സാ​മൂ​ഹ്യ ആ​ചാ​ര​ങ്ങ​ളു​ടെ​യും വി​ശ്വാ​സ​ങ്ങ​ളു​ടെ​യും പേ​രി​ൽ വി​ദ്യാ​ഭ്യാ​സം നി​ഷേ​ധി​ക്ക​പ്പെ​ട്ട പെ​ൺ​കു​ട്ടി​ക​ൾ​ക്കൊ​പ്പം നി​ന്ന സ​ഫീ​ന​യു​ടെ​യും സം​ഘ​ട​ന​യു​ടെ​യും ആ​ത്മാ​ർ​ഥ​ത​യ്ക്കാ​ണ് ഈ ​വ​ർ​ഷ​ത്തെ റ ​മോ​ൺ മാ​ഗ്സ​സേ അ​വാ​ർ​ഡ്. ഏ​ഷ്യ​ൻ നൊ​ബേ​ൽ എ​ന്ന ഖ്യാ​തി​യു​ള്ള മാ​ഗ്സ​സേ പു​ര​സ്കാ​രം ല​ഭി​ക്കു​ന്ന ആ​ദ്യ​ത്തെ ഇ​ന്ത്യ​ൻ സം​ഘ​ട​ന​യാ​ണ് എ​ജ്യു​ക്കേ​റ്റ് ഗേ​ൾ​സ്...

സു​ഖ​ക​ര​മാ​യി​രു​ന്നി​ല്ല ആ ​യാ​ത്ര. പാ​ലി​യു​ടെ ഇ​ടു​ങ്ങി​യ വ​ഴി​ക​ളി​ൽ ഇ​വ​ർ ന​ട​ന്ന​തു സ​മൂ​ഹ​ത്തി​ന്‍റെ എ​തി​ർ​പ്പു​യ​ർ​ത്തി​യ മു​ള്ളു​ക​ൾ ച​വി​ട്ടി​യാ​യി​രു​ന്നു. ഇ​വ​ർ മു​ട്ടി​വി​ളി​ച്ച​പ്പോ​ൾ വാ​തി​ലു​ക​ൾ തു​റ​ന്ന​തു​മി​ല്ല. സ്കൂ​ളു​ക​ളി​ലേ​ക്കു​ള്ള വ​ഴി​യ​റി​യാ​ത്ത പെ​ൺ​കു​ട്ടി​ക​ൾ​ക്കു വ​ഴി​കാ​ണി​ക്കാ​ൻ വ​ന്ന​വ​ർ ത​ങ്ങ​ളു​ടെ ജീ​വി​ത​പാ​ഠ​ങ്ങ​ൾ ചോ​ദ്യം​ചെ​യ്യു​മെ​ന്നു ഗ്രാ​മീ​ണ​ർ ഭ​യ​ന്നു.

പെ​ൺ​കു​ട്ടി​ക​ൾ പ​ഠി​ക്കാ​നു​ള്ള​വ​ര​ല്ല. വീ​ട്ടു​ജോ​ലി​ചെ​യ്യാ​നും ചെ​റു​പ്പ​ത്തി​ലേ വി​വാ​ഹി​ത​രാ​യി വേ​ഗ​ത്തി​ൽ അ​മ്മ​മാ​രാ​കേ​ണ്ട​വ​രാ​ണെ​ന്നു​മാ​യി​രു​ന്നു അ​വ​ർ പ​ഠി​ച്ചു​വ​ച്ച ജീ​വി​ത​പാ​ഠം. അ​വ​ർ എ​ന്തി​നു പ​ഠി​ക്ക​ണം എ​ന്നാ​യി​രു​ന്നു ഗ്രാ​മീ​ണ​രു​ടെ ചോ​ദ്യം.

പെ​ൺ​കു​ട്ടി​ക​ളെ പ​ഠി​പ്പി​ക്കാ​നെ​ത്തി​യ​വ​രെ ഗ്രാ​മീ​ണ​ർ പ​രി​ഹ​സി​ച്ചു, ഒ​റ്റ​പ്പെ​ടു​ത്തി. പ​ക്ഷേ, അ​വ​ർ പി​ന്മാ​റി​യി​ല്ല. വീ​ണ്ടും വീ​ണ്ടും പെ​ൺ​കു​ട്ടി​ക​ളു​ള്ള വാ​തി​ലു​ക​ളി​ൽ മു​ട്ടി. അ​വ​ർ​ക്കു​വേ​ണ്ടി പ​തു​ക്കെ ഒ​രു വാ​തി​ൽ തു​റ​ന്നു. പി​റ​കേ മ​റ്റൊ​രു വാ​തി​ൽ.

