ബിഎസ്എന്‍എല്‍ റോമിംഗ് നിരക്ക് കുറച്ചു
Sunday, May 3, 2015 12:08 AM IST
കോല്‍ക്കത്ത: പൊതുമേഖലാ ടെലിക്കോം സേവനദാതാക്കളായ ബിഎസ്എന്‍എല്‍ പ്രീ-പെയ്ഡ്, പോസ്റ്-പെയ്ഡ് കണക്ഷനുകളിലായി റോമിംഗ് നിരക്കുകളില്‍ 40 ശതമാനം വരെ ഇളവ് പ്രഖ്യാപിച്ചു. റോമിംഗ് നിരക്കില്‍ ഇന്‍കമിംഗ് കോളുകള്‍ക്ക് 40 ശതമാനവും എസ്ടിഡി കോളുകള്‍ക്ക് 23 ശതമാനവും ലോക്കല്‍ കോളുകള്‍ക്ക് 20 ശതമാനവുമാണ് നിരക്കിളവ് പ്രഖ്യപിച്ചിരിക്കുന്നത്.

ലോക്കല്‍, നാഷണല്‍ എസ്എംഎസ് നിരക്കുകളിലും ഇളവ് പ്രഖ്യാപിച്ചിട്ടുണ്ട്. ലോക്കല്‍, നാഷണല്‍ എസ്എംഎസ് നിരക്കുകളില്‍ 75 ശതമാനം വരെയാണ് നിരക്കിളവ്.


ടെലിക്കോം അഥോറിറ്റിയായ ട്രായിയുടെ മാര്‍ഗനിര്‍ദേശപ്രകാരമുള്ള നിരക്ക് അടിസ്ഥാനത്തിലാണ് തീരുമാനമെടുത്തതെന്നും നിരക്കിളവകള്‍ മേയ് ഒന്നു മുതല്‍ പ്രാബല്യത്തില്‍ വന്നതായും ബിഎസ്എന്‍എല്‍ വ്യക്തമാക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.