ചെന്നായക്കുഞ്ഞിന് അമ്മയായി ആഹാരം നല്‍കുന്ന കാഴ്ച; വെെറൽ

Friday, March 15, 2024 10:41 AM IST

ഏറ്റവും സങ്കടകരമായ കാര്യമാണ് ഒരു കുഞ്ഞിന് അതിന്‍റെ അമ്മയെ നഷ്ടമാകുന്നത്. പറക്കമുറ്റാത്ത പ്രായത്തില്‍ അവര്‍ക്ക് അമ്മയെ നഷ്ടമാകുന്നത് വളര്‍ച്ചയുടെ ഓരോഘട്ടത്തെയും ബാധിക്കുന്നു എന്നതാണ് വാസ്തവം.

എന്നിരുന്നാലും ചില മനുഷ്യരൊ ജന്തുക്കളൊ ഒക്കെ ആ അമ്മയുടെ റോള്‍ ഭംഗിയായി നിര്‍വഹിക്കാറുണ്ട്. അത്തരത്തിലൊരു കാര്യം സമൂഹ മാധ്യമങ്ങളില്‍ ഇപ്പോള്‍ ചര്‍ച്ചയാകുന്നു. ഫേസ്ബുക്കില്‍ എത്തിയ ഒരു വീഡിയോ ആണ് ചര്‍ച്ചയുടെ അടിസ്ഥാനം.

വീഡിയോയില്‍ വിര്‍ജീനിയയിലെ റിച്ച്മണ്ട് വൈല്‍ഡ് ലൈഫ് സെന്‍ററിലെ കാഴ്ചയാണുള്ളത്. വെറും 80 ഗ്രാം (2.8 ഔണ്‍സ്) ഭാരമുള്ള ഒരു ചെറിയ ചെന്നായയെ റിച്ച്മണ്ട് എസ്പിസിഎ കണ്ടെത്തി ഫെബ്രുവരി 29-ന് കേന്ദ്രത്തിന് കൈമാറിയിരുന്നു.

രക്ഷാപ്രവര്‍ത്തകര്‍ ആദ്യം ഇതൊരു പൂച്ചയാണെന്നാണ് കരുതിയത്. എന്നാല്‍ താമസിയാതെ അതൊരു നവജാത ചെന്നായ ആണെന്ന് തിരിച്ചറിയുകയായിരുന്നു.

വീഡിയോയില്‍, അമ്മയെ നഷ്ടപ്പെട്ട ചെന്നായക്കുഞ്ഞിന് റിച്ച്മണ്ട് വൈല്‍ഡ് ലൈഫ് സെന്‍റര്‍ കേന്ദ്രത്തിന്‍റെ സ്ഥാപകയായ മെലിസ സ്റ്റാന്‍ലി "ചെന്നായ മമ്മി'യായി കുപ്പിപാല്‍ നല്‍കുകയാണ്. അവര്‍ ഒരു ചെന്നായ മാസ്‌ക്കും കൈയുറയുമൊക്കെ ധരിച്ചാണ് കുട്ടിക്ക് അരികില്‍ എത്തുന്നത്. മാത്രമല്ല ചെന്നായയുടെ ശബ്ദവും അവര്‍ ഈ സമയത്ത് വയ്ക്കുന്നുണ്ട്.

ഫലത്തില്‍ കുഞ്ഞിന് അത് തന്‍റെ അമ്മ എന്ന തോന്നല്‍ ഉണ്ടാക്കും. ചെന്നായക്കുഞ്ഞ് മനുഷ്യനുമായി ആദ്യം ഇടപഴകി സ്വന്തം വര്‍ഗത്തെ തിരിച്ചറിയാന്‍ കഴിയാത്ത അവസ്ഥ വരാതിരിക്കാനും ഈ വേഷം സഹായിക്കുമത്രേ.

മെലിസയുടെയും സഹപ്രവര്‍ത്തകരുടെയും കരുതലിനെ അഭിനന്ദിക്കുകയാണ് നെറ്റിസണ്‍.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.