ഫൈവ് സ്റ്റാർ പിഎസ്ജി
Wednesday, September 13, 2017 10:39 PM IST
ഗ്ലാ​സ്‌​ഗോ: പ​ണ​മെ​റി​ഞ്ഞ് ക​ളി​ക്കാ​രെ സ്വ​ന്ത​മാ​ക്കി​യ​ത് വെ​റു​തെ​യ​ല്ലെ​ന്ന് പാ​രി സാ​ന്‍ ഷെ​ര്‍മ​യി​ന്‍ വീ​ണ്ടും തെ​ളി​യി​ച്ചു. റി​ക്കാ​ര്‍ഡ് തു​ക ന​ല്കി പി​എ​സ്ജി സ്വ​ന്ത​മാ​ക്കി​യ നെ​യ്മ​ര്‍, എം​ബാ​പ്പ ഇ​വ​ര്‍ക്കൊ​പ്പം ക​വാ​നി​യും ത​ക​ര്‍ത്തു ക​ളി​ച്ച​പ്പോ​ള്‍ ഫ്ര​ഞ്ച് ക്ല​ബ്ബി​ന് ജ​യം. ചാന്പ്യൻസ് ലീഗ് ഫുട്ബോൾ ഗ്രൂ​പ്പ് ബി​യി​ലെ ആ​ദ്യ മ​ത്സ​ര​ത്തി​ല്‍ പി​എ​സ്ജി മ​റു​പ​ടി​യി​ല്ലാ​ത്ത അ​ഞ്ചു ഗോ​ളി​ന് സെ​ല്‍റ്റി​ക്കി​നെ ത​ക​ര്‍ത്തു. ലോ​ക​ത്തെ വി​ല​യേ​റി​യ താ​ര​ങ്ങ​ള്‍ മു​ന്‍നി​ര​യി​ല്‍ ത​ങ്ങ​ളു​ടെ വി​ല​യ​റി​ച്ച പ്ര​ക​ട​നം ന​ട​ത്തി.

ബാ​ഴ്‌​സ​ലോ​ണ​യി​ല്‍നി​ന്ന് പി​എ​സ്ജി​യി​ലെ​ത്തി​യ നെ​യ്മ​റു​ടെ ആ​ദ്യ യൂ​റോ​പ്യ​ന്‍ മ​ത്സ​ര​മാ​യി​രു​ന്നു. വി​ല​യ്‌​ക്കൊ​ത്ത പ്ര​ക​ട​നം പു​റ​ത്തെ​ടു​ത്ത നെ​യ്മ​ര്‍ ക​ള​ത്തി​ല്‍ നി​റ​ഞ്ഞു​നി​ന്ന മ​ത്സ​ര​മാ​യി​രു​ന്നു. ഗോ​ള​ടി​ക്കു​ക​യും ഗോ​ള​ടി​ക്കാ​ന്‍ അ​വ​സ​ര​മൊ​രു​ക്കു​ക​യും ചെ​യ്തു​കൊ​ണ്ട് ബ്ര​സീ​ലി​യ​ന്‍ താ​രം തി​ള​ങ്ങി. നെ​യ്മ​റി​നൊ​പ്പം കൈ​ലി​യ​ന്‍ എം​ബാ​പ്പെ, എ​ഡി​ന്‍സ​ണ്‍ ക​വാ​നി എ​ന്നി​വ​രും എ​ത്തി.

