ക​ല്ലും മു​ള്ളും ക​ല‌​യ്ക്കു മെ​ത്തൈ!
"വ​ല്ല​ഭ​നു പു​ല്ലും ആ​യു​ധം' എ​ന്നു കേ​ട്ടി​ട്ട​ല്ലേ​യു​ള്ളൂ, എ​ന്നാ​ൽ, ശ്രീ​ജ ക​ള​പ്പു​ര​യ്ക്ക​ൽ എ​ന്ന യു​വ​ക​ലാ​കാ​രി​യെ ക​ണ്ടാ​ൽ മ​തി, അ​തു സ​ത്യ​മാ​ണെ​ന്ന് ആ​രും സ​മ്മ​തി​ക്കും! കൈ​യി​ൽ കി​ട്ടു​ന്ന​തെ​ന്തും അ​തു പ​ക്ഷി​ത്തൂ​വ​ലോ ക​ല്ലോ ക​ട​ൽ​ച്ചി​പ്പി​യോ എ​ന്തു​മാ​ക​ട്ടെ, ശ്രീ​ജ​യു​ടെ കൈ​യി​ലെ​ത്തി​യാ​ൽ അ​തി​ന്‍റെ ത​ല​വ​ര മാ​റും. തീ​ർ​ഥാ​ട​ന​ത്തി​നു പോ​കു​ന്ന​വ​ർ​ക്കു ക​ല്ലും മു​ള്ളും കാ​ലു​ക്കു മെ​ത്തൈ ആ​ണെ​ങ്കി​ൽ ശ്രീ​ജ​യ്ക്കു ക​ല്ലും മു​ള്ളു​മെ​ല്ലാം ക​ല​യ്ക്കു മെ​ത്തൈ ആ​ണ്. ക​ൽ​ക്ക​ഷ​ണ​ങ്ങ​ളും ക​ക്ക​ത്തോ​ടും കി​ളി​ത്തൂ​വ​ലു​ക​ളും കാ​ൻ​വാ​സു​മെ​ല്ലാം ശ്രീ​ജ തൊ​ട്ടാ​ൽ ക​ലാ​മൂ​ല്യ​മു​ള്ള​താ​യി മാ​റും. ശ്രീ​ജ ഇ​ട​യ്ക്കി​ടെ രാ​ജ്യ​ത്തെ ക​ലാ​കേ​ന്ദ്ര​ങ്ങ​ളി​ലേ​ക്കു യാ​ത്ര​ക​ൾ പോ​കും. ക​ലാ​രൂ​പ​ങ്ങ​ളു​ണ്ടാ​ക്കാ​നു​ള്ള ക​ല്ലു​ക​ൾ തേ​ടി​യും വി​വി​ധ കേ​ന്ദ്ര​ങ്ങ​ളി​ലെ ക​ലാ​വ​സ്തു​ക്ക​ൾ കാ​ണാ​നു​മാ​ണ് ഈ ​യാ​ത്ര.

ക​ല്ലി​ലെ ക​വി​ത

ഒ​ഡീ​ഷ​യി​ലെ ഹി​രാ​ക്കു​ഡി​ൽ പോ​യി മ​ട​ങ്ങി​യ​ത് റോ​യ​ൽ ചി​ത്ര​ങ്ങ​ൾ തീ​ർ​ക്കാ​നു​ള്ള ക​ല്ലു​ക​ളു​മാ​യി​ട്ടാ​ണ്. ഇ​വി​ട​ത്തെ വെ​ള്ളാ​രം ക​ല്ലു​ക​ളാ​ണ് മൈ​സൂ​ർ, താ​ഞ്ചൂ​ർ, സു​ർ​പൂ​ർ പെ​യി​ന്‍റിം​ഗു​ക​ൾ​ക്കു​പ​യോ​ഗി​ച്ച​ത്. സ്വ​ർ​ണം ചാ​ലി​ച്ചെ​ഴു​തി​യ​വ​യെ​ന്നാ​ണ് മൈ​സൂ​ർ രീ​തി അ​റി​യ​പ്പെ​ടു​ന്ന​ത്. താ​ഞ്ചൂ​ർ വ​ര​ക​ളി​ൽ മു​ത്തും പൊ​ന്നു​മാ​ണ് മു​ന്നി​ട്ടു​നി​ൽ​ക്കു​ന്ന​തെ​ങ്കി​ൽ, സു​ർ​പൂ​ർ ര​ച​ന​ക​ളു​ടെ സ​വി​ശേ​ഷ​ത വൈ​ര​ക്ക​ല്ലും പ​വി​ഴ​വു​മാ​ണ്.