അ​തേ., പെ​ൺ​കു​ട്ടി​ക​ൾ സ്വ​പ്ന​ങ്ങ​ൾ കാ​ണാ​ൻ തു​ട​ങ്ങി. സ്കൂ​ൾ എ​ന്ന സ്വ​പ്ന​ത്തി​ന്‍റെ ബെ​ല്ല​ടി​കേ​ട്ട് അ​വ​ർ ഉ​ണ​ർ​ന്നു. മി​ന്നി​മി​ന്നി തെ​ളി​ഞ്ഞു​ക​ത്തു​ന്ന വി​ള​ക്കു​പോ​ലെ... ആ ​വെ​ളി​ച്ചം പ​ട​രു​ക​യാ​യി​രു​ന്നു... ആ​യി​ര​ങ്ങ​ളി​ലേ​ക്ക്, ല​ക്ഷ​ങ്ങ​ളി​ലേ​ക്ക്...

എ​ജ്യു​ക്കേ​റ്റ് ഗേ​ൾ​സ്

ക​ട​ന്നു​പോ​യ വ​ഴി​ക​ളെ​ക്കു​റി​ച്ച് മും​ബൈ അ​ന്ധേ​രി വീ​ര ദേ​ശാ​യ് റോ​ഡി​ലെ ഓ​ഫീ​സി​ലി​രു​ന്നു സം​സാ​രി​ക്കു​ക​യാ​യി​രു​ന്നു സ​ഫീ​ന ഹു​സൈ​ൻ. ആ​ശ​യ​ങ്ങ​ളും ആ​ഗ്ര​ഹ​ങ്ങ​ളും കൂ​ട്ടി​ച്ചേ​ർ​ത്ത് അ​വ​ർ രൂ​പീ​ക​രി​ച്ച​ത് ഒ​രു പ്ര​സ്ഥാ​ന​മാ​ണ് -എ​ജ്യു​ക്കേ​റ്റ് ഗേ​ൾ​സ്.

രാ​ജ​സ്ഥാ​നി​ലെ പാ​ലി​യി​ലെ​പ്പോ​ലെ രാ​ജ​സ്ഥാ​നി​ലെ മ​റ്റു ഗ്രാ​മ​ങ്ങ​ളി​ലും പെ​ൺ​കു​ട്ടി​ക​ൾ സ്വ​പ്നം​കാ​ണാ​ൻ തു​ട​ങ്ങി​യ​പ്പോ​ൾ സ​ഫീ​ന ത​ന്‍റെ പ്ര​വ​ർ​ത്ത​ന​മേ​ഖ​ല മ​ധ്യ​പ്ര​ദേ​ശി​ലേ​ക്കും ഉ​ത്ത​ർ​പ്ര​ദേ​ശി​ലേ​ക്കും ബി​ഹാ​റി​ലേ​ക്കും വ്യാ​പി​പ്പി​ച്ചു.

18 വ​ർ​ഷം​കൊ​ണ്ട് ഇ​രു​പ​തു ല​ക്ഷം പെ​ൺ​കു​ട്ടി​ക​ളെ​യാ​ണ് സ​ഫീ​ന​യു​ടെ എ​ജ്യു​ക്കേ​റ്റ് ഗേ​ൾ​സ് സ്കൂ​ളി​ൽ എ​ത്തി​ച്ച​ത്.​സാ​മൂ​ഹ്യ ആ​ചാ​ര​ങ്ങ​ളു​ടെ​യും വി​ശ്വാ​സ​ങ്ങ​ളു​ടെ​യും പേ​രി​ൽ വി​ദ്യാ​ഭ്യാ​സം നി​ഷേ​ധി​ക്ക​പ്പെ​ട്ട പെ​ൺ​കു​ട്ടി​ക​ൾ​ക്കൊ​പ്പം​നി​ന്ന സ​ഫീ​ന​യു​ടെ​യും സം​ഘ​ട​ന​യു​ടെ​യും ഈ ​ആ​ത്മാ​ർ​ഥ​ത​യാ​ണ് ഈ ​വ​ർ​ഷ​ത്തെ റ​മോ​ൺ മാ​ഗ്സ​സേ അ​വാ​ർ​ഡി​ന് അ​ർ​ഹ​നാ​ക്കി​യ​ത്. ഏ​ഷ്യ​ൻ നൊ​ബേ​ൽ എ​ന്ന ഖ്യാ​തി​യു​ള്ള മാ​ഗ്സ​സേ പു​ര​സ്കാ​രം ല​ഭി​ക്കു​ന്ന ആ​ദ്യ​ത്തെ ഇ​ന്ത്യ​ൻ സം​ഘ​ട​ന​യാ​ണ് എ​ജ്യു​ക്കേ​റ്റ് ഗേ​ൾ​സ്.

