കൊന്നതിനു പിറ്റേന്ന് യുവാവിന്‍റെ മൃതദേഹം തിരികെ നല്കി മുതല; ഞെട്ടിക്കുന്ന വീഡിയോ

Friday, July 21, 2017 5:12 AM IST

കടിച്ചെടുത്തുകൊണ്ടു പോയി കൊലപ്പെടുത്തിയ യുവാവിന്‍റെ മൃതദേഹം പിറ്റേന്നു തിരികെ നല്കി മുതല. ഇന്തോനേഷ്യയിലെ ബെറുവിലാണ് ഞെട്ടിക്കുന്ന സംഭവങ്ങൾ അരങ്ങേറിയത്. സയറിഫുദീൻ എന്ന 41 കാരൻ സുഹൃത്തുക്കളുമൊത്തു ലംബാക്ക് നദിയിൽ കുളിച്ചു കൊണ്ടിരിക്കുന്പോൾ മുതല അദ്ദേഹത്തെ ആക്രമിച്ച് കടിച്ചെടുത്ത് പുഴയിലേക്ക് കൊണ്ടുപോകുകയായിരുന്നു. ഭയന്നു പോയ ബന്ധുക്കൾ അദ്ദേഹത്തെ കണ്ടുപിടിക്കാൻ ശ്രമിച്ചെങ്കിലും പരാജയപ്പെടുകയായിരുന്നു.

തുടർന്ന് പ്രദേശവാസികൾ എല്ലാവരും ഇവിടെയുള്ള ഒരു മന്ത്രവാദിയുടെ സഹായം തേടുകയും ചെയ്തു. പിറ്റേന്ന് നദിക്കരയിലുണ്ടായിരുന്ന നൂറുകണക്കിനാളുകളെ ഞെട്ടിച്ചുകൊണ്ട് സയറിഫുദീന്‍റെ മൃതദേഹം കടിച്ചുകൊണ്ട് മുതല വരികയായിരുന്നു. ശരീരത്തിൽ വസ്ത്രമൊന്നുമില്ലാത്ത അവസ്ഥയിലാണ് അദ്ദേഹത്തെ മുതല കൊണ്ടു വന്ന് കരയ്ക്കിട്ടത്.

ഈ കുളത്തിൽ വസ്ത്രം ധരിക്കാതെ ആരെങ്കിലും കുളിച്ചാൽ മുതല അവരെ ആക്രമിക്കുമെന്നാണ് സമീപവാസിയായ ഒരാൾ പറഞ്ഞത്. എന്നാൽ ശരീരത്തിൽ വസ്ത്രം ഉണ്ടെങ്കിൽ അവരെ ഒന്നും ചെയ്യുകയുമില്ല. ശരീരത്തിൽ നിരവധി പരിക്കുകളോടെയാണ് അദ്ദേഹത്തിന്‍റെ മൃതദേഹം കിട്ടിയത്. സമീപം ഉണ്ടായിരുന്ന ഒരാൾ പകർത്തിയ ദൃശ്യങ്ങൾ സോഷ്യൽ മീഡിയായിൽ വൈറലാകുകയായിരുന്നു. അതേസമയം, മുതല മൃതദേഹം തിരികെ കൊണ്ടുവന്നതിന്‍റെ രഹസ്യം ചുരുളഴിയാതെ അവശേഷിക്കുകയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.