സിനിമയുടെ വിജയമാണ് വിമര്‍ശകര്‍ക്കുള്ള മറുപടി
വി​മ​ർ​ശ​ന​ങ്ങ​ളെ വി​ജ​യം കൊ​ണ്ടു മ​റി​ക​ട​ന്ന​തി​ന്‍റെ സ​ന്തോ​ഷ​ത്തി​ലാ​ണ് സം​വി​ധാ​യ​ക​ൻ സ​ത്യ​ൻ അ​ന്തി​ക്കാ​ട്. ദു​ൽ​ഖ​ർ സ​ൽ​മാ​ൻ, മു​കേ​ഷ്, അ​നു​പ​മ പ​ര​മേ​ശ്വ​ര​ൻ, ഐ​ശ്വ​ര്യ രാ​ജേ​ഷ്, മ​നോ​ബാ​ല, ഇന്നസെന്‍റ്, ശിവജി ഗുരുവായൂർ തു​ട​ങ്ങി​യ​വ​ർ മു​ഖ്യ​വേ​ഷ​ങ്ങ​ളി​ലെ​ത്തി​യ ജോ​മോ​ന്‍റെ സു​വി​ശേ​ഷ​ങ്ങ​ൾ ​പ്രേ​ക്ഷ​ക​ർ ഏ​റ്റെ​ടു​ത്തി​രി​ക്കു​ന്നു. സ്നേഹമുള്ള ഒരച്ഛന്‍റെയും മകന്‍റെയും ക​ഥ പ​റ​യു​ന്ന ഈ ​ചി​ത്രം പുതു തലമുറയ്ക്കൊപ്പം സഞ്ചരിക്കുന്നുവെന്നാണ്് വി​ല​യി​രു​ത്ത​ൽ. ഡോ. ​ഇ​ക്ബാ​ൽ കു​റ്റി​പ്പു​റം ര​ച​ന നി​ർ​വ​ഹി​ച്ച "ജോ​മോ​ന്‍റെ സു​വി​ശേ​ഷ​ങ്ങ​ളു​ടെ' വിജയരഹസ്യങ്ങൾ പങ്കുവയ്ക്കുകയാണ് സ​ത്യ​ൻ അ​ന്തി​ക്കാ​ട്...

സോ​ഷ്യ​ൽ മീ​ഡി​യ​യി​ലെ വി​മ​ർ​ശ​ന​ങ്ങ​ളെ എ​ങ്ങ​നെ കാ​ണു​ന്നു...‍?

സീ​നി​യേ​ഴ്സാ​യ ആ​ളു​ക​ളു​ടെ പ​ട​ങ്ങ​ൾ വ​രു​ന്പോ​ൾ അ​തി​നെ മാ​ക്സി​മം മോ​ശ​പ്പെ​ടു​ത്താ​നു​ള്ള ശ്ര​മം കു​റ​ച്ചു​നാ​ളാ​യി​ട്ടു​ണ്ട്. ഞാ​നി​പ്പോ​ൾ അ​തു ശ്ര​ദ്ധി​ക്കാ​റി​ല്ല. വ​ല്ലാ​ത്ത മാ​ന​സി​കാ​വ​സ്ഥ​യി​ലു​ള്ള ആ​ളു​ക​ൾ ചെ​യ്യു​ന്ന ഒ​രു ക്രൂ​ര​ത​യാ​ണ​ത്. ആ​രു​ടെ പ​ടം ആ​യാ​ലും ഇ​തൊ​ക്ക ആ​ളു​ക​ൾ മ​ന​പ്പൂ​ർ​വം ചെ​യ്യു​ന്ന​താ​ണെ​ന്ന തോ​ന്ന​ൽ ഇ​പ്പോ​ൾ ഉ​ണ്ടാ​യി​ത്തു​ട​ങ്ങി​യി​ട്ടു​ണ്ട്. കേ​ര​ള​ത്തി​ലെ പ്ര​ബു​ദ്ധ​രാ​യ പ്രേ​ക്ഷ​ക​ർ സോ​ഷ്യ​ൽ​മീ​ഡി​യ​യി​ൽ ഇ​ൻ​സ്റ്റ​ന്‍റാ​യി റി​വ്യൂ എ​ഴു​തു​ന്ന​വ​രെ​ക്കാ​ളും വി​വ​ര​മു​ള്ള​വ​രാ​ണ്. ന​ല്ല സി​നി​മ​ക​ൾ എ​ന്നു വ​ന്നാ​ലും
എ​ത്ര തി​ര​ക്കി​നി​ടെ വ​ന്നാ​ലും കൈ​നീ​ട്ടി സ്വീ​ക​രി​ക്കു​ന്ന​വ​രാ​ണു
മ​ല​യാ​ളി​കൾ.

