പ​ക്ഷി​മൃ​ഗാ​ദി​ക​ൾ​ക്ക് പു​ത്ത​ൻ ഊ​ര്
ഭാ​വി ന​മ്മ​ൾ പോ​കു​ന്ന​യി​ട​മ​ല്ല, സൃ​ഷ്ടി​ക്കു​ന്ന​താ​ണ്. അ​തി​ലേ​ക്കു​ള്ള പാ​ത​ക​ൾ ക​ണ്ടെ​ത്തു​ന്ന​ത​ല്ല, നി​ർ​മി​ക്കു​ന്ന​താ​ണ്. ഈ ​പാ​ത​ക​ൾ നി​ർ​മാ​താ​വി​നെ​യും ല​ക്ഷ്യ​സ്ഥാ​ന​ത്തെ​യും മാ​റ്റു​ന്നു. -ഡോ. ​പീ​റ്റ​ർ എ​ല്യാ​ഡ്

അ​മേ​രി​ക്ക​യി​ലെ പ്ര​ശ​സ്ത​മാ​യ വു​ഡ്‌​ലാ​ൻ​ഡ് സൂ ​പാ​ർ​ക്കി​നു​വേ​ണ്ടി ദീ​ർ​ഘ​കാ​ല വി​ക​സ​ന​പ​ദ്ധ​തി ത​യാ​റാ​ക്കു​ന്പോ​ൾ ഓ​സ്ട്രേ​ലി​യ​ൻ മൃ​ഗ​ശാ​ലാ ഡി​സൈ​ന​റാ​യ ജോ​ണ്‍ കോ ​എ​ഴു​തി​ച്ചേ​ർ​ത്ത വ​രി​ക​ളാ​ണി​ത്. വ​ന്യ​ജീ​വി​സ​ങ്കേ​ത​ങ്ങ​ൾ​ക്കാ​യി പി​ന്നീ​ട​ദ്ദേ​ഹം പ​ദ്ധ​തി​ക​ൾ ത​യാ​റാ​ക്കു​ന്പോ​ഴെ​ല്ലാം ഓ​സ്ട്രേ​ലി​യ​ൻ എ​ഴു​ത്തു​കാ​ര​നും ഫ്യൂ​ച്ച​റി​സ്റ്റു​മാ​യ പീ​റ്റ​ർ എ​ല്യാ​ഡി​ന്‍റെ ഈ ​വ​രി​ക​ളെ കൂ​ടെ​ക്കൂ​ട്ടി. പ്ര​കൃ​തി​യി​ൽ ഇ​ട​പെ​ടു​ന്പോ​ൾ മ​റ​ക്കാ​ൻ പാ​ടി​ല്ലാ​ത്ത വ​രി​ക​ൾ.

വു​ഡ്‌​ലാ​ൻ​ഡ് സൂ ​പാ​ർ​ക്കി​ന്‍റെ മൂ​ന്നി​ര​ട്ടി​യോ​ളം വ​രു​ന്ന തൃ​ശൂ​രി​ലെ പു​ത്തൂ​ർ സു​വോ​ള​ജി​ക്ക​ൽ പാ​ർ​ക്കി​നാ​യി ക​രു​തി​വ​ച്ച​ത് അ​തി​ലും വ​ലി​യ അ​ദ്ഭു​ത​ങ്ങ​ളാ​ണ്. ഇ​ന്നു​വ​രെ നി​ർ​മി​ച്ച കൃ​ത്രി​മ ആ​വാ​സ​വ്യ​വ​സ്ഥ​ക​ളു​ടെ​യെ​ല്ലാം നേ​ട്ട​ങ്ങ​ൾ ഇ​വി​ടെ കാ​ണു​ന്നു​ണ്ടെ​ങ്കി​ൽ, മ​നു​ഷ്യ​രേ​ക്കാ​ൾ മൃ​ഗ​ങ്ങ​ളെ​യും പ​രി​സ്ഥി​തി​യെ​യും മു​ന്നി​ൽ​കാ​ണ​ണ​മെ​ന്നു ശ​ഠി​ച്ച ജോ​ൺ കോ​യും ഒ​പ്പം​നി​ന്ന ഏ​താ​നും മ​നു​ഷ്യ​രു​മാ​ണ​തി​നു കാ​ര​ണം. അ​വ​രു​ടെ നി​ശ്ച​യ​ദാ​ർ​ഢ്യ​ത്തി​ലൂ​ടെ കു​ന്നും പാ​റ​ക​ളും നി​റ​ഞ്ഞ പു​ത്തൂ​രി​ന്‍റെ മ​ല​ഞ്ചെ​രി​വി​ൽ പ​ച്ച​ത്ത​ഴ​പ്പു​ക​ൾ ത​ല​പൊ​ക്കു​ന്നു.