19-ാം മി​നി​റ്റി​ല്‍ നെ​യ്മ​ര്‍ ഗോ​ള​ടി​ക്കു തു​ട​ക്ക​മി​ട്ടു. മി​ക​ച്ചൊ​രു ഫി​നി​ഷിം​ഗി​ലൂ​ടെ​യാ​ണ് ബ്ര​സീ​ലി​യ​ന്‍ താ​രം വ​ല​കു​ലു​ക്കി​യ​ത്. 34-ാം മി​നി​റ്റി​ല്‍ എം​ബാ​പ്പെ ക്ലോ​സ് റേ​ഞ്ചി​ല്‍നി​ന്ന് സെ​ല്‍റ്റി​ക്കി​ന്‍റെ വ​ല​യി​ല്‍ നി​റ​യൊ​ഴി​ച്ചു. ഇ​ട​വേ​ള​യ്ക്കു പി​രി​യു​ന്ന​തി​ന് അ​ഞ്ച് മി​നി​റ്റ് മു​മ്പ് ക​വാ​നി​യു​ടെ സ്‌​പോ​ട് കി​ക്കും സെ​ല്‍റ്റി​ന്‍റെ വ​ല​യി​ല്‍ വീ​ണു. സ​ന്ദ​ര്‍ശ​കര്‍ക്ക് അ​ടു​ത്ത ഗോ​ള്‍ നേ​ടാ​ന്‍ 83-ാം മി​നി​റ്റ് വ​രെ കാ​ത്തി​രി​ക്കേ​ണ്ടി​വ​ന്നു. മി​ക്ക​ല്‍ ല​സ്റ്റി​ഗി​ന്‍റെ സെ​ല്‍ഫ് ഗോ​ള്‍ പി​എ​സ്ജി​യു​ടെ ലീ​ഡ് നാ​ലാ​ക്കി മാ​റ്റി. ര​ണ്ടു മി​നി​റ്റ് ക​ഴി​ഞ്ഞ ക​വാ​നി​യു​ടെ ഹെ​ഡ​ര്‍ സെ​ല്‍റ്റി​ക് വ​ല തു​ള​ച്ചു. വ​ന്‍ താ​ര​ങ്ങ​ളു​മാ​യി പി​എ​സ്ജി ഇ​ത്ത​വ​ണ ചാ​മ്പ്യ​ന്‍സ് ലീ​ഗ് കി​രീ​ട​മാ​ണ് ല​ക്ഷ്യ​മി​ടു​ന്ന​ത്. വി​ല​യേ​റി​യ താ​രം നെ​യ്മ​റി​നൊ​പ്പം വാ​യ്പ വ്യ​വ​സ്ഥ​യി​ല്‍ ക​ളി​ക്കു​ന്ന എം​ബാ​പ്പെ അ​ടു​ത്ത സീ​സ​ണി​ല്‍ 18 കോ​ടി യൂ​റോ​യ്ക്ക് ക്ല​ബ്ബി​ല്‍ സ്ഥിര​മാ​കും. ഇ​വ​ര്‍ക്കൊ​പ്പം 2013ല്‍ 6.4 ​കോ​ടി യൂ​റോ​യ്ക്ക് പി​എ​സ്ജ​യി​ലെ​ത്തി​യ ക​വാ​നി​യും ചേ​ര്‍ന്ന​പ്പോ​ള്‍ ച​രി​ത്ര​ത്തി​ല്‍ ഏ​റ്റ​വും വി​ല​യേ​റി​യ മു​ന്നേ​റ്റ​നി​ര​യാ​യി. ഇ​വ​ര്‍ക്കെ​തി​രേ അ​ശ​ക്ത​രാ​യി​രു​ന്നു സെ​ല്‍റ്റി​ക് നി​ര.

പെ​നാ​ല്‍റ്റി ഏ​രി​യ​യു​ടെ ഇ​ട​തു​വ​ശ​ത്തു​നി​ന്ന് നെ​യ്മ​ര്‍ തൊ​ടു​ത്ത പ​ന്ത് ഗോ​ള്‍കീ​പ്പ​ര്‍ ക്രെ​യ്ഗ് ഗോ​ര്‍ഡ​ന്‍റെ ത​ല​യ്ക്കു മു​ക​ളി​ലൂ​ടെ വ​ല​യി​ല്‍ പ​തി​ച്ചു. 34-ാം മി​നി​റ്റി​ല്‍ ര​ണ്ടാം ഗോ​ള്‍ വ​ന്നു. നെ​യ്മ​ര്‍ ഹെ​ഡ​റി​ലൂ​ടെ ന​ല്‍കി​യ ക്രോ​സ് ക്ലോ​സ് റേ​ഞ്ചി​ല്‍നി​ന്ന് എം​ബാ​പ്പെ വ​ല​യ്ക്കു​ള്ളി​ലാ​ക്കി. ആ​ദ്യം പ​ന്ത് ല​ഭി​ച്ച​ത് ക​വാ​നി​ക്കാ​യി​രു​ന്നു. ഉ​റു​ഗ്വെ​ന്‍ താ​ര​ത്തി​ന് പ​ന്ത് ക​ണ​ക്ട് ചെ​യ്യാ​നാ​യി​ല്ല. ആ​ദ്യ പ​കു​തി തീ​രും​മു​മ്പ് ജോ​സോ സി​മു​നോ ക​വാ​നി​യെ വീ​ഴ്ത്തി​യ​തി​നു ല​ഭി​ച്ച പെ​നാ​ല്‍റ്റി. ഉ​റു​ഗ്വെ​ന്‍ താ​രം കൃ​ത്യ​മാ​യി വ​ല​യി​ലെ​ത്തി​ച്ചു.


