രാജസ്ഥാനിലെ ഇന്ത്യ
കാ​ലു​കു​ത്തു​ന്ന ഏ​തൊ​രു സ​ഞ്ചാ​രി​യോ​ടും ഗൈ​ഡ് നെ​ഞ്ചു​വി​രി​ച്ചു പ​റ​യു​ന്ന സ്ഥി​രം വാ​ച​ക​മാ​ണ്, "രാ​ജ​സ്ഥാ​ൻ: ലാ​ൻ​ഡ് ഓ​ഫ് രാ​ജാ​സ്.'​ കീ​ഴ​ട​ങ്ങി ജീ​വി​ക്കു​ന്ന​തി​നേ​ക്കാ​ൾ വീ​ര​സ്വ​ർ​ഗം പൂ​കു​ന്ന​താ​ണ് ന​ല്ല​തെ​ന്ന് ഉ​ദ്ഘോ​ഷി​ച്ചി​രു​ന്ന ര​ജ​പു​ത്തു​ക​ളു​ടെ നാ​ട്ടി​ൽ ഇ​ന്നു ദാ​രി​ദ്ര്യ​ത്തി​നു കീ​ഴ​ട​ങ്ങി​യു​ള്ള പ്ര​ഖ്യാ​പ​ന​മാ​ണു ന​ട​ക്കു​ന്ന​ത്. രാ​ജാ​ക്കന്മാ​രു​ടെ നാ​ട് ദ​രി​ദ്ര​രു​ടെ നാ​ടാ​യി പ​ച്ച​കു​ത്ത​പ്പെ​ട്ടി​രി​ക്കു​ന്നു. വീ​ടു​ക​ളു​ടെ ഭി​ത്തി​ക​ളി​ലാ​ണ് പ​ച്ച​കു​ത്ത​ൽ.

ദോ​സ ജി​ല്ല​യി​ൽ റേ​ഷ​ൻ വാ​ങ്ങു​ന്ന​വ​രു​ടെ വീ​ടു​ക​ളു​ടെ ഭി​ത്തി​ക​ളി​ൽ മു​ദ്രാ​വാ​ക്യം​പോ​ലെ എ​ഴു​തി​യി​രി​ക്കു​ന്ന​തി​ങ്ങ​നെ: "​ഞാ​ൻ ദ​രി​ദ്ര​നാ​ണ്. ദേ​ശീ​യ ഭ​ക്ഷ്യ​സു​ര​ക്ഷാ നി​യ​മ​പ്ര​കാ​രം എ​നി​ക്കു റേ​ഷ​ൻ കി​ട്ടു​ന്നു.' സം​ഗ​തി വി​വാ​ദ​മാ​യി​ട്ടു​ണ്ടെ​ങ്കി​ലും ഗ്രാ​മീ​ണ​മേ​ഖ​ല​യി​ൽ വ​ലി​യ കു​ലു​ക്ക​മൊ​ന്നു​മി​ല്ല. കാ​ര​ണം ഇ​ത്ത​രം ചു​വ​രെ​ഴു​ത്ത് ഇ​ന്ന് ആ​രം​ഭി​ച്ച​ത​ല്ല.

രാ​ജ​സ്ഥാ​നി​ലു​ട​നീ​ളം സ​ഞ്ച​രി​ച്ച ഈ ​ലേ​ഖ​ക​ൻ, ഉ​ദ​യ്പൂ​രി​ൽ​നി​ന്ന് ജോ​ദ്പൂ​രി​ലേ​ക്കു​ള്ള യാ​ത്ര​യി​ൽ പി​ൻ​ഡ് വാ​ര ഗ്രാ​മ​ത്തി​ലെ വീ​ടു​ക​ളു​ടെ ഭി​ത്തി​ക​ളി​ൽ "ബി​പി​എ​ൽ പ​രി​വാ​ർ​' എ​ന്നെ​ഴു​തി​യി​രി​ക്കു​ന്ന​തു കൗ​തു​ക​ത്തോ​ടെ വാ​യി​ച്ചി​രു​ന്നു. ഓ​ടു​മേ​ഞ്ഞ വീ​ടു​ക​ൾ. ന​മ്മു​ടെ നാ​ട്ടി​ലെ ഓ​ടു​ക​ളി​ൽ​നി​ന്നും പാ​കു​ന്ന രീ​തി​യി​ൽ​നി​ന്നും അ​വ​യ്ക്കു വ്യ​ത്യാ​സ​മു​ണ്ട്. അ​ത്ത​രം ഓ​ടു​പാ​ക​ൽ ത​മി​ഴ്നാ​ട്ടി​ൽ ചി​ല സ്ഥ​ല​ങ്ങ​ളി​ലും കാ​ണാം. പ​ര​ന്ന ഓ​ടു​ക​ൾ. ഒ​രു നി​ര പൊ​ങ്ങി​യും അ​ടു​ത്ത നി​ര താ​ഴ്ന്നും. ഇ​ട​യ്ക്കു രൂ​പ​പ്പെ​ടു​ന്ന പാ​ത്തി​പോ​ലു​ള്ള ചാ​ലി​ലൂ​ടെ മ​ഴ​വെ​ള്ളം ത​ട​സ​മി​ല്ലാ​തെ ഒ​ഴു​കി​പ്പോ​കും. രാ​ജ​സ്ഥാ​ന്‍റെ ച​രി​ത്ര​ത്തി​ലൂ​ടെ ഏ​റെ മ​ഴ​വെ​ള്ളം ക​ല​ങ്ങി ഒ​ഴു​കി​പ്പോ​യി​ട്ടു​ണ്ട്. അ​തി​ന്‍റെ ഇ​ങ്ങേ തീ​ര​ത്താ​ണ് പു​തി​യ ദാ​രി​ദ്ര്യപ്ര​ഖ്യാ​പ​ന വ​ഞ്ചി ഇ​റ​ക്കി​യി​രി​ക്കു​ന്ന​ത്.

