തലവരിപ്പണം വാങ്ങുന്നതു നിയമവിരുദ്ധവും അധാര്‍മികവും സുപ്രീംകോടതി
ന്യൂഡല്‍ഹി:സ്വകാര്യ മെഡിക്കല്‍ കോളജുകളും ടെക്നിക്കല്‍ കോളജുകളും അഡ്മിഷന്‍ സമയത്തു തലവരിപ്പണം വാങ്ങുന്നതു നിയമവിരുദ്ധവും അധാര്‍മികവുമാണെന്ന് സുപ്രീംകോടതി. സ്വകാര്യ കോളുകളുടെ ഭാഗത്തുനിന്നുള്ള ഇത്തരത്തിലുള്ള നടപടി പാവപ്പെട്ട വിദ്യാര്‍ഥികള്‍ക്ക് ഉന്നതവിദ്യാഭ്യാസം നിഷേധിക്കുമെന്നും ജസ്റീസ് കെ.എസ്. രാധാകൃഷ്ണന്‍, എ.കെ. സിക്രി എന്നിവര്‍ ഉള്‍പ്പെട്ട ബെഞ്ച് നിരീക്ഷിച്ചു.

ഇതിനെതിരേ കേന്ദ്രസര്‍ക്കാര്‍ ശക്തമായ നിയമനിര്‍മാണം നടത്തണമെന്നും ആരോഗ്യമന്ത്രാലയം, സിബിഐ, വിജിലന്‍സ് തുടങ്ങിയ ഭരണഘടനാ സംവിധാനങ്ങള്‍ ഇതിനെതിരേ ശക്തമായ നടപടി സ്വീകരിക്കണമെന്നും സുപ്രീംകോടതി പറഞ്ഞു. രാജ്യത്തു കൂണുകള്‍ പോലെ മുളച്ചുപൊങ്ങുന്ന പ്രഫഷണല്‍ വിദ്യാഭ്യാസസ്ഥാപനങ്ങള്‍ വിദ്യാഭ്യാസത്തിന്റെ നിലവാരത്തകര്‍ച്ചയ്ക്കു കാരണമായിട്ടുണ്െടന്നും കോടതി പറഞ്ഞു.


വിദ്യാര്‍ഥികളുടെ എണ്ണം കൂട്ടാന്‍ മെഡിക്കല്‍ കൌണ്‍സില്‍ അനുവദിക്കാത്തതിനെത്തുടര്‍ന്നു സുപ്രീംകോടതിയെ സമീപിച്ച ഒരു സ്വകാര്യ മെഡിക്കല്‍ കോളജിന്റെ ഹര്‍ജി നിരസിച്ചുകൊണ്ടാണു സുപ്രീംകോടതി ഇത്തരത്തില്‍ പരാമര്‍ശം നടത്തിയത്.