ര​ണ്ടാം പ​കു​തി​യി​ല്‍ നെ​യ്മ​ര്‍ ന​ല്ലൊ​രു അ​വ​സ​രം ന​ഷ്ട​മാ​ക്കി. അ​ടു​ത്ത ഗോ​ള്‍ നേ​ടാ​ന്‍ 83-ാം മി​നി​റ്റ് വ​രെ കാ​ത്തി​രി​ക്കേ​ണ്ടി​വ​ന്നു. ല​സ്റ്റ്‌​ലി​ഗി​ന്‍റെ സ്വ​ന്തം വ​ല കു​ലു​ക്കു​ക​യാ​യി​രു​ന്നു. ക​ളി തീ​രാ​ന്‍ അ​ഞ്ചു മി​നി​റ്റു​ള്ള​പ്പോ​ള്‍ ക​വാ​നി​യു​ടെ ഹെ​ഡ​ര്‍ ഗോ​ര്‍ഡ​നെ ക​ട​ന്നു.

മാഞ്ചസ്റ്റർ 3, ബാസൽ 0

മാ​ഞ്ച​സ്റ്റ​ര്‍ യു​ണൈ​റ്റ​ഡ് 3-0ന് ​എ​ഫ്സി ബാ​സ​ലി​നെ തോ​ല്‍പ്പി​ച്ചു. മാ​ഞ്ച​സ്റ്റ​റി​ന്‍റെ ഓ​ള്‍ഡ് ട്രാ​ഫോ‍ഡി​ല്‍ന​ട​ന്ന ഗ്രൂ​പ്പ് എ ​മ​ത്സ​ര​ത്തി​ല്‍ യു​ണൈ​റ്റ​ഡി​ന്‍റെ റൊ​മേ​ലു ലു​ക്കാ​ക്കു​വും മാ​ര്‍ക​സ് റ​ഷ്‌​ഫോ​ര്‍ഡും ചാ​മ്പ്യ​ന്‍സ് ലീ​ഗി​ല്‍ ത​ങ്ങ​ളു​ടെ ആ​ദ്യ ഗോ​ള്‍ നേ​ടി. പ​ക​ര​ക്കാ​ര​നാ​യി നേ​ര​ത്തെ എ​ത്തി​യ മൗ​റോ​ണ്‍ ഫെ​ല്ലേ​നി 35-ാം മി​നി​റ്റി​ല്‍ ഹെ​ഡ​റി​ലൂ​ടെ ഗോ​ള​ടി​ച്ചു. 53-ാം മി​നി​റ്റി​ല്‍ ലു​ക്കാ​ക്കു​വി​ന്‍റെ ഹെ​ഡ​ര്‍ യു​ണൈ​റ്റ​ഡി​ന്‍റെ ലീ​ഡ് ഉ​യ​ര്‍ത്തി. പ​ക​ര​ക്കാ​ര​നാ​യി ഇ​റ​ങ്ങി​യ റ​ഷ്‌​ഫോ​ര്‍ഡ് 84-ാം മി​നി​റ്റി​ല്‍ ചാ​മ്പ്യ​ന്‍സ് ലീ​ഗി​ല്‍ ത​ന്‍റെ ആ​ദ്യ ഗോ​ള്‍ നേ​ടി.

ചെൽസിക്കു വൻ ജയം

ല​ണ്ട​ന്‍: ചെ​ല്‍സി​ക്ക് വീ​മ്പി​ള​ക്കാ​ന്‍ പാ​ക​ത്തി​ല്‍ ഒ​രു വി​ജ​യം കൂ​ടി. ചൊ​വ്വാ​ഴ്ച ചാ​മ്പ്യ​ന്‍സ് ലീ​ഗി​ല്‍ അ​സ​ര്‍ബൈ​ജാ​ന്‍ ക്ല​ബ്ബാ​യ ക്വാ​റാ​ബാ​ഗി​നു മേ​ല്‍ ചെ​ല്‍സി ഗോ​ള്‍മ​ഴ പെ​യ്യി​ച്ചു. നി​ശ്ചി​ത ഇ​ട​വേ​ള​ക​ളി​ല്‍ ക്വാ​റാ​ബാ​ഗി​ന് പ്ര​ഹ​ര​ങ്ങ​ൾ കി​ട്ടി​ക്കൊ​ണ്ടി​രു​ന്നു. പ്ര​ഹ​ര​ത്തി​നു​മേ​ല്‍ പ്ര​ഹ​ര​മെ​ന്ന വ​ണ്ണം ക്വാ​റാ​ബാ​ഗി​ന് ഒ​രു സെ​ല്‍ഫ്‌​ഗോ​ള്‍ കൂ​ടി​യാ​യ​പ്പോ​ള്‍ ചെ​ല്‍സി​യു​ടെ വി​ജ​യം പൂ​ര്‍ണം. 6-0 എ​ന്ന തി​ക​ച്ചും ഏ​ക​പ​ക്ഷീ​യ​മാ​യ വി​ജ​യം ചെ​ല്‍സി​ക്ക് റി​ക്കാ​ര്‍ഡ് ആ​വ​ര്‍ത്ത​ന​മാ​യി.