കുടുംബബന്ധങ്ങളുടെ കഥയാണല്ലോ ഇത്തവണയും...‍?

അ​ച്ഛ​ൻ - മ​ക​ൻ റി​ലേ​ഷ​ൻ​ഷി​പ്പ് അ​ല്ലെ​ങ്കി​ൽ അ​മ്മ-​മ​ക​ൾ റി​ലേ​ഷ​ൻ​ഷി​പ്പ്..​. എ​നി​ക്കു വ​ള​രെ ഇ​ഷ്ട​പ്പെ​ട്ട ഒ​രു ഏ​രി​യ​യാ​ണ്. അ​ത് ഒ​രി​ക്ക​ലും ആ​വ​ർ​ത്ത​ന​മാ​കു​ന്നി​ല്ല. ഈ ​സി​നി​മ ഇ​റ​ങ്ങി​യ സ​മ​യം സോ​ഷ്യ​ൽ​മീ​ഡി​യ​യി​ൽ പെ​ട്ടെ​ന്നു പ്ര​ച​രി​ച്ച ഒ​രു സം​ഭ​വം ജേ​ക്ക​ബി​ന്‍റെ സ്വ​ർ​ഗ​രാ​ജ്യ​ത്തി​ന്‍റെ വി​ഷ​യ​വു​മാ​യി ഇ​തി​നു സാ​മ്യം ഉ​ണ്ടെ​ന്നാ​യി​രു​ന്നു. അ​ങ്ങ​നെ​യൊ​രു സി​നി​മ ഇ​റ​ങ്ങി​ക്ക​ഴി​ഞ്ഞ ശേ​ഷ​മാ​ണ് ഈ ​സി​നി​മ ചെ​യ്തി​ട്ടു​ള്ള​ത്. ഇ​ത്ര​യും സീ​നി​യ​റാ​യ ഞാ​നും ഇ​തി​ന്‍റെ സ്ക്രി​പ്റ്റ് റൈ​റ്റ​റാ​യ ഇ​ക്ബാ​ൽ കു​റ്റി​പ്പു​റ​വും ആ ​സി​നി​മ ക​ണ്ടു​ക​ഴി​ഞ്ഞ​ശേ​ഷം അ​തി​ന്‍റെ ഛായ​ വ​രാ​വു​ന്ന സി​നി​മ ചെ​യ്യാ​ൻ ശ്ര​മി​ക്കി​ല്ല എ​ന്നു​ള്ള​തെ​ങ്കി​ലും ആ​ളു​ക​ൾ മ​ന​സി​ലാ​ക്കേ​ണ്ട​താ​ണ്. ഓ​ടി​യ ഒ​രു സി​നി​മ ക​ണ്ടി​ട്ട് ആ ​സി​നി​മ​യു​ടെ ഛായ​യി​ൽ പ​ക​ർ​ത്തി ഒ​രു സി​നി​മ ചെ​യ്യു​ക എ​ന്ന വി​ഡ്ഢി​ത്തം ചെ​യ്യി​ല്ല. ഇ​തു റി​ലേ​ഷ​ൻ​ഷി​പ്പി​ന്‍റെ ക​ഥ​യാ​ണ്. ഇ​തു ഞാ​ൻ മുന്പു പല സിനിമകളിലും പറഞ്ഞിട്ടുണ്ട്. ഒ​രു സി​നി​മ​യി​ൽ ഒ​ര​ച്ഛ​നും മ​ക​നും ഉ​ണ്ടാ​യി​പ്പോ​യി എ​ന്നു​ള്ള​തു​കൊ​ണ്ട് ഇ​നി ലോ​ക​ത്ത് അ​ച്ഛ​ൻ - മ​ക​ൻ ബ​ന്ധ​മു​ള്ള സി​നി​മ പാ​ടി​ല്ല എ​ന്നു ചി​ന്തി​ക്കാ​നാ​വി​ല്ല​ല്ലോ.

ഈ സി​നി​മ​യു​ടെ പ്ര​മേ​യ​ത്തി​ലേ​ക്ക് എ​ത്തി​യ​ത്..?