ആ​സാം ക​ല്ലി​ൽ രാ​ജ​സ്ഥാ​ൻ വ​ര​ക​ൾ

കാ​പ്പി​പ്പൊ​ടി നി​റ​മു​ള്ള ആ​സാം ക​ല്ലു​ക​ളി​ലാ​ണ് രാ​ജ​സ്ഥാ​ൻ ശൈ​ലി​ക​ൾ വ​ര​ച്ചി​ട്ട​ത്. ഇ​തി​ഹാ​സ​ങ്ങ​ളി​ലെ​യും പു​രാ​ണ​ങ്ങ​ളി​ലെ​യും ദൃ​ശ്യ​ങ്ങ​ളും ക​ഥാ​രം​ഗ​ങ്ങ​ളും നി​റ​ഞ്ഞു നി​ൽ​ക്കു​ന്ന​തി​നാ​ൽ രാ​ജ​സ്ഥാ​ൻ വ​ര​ക​ൾ ര​ജ​പു​ത് പെ​യി​ന്‍റിം​ഗ്സ് എ​ന്നും അ​റി​യ​പ്പെ​ടു​ന്നു. നി​ര​വ​ധി രാ​ജ​സ്ഥാ​ൻ വ​ർ​ക്കു​ക​ൾ ഇ​തി​ന​കം ചെ​യ്തു. കു​റെ​യെ​ണ്ണം പ​ണി​പ്പു​ര​യി​ലാ​ണ്.

ക​ട​പ്പ ക​ല്ലി​ൽ ഗു​ഹാ​ചി​ത്ര​ങ്ങ​ൾ

ക​ല​ർ​പ്പി​ല്ലാ​ത്ത ക​റു​പ്പാ​ണ് ക​ട​പ്പ ക​ല്ലു​ക​ളു​ടെ പ്ര​ത്യേ​ക​ത. അ​തി​നാ​ൽ ഗു​ഹാ​ചി​ത്ര​ങ്ങ​ളും മ്യൂ​റ​ലു​ക​ളും വ​ര​ച്ചി​ടാ​ൻ തെ​ക്ക​ൻ ആ​ന്ധ്ര​യി​ലെ ക​ല്ലു​ക​ളാ​ണ് ഉ​ത്ത​മം. ചി​ല അ​ജ​ന്ത, എ​ല്ലോ​റ, ഭീം​ബ​ട്ക ഗു​ഹാ​ചി​ത്ര​ങ്ങ​ളും ഇ​ന്ത്യ-​നേ​പ്പാ​ൾ അ​തി​ർ​ത്തി​യി​ലു​ള്ള ലാ​മ ചി​ത്ര​ങ്ങ​ളും പു​ന​രാ​വി​ഷ്ക​രി​ച്ച​ത് ക​ട​പ്പ ക​ല്ലു​ക​ളി​ലാ​ണ്. മു​നി​യ​റ​ക​ളും ഗു​ഹാ​ക്ഷേ​ത്ര​വും ശി​ലാ​ലി​ഖി​ത​ങ്ങ​ളു​മു​ള്ള ഇ​ടു​ക്കി ജി​ല്ല​യി​ലെ മ​റ​യൂ​രി​ലെ​യും ചെ​റു​ശി​ലാ​യു​ഗ​സം​സ്കാ​ര ലി​ഖി​ത​ങ്ങ​ളു​ള്ള വ​യ​നാ​ട്ടി​ലെ എ​ട​യ്ക്ക​ൽ ഗു​ഹ​യി​ലെ​യും ചി​ല ദൃ​ശ്യ​ങ്ങ​ളും ക​ട​പ്പ ക​ല്ലു​ക​ളി​ൽ ശ്രീ​ജ വ​ര​ച്ചു​ണ്ടാ​ക്കി​യി​ട്ടു​ണ്ട്.

