ദൈ​വ​ത്തി​ന്‍റെ വാ​സ്തു​ശി​ല്പി എ​ന്ന​റി​യ​പ്പെ​ടു​ന്ന സ്പെ​യി​നി​ൽ​നി​ന്നു​ള​ള ആ​ന്‍റ​ണി ഗൗ​ഡി​യെ ഏ​താ​നും മാ​സം മു​ന്പ് ഫ്രാ​ൻ​സി​സ് മാ​ർ​പാ​പ്പ ധ​ന്യ​നാ​യി പ്ര​ഖ്യാ​പി​ച്ച​പ്പോ​ൾ അ​തി​നൊ​പ്പം ച​ർ​ച്ച​യാ​യ​ത് പ​ണി തീ​രാ​ത്ത ഒ​രു മ​ഹാ​ദേ​വാ​ല​യം.

ആ​ന്‍റ​ണി ഗൗ​ഡി എ​ന്ന അ​തു​ല്യ​പ്ര​തി​ഭ ഡി​സൈ​ൻ ചെ​യ്ത, ബാ​ഴ്സ​ലോ​ണ​യി​ലെ ഇ​തി​ഹാ​സ നി​ർ​മി​തി സ​ഗ്രാ​ദ ഫ​മി​ലി​യ ബ​സി​ലി​ക്ക. 143 വ​ർ​ഷം മു​ന്പ്, കൃ​ത്യ​മാ​യി പ​റ​ഞ്ഞാ​ൽ 1882ൽ ​നി​ർ​മാ​ണം തു​ട​ങ്ങി​യ​താ​ണ് ഈ ​പ​ള്ളി.

എ​ന്നാ​ൽ, ഇ​തു​വ​രെ​യും പൂ​ർ​ത്തി​യാ​യി​ട്ടി​ല്ല. 2026ൽ ​പ​ണി പൂ​ർ​ത്തി​യാ​ക്കാ​മെ​ന്ന​താ​ണ് ഇ​പ്പോ​ഴ​ത്തെ പ്ര​തീ​ക്ഷ. പ​ണി തീ​ർ​ന്നി​ട്ടി​ല്ലെ​ങ്കി​ലും 2010ൽ ​ബ​ന​ഡി​ക്ട് പ​തി​നാ​റാ​മ​ൻ മാ​ർ​പാ​പ്പ ഇ​തി​നെ മൈ​ന​ർ ബ​സി​ലി​ക്ക പ​ദ​വി​യി​ലേ​ക്ക് ഉ​യ​ർ​ത്തി​യി​രു​ന്നു.

അ​ത്ര​യ്ക്കു​ണ്ട് ഈ ​പ​ള്ളി​യു​ടെ മ​ഹ​ത്വം. 2005ൽ ​യു​നെ​സ്കോ ലോ​ക പൈ​തൃ​ക പ​ദ​വി ന​ൽ​കി. കേ​ര​ള​ത്തി​ൽ​നി​ന്നു​ള്ള ആ​ദ്യ സ​ന്യാ​സി​നി മ​ദ​ർ ഏ​ലീ​ശ്വ​യെ വാ​ഴ്ത്ത​പ്പെ​ട്ട​വ​ളാ​യി പ്ര​ഖ്യാ​പി​ച്ച​തി​നൊ​പ്പ​മാ​ണ് ആ​ന്‍റ​ണി​യെ ഗൗ​ഡി​യെ ധ​ന്യ​നാ​യി പ്ര​ഖ്യാ​പി​ച്ച​ത്.

വേ​റി​ട്ട ശി​ല്പി

വാ​സ്തു​വി​ദ്യ​യി​ൽ അ​സാ​ധാ​ര​ണ ക​ഴി​വു​ള്ള ആ​ന്‍റ​ണി​ക്ക് പ്ര​കൃ​തി​യും മ​ത​വു​മാ​യി​രു​ന്നു താ​ത്പ​ര്യ​മു​ള്ള മ​റ്റു വി​ഷ​യ​ങ്ങ​ൾ. അ​ദ്ദേ​ഹ​ത്തി​ന്‍റെ നി​ർ​മി​തി​ക​ളി​ൽ നി​യോ ഗോ​ഥി​ക്, ഒാ​റി​യ​ന്‍റ​ൽ നി​ർ​മാ​ണ രീ​തി​ക​ളു​ടെ സ്വാ​ധീ​നം പ്ര​ക​ട​മാ​യി​രു​ന്നു.

