ഒരു തുള്ളി മദ്യം ആയിരം തുള്ളി കണ്ണീരിനിടയാക്കുന്നു: മാര്‍ കണ്ണൂക്കാടന്‍
1537501
Saturday, March 29, 2025 1:22 AM IST
ഇരിങ്ങാലക്കുട: ഒരു തുള്ളി കണ്ണുനീര്‍ ആയിരം തുള്ളി കണ്ണുനീരിന് ഇടയാക്കുന്നതുപോലെ ഒരു മില്ലിഗ്രാം മയക്കുമരുന്ന് പ തിനായിരക്കണക്കിനു മുഷ്യരില്‍ കണ്ണുനീരിന് ഇടയാക്കുന്നുവെന്ന് ബിഷപ് മാര്‍ പോളി കണ്ണൂക്കാടന്‍. ഇരിങ്ങാലക്കുട രൂപത കത്തോലിക്ക കോണ്‍ഗ്രസ് സംഘടിപ്പിച്ച ഉപവാസ സമരത്തിന്‍റെ സമാപനസമ്മേളനം ഉദ്ഘാടനംചെയ്തു പ്രസംഗി ക്കുകയായിരുന്നു ബിഷപ്.
കുട്ടികളും യുവാക്കളും മുതിര്‍ന്നവരും ഇന്നു മയക്കുമരുന്നിന് അടിമകളായിക്കൊണ്ടിരിക്കുകയാണ്. കൊലപാതകങ്ങള്‍ക്കും ആത്മഹത്യകള്‍ക്കും അപകടങ്ങള്‍ക്കും പിന്നിലെ പ്രധാന കാരണം ലഹരിയാണ്. ബോധവത്കരണങ്ങളും പ്രാര്‍ഥനകളും നടത്തി ലഹരിക്കെതിരെയുള്ള പോരാട്ടം ശക്തമാക്കുന്നതിനൊടൊപ്പം നിയമനിര്‍മാണങ്ങള്‍ നടത്തുവാന്‍ കേന്ദ്ര - സംസ്ഥാന സര്‍ക്കാരുകളും ജനപ്രതിനിധി സഭകളും മുന്നോട്ടുവരണമെന്നു ബിഷപ് കൂട്ടിച്ചേര്‍ത്തു.
ഇരിങ്ങാലക്കുട നഗരസഭ ചെയര്‍പേഴ്‌സണ്‍ മേരിക്കുട്ടി ജോയ് മുഖ്യാതിഥിയായിരുന്നു. രൂപത വികാരി ജനറാള്‍ മോണ്‍. ജോളി വടക്കന്‍ ഉപവാസസമരം ഉദ്ഘാടനം ചെയ്തു. എകെസിസി രൂപത പ്രസിഡന്‍റ് ഡേവിസ് ഊക്കന്‍ അധ്യക്ഷത വഹിച്ചു. എകെസിസി ഗ്ലോബല്‍ ജനറല്‍ സെക്രട്ടറി ഡോ. ജോസ്‌കുട്ടി ഒഴുകയില്‍ മുഖ്യപ്രഭാഷണം നടത്തി. എകെസിസി രൂപത ഡയറക്ടര്‍ ഫാ. പോളി കണ്ണൂക്കാടന്‍ ലഹരിവിരുദ്ധ സന്ദേശം നല്‍കി. ഇരിങ്ങാലക്കുട സെന്‍റ്് തോമസ് കത്തീഡ്രല്‍ വികാരി റവ.ഡോ. ലാസര്‍ കുറ്റിക്കാടന്‍ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു.
വികാരി ജനറാള്‍ മോണ്‍. ജോ സ് മാളിയേക്കല്‍, സിസ്റ്റര്‍ റോസ് ആന്‍റോ, എകെസിസി ഗ്ലോബല്‍ ജനറല്‍ സെക്രട്ടറി പത്രോസ് വടക്കൂഞ്ചേരി, പ്രോഗ്രാം കണ്‍വീനര്‍ ജോസഫ് തെക്കൂടന്‍, രൂപത ജനറല്‍ സെക്രട്ടറി ഡേവിസ് തുളുവത്ത്, ട്രഷറര്‍ ആന്‍റണി തൊമ്മാന, വൈസ് പ്രസിഡന്‍റ്് റീന ഫ്രാന്‍സിസ്, പിആര്‍ഒ ഷോജന്‍ വിതയത്തില്‍, മദ്യവിരുദ്ധസമിതി കത്തീഡ്രല്‍ പ്രസിഡന്‍റ്് ജോബി പള്ളായി, നഗരസഭ മുന്‍ വൈസ് ചെയര്‍മാന്‍ പി.ടി. ജോര്‍ജ്, സിജോ ഇഞ്ചോടിക്കാരന്‍, ബാബു ചേലക്കാട്ടുപറമ്പില്‍, സി.ആര്‍. പോള്‍ തുട ങ്ങിയവര്‍ പ്രസംഗിച്ചു.