ക​ഴി​ഞ്ഞ സി​നി​മ ചെ​യ്ത ശേ​ഷ​മു​ള്ള ഒ​രു ഗ്യാ​പ്പി​ലാ​ണ് ഞാ​നും ഡോ.ഇ​ക്ബാ​ൽ കു​റ്റി​പ്പു​റ​വും കൂ​ടി ഒ​രു സി​നി​മ ചെ​യ്യു​ന്ന​തി​നെ​ക്കു​റി​ച്ച് ആ​ലോ​ചി​ച്ച​ത്. വ​ള​രെ വ്യ​ത്യ​സ്ത​തയു​ള്ള ഒ​രു അ​ച്ഛ​ന്‍റെ​യും മ​ക​ന്‍റെ​യും റിലേഷൻഷിപ്പിന്‍റെ ആ​ശ​യം ത​ന്‍റെ പ​ക്ക​ലു​ണ്ടെ​ന്ന് ​ഇ​ക്ബാ​ൽ പ​റ​ഞ്ഞു. അ​ച്ഛ​ൻ എ​ന്നാ​ൽ എ​ന്‍റെ​യും ഇ​ക്ബാ​ലി​ന്‍റെ​യും ത​ല​മു​റ​യി​ലു​ള്ള ഒ​ര​ച്ഛ​ൻ. അ​ങ്ങ​നെ​യാ​ണ് മു​കേ​ഷി​നെ ആ​ലോ​ചി​ച്ച​ത്. ത​ര​ക്കേ​ടി​ല്ലാ​തെ സ​ന്പ​ന്ന​മാ​യ ഒ​രു കു​ടും​ബ​ത്തി​ലെ ത​ല​തെ​റി​ച്ച ഒ​രു മകൻ. അ​വ​നാ​ണ് അ​ച്ഛ​ന്‍റെ കോ​ടാ​ലി! ഏ​റ്റ​വും മോ​ശം മ​ക​ൻ എ​ന്നു വി​ചാ​രി​ച്ചി​രു​ന്ന അ​വ​നി​ലാ​ണ് ഏ​റ്റ​വും കൂ​ടു​ത​ൽ സ്കി​ൽ ഉ​ള്ള​തും ഏ​റ്റ​വും കൂ​ടു​ത​ൽ സ്നേ​ഹം ഉ​ള്ള​തെ​ന്നും അ​ച്ഛ​ൻ തി​രി​ച്ച​റി​യു​ന്നു. അ​താ​യി​രു​ന്നു ഇ​ക്ബാ​ൽ പ​റ​ഞ്ഞ ആ​ശ​യം. ഈ ​സി​നി​മ​യ്ക്ക് ജേ​ക്ക​ബി​ന്‍റെ സ്വ​ർ​ഗ​രാ​ജ്യം എ​ന്ന സി​നി​മ​യെ​പ്പ​റ്റി പ​റ​യു​ന്ന​തി​നെ​ക്കാ​ളും കൂ​ടു​ത​ൽ ഞാ​ൻ കേ​ൾ​ക്കാ​ൻ ആ​ഗ്ര​ഹി​ക്കു​ന്ന ആ​രോ​പ​ണം ഇ​ന്ന​സെ​ന്‍റും ഇ​ന്ന​സെ​ന്‍റി​ന്‍റെ അ​പ്പ​നും ത​മ്മി​ലു​ള്ള റി​ലേ​ഷ​ൻ​ഷി​പ്പാ​ണ്. ഇ​വ​നാ​ണ് ത​ന്‍റെ ഏ​റ്റ​വും വ​ലി​യ കു​രി​ശ് എ​ന്ന് ത​ന്നെ​ക്കു​റി​ച്ച് അ​പ്പ​ൻ പ​റ​ഞ്ഞിരുന്ന​താ​യി ഇ​ന്ന​സെ​ന്‍റ് പ​ല​പ്പോ​ഴും പ​റ​യാ​റു​ണ്ട്. കാ​ര​ണം, ഇന്നസെന്‍റ് പ​ഠി​ക്കി​ല്ല. ചേ​ട്ടന്മാ​രൊ​ക്കെ വ​ക്കീ​ലും ഡോ​ക്ട​റു​മൊ​ക്കെ​യാ​ണ്. പക്ഷേ, ഇന്ന് ഇ​ന്ന​സെ​ന്‍റാ​ണ് ആ ​കു​ടും​ബ​ത്തി​ലെ മി​ടു​ക്ക​നെന്നു നമുക്കറിയാം. ഈ ​ഡോ​ക്ട​റാ​യാ​ലും വ​ക്കീ​ലാ​യാ​ലും അ​റി​യ​പ്പെ​ടു​ന്ന​ത് ഇ​ന്ന​സെ​ന്‍റി​ന്‍റെ ചേ​ട്ട​ൻ എ​ന്ന രീ​തി​യി​ലാ​ണ്. ഇ​തൊ​ക്കെ ന​മ്മു​ടെ ക​ണ്ണി​നു മു​ന്നി​ലു​ള്ള സ​ത്യ​ങ്ങ​ളാ​ണ്.

ദു​ൽ​ഖ​റു​മാ​യു​ള്ള അ​നു​ഭ​വ​ങ്ങ​ൾ...

