Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health
| Back To Business |


നേടാം, ധനകാര്യ സ്വാതന്ത്ര്യം
1991-ലെ സാന്പത്തിക ഉദാരവത്കരണം വഴി ധനകാര്യ സ്വാതന്ത്ര്യ പോരാട്ടത്തിനു തുടക്കമിട്ടിരിക്കുകയാണ്. ഓരോ വർഷവും നിരവധിയാളുകൾ സാന്പത്തിക സ്വാതന്ത്ര്യത്തിന്‍റെ ഫലങ്ങൾ പൂർണമായിട്ടില്ലെങ്കിൽ കൂടി ആസ്വദിച്ചുവരികയാണ്. അതിനുള്ള അവസരങ്ങൾ ഉണ്ടായിക്കൊണ്ടിരിക്കുകയും ചെയ്യുന്നുണ്ട്.

സ്വാതന്ത്ര്യം എല്ലാവരും ആഗ്രഹിക്കുന്നതാണ്. ഈ ആഗ്രഹമാണ് 70 വർഷം മുന്പ് രാജ്യത്തെ രാഷ്ട്രീയ സ്വാതന്ത്ര്യത്തിലേക്ക് നയിച്ചത്. അതു ലഭിച്ചുവെങ്കിലും മഹാഭൂരപക്ഷത്തിനും സാന്പത്തിക സ്വാതന്ത്ര്യമെന്നത് ഇന്നു മരീചികയാണ്. 1991-ലെ സാന്പത്തിക ഉദാരവത്കരണം വഴി ധനകാര്യ സ്വാതന്ത്ര്യ പോരാട്ടത്തിനു തുടക്കമിട്ടിരിക്കുകയാണ്. ഓരോ വർഷവും നിരവധിയാളുകൾ സാന്പത്തിക സ്വാതന്ത്ര്യത്തിന്‍റെ ഫലങ്ങൾ പൂർണമായിട്ടില്ലെങ്കിൽ കൂടി ആസ്വദിച്ചുവരികയാണ്. അതിനുള്ള അവസരങ്ങൾ ഉണ്ടായിക്കൊണ്ടിരിക്കുകയും ചെയ്യുന്നുണ്ട്.

ഒരു പ്രായം കഴിഞ്ഞാൽ എല്ലാവരും ആഗ്രഹിക്കന്നതാണ് സാന്പത്തിക സ്വാതന്ത്ര്യവും സ്വന്തം കാലിൽ നിൽക്കാനുള്ള ശേഷി കൈവരിക്കുകയെന്നതും. സന്തോഷം നൽകുന്ന കാര്യങ്ങൾ തീരുമാനിക്കുള്ള സ്വാതന്ത്ര്യമാണ്. അതിൽ പണമൊരു ഘടകമാണ്. ശന്പളത്തിനുവേണ്ടി കാത്തു നിൽക്കാതെ ചെലവിനാവശ്യമായ പണം കൈവശമുണ്ടെങ്കിൽ സന്തോഷം നൽകുന്ന കാര്യങ്ങൾ തീരുമാനിക്കുവാനുള്ള സ്വാതന്ത്ര്യം കൈയിൽ വരും.

ധനകാര്യ സ്വാതന്ത്ര്യം എന്താണ്

എന്താണ് ധനകാര്യ സ്വാതന്ത്ര്യം? അല്ലെങ്കിൽ അതെങ്ങനെ നേടിയെടുക്കാം?
ഒരാളുടെ പ്രതിമാസച്ചെലവുകൾ നിങ്ങളുടെ നിക്ഷേപത്തിൽനിന്നുള്ള വരുമാനത്തേക്കാൾ ( പാസീവ് ഇൻകം) കുറവോ തുല്യമോ ആണെങ്കിൽ അയാൾ സാന്പത്തിക സ്വാതന്ത്ര്യം ആസ്വദിച്ചു തുടങ്ങിയെന്നു സാമാന്യമായി പറയാം. മറ്റു വാക്കിൽ പറഞ്ഞാൽ കാര്യമായ പ്രവർത്തനമൊന്നും കൂടാതെ ചെലവിനു തുല്യമായ തുക നേടുവാൻ സാധിക്കുന്ന അവസ്ഥ. അതായത് വരുമാനത്തിൽനിന്നു സ്വതന്ത്രമാകുന്നു.

ഉദാഹരണത്തിന്, സ്ഥിരനിക്ഷേപത്തിൽനിന്നുള്ള പലിശ, അല്ലെങ്കിൽ ഓഹരിയിൽനിന്നുള്ള ലാഭവീതം അതുമല്ലെങ്കിൽ വീട് വാടകയ്ക്കു നൽകിയതിൽനിന്നുള്ള വരുമാനം... ചിലർ പങ്കുകൂടി ബിസിനസ് തുടങ്ങുന്നു. അതിന്‍റെ ദൈനംദിന പ്രവർത്തനങ്ങളിൽ ഏർപ്പെടാതെ ലാഭം പങ്കുവയ്ക്കുന്നു. ഇത്തരത്തിൽ ധനകാര്യസ്വാതന്ത്ര്യത്തിനുവേണ്ടി ഓരോരുത്തരും അവരവർക്കു യോജിച്ചതു തെരഞ്ഞെടുക്കാം.

ഒരിക്കൽ ധനകാര്യ സ്വാതന്ത്ര്യം നേടിയാൽ മുഖ്യപ്രവൃത്തിയിൽനിന്നുള്ള വരുമാനം ആവശ്യത്തേക്കാൾ ഒരു തെരഞ്ഞെടുപ്പായി മാറുന്നു. ഇതിനർത്ഥം ജോലി അവസാനിപ്പിക്കുന്നുവെന്നല്ല എന്നോർക്കുക. പണത്തിനുവേണ്ടി ജോലി ചെയ്യുന്ന അവസ്ഥ ഇല്ലാതാകുന്നുവെന്നാണ്.

അതായത് ഇഷ്ടമുള്ളതു ചെയ്യാനുള്ള ഓപ്ഷൻ നിങ്ങൾക്കു ലഭിക്കുന്നു.