മഴ അകന്പടി

മൗ​ണ്ട് അ​ബു​വി​ൽ​നി​ന്ന് ഉ​ദ​യ്പൂ​രി​ലേ​ക്കു​ള്ള യാ​ത്ര മ​ഴ​യു​ടെ അ​ക​ന്പ​ടി​യോ​ടെ ആ​യി​രു​ന്നു. രാ​ജ​സ്ഥാ​നി​ൽ കാ​ലം​തെ​റ്റി മ​ഴ​യാ​ണ്. പാ​ട​ങ്ങ​ളി​ൽ ത​ക​ര നി​റ​ഞ്ഞി​രി​ക്കു​ന്നു. എ​ങ്കി​ലും ത​ക​ര​യേ​ക്കാ​ൾ കൂ​ടു​ത​ൽ മു​ൾ​ച്ചെ​ടി​ക​ൾ​ത​ന്നെ. ത​മി​ഴ്നാ​ട്ടി​ൽ വ്യാ​പ​ക​മാ​യി കാ​ണു​ന്ന ഇ​ന​ത്തി​ലു​ള്ള​വ.

ക​ന​ത്ത മ​ഴമൂ​ലം ദേ​ശീ​യ​പാ​ത​യി​ൽ പ​ല​യി​ട​ത്തും ഗ​താ​ഗ​തം ത​ട​സ​പ്പെ​ട്ടി​രു​ന്ന​തി​നാ​ൽ മ​റ്റൊ​രു വ​ഴി​യി​ലൂ​ടെ​യാ​ണ് ജോ​ദ്പൂ​രി​ലേ​ക്കു പോ​യ​ത്.

തന്മൂ​ലം ഉ​ദ​യ്പൂ​ർ-​ജോ​ദ്പൂ​ർ യാ​ത്ര​യ്ക്കു വേ​ണ്ട ദൂ​രം 250 നു ​പ​ക​രം 400 കി​ലോ​മീ​റ്റ​റാ​യി. യാ​ത്ര​യു​ടെ ദൈ​ർ​ഘ്യം കൂ​ടി​യെ​ങ്കി​ലും മ​ഴ​ക്കാ​ലം മ​രു​ഭൂ​മി​യു​ടെ മെ​യ്യി​ൽ വ​ര​യ്ക്കു​ന്ന വ​ർ​ണ​ചി​ത്ര​ങ്ങ​ൾ കാ​ണാ​ൻ അ​വ​സ​ര​മൊ​രു​ങ്ങി. വി​വി​ധ​ത​രം ചെ​ടി​ക​ളും വ​ള്ളി​ക​ളും പ്രാ​ണി​ക​ളും ചി​ത്ര​ശ​ല​ഭ​ങ്ങ​ളു​മാ​യി മ​രു​ഭൂ​മി​യി​ൽ വ​സ​ന്തം വി​രു​ന്നു​വ​രു​ന്നു.

പാ​ട​ങ്ങ​ൾ പു​ഴ​ക​ളാ​യി​രി​ക്കു​ന്നു. മൂ​ന്നി​ട​ത്ത് വാ​ഹ​ന​ങ്ങ​ൾ മ​റി​ഞ്ഞു​കി​ട​ക്കു​ന്ന​തു ക​ണ്ടു. ക്രെ​യി​ൻ സ​ർ​വീ​സു​ക​ൾ അ​വ​യെ എ​ടു​ത്തു​യ​ർ​ത്താ​ൻ ശ്ര​മി​ക്കു​ന്നു. സ​ഞ്ചാ​രി​ക്കു മ​ഴ കൗ​തു​ക​മാ​വു​ന്പോ​ൾ കാ​ലം​തെ​റ്റി​വ​ന്ന പെ​രു​മ​ഴ രാ​ജ​സ്ഥാ​നി​ലെ ക​ർ​ഷ​ക​രു​ടെ ജീ​വി​തം അ​പ​ക​ട​ത്തി​ൽ​പ്പെ​ട്ട വാ​ഹ​നം​പോ​ലെ ത​രി​പ്പ​ണ​മാ​ക്കി​യി​രി​ക്കു​ന്നു. കൃ​ഷി​ന​ശി​ച്ച​തി​നാ​ൽ ക​ടം​ക​യ​റി ഈ ​വ​ർ​ഷം ഇ​തു​വ​രെ 12 ക​ർ​ഷ​ക​ർ ആ​ത്മ​ഹ​ത്യ ചെ​യ്തു.