മമ്മൂട്ടിയുടെ വീട്ടിൽ വച്ചു ഞാ​ൻ കാ​ണു​ന്പോ​ഴൊ​ക്ക ദു​ൽ​ഖ​ർ ശ​രി​ക്കും നാ​ണം​കു​ണു​ങ്ങി​യാ​യ ഒ​രു പ​യ്യ​നാ​യി​രു​ന്നു. അ​ധി​കം സം​സാ​രി​ക്കാ​ൻ പോ​ലും നി​ൽ​ക്കാ​ത്ത ഒ​രു കു​ട്ടി​. ദു​ൽ​ഖ​റി​ന്‍റെ​യു​ള്ളി​ൽ ഇ​ത്ര​യും ന​ല്ല ഒ​ര​ഭി​നേ​താ​വ് ഉ​ണ്ടെന്നു ഞാ​ൻ ഒ​രി​ക്ക​ലും വി​ചാ​രി​ച്ചി​ട്ടി​ല്ല.
മ​മ്മൂ​ട്ടി​യു​ടെ ആ​ക്ടിം​ഗി​ന്‍റെ ഛായ ​അ​ല്ലാ​ത്ത​വി​ധ​ത്തി​ൽ സ്വ​ന്ത​മാ​യി ഒ​രു ശൈ​ലി കു​റേ കൊ​ച്ചു സി​നി​മ​ക​ളി​ലൂ​ടെ ഉ​ണ്ടാ​ക്കി​യെ​ടു​ത്തു എ​ന്നു​ള്ള​ത് എ​ന്നെ അ​തി​ശ​യി​പ്പി​ച്ചു. ചാ​ർ​ലി​യും ക​ലി​യും ക​മ്മ​ട്ടി​പ്പാ​ട​വും ബാം​ഗ​ളൂ​ർ ഡെ​യ്സും കാണുന്പോൾ സ്പാ​ർ​ക്കു​ള്ള ആ ന​ട​നെ അ​ഭി​ന​യി​പ്പി​ക്കാ​ൻ കൊ​തി​തോ​ന്നും ഒ​രു ഡ​യ​റ​ക്ട​ർ​ക്ക്. അ​തി​ന്‍റെ വാ​ണി​ജ്യ​വി​ജ​യ​ത്തി​നേ​ക്കാ​ൾ കൂ​ടു​ത​ൽ കൊ​തി​പ്പി​ച്ച​ത് അ​യാ​ളു​ടെ പെ​ർ​ഫോ​മ​ൻ​സ്, പ്ര​സ​ന്‍റേ​ഷ​ൻ എ​ന്നി​വ​യൊ​ക്കെ​യാ​ണ്. പു​തി​യ ത​ല​മു​റ​യി​ലെ ഒ​രു ആ​ർ​ട്ടി​സ്റ്റ് എ​ന്ന നി​ല​യി​ൽ എ​ന്നെ മോ​ഹി​പ്പി​ച്ച ന​ട​നാ​ണ് ദു​ൽ​ഖ​ർ. ഇ​ങ്ങ​നെ ഒ​രു വി​ഷ​യം ചെ​യ്യാ​മെ​ന്നു പ​റ​ഞ്ഞ​പ്പോ​ൾ ത​നി​ക്കു ക​ഥ​യൊ​ന്നും കേ​ൾ​ക്കേ​ണ്ട, താ​ൻ റെ​ഡി​യാ​ണെ​ന്നു ദു​ൽ​ഖ​ർ പ​റ​ഞ്ഞു. ഷൂ​ട്ടിം​ഗി​നു ത​ലേ​ദി​വ​സ​മാ​ണു സ്ക്രി​പ്റ്റ് പ​റ​ഞ്ഞു​കൊ​ടു​ത്തത്.

ദു​ൽ​ഖ​റി​ന്‍റെ കാ​ര​ക്ട​ർ, പെരു​മാ​റ്റം, സഹകരണ മനോഭാവം..എ​ല്ലാം പോ​സി​റ്റീ​വാ​ണ്്. ആ​റു മ​ണി​ക്കു വേ​ണ​മെ​ങ്കി​ൽ ആ​റു മ​ണി​ക്കു റെ​ഡി​. എ​ത്ര നേ​രം ഷൂ​ട്ട് ചെ​യ്താ​ലും വി​രോ​ധ​മി​ല്ല. സി​നി​മ എ​ന്ന​ത് ഒ​രു പാ​ഷ​നാ​യി ദു​ൽ​ഖ​റി​ന്‍റെ ഉ​ള്ളി​ൽ കി​ട​ക്കു​ന്നു. ദു​ൽ​ഖ​ർ സ​ൽ​മാ​ൻ എ​ന്ന വ്യ​ക്തി സി​നി​മാ​ന​ട​നാ​കാ​ൻ ജ​നി​ച്ച ഒ​രാ​ളാ​ണ് എ​ന്ന് നാ​ലു ദി​വ​സ​ത്തെ ഷൂ​ട്ടിം​ഗി​നു ശേ​ഷം ഞാ​ൻ മ​മ്മൂ​ട്ടി​യെ വി​ളി​ച്ചു​പ​റ​ഞ്ഞു. ത​ലേ​ദി​വ​സം ത​ന്നെ സീ​ൻ പ​ഠി​ച്ചു​വ​ച്ചി​രി​ക്കും. സെ​റ്റി​ൽ വ​ന്നു​ക​ഴി​ഞ്ഞാ​ൽ പ്രോം​പ്റ്റിംഗ് ഇല്ലാതെ അ​തു വ​ള​രെ ഭം​ഗി​യാ​യി, അ​നാ​യാ​സ​മാ​യി പ്ര​സ​ന്‍റ് ചെ​യ്യും. കാ​മ​റ​യു​ടെ മു​ന്നി​ൽ ന​ന്നാ​യി പെ​രു​മാ​റാ​ൻ സാ​ധി​ക്കു​ക എ​ന്നു​ള്ള​താ​ണ് ഒ​രു ന​ട​ന്‍റെ ഏ​റ്റ​വും വ​ലി​യ ക​ഴി​വെ​ന്നു ഞാ​ൻ വി​ശ്വ​സി​ക്കു​ന്നു.