എങ്ങനെ നേടാം ധനകാര്യ സ്വാതന്ത്ര്യം

ധനകാര്യ സ്വാതന്ത്ര്യം നേടുകയെന്നത് ദീർഘകാല റോഡ്മാപ്പോടുകൂടിയ ശരിയായ സമീപനത്തിലൂടെ മാത്രമേ സാധിക്കുകയുള്ളു. അതിൽ ഏറ്റവും പ്രധാനപ്പെട്ടതാണ് ശരിയായി നിക്ഷേപം നടത്തുകയെന്നത്.

വരുമാനം കൂട്ടുക:

പ്രതിമാസം 5000 രൂപവീതം നിക്ഷേപിച്ച് ധനകാര്യ സ്വാതന്ത്ര്യത്തിലേക്ക് കടക്കുന്നതിനേക്കാൾ കുറഞ്ഞ സമയം മതി പതിനായിരം രൂപ വീതം നിക്ഷേപം നടത്തിയാൽ.

അപ്പോൾ വരുമാനം കൂട്ടുന്നതിൽ ശ്രദ്ധ കേന്ദ്രീകരിക്കുകയെന്നത് പ്രധാനമാണ്. ശന്പളം കൂടുന്പോഴോ ബിസിനസിൽ നിന്നു കൂടുതൽ വരുമാനം ലഭിക്കുന്പോഴോ മറ്റേതെങ്കിലും വഴിയോ വരുമാനത്തിൽ വർധനയുണ്ടാകുന്പോൾ ധനകാര്യ സ്വാതന്ത്ര്യം ലക്ഷ്യമാക്കിയിട്ടുള്ള നിക്ഷേപത്തിലും വർധന വരുത്തണം.

ചിലപ്പോൾ ഇത് ഒറ്റയടിക്കു സാധിച്ചെന്നു വരികയില്ല. എങ്കിലും വരുമാനം വർധിക്കുന്നതിനനുസരിച്ച് നിക്ഷേപവും വർധിപ്പിക്കണമെന്ന ലക്ഷ്യം മനസിൽ എപ്പോഴും നിലനിറുത്തുക. വിനോദ പ്രവർത്തനങ്ങൾ വഴി ഉപതൊഴിൽ സ്വീകരിച്ചോ വരുമാനം വർധിപ്പിക്കുന്നതിനെക്കുറിച്ച് ആലോചിക്കാം. അതു ചെയ്യുക.
ചുരുക്കത്തിൽ വരുമാനം വർധിപ്പിക്കുവാൻ സഹായിക്കുന്ന കാര്യങ്ങൾ (നിയമപരമായവ) ചെയ്യുക. ധനകാര്യ സ്വാതന്ത്ര്യത്തിലേക്കുള്ള വഴികളിലൊന്നാണിത്.

പണലഭ്യത ഉയർത്തുക:

ഇന്ത്യക്കാരുടെ സ്വഭാവം ചെലവാക്കുന്നതിനേക്കാൾ സന്പാദിക്കുകയെന്നതാണ്. അതിനുള്ള പ്രതിമാസ വരുമാന നിക്ഷേപങ്ങൾ തെരഞ്ഞെടുക്കാം. ചിട്ടി, പ്രതിമാസ നിക്ഷേപ പദ്ധതികൾ, ഡിവിഡൻഡ് മ്യൂച്വൽ ഫണ്ടുകൾ , വാടക വരുമാനം തുടങ്ങി പല രീതിയിൽ വരുമാനം വർധിപ്പിക്കാം.

പണലഭ്യത വർധിക്കുന്പോൾ ആവശ്യത്തിനു ചെലവു ചെയ്യുകയും അധികം വരുന്ന പണം ദീർഘകാലാവശ്യത്തിനായുള്ള നിക്ഷേപത്തിലേക്കു മാറ്റുകയും ചെയ്യാം. ഇത് ധനകാര്യ സ്വാതന്ത്ര്യത്തിലേക്ക് നമ്മെ എത്തിക്കും.

പണത്തെ വളരുവാൻ അനുവദിക്കുക:

ബഹുഭൂരിപക്ഷം പേരും വരുമാനത്തിനായി ജോലി ചെയ്യുന്നത് ഏതാനും മണിക്കൂറുകളാണ്. അതുവഴി ലഭിക്കുന്ന വരുമാനത്തിനു പരിധിയുണ്ട്.

പരിമിത സമയത്തേക്കു ജോലി ചെയ്യുന്ന വ്യക്തികൾക്ക് തന്‍റെ പണത്തെ 24 മണിക്കൂറും പ്രവർത്തിക്കുവാൻ അനുവദിക്കുവാൻ സാധിക്കും. ഫലം തന്‍റെ പണത്തോട് ഓരോ സമയവും അധിക പണം ചേർക്കപ്പെട്ടുകൊണ്ടിരിക്കും. മറ്റു വാക്കിൽ പറഞ്ഞാൽ പവർ ഓഫ് കോന്പൗണ്ടിംഗിന്‍റെ ഗുണം ലഭിക്കുന്നു.

പഠനം കഴിഞ്ഞു കോളജിൽനിന്നു പുറത്തിറങ്ങുന്ന ഒരാളുടെ മൂലധനമെന്നത് അയാൾ തന്നെയാണ്. സമയം നീങ്ങുന്നതോടെ അയാളുടെ മൂലധനം നിക്ഷേപം വഴി ഉയരുന്നു. ഒരു കാലയളവു കഴിഞ്ഞാൽ അയാളേക്കാൾ വരുമാനം അയാളുടെ നിക്ഷേപം ഉണ്ടാക്കിത്തുടങ്ങും. ഇത് അയാളെ സാന്പത്തിക സ്വാതന്ത്ര്യത്തിലേക്കു നയിക്കുന്നു.

ഒരു ഉദാഹരണം നോക്കാം

ഇരുപതിനായിരം രൂപ ശന്പളമുള്ള ഒരു ജോലിക്കാരൻ. അയാൾ അതിൽ 5000 രൂപ വീതം സന്പാദിക്കുകയും 12 ശതമാനം റിട്ടേണ്‍ ലഭിക്കുന്ന ആസ്തിയിൽ നിക്ഷേപം തുടങ്ങിയെന്നു കരുതുക. ഇതേ രീതിയിൽ 10 വർഷം കഴിയുന്പോൾ അയാളുടെ നിക്ഷേപം 11.6 ലക്ഷം രൂപയായി ഉയരും.