അ​നു​ഭ​വം പ്ര​ചോ​ദ​നം

സ്കൂ​ൾ​വി​ട്ടു​നി​ന്ന സ്വ​ന്തം അ​നു​ഭ​വ​മാ​ണ് സ​ഫീ​ന​യെ പെ​ൺ​കു​ട്ടി​ക​ൾ​ക്കു വി​ദ്യാ​ഭ്യാ​സം ന​ൽ​കേ​ണ്ട​തി​നെ​ക്കു​റി​ച്ച് ചി​ന്തി​പ്പി​ച്ച​ത്. ഡ​ൽ​ഹി​യി​ൽ താ​മ​സ​ക്കാ​രി​യാ​യി​രു​ന്ന സ​ഫീ​ന​യ്ക്കു പ​ന്ത്ര​ണ്ടാം ക്ലാ​സി​നു​ശേ​ഷം പ​ഠ​നം തു​ട​രാ​നാ​യി​ല്ല.

പ​ക്ഷേ അ​മ്മാ​യി​യു​ടെ നി​ർ​ബ​ന്ധ​പ്ര​കാ​രം സ​ഫീ​ന​യെ പി​താ​വ് ല​ണ്ട​നി​ലേ​ക്ക​യ​ച്ചു. ല​ണ്ട​ൻ സ്കൂ​ൾ ഓ​ഫ് ഇ​ക്ക​ണോ​മി​ക്സി​ൽ​നി​ന്ന് ബി​രു​ദം നേ​ടി​യ സ​ഫീ​ന ആ​രോ​ഗ്യ വി​ദ്യാ​ഭ്യാ​സ സ​ന്ന​ദ്ധ​സം​ഘ​ട​ന​യു​ടെ ഭാ​ഗ​മാ​യി ലാ​റ്റി​ൻ അ​മേ​രി​ക്ക​യി​ലും ആ​ഫ്രി​ക്ക​യി​ലും പ്ര​വ​ർ​ത്തി​ച്ചു. 2005ൽ ​ഡ​ൽ​ഹി​യി​ൽ തി​രി​ച്ചെ​ത്തി​യ സ​ഫീ​ന കു​ടും​ബ​ത്തോ​ടൊ​പ്പം മും​ബൈ​യി​ലേ​ക്കു താ​മ​സം​മാ​റ്റു​ക​യാ​യി​രു​ന്നു.

""പെ​ൺ​കു​ട്ടി​ക​ളെ പ​ഠി​പ്പി​ക്കൂ, കു​ടും​ബ​ത്തെ പ​ഠി​പ്പി​ക്കൂ'' എ​ന്ന മു​ദ്രാ​വാ​ക്യ​വു​മാ​യി 2007ലാ​ണ് സ​ഫീ​ന ഹു​സൈ​ൻ എ​ജ്യു​ക്കേ​റ്റ് ഗേ​ൾ​സ് അ​ന്ധേ​രി​യി​ൽ ആ​രം​ഭി​ച്ച​ത്.

ക​പി​ൽ സി​ബ​ൽ വ​ഴി പാ​ലി​യി​ലേ​ക്ക്

സ​ർ​ക്കാ​രു​മാ​യി ബ​ന്ധ​പ്പെ​ട്ടു പ്ര​വ​ർ​ത്തി​ക്കു​ക എ​ന്ന ആ​ശ​യം ക​ത്തി​ജ്വ​ലി​ച്ച​പ്പോ​ൾ അ​ന്ന​ത്തെ മാ​ന​വ​വി​ഭ​വ​ശേ​ഷി മ​ന്ത്രി ക​പി​ൽ സി​ബ​ലി​നെ സ​ഫീ​ന ക​ണ്ടു. പെ​ൺ​കു​ട്ടി​ക​ളു​ടെ സ്കൂ​ൾ​വി​ദ്യാ​ഭ്യാ​സം മു​ട​ങ്ങു​ന്ന പ​ത്തു ജി​ല്ല​ക​ളു​ടെ പേ​രാ​ണ് ക​പി​ൽ സി​ബ​ൽ സ​ഫീ​ന​യ്ക്കു ന​ൽ​കി​യ​ത്. അ​തി​ൽ ഉ​ൾ​പ്പെ​ട്ട രാ​ജ​സ്ഥാ​നി​ലെ പാ​ലി​യി​ലേ​ക്കാ​യി പി​ന്നെ യാ​ത്ര.