ദോ​സ ജി​ല്ല​യി​ൽ​നി​ന്നു​ള്ള ഗ​ജേ​ന്ദ്ര​സിം​ഗ് എ​ന്ന ക​ർ​ഷ​ക​ൻ ഡ​ൽ​ഹി​യി​ൽ ആം ​ആ​ദ്മി പാ​ർ​ട്ടി ന​ട​ത്തി​യ റാ​ലി​ക്കി​ട​യി​ൽ തൂ​ങ്ങി​മ​രി​ച്ച​ത് ദേ​ശീ​യ​ത​ല​ത്തി​ൽ വ​ൻ​വി​വാ​ദ​മാ​യി​രു​ന്നു. വി​ക​സ​ന​പ്ര​വ​ർ​ത്ത​ന​ങ്ങ​ൾ​ക്കാ​യി കൃ​ഷി​ഭൂ​മി വാ​ങ്ങു​ന്ന​ത് എ​ളു​പ്പ​ത്തി​ലാ​ക്കി​യ മോ​ദി ഗ​വ​ണ്‍​മെ​ന്‍റി​ന്‍റെ ന​ട​പ​ടി​യി​ൽ പ്ര​തി​ഷേ​ധി​ച്ചു ന​ട​ത്തി​യ​താ​യി​രു​ന്നു റാ​ലി. കൃ​ഷി​നാ​ശം സം​ഭ​വി​ച്ചി​രു​ന്നെ​ങ്കി​ലും ആ​ത്മ​ഹ​ത്യ​ചെ​യ്യേ​ണ്ട വി​ധ​ത്തി​ൽ പ​രി​താ​പ​ക​ര​മാ​യി​രു​ന്നി​ല്ല ഗ​ജേ​ന്ദ്ര​സിം​ഗി​ന്‍റെ സാ​ന്പ​ത്തി​ക സ്ഥി​തി​യെ​ന്നാ​ണ് അ​ടു​ത്ത ബ​ന്ധു​ക്ക​ൾ പ​റ​ഞ്ഞ​ത്.

എ​ങ്കി​ൽ, എ​ന്തു​കൊ​ണ്ട്, സിം​ഗ് അ​തി​നാ​ട​കീ​യ​മാ​യ രീ​തി​യി​ൽ ത​ന്‍റെ ജീ​വ​ൻ ബ​ലി​ക​ഴി​ച്ചു? മ​രു​ഭൂ​മി​ക്കു വ​രു​ന്ന ദ്രു​ത​മാ​റ്റ​ങ്ങ​ൾ​പോ​ലെ​യാ​ണ് ഇ​വി​ട​ത്തെ മ​നു​ഷ്യ​രു​ടെ മ​ന​സും. മ​ണ​ൽ​ക്കൂ​ന​യി​ലെ യാ​ത്ര​പോ​ലെ മ​ന​സി​ലാ​ക്കു​ക ദു​ഷ്ക​രം.

ജോ​ദ്പൂ​രി​ൽ​നി​ന്ന് ജെ​യ്സ​ൽ​മ​റി​ലേ​ക്കു​ള്ള സ​ഞ്ചാ​ര​പ​ഥ​ത്തി​ൽ ഇ​രു​വ​ശ​വും മ​ണ​ൽ​ക്കാ​ടു​ക​ളാ​ണ്. രാ​ജ​സ്ഥാ​നി​ൽ ക​ഴി​ഞ്ഞ 10 വ​ർ​ഷ​ത്തി​ൽ ഏ​റ്റ​വും കൂ​ടു​ത​ൽ മ​ഴ​ല​ഭി​ച്ച ദി​ന​ങ്ങ​ളി​ലും ജെ​യ്സ​ൽ​മാ​റി​ൽ മ​ഴ​യി​ല്ല! ത​രി​ശു​ഭൂ​മി​ക​ളി​ൽ ആ​ടു​ക​ൾ മേ​യു​ന്നു. മു​ൾ​ച്ചെ​ടി​ക​ൾ തി​ന്ന് ആ​ടു​ക​ൾ​ക്കു വ​ള​രാം.