മു​കേ​ഷ്- ദു​ൽ​ഖ​ർ കോം​ബി​നേ​ഷ​ൻ അം​ഗീ​ക​രി​ക്ക​പ്പെ​ട്ടു​വ​ല്ലോ...‍?

സി​നി​മ​യു​ടെ വി​ജ​യ​ഘ​ട​ക​ങ്ങ​ളി​ലൊ​ന്നാ​ണ് കോം​ബി നേഷനുകൾ. മു​കേ​ഷ് അ​പാ​ര ടൈ​മിം​ഗ് ഉ​ള്ള ന​ട​നാ​ണ്. വ​ള​രെ ന​ർ​മ​ബോ​ധ​മു​ള്ള, ശ​രീ​രം കൊ​ണ്ടും ശ​ബ്ദം കൊ​ണ്ടും വ​ള​രെ​പ്പെട്ടെന്നു വി​കാ​ര​ങ്ങ​ൾ പ്ര​ക​ടി​പ്പി​ക്കു​ന്ന ന​ടൻ. ദു​ൽ​ഖ​ർ സ്വാ​ഭാ​വി​ക​മാ​യ അ​ഭി​ന​യ​ത്തി​ന്‍റെ വ​ക്താ​വും. ഈ ​ര​ണ്ടു​പേ​രു​ടെ​യും കോം​ബി​നേ​ഷ​ൻ സ​ക്സ​സ് ആ​കു​മെ​ന്ന കാ​ര്യം എ​നി​ക്ക് ഉ​റ​പ്പാ​യി​രു​ന്നു. ആ ​കോം​ബി​നേ​ഷ​ൻ സി​നി​മ​യു​ടെ വി​ജ​യ​ത്തി​നു വ​ലി​യ ഗു​ണം ചെ​യ്തു; അതുപോലെ തന്നെ ദുൽഖർ- ജേക്കബ് ഗ്രിഗറി കോംബിനേഷനും.

അ​നു​പ​മ​യി​ലേ​ക്കും ഐ​ശ്വ​ര്യ​യി​ലേ​ക്കും എ​ത്തി​യ​ത്...