പെ​ൺ​കു​ട്ടി​ക​ൾ എ​ന്തി​നു പ​ഠി​ക്ക​ണം എ​ന്നു ചി​ന്തി​ച്ചി​രു​ന്ന ഒ​രു സ​മൂ​ഹ​ത്തെ സ​ഫീ​ന പ​തു​ക്കെ കാ​ര്യ​ങ്ങ​ൾ പ​റ​ഞ്ഞു ബോ​ധ്യ​പ്പെ​ടു​ത്തു​ക​യാ​യി​രു​ന്നു. പെ​ൺ​കു​ട്ടി​ക​ളെ വീ​ണ്ടും സ്കൂ​ളി​ൽ എ​ത്തി​ക്കു​ക എ​ന്ന ദൗ​ത്യ​ത്തി​ൽ അ​താ​തു പ്ര​ദേ​ശ​ങ്ങ​ളി​ലെ യു​വാ​ക്ക​ളെ​യും യു​വ​തി​ക​ളെ​യും ഉ​ൾ​പ്പെ​ടു​ത്തി "ടീം ​ബാ​ലി​ക' ഗ്രൂ​പ്പ് രൂ​പീ​ക​രി​ച്ചു.

അ​വ​രാ​യി പി​ന്നെ പ്ര​വ​ർ​ത്ത​ന​ത്തി​ന്‍റെ നെ​ടും​തൂ​ൺ. പു​റ​മേ​നി​ന്നു​ള്ള​വ​ർ​ക്കു ഗ്രാ​മീ​ണ​രെ കാ​ര്യ​മാ​യി സ്വാ​ധീ​നി​ക്കാ​ൻ ക​ഴി​യി​ല്ല എ​ന്ന തി​രി​ച്ച​റി​വി​ലാ​ണ് ഗ്രാ​മ​ങ്ങ​ളി​ൽ​നി​ന്നു​ള്ള​വ​രെ ഉ​ൾ​പ്പെ​ടു​ത്തി "ടീം ​ബാ​ലി​ക' രൂ​പീ​ക​രി​ച്ച​തെ​ന്നു സ​ഫീ​ന ഹു​സൈ​ൻ പ​റ​ഞ്ഞു.

വി​ശ്വാ​സം നേ​ടി, വി​ജ​യം

ഗ്രാ​മ​വാ​സി​ക​ൾ അ​വ​രെ വി​ശ്വ​സി​ച്ചു... സ്കൂ​ളു​ക​ളി​ൽ പെ​ൺ​കു​ട്ടി​ക​ളു​ടെ ഹാ​ജ​ർ​നി​ല​വാ​രം ഉ​യ​ർ​ന്നു. ഗ്രാ​മീ​ണ പെ​ൺ​കു​ട്ടി​ക​ളെ വി​ദ്യാ​ഭ്യാ​സ​ത്തി​ലേ​ക്കു ന​യി​ക്കു​ന്ന നി​ശ​ബ്ദ​വി​പ്ല​വ​ത്തി​ന് അ​വി​ടെ തു​ട​ക്ക​മാ​കു​ക​യാ​യി​രു​ന്നു.

എ​ന്തി​ന് ഇ​വ​രെ പ​ഠി​പ്പി​ക്കു​ന്നു എ​ന്ന ആ​ക്ഷേ​പ​ങ്ങ​ൾ​ക്കു സ്നേ​ഹം നി​റ​ഞ്ഞ മ​റു​പ​ടി. ""പെ​ൺ​കു​ട്ടി പ​ഠി​ച്ചാ​ൽ ന​ല്ല അ​മ്മ​മാ​രു​ണ്ടാ​കും... ന​ല്ല കു​ട്ടി​ക​ളു​ണ്ടാ​കും... പെ​ൺ​കു​ട്ടി​ക​ൾ വി​വാ​ഹ​ത്തി​നു​ശേ​ഷം ജോ​ലി​ചെ​യ്യും... ആ​രോ​ഗ്യ​മു​ള്ള കു​ടും​ബ​മു​ണ്ടാ​കും... വീ​ടി​ന്‍റെ സാ​മ്പ​ത്തി​ക​നി​ല ഉ​യ​രും...​മ​ക്ക​ൾ​ക്കു ന​ല്ല വി​ദ്യാ​ഭ്യാ​സം കൊ​ടു​ക്കാം.''​ഗ്രാ​മീ​ണ​ർ അ​വ​ർ​ക്കു ചെ​വി​കൊ​ടു​ത്തു.