ചാ​ലി​യാ​ർ ക​ല്ലി​ൽ ഗോ​ത്ര ര​ച​ന​ക​ൾ

പെ​യി​ന്‍റിം​ഗി​ന് ഉ​ചി​ത​മാ​യ ക​ല്ലു​ക​ൾ ല​ഭി​ക്കാ​ൻ കേ​ര​ള​ത്തി​ലും ശ്ര​മം ന​ട​ത്തി​യെ​ങ്കി​ലും ചാ​ലി​യാ​റി​ൽ​നി​ന്നു മാ​ത്ര​മാ​ണ് ഏ​താ​നും ക​ല്ലു​ക​ൾ കി​ട്ടി​യ​ത്. പ​ര​പ​ര​പ്പ് ആ​ർ​ജി​ച്ച അ​വ​യു​ടെ പ്ര​ത​ല​ങ്ങ​ൾ ട്രൈ​ബ​ൽ ആ​ർ​ട്ടി​ന് ഏ​റ്റ​വും ചേ​ർ​ന്ന​താ​യി​രു​ന്നു. മ​ധ്യേ​ന്ത്യ​യി​ലെ ഏ​റ്റ​വും വ​ലി​യ ഗോ​ത്ര​മാ​യ ഗോ​ണ്ട് ജ​ന​ത​യു​ടെ നാ​ടോ​ടി ജീ​വി​ത​ങ്ങ​ളാ​ണ് കേ​ര​ള​ക്ക​ല്ലു​ക​ളി​ൽ വ​ര​ച്ച​ത്. കൂ​ടാ​തെ, മ​ഹാ​രാ​ഷ്‌​ട്ര​യി​ൽ പി​റ​വി​കൊ​ണ്ട വ​ർ​ലി ആ​ർ​ട്ട് എ​ന്ന​റി​യ​പ്പെ​ടു​ന്ന ഗോ​ത്ര​ക​ല​യ്ക്കും ചാ​യം ചാ​ലി​ച്ചു. സൗ​റ, ചൗ​ര​പ​ഞ്ച​സി​ക, മ​ധു​ബാ​നി, അ​പ​ഭ്രം​ശ രീ​തി​ക​ളി​ലും വ​ർ​ക്കു​ക​ൾ ചെ​യ്തു.
അ​ഞ്ചു മു​ത​ൽ പ​ത്തി​ഞ്ചു വ​രെ വ​ലി​പ്പ​മു​ള്ള ഉ​രു​ണ്ട​തും പ​ര​ന്ന​തും നീ​ണ്ട​തു​മാ​യ ക​ല്ലു​ക​ളാ​ണ് ക​ലാ​സ​പ​ര്യ​യ്ക്കു തെ​ര​ഞ്ഞെ​ടു​ത്ത​ത്. ഇ​തു​വ​രെ ഇ​രു​നൂ​റോ​ളം ക​ല്ലു​ക​ൾ​ക്കു ചാ​രു​ത​യേ​കി.