അ​നു​പ​മ​യി​ലേ​ക്കു വ​ള​രെ പെ​ട്ടെ​ന്നാ​ണ് എ​ത്തി​യ​ത്. കാ​ര​ണം പ്രേ​മം എ​ന്ന സി​നി​മ​യി​ലെ കു​റ​ച്ചു ചെ​റു​പ്പ​ക്കാ​രെ കൊ​തി​പ്പി​ച്ച പെ​ണ്‍​കു​ട്ടി​യാ​ണ് അ​നു​പ​മ. പ്രേ​മ​ത്തി​ലെ ആ ​ഇ​മേ​ജ് ത​ന്നെ​യാ​ണ് അ​നു​പ​മ​യെ കാ​സ്റ്റ് ചെ​യ്യാ​നു​ണ്ടാ​യ ആ​ദ്യ​ത്തെ കാ​ര​ണം. വി​ട​ർ​ന്നു​വ​രു​ന്ന പൂ​വി​ന്‍റെ മൃ​ദു​ല​ത​യു​ള്ള രൂ​പ​ലാ​വ​ണ്യ​മാ​ണ് അ​നു​പ​മ​യ്ക്കു​ള്ള​ത്. പി​ന്നെ നി​ഷ്ക​ള​ങ്ക​മാ​യ ചി​രി. ആ ​കാ​ര​ക്ട​റി​ന്‍റെ ഉ​ള്ളി​ലും ഒ​രു നി​ഷ്ക​ള​ങ്ക​ത​യു​ണ്ട്. പ്രേ​മ​ത്തി​നു​ശേ​ഷം മ​റ്റു മലയാളസി​നി​മ​ക​ളി​ൽ അ​നു​പ​മ വ​രാ​ത്ത​തു​കൊ​ണ്ടു​ള്ള ഫ്ര​ഷ്ന​സും ഗു​ണം ചെ​യ്തു. ഐ​ശ്വ​ര്യാരാ​ജേ​ഷി​ലേ​ക്ക് എ​ത്തി​യ​ത് ഏറെ ബു​ദ്ധി​മു​ട്ടി​യാ​ണ്. കു​റ​ച്ചേ ഉ​ള്ളൂ എ​ങ്കി​ലും അ​തു വ​ള​രെ സ​ത്യ​സ​ന്ധ​മാ​യി ചെ​യ്യേ​ണ്ട ഒ​രു റോ​ൾ ആ​ണ്. കു​റേ പു​തു​മു​ഖ​ങ്ങ​ളെ നോ​ക്കി. പ​ക്ഷേ, ത​മി​ഴി​ന്‍റെ ക​ൾ​ച്ച​ർ ഉ​ള്ള, അ​ന്യ​നാ​ടു​മാ​യി ബ​ന്ധ​മു​ണ്ടെ​ന്നു തോ​ന്നിപ്പിക്കുന്ന അ​പ്പി​യ​റ​ൻ​സു​ള്ള പെ​ണ്‍​കു​ട്ടി​യെ ആ​ണു വേ​ണ്ടി​യി​രു​ന്ന​ത്. ന​മ്മ​ൾ നോ​ക്കി​യ കു​ട്ടി​ക​ളി​ലൊ​ന്നും അ​തു പൂ​ർ​ണ​മാ​യി എ​ത്തി​യി​ല്ല. പോ​ളി​ഷ്ഡ് സൗ​ന്ദ​ര്യ​മ​ല്ലാ​തെ ഡൗ​ണ്‍ റ്റു ​എ​ർ​ത്താ​യി​ട്ടു​ള്ള ഒ​രു രൂ​പ​ത്തി​നു വേ​ണ്ടി​യു​ള്ള തെര​ച്ചി​ലി​ലാ​ണ് "കാ​ക്ക​മു​ട്ടൈ​'യി​ലെ നാ​യി​ക ഐശ്വര്യ യിലെത്തിയത്. ​ഐശ്വ​ര്യ ആ വേഷം വ​ള​രെ ഈ​സി​യാ​യി, സ്വാഭാവികമായി ചെ​യ്തു.

പെ​രു​മാ​ൾ എ​ന്ന ക​ഥാ​പാ​ത്രമായി വന്ന മ​നോ​ബാ​ല​യെ​ക്കു​റി​ച്ച്...

ത​മി​ഴി​ലെ വ​ള​രെ പ്ര​ശ​സ്ത​നാ​യ ഡ​യ​റ​ക്ട​റാ​യി​രു​ന്നു മ​നോ​ബാ​ല. 45 സി​നി​മ​ക​ൾ സം​വി​ധാ​നം ചെ​യ്തി​ട്ടു​ണ്ട്. ര​ജ​നീ​കാ​ന്ത്, വി​ജ​യ​കാ​ന്ത് തു​ട​ങ്ങി ത​മി​ഴി​ലെ സൂ​പ്പ​ർ സ്റ്റാ​റു​ക​ളെ വ​ച്ചു പ​ട​ങ്ങ​ൾ സം​വി​ധാ​നം ചെ​യ്ത​യാൾ. ബാ​ലു മ​ഹേ​ന്ദ്ര​യു​ടെ അ​സി​സ്റ്റ​ന്‍റ് ആ​യി​രു​ന്നു. ഒ​രി​ക്ക​ലും ഓ​വ​റാ​കാ​തെ ത​ന്‍റേതായ സ്റ്റൈ​ലി​ൽ, വ​ള​രെ പ​തി​ഞ്ഞ താ​ള​ത്തി​ൽ സം​സാ​രി​ക്കു​ന്ന, അ​തി​ലൂ​ടെ ഹ്യൂ​മ​റ​സാ​യി പ്ര​സ​ന്‍റ് ചെ​യ്യു​ന്ന നടൻകൂടിയാണ് മനോബാല. പ​ല ത​മി​ഴ് സി​നി​മ​ക​ളി​ലും അ​ദ്ദേ​ഹ​ത്തി​ന്‍റെ സ്വാ​ഭാ​വി​ക​മാ​യ അ​ഭി​ന​യം ക​ണ്ട് എ​ൻ​ജോ​യ് ചെ​യ്തി​ട്ടു​ണ്ട് ഞാ​ൻ. അ​തു​കൊ​ണ്ടാ​ണ് അ​ദ്ദേ​ഹ​ത്തെ വി​ളി​ച്ച​ത്.

