Sports News
മൌറീഞ്ഞോ പരിശീലകനാകുമെന്ന വാദം വാന്‍ ഗാല്‍ തള്ളി
Monday, February 8, 2016 12:38 AM IST
ലണ്ടന്‍: ചെല്‍സിയുടെ പോര്‍ച്ചുഗീസ് പരിശീലകന്‍ ഹൊസെ മൌറീഞ്ഞോ മാഞ്ചസ്റര്‍ യുണൈറ്റഡ് പരിശീലകനാകുമെന്ന വാര്‍ത്തകള്‍ ഇപ്പോഴത്തെ പരിശീലകന് ലൂയിസ് വാന്‍ ഗാല്‍ നിഷേധിച്ചു.

ഹൊസെ മൌറീഞ്ഞോ മാഞ്ചസ്റര്‍ യുണൈറ്റഡിലേക്ക് ചേക്കേറാന്‍ തയാറെടുക്കുന്നതായി റിപ്പോര്‍ട്ടുകളുണ്ടായിരുന്നു. നിലവിലെ യുണൈറ്റഡ് പരിശീലകന്‍ ലൂയിസ് വാന്‍ ഗാലിനെ മാറ്റി മൌറീഞ്ഞോയെ ക്ളബ്ബിലെത്തിക്കാനാണ് യുണൈറ്റഡ് പദ്ധതിയിടുന്നതെന്നായിരുന്നു വാര്‍ത്ത.

പ്രീമിയര്‍ ലീഗില്‍ ചെല്‍സി പരിശീലകനായിരുന്ന മൌറീഞ്ഞോയെ ക്ളബ്ബിന്റെ മോശം പ്രകടനത്തെ തുടര്‍ന്ന് പരിശീലക സ്ഥാനത്തുനിന്ന് നീക്കിയിരുന്നു. ഗൂസ് ഹിഡിങ്കാണ് മൌറീഞ്ഞോയ്ക്കു പകരക്കാരനായി ചെല്‍സിയിലെത്തിയത്. ഇതിനു പിന്നാലെ മൌറീഞ്ഞോ യുണൈറ്റഡുമായി ചര്‍ച്ചകള്‍ ആരംഭിച്ചതായാണ് റിപ്പോര്‍ട്ടുകള്‍. ഈ സീസണ്‍ അവസാനത്തോടെ മൌറീഞ്ഞോ യുണൈറ്റഡിലെത്തുമെന്നും റിപ്പോര്‍ട്ടുകളുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.