ചി​പ്പി​ക​ളി​ൽ പ്ര​കൃ​തി

ക​ട​ൽ​ച്ചി​പ്പി​ക​ൾ വാ​ങ്ങാ​ൻ പോ​യ​ത് ക​ന്യാ​കു​മാ​രി, രാ​മേ​ശ്വ​രം, തൂ​ത്തു​ക്കു​ടി, ക​ച്ച് എ​ന്നി​വി​ട​ങ്ങ​ളി​ലേ​ക്കാ​ണ്. മു​ത്തു​ച്ചി​പ്പി​ക​ൾ വാ​ങ്ങി​യ​ത് ഹൈ​ദ​രാ​ബാ​ദി​ൽ​നി​ന്നാ​ണ്. ഏ​റ്റ​വും വ​ലി​യ ക​ട​ൽ​ചി​പ്പി​ക്ക് 42 സെ​ന്‍റി​മീ​റ്റ​ർ നീ​ള​വും 28 സെ​ന്‍റി​മീ​റ്റ​ർ വീ​തി​യു​മു​ണ്ടാ​യി​രു​ന്നു. ന​ല്ല വി​ല കൊ​ടു​ക്കേ​ണ്ടി​വ​ന്നു. ഗ​ർ​ജി​ക്കു​ന്ന സിം​ഹ​ത്തെ​യാ​ണ് വ​ര​ച്ച​ത്. ക​ച്ചി​ൽ​നി​ന്നു കൊ​ണ്ടു വ​ന്ന 37x17 സെ.​മീ. ചി​പ്പി​യി​ൽ ജി​റാ​ഫ് തെ​ളി​ഞ്ഞു. പ്ര​കൃ​തി​ദൃ​ശ്യ​ങ്ങ​ളും ജീ​വ​ജാ​ല​ങ്ങ​ളു​മെ​ല്ലാം ചി​പ്പി​ക​ൾ കോ​റി​യി​ട്ടു. 2018ലെ​യും 19ലെ​യും വെ​ള്ള​പ്പൊ​ക്ക​ങ്ങ​ളും ക​ട​ൽ​ചി​പ്പി​ക​ളെ സ​ചി​ത്ര​മാ​ക്കി. ആ​രെ​യും വി​സ്മ​യി​പ്പി​ച്ച് ചി​പ്പി​ക​ളി​ൽ വി​രി​ഞ്ഞ 207 ക​ലാ​രൂ​പ​ങ്ങ​ൾ​ക​ണ്ട് "ക​ട​ൽ ചി​പ്പി​ക​ളു​ടെ ക​ലാ​കാ​രി' എ​ന്നു പ്ര​മു​ഖ​ർ​ത​ന്നെ വി​ശേ​ഷി​പ്പി​ച്ചു.