ഡോ. ​ഇ​ക്ബാ​ൽ കു​റ്റി​പ്പു​റ​വു​മാ​യി വീ​ണ്ടും...

ഈ ​ത​ല​മു​റ​യി​ലെ ബ്രി​ല്യ​ന്‍റാ​യ സ്ക്രി​പ്റ്റ് റൈ​റ്റേ​ഴ്സി​ൽ ഒ​രാ​ളാ​ണ് ഡോ. ഇ​ക്ബാ​ൽ കു​റ്റി​പ്പു​റം. ഇ​ക്ബാ​ൽ എ​ഴു​താ​ത്ത ഒ​രു​വ​രി പോ​ലും ഈ ​സി​നി​മ​യി​ലി​ല്ല. ഞ​ങ്ങ​ൾ ര​ണ്ടു​പേ​രും ഡി​സ്ക​സ് ചെ​യ്തശേഷമാണ്് തി​ര​ക്ക​ഥ​യു​ണ്ടാ​ക്കി​യ​ത്. അ​ദ്ദേ​ഹം അ​തു ഭം​ഗി​യാ​യി എ​ഴു​തി​യി​ട്ടു​ണ്ട്. ശ്രീ​നി​വാ​സ​നും ലോ​ഹി​ത​ദാ​സും ര​ഘു​നാ​ഥ് പ​ലേ​രി​യു​മൊ​ക്കെ​യാ​ണ​ല്ലോ എ​ന്‍റെ മ​ന​സി​നോ​ടു കൂ​ടു​ത​ൽ ചേ​ർ​ന്നു​നി​ൽ​ക്കു​ന്ന റൈ​റ്റേ​ഴ്സ്. ആ ​കൂ​ട്ട​ത്തി​ൽ​പ്പെ​ട്ട ഒ​രാ​ളാ​ണ് ഇ​ക്ബാ​ലും.

വി​നോ​ദ​യാ​ത്ര​യ്ക്കു ശേ​ഷം എ​സ്. കു​മാ​റിനൊപ്പം...

വി​ഷ്വ​ലി ഈ ​സി​നി​മ ഇ​ത്ര​യും ഭം​ഗി​യാ​യ​തി​നു പി​ന്നി​ൽ എ​സ്. കു​മാ​ർ എ​ന്ന ഛായാ​ഗ്രാ​ഹ​ക​ന്‍റെ സം​ഭാ​വ​ന ഏ​റെ​യാ​ണ്. ന​മ്മ​ൾ കാ​ണാ​ത്ത ഒ​രു സൗ​ന്ദ​ര്യം കു​മാ​ർ വ​യ്ക്കു​ന്ന െഫ്ര​യി​മി​ലൂ​ടെ കാ​ണാ​നാ​വും. പ​ഠി​ക്കു​ന്ന കാ​ല​ത്ത് കി​ലു​ക്കം എ​ന്ന സി​നി​മ​യി​ലെ ഉൗ​ട്ടി​യു​ടെ സൗ​ന്ദ​ര്യം ക​ണ്ടി​ട്ട് ഉൗ​ട്ടി കാ​ണാ​ൻ പോ​യ ത​നി​ക്ക് ആ ​സൗ​ന്ദ​ര്യം നേ​രി​ട്ടു ക​ണ്ട​പ്പോ​ൾ കി​ട്ടി​യി​ല്ല എ​ന്നും എ​സ്. കു​മാ​റി​ന്‍റെ കാ​മ​റ​ക്ക​ണ്ണു​ക​ളി​ലൂ​ടെ നോ​ക്കി​യാ​ലേ ഉൗ​ട്ടി​ക്ക് ആ ​ഭം​ഗി ഉ​ണ്ടാ​വൂ എ​ന്നും ഛായാ​ഗ്രാ​ഹ​ക​ൻ ജോ​മോ​ൻ ടി.​ജോ​ണ്‍ പ​റ​ഞ്ഞി​ട്ടു​ണ്ട്. എ​സ്. കു​മാ​റി​ന്‍റെ കാ​മ​റ​ക്ക​ണ്ണി​ലൂ​ടെ നോ​ക്കി​യ​പ്പോ​ഴാ​ണ് ഈ ​സി​നി​മ ഇ​ത്ര​യും ഭം​ഗി​യു​ള്ള​തായത്. പ്ര​ത്യേ​കി​ച്ചും
തി​രു​പ്പൂ​ർ എ​ന്ന ലൊ​ക്കേ​ഷ​ൻ.

ഇ​തി​ന്‍റെ നി​ർ​മാ​താ​വ് സേ​തു മ​ണ്ണാ​ർ​ക്കാ​ടി​നെ​ക്കു​റി​ച്ച്...