അ​വി​ടേ​ക്കു ലോ​ക​സ​ഞ്ചാ​ര​പാ​ത​ക​ൾ വ​ന്നു​മു​ട്ടു​ന്നു.
1985- തൃ​ശൂ​ർ ചെ​ന്പൂ​ക്കാ​വി​ലെ മൃ​ഗ​ശാ​ല​യു​ടെ നൂ​റാം വാ​ർ​ഷി​കം ആ​ഘോ​ഷി​ക്കു​ന്ന കാ​ലം. ഇ​ത്തി​രി സ്ഥ​ല​ത്തെ തി​ങ്ങി​നി​റ​ഞ്ഞ കൂ​ട്ടി​ൽ വീ​ർ​പ്പു​മു​ട്ടി​ച്ച​ത്ത കൃ​ഷ്ണ​മൃ​ഗ​ങ്ങ​ളെ തെ​രു​വു​നാ​യ്ക്ക​ൾ ക​ടി​ച്ചു​വ​ലി​ച്ചു. പ​തി​വു​സ​ന്ദ​ർ​ശ​ക​നാ​യി​രു​ന്ന വൈ​ലോ​പ്പി​ള്ളി ശ്രീ​ധ​ര​മേ​നോ​ൻ ഇ​ത​റി​ഞ്ഞു മ​നം​നൊ​ന്തെ​ഴു​തി​യ "കൃ​ഷ്ണ​മൃ​ഗ​ങ്ങ​ൾ’ എ​ന്ന ക​വി​ത ഏ​വ​രെ​യും പി​ടി​ച്ചു​ല​യ്ക്കാ​ൻ ത​ക്ക​താ​യി​രു​ന്നു.

...പ​ട്ട​ട​ഞ്ഞീ​ടു​ന്നു പാ​വ​ങ്ങ​ൾ, മാ​നു​ക​ൾ,
പ​ട്ടി​ക​ൾ പേ​ർ​ത്തും പെ​രു​കി​ടു​ന്നു
പൗ​ര​മ​നഃ​സാ​ക്ഷി പി​ന്നീ​ടു​ണ​ർ​ന്നി​തി​ൻ
കാ​ര​ണ കാ​ര്യ​ങ്ങ​ള​ന്വേ​ഷി​ക്കേ
ചൊ​ല്ലി​യ​ധി​കൃ​ത​ർ, പീ​ഡ​ബി​ൾ​യൂ​ഡി​ക്കാ​ർ
ക്ക​ല്ലീ ചു​മ​ത​ല, വേ​ലി​മൂ​ട്ടാ​ൻ?
13.5 ഏ​ക്ക​ർ സ്ഥ​ല​ത്തെ അ​ഞ്ഞൂ​റോ​ളം ജീ​വി​ക​ൾ​ക്കു മി​ക​ച്ച സൗ​ക​ര്യ​മൊ​രു​ക്ക​ണ​മെ​ന്ന ആ​വ​ശ്യ​ത്തി​ന്, ദു​ര​ന്ത​വും പി​ന്നാ​ലെ പി​റ​ന്ന ക​വി​ത​യും ആ​ക്കം​കൂ​ട്ടി. ഇ​തേ ആ​വ​ശ്യ​വു​മാ​യി ഫ്ര​ണ്ട്സ് ഓ​ഫ് സൂ ​എ​ന്ന സം​ഘ​ട​ന​യും പി​റ​ന്ന​തോ​ടെ 1994 മു​ത​ൽ ആ​ധു​നി​ക മൃ​ഗ​ശാ​ല​യ്ക്കാ​യി ശ്ര​മ​ങ്ങ​ൾ തു​ട​ങ്ങി. മൂ​ന്നു പ​തി​റ്റാ​ണ്ടി​ന്‍റെ സ​മ്മ​ർ​ദ​ങ്ങ​ൾ​ക്കൊ​ടു​വി​ലാ​ണ് സു​വോ​ള​ജി​ക്ക​ൽ പാ​ർ​ക്കെ​ന്ന സ്വ​പ്ന​പൂ​ർ​ത്തീ​ക​ര​ണ​ത്തി​ലേ​ക്കു ചു​വ​ടു​വ​യ്ക്കു​ന്ന​ത്.

