National News
നെറ്റ് ന്യൂട്രാലിറ്റി: വിജയിച്ചതു നവമാധ്യമ സ്വാതന്ത്ര്യസമരം
Friday, July 13, 2018 1:47 AM IST
ന്യൂ​ഡ​ൽ​ഹി: ഇ​ന്‍റ​ർ​നെ​റ്റ് ആ​രു​ടെ​യും കൈ​വ​ശാ​വ​കാ​ശ​മ​ല്ലെ​ന്ന് വ്യ​ക്ത​മാ​ക്കു​ന്ന ഇ​ന്‍റ​ർ​നെ​റ്റ് നി​ഷ്പ​ക്ഷ​ത (നെ​റ്റ് ന്യൂ​ട്രാ​ലി​റ്റി) ഉ​റ​പ്പു വ​രു​ത്താ​ൻ ഇ​ന്ത്യ​ ഏ​ർ​പ്പെ​ടു​ത്താ​നി​രി​ക്കു​ന്ന​ത് ലോ​ക​ത്തെ ത​ന്നെ ഏ​റ്റ​വും ശ​ക്ത​മാ​യ ച​ട്ട​ങ്ങ​ൾ. ഇ​ന്‍റ​ർ​നെ​റ്റ് നി​ഷ്പ​ക്ഷ​ത സം​ബ​ന്ധി​ച്ചു ടെ​ലി​കോം റെ​ഗു​ലേ​റ്റ​റി അ​ഥോ​റി​റ്റി​യു​ടെ (ട്രാ​യ്) ശി​പാ​ർ​ശ​ക​ൾ​ക്ക് ബു​ധ​നാ​ഴ്ച ടെ​ലി​കോം ക​മ്മീ​ഷ​ൻ അം​ഗീ​കാ​രം ന​ൽ​കി.

കേ​ന്ദ്ര മ​ന്ത്രി​സ​ഭ കൂ​ടി അം​ഗീ​ക​രി​ച്ചാ​ൽ ഇ​ൻ​ർ​നെ​റ്റ് അ​വ​കാ​ശം ഉ​റ​പ്പു വ​രു​ത്തു​ന്ന രാ​ജ്യ​ങ്ങ​ളി​ൽ ഇ​ന്ത്യ ഒ​ന്നാ​മ​ത്തേ​തു​മാ​ണ് ബി​ബി​സി പോ​ലും റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. ഇ​ന്ത്യ​യി​ലെ ഇ​ന്‍റ​ർ​നെ​റ്റ് ആ​ക്ടി​വി​സ്റ്റു​ക​ളു​ടെ ദീ​ർ​ഘ​കാ​ല​ത്തെ കാ​ന്പ​യി​ന്‍റെ​യും പ്ര​തി​ഷേ​ധ​ങ്ങ​ളു​ടെ​യും ഫ​ല​മാ​യാ​ണ് അ​മേ​രി​ക്ക​യി​ൽ ന​ട​പ്പാ​ക്കാ​ൻ ശ്ര​മി​ച്ചു പ​രാ​ജ​യ​പ്പെ​ട്ട ഇ​ന്‍റ​ർ​നെ​റ്റ് നി​യ​ന്ത്ര​ണം ഒ​ഴി​വാ​യ​ത്. ന​വ​മാ​ധ്യ​മച​രി​ത്ര​ത്തി​ലെ ഏ​റ്റ​വും വ​ലി​യ സ്വാ​ത​ന്ത്ര്യ സ​മ​രം എ​ന്നാ​ണ് ഇ​ന്ത്യ​യി​ൽ നെ​റ്റ് ന്യൂ​ട്രാ​ലി​റ്റി​ക്കുവേ​ണ്ടി ന​ട​ന്ന കാ​ന്പ​യി​നു​ക​ളെ മ​റ്റു ലോ​ക രാ​ജ്യ​ങ്ങ​ൾ പോ​ലും വി​ശേ​ഷി​പ്പി​ച്ച​ത്.

ഇ​ന്‍റ​ർ​നെ​റ്റ് ആ​രു​ടെ​യും ഉ​ട​മ​സ്ഥ​ത​യി​ലു​ള്ള​ത​ല്ല. എ​ല്ലാ​വ​ർ​ക്കും പ്രാ​പ്യ​മാ​ക്ക​ണം. സേ​വ​ന ദാ​താ​ക്ക​ൾ​ക്ക് ഒ​രു കാ​വ​ൽ​ക്കാ​ര​ന്‍റെ റോ​ൾ മാ​ത്ര​മേ ഉ​ള്ളൂ. അ​വ​ർ​ക്ക് ഒ​രു ത​ര​ത്തി​ലും ഉ​പ​യോ​ക്താ​വി​ന്‍റെ ഇ​ന്‍റ​ർ​നെ​റ്റ് അ​വ​കാ​ശ​ങ്ങ​ൾ​ക്കുമേ​ൽ കൈ ​ക​ട​ത്താ​ൻ അ​ധി​കാ​ര​മി​ല്ലെ​ന്നും ട്രാ​യ് ചെ​യ​ർ​മാ​ൻ ആ​ർ.​എ​സ്.ശ​ർ​മ പ​റ​ഞ്ഞു.

