ഇന്ദ്രജിത്തും ശിവദയും ഒന്നിക്കുന്ന ലക്ഷ്യത്തിലെ ആദ്യഗാനം
ജിത്തു ജോസഫിന്‍റെ രചനയിൽ നവാഗതനായ അൻസാർ ഖാൻ സംവിധാനം ചെയ്യുന്ന "ലക്ഷ്യം' എന്ന ത്രില്ലർ ചിത്രത്തിലെ ആദ്യഗാനമെത്തി. വിജയ് യേശുദാസ് ആലപിച്ച കാറ്റു വന്നുവോ എന്നു തുടങ്ങുന്ന ഗാനത്തിൽ ഇന്ദ്രജിത്തും ശിവദയുമാണുള്ളത്. സന്തോഷ് വർമയുടെ വരികൾക്ക് എം. ജയചന്ദ്രൻ ഈണം പകർന്നിരിക്കുന്നു. ഇന്ദ്രജിത്ത് തന്നെയാണ് ഗാനം ഫേസ്ബുക്ക് പേജിൽ ഷെയർ ചെയ്തത്.

ബിജു മേനോനും ഇന്ദ്രജിത്തുമാണ് ചിത്രത്തിലെ പ്രധാന അഭിനേതാക്കൾ. ഏറെക്കാലം വിജി തമ്പിയുടെ സംവിധാന സഹായിയായി പ്രവർത്തിച്ചു മുൻപരിചയം നേടിയ സംവിധായകനാണ് അൻസാർ ഖാൻ. ജോയ് തോമസ് ശക്‌തികുളങ്ങര, റ്റെജി മണലേൽ, ജിത്തു ജോസഫ് എന്നിവർ ചേർന്നാണ് ചിത്രം നിർമിക്കുന്നത്.

ഒരു പ്രത്യേക സാഹചര്യത്തിൽ കാട്ടിനുള്ളിൽ അകപ്പെടുന്ന രണ്ടു കുറ്റവാളികളുടെ കഥയാണ് ത്രില്ലർ ചിത്രം പറയുന്നത്. അതിസാഹസികമായ രംഗങ്ങളാണ് ചിത്രത്തിന്‍റെ ഹൈലൈറ്റ്. ഷമ്മി തിലകൻ, കിഷോർ സത്യ, ബാലാജി, കൂട്ടിക്കൽ ജയചന്ദ്രൻ എന്നിവരും ചിത്രത്തിൽ വേഷമിടുന്നു. പശ്ചാത്തല സംഗീതം– അനിൽ ജോൺസ്. സിനു സിദ്ധാർഥനാണ് ഛായാഗ്രാഹകൻ.

ഗാനം കാണാം:
https://www.youtube.com/embed/BqwdyIM7km8
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.