ചു​റ്റു​പാ​ടു​മാ​യി ഇ​ണ​ങ്ങി​ച്ചേ​രു​ന്ന വി​ധ​ത്തി​ലാ​യി​രി​ക്ക​ണം നി​ർ​മി​തി എ​ന്ന​ത് അ​ദ്ദേ​ഹ​ത്തി​നു നി​ർ​ബ​ന്ധ​മാ​യി​രു​ന്നു.​സ​ഗ്രാ​ദ ഫ​മി​ലി​യ 1882ൽ ​ഫ്രാ​ൻ​സി​സ്കോ ഡി​പോ​ള ഡെ​ൽ വി​ല്ലാ​ർ എ​ന്ന ആ​ർ​ക്കി​ടെ​ക്ട് ആ​ണ് ആ​ദ്യം വി​ഭാ​വ​ന ചെ​യ്ത​ത്. 1883ൽ ​ഗൗ​ഡി ഇ​തി​ന്‍റെ മു​ഖ്യ​ശി​ല്പി​യാ​യി നി​യ​മി​ക്ക​പ്പെ​ട്ടു.

സ്പെ​യി​നി​ൽ ക്രി​സ്തു​മ​ത​ത്തെ സ​ജീ​വ​മാ​ക്കു​ക എ​ന്ന ല​ക്ഷ്യ​വും ഈ ​പ​ള്ളി നി​ർ​മാ​ണ​ത്തി​ൽ ഉ​ണ്ടാ​യി​രു​ന്നു. പ​ള​ളി പ​ണി​യി​ൽ ഏ​ർ​പ്പെ​ട്ട​തോ​ടെ ഗൗ​ഡി വി​ശ്വാ​സ​ത്തി​ൽ കൂ​ടു​ത​ൽ ആ​ഴ​പ്പെ​ട്ടു. ക്രൈ​സ്ത​വ മൂ​ല്യ​ങ്ങ​ളെ ത​ന്‍റെ നി​ർ​മി​തി​ക​ളി​ൽ എ​ങ്ങ​നെ പ്ര​തി​ഫ​ലി​പ്പി​ക്കാ​മെ​ന്ന് അ​ദ്ദേ​ഹം അ​ന്വേ​ഷി​ച്ചു​കൊ​ണ്ടി​രു​ന്നു.

ബൈ​ബി​ളി​ലെ പ്ര​ധാ​ന സം​ഭ​വ​ങ്ങ​ൾ പ​ല​തും സ​ഗ്രാ​ദ ഫ​മി​ലി​യ പ​ള​ളി​യി​ൽ ആ​വി​ഷ്ക​രി​ച്ചി​ട്ടു​ണ്ട്. യേ​ശു​വി​ന്‍റെ ജ​ന​നം, മ​ര​ണം, മാ​താ​വ്, അ​പ്പ​സ്തോ​ല​ൻ​മാ​ർ, സു​വി​ശേ​ഷ​ക​ർ എ​ന്നി​വ​രെ കൂ​ടാ​തെ വി​ശു​ദ്ധ​രെ പ്ര​തീ​കാ​ത്മ​ക​മാ​യി അ​വ​ത​രി​പ്പി​ക്കു​ന്ന ഘ​ട​ക​ങ്ങ​ളും ബ​സി​ലി​ക്ക​യു​ടെ പ്ര​ത്യേ​ക​ത​ക​ളാ​ണ്.

