ഡ്രൈവിംഗ് ലൈസൻസിന് ആധാർ നിർബന്ധമാക്കും : Deepika.com National News |

Click here for detailed news of all items

ഡ്രൈവിംഗ് ലൈസൻസിന് ആധാർ നിർബന്ധമാക്കും

Sunday, March 26, 2017 11:42 AM IST

ന്യൂഡൽഹി: ഡ്രൈവിംഗ് ലൈസൻസ് ലഭിക്കുന്നതിനും അതു പുതുക്കുന്നതിനും ആധാർ കാർഡ് നിർബന്ധമാക്കണമെന്നു സംസ്ഥാനങ്ങൾക്കു കേന്ദ്ര സർക്കാരിന്‍റെ നിർദേശം. ഒക്ടോബർ മുതൽ ആധാർ നിർബന്ധമാക്കാനാണ് കേന്ദ്ര ഗതാഗത മന്ത്രാലയം അയച്ചിരിക്കുന്ന കത്തിൽ ആവശ്യപ്പെട്ടിരിക്കുന്നത്.

ഡ്രൈവിംഗ് ലൈസൻസുകൾ വിതരണം ചെയ്തതിലെ ക്രമക്കേടുകൾ കണ്ടെത്തുന്നതിനും ലൈസൻസ് ദുരുപയോഗം ചെയ്യുന്നതു തടയുന്നതിനുമാണു നടപടി. ഒരേ പേരിൽ ഒന്നിലധികം ലൈസൻസ് എടുക്കുന്നതും വ്യാജ ലൈസൻസുണ്ടാക്കുന്നതും തടയാനാവുമെന്നാണു മന്ത്രാലയം വിശദീകരിക്കുന്നത്.

ഡ്രൈവിംഗ് ലൈസൻസ് നൽകുന്നതും അതിനുള്ള ചട്ടങ്ങൾ രൂപീകരിക്കുന്നതും സംസ്ഥാന സർക്കാരുകളുടെ പരിധിയിലുള്ള വിഷയമാണ്. സുരക്ഷാ നിർദേശമെന്ന രീതിയിലാണ് ആധാർ നിർബന്ധമാക്കണമെന്ന നിർദേശം സംസ്ഥാനങ്ങൾക്കു മുന്നിൽ വച്ചിരിക്കുന്നത്.

ഡ്രൈവിംഗ് ലൈസൻസ് അനുവദിക്കാൻ തുടർന്നുപോരുന്ന നടപടിക്രമങ്ങളിൽ കാലാനുസൃതമായ മാറ്റങ്ങൾ വരുത്തുന്നതിനു സംസ്ഥാന സർക്കാരുകളെ സഹായിക്കാനുള്ള പ്രവർത്തനങ്ങൾ കേന്ദ്ര റോഡ് ട്രാൻസ്പോർട്ട് മന്ത്രാലയം ആരംഭിച്ചിട്ടുണ്ട്. ഇതനുസരിച്ച് എല്ലാ ആർടി ഓഫീസുകളിൽനിന്നു വിതരണം ചെയ്യുന്ന ഡ്രൈവിംഗ് ലൈസൻസുകളുടെ വിവരങ്ങൾ സാരഥി എന്ന ഡേറ്റാബേസിൽ ചേർക്കപ്പെടും. പിന്നീട്, രാജ്യത്തെ ഏത് ആർടിഒമാർക്കും ഒരാളുടെ പേരിൽ ലൈസൻസ് നൽകുന്നതിനു മുന്പ് ഈ ഡേറ്റാബേസിൽ പരിശോധന നടത്താനാകുമെന്നും മന്ത്രാലയം ഉദ്യോഗസ്ഥർ പറയുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.