ആടുജീവിതങ്ങൾ



ജെ​യ്സ​ൽ​മാ​റി​ൽ​നി​ന്ന് ബി​ക്കാ​നീ​റി​ലേ​ക്കു പോ​കു​ന്പോ​ൾ ഇ​രു​വ​ശ​വും നോ​ക്കെ​ത്താ ദൂ​ര​ത്തോ​ളം മ​രു​ഭൂ​മി​യാ​ണ്. പൊ​രി​വെ​യി​ല​ത്ത് ആ​ടു​ക​ളെ​നോ​ക്കി കു​ത്തി​യി​രി​ക്കു​ന്ന ഇ​ട​യ​സ്ത്രീ​ക​ൾ. അ​വ​ർ മേ​യ്ക്കു​ന്ന ആ​ടു​ക​ളു​ടെ​യും അ​വ​രു​ടെ​യും ജീ​വി​ത​ങ്ങ​ൾ ത​മ്മി​ൽ വ​ലി​യ വ്യ​ത്യാ​സ​മി​ല്ലെ​ന്ന് ഒ​റ്റ​ക്കാ​ഴ്ച​യി​ൽ വാ​യി​ച്ചെ​ടു​ക്കാം. ഒ​രു​മാ​തി​രി ആ​ടു​ജീ​വി​ത​ങ്ങ​ൾ.

ഇ​ത്തി​രി​പ്പോ​ന്ന ആ​ട് കുറ്റിച്ചെ​ടി​ക​ൾ തി​ന്നു വ​ള​രു​ന്പോ​ൾ ഒ​ത്തി​രി​പ്പോ​ന്ന ഒ​ട്ട​കം കു​റ്റി​ച്ചെ​ടി​ക​ൾ മാ​ത്ര​മ​ല്ല പു​ല്ലും തി​ന്നു​ന്നു. പു​ല്ല് തി​ന്ന് അ​യ​വി​റ​ക്കു​ന്ന ഒ​ട്ട​ക​ത്തെ ക​ണ്ടു​നി​ല്ക്കു​ക ര​സ​ക​ര​മാ​ണ്. അ​തി​നേ​ക്കാ​ൾ കൗ​തു​കം നി​റ​ഞ്ഞ​താ​ണ് ഒ​ട്ട​ക​ത്തെ​ക്കൊ​ണ്ട് നി​ലം ഉ​ഴു​കു​ന്ന​ത്.

ഒട്ടകവും സായ്റാമും

നാ​ഗൂ​റി​ൽ​വ​ച്ചാ​ണ് ക​ർ​ഷ​ക​നാ​യ സാ​യ്റാ​മി​നെ ക​ണ്ട​തും സം​സാ​രി​ച്ച​തും. അ​യാ​ളു​ടെ പാ​ട​ത്ത് ബാ​ജ്റ വ​ള​രു​ന്നു. മും​ഗ് ഇ​ട​വി​ള​യാ​യു​ണ്ട്. കു​റ​ച്ചു​വ​ർ​ഷം മു​ന്പു​വ​രെ സാ​യ്റാം ഒ​ട്ട​ക​ത്തെ​ക്കൊ​ണ്ട് നി​ലം ഉ​ഴു​തി​രു​ന്നു. ഒ​ട്ട​ക​ത്തി​ന്‍റെ പി​ൻ​ഭാ​ഗ​ത്താ​ണ് ക​ല​പ്പ പി​ടി​പ്പി​ക്കു​ന്ന​ത്. ഞാ​നൊ​ന്നു​മ​റി​ഞ്ഞി​ല്ലേ എ​ന്ന മ​ട്ടി​ൽ ന​ട​ക്കു​ന്ന ഒ​ട്ട​ക​ത്തി​ന്‍റെ പി​റ​കി​ൽ ക​ല​പ്പ പി​ടി​ച്ചു ന​ട​ക്കു​ന്ന മ​നു​ഷ്യ​ൻ വ​ല്ലാ​ത്തൊ​രു ഫ​ലി​ത​മാ​ണ്. പാ​ട​ത്തി​നി​ട​യി​ൽ നി​ല്ക്കു​ന്ന ഉ​യ​ര​ത്തി​ലു​ള്ള മ​ര​ങ്ങ​ളി​ൽ​നി​ന്ന് ക​ഴു​ത്തു​നീ​ട്ടി ഇ​ല​ക​ടി​ച്ചു തി​ന്നു​ന്ന ഒ​ട്ട​കം മ​റ്റേ​തോ ഗ്ര​ഹ​ത്തി​ൽ​നി​ന്നു വ​ന്ന ​ജീ​വി​യാ​ണെ​ന്നു തോ​ന്നും.