മ​നു​ഷ്യ​ന്‍റെ ആ​ന​ന്ദ​ത്തി​നാ​യി വ​ന്യ​മൃ​ഗ​ങ്ങ​ളെ അ​ട​ച്ചി​ടു​ന്പോ​ൾ അ​വ​യ്ക്കു മി​ക​ച്ച സൗ​ക​ര്യ​മൊ​രു​ക്കേ​ണ്ട​തും മ​നു​ഷ്യ​രു​ടെ ഉ​ത്ത​ര​വാ​ദി​ത്വ​മാ​ണെ​ന്നു ഫ്ര​ണ്ട്സ് ഓ​ഫ് സൂ ​സെ​ക്ര​ട്ട​റി​യും ഗാ​ന്ധി​യ​നു​മാ​യ എം. ​പീ​താം​ബ​ര​ൻ ചൂ​ണ്ടി​ക്കാ​ട്ടു​ന്നു. ഏ​റെ പ്ര​തി​സ​ന്ധി​ക​ൾ​ക്കൊ​ടു​വി​ലാ​ണ് പു​ത്തൂ​രി​ൽ വ​ന്യ​ജീ​വി​സം​ര​ക്ഷ​ണ​ത്തി​നാ​യി 350 ഏ​ക്ക​ർ ക​ണ്ടെ​ത്തി​യ​ത്. മു​ന്പു പീ​ച്ചി​യും രാ​മ​വ​ർ​മ​പു​ര​വും നി​ർ​ദേ​ശി​ക്ക​പ്പെ​ട്ടെ​ങ്കി​ലും പ​ല കാ​ര​ണ​ങ്ങ​ൾ​കൊ​ണ്ടു മാ​റ്റി​വ​യ്ക്കു​ക​യാ​യി​രു​ന്നു.

ദു​ർ​ഘ​ട​വ​ഴി​ക​ൾ

മ്യൂ​സി​യം-​മൃ​ഗ​ശാ​ല വ​കു​പ്പി​ന്‍റെ കീ​ഴി​ലാ​യി​രു​ന്നു അ​ക്കാ​ല​ത്തു മൃ​ഗ​ശാ​ല​ക​ൾ. പാ​ർ​ക്കി​നാ​യി ക​ണ്ടെ​ത്തി​യ സ്ഥ​ലം വ​നം​വ​കു​പ്പി​ന്‍റെ കീ​ഴി​ലും. വ​കു​പ്പു​ക​ൾ​ക്കി​ട​യി​ലെ ത​ർ​ക്കം വ​ന്യ​ജീ​വി​കേ​ന്ദ്ര​ത്തി​നാ​യു​ള്ള ശ്ര​മ​ങ്ങ​ൾ ര​ണ്ടു പ​തി​റ്റാ​ണ്ടോ​ളം വീ​ണ്ടും വൈ​കി​ച്ചു. 2012ൽ ​സ​ർ​ക്കാ​ർ പാ​ർ​ക്കി​ന്‍റെ ചു​മ​ത​ല വ​നം​വ​കു​പ്പി​നു കൈ​മാ​റി​യ​തോ​ടെ ത​ർ​ക്ക​ത്തി​നു പ​രി​ഹാ​ര​മാ​യി.

അ​തി​ർ​ത്തി​നി​ർ​ണ​യ​ത്തി​നും പ്രാ​ഥ​മി​ക രൂ​പ​രേ​ഖ​യ്ക്കു​മാ​യി തൃ​ശൂ​ർ എ​ൻ​ജി​നി​യ​റിം​ഗ് കോ​ള​ജി​ലെ സി​വി​ൽ വി​ഭാ​ഗം സ​ഹാ​യി​ച്ചു. അ​ധ്യാ​പ​ക​രും നി​ര​വ​ധി വി​ദ്യാ​ർ​ഥി​ക​ളും ര​ണ്ടാ​ഴ്ച​യോ​ളം പ​രി​ശ്ര​മി​ച്ചു സ​ർ​വേ പൂ​ർ​ത്തി​യാ​ക്കി. അ​ള​ഗ​പ്പ​ന​ഗ​ർ ത്യാ​ഗ​രാ​ജാ​ർ പോ​ളി​ടെ​ക്നി​ക്കി​ന്‍റെ ക​മ്യൂ​ണി​റ്റി ടെ​ക്നി​ക് വി​ഭാ​ഗ​വും പു​ത്തൂ​ർ സാം​സ്കാ​രി​ക വി​ഭാ​ഗ പ​രി​ശീ​ല​ന​കേ​ന്ദ്ര​വും സം​യു​ക്ത​മാ​യി നി​ർ​ദി​ഷ്ട സ്ഥ​ല​ത്തി​നു ചു​റ്റു​മു​ള്ള താ​മ​സ​ക്കാ​രു​ടെ സാ​ന്പ​ത്തി​ക-​സാ​മൂ​ഹി​ക സ​ർ​വേ​യും പൂ​ർ​ത്തി​യാ​ക്കി.

