കടാരിയയ്ക്കെതിരേ കുറ്റപത്രം: നാളെ രാജസ്ഥാനില്‍ ബിജെപി ബന്ദ്
ജയ്പൂര്‍: രാജസ്ഥാന്‍ പ്രതിപക്ഷ നേതാവ് ഗുലാബ് ചന്ദ് കടാരിയയ്ക്കെതിരേ സിബിഐ കുറ്റപത്രം സമര്‍പ്പിച്ചതില്‍ പ്രതിഷേധിച്ച് നാളെ ബിജെപി സംസ്ഥാന വ്യാപകമായി ബന്ദ് നടത്തും. സൊറാബുദ്ദീന്‍ വ്യാജ ഏറ്റുമുട്ടല്‍ കേസില്‍ കടാരിയയ്ക്കെതിരേ സമര്‍പ്പിച്ച കുറ്റപത്രം കോണ്‍ഗ്രസ് രാഷ്ട്രീയപ്രേരിതമായി തയാറാക്കിയതാണെന്ന് ആരോപിച്ചാണു ബന്ദ്.

കടാരിയയ്ക്കു പൂര്‍ണ പിന്തുണ നല്കുമെന്നു ബിജെപി പ്രസിഡന്റ് രാജ്നാഥ് സിംഗ് പറ ഞ്ഞു. എന്നാല്‍, കടാരിയയ്ക്കെതിരേയുള്ള സിബിഐ നടപടിയില്‍ കോണ്‍ഗ്രസിനു പങ്കില്ലെന്നു മുഖ്യമന്ത്രി അശോക് ഗെഹ്ലോട്ട് പറഞ്ഞു.