ശം​ഖി​ൽ വി​രി​ഞ്ഞ കു​രി​ശ്

ര​ണ്ട​ര അ​ടി പൊ​ക്ക​ത്തി​ൽ കൊ​ച്ചു കൊ​ച്ചു ശം​ഖു​ക​ളെ​ക്കൊ​ണ്ടു നി​ർ​മി​ച്ച കു​രി​ശ് കൊ​ള്ളാ​മെ​ന്നു പ​റ​യാ​ത്ത​വ​രി​ല്ല! എ​റ​ണാ​കു​ളം പ​റ​വൂ​ർ ചെ​ട്ടി​ക്കാ​ട്ടെ അ​ന്തോ​ണീ​സ് പു​ണ്യാ​ള​ന്‍റെ തീ​ർ​ഥാ​ട​ന കേ​ന്ദ്ര​ത്തി​ന് ആ ​വെ​ൺ ശം​ഖു കു​രി​ശ് അ​ർ​പ്പ​ണം ചെ​യ്തു. തൃ​ശൂ​ർ വ​ട​ക്കും​നാ​ഥ​ൻ ക്ഷേ​ത്രം ശം​ഖി​ൽ തീ​ർ​ക്കാ​ൻ മൂ​ന്നു മാ​സ​മെ​ടു​ത്തു. മൂ​ന്ന​ടി നീ​ള​വും ര​ണ്ട​ര​യ​ടി പൊ​ക്ക​വു​മു​ള്ള അ​മ്പ​ല​ത്തി​നു വ​ലു​തും ചെ​റു​തു​മാ​യ 15 കി​ലോ ശം​ഖ് വേ​ണ്ടി​വ​ന്നു. കൊ​ടു​ങ്ങ​ല്ലൂ​രി​ലെ ചേ​ര​മാ​ൻ ജു​മാ മ​സ്ജി​ദ്, തി​രു​വ​ന​ന്ത​പു​രം ശ്രീ ​പ​ത്മ​നാ​ഭ​സ്വാ​മി ക്ഷേ​ത്രം, അ​ന​ന്ത​പു​രി​യി​ലെ മ​ഹാ​വി​ഷ്ണു​ക്ഷേ​ത്രം ഇ​ങ്ങ​നെ നീ​ളു​ന്നു ശം​ഖി​ലെ ക​ല​ക​ൾ. നാ​ല​ടി പൊ​ക്ക​ത്തി​ൽ മൂ​ന്ന​ര​യ​ടി വീ​തി​യി​ൽ ഏ​ഴു നി​ല പാ​ണ്ഡ്യ​ൻ ശൈ​ലി ഗോ​പു​രം പ​ണി​ഞ്ഞ​ത് ഊ​ണും ഉ​റ​ക്ക​വു​മി​ല്ലാ​ത്ത ര​ണ്ട​ര മാ​സം​കൊ​ണ്ടാ​ണ്.

തൂ​വ​ൽ ചി​ത്ര​ങ്ങ​ൾ

തൂ​വ​ലു​ക​ൾ ശ്രീ​ജ​യ്ക്കു പ​റ​ത്തി​വി​ടാ​നു​ള്ള​ത​ല്ലെ​ന്നു തെ​ളി​യി​ക്കു​ക​യാ​ണ് ഈ ​രം​ഗ​ത്തു ല​ഭി​ച്ച എ​ട്ട് റി​ക്കാ​ർ​ഡു​ക​ളും ര​ണ്ടു പു​ര​സ്കാ​ര​ങ്ങ​ളും. 108 വ​ലി​യ തൂ​വ​ൽ ചി​ത്ര​ങ്ങ​ളി​ൽ പൂ​ന്തോ​ട്ട​വും സൂ​ര്യാ​സ്ത​മ​യ​വും മു​ത​ൽ നീ​ല​പ്പൊ​ന്മാ​നും തു​മ്പി​യും വ​രെ ഉ​ൾ​പ്പെ​ടു​ന്നു. ല​ക്ഷ​ങ്ങ​ൾ വി​ല​മ​തി​ക്കു​ന്ന ഏ​ഴു ത​രം ഫെ​സെ​ന്‍റ് പ​ക്ഷി​ക​ളു​ടേ​ത് (ഹെ​വ​ൻ​ലി ബേ​ഡ്സ്) ഉ​ൾ​പ്പെ​ടെ​യു​ള്ള​വ​യു​ടെ തൂ​വ​ലു​ക​ൾ ശ്രീ​ജ​യു​ടെ ശേ​ഖ​ര​ത്തി​ലു​ണ്ട്. ത​ത്ത കു​ടും​ബ​ത്തി​ൽ ഏ​റ്റ​വും നീ​ള​മു​ള്ള സ​പ്ത​വ​ർ​ണ​ക്കി​ളി​യാ​യ മ​ക്കൗ, പ​ഞ്ച​വ​ർ​ണ​ത​ത്ത​ക​ൾ, കി​ഴ​ക്ക​ൻ പാ​ലി​യാ​ർ​ട്ടി​ക് സ്വ​ദേ​ശി​യാ​യ മാ​ൻ​ഡാ​രി​ൻ താ​റാ​വ്, ഗി​നി​യ കോ​ഴി മു​ത​ലാ​യ​വ​യോ​ടൊ​പ്പം 50 ത​രം പ്രാ​വു​ക​ളും 60 ത​രം ചെ​റു​കി​ളി​ക​ളും കൂ​ടി​യാ​കു​മ്പോ​ൾ തൂ​വ​ൽ ശേ​ഖ​രം 300ൽ ​അ​ധി​കം വ​ള​ർ​ത്തു പ​ക്ഷി​ക​ളു​ടേ​താ​ണ്.