പത്തുവർഷം പൂർത്തിയായപ്പോഴും അയാളുടെ ശന്പളത്തിൽ കാര്യമായ മാറ്റമുണ്ടായില്ലെന്നു സങ്കൽപ്പിക്കുക. പത്തുവർഷം കഴിയുന്പോഴേയ്ക്കും അയാളുടെ ശന്പളത്തിനൊപ്പം വരുമാനം നിക്ഷേപത്തിൽനിന്നു ലഭിക്കുന്ന സ്ഥിതിയാകും. അതായത് അയാളുടെ ശ്രമമില്ലാതെ തന്നെ അയാളുടെ വരുമാനം ഇരട്ടിയായിരിക്കുന്നു!

സ്വന്തം പണത്തിന്‍റെ നിയന്ത്രണം സ്വന്തം കൈയിൽ:

ഓരോ നിക്ഷേപകന്‍റെയും പണത്തിന്‍റെ നിയന്ത്രണം സ്വന്തം കൈവശമായിരിക്കണം. ഓരോ നിക്ഷേപവും സ്വന്തം വിലയിരുത്തലിന്‍റെയും മനസിലാക്കലിന്‍റെയും അടിസ്ഥാനത്തിൽ നിക്ഷേപിക്കുക.

ഓഹരിയൊന്നും ഗവേഷണത്തിലൂടെ കണ്ടെത്തി നിക്ഷേപം നടത്താൻ കെൽപ്പില്ലെങ്കിൽ മ്യൂച്വൽ ഫണ്ടുകളെ നിക്ഷേപത്തിനായി ആശ്രയിക്കാം. അവ നിക്ഷേപകർക്കുവേണ്ടി ഗവേഷണം നടത്തുകയും നിക്ഷേപം നടത്തുകയും ചെയ്യും. മൂന്നാമതൊരു ഓപ്ഷൻ ഇക്കാര്യത്തിൽ ഇല്ല.


കടം ആദ്യം വീട്ടാം:

ഏതെങ്കിലും തരത്തിലുള്ള കടമുണ്ടെങ്കിൽ ആദ്യം നിക്ഷേപം നടത്തേണ്ടത് അതിലായിരിക്കണം. കടത്തോടുകൂടി ധനകാര്യ സ്വാതന്ത്ര്യത്തിൽ എത്തിച്ചേരുക വളരെ പ്രയാസമാണ്.

ഇഎംഐക്കു പത്തു ശതമാനം പലിശ നൽകുകയും നിക്ഷേപത്തിൽനിന്നു 12 ശതമാനം ലഭിക്കുകയും ചെയ്യുന്പോൾ നേട്ടം രണ്ടു ശതമാനം. പക്ഷേ ഈ വ്യത്യാസം ദീർഘകാലത്തിൽ നമ്മുടെ സന്പത്തിൽ ഗണ്യമായ മാറ്റമൊന്നുമുണ്ടാക്കുന്നില്ല.
കടമുണ്ടായിരിക്കുന്പോൾ നിക്ഷേപം നടത്തുന്നതിൽ വലിയ അർത്ഥമൊന്നുമില്ല. ഇവ രണ്ടും തമ്മിലുള്ള വ്യത്യാസം തുച്ഛമാകുന്നതുതന്നെ കാരണം. വായ്പ തീർക്കുന്നതിലാണ് ആദ്യം ശ്രദ്ധയും സമയവും ചെലവഴിക്കേണ്ടത്.

നികുതി ലാഭിക്കാം:

നികുതി ഒരു ചെലവാണ്. നിക്ഷേപത്തിലൂടെ ആ ചെലവു കുറയ്ക്കുവാൻ ഗവണ്‍മെന്‍റു നികുതിദായകർക്ക് പല അവസരങ്ങളും നൽകുന്നുണ്ട്. സന്പാദ്യവും നിക്ഷേപവും പ്രോത്സാഹിപ്പിക്കുവാനായിട്ടാണ് ഗവണ്‍മെന്‍റ് വ്യക്തികൾക്ക് ആദായനികുതിയിൽ ഇളവുകൾ നൽകുന്നത്.

നികുതിയെന്ന ചെലവു കുറയ്ക്കുന്നത് തീർച്ചയായും ധനകാര്യ സ്വാതന്ത്ര്യത്തിലേക്കുള്ള ചുവടുവയ്പുതന്നെയാണ്.

നികുതി ലാഭിക്കുവാൻ നിക്ഷേപം നടത്തുന്നതുവഴി നികുതി നൽകുന്നതിന്‍റെ അളവു കുറയുന്നു; ക്രമമായി നിക്ഷേപം നടത്താൻ ആരംഭിക്കുന്നു; നിക്ഷേപത്തിൽനിന്നു വരുമാനവും ലഭിക്കുന്നു.

ഉയർന്ന റിട്ടേണ്‍ നൽകുന്ന ഇക്വിറ്റി ലിങ്ക്ഡ് സേവിംഗ്സ് സ്കീം മുതൽ സുരക്ഷിതത്വമുള്ള പഞ്ചവർഷ ബാങ്ക് ഡിപ്പോസിറ്റ് വരെയുള്ള വൈവിധ്യമാർന്ന നികുതിലാഭ നിക്ഷേപ ഉപകരണങ്ങൾ ലഭ്യമാണ്.

ബഹുമുഖ വരുമാന സ്രോതസുകൾ:

വൈവിധ്യമാർന്ന നിക്ഷേപങ്ങൾ പോലെതന്നെ വൈവിധ്യമാർന്ന വരുമാന സ്രോതസുകളും ഉണ്ടാവണം. നിക്ഷേപകൻ മാത്രമാണ് വരുമാനം നേടുന്നയാൾ എന്നു കരുതുക. ഏതെങ്കിലും സാഹചര്യത്തിൽ കുറേനാൾ ജോലി ചെയ്യാൻ സാധിക്കാത്ത സ്ഥിതി ആലോചിച്ചു നോക്കിക്കേ. ഈ സാഹചര്യത്തിൽ വരുമാനം ഇല്ലാതാകുന്നു.
അപ്പോൾ മറ്റു സ്രോതസുകളിൽനിന്നു വരുമാനമെന്നത് നല്ല കാര്യമാണ്. ഇതു മെച്ചപ്പെട്ട സാന്പത്തിക സുരക്ഷിതത്വവും സ്വാതന്ത്ര്യവും നൽകുന്നു.