ലോ​ക​പ്ര​ശ​സ്ത ഡി​സൈ​ന​റി​ലേ​ക്ക്

വ​ന്യ​ജീ​വി​സം​ര​ക്ഷ​ണ​ത്തി​ലൂ​ന്നി കൃ​ത്രി​മ ആ​വാ​സ​കേ​ന്ദ്ര​ങ്ങ​ൾ നി​ർ​മി​ക്കു​ന്ന​തി​ൽ വി​ദ​ഗ്ധ​നാ​യ ഓ​സ്ട്രേ​ലി​യ​ൻ ലാ​ൻ​ഡ്സ്കേ​പ് ആ​ർ​ക്കി​ടെ​ക്റ്റ് ജോ​ണ്‍ കോ ​പു​ത്തൂ​രി​ലെ​ത്തു​ന്ന​തും യാ​ദൃ​ച്ഛി​കം. 2011ൽ ​അ​ന്ന​ത്തെ വ​നം​മ​ന്ത്രി കെ.​ബി. ഗ​ണേ​ഷ്കു​മാ​ർ പു​ത്തൂ​ർ സ​ന്ദ​ർ​ശി​ച്ച ശേ​ഷം തൃ​ശൂ​ർ രാ​മ​നി​ല​യ​ത്തി​ൽ വി​ളി​ച്ചു​ചേ​ർ​ത്ത യോ​ഗ​ത്തി​ലാ​ണു കൂ​ടു​ത​ൽ നി​ർ​ദേ​ശ​ങ്ങ​ൾ ഉ​യ​ർ​ന്ന​ത്. യോ​ഗ​ത്തി​ലെ നി​ർ​ദേ​ശ​ങ്ങ​ൾ ഉ​ൾ​പ്പെ​ടു​ത്തി മാ​സ്റ്റ​ർ​പ്ലാ​ൻ വ​നം​വ​കു​പ്പി​ന്‍റെ വെ​ബ്സൈ​റ്റി​ൽ ന​ൽ​കി​യെ​ങ്കി​ലും നി​ർ​മാ​ണ​ത്തി​ന് ആ​രെ സ​മീ​പി​ക്കു​മെ​ന്ന​തി​ൽ ധാ​ര​ണ​യു​ണ്ടാ​യി​ല്ല.


ഒ​രു വ​ർ​ഷ​ത്തി​നു ശേ​ഷം സെ​മി​നാ​റി​ൽ പ​ങ്കെ​ടു​ക്കാ​ൻ ഡ​ൽ​ഹി​യി​ലെ​ത്തി​യ​പ്പോ​ഴാ​ണ് ജോ​ണ്‍ കോ​യെ പു​ത്തൂ​രി​ലേ​ക്കു ക്ഷ​ണി​ച്ച​ത്. പ​ദ്ധ​തി​പ്ര​ദേ​ശ​ത്തി​ന്‍റെ വൈ​വി​ധ്യം​ക​ണ്ട് അ​ന്പ​ര​ന്ന ജോ​ണ്‍, എ​ഴു​പ​താം വ​യ​സി​ലും ഒ​ന്പ​തു ത​വ​ണ​യെ​ങ്കി​ലും മു​ഴു​വ​ൻ സ്ഥ​ല​വും ന​ട​ന്നു​ക​ണ്ടു. കു​ന്നും സ​മ​ത​ല​വും താ​ഴ്‌​വാ​ര​വും മ​ര​ങ്ങ​ളു​മെ​ല്ലാം സ്വാ​ഭാ​വി​ക​മാ​യി​ത്ത​ന്നെ​യു​ള്ള ഭൂ​പ്ര​കൃ​തി, ജീ​വ​ജാ​ല​ങ്ങ​ൾ​ക്കാ​യു​ള്ള ആ​വാ​സ കേ​ന്ദ്ര​ത്തി​നു​ള്ള മി​ക​ച്ച​യി​ട​മാ​ണെ​ന്ന് അ​ദ്ദേ​ഹം വി​ല​യി​രു​ത്തി.

ഇ​ങ്ങ​നെ​യൊ​ന്നു കൃ​ത്രി​മ​മാ​യി ഒ​രു​ക്കാ​ൻ കോ​ടി​ക​ൾ വേ​ണ്ടി​വ​രും. പു​ത്തൂ​രി​നാ​യി പ്ര​കൃ​തി അ​തെ​ല്ലാം അ​റി​ഞ്ഞു​ന​ൽ​കി! 2012ൽ​ത​ന്നെ അ​ദ്ദേ​ഹം ത​യാ​റാ​ക്കി​യ പ്രോ​ജ​ക്ട് റി​പ്പോ​ർ​ട്ടി​നു സെ​ൻ​ട്ര​ൽ സൂ ​അ​ഥോ​റി​റ്റി അ​നു​മ​തി ന​ൽ​കി. 2016ൽ ​കി​ഫ്ബി നി​ർ​മാ​ണ​ത്തി​നു​ള്ള മു​ന്നൂ​റു കോ​ടി അ​നു​വ​ദി​ച്ച​തോ​ടെ പാ​ർ​ക്ക് നി​ർ​മാ​ണം യാ​ഥാ​ർ​ഥ്യ​ത്തി​ലേ​ക്കു കു​തി​ച്ചു.

മൃ​ഗ​ങ്ങ​ള​റി​യി​ല്ല, മ​നു​ഷ്യ​രെ​ത്തു​ന്ന​ത്!

