തിരുവനന്തപുരം: രാജ്യത്തെ സ്റ്റാർട്ടപ്പ് അന്തരീക്ഷവും നയങ്ങളും നവീകരണവും പ്രോത്സാപ്പിക്കുക എന്ന ലക്ഷ്യത്തോടെ സംഘടിപ്പിച്ച ‘സ്റ്റാർട്ടപ്പ് മഹാകുംഭ് 2024’ ൽ ശ്രദ്ധേയമായി കേരള സ്റ്റാർട്ടപ്പ് മിഷനു കീഴിലുള്ള സ്റ്റാർട്ടപ്പുകൾ. ന്യൂഡൽഹിയിൽ നടന്ന മൂന്നു ദിവസത്തെ പരിപാടിയിൽ കേരളത്തിൽ നിന്നുള്ള ഒന്പതു സ്റ്റാർട്ടപ്പുകൾ ഉത്പന്നങ്ങളും സേവനങ്ങളും പ്രദർശിപ്പിച്ചു.
അസോചം, നാസ്കോം, ബൂട്ട്സ്ട്രാപ്പ് ഇൻകുബേഷൻ ആൻഡ് അഡ്വൈസറി ഫൗണ്ടേഷൻ, ടൈ, ഇന്ത്യൻ വെഞ്ച്വർ ആൻഡ് ആൾട്ടർനേറ്റ് കാപ്പിറ്റൽ അസോസിയേഷൻ (ഐവിസിഎ) എന്നിവർ സംയുക്തമായി സംഘടിപ്പിച്ച പരിപാടിക്ക് ഡിപ്പാർട്ട്മെന്റ് ഫോർ പ്രമോഷൻ ഓഫ് ഇൻഡസ്ട്രി ആൻഡ് ഇന്റേണൽ ട്രേഡിന്റെ (ഡിപിഐഐടി) പിന്തുണയുണ്ട്.
കേരളത്തിലെ സ്റ്റാർട്ടപ്പുകളുടെ ഉത്പന്നങ്ങളും സേവനങ്ങളും ’സ്റ്റാർട്ടപ്പ് മഹാകുംഭ് 2024’ൽ പ്രദർശിപ്പിക്കാൻ സാധിച്ചത് സുപ്രധാന ചുവടുവയ്പാണെന്ന് കെഎസ്യുഎം സിഇഒ അനൂപ് അംബിക പറഞ്ഞു. ഇന്ത്യയിലെ പുത്തൻ സാങ്കേതികവിദ്യകൾ ആഗോള സംരംഭക മേഖലയിൽ പരിചയപ്പെടുത്താനുള്ള സവിശേഷ വേദിയാണിത്.
വിവിധ രാജ്യങ്ങളിൽ നിന്നുള്ള ആയിരത്തിലധികം സ്റ്റാർട്ടപ്പുകൾ പങ്കെടുത്ത പരിപാടിയിൽ യൂണികോണ് സ്റ്റാർട്ടപ്പുകൾ, വെഞ്ച്വർ കാപിറ്റലിസ്റ്റുകൾ, കോർപറേറ്റുകൾ, വ്യവസായ പ്രമുഖർ തുടങ്ങിയവർ പങ്കെടുത്തു.
ഡെയ്ൽ വിഹാരി ട്രിപ്സ്, പിക്കി അസിസ്റ്റ്, അപ്പോത്തിക്കരി മെഡിക്കൽ സർവീസസ്, ആൽഫഗീക് എന്റർപ്രൈസസ്, ഷഡംഗ ആയുർവേദ്, വെന്റപ്പ് വെഞ്ച്വേഴ്സ്, ബസ്ക്യാച്, ബെൻലികോസ്, ആക്രി ഇംപാക്ട് എന്നിവയാണ് ‘സ്റ്റാർട്ടപ്പ് മഹാകുംഭ് 2024’ൽ കേരളത്തിൽനിന്ന് പങ്കെടുത്ത സ്റ്റാർട്ടപ്പുകൾ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.