത, അറുനൂറ്റിമംഗലം

ലൈംഗിക കാര്യങ്ങളില്‍ താല്‍പ്പര്യക്കുറവുണ്ടാകുന്നതിനെയാണ് ഫ്രിജിഡിറ്റി എന്നു വിളിക്കുന്നത്. തന്റെ ഭര്‍ത്താവില്‍ നിന്ന് പ്രതീക്ഷിക്കുന്നത്ര സ്‌നേഹമോ പരിചരണമോ ലഭിക്കുന്നില്ലെന്നു കരുതുന്ന സ്ത്രീ ക്രമമായി ഈ അവസ്ഥയിലേക്കു വരും.

തങ്ങളുടെ വീട്ടു ചുമതലകളാവും ഭര്‍ത്താവിനും ഭാര്യക്കും ഒന്നിനും സമയം ഇല്ലെന്ന സ്ഥിതി വരുത്തിവയ്ക്കുന്നത്. ഭര്‍ത്താവുമൊത്ത് കൂടുതല്‍ സമയം ചെലവഴിക്കുവാന്‍ ശ്രമിക്കുക.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]