ഇ​ന്നു നാ​ലു സം​സ്ഥാ​ന​ങ്ങ​ളി​ലെ 30,000 ഗ്രാ​മ​ങ്ങ​ളി​ൽ എ​ജ്യു​ക്കേ​റ്റ് ഗേ​ൾ​സ് പ്ര​വ​ർ​ത്ത​ക​ർ പെ​ൺ​കു​ട്ടി​ക​ളെ സ്കൂ​ളി​ൽ എ​ത്തി​ച്ചു. 55,000 സേ​വ​ന​പ്ര​വ​ർ​ത്ത​ക​രാ​ണ് എ​ജ്യു​ക്കേ​റ്റ് ഗേ​ൾ​സി​നൊ​പ്പം ഇ​ന്നു​ള്ള​ത്.

ത്യാ​ഗ​നി​ർ​ഭ​രം ജീ​വി​തം

നി​ല​വി​ലു​ള്ള സാ​മൂ​ഹ്യ ആ​ചാ​ര​ങ്ങ​ൾ മാ​റ്റി​യെ​ടു​ക്കാ​ൻ ഏ​റെ ത്യാ​ഗ​ങ്ങ​ൾ അ​നു​ഭ​വി​ക്കേ​ണ്ടി​വ​ന്നു എ​ജ്യു​ക്കേ​റ്റ് ഗേ​ൾ​സി​ന്. പ​ക്ഷേ, അ​വ​ർ ത​ള​ർ​ന്നി​ല്ല. പി​ന്മാ​റി​യി​ല്ല. സ​ഹാ​യി​ക്കാ​ൻ ഒ​രു​പാ​ടു​പേ​ർ കൂ​ടെ​ക്കൂ​ടി. സ്കൂ​ൾ​വി​ദ്യാ​ഭ്യാ​സം ഒ​ഴി​വാ​ക്കി​യ കു​ട്ടി​ക​ളു​ടെ ക​ണ​ക്കെ​ടു​ത്തു. വീ​ടു​ക​ളി​ൽ ക​യ​റി ബോ​ധ​വ​ത്ക​ര​ണം. ഗ്രാ​മ​വാ​സി​ക​ളോ​ടു സം​സാ​രി​ക്കാ​ൻ "ടീം ​ബാ​ലി​ക' അം​ഗ​ങ്ങ​ൾ. ര​ക്ഷാ​ക​ർ​ത്താ​ക്ക​ളു​മാ​യു​ള്ള സം​ഭാ​ഷ​ണ​ങ്ങ​ൾ. സ്കൂ​ൾ അ​ധി​കൃ​ത​രു​മാ​യു​ള്ള ഏ​കോ​പ​നം, കു​ട്ടി​ക​ളെ ചേ​ർ​ക്ക​ൽ. അ​ങ്ങ​നെ ആ ​പ്ര​ക്രി​യ​ക​ൾ ഇ​ട​വി​ടാ​തെ തു​ട​ർ​ന്നു.

പെ​ൺ​കു​ട്ടി​ക​ളെ സ്കൂ​ളി​ൽ എ​ത്തി​ക്കാ​നു​ള്ള ത​ങ്ങ​ളു​ടെ സേ​വ​ന​പ്ര​വ​ർ​ത്ത​ന​ത്തി​നു "വി​ദ്യ' എ​ന്ന പേ​രു ന​ൽ​കി എ​ജ്യു​ക്കേ​റ്റ് ഗേ​ൾ​സ് ആ​ളു​ക​ളെ ആ​ക​ർ​ഷി​ച്ചു. പെ​ൺ​കു​ട്ടി​ക​ൾ​ക്കൊ​പ്പം ആ​ൺ​കു​ട്ടി​ക​ളെ​യും സ്കൂ​ളി​ൽ എ​ത്തി​ച്ചു. സ്കൂ​ളി​ൽ എ​ത്തു​ന്ന വി​ദ്യാ​ർ​ഥി​ക​ളു​ടെ വീ​ട്ടു​കാ​ർ​ക്കു സ​ർ​ക്കാ​ർ പ​ണം​ന​ൽ​കി; പ​ഠ​നോ​പ​ക​ര​ണ​ങ്ങ​ളും. പാ​ലി​യി​ൽ അ​ഞ്ചു​വ​ർ​ഷം​കൊ​ണ്ട് അ​ന്പ​തു പെ​ൺ​കു​ട്ടി​ക​ളെ​യാ​ണ് സ്കൂ​ളി​ൽ എ​ത്തി​ച്ച​ത്.