സേ​തു വ​ർ​ഷ​ങ്ങ​ളാ​യി എ​ന്‍റെ പ്രൊ​ഡ​ക്്ഷ​ൻ ക​ണ്‍​ട്രോ​ള​റാ​യി വ​ർ​ക്ക് ചെ​യ്ത​യാ​ളാ​ണ്. സ​ത്യ​സ​ന്ധ​മാ​യി വ​ർ​ക്ക് ചെ​യ്യു​ന്ന​യാ​ളാ​ണ്. ‌ന​മു​ക്കു ന​ല്ലൊ​രു പ്രൊ​ഡ്യൂ​സ​റി​നെ​ക്കൂ​ടി കി​ട്ടി. ഇ​നി ന​ല്ല സി​നി​മ​യെ സ്നേ​ഹി​ക്കു​ന്നവർ ക​ട​ന്നു​വ​രു​മെ​ന്നും സേ​തു​വി​ന്‍റെ ബാ​ന​റി​ൽ ന​ല്ല സി​നി​മ​ക​ൾ ഉ​ണ്ടാ​ക്കു​മെ​ന്നും വി​ചാ​രി​ക്കു​ന്നു.

ശ്രീ​നി​വാ​സ​ൻ, സ​ത്യ​ൻ അ​ന്തി​ക്കാ​ട്, മോ​ഹ​ൻ​ലാ​ൽ ടീം ​വീ​ണ്ടും വ​രു​ന്നു
എ​ന്നു കേ​ൾ​ക്കു​ന്നു....

ഞാ​നും ശ്രീ​നി​വാ​സ​നും മോ​ഹ​ൻ​ലാ​ലും ആ​ഗ്ര​ഹി​ക്കു​ന്ന ഒ​രു സം​ഗ​തി​യാ​ണ​ത്. എ​പ്പോ​ഴാ​ണ് വ​രി​ക​യെ​ന്നു പ​റ​യാ​നാ​വി​ല്ല. എ​ന്താ​യാ​ലും ഞ​ങ്ങ​ൾ അ​തി​നു​വേ​ണ്ടി ശ്ര​മി​ച്ചു​കൊ​ണ്ടി​രി​ക്കു​ന്നു. മു​ന്നൊ​രു​ക്കം തു​ട​ങ്ങി​യി​ട്ടു​ണ്ട്. അ​തു സ​ക്സ​സ് ആ​യാൽ അ​ധി​കം വൈ​കാ​തെ അ​തു ന​ട​ക്കും.​ ​സീ​രീ​സ് പ​ട​ങ്ങ​ളു​ടെ തു​ട​ർ​ച്ച ആ​ണോ അ​ല്ല​യോ എ​ന്നൊ​ന്നും തീ​രു​മാ​നി​ച്ചി​ട്ടി​ല്ല. ചി​ല​പ്പോ​ൾ അ​തൊ​രു ഫ്ര​ഷ് സി​നി​മ​യാ​യി മാ​റാം. എ​ല്ലാം ന​ട​ന്നു​കി​ട്ടേ​ണ്ടേ. കു​റേ ഭാ​ഗ്യം കൂ​ടി​യു​ണ്ടാ​വ​ണം അ​തി​ൽ. മോ​ഹ​ൻ​ലാ​ൽ റെ​ഡി​യാ​ണ്. ശ്രീ​നി​വാ​സ​നും റെ​ഡി​യാ​ണ്. ശ്രീ​നി​വാ​സ​ന്‍റെ സൗ​ക​ര്യം കൂ​ടി നോ​ക്കി​യി​ട്ട് അ​ത് എ​ഴു​താ​നു​ള്ള സ​മ​യം​കൂ​ടി ഉ​ണ്ടാ​യാ​ൽ മ​തി. ഒ​ന്നു​കി​ൽ പ്രി​യ​ദ​ർ​ശ​ന്‍റെ പ​ട​ത്തി​ലൂ​ടെ അ​ല്ലെ​ങ്കി​ൽ എ​ന്‍റെ പ​ട​ത്തി​ലൂ​ടെ മോ​ഹ​ൻ​ലാ​ലും ശ്രീ​നി​വാ​സ​നു​മൊ​ക്കെ ഒ​ന്നി​ച്ചു​വ​രും. ഞാ​നും ശ്ര​മി​ക്കു​ന്നു​ണ്ട്. പ്രി​യ​ദ​ർ​ശ​നും ശ്ര​മി​ക്കു​ന്നു​ണ്ട്. അ​ധി​കം വൈ​കാ​തെ ഇ​തി​ൽ ഒ​ന്ന് ഉ​ണ്ടാ​വും.

ടി.ജി.ബൈജുനാഥ്