ക​ളി തു​ട​ങ്ങി അ​ഞ്ചാം മി​നി​ട്ടി​ല്‍ പെ​ഡ്രോ​യു​ടെ ആ​ദ്യ​ഗോ​ളോ​ടെ​യാ​ണ് ചെ​ല്‍സി തേ​രോ​ട്ടം തു​ട​ങ്ങി​യ​ത്. മു​പ്പ​താം മി​നി​ട്ടി​ല്‍ സാ​പ്പ​കോ​സ്റ്റ, അ​മ്പ​ത്തി​യ​ഞ്ചാം മി​നി​റ്റി​ല്‍ അ​സ്പി​ലി​ക്യു​റ്റ, എ​ഴു​പ​ത്തൊ​ന്നാം മി​നി​ട്ടി​ല്‍ ബ​ക്കാ​യോ​കോ, എ​ഴു​പ​ത്താ​റാം മി​നി​ട്ടി​ല്‍ ബാ​റ്റ്ഷൂ​യി എ​ന്നി​വ​രും ക്വാ​റാ​ബാ​ഗി​ന്‍റെ വ​ല​യി​ള​ക്കി. 82-ാം മി​നി​ട്ടി​ലാ​യി​രു​ന്നു ക്വാ​റാ​ബാ​ഗി​ന്‍റെ മെ​ദ്വെ​ദേ​വ് സെ​ല്‍ഫ് ഗോ​ളു​മാ​യി എ​ത്തി​യ​ത്.

അ​ന്‍റോ​ണി​യോ കോ​ന്‍റെ​യു​ടെ ചു​ണ​ക്കു​ട്ടി​ക​ള്‍ ക​രു​തി​ക്കൂ​ട്ടി​യാ​ണ് ക​ള​ത്തി​ലി​റ​ങ്ങി​യ​ത്. താ​ര​ത​മ്യേ​ന ദു​ര്‍ബ​ല​രാ​യ ക്വാ​റാ​ബാ​ഗി​നെ പോ​ലും നി​സാ​ര​മാ​യി ക​ണ​ക്കാ​ക്കാ​ത്ത സ​മീ​പ​ന​മാ​യി​രു​ന്നു ടീ​മി​ന്‍റേ​ത്.

പെ​ഡ്രോ​യു​ടെ അ​ര്‍പ്പ​ണ​ബോ​ധ​ത്തോ​ടെ​യു​ള്ള പ​രി​ശ്ര​മം അ​ഞ്ചാം മി​നി​ട്ടി​ല്‍ ത​ന്നെ ചെ​ല്‍സി​ക്ക് മേ​ല്‍ക്കൈ ന​ല്‍കി. സ​പ്പ​കോ​സ്റ്റ , ചെ​ല്‍സി​ക്കു വേ​ണ്ടി നേ​ടു​ന്ന ആ​ദ്യ​ഗോ​ള്‍ കൂ​ടി​യാ​ണി​ത്. ഫ്ര​ഞ്ച് മി​ഡ്ഫീ​ല്‍ഡ​ര്‍ ബ​ക്കാ​യോ​കോ​വി​ന്‍റെ​യും ആ​ദ്യ ചെ​ല്‍സി ഗോ​ളാ​യി​രു​ന്നു താ​രം നേ​ടി​യ​ത്. പു​തു​മു​ഖ​ങ്ങ​ളെ വ​ച്ചു​ള്ള കോ​ന്‍റെ​യു​ടെ സാ​ഹ​സി​ക​പ​രീ​ക്ഷ​ണം വി​ജ​യം ക​ണ്ടു.