ച​ട്ട​ങ്ങ​ൾ നി​ല​വി​ൽ വ​രു​ന്ന​തോ​ടെ ഇ​ന്‍റ​ർ​നെ​റ്റ് വേ​ഗ​ം ഭാ​ഗി​ക​മാ​യി നി​യ​ന്ത്രി​ക്കാ​ൻ ക​ഴി​യി​ല്ല. എ​ല്ലാ ഉ​ള്ള​ട​ക്ക​ങ്ങ​ളോ​ടും സേ​വ​ന ദാ​താ​ക്ക​ൾ തു​ല്യ​ത പാ​ലി​ക്കു​ക​യും വേ​ണം. പ്ര​ത്യേ​ക ഉ​ള്ള​ട​ക്ക​ങ്ങ​ൾ ത​ട​യു​ക, ത​രം​താ​ഴ്ത്തു​ക, പ്ര​ത്യേ​ക സേ​വ​ന​ങ്ങ​ൾ​ക്ക് വേ​ഗ​ം കൂ​ട്ടു​ക​യോ കു​റ​യ്ക്കു​ക​യോ ചെ​യ്യു​ക തു​ട​ങ്ങി​യ​വ​യ്ക്കെ​തി​രാ​യ ച​ട്ട​ങ്ങ​ൾ​ക്കാ​ണ് ഇ​പ്പോ​ൾ അം​ഗീ​കാ​രം ല​ഭി​ച്ചി​രി​ക്കു​ന്ന​ത്. വ്യ​വ​സ്ഥ​ക​ൾ തെ​റ്റി​ക്കു​ന്ന സേ​വ​ന ദാ​താ​ക്ക​ളു​ടെ ലൈ​സ​ൻ​സ് ന​ഷ്ട​പ്പെ​ടാ​നും സാ​ധ്യ​ത​യു​ണ്ട്.

ഇ​തോ​ടൊ​പ്പം ത​ന്നെ പു​തി​യ ടെ​ലി​കോം ന​യ​ത്തി​നും ത​ത്വ​ത്തി​ൽ അം​ഗീ​കാ​രം ന​ൽ​കി​യി​ട്ടു​ണ്ട്. നാ​ഷ​ണ​ൽ ഡി​ജി​റ്റ​ൽ പോ​ളി​സി 2018ന് ​ക്യാ​ബി​ന​റ്റ് അം​ഗീ​കാ​രം ല​ഭി​ക്കു​ന്ന​തോ​ടെ 2022 വ​ർ​ഷം ആ​കു​ന്പോ​ഴേ​ക്കും രാ​ജ്യ​ത്ത് 10000 കോ​ടി അ​മേ​രി​ക്ക​ൻ ഡോ​ള​റി​ന്‍റെ നി​ക്ഷേ​പ​വും അ​തി​നൊ​പ്പം പു​തി​യ തൊ​ഴി​ല​വ​സ​ര​ങ്ങ​ൾ കൂ​ടി സൃ​ഷ്ടി​ക്കു​ക എ​ന്ന​തു​മാ​ണ് ല​ക്ഷ്യം. ടെ​ലി​കോം ക​മ്മീ​ഷ​ൻ ബു​ധ​നാ​ഴ്ച അം​ഗീ​കാ​രം ന​ൽ​കി​യ നെ​റ്റ് ന്യൂ​ട്രാ​ലി​റ്റി ഉ​ൾ​പ്പെ​ടു​ന്ന ടെ​ലി​കോം പോ​ളി​സി ര​ണ്ടാ​ഴ്ച​യ്ക്കു​ള്ളി​ൽ കാ​ബി​ന​റ്റി​നു മു​ന്നി​ലെ​ത്തും. അം​ഗീ​കാ​രം ല​ഭി​ച്ചാ​ൽ ഉ​ട​ൻ നെ​റ്റ്ന്യൂ​ട്രാ​ലി​റ്റി ഉ​റ​പ്പു വ​രു​ത്തു​ന്ന​തി​നാ​യി വ​കു​പ്പു​ത​ല സ​മി​തി രൂ​പീ​ക​രി​ക്കും.