ധനകാര്യ സ്വാതന്ത്ര്യം വിശ്രമമല്ല: ധനകാര്യ സ്വാതന്ത്ര്യം നേടിയെന്നാൽ വിശ്രമജീവിതത്തിലേക്കു പോകുകയെന്നല്ല. ചില ഇഷ്ടങ്ങൾ മാറ്റിവച്ചിട്ടാകാം വരുമാനമുണ്ടാക്കാൻ ജോലിയിൽ പ്രവേശിച്ചത്. അങ്ങനെയുള്ളവർക്കു ജോലി നിർത്തി തങ്ങളുടെ പാഷനി’’ലേക്കു മടങ്ങാനുള്ള അവസരമാണ്. അല്ലെങ്കിൽ എന്താണു സന്തോഷം തരുന്നത് അതിനായി പ്രവർത്തിക്കാം.

ഇപ്പോൾ മുപ്പതിലോ നാല്പതിലോ അന്പതിലോ ഒക്കെ ഇത്തരത്തിൽ സാന്പത്തിക സ്വാതന്ത്ര്യം നേടിയശേഷം തങ്ങൾക്ക് ഏറ്റവും ഇഷ്ടമുള്ള കാര്യങ്ങൾ ചെയ്യുന്നതിലേക്ക് പോകുന്നവർ ധാരാളമുണ്ട്. തങ്ങളുടേതായ കണ്ടീഷനിൽ ജീവിച്ചു പോകുവാൻ ഇഷ്ടപ്പെടുന്നവരാണിവർ. ഇത് ഏവർക്കും നേടുവാൻ സാധിക്കും. വരുമാനമുണ്ടാകുന്പോൾ മുതൽ അതേക്കുറിച്ച് ആലോചിച്ചു തുടങ്ങണമെന്നു മാത്രം.

പണമിരട്ടിക്കാൻ വഴികൾ

ഓഹരി നിക്ഷേപം: റിസ്ക് ഏറെയുള്ള നിക്ഷേപമേഖലയാണിത്. ഇരുതലവാൾ പോലെയാണ്. ചിലപ്പോൾ നിക്ഷേപം പെട്ടെന്ന് ഇരട്ടിയാകും. ചിലപ്പോൾ അത് ആവിയായി മാറുന്നതു കാണാനും അധികസമയം വേണ്ടി വരില്ല.2014-ൽ മോദി സർക്കാർ അധികാരത്തിൽ വന്നതിനുശേഷം പല ഓഹരികളും ഇരട്ടിയും രണ്ടിരട്ടിയുമൊക്കെ റിട്ടേണ്‍ നൽകിയിട്ടുണ്ട്.

സ്വർണവും സ്വർണ ഇടിഎഫും: ലോകം പ്രശ്നത്തിൽ നിൽക്കുന്പോഴൊക്കെ സ്വർണം മികച്ച നിക്ഷേപം തരും. 2007-12 കാലയളവിൽ ആഗോള സന്പദ്ഘടന തകർച്ചയിലൂടെ കടന്നുപോയപ്പോൾ സ്വർണം നൽകിയ വാർഷിക റിട്ടേൺ 22-24 ശതമാനമാണ്. എന്നാൽ കഴിഞ്ഞ രണ്ടു വർഷമായി സ്വർണത്തിന്‍റെ തിളക്കം നഷ്ടപ്പെട്ടിരിക്കുകയാണ്.
റിയൽ എസ്റ്റേറ്റ്: അഞ്ചാറു വർഷം കൂടുന്പോൾ പണം ഇരട്ടിക്കുവാൻ സഹായിക്കുന്ന ആസ്തിയാണ് റിയൽ എസ്റ്റേറ്റ്. എന്നാൽ കഴിഞ്ഞ രണ്ട്, മൂന്നു വർഷമായി റിയൽ എസ്റ്റേറ്റ് വിലകൾ കുറയുകയായിരുന്നു.

ചെറുകിട ബിസിനസ്: ചെറുകിട ബിസിനസിൽ പങ്കാളിയാകുക പണം ഇരട്ടിയാക്കുവാനുള്ള വഴിയാണ്. പക്ഷേ റിസ്ക് വലുതാണ്. ഇതും ഇരുതലവാളാണ്. ബിസിനസ് വിജയിക്കാം, പരാജയപ്പെടാം. ചിലപ്പോൾ ചെറിയ കാലയളവിൽ നിക്ഷേപം ഇരട്ടിക്കും.
പണം കടംകൊടുക്കൽ: മൂന്നാമതൊരാൾക്കു പലിശയ്ക്കു പണം കടംകൊടുക്കുന്ന ബിസിനസാണിത്. ബാങ്ക് പലിശയേക്കാൾ വളരെ ഉയർന്ന നിരക്കിലാണ് ഇത്തരം ഇടപാടുകൾ നടക്കുന്നത്. 4-5 വർഷംകൊണ്ടു പണം ഇരട്ടിക്കാനുള്ള സാധ്യതയുണ്ട്. പക്ഷേ, അതിന്‍റേതായ പ്രശ്നങ്ങൾ ഈ ബിസിനസിനുണ്ട്. കിട്ടാക്കടം, തുക പിരിച്ചെടുക്കൽ ഉൾപ്പെടെ നിരവധി പ്രശ്നങ്ങൾ ഇതിനുണ്ട്.

മ്യൂച്വൽ ഫണ്ടുകൾ: സുരക്ഷിത രീതിയിൽ പണം ഇരട്ടിപ്പിക്കാനുള്ള വഴികളിലൊന്നാണ് മ്യൂച്വൽ ഫണ്ടുകൾ നല്ല ഇക്വിറ്റി മ്യൂച്വൽ ഫണ്ടുകൾ 12-13 ശതമാനം റിട്ടേണ്‍ നല്കിവരുന്നു. ഒരു വർഷത്തിനു മേലുള്ള നിക്ഷേപത്തിൽനിന്നുള്ള വരുമാനത്തിന് നികുതിയും നൽകേണ്ടതില്ല. 5-6 വർഷംകൊണ്ട് നിക്ഷേപം ഇരട്ടിയാകും.