1852 ജൂ​ണ്‍ 25ന് ​കാ​റ്റ​ലോ​ണി​യ​യി​ലെ ബാ​ഴ്സ​ലോ​ണ​യി​ലാ​ണ് ആ​ന്‍റ​ണി ഗൗ​ഡി​യു​ടെ ജ​ന​നം. അ​വി​ടെ​ത്ത​ന്നെ​യാ​ണ് സ​ഗ്രാ​ദ ഫ​മി​ലി​യാ​യും സ്ഥി​തി​ചെ​യ്യു​ന്ന​ത്. അ​ച്ഛ​ൻ ഫ്രാ​ൻ​സി​സ് ഗൗ​ഡി, അ​മ്മ അ​ന്‍റോ​ണി​യ കോ​ർ​നെ​റ്റ്.

അ​ഞ്ചു മ​ക്ക​ളി​ൽ ഏ​റ്റ​വും ഇ​ള​യ​വ​നാ​ണ് ആ​ന്‍റ​ണി ഗൗ​ഡി. ര​ണ്ടു സ​ഹോ​ദ​ര​ങ്ങ​ൾ വ​ള​രെ ചെ​റു​പ്പ​ത്തി​ലേ മ​രി​ച്ചു. 25, 35 വ​യ​സു​ക​ളി​ൽ മ​റ്റു ര​ണ്ടു പേ​രും മ​രി​ച്ചു. ഫ്രാ​ൻ​സി​ൽ വേ​രു​ക​ളു​ള​ള കു​ടും​ബം 17-ാം നൂ​റ്റാ​ണ്ടി​ൽ സ്പെ​യി​നി​ലെ കാ​റ്റ​ലോ​ണി​യ പ്ര​ദേ​ശ​ത്തേ​ക്കു കു​ടി​യേ​റു​ക​യാ​യി​രു​ന്നു.

എ​പ്പോ​ഴും കാ​റ്റ​ലോ​ണി​യ​ൻ വ്യ​ക്തി​ത്വ​ത്തെ​ക്കു​റി​ച്ച് അ​ദ്ദേ​ഹം അ​ഭി​മാ​നം​കൊ​ണ്ടി​രു​ന്നു. സ്കൂ​ൾ വി​ദ്യാ​ഭ്യാ​സ​ത്തി​നു ശേ​ഷം ബാ​ഴ്സ​ലോ​ണ​യി​ൽ ഉ​പ​രി​പ​ഠ​ന​ത്തി​നു പോ​യി. സൈ​നി​ക സേ​വ​നം അ​ട​ക്കം പൂ​ർ​ത്തി​യാ​ക്കി എ​ട്ടു വ​ർ​ഷ​ത്തി​നു ശേ​ഷം ബി​രു​ദ​ധാ​രി​യാ​യി തി​രി​ച്ചെ​ത്തി.

ആ​രോ​ഗ്യ​പ്ര​ശ്ന​ങ്ങ​ൾ അ​ല​ട്ടി​യി​രു​ന്ന അ​ദ്ദേ​ഹം സ​സ്യ​ഭു​ക്ക് ആ​യി​രു​ന്നു. അ​വി​വാ​ഹി​ത​നാ​യ ഗൗ​ഡി തീ​വ്ര ക​ത്തോ​ലി​ക്കാ വി​ശ്വാ​സി​യു​മാ​യി​രു​ന്നു. പ​ല വാ​ട​ക​വീ​ടു​ക​ളി​ലും താ​മ​സി​ച്ച് 1906ൽ ​സ്വ​ന്ത​മാ​യി വീ​ടു​ണ്ടാ​ക്കി 93 വ​യ​സു​ള്ള പി​താ​വി​നൊ​പ്പം താ​മ​സ​മാ​ക്കി.

ജീ​വി​തം പ​ണി​ശാ​ല​യി​ൽ

1925 വ​രെ ഗൗ​ഡി ഈ ​വീ​ട്ടി​ൽ താ​മ​സി​ച്ചു. ബ​സി​ലി​ക്ക പ​ണി​ക്കാ​യി ജീ​വി​തം​ത​ന്നെ സ​മ​ർ​പ്പി​ച്ചു. പ​ള​ളി പ​ണി എ​ങ്ങ​നെ​യും തീ​ർ​ക്കാ​നു​ള്ള വ്യ​ഗ്ര​ത​യി​ൽ മ​രി​ക്കു​ന്ന​തി​ന് ഒ​രു വ​ർ​ഷം മു​ന്പ് പ​ണി​ശാ​ല​യി​ലേ​ക്കു താ​മ​സം മാ​റ്റി.