മ​നു​ഷ്യ​ന്‍റെ സാ​ന്നി​ധ്യം ഒ​രു​ത​ര​ത്തി​ലും സ്വാ​ധീ​നി​ക്കാ​ത്ത ത​ര​ത്തി​ലാ​ണ് പു​ത്തൂ​രി​ലെ പാ​ർ​ക്കി​ന്‍റെ നി​ർ​മാ​ണ​മെ​ന്നു പാ​ർ​ക്കി​ന്‍റെ ഡ​യ​റ​ക്ട​ർ ആ​ർ. കീ​ർ​ത്തി പ​റ​ഞ്ഞു. അ​ത​തു മൃ​ഗ​ങ്ങ​ൾ​ക്കു പ​റ്റി​യ സ്ഥ​ല​ത്താ​ണ് അ​വ​യ്ക്കു​ള്ള കൂ​ടു​ക​ളും സ​ഞ്ചാ​ര​യി​ട​ങ്ങ​ളും ഒ​രു​ക്കി​യി​ട്ടു​ള്ള​ത്. കാ​ട്ടി​ൽ ഇ​ര​തേ​ടി വ​ള​ർ​ന്ന മൃ​ഗ​ങ്ങ​ൾ​ക്ക് അ​തി​നു സ​മാ​ന​മാ​യ ചെ​റി​യ പ്ര​വൃ​ത്തി​ക​ൾ​ക്കു​ള്ള സം​വി​ധാ​ന​ങ്ങ​ളു​മു​ണ്ടാ​കും.

എ​ല്ലാ കൂ​ടു​ക​ൾ​ക്കു ചു​റ്റി​ലും ഇ​ട​തൂ​ർ​ന്ന ചെ​ടി​ക​ളും മ​ര​ങ്ങ​ളും വ​ള​ർ​ത്തി സ്വാ​ഭാ​വി​ക ആ​വാ​സ​വ്യ​വ​സ്ഥ​യു​ണ്ടാ​ക്കും. മ​നു​ഷ്യ​ർ​ക്കും മൃ​ഗ​ങ്ങ​ൾ​ക്കു​മി​ട​യി​ലെ അ​തി​രു തി​രി​ച്ച​റി​യാ​നാ​കി​ല്ല. സ​ന്ദ​ർ​ശ​ക​രു​ടെ ന​ട​പ്പാ​ത​ക​ളും സ​ന്ദ​ർ​ശ​ന​മേ​ഖ​ല​യും താ​ഴ്ന്ന വി​താ​ന​ത്തി​ലും മൃ​ഗ​ങ്ങ​ളു​ടേ​ത് ഉ​യ​ർ​ന്ന വി​താ​ന​ത്തി​ലു​മാ​കും. വ​ന്യ​ജീ​വി​ക​ൾ​ക്കു മ​നു​ഷ്യ​സാ​ന്നി​ധ്യ​മു​ണ്ടാ​ക്കു​ന്ന സ​മ്മ​ർ​ദം കു​റ​യ്ക്കാ​നും ഇ​തു സ​ഹാ​യി​ക്കും.

പാ​ർ​ക്കു​മു​ഴു​വ​ൻ ഹ​രി​താ​ഭ​മാ​ക്കാ​ൻ 20,000 വി​വി​ധ ചെ​ടി​ക​ളും മ​ര​ങ്ങ​ളും കെ​എ​ഫ്ആ​ർ​ഐ​യു​ടെ നേ​തൃ​ത്വ​ത്തി​ലാ​ണു വ​ള​ർ​ത്തി​യെ​ടു​ക്കു​ന്ന​ത്. കാ​ലാ​വ​സ്ഥാ​വ്യ​തി​യാ​നം വ​ന്യ​ജീ​വി​ക​ളു​ടെ ഉ​ന്മൂ​ല​ന​ത്തി​ലേ​ക്കു ന​യി​ക്കു​ന്ന കാ​ല​ത്ത് അ​വ​യു​ടെ സം​ര​ക്ഷ​ണം​ത​ന്നെ​യാ​ണ് പാ​ർ​ക്കി​ന്‍റെ മു​ഖ്യ​ല​ക്ഷ്യം.
ആ​കെ സ്ഥ​ല​ത്തി​ന്‍റെ മു​ക്കാ​ൽ​ഭാ​ഗ​മാ​ണ് സു​വോ​ള​ജി​ക്ക​ൽ പാ​ർ​ക്കാ​യി വി​ക​സി​പ്പി​ക്കു​ക. ഭാ​വി​യി​ൽ ബാ​ക്കി​യു​ള്ള ഭാ​ഗം സ​ഫാ​രി പാ​ർ​ക്കാ​യും വി​ഭാ​വ​നം ചെ​യ്യു​ന്നു. ഈ ​വ​ർ​ഷം സെ​പ്റ്റം​ബ​റി​ൽ പാ​ർ​ക്ക് തു​റ​ക്കാ​നാ​കു​മെ​ന്ന പ്ര​തീ​ക്ഷ കീ​ർ​ത്തി പ​ങ്കു​വ​ച്ചു.