കന്പനി ഡിപ്പോസിറ്റുകൾ: കന്പനി സ്ഥിര നിക്ഷേപങ്ങൾ ഉയർന്ന പലിശ നൽകുന്നു. ഇപ്പോൾ 9-10 ശതമാനം പലിശ നിരക്കാണുള്ളത്. നിക്ഷേപം 7-8 വർഷക്കാലയളവിൽ ഇരട്ടിക്കും. ബാങ്ക് ഡിപ്പോസിറ്റിനെ അപേക്ഷിച്ച് റിസ്ക് ഏറെയുണ്ട്. ധനകാര്യ നില മെച്ചപ്പെട്ട, മികച്ച റേറ്റിംഗ് ഉള്ള കന്പനികളുടെ ഡിപ്പോസിറ്റുകൾ മാത്രം നിക്ഷേപത്തിനായി തെരഞ്ഞെടുക്കുക.

ബാങ്ക് ഡിപ്പോസിറ്റുകൾ: ബാങ്ക് ഡിപ്പോസിറ്റ് പലിശ നിരക്കുകൾ ഗണ്യമായി കുറഞ്ഞിരിക്കുന്നു. ഇപ്പോൾ 6-7 ശതമാനമാണ് സ്ഥിര നിക്ഷേപത്തിന്‍റെ നിരക്ക്. 10-11 വർഷം കൊണ്ടാണ് നിക്ഷേപം ഇരട്ടിക്കുക.

ഡെറ്റ് മ്യൂച്വൽ ഫണ്ടുകൾ: ഡെറ്റ് അടിസ്ഥാനമാക്കിയുള്ള മ്യൂച്വൽ ഫണ്ടുകൾ ബാങ്ക്, കന്പനി ഡിപ്പോസിറ്റുകളേക്കാൾ മെച്ചപ്പെട്ട റിട്ടേണ്‍ നൽകുന്നു. കഴിഞ്ഞ ഏതാനും വർഷമായി 9-11 ശതമാനം റിട്ടേണ്‍ നൽകുന്നുണ്ട്. 6-7 വർഷക്കാലത്ത് നിക്ഷേപം ഇരട്ടിക്കാനുള്ള സാധ്യതയുണ്ട്.

ബോണ്ടുകൾ: എട്ടു ശതമാനം പലശയുള്ള ബോണ്ടുകളിൽ ഒന്പതു വർഷംകൊണ്ട് നിക്ഷേപം ഇരട്ടിക്കും.

ലഘുനിക്ഷേ പദ്ധതികൾ: ഇവയിൽ സീനിയർ സിറ്റിസണ്‍സ് നിക്ഷേപം, സുകന്യ സമൃദ്ധി തുടങ്ങിയവ 9 വർഷംകൊണ്ട് ഇരട്ടിക്കും.

ജോയി ഫിലിപ്പ്

ആധാർ നിർബന്ധമാകുന്പോൾ
ആധാർ ജീവിതത്തിന്‍റെ എല്ലാ മേഖലയിലും പിടിമുറുക്കുകയാണ്. ഇടയ്ക്കിടെ കോടതി ചില തടസങ്ങൾ സൃഷ്ടിക്കുന്നുവെങ്കിലും ദിവസം ചെല്ലുന്തോറും ആധാർ കൂടുതൽ കൂടുതൽ വ്യാപകമാക്കുകയാണ്. റേഷൻ ലഭിക്കുന്നതു മുതൽ മൊബൈൽ ഫോണ്‍ കണക്ഷൻ എടുക്കുന്നത...
നീര മികച്ച ആരോഗ്യ ഒൗഷധ പാനീയം
വർധിച്ച അയണിന്‍റെ അളവ്, കാൻസർ പോലുള്ള രോഗങ്ങളെ പ്രതരോധിക്കുവാനുള്ള ആന്‍റി ഓക്സിഡന്‍റ് കഴിവ്, പ്രമേഹത്തെ പ്രതിരോധിക്കൽ, മനുഷ്യശരീരത്തൽ മൂത്രത്തിന്‍റെ അളവു വർധിപ്പിക്കുന്നതിനുള്ള കഴിവ്, ഉയർന്ന രോഗപ്രതിരോധശേഷി ... നീരയുടെ ഒ...
ഭാരമാകുന്ന ജിഎസ്ടി
രാജേഷ് വർഷങ്ങളായി ശ്രീമൂലനഗരത്തിൽ കച്ചവടം നടത്തുന്നു. എല്ലാവരും സ്ഥിര ഉപഭോക്താക്കളായതിനാൽ കടയിൽ വരുന്നവരെല്ലാം പരിചയക്കാരാണ്. അധികമാരും ബില്ലും ആവശ്യപ്പെടാറില്ല. അതുകൊണ്ടു തന്നെ ഒരു കംപ്യൂട്ടറിന്‍റെയോ ഒരു ബില്ലിംഗ് ബുക്കി...
ചെറുപ്പത്തിലെ ആസൂത്രണം ചെയ്യാം
അശോകിന് ജോലി കിട്ടി. നാട്ടിലെ പ്രധാന വാർത്തയായിരുന്നു അത്. കാരണം ചെറുപ്പം മുതൽതന്നെ ഉൽസാഹിയും നല്ല സ്വഭാവവുമുള്ള കുട്ടിയായിരുന്നു. സാന്പത്തികമായി അത്ര മെച്ചമല്ലാത്ത സാഹചര്യങ്ങളിൽനിന്നു വരുന്നവൻ. ഒരു സർക്കാർ ജോലിക്കായുള്ള ത...
ലിഖിത ഭാനു : കർഷക കൂട്ടായ്മയിലൂടെ വിജയത്തിലേക്ക്
ലിഖിത ഭാനു. കണ്ടു പഠിക്കാനേറെയുണ്ട് ഈ പെണ്‍കുട്ടിയിൽ നിന്ന്.
ബയോടെക്നോളജി എൻജിനിയറിംഗ് ബിരുദം നേടിയ ഒരു പെണ്‍കുട്ടി സാധാരണഗതിയിൽ കോർപറേറ്റ് മേഖലയിൽ ഏതെങ്കിലുമൊരു ജോലി തേടുകയേയുള്ളു. അല്ലാതെ സ്വയമൊരു സംരംഭം കെട്ടിപ്...
പ്രസക്തിയില്ലാത്ത എൻഎവി
കുറഞ്ഞ എൻഎവിയുള്ള ഫണ്ടുകൾ കൂടിയ എൻഎവിയുള്ളതിനേക്കാൾ കുറഞ്ഞ വിലയിലുള്ളതാണെന്നാണ് മ്യൂച്വൽ ഫണ്ട് നിക്ഷേപകരിൽ നല്ലൊരു പങ്കും ചിന്തിക്കുന്നത്. ഓഹരിയുടെ കാര്യത്തിൽ ഇതു ചിലപ്പോൾ ശരിയാകാം. കാരണം പത്തു രൂപ വിലയുള്ള ഓഹരി, പതിനായിരം...
നി​ക്ഷേ​പ​ത്തി​നു ഇ​തു വ​ലി​യൊ​രു അ​വ​സ​രം
നോ​ട്ട് പി​ൻ​വ​ലി​ക്ക​ൽ, ജി​എ​സ്ടി ന​ട​പ്പാ​ക്ക​ൽ എ​ന്നി​വ​യ്ക്കു​ശേ​ഷം സ​ന്പ​ദ്ഘ​ട​ന​യി​ൽ ചെ​റി​യൊ​രു അ​സ​ന്നി​ഗ്ധാ​വ​സ്ഥ ഉ​ണ്ടാ​യി​ട്ടു​ണ്ട്. സ​ന്പ​ദ്ഘ​ട​ന​യ്ക്ക് വ്യ​ക്ത​മാ​യ ദി​ശ ഇ​നി​യും ല​ഭി​ക്കേ​ണ്ട​താ​യി​ട്ടു​ണ്ട്. ...
നോ ടെൻഷൻ, അവധി ദിനങ്ങളും ആഘോഷിക്കാം
കാലാവസ്ഥയിലുണ്ടാകുന്ന വ്യതിയാനങ്ങളെ ചെറുത്തു നിൽക്കുന്നതും ദീർഘ കാലം ഈടു നിൽക്കുന്നതുമായ ഉത്പന്നങ്ങളിലൂടെ ഉത്പന്ന ശ്രേണി വിപുലമാക്കുക എന്നുള്ളതാണ് പെയിന്‍റ് നിർമാണ കന്പനികളെല്ലാം ലക്ഷ്യമിടുന്നത്.