കേ​ര​ള​ത്തി​ലെ​ത്തു​ന്ന സ​ഞ്ചാ​രി​ക​ൾ​ക്ക് ആ​ന കൗ​തു​ക​കാ​ഴ്ച​യാ​കു​ന്ന​തു​പോ​ലെ​യാ​ണ് രാ​ജ​സ്ഥാ​നി​ൽ ഒ​ട്ട​ക​വും. യാ​ത്ര​ക്കാ​രെ കാ​ത്തി​രി​ക്കു​ന്ന ഓ​ട്ടോ​റി​ക്ഷ ഡ്രൈ​വ​ർ​മാ​രെ​പ്പോ​ലെ ഒ​ട്ട​ക​വു​മാ​യി സ​ഞ്ചാ​രി​ക​ളെ കാ​ത്തു​നി​ല്ക്കു​ന്ന​വ​ർ ഏ​റെ​യാ​ണ്. തു​ട​ക്ക​ത്തി​ലു​ള്ള കൗ​തു​കം ക​ഴി​ഞ്ഞാ​ൽ അ​ത്ര സു​ഖ​ക​ര​മ​ല്ല ഒ​ട്ട​ക​പ്പു​റ​ത്തെ സ​വാ​രി. ന​മ്മു​ടെ നാ​ട്ടി​ൽ ഓ​ട്ടോ​റി​ക്ഷ​ക​ൾ വാ​ങ്ങി ദി​വ​സ​വാ​ട​ക​യ്ക്ക് ഓ​ടി​ക്കാ​ൻ കൊ​ടു​ക്കു​ന്ന​വ​രെ​പ്പോ​ലെ ഒ​ട്ട​ക​ങ്ങ​ളെ വാ​ട​ക​യ്ക്കു കൊ​ടു​ക്കു​ന്ന​വ​ർ രാ​ജ​സ്ഥാ​നി​ലു​ണ്ട്. ഒ​രു ഒ​ട്ട​ക​ത്തി​ന് 50 രൂ​പ​യാ​ണ് ദി​വ​സ​വാ​ട​ക. ടൂ​റി​സ്റ്റു​ക​ളെ ഒ​ത്തു​കി​ട്ടി​യാ​ൽ ദി​വ​സം 1500 രൂ​പ​വ​രെ സ​ന്പാ​ദി​ക്കാ​ൻ ക​ഴി​യും.

ന​മ്മു​ടെ നാ​ട്ടി​ലെ ആ​ന​പ്പാ​പ്പാന്മാ​രെ​പ്പോ​ലെ ഈ ​ഒ​ട്ട​ക​പ്പാ​പ്പാന്മാ​രും ഒ​ട്ട​ക​ത്തെ പീ​ഡി​പ്പി​ക്കു​ന്ന​തി​ൽ വ​ലി​യ തെ​റ്റ് കാ​ണാ​ത്ത​വ​രാ​ണ്. പി​ള്ളേ​രു​സെ​റ്റാ​ണ് ഇ​ക്കാ​ര്യ​ത്തി​ൽ മു​ന്നി​ൽ. ഭീ​മാ​കാ​ര​നാ​യ ഒ​ട്ട​ക​ത്തെ അ​വ​ർ കൊ​ച്ചു​കു​ട്ടി​യെ​പ്പോ​ലെ ക​ളി​പ്പി​ക്കു​ന്ന​ത് കാ​ണാ​ൻ ര​സ​മാ​ണെ​ങ്കി​ലും അ​തു പീ​ഡ​ന​മാ​ണോ പ്രീ​ണ​ന​മാ​ണോ​യെ​ന്നു മ​ന​സി​ലാ​വാ​ത്ത​തി​ന്‍റെ ശ​ങ്ക സ​ഞ്ചാ​രി​യു​ടെ മ​ന​സി​ൽ ഉ​ദി​ക്കും. പീ​ഡി​പ്പി​ക്കു​ന്ന​വ​ൻ മാ​ത്ര​മ​ല്ല ക​ണ്ടു​നി​ല്ക്കു​ന്ന​യാ​ളും പ്ര​തി​യാ​യാ​ലോ...

രാ​ജ​സ്ഥാ​ന്‍റെ ആ​സ്ഥാ​ന​മൃ​ഗ​മാ​ണ് ഒ​ട്ട​കം. മ​ഴ​ക്കാ​ലം ഒ​ട്ട​ക​ങ്ങ​ൾ​ക്ക് ഇ​ണ​ചേ​ര​ലി​ന്‍റെ ആ​ഹ്ലാ​ദ​വേ​ള​യാ​ണ്. ത​ങ്ങ​ളോ​ടൊ​പ്പ​മു​ള്ള പെ​ണ്‍​ഒ​ട്ട​ക​ങ്ങ​ളെ സം​ര​ക്ഷി​ക്കാ​നും വിട്ടു​കൊ​ടു​ക്കാ​തി​രി​ക്കാ​നും ആ​ണ്‍​ഒ​ട്ട​ക​ങ്ങ​ൾ ശ​ക്തി​പ്ര​യോ​ഗ​ത്തി​നു ത​യാ​റാ​കു​ന്നു. മ​ഴ​ക്കാ​ലം കാ​ലം​തെ​റ്റി നീ​ളു​ന്പോ​ൾ, ഒ​ട്ട​ക​ങ്ങ​ൾ പ്ര​ണ​യ​ഭ​രി​ത​രാ​യി വി​രാ​ജി​ക്കു​ന്പോ​ൾ അ​വ​രു​ടെ യ​ജ​മാ​നന്മാ​രാ​യ ക​ർ​ഷ​ക​ർ കൃ​ഷി​നാ​ശ​ത്തെ​ക്കു​റി​ച്ച് വേ​വ​ലാ​തി​പ്പെ​ട്ട് നെ​ഞ്ച​കം നെ​രി​പ്പോ​ടാ​ക്കു​ന്നു.