"അ​റി​വി​ന്‍റ നി​റ​കു​ടം'

"ടീം ​ബാ​ലി​ക'​മാ​ർ​ക്ക് പ​രി​ശീ​ല​നം ന​ൽ​കാ​ൻ ജ്ഞാ​ൻ കാ ​പി​താ​ര (ജി​കെ​പി) എ​ന്ന പേ​രി​ൽ പ​രി​ശീ​ല​നം തു​ട​ങ്ങി. "അ​റി​വി​ന്‍റ നി​റ​കു​ടം' എ​ന്ന​ർ​ഥം. സാ​മൂ​ഹ്യ​സാ​ഹ​ച​ര്യം മ​ന​സി​ലാ​ക്കി പെ​ൺ​കു​ട്ടി​ക​ളെ അ​വ​ർ വി​ദ്യാ​ഭ്യാ​സ​ത്തി​ന്‍റെ, സ്വ​ന്തം ആ​രോ​ഗ്യ​ത്തി​ന്‍റെ പ്രാ​ധാ​ന്യം ബോ​ധ്യ​പ്പെ​ടു​ത്തു​ക​യാ​യി​രു​ന്നു.

സ്കൂ​ളു​ക​ളി​ൽ "അ​റി​വി​ന്‍റെ നി​റ​കു​ടം' അം​ഗ​ങ്ങ​ൾ ക്ലാ​സ് ന​ട​ത്തി പെ​ൺ​കു​ട്ടി​ക​ളെ പ​ഠി​പ്പി​ച്ചു. പ​ഠ​ന​ത്തി​ൽ, പ​രീ​ക്ഷ​യ്ക്കു ത​യാ​റെ​ടു​ക്കു​ന്ന​തി​ൽ സ​ഹാ​യി​ച്ചു.

വീ​ണ്ടും പ​ഠ​ന​വി​ഷ​യ​ത്തി​ൽ വെ​ല്ലു​വി​ളി​ക​ളു​ണ്ടാ​യി. മി​ക്ക ഇ​ട​ങ്ങ​ളി​ലും ഹൈ​സ്കൂ​ൾ ഇ​ല്ല എ​ന്ന പ്ര​ശ്നം. അ​തു​കൊ​ണ്ട് ഏ​ഴാം​ക്ലാ​സി​നു​ശേ​ഷം പെ​ൺ​കു​ട്ടി​ക​ളെ സ്കൂ​ളി​ൽ അ​യ​യ്ക്കാ​ൻ വീ​ട്ടു​കാ​ർ മ​ടി​ച്ചു. പ്രാ​യ​പൂ​ർ​ത്തി​യാ​യ പെ​ൺ​കു​ട്ടി​ക​ളെ ഒ​റ്റ​യ്ക്ക് അ​യ​യ്ക്കാ​നു​ള്ള ഭ​യം. വീ​ട്ടി​ൽ സ​ഹാ​യ​ജോ​ലി​ക​ൾ ചെ​യ്യാ​ൻ അ​വ​രു​ണ്ടാ​ക​ണം എ​ന്ന ചി​ന്ത... 13നും 21​നും ഇ​ട​യി​ൽ വീ​ണ്ടും പെ​ൺ​കു​ട്ടി​ക​ൾ വി​ദ്യാ​ഭ്യാ​സം നേ​ടാ​നാ​കാ​തെ പോ​യി.

ഓ​പ്പ​ൺ സ്കൂ​ൾ പ​രി​ഹാ​രം

15 വ​യ​സാ​യ പെ​ൺ​കു​ട്ടി​ക​ൾ​ക്കു​വേ​ണ്ടി ഓ​പ്പ​ൺ സ്കൂ​ൾ ആ​രം​ഭി​ച്ചാ​ണ് പ്ര​ശ്ന​ത്തി​നു പ​രി​ഹാ​രം ക​ണ്ടെ​ത്തി​യ​ത്. എ​ൻ​ഐ​ഒ​എ​സി​ന്‍റെ (നാ​ഷ​ണ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഓ​പ്പ​ൺ സ്കൂ​ൾ) സ​ഹാ​യം​തേ​ടി. ആ ​പ്രാ​യ​ത്തി​ലെ മു​തി​ർ​ന്ന കു​ട്ടി​ക​ളെ പ​ഠ​ന​ത്തി​ൽ സ​ഹാ​യി​ക്കാ​ൻ "പ്രേ​ര​ക്'​മാ​രെ നി​ശ്ച​യി​ച്ചു. ആ ​പ​ഠ​ന​രീ​തി​ക്ക് "പ്ര​ഗ​തി' എ​ന്നു പേ​രി​ട്ടു.

