National News
സ​മൂ​ഹ​മാ​ധ്യ​മ​ങ്ങ​ളെ നി​രീ​ക്ഷി​ക്കാ​നു​ള്ള നീ​ക്ക​ത്തി​നെ​തി​രേ സു​പ്രീംകോ​ട​തി
സ​മൂ​ഹ​മാ​ധ്യ​മ​ങ്ങ​ളെ നി​രീ​ക്ഷി​ക്കാ​നു​ള്ള നീ​ക്ക​ത്തി​നെ​തി​രേ സു​പ്രീംകോ​ട​തി
Saturday, July 14, 2018 1:00 AM IST
ന്യൂ​ഡ​ൽ​ഹി: സ​മൂ​ഹമാ​ധ്യ​മ​ങ്ങ​ളി​ലെ ഉ​ള്ള​ട​ക്ക​ങ്ങ​ൾ നി​രീ​ക്ഷി​ക്കാ​നു​ള്ള കേ​ന്ദ്രസ​ർ​ക്കാ​രി​ന്‍റെ നീ​ക്ക​ത്തെ രൂ​ക്ഷ​മാ​യി വി​മ​ർ​ശി​ച്ച് സു​പ്രീംകോ​ട​തി. വ്യ​ക്തി​ക​ളു​ടെ സ​മൂ​ഹ​മാ​ധ്യ​മ​ങ്ങ​ളി​ലെ ഇ​ട​പെ​ട​ലു​ക​ൾ സ​ർ​ക്കാ​ർ പ​രി​ശോ​ധി​ക്കു​ക​യും നി​യ​ന്ത്രി​ക്കു​ക​യും ചെ​യ്തു തു​ട​ങ്ങി​യാ​ൽ ഇ​ന്ത്യ ഭ​ര​ണ​കൂ​ട നി​രീ​ക്ഷ​ണ​മു​ള്ള രാ​ജ്യ​മാ​യി മാ​റു​മെ​ന്ന് ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ ബെ​ഞ്ച് നി​രീ​ക്ഷി​ച്ചു. വാ​ട്സ്ആ​പ് അ​ട​ക്ക​മു​ള്ള സ​മൂ​ഹ മാ​ധ്യ​മ​ങ്ങ​ളെ നി​യ​ന്ത്രി​ക്കു​ന്ന​തി​നാ​യി സോ​ഷ്യ​ൽ മീ​ഡി​യ ക​മ്യൂ​ണി​ക്കേ​ഷ​ൻ ഹ​ബ് സ്ഥാ​പി​ക്കാ​നു​ള്ള കേ​ന്ദ്രസ​ർ​ക്കാ​ർ നീ​ക്ക​ത്തി​നെ​തി​രേ ന​ൽ​കി​യ ഹ​ർ​ജി പ​രി​ഗ​ണി​ക്കു​ക​യാ​യി​രു​ന്നു സു​പ്രീംകോ​ട​തി.