വെ​ളു​ത്തു​ള്ളി​ക്ക് വി​ല​യി​ടി​ഞ്ഞ​തു​മൂ​ലം രാ​ജ​സ്ഥാ​നി​ലെ ഹ​ദൗ​ട്ടി മേ​ഖ​ല​യി​ൽ ക​ഴി​ഞ്ഞ ര​ണ്ടാ​ഴ്ച​യ്ക്കി​ട​യി​ൽ ജീ​വ​നൊ​ടു​ക്കി​യ​ത് അ​ഞ്ചു ക​ർ​ഷ​ക​രാ​ണ്! ക​ഴി​ഞ്ഞ വ​ർ​ഷം ക്വി​ന്‍റ​ലി​ന് 5000 മു​ത​ൽ 7000 രൂ​പ​വ​രെ വി​ല​യു​ണ്ടാ​യി​രു​ന്ന വെ​ളു​ത്തു​ള്ളി​ക്ക് ഈ ​വ​ർ​ഷം വി​ല 2000 രൂ​പ​യി​ൽ താ​ഴെ​യാ​ണ്! മ​ഴ​യ്ക്കു​മു​ന്പേ വെ​ളു​ത്തു​ള്ളി​യു​ടെ വി​ള​വെ​ടു​പ്പ് ക​ഴി​ഞ്ഞ​തി​നാ​ൽ വി​ള​നാ​ശം സം​ഭ​വി​ച്ചി​ല്ല. ഹ​ദൗ​ട്ടി മേ​ഖ​ല​യി​ൽ മാ​ത്രം 10 ല​ക്ഷം മെ​ട്രി​ക് ട​ണ്‍ വെ​ളു​ത്തു​ള്ളി വി​ള​വെ​ടു​ത്തു. ക​ന​ത്ത വി​ള​വാ​ണ് വി​ല​യി​ടി​വി​നു കാ​ര​ണ​മാ​യ​ത​ത്രെ. മ​ഴ ക​ന​ത്താ​ലും വി​ള​വ് ക​ന​ത്താ​ലും ക​ർ​ഷ​ക​നു ക​ണ്ണീ​ർ മാ​ത്രം.

ക​ർ​ഷ​ക​രു​ടെ ക​ണ്ണീ​ർ ശേ​ഖ​രി​ച്ച് സ്ഫ​ടി​ക ഭ​ര​ണി​യി​ൽ നി​റ​ച്ചു പ്ര​ദ​ർ​ശി​പ്പി​ച്ചാ​ൽ കാ​ണാ​ൻ ആ​ളു​ക​ളു​ണ്ടാ​വു​മോ? വി​ചി​ത്ര​മാ​യ ഈ ​ചോ​ദ്യം മ​ന​സി​ൽ ഉ​ണ​ർ​ന്ന​ത് ഉ​ദ​യ്പൂ​ർ സി​റ്റി പാ​ല​സി​ൽ പ്ര​ദ​ർ​ശി​പ്പി​ച്ചി​ട്ടു​ള്ള രാ​ജ​കീ​യ വ​സ്തു​ക്ക​ളി​ൽ ഉ​ൾ​പ്പെ​ട്ട, രാ​ജാ​വി​ന്‍റെ ക്ലോ​സ​റ്റി​നു മു​ന്നി​ൽ നി​ല്ക്കു​ന്പോ​ഴാ​ണ്. ആ ​ക​ക്കൂ​സി​ന്‍റെ ഫോ​ട്ടോ എ​ടു​ക്കു​ന്ന വി​ദേ​ശ​സ​ഞ്ചാ​രി​ക​ളെ ക​ണ്ടു. അ​വ​രു​ടെ കൗ​തു​ക​ത്തി​ന് ആ​ധാ​ര​മാ​യ​തെ​ന്താ​വാം? ഇ​ന്ത്യ​യി​ലെ രാ​ജാ​വ് പ​ണ്ട് പ​റ​ന്പി​ല​ല്ല ക്ലോ​സ​റ്റി​ലാ​ണ് പ​ണി പ​ഠി​ച്ചി​രു​ന്ന​തെ​ന്ന അ​റി​വാ​ണോ? കൊ​ട്ടാ​ര​ത്തി​ൽ പ​തി​ച്ചി​രി​ക്കു​ന്ന ഇ​റ്റാ​ലി​യ​ൻ ടൈ​ൽ​സ് അ​ക്കാ​ല​ത്ത് അ​പൂ​ർ​വ​വും വി​ല​യേ​റി​യ​തു​മാ​യി​രു​ന്നു. ഇ​ന്ന് അ​വ​യേ​ക്കാ​ൾ കേ​മ​മാ​യ​തും വി​ല​കൂ​ടി​യ​തും ഇ​ന്ത്യ​യി​ലെ ധ​നാ​ഢ്യ​ർ അ​വ​രു​ടെ ക​ക്കൂ​സ് മു​റി​ക​ളി​ൽ പ​തി​ക്കു​ന്നു. സൂ​ക്ഷ്മ​ത​യു​ടെ സൗ​ന്ദ​ര്യ​മ​ല്ല അ​ന്പ​ര​പ്പി​ക്കു​ന്ന വ​ലി​പ്പ​മു​ള്ള കോ​ട്ട​ക​ളു​ടെ​യും കൊ​ട്ടാ​ര​ങ്ങ​ളു​ടെ​യും സ്ഥൂ​ല​ത​യു​ടെ പ്രൗ​ഢി​യാ​ണ് രാ​ജ​സ്ഥാ​നി​ൽ ശ്ര​ദ്ധേ​യ​മാ​കു​ന്ന​ത്.