24,000 ടീം ​ബാ​ലി​ക അം​ഗ​ങ്ങ​ളാ​ണ് വി​ദ്യ, പ്ര​ഗ​തി പ​ദ്ധ​തി​ക​ളി​ലൂ​ടെ പെ​ൺ​കു​ട്ടി​ക​ളു​ടെ വി​ദ്യാ​ഭ്യാ​സം ഉ​റ​പ്പു​വ​രു​ത്തു​ന്ന​ത്. എ​ജ്യു​ക്കേ​റ്റ് ഗേ​ൾ​സി​ന്‍റെ മും​ബൈ ഓ​ഫി​സി​ൽ 70 പ്ര​വ​ർ​ത്ത​ക​രു​ണ്ട്. അ​വ​ർ​ക്കാ​ണ് പ്ര​വ​ർ​ത്ത​ന​ങ്ങ​ളു​ടെ നി​യ​ന്ത്ര​ണം. പ്ര​ഗ​തി വ​ഴി 31,500 പേ​ർ വി​ദ്യാ​ഭ്യാ​സം തു​ട​ർ​ന്നു.

പ​ഠി​ച്ച​വ​ൾ, മി​ടു​ക്കി​ക​ൾ

പ​ര​മ്പ​രാ​ഗ​ത ചി​ന്താ​ഗ​തി​യി​ൽ​നി​ന്നു മാ​റി​ന​ട​ക്കാ​ൻ എ​ജ്യു​ക്കേ​റ്റ് ഗേ​ൾ​സ് പെ​ൺ​കു​ട്ടി​ക​ൾ​ക്കു പി​ന്തു​ണ ന​ൽ​കി. ലിം​ഗ​തു​ല്യ​ത പു​തി​യ വാ​ക്കാ​യി​രു​ന്നു അ​വ​ർ​ക്ക്. പ​ഠി​ച്ച​വ​ർ ഗ്രാ​മ​ത്തി​ൽ അ​ധ്യാ​പ​ക​രാ​യി, ന​ഴ്സാ​യി... പെ​ൺ​കു​ട്ടി​ക​ളു​ടെ വി​വാ​ഹ​പ്രാ​യം ഉ​യ​ർ​ന്നു. പ്ര​സ​വ​ങ്ങ​ൾ ആ​രോ​ഗ്യ​ക​ര​മാ​യി...

വി​ദ്യാ​ഭ്യാ​സ അ​വ​കാ​ശ​നി​യ​മം ത​ങ്ങ​ളു​ടെ ശ്ര​മ​ങ്ങ​ൾ​ക്കു ക​രു​ത്തു​പ​ക​ർ​ന്നു എ​ന്നു സ​ഫീ​ന പ​റ​ഞ്ഞു. "പെ​ൺ​കു​ട്ടി​യെ പ​ഠി​പ്പി​ക്കൂ, സം​ര​ക്ഷി​ക്കൂ' എ​ന്ന മു​ദ്രാ​വാ​ക്യം ഗ്രാ​മ​വാ​സി​ക​ളെ പെ​ൺ​കു​ട്ടി​ക​ളു​ടെ വി​ദ്യാ​ഭ്യാ​സ​ത്തെ​ക്കു​റി​ച്ച് ബോ​ധ്യ​പ്പെ​ടു​ത്തു​ന്ന​തി​ൽ സ​ഹാ​യ​ക​മാ​യി.

പെ​ൺ​കു​ട്ടി​ക​ൾ​ക്കു പ്ര​തീ​ക്ഷ കൊ​ടു​ക്കു​ക​മാ​ത്ര​മ​ല്ല, ആ​ൺ​കു​ട്ടി​ക​ളെ​ക്കാ​ൾ കൂ​ടു​ത​ൽ വി​ദ്യാ​ഭ്യാ​സം നേ​ടു​ന്ന​വ​രാ​യി​മാ​റി പെ​ൺ​കു​ട്ടി​ക​ൾ ഇ​ന്നു രാ​ജ​സ്ഥാ​നി​ൽ.