ഈ ലക്ഷ്യത്തിന...
കാപ്പി നിങ്ങൾക്കും എനിക്കും
കഴിഞ്ഞ മൂന്ന് വർഷക്കാലമായി ആഗോളതലത്തിൽ ഒക്ടോബർ ഒന്ന് അന്താരാഷ്ട്ര കാപ്പിദിനമായി ആചരിച്ചുവരികയാണ്. ഇന്‍റർനാഷണൽ കോഫി ഓർഗനൈസേഷന്‍റെ ആഭിമുഖ്യത്തിലാണ് കാപ്പിദിനം ആഘോഷിക്കുുന്നത്. 2015 മുതൽ ഏകീകൃത സ്വഭാവത്തോട് കൂടി ദിനാചരണ പരി...
വളരെ കൂടുന്പോൾ വാങ്ങരുത് വളരെ കുറയുന്പോൾ വിൽക്കരുത്
ഓഹരി വിപണി വൻ മുന്നേറ്റം നടത്തിക്കൊണ്ടിരിക്കുന്ന കാലഘട്ടമാണല്ലോ ഇപ്പോൾ. രണ്ടു മൂന്നു വർഷംകൊണ്ട് 18,000 പോയിന്‍റിൽനിന്ന് 32,000 ത്തിലേക്ക് സെൻസെക്സ് എത്തിയിരിക്കുന്നു. നിഫ്റ്റി പതിനായിരത്തിനു മുകളിലുമെത്തിയിരിക്കുന്നു.
ഓഹരി വിപണിയിൽ വാങ്ങലും വിൽക്കലും
അനുയോജ്യനായ ഒരു ബ്രോക്കറെ തെരഞ്ഞെടുക്കുകയാണ് ആദ്യപടി. ബ്രോക്കറുടെ വിശ്വാസ്യതയും ചരിത്രവും സാന്പത്തിക നിലയും അറിയുന്നത് നല്ലതാണ്. സേവന നിലവാരവും ഇടപാടുകാർക്കിടയിലുള്ള അംഗീകാരവും പരിഗണനയിലെടുക്കണം. ബ്രോക്കറെ തെരഞ്ഞെടുത്തുകഴ...
ആൻസിയുടെ പരീക്ഷണങ്ങൾ തുടരുകയാണ്...
പാലാ ഞാവള്ളിമംഗലത്തിൽ ആൻസി മാത്യുവിന് ചക്കയോടുള്ള ഇഷ്ടം എത്രമാത്രമുണ്ടെന്ന് അറിയണമെങ്കിൽ ചക്കയിൽ നിന്നും ആൻസി തയ്യാറാക്കിയ മൂല്യവർധിത ഉത്പന്നങ്ങളുടെ എണ്ണം കേൾക്കണം. ഏഴു വർഷത്തെ പരീക്ഷണങ്ങളിലൂട ആൻസി കണ്ടെത്തിയത് മൂന്നൂറിലധികം...
രക്ഷിക്കാം, തോട്ടവിളകളെ
വിശ്രുത ശാസ്ത്രജ്ഞൻ ഡോ. എം എസ് സ്വാമിനാഥൻ ഒരിക്കൽ പറഞ്ഞു. ""യഥാർത്ഥത്തിൽ കേരളം ഇന്ത്യയുടെ തോട്ടവിള സംസ്ഥാനമാണ്. രാജ്യത്തിന്‍റെ തോട്ടവിള ഉത്പാദനത്തിന്‍റെ 46 ശതമാനവും സംഭാവന ചെയ്യുന്നത് കേരളമാണ്.’’ ഈ വാക്കുകൾക്ക് വളരെ പ്രസക്...
മലബാർ: തുറക്കാത്ത സമ്മാനപ്പൊതി
തുറക്കാത്ത സമ്മാനപ്പൊതി പോലെയാണ് മലബാർ. ദക്ഷിണകേരളത്തേയും മധ്യകേരളത്തേയും വികസനവും വളർച്ചയും സന്പന്നമാക്കിയപ്പോൾ മലബാർ എന്നു വിളക്കപ്പെടുന്ന വടക്കൻ കേരളത്തിൽ ഒന്നുംതന്നെ സംഭവിച്ചില്ല.