ചെ​റു​പ്പ​കാ​ല​ത്തു വൃ​ത്തി​യു​ള്ള വേ​ഷം ധ​രി​ക്കു​ന്ന​തി​ൽ അ​തീ​വ ശ്ര​ദ്ധാ​ലു​വാ​യി​രു​ന്ന അ​ദ്ദേ​ഹം അ​വ​സാ​ന കാ​ല​ഘ​ട്ട​ത്തി​ൽ അ​തൊ​ന്നും ശ്ര​ദ്ധി​ക്കാ​താ​യി. ശ​രി​യാ​യി ഭ​ക്ഷ​ണം ക​ഴി​ക്കാ​ത്ത​തി​നാ​ൽ ശ​രീ​രം ശോ​ഷി​ച്ചു. 1926 ജൂ​ൺ ഏ​ഴി​ന് പ​തി​വ് പ്രാ​ർ​ഥ​ന​യ്ക്കാ​യി പ​ള്ളി​യി​ലേ​ക്കു പോ​കു​ന്ന വ​ഴി​യി​ൽ ഒ​രു ട്രാം ​വ​ന്നി​ടി​ച്ചു റോ​ഡി​ൽ കി​ട​ന്നു.

വേ​ഷ​വും രൂ​പ​വും ക​ണ്ട് ഏ​തോ ഭി​ക്ഷ​ക്കാ​ര​നാ​ണെ​ന്നു ക​രു​തി ആ​രോ അ​ടു​ത്തു​ള്ള ആ​ശു​പ​ത്രി​യി​ൽ എ​ത്തി​ച്ചു. പി​റ്റേ​ന്നാ​ണ് ആ​ളെ തി​രി​ച്ച​റി​ഞ്ഞ​ത്. വൈ​കി​ക്കി​ട്ടി​യ പ​രി​ച​ര​ണം അ​ദ്ദേ​ഹ​ത്തെ തു​ണ​ച്ചി​ല്ല. ജൂ​ൺ 10ന് ​അ​ദ്ദേ​ഹം ജീ​വി​ത​ത്തോ​ടു വി​ട​പ​റ​ഞ്ഞു. വ​ലി​യ ജ​നാ​വ​ലി​യു​ടെ ആ​ദ​ര​വോ​ടെ അ​ദ്ദേ​ഹ​ത്തെ സ​ഗ്രാ​ദ ഫ​മി​ലി​യ​യു​ടെ അ​ടി​ത്ത​റ​യി​ൽ അ​ട​ക്കം ചെ​യ്തു.

ആ​ന്‍റ​ണി​യു​ടെ മ​ര​ണ​ശേ​ഷം പ​ണി ഏ​റ്റെ​ടു​ത്ത പ്രി​യ ശി​ഷ്യ​ൻ ഡോ​മി​നി​ക് സു​ഗ്രാ​നി​യ​സി​നും മ​രി​ക്കു​ന്ന​തി​ന് മു​ന്പ് പ​ണി​പൂ​ർ​ത്തി​യാ​ക്കാ​ൻ പ​റ്റി​യി​ല്ല. എ​ന്നാ​ൽ, ആ​ന്‍റ​ണി ഗൗ​ഡി​യു​ടെ നൂ​റാം ച​ര​മ​വാ​ർ​ഷി​ക​മാ​യ 2026ൽ ​എ​ങ്ങ​നെ​യും പ​ണി പൂ​ർ​ത്തി​യാ​ക്കി ഗൗ​ഡി​ക്കു​ള്ള ആ​ദ​ര​മാ​ക്കി മാ​റ്റ​ണ​മെ​ന്ന ല​ക്ഷ്യ​ത്തോ​ടെ​യാ​ണ് അ​ധി​കൃ​ത​ർ പ​ണി തു​ട​രു​ന്ന​ത്.