ഡി​ജി​റ്റ​ൽ- സോ​ഷ്യ​ൽ മീ​ഡി​യ ഉ​ള്ള​ട​ക്ക​ങ്ങ​ൾ നി​രീ​ക്ഷി​ക്കു​ന്ന​തി​നാ​യി ജി​ല്ലാ ത​ല​ത്തി​ൽ സം​വി​ധാ​നം രൂ​പീ​ക​രി​ക്കു​ന്ന​തി​നു കേ​ന്ദ്ര വാ​ർ​ത്താ​വി​ത​ര​ണ മ​ന്ത്രാ​ല​യം തീ​രു​മാ​ന​മെ​ടു​ത്ത​തി​നെ​തി​രേ തൃ​ണ​മൂ​ൽ കോ​ണ്‍ഗ്ര​സ് നേ​താ​വ് മ​ഹു​ല മോ​യി​ത്ര​യാ​ണു കോ​ട​തി​യെ സ​മീ​പി​ച്ച​ത്. ഇ​തി​ലൂ​ടെ വ്യ​ക്തി​ക​ളു​ടെ അ​ഭി​പ്രാ​യ​ങ്ങ​ൾ പ​രി​ശോ​ധി​ക്കാ​നു​ള്ള ഗൂ​ഢ​നീ​ക്ക​മാ​ണെ​ന്നും പൗ​ര​ന്‍റെ മൗ​ലി​കാ​വ​കാ​ശ​ങ്ങ​ളി​ലും സ്വ​കാ​ര്യ​ത​യി​ലു​മു​ള്ള ക​ട​ന്നു​ക​യ​റ്റ​മാ​ണെ​ന്നു മു​തി​ർ​ന്ന അ​ഭി​ഭാ​ഷ​ക​ൻ അ​ഭി​ഷേ​ക് മ​നു സിം​ഗ്‌വി ചൂ​ണ്ടി​ക്കാ​ട്ടി. ആ​ദ്യം സ​മൂ​ഹ മാ​ധ്യ​മ​ങ്ങ​ളി​ൽ തു​ട​ങ്ങു​ന്ന പ​രി​ശോ​ധ​ന പി​ന്നീ​ട് സ്വ​കാ​ര്യ സം​ഭാ​ഷ​ണ​ങ്ങ​ളും ഇ-​മെ​യി​ൽ സ​ന്ദേ​ശ​ങ്ങ​ളും പ​രി​ശോ​ധി​ക്കു​ന്ന ഘ​ട്ട​ത്തി​ലേ​ക്കു വ്യാ​പി​ക്കു​മെ​ന്നും അ​തു വ്യ​ക്തി​ക​ളു​ടെ സ്വ​കാ​ര്യ ജീ​വി​ത​ത്തി​ലേ​ക്കു വ​രെ ക​ട​ന്നു​ക​യ​റ്റ​മാ​കു​മെ​ന്നും ഹ​ർ​ജി​ക്കാ​രി വാ​ദി​ച്ചു.

“വാ​ട്സ്ആപ് സന്ദേശങ്ങൾ പ​രി​ശോ​ധി​ച്ച് ജ​ന​ങ്ങ​ളെ കു​ടു​ക്കി​ലാ​ക്കാ​നാ​ണ് സ​ർ​ക്കാ​ർ ആ​ഗ്ര​ഹി​ക്കു​ന്ന​ത്. ഒ​രോ ട്വീ​റ്റും വാ​ട്സ് ആ​പ് സന്ദേശമാണെങ്കിലും അ​തു പ​രി​ശോ​ധി​ക്കാ​നാ​ണെ​ങ്കി​ൽ ഇ​തു ഭ​ര​ണ​കൂ​ട നി​രീ​ക്ഷ​ണം ന​ട​ത്താ​നു​ള്ള നീ​ക്ക​മാ​യി​ട്ടു വേ​ണം ക​രു​താ​ൻ”- മൂ​ന്നം​ഗ ബെ​ഞ്ചി​ലെ ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് നി​രീ​ക്ഷി​ച്ചു.


സോ​ഷ്യ​ൽ മീ​ഡി​യ ക​മ്യൂ​ണി​ക്കേ​ഷ​ൻ ഹ​ബ്

പൊ​തു​മേ​ഖ​ലാ സം​രം​ഭ​മാ​യ ബ്രോ​ഡ്കാ​സ്റ്റ് എ​ൻ​ജി​നി​യ​റിം​ഗ് ക​ണ്‍സ​ൾ​ട്ട​ൻ​സ് ഇ​ന്ത്യ ലി​മി​റ്റ​ഡു​മാ​യി ചേ​ർ​ന്ന് കേ​ന്ദ്ര വാ​ർ​ത്താ​വി​ത​ര​ണ മ​ന്ത്രാ​ല​യം അ​ടു​ത്തി​ടെ​യാ​ണ് സ​മൂ​ഹ മാ​ധ്യ​മ​ങ്ങ​ളി​ലെ ഉ​ള്ള​ട​ക്ക​ങ്ങ​ൾ പ​രി​ശോ​ധി​ക്കു​ന്ന​തി​നു​ള്ള സോ​ഫ്റ്റ് വെ​യ​ർ രൂ​പീ​ക​രി​ക്കു​ന്ന​തി​നു ടെ​ൻ​ഡ​ർ ക്ഷ​ണി​ച്ച​ത്.