മലബാറിലെ മിക്ക സംരംഭകരും കച്...
അറബ് ലോകം കീഴടക്കി അൽ മദീന ഗ്രൂപ്പ്
കുവൈത്ത് യുദ്ധകാലത്ത് ദുബായിൽ തൊഴിൽ തേടിയെത്തിയ ഒരു ചെറുപ്പക്കാരൻ. കേവലം ഒരു പ്രവാസി തൊഴിലാളിയായി ജീവിക്കുന്നതിനുപരിയായി പാരന്പര്യമായി തന്‍റെ രക്തത്തിൽ അലിഞ്ഞു ചേർന്ന ബിസിനസ് എന്ന ഇഷ്ടത്തെ ഏറെ ആവേശത്തോടെ സ്വന്തമാക്കി. കൈവെ...
രേണുക രാംനാഥ് പ്രൈവറ്റ് ഇക്വിറ്റിയുടെ മാതാവ്
പ്രശസ്തമായ മൾട്ടിപ്പിൾ ആൾട്ടർനേറ്റ് അസറ്റ് മാനേജ്മെന്‍റ് എന്ന സ്ഥാപനം രേണുകയുടേതാണ്. രേണുക രാംനാഥ്. മുപ്പത്തിരണ്ടാമത്തെ വയസിൽ ഭർത്താവിനെ നഷ്ടപ്പെട്ട ആ ബാങ്ക് മാനേജർ പക്ഷേ, വിധിയുടെ മുന്നിൽ പതറിയില്ല.

1995. രേണുകയ്ക...
സംരംഭകർക്ക് സഹായമായി സുഗന്ധവിള ഗവേഷണ കേന്ദ്രം
1975 ൽ കാസർഗോട്ടെ കേന്ദ്ര തോട്ട വിള ഗവേഷണ കേന്ദ്രത്തിന്‍റെ പ്രാദേശിക ഗവേഷണ കേന്ദ്രമായാണ് കോഴിക്കോട് മേരിക്കുന്നിൽ സ്ഥിതി ചെയ്യുന്ന ഭാരതീയ സുഗന്ധവിള ഗവേഷണ കേന്ദ്രത്തിന്‍റെ തുടക്കം. 1986 ൽ ദേശീയ സുഗന്ധവിള ഗവേഷണ കേന്ദ്രമായി ...
"പൊൻ പാലു'മായി പാലാഴി ഡയറി ഫാം
പതിനൊന്നു വർഷത്തെ നേവിയിലെ സേവനത്തിനുശേഷം റിട്ടയർ ചെയ്ത കണ്ടത്തിൻതൊടുകയിൽ കെ സി ഫിലിപ്പ് വിവാഹത്തിനുശേഷം താമസത്തിനു തെരഞ്ഞെടുത്തത് കോഴിക്കോടു ജില്ലയിലെ പുതുപ്പാടിയാണ്. 1991-ൽ ഇവിടെ സ്ഥലം വാങ്ങി കൃഷി ആരംഭിച്ചു. 1993-ൽ അ...
മലബാറിന്‍റെ ഐടി സ്വപ്നങ്ങൾക്ക് ചിറകു നൽകി യുഎൽ സൈബർ പാർക്ക്
മലബാറിന്‍റെ ഐടി ഹബ്ബാകാൻ ഒരുങ്ങുകയാണ് കോഴിക്കോട്. ഉൗരാളുങ്കൽ ലേബർ സൊസൈറ്റിയുടെ നേതൃത്വത്തിലുളള യുഎൽ സൈബർ പാർക്കാണ് മലബാറിന്‍റെ ഐടി സ്വപ്നങ്ങൾക്ക് ചിറകു നൽകുന്നത്. നിലവിൽ തിരുവനന്തപുരത്തും കൊച്ചിയിലുമാണ് ഐടി പാർക്കുകളുള്ള...
പോപ്പീസ് ബേബികെയർ പ്രോഡക്ട്സ്
കേരളത്തിൽനിന്നൊരു രാജ്യാന്തര ബ്രാൻഡ്, 2020-ഓടെ മലപ്പുറത്തുനിന്നൊരു ലിസ്റ്റഡ് കന്പനി, രാജ്യമൊട്ടാകെ റീട്ടെയിൽ സ്റ്റോറുകൾ...പോപ്പീസ് ബേബികെയർ പ്രോഡക്ട്സ് പ്രൈവറ്റ് ലിമിറ്റഡ് സ്ഥാപകനും മാനേജിംഗ് ഡയറക്ടറുമായ ഷാജു തോമസ് ...
സന്പാദിക്കാനും സന്പത്തുണ്ടാക്കുവാനും
പി.ആർ ദിലീപ് വലിയൊരു യജ്ഞത്തിലാണ്. ദിലീപ് ആരംഭിച്ച ഇംപെറ്റസ് വെൽത്ത് മാനേജ്മെന്‍റും ഇതേ യജ്ഞത്തിലാണ.് സൗജന്യമായോ അല്ലാതെയോ ആളുകളെ സന്പാദിപ്പിക്കുവാനും സന്പത്തു നേടുവാനും പഠിപ്പിക്കുകയാണ് ആ യജ്ഞം. സാന്പത്തിക ഭാവി ഉറപ്പാക...
സംരംഭകനാകാൻ പ്ലാൻ ചെയ്യാം
ഏതൊരും സംരംഭവും ആരംഭിക്കുന്നതിനു മുന്പ് സംരംഭകനുണ്ടാകേണ്ടത് കൃത്യവും വ്യക്തവുമായ ഒരു ബിസിനസ് പ്ലാൻ ആണ്. അത് വളരെ ശ്രദ്ധയോടെ വേണം തയാറാക്കാൻ. അതോടൊപ്പം തന്നെ പ്രാധാന്യമർഹിക്കുന്നതാണ് അത് ആർക്കു വേണ്ടിയുള്ളതാണെന്നുള്ള തി...
സർവീസ് ചാർജുകളിൽ നിന്നും രക്ഷനേടാൻ
ബങ്കിംഗ് മേഖലയിലെ സേവനങ്ങൾക്കുള്ള ചാർജുകൾക്ക് ഒരു കുറവും വരുത്താതെ വീണ്ടും കൂട്ടിയിരിക്കുകയാണ് പൊതുമേഖലയിലെയും സ്വകാര്യമേഖലയിലെയും ബാങ്കുകൾ. ബാങ്കുകൾക്കു സമീപത്തു കൂടി പോയാൽ പോലും സർവീസ് ചാർജ് ഈടാക്കുന്ന സ്ഥിതിയാണുള്ളത്. ...
വിസ്മയം തീര്‍ത്ത് ബെല്ല ക്രിയേഷന്‍സ്‌
അവധി ദിവസം വന്നാൽ രാവിലെ മുതൽ അപ്പന്‍റെ ഓഫീസിലായിരിക്കും ബീനയുടെ വാസം. നല്ല കയ്യക്ഷരമുള്ള ബീനയെക്കൊണ്ട് അപ്പൻ ഇടയ്ക്കിടയ്ക്ക് കണക്കുകളൊക്കെ എഴുതിക്കും.അപ്പന്‌ ഇടയ്ക്ക് കുന്നൂരിൽ തേയില ലേലത്തിൽ പങ്കെടുക്കാൻ പോകും.അപ്പോൾ ...
മാസശന്പളക്കാരുടെ ഇഷ്ട നിക്ഷേപം മ്യൂച്വൽ ഫണ്ട്
സുരക്ഷിത നിക്ഷേപമെന്ന നിലയിൽ മാസ ശന്പളക്കാർക്കിടയിൽ മ്യൂച്വൽ ഫണ്ട് നിക്ഷേപത്തിന് പ്രിയമേറുന്നു. ശന്പളക്കാരിൽ 50 ശതമാനം പേരും മ്യൂച്വൽ ഫണ്ടിൽ നിക്ഷേപിക്കാനാണ് താൽപര്യം. ഇത് സുരക്ഷിതമാണെന്നും അവർ കരുതുന്നു
എന്നാൽ ബിസിനസുകാ...
മ്യൂച്വൽ ഫണ്ടിൽ നിക്ഷേപിക്കും മുന്പ്...
എന്തായാലും മ്യൂച്വൽ ഫണ്ട് നിക്ഷേപത്തിൽ ഇന്ത്യക്കാർക്ക് താല്പര്യം വർധിച്ചുവരികയാണ്. എങ്കിലും മറ്റു വികസിത രാജ്യങ്ങളുമായി താരതമ്യം ചെയ്യുന്പോൾ ഇന്ത്യക്കാരുടെ നിക്ഷേപം വളരെ കുറച്ചു മാത്രമേയുള്ളു. കൈവിരലിലെണ്ണാവുന്ന ശതമാനം മാത്...
പാൻ ആവശ്യമായ 18 ഇടപാടുകൾ
പാനും ആധാറും നിത്യ ജീവിതത്തിലേക്ക് കടന്നു കയറുകയാണ്. ഇവയില്ലാതെ നിത്യ ജീവിതത്തിലെ പല കാര്യങ്ങളും മുന്നോട്ടു പോവുകയില്ലെന്ന നിലയിലേക്കാണ് കാര്യങ്ങൾ നീങ്ങുന്നത്. പാൻ നൽകാതെയോ ആധാർ നൽകാതെയോ നടത്താവുന്ന ഇടപാടുകൾ ഓരോ ദിവസവും ...
പലിശ നിരക്ക് കുറച്ച് ആർബിഐ
നരേന്ദ്ര മോദി സർക്കാർ ആഗ്രഹിച്ചിരുന്ന അര ശതമാനം വെട്ടിക്കുറവു വരുത്തിയില്ലെങ്കിലും റിസർവ് ബാങ്ക് പണനയ കമ്മിറ്റി നയ പലിശനിരക്ക് കാൽ ശതമാനം കുറച്ചിരിക്കുകയാണ്.

