റേഷൻ വിതരണം: ജനങ്ങളെ കബളിപ്പിക്കുന്നുവെന്ന് കെ.വി. തോമസ് : Deepika.com National News |

Click here for detailed news of all items

റേഷൻ വിതരണം: ജനങ്ങളെ കബളിപ്പിക്കുന്നുവെന്ന് കെ.വി. തോമസ്

Thursday, January 12, 2017 3:14 PM IST

ന്യൂഡൽഹി: കേരളത്തിൽ റേഷൻ വിതരണം മുടങ്ങിയതിൽ സംസ്ഥാന സർക്കാർ ഭക്ഷ്യസുരക്ഷ നിയമത്തെയും കേന്ദ്ര സർക്കാരിനെയും കുറ്റപ്പെടുത്തി ഉത്തരവാദിത്തം മറന്നു ജനങ്ങളെ കബളിപ്പിക്കുകയാണെന്ന പിഎസി ചെയർമാൻ കെ.വി. തോമസ് എംപി. യുപിഎ സർക്കാരിന്‍റെ കാലത്ത് പാസാക്കിയ നിയമാണ് കുഴപ്പങ്ങൾക്കു കാരണമെന്ന് സി.പി.എം ജനറൽ സെക്രട്ടറി സീതാറാം യെച്ചൂരിയും മറ്റും പ്രസംഗിക്കുന്നതിന്‍റെ യുക്തി കെ.വി തോമസ് ചോദ്യം ചെയ്തു.

സിപിഎം ഭരിക്കുന്ന ത്രിപുര 2015ൽ ഭക്ഷ്യസുരക്ഷാ നിയമം നടപ്പാക്കിയെങ്കിൽ അതേ നിയമം കേരളത്തിനു ദോഷമാകുന്നത് എങ്ങനെയാണ്. രാജ്യം കണ്ട ഏറ്റവും മികച്ച സാമൂഹിക സുരക്ഷാ പദ്ധതിയാണ് ഭക്ഷ്യസുരക്ഷാ നിയമം. ഉമ്മൻ ചാണ്ടി സർക്കാരിന്‍റെ ഭരണകാലത്ത് റേഷൻ ചോദിച്ച് ഒരിക്കൽ പോലും പ്രതിപക്ഷത്തിന് സമരം ചെയ്യേണ്ടി വന്നിട്ടില്ല.

തെരഞ്ഞെടുപ്പു വേളയിൽ എൽഡിഎഫ് പുറത്തിറക്കിയ പ്രകടന പത്രിക അവർ ഒന്നുകൂടി വായിച്ചു നോക്കണം. പ്രകടന പത്രികയിലെ വാഗ്ദാനങ്ങൾക്കു കാലിച്ചാക്കിന്‍റെ വില പോലുമില്ലെന്നും അദ്ദേഹം കുറ്റപ്പെടുത്തി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.