സ​മൂ​ഹ മാ​ധ്യ​മ​ങ്ങ​ളി​ലേ​തു മാ​ത്ര​മ​ല്ല, ഓ​ണ്‍ലൈ​ൻ വാ​ർ​ത്താമാ​ധ്യ​മ​ങ്ങ​ൾ, ബ്ലോ​ഗു​ക​ൾ തു​ട​ങ്ങി എ​ല്ലാ ഡി​ജി​റ്റ​ൽ രൂ​പ​ങ്ങ​ളി​ലെ ഉ​ള്ള​ട​ക്ക​ങ്ങ​ളും അ​ത​തു സ​മ​യം സം​ഭ​രി​ച്ച് ജി​ല്ലാത​ല​ത്തി​ൽ പ​രി​ശോ​ധി​ക്കാ​നു​ള്ള സം​വി​ധാ​ന​മാ​ണെ​ന്നു സോ​ഷ്യ​ൽ മീ​ഡി​യ ക​മ്യൂ​ണി​ക്കേ​ഷ​ൻ ഹ​ബ്ബിനെക്കു​റി​ച്ച് സ​ർ​ക്കാ​ർ വി​ശദീകരിക്കുന്നു. സ​ർ​ക്കാ​രി​ന്‍റെ ചെ​വി​യും ക​ണ്ണു​മെ​ന്ന രീ​തി​യി​ൽ എ​ല്ലാ ജി​ല്ല​ക​ളി​ലും ഈ ​ഹ​ബ് പ്ര​വ​ർ​ത്തി​ക്കും. സ​ർ​ക്കാ​രി​ന്‍റെ വി​വി​ധ പ​ദ്ധ​തി​ക​ളി​ൽ വ്യ​ക്തി​ക​ളു​ടെ താ​ത്പ​ര്യ​ങ്ങ​ളും വി​യോ​ജി​പ്പു​ക​ളും പ​രി​ശോ​ധി​ക്കാ​ൻ ഇ​തു​പ​യോ​ഗി​ക്കു​മെ​ന്നും ടെ​ൻ​ഡ​ർ നോ​ട്ടീ​സി​ൽ സ​ർ​ക്കാ​ർ വി​ശ​ദ​മാ​ക്കി​യി​രു​ന്നു.

എ​ല്ലാ ഭാ​ഷ​യി​ലു​മു​ള്ള ഓ​ണ്‍ലൈ​ൻ പ്ര​സി​ദ്ധീ​ക​ര​ണ​ങ്ങ​ളെ​യും സ​മൂ​ഹ മാ​ധ്യ​മ​ങ്ങ​ളെ​യും നി​രീ​ക്ഷി​ക്കു​ക, യോ​ജി​പ്പു​ക​ളു​ടെ​യും വി​യോ​ജി​പ്പു​ക​ളു​ടെ​യും വ്യാ​പ്തി മ​ന​സി​ലാ​ക്കു​ക, ഉ​ള്ള​ട​ക്കം നി​രീ​ക്ഷി​ച്ച് കേ​ന്ദ്ര സ​ർ​ക്കാ​രി​ന്‍റെ ശ്ര​ദ്ധ​യി​ൽ പെ​ടു​ത്തു​ക തു​ട​ങ്ങി​യ​വ​യാ​ണ് ജി​ല്ല​ക​ളി​ലെ സോ​ഷ്യ​ൽ മീ​ഡി​യ ക​മ്യൂ​ണി​ക്കേ​ഷ​ൻ ഹ​ബ്ബിന്‍റെ പ്ര​വ​ർ​ത്ത​നം.

അ​ഭി​പ്രാ​യ സ്വാ​ധീ​ന​ത്തി​നു പ്രാ​പ്തി​യു​ള്ള​വ​രു​ടെ​യും സ്വാ​ധീ​ന​മു​ണ്ടാ​ക്കാ​നാ​കു​ന്ന​വ​രു​ടെ​യും വി​വ​ര​ങ്ങ​ൾ, പി​ന്തു​ടരുന്ന വരുടെ എ​ണ്ണം, അ​വ​രു​ടെ പൊ​തു സ്വ​ഭാ​വം, വി​ഷ​യ​ങ്ങ​ൾ എ​ന്നി​വ പ​രി​ശോ​ധ​ന​യി​ൽ ഉ​ൾ​പ്പെ​ടും.

ജി​ജി ലൂ​ക്കോ​സ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.