ഏ​റ്റ​വു​മ​ധി​കം പ​ക്ഷി​ക​ളു​ടെ തൂ​വ​ൽ ശേ​ഖ​ര​ത്തി​നു​ള്ള "ഇ​ന്ത്യ ബു​ക്ക് ഓ​ഫ് റി​ക്കാ​ർ​ഡും മി​ക​ച്ച തൂ​വ​ൽ ചി​ത്ര​ങ്ങ​ൾ​ക്ക് "ദ ​ലിം​ക ബു​ക്ക് ഓ​ഫ് വേ​ൾ​ഡ് റി​ക്കാ​ർ​ഡും'' തേ​ടി​യെ​ത്തി. പ​ക്ഷി​വ​ള​ർ​ത്ത​ലി​ൽ ത​ത്പ​ര​രാ​യ അ​നി​ൽ ത​മ്പി, ഷി​ജു, സു​കു മു​ത​ലാ​യ​വ​രു​ടെ സം​ഭാ​വ​ന​ക​ളാ​ണ് തൂ​വ​ൽ ശേ​ഖ​രം സ​ന്പ​ന്ന​മാ​ക്കി​യ​ത്. തൂ​വ​ൽ കൈ​കാ​ര്യം ചെ​യ്യു​ന്പോ​ൾ ത്വ​ക് രോ​ഗ​ങ്ങ​ളും അ​ല​ർ​ജി​ക​ളും പി​ടി​ക്കാ​ൻ സാ​ധ്യ​ത​യു​ള്ള​തി​നാ​ൽ ക​ഴു​കി വൃ​ത്തി​യാ​ക്കി അ​ണു​നാ​ശം വ​രു​ത്ത​ണം. തൂ​വ​ൽ സം​ര​ക്ഷ​ണ​വും പ്ര​യാ​സ​മു​ള്ള​താ​ണ്.