റീപോ നിരക്ക് ( ബാങ്കുകൾ റിസർവ് ബാങ്കിൽനിന്നു എടുക്ക...
ഭവന വായ്പ എടുക്കുന്നവർക്ക് നല്ല നാളുകൾ
സ്വന്തമായൊരു വീട് എന്ന സ്വപ്നം സാക്ഷാത്കരിക്കാൻ ആളുകളെ വായ്പ നൽകി സഹായിക്കുന്നവരാണ് ബാങ്കുകളും ഹൗസിംഗ് ഫിനാൻസ് കന്പനികളും. സ്വന്തം ആഗ്രഹങ്ങളും ഇഷ്ടങ്ങളുമെല്ലാം ചേർന്ന് ഒരു വീട് നിർമ്മിക്കാൻ ഒരാളുടെ അദ്ധ്വാനവും സന്പത്തും പോ...
എച്ച്ഡിഎഫ്സി സ്മോൾ കാപ് ഫണ്ടിന്‍റെ കരുത്ത്
മുഖ്യമായും സ്മോൾ കാപ് ഓഹരികളിൽ നിക്ഷേപം നടത്തി ദീർഘകാലത്തിൽ മൂലധന വളർച്ച ലക്ഷ്യമിട്ടുകൊണ്ട് ആരംഭിച്ച പദ്ധതിയാണ് എച്ച്ഡിഎഫ്സി സ്മോൾ കാപ് ഫണ്ട്. തുടക്കത്തിൽ മോർഗൻ സ്റ്റാൻലി ഏസ് ഫണ്ടെന്ന പേരിലായിരുന്നു അറിയപ്പെട്ടിരുന്നു. 2...
LATEST NEWS
തിരുവനന്തപുരത്ത് ലോറിയിടിച്ച് ബൈക്ക് യാത്രികൻ മരിച്ചു
നടിയെ ആക്രമിച്ച കേസ്: മാധ്യമ ചർച്ചകൾ വിലക്കണമെന്ന് പോലീസ്
ഹാദിയ ഇന്ന് ഡൽഹിക്ക്; താമസം കേരള ഹൗസിൽ
ഒറ്റയാനായി സ്മിത്ത്: ഓസീസിന് ലീഡ്
കുറിഞ്ഞി ഉദ്യാനം: കേന്ദ്ര സംഘം വരണമെന്ന് കുമ്മനം
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.