ക​ള​മ​ശേ​രി: റോഡിൽ മാലിന്യം നിക്ഷേപി ച്ചുവെന്ന് ചൂണ്ടിക്കാട്ടി, അ​ഞ്ച് വ​യ​സാ​യ കു​ട്ടി​ക്ക് അയ്യായിരം രൂപയുടെ പി​ഴയിട്ട് ക​ള​മ​ശേ​രി ന​ഗ​ര​സ​ഭാ സെ​ക്ര​ട്ട​റി​. ക​ള​മ​ശേ​രി മ​ലേ​പ്പാ​ടം റോ​ഡി​ൽ കൈ​ര​ളി ന​ഗ​റി​ലു​ള്ള കുടയ്ക്കാൻ നോ​ട്ടീ​സ് ലഭിച്ച​ത്.​ വീ​ട്ടി​ൽ നി​ന്നു​ള്ള മാ​ലി​ന്യം ഈ ​മാ​സം 10 ന് എ​ൻ​എഡി ​റോ​ഡി​ൽ നി​ക്ഷേ​പി​ച്ചു എ​ന്ന​താ​ണ് കു​റ്റം.

ഇ​ത് പ​രി​സ​ര​വാ​സി​ക​ൾ​ക്കും പൊ​തു​ജ​ന​ങ്ങ​ൾ​ക്കും ബു​ദ്ധി​മു​ട്ടും ആ​രോ​ഗ്യ പ്ര​ശ്ന​ങ്ങ​ളും ഉ​ണ്ടാ​ക്കിയെന്നും പ​രി​സ​രമ​ലി​നീ​ക​ര​ണം ന​ട​ത്തു​ന്ന​തി​ന് ബോ​ധ​പൂ​ർ​വം കു​ട്ടി പ്ര​വ​ർ​ത്തി​ച്ച​താ​യി ന​ഗ​ര​സ​ഭ​യ