വ​ന്പ​ന്മാ​രു​ടെ ക​ൻ​ഹ സോ​ൺ

ക​ടു​വ​ക​ൾ​ക്കും പു​ള്ളി​പ്പു​ലി​ക​ൾ​ക്കും സിം​ഹ​ങ്ങ​ൾ​ക്കു​മാ​യി ക​ൻ​ഹ സോ​ണും വ​ര​ണ്ട​തും പാ​റ​ക്കെ​ട്ടു​ക​ൾ നി​റ​ഞ്ഞ​തു​മാ​യ ആ​ഫ്രി​ക്ക​യി​ലെ ആ​വാ​സ​വ്യ​വ​സ്ഥ​യു​ള്ള സു​ളു​ലാ​ൻ​ഡ് സോ​ണും വ​ര​യാ​ടു​ക​ൾ​ക്കും സിം​ഹ​വാ​ല​ൻ കു​ര​ങ്ങു​ക​ൾ​ക്കു​മൊ​ക്കെ​യാ​യി സൈ​ല​ന്‍റ് വാ​ലി സോ​ണു​ക​ളു​മ​ട​ക്കം ഒ​ന്പ​തു സോ​ണു​ക​ളും സം​ര​ക്ഷ​ണ​കേ​ന്ദ്ര​വും പാ​ർ​ക്കി​ലു​ണ്ടാ​കു​മെ​ന്നു പാ​ർ​ക്കി​ന്‍റെ ക്യു​റേ​റ്റ​റാ​യ അ​ശ്വി​നി പ​റ​ഞ്ഞു.


എ​ല്ലാ സോ​ണു​ക​ളും യ​ഥാ​ർ​ഥ ആ​വാ​സ​വ്യ​വ​സ്ഥ​യു​ടെ ചെ​റു​പ​തി​പ്പു​ക​ളാ​യി​രി​ക്കും. സു​ളു​ലാ​ൻ​ഡ് സോ​ണി​ൽ ആ​ഫ്രി​ക്ക​യി​ലെ ത​ന​തു​സ​മൂ​ഹ​ത്തി​ന്‍റെ വൃ​ത്താ​കൃ​തി​യി​ലു​ള്ള വീ​ടു​ക​ളു​ടെ മാ​തൃ​ക​യി​ലാ​യി​രി​ക്കും നി​ർ​മി​തി​ക​ൾ. ആ​ഫ്രി​ക്ക​യി​ൽ​നി​ന്നു​ള്ള ഹി​പ്പോ, ജി​റാ​ഫ്, സീ​ബ്ര, ഒ​ട്ട​ക​പ്പ​ക്ഷി എ​ന്നി​വ​യാ​കും ഇ​വി​ടെ​യു​ള്ള താ​മ​സ​ക്കാ​ർ.

ജ​ല​സ​സ്യ​ങ്ങ​ൾ​നി​റ​ഞ്ഞ ഹി​പ്പോ​ക​ളു​ടെ ആ​വാ​സ​യി​ട​ത്തി​നു മു​ക​ളി​ലൂ​ടെ ന​ട​ക്കാ​നു​ള്ള സൗ​ക​ര്യ​വു​മു​ണ്ട്. ക​ര​ടി​ക​ൾ​ക്കാ​യി ബി​യ​ർ സോ​ണും വ​ര​യാ​ടു​ക​ൾ​ക്കാ​യി കു​റ്റി​ച്ചെ​ടി​ക​ൾ നി​റ​ഞ്ഞ പ​ർ​വ​ത​വ​ന​ങ്ങ​ൾ ഉ​ൾ​പ്പെ​ട്ട സോ​ണും കാ​ട്ടു​നാ​യ്ക്ക​ൾ​ക്കും കു​റു​ന​രി​ക​ൾ​ക്കും ഹൈ​ന​ക​ൾ​ക്കു​മാ​യി പു​ൽ​മേ​ടു​ക​ളും കാ​ട്ടു​പോ​ത്തു​ക​ൾ​ക്കാ​യി മു​ള​ങ്കൂ​ട്ട​ങ്ങ​ൾ അ​തി​രി​ടു​ന്ന വ​ന​വും ഉ​ണ്ടാ​കും.

രാ​ത്രി​ജീ​വി​ക​ളെ​യും കാ​ണാം

വാ​ന​ര​ന്മാ​ർ​ക്കും പ​ക്ഷി​ക​ൾ​ക്കു​മാ​യി മ​ര​ക്കൊ​ന്പു​ക​ൾ​പോ​ലു​ള്ള കോ​ണ്‍​ക്രീ​റ്റ് നി​ർ​മി​തി​ക​ളാ​ണ് ആ​ദ്യ​ഘ​ട്ട​ത്തി​ൽ. സ്വാ​ഭാ​വി​ക​മ​ര​ങ്ങ​ൾ വ​ള​ർ​ന്നു​വ​ലു​താ​കു​ന്ന​തു​വ​രെ​യാ​കും ഇ​വ ഉ​പ​യോ​ഗി​ക്കു​ക. ഇ​വി​ടെ​യ​ല്ലാം ന​ട​ന്നെ​ത്തു​ന്ന​തി​നൊ​പ്പം ട്രാം ​റൈ​ഡു​മു​ണ്ടാ​കും. മൃ​ഗ​ങ്ങ​ളെ സു​ര​ക്ഷി​ത​മാ​യി നി​ന്നു​കാ​ണാ​ൻ പാ​റ​ക്കെ​ട്ടു​ക​ളി​ലെ വി​ട​വു​ക​ൾ​പോ​ലെ​യു​ള്ള പ്ര​ത്യേ​കം പോ​ക്ക​റ്റു​ക​ളു​മു​ണ്ടാ​കും.