തുടക്കം 2015 ഏപ്രിലിൽ

• 2015 ഏ​പ്രി​ലി​ൽ ആ​ണ് നെ​റ്റ് ന്യൂ​ട്രാ​ലി​റ്റി എ​ന്ന അ​വ​കാ​ശ​ത്തി​നാ​യി ഇ​ന്ത്യ​യി​ൽ ശ​ബ്ദമു​യ​ർ​ന്ന​ത്. ഫ്രീ ​ബേ​സി​ക്സ് പ്രോ​ഗ്രാ​മു​മാ​യി ഫേ​സ് ബു​ക്ക് രം​ഗ​ത്തി​റ​ങ്ങി​യ​തി​ന് പി​ന്നാ​ലെ​യാ​യി​രു​ന്നു ഇ​ത്. അ​തോ​ടൊ​പ്പം ത​ന്നെ എ​യ​ർ​ടെ​ലും എ​യ​ർ​ടെ​ൽ സീ​റോ എ​ന്ന പ്ലാ​നു​മാ​യി രം​ഗ​ത്തെ​ത്തി. ഇ​വ ര​ണ്ടും ഇ​ന്‍റ​ർ​നെ​റ്റ് സ​മ​ത്വം ലം​ഘി​ക്കു​ക​യാ​ണെ​ന്നു ചൂ​ണ്ടി​ക്കാ​ട്ടി​യാ​ണ് പ്ര​തി​ഷേ​ധം ഉ​യ​ർ​ന്ന​ത്.

• 2015 ജൂ​ലൈ​യി​ൽ ടെ​ലി ക​മ്യൂ​ണി​ക്കേ​ഷ​ൻ വ​കു​പ്പ് ഉ​പ​യോ​ക്താ​ക്ക​ളു​ടെ ഇ​ന്‍റ​ർ​നെ​റ്റ് അ​വ​കാ​ശം സം​ര​ക്ഷി​ക്ക​പ്പെ​ട​ണം എ​ന്നു ചൂ​ണ്ടി​ക്കാ​ട്ടി റി​പ്പോ​ർ​ട്ട് പു​റ​ത്തി​റ​ക്കി. നെ​റ്റ് ന്യൂ​ട്രാ​ലി​റ്റി നി​യ​മാ​നു​സൃ​ത​മാ​യി സം​ര​ക്ഷി​ക്ക​പ്പെ​ടേ​ണ്ട​താ​ണെ​ന്നാ​യി​രു​ന്നു ഈ ​റി​പ്പോ​ർ​ട്ടി​ന്‍റെ കാ​ത​ൽ.

• 2016 ഫെ​ബ്രു​വ​രി​യി​ൽ ഡാ​റ്റാ സ​ർ​വീ​സി​ന് വ്യ​ത്യസ്ഥ താ​രി​ഫു​ക​ൾ ഏ​ർ​പ്പെ​ടു​ത്തു​ന്നതു വി​ല​ക്കി ട്രാ​യ് രം​ഗ​ത്തെ​ത്തി. ഇ​താ​യി​രു​ന്നു നെ​റ്റ് ന്യൂ​ട്രാ​ലി​റ്റി സ​മ​ര​ത്തി​ൽ ഇ​ന്ത്യ​യി​ലെ ആ​ദ്യവി​ജ​യം. ഇ​തോ​ടൊ​പ്പ​മാ​ണ് ഫേ​സ്ബു​ക്കി​ന്‍റെ ഫ്രീ ​ബേ​സി​ക്സും എ​യ​ർ ടെ​ലിന്‍റെ സീ​റോ എ​യ​ർ​ടെ​ലും നി​ർ​ത്ത​ലാ​ക്കി​യ​ത്.

• 2017 ജ​നു​വ​രി​യി​ൽ നെ​റ്റ് ന്യൂ​ട്രാ​ലി​റ്റി വി​ഷ​യ​ത്തി​ൽ ട്രാ​യ് പൊ​തുജ​ന​ങ്ങ​ളി​ൽ നി​ന്ന് അ​ഭി​പ്രാ​യ​ങ്ങ​ൾ ക്ഷ​ണി​ച്ചു.

• 2017 ന​വം​ബ​റി​ൽ ട്രാ​യ് നെ​റ്റ് ന്യൂ​ട്രാ​ലി​റ്റി ച​ട്ട​ങ്ങ​ളി​ന്മേലു​ള്ള ശി​പാ​ർ​ശ​ക​ൾ ടെ​ലി​കോം ക​മ്മീ​ഷ​ന് ന​ൽ​കി. ഇ​ന്‍റ​ർ​നെ​റ്റ് സേ​വ​ന​ങ്ങ​ളി​ൽ വി​വേ​ച​നം പാ​ടി​ല്ലെ​ന്നതാ​യി​രു​ന്നു ഇ​തി​ന്‍റെ കാ​ത​ൽ.

• 2018 ജൂ​ലൈ 11ന് ​ട്രാ​യ് ശി​പാ​ർ​ശ​ക​ൾ ടെ​ലി​കോം ക​മ്മീ​ഷ​ൻ അം​ഗീ​ക​രി​ച്ചു.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.