പോളിയോ ബാധിച്ച രാജാവ്

ഉ​ദ​യ്പൂ​ർ രാ​ജ​വം​ശ​ത്തി​ലെ പോ​ളി​യോ ബാ​ധി​ച്ച ഒ​രു രാ​ജാ​വ് മ​ഹാ​കേ​മ​നാ​യി​രു​ന്നു. 600-ൽ​പ​രം ഭാ​ര്യ​മാ​രു​ണ്ടാ​യി​രു​ന്നു അ​ദ്ദേ​ഹ​ത്തി​ന്. അ​ത് വൃ​ഥാ​സ്ഥൂ​ല​മാ​യ ഒ​രു സ​ന്പാ​ദ്യ​മാ​യി​രു​ന്നി​ല്ല. ഓ​രോ രാ​ത്രി​യി​ലും കി​ട​പ്പ​റ​സ​ഖി ആ​രാ​ണെ​ന്ന് അ​റി​യി​ക്കാ​ൻ വെ​റ്റി​ല​യി​ൽ സു​ഗ​ന്ധം ത​ളി​ച്ച് കൊ​ടു​ത്തു​വി​ടും. അ​തു​മാ​യി വ​രു​ന്ന​വ​ളാ​ണ് അ​ന്ന​ത്തെ അ​ന്തി​ക്കൂ​ട്ട്.
രാ​ജ​സ്ഥാ​നി​ലെ സ്ത്രീ​പു​രു​ഷന്മാ​രു​ടെ സൗ​ന്ദ​ര്യ​ത്തെ​പ്പ​റ്റി പ്ര​മു​ഖ ചി​ത്ര​കാ​ര​നാ​യ എ. ​രാ​മ​ച​ന്ദ്ര​ന്‍റെ ശ്ര​ദ്ധേ​യ​ങ്ങ​ളാ​യ നി​രീ​ക്ഷ​ണ​ങ്ങ​ളു​ണ്ട്. രാ​ജ​സ്ഥാ​നി​ലെ ഹ്ര​സ്വ​മാ​യ കാ​ല​വ​ർ​ഷം​പോ​ലെ​യാ​ണ് കൗ​മാ​ര​പ്രാ​യ​ത്തി​ലെ​ത്തി​യ ഭീ​ലു​ക​ൾ.