രാ​ത്രി പ​ക​ലാ​ക്കു​ന്ന പ​ക്ഷി​മൃ​ഗാ​ദി​ക​ൾ​ക്കു പാ​ർ​ക്കാ​നും സു​വോ​ള​ജി​ക്ക​ൽ പാ​ർ​ക്കി​ൽ പ്ര​ത്യേ​കം ഇ​ട​മു​ണ്ട്. നൂ​ത​ന നി​ർ​മാ​ണ​രീ​തി​യും വെ​ളി​ച്ച​സം​വി​ധാ​ന​വു​മൊ​രു​ക്കി പ​ക​ൽ രാ​ത്രി​യു​ടെ​യും രാ​ത്രി​യി​ൽ പ​ക​ലി​ന്‍റെ​യും പ്ര​തീ​തി​യൊ​രു​ക്കു​ക​യാ​ണി​വി​ടെ. പ​ക​ൽ​സ​മ​യ​ത്തു രാ​ത്രി​യു​ടെ പ്ര​തീ​തി​യൊ​രു​ക്കു​ന്ന​തോ​ടെ രാ​ത്രി​സ​ഞ്ചാ​രി​ക​ളാ​യ വ​വ്വാ​ൽ, കു​ട്ടി​ത്തേ​വാ​ങ്ക്, മൂ​ങ്ങ, പാ​ന്പു​ക​ൾ എ​ന്നി​വ സ​ജീ​വ​മാ​കും. സ​ഞ്ചാ​രി​ക​ൾ​ക്ക് അ​ര​ണ്ട​വെ​ളി​ച്ച​ത്തി​ൽ നി​ലാ​വി​ലെ​ന്ന​പോ​ലെ ജീ​വി​ക​ളെ കാ​ണാ​ൻ ക​ഴി​യും.

350 ഏ​ക്ക​റി​ൽ

തൃ​ശൂ​ർ ന​ഗ​ര​ത്തി​ൽ​നി​ന്നു 12 കി​ലോ​മീ​റ്റ​ർ മാ​റി പു​ത്തൂ​രി​ലാ​ണ് സു​വോ​ള​ജി​ക്ക​ൽ പാ​ർ​ക്ക് ഒ​രു​ങ്ങു​ന്ന​ത്. 350 ഏ​ക്ക​ർ വി​സ്തൃ​തി. ചെ​ല​വ് 360 കോ​ടി. ഇ​ന്ത്യ​യി​ലെ ആ​ദ്യ സു​വോ​ള​ജി​ക്ക​ൽ പാ​ർ​ക്ക്. ഏ​ഷ്യ​യി​ലെ ഏ​റ്റ​വും വ​ലി​പ്പ​മേ​റി​യ പാ​ർ​ക്കു​ക​ളി​ലൊ​ന്ന്. പ്ര​തി​ദി​നം ഒ​ന്പ​തു​ല​ക്ഷം ലി​റ്റ​ർ ജ​ലം ആ​വ​ശ്യ​മാ​യി വ​രു​മെ​ന്നാ​ണ് ക​ണ​ക്ക്.

മ​ണ​ലി​പ്പു​ഴ​യി​ൽ​നി​ന്നു​ള്ള വെ​ള്ള​ത്തി​നു പു​റ​മേ, പാ​ർ​ക്കി​നോ​ടു ചേ​ർ​ന്നു​ള്ള പാ​റ​മ​ട​ക​ളി​ൽ​നി​ന്നു​ള്ള വെ​ള്ള​വും ഉ​പ​യോ​ഗി​ക്കും. വെ​റ്റ​റി​ന​റി ആ​ശു​പ​ത്രി സ​മു​ച്ച​യം, സ​ന്ദ​ർ​ശ​ക​ഗാ​ല​റി​ക​ൾ, റി​സ​പ്ഷ​ൻ ആ​ൻ​ഡ് ഓ​റി​യ​ന്‍റേ​ഷ​ൻ സെ​ന്‍റ​ർ, ട്രാം ​റോ​ഡു​ക​ൾ, സ​ന്ദ​ർ​ശ​ക​പാ​ത​ക​ൾ, ക​ഫ്റ്റീ​രി​യ, അ​ഡ്മി​നി​സ്ട്രേ​ഷ​ൻ ഓ​ഫീ​സ് സ​മു​ച്ച​യം, ക്വാ​ർ​ട്ടേ​ഴ്സു​ക​ൾ, ടോ​യ്‌​ല​റ്റ് ബ്ലോ​ക്കു​ക​ൾ എ​ന്നി​ങ്ങ​നെ അ​നു​ബ​ന്ധ​സൗ​ക​ര്യ​ങ്ങ​ളും അ​വ​സാ​ന​ഘ​ട്ട​ത്തി​ലാ​ണ്.