പ്ര​ദ​ർ​ശ​ന​ങ്ങ​ൾ

15 ഏ​കാം​ഗ പ്ര​ദ​ർ​ശ​നം ശ്രീ​ജ ന​ട​ത്തി. പ്ര​ഥ​മ പ്ര​ദ​ർ​ശ​നം എ​ണ്ണ​ച്ചാ​യാ​ചി​ത്ര​ങ്ങ​ളു​ടേ​താ​യി​രു​ന്നു. അ​ങ്ങ​നെ 2014ൽ ​തൃ​ശൂ​ർ കേ​ര​ള ല​ളി​ത​ക​ലാ അ​ക്കാ​ദ​മി​യി​ൽ "കേ​ര​ള​ത്തി​ലെ നാ​ട്ടു​പൂ​ക്ക​ൾ'' എ​ന്ന പേ​രി​ൽ 65 ചി​ത്ര​ങ്ങ​ൾ പ്ര​ദ​ർ​ശി​പ്പി​ച്ചു. 2015ൽ ​തൃ​ശൂ​ർ ച​ർ​ച്ച് മി​ഷ​ൻ സൊ​സൈ​റ്റി ഹ​യ​ർ സെ​ക്ക​ൻ​ഡ​റി സ്കൂ​ളി​ൽ തൂ​വ​ൽ പ്ര​ദ​ർ​ശ​നം. മൂ​ന്നാം പ്ര​ദ​ർ​ശ​നം കൊ​ച്ചി​യി​ലെ ലു​ലൂ മാ​ളി​ൽ ഓ​യി​ൽ ചി​ത്ര​ങ്ങ​ളു​ടെ​യും തൂ​വ​ൽ ചി​ത്ര​ങ്ങ​ളു​ടെ​യും. നാ​ലാം പ്ര​ദ​ർ​ശ​നം ക​ല്ലു​ക​ളു​ടെ ര​ച​ന​ക​ളു​മാ​യി ല​ളി​ത​ക​ലാ അ​ക്കാ​ദ​മി​യി​ൽ. തു​ട​ർ​ന്ന് വി​വി​ധ വ​ർ​ഷ​ങ്ങ​ളി​ൽ തൃ​ശൂ​ർ, നി​ല​ന്പൂ​ർ, തി​രു​വ​ന​ന്ത​പു​രം, പൊ​ന്നാ​നി, ഫോ​ർ​ട്ട് കൊ​ച്ചി എ​ന്നി​ങ്ങ​നെ വി​വി​ധ ഭാ​ഗ​ങ്ങ​ളി​ൽ പ്ര​ദ​ർ​ശ​ന​ങ്ങ​ൾ. അ​ടു​ത്ത​ത് നൊ​സ്റ്റാ​ൾ​ജി​യ എ​ന്ന വേ​റി​ട്ട വി​ഷ​യ​മാ​ണ്. അ​തി​ന്‍റെ പ​ണി​പ്പു​ര​യി​ലാ​ണി​പ്പോ​ൾ.

ക​ണ്ണു തു​റ​ക്കാ​തെ അ​ധി​കൃ​ത​ർ

അ​പേ​ക്ഷ​ക​ൾ പ​ല​വ​ട്ടം ന​ൽ​കി​യെ​ങ്കി​ലും കേ​ര​ള ല​ളി​ത​ക​ലാ അ​ക്കാ​ദ​മി ഉ​ൾ​പ്പെ​ടെ​യു​ള്ള സ​ർ​ക്കാ​ർ സ്ഥാ​പ​ന​ങ്ങ​ളൊ​ന്നും ഇ​തു​വ​രെ ഒ​രു ധ​ന​സ​ഹാ​യ​വും ചെ​യ്തി​ല്ല എ​ന്നൊ​രു സ​ങ്ക​ടം ശ്രീ​ജ​യ്ക്കു​ണ്ട്. എ​ന്നെ​ങ്കി​ലും അ​വ​ർ ക​ണ്ണു​തു​റ​ക്കാ​തി​രി​ക്കി​ല്ല എ​ന്ന പ്ര​തീ​ക്ഷ​യി​ലാ​ണ് ഈ ​ക​ലാ​കാ​രി.

തൃ​ശൂ​രി​ലെ കോ​ട്ട​പ്പു​റ​മാ​ണ് സ്വ​ദേ​ശം. വാ​ണി​ജ്യ​ശാ​സ്ത്ര​ത്തി​ലും അ​ധ്യാ​പ​ന​ത്തി​ലും ബി​രു​ദ​ങ്ങ​ളു​ണ്ടെ​ങ്കി​ലും ചി​ത്ര​ക​ലാ അ​ധ്യാ​പ​ന​മാ​ണ് വ​രു​മാ​ന മാ​ർ​ഗം. കേ​ര​ള വി​കാ​സ് കേ​ന്ദ്ര​യു​ടെ വ​നി​താ​ര​ത്നം പു​ര​സ്കാ​ര​വും ഐ​ഇ​എ​സ് ജ്വാ​ല​യു​ടെ സ്ത്രീ​ര​ത്നം അ​വാ​ർ​ഡും ല​ഭി​ച്ചു. മ​ക​ൻ മ​ഹേ​ശ്വ​ർ വി​ദ്യാ​ർ​ഥി​യാ​ണ്.

വി​ജ​യ് സി​യെ​ച്ച്