കാ​ര​ണം, ബാ​ല്യ​ത്തി​ൽ​നി​ന്നും അ​വ​ർ മെ​ലി​ഞ്ഞ് സു​ന്ദ​രി​ക​ളാ​യ യു​വ​തി​ക​ളാ​യും ക​രു​ത്തു​റ്റ യു​വാ​ക്ക​ളാ​യും വ​ള​രെ​പ്പെ​ട്ടെ​ന്നു പ​രി​ണ​മി​ക്കു​ന്നു. നൂ​റു​ക​ണ​ക്കി​നു ഗോ​പി​ക​മാ​രെ​യും കൃ​ഷ്ണന്മാ​രെ​യും​പോ​ലെ അ​വ​ർ ആ ​മേ​ള​യി​ൽ പാ​ട്ടു​പാ​ടി ഉ​ല്ല​സി​ച്ച് ന​ട​ക്കും. എ​ന്നാ​ൽ, ക​ഷ്ട​മെ​ന്നു പ​റ​യ​ട്ടെ, വ​ള​രെ കു​റ​ഞ്ഞ കാ​ലം​കൊ​ണ്ടു​ത​ന്നെ ഒ​ന്നു​ര​ണ്ടു കു​ഞ്ഞു​ങ്ങ​ളു​ണ്ടാ​യി ക്ക​ഴി​യു​ന്പോ​ഴേ​ക്കും ചെ​റു​പ്പ​ക്കാ​രാ​യ ഈ ​ആ​ണ്‍​കു​ട്ടി​ക​ളും പെ​ണ്‍​കു​ട്ടി​ക​ളും മ​ധ്യ​വ​യ​സ്ക​രാ​യ സ്ത്രീ​പു​രു​ഷന്മാ​രാ​യി മാ​റു​ന്നു. എ​ണ്‍​പ​തു​ക​ളു​ടെ ഒ​ടു​വി​ൽ ഞാ​ൻ സ്കെ​ച്ചു​ചെ​യ്ത സു​ന്ദ​രി​ക​ളാ​യ പെ​ണ്‍​കു​ട്ടി​ക​ളെ ഇ​പ്പോ​ഴെ​നി​ക്ക് തി​രി​ച്ച​റി​യാ​നാ​വി​ല്ല. കാ​ര​ണം, ജീ​വി​ത​ത്തി​ന്‍റെ ക​ടു​ത്ത യാ​ഥാ​ർ​ഥ്യ​ങ്ങ​ൾ അ​വ​രെ അ​കാ​ല​വാ​ർ​ധ​ക്യ​ത്തി​ൽ എ​ത്തി​ച്ചി​രി​ക്കു​ന്നു. വ​ള​രെ കു​റ​ഞ്ഞ കാ​ലം​കൊ​ണ്ടു​ത​ന്നെ പൂ​വി​ട്ട് വാ​ടി​ക്കൊ​ഴി​യു​ന്ന ഈ ​ഉ​ർ​വ​ശി​മാ​രെ​യാ​ണ് ഞാ​ൻ വ​ര​യ്ക്കു​ന്ന​ത്. അ​വ​രി​ൽ ഞാ​ൻ ക്ലാ​സി​ക്ക​ൽ ഇ​ന്ത്യ​ൻ ക​ല​യു​ടെ അ​ന​ശ്വ​ര സൗ​ന്ദ​ര്യ​വും ലാ​വ​ണ്യ​വും ദ​ർ​ശി​ക്കു​ന്നു. കാ​ല​വ​ർ​ഷ​ത്തി​ന്‍റെ പ​ച്ച​പ്പാ​ർ​ന്ന ഈ ​കൊ​ച്ചു​ശ​ക​ല​ത്തി​ലാ​ണ് എ​ന്‍റെ ആ​ണ്‍​നോ​ട്ടം ആ​ണി​യ​ടി​ച്ചു നി​ർ​ത്തി​യി​രി​ക്കു​ന്ന​ത്.

രാ​ജ​സ്ഥാ​നി​ൽ മ​രു​ഭൂ​മി​യു​ടെ ഉ​ത്സ​വം അ​ര​ങ്ങേ​റു​ന്ന​ത് ജ​നു​വ​രി​യി​ലോ ഫെ​ബ്രു​വ​രി​യി​ലോ മൂ​ന്നു ദി​വ​സ​മാ​യി​ട്ടാ​ണ്. അ​തി​ൽ പ്ര​ധാ​ന​പ്പെ​ട്ട ഇ​ന​മാ​ണ് മീ​ശ​മ​ത്സ​രം. പ​ല രീ​തി​യി​ലും ആ​കൃ​തി​യി​ലും ക്ഷാ​ത്ര​വീ​ര്യ​ത്തോ​ടെ അ​വ​ത​രി​പ്പി​ക്ക​പ്പെ​ടു​ന്ന മീ​ശ​ക​ൾ ര​ജ​പു​ത്ത് ച​രി​ത്ര​ത്തി​ലെ ധീ​രോ​ദാ​ത്ത നാ​യ​കന്മാ​രു​ടെ ഓ​ർ​മ​ക​ൾ ഉ​ണ​ർ​ത്താ​ൻ പ​ര്യാ​പ്ത​മാ​ണ്. എ​ന്നാ​ൽ, ഓ​ർ​മ​ക​ളി​ലെ പ്ര​താ​പ​ങ്ങ​ള​ല്ല, വ​ർ​ത്ത​മാ​ന​കാ​ല​ത്തെ ക​ർ​ഷ​ക ആ​ത്മ​ഹ​ത്യ​യും ദാ​രി​ദ്ര്യവും കാ​ലം​തെ​റ്റി​യ മ​ഴ​യും മ​റ്റു​മാ​ണ് അ​വ​രു​ടെ മു​ന്നി​ലെ വേ​ദ​നി​പ്പി​ക്കു​ന്ന യാ​ഥാ​ർ​ഥ്യ​ങ്ങ​ൾ.

മാ​ണി പ​യ​സ്


Copyright @ 2022 , Rashtra Deepika Ltd.