മാ​ഗ്സ​സേ ക​ര​യി​ച്ചു

അ​വാ​ർ​ഡു​ക​ളും അം​ഗീ​കാ​ര​ങ്ങ​ളും പു​തു​മ​യ​ല്ല ഈ ​സം​ഘ​ട​ന​യ്ക്ക്. പ​ക്ഷേ, മാ​ഗ്സ​സേ അ​വാ​ർ​ഡ് വ​ന്ന​പ്പോ​ൾ അ​റി​യാ​തെ ക​ര​ഞ്ഞു​പോ​യി സ​ഫീ​ന. സ​ഫീ​ന​യ്ക്കു കൂ​ട്ടാ​യി വി​ദ്യാ​ഭ്യാ​സ‌​പ്ര​വ​ർ​ത്ത​ന​ത്തി​ൽ മ​ല​യാ​ളി​ക​ളു​മു​ണ്ട്. മും​ബൈ അ​ന്ധേ​രി​യി​ലെ ഓ​ഫീ​സി​ൽ. സി​ഇ​ഒ ആ​യി ജോ​ലി​ചെ​യ്യു​ന്ന ഗാ​യ​ത്രി നാ​യ​ർ, മീ​ഡി​യ വി​ഭാ​ഗ​ത്തി​ൽ ബി​നി​ഷും അ​ബ്ജി​യും.

ല​ക്ഷ്യം ഉ​റ​പ്പു​ന​ൽ​കി​യാ​ണ് എ​ജ്യു​ക്കേ​റ്റ് ഗേ​ൾ​സ് സം​ഭാ​വ​ന നേ​ടു​ന്ന​ത്. ഗ്രാ​മ​ത്തി​ലെ പെ​ൺ​കു​ട്ടി​ക​ൾ​ക്ക് അ​ഞ്ചു​വ​ർ​ഷം​കൊ​ണ്ട് സ്കൂ​ൾ​വി​ദ്യാ​ഭ്യാ​സം ന​ൽ​കു​ക എ​ന്ന ആ​ശ​യ​ത്തി​നു വ​ൻ​സം​ഭാ​വ​ന​യാ​ണ് ല​ഭി​ച്ച​ത്. ല​ക്ഷ്യ​ത്തി​ൽ വ​ൻ​വി​ജ​യ​മാ​ണ് എ​ജ്യു​ക്കേ​റ്റ് ഗേ​ൾ​സ് നേ​ടി​യ​തും. വി​ദ്യാ​ഭ്യാ​സ​പ്ര​വ​ർ​ത്ത​ന​ത്തി​ൽ ഇ​ങ്ങ​നെ ഉ​റ​പ്പു പാ​ലി​ച്ചു സം​ഭാ​വ​ന നേ​ടു​ന്ന സം​ഘ​ട​ന എ​ന്ന പേ​രും എ​ജ്യു​ക്കേ​റ്റ് ഗേ​ൾ​സി​നു സ്വ​ന്തം.

അ​തി​നി​ട​യി​ൽ ഫി​ലി​പ്പീ​ൻ​സ് രാ​ഷ്ട്ര​നേ​താ​വി​ന്‍റെ പേ​രി​ലു​ള്ള, ഏ​ഷ്യ​ൻ നൊ​ബേ​ൽ എ​ന്നു വി​ളി​പ്പേ​രു​ള്ള പു​ര​സ്കാ​രം തേ​ടി​യെ​ത്തി​യ​തു സ​ഫീ​ന​യ്ക്കും കൂ​ട്ടു​കാ​ർ​ക്കും ന​ൽ​കു​ന്ന ആ​വേ​ശം ചെ​റു​ത​ല്ല. പ്ര​ശം​സാ​പ​ത്ര​വും റ​മോ​ൺ മാ​ഗ്സ​സേ​യു​ടെ ചി​ത്രം പ​തി​ച്ച ശി​ല്പ​വും തു​ക​യും അ​ട​ങ്ങു​ന്ന​താ​ണ് അ​വാ​ർ​ഡ്. മ​നി​ല​യി​ൽ ന​വം​ബ​ർ ഏ​ഴി​നു ന​ട​ക്കു​ന്ന ച​ട​ങ്ങി​ൽ സ​ഫീ​ന ഹു​സൈ​നും കൂ​ട്ടു​കാ​രും അ​ഭി​മാ​ന​പു​ര​സ​രം ആ ​അ​വാ​ർ​ഡ് ഏ​റ്റു​വാ​ങ്ങും.