അ​തി​ഥി​ക​ൾ വ​രു​ന്നു...

ആ​ദ്യ​ഘ​ട്ട​ത്തി​ൽ പാ​ർ​ക്കി​ലെ​ത്തി​ച്ച ക​ടു​വ​ക​ളാ​യ ദു​ർ​ഗ​യും വൈ​ഗ​യും പു​ലി​ക്കു​ട്ടി​യാ​യ ലി​യോ​യും തൃ​ശൂ​ർ മൃ​ഗ​ശാ​ല​യി​ൽ​നി​ന്നെ​ത്തി​ച്ച പ​ക്ഷി​ക​ളും പ്ര​ദേ​ശ​വു​മാ​യും ജീ​വ​ന​ക്കാ​രു​മാ​യും ഇ​ണ​ങ്ങി. വ​യ​നാ​ട്ടി​ൽ​നി​ന്നെ​ത്തി​ച്ച ക​ടു​വ​യാ​യ രു​ദ്ര​നു തീ​വ്ര​പ​രി​ച​ര​ണം ന​ൽ​കി​വ​രു​ന്നു.

ഒ​ടു​വി​ലെ​ത്തി​യ​തു വ​യ​നാ​ട് ചൂ​ര​മ​ല​യി​ൽ​നി​ന്നു പി​ടി​കൂ​ടി​യ ക​ടു​വ​യാ​ണ്.​ഏ​പ്രി​ൽ-​മേ​യ് മാ​സ​ത്തോ​ടെ തൃ​ശൂ​ർ മൃ​ഗ​ശാ​ല​യി​ൽ​നി​ന്നു മൃ​ഗ​ങ്ങ​ളെ പൂ​ർ​ണ​മാ​യി മാ​റ്റും. തി​രു​വ​ന​ന്ത​പു​ര​ത്തു​നി​ന്നു മാ​ർ​ച്ചി​ൽ കാ​ട്ടു​പോ​ത്തി​നെ എ​ത്തി​ക്കും. ജൂ​ണി​ൽ അ​ന​ക്കോ​ണ്ട​യെ​യും കം​ഗാ​രു​വി​നെ​യും കൊ​ണ്ടു​വ​രും.

ജോ​ണ്‍ കോ

​പ്ര​ശ​സ്ത ഓ​സ്ട്രേ​ലി​യ​ൻ സൂ ​ഡി​സൈ​ന​ർ. 160 പ്രോ​ജ​ക്ടു​ക​ൾ. ഇ​തി​ൽ 85 കൃ​ത്രി​മ വ​ന്യ​ജീ​വി​സ​ങ്കേ​ത​ങ്ങ​ൾ. ഇ​വ​യെ​ല്ലാം​ത​ന്നെ ലോ​ക​പ്ര​ശ​സ്ത​മാ​ണ്. ഇ​ന്ത്യ​യി​ൽ കോ​യ​ന്പ​ത്തൂ​ർ മൃ​ഗ​ശാ​ല​യ്ക്കു​വേ​ണ്ട മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കി​യി​ട്ടു​ണ്ട്. അ​മേ​രി​ക്ക​യി​ലെ വു​ഡ്‌​ലാ​ൻ​ഡ് സൂ ​പാ​ർ​ക്ക് അ​ദ്ദേ​ഹ​ത്തി​ന്‍റെ മാ​സ്റ്റ​ർ പ്ലാ​നു​ക​ളി​ലൊ​ന്നാ​ണ്. പു​ത്തൂ​ർ സു​വോ​ള​ജി​ക്ക​ൽ പാ​ർ​ക്കി​ന്‍റെ ലോ​ഗോ​യാ​യ വ​ര​യാ​ട് അ​ട​ക്കം ജോ​ൺ കോ​യു​ടെ നി​ർ​ദേ​ശ​മാ​ണ്. വി​വി​ധ പാ​ർ​ക്കു​ക​ൾ സ​ന്ദ​ർ​ശി​ക്കു​ന്ന കു​ട്ടി​ക​ൾ വ​ര​യ്ക്കു​ന്ന ചി​ത്ര​ങ്ങ​ൾ​പോ​ലും ജോ​ൺ കോ ​അ​ടു​ത്ത പ​ദ്ധ​തി​നി​ർ​വ​ഹ​ണ​ത്തി​ൽ പ​രി​ഗ​ണി​ക്കാ​റു​ണ്ട്.

സി.​എ​സ്. ദീ​പു


Copyright @ 2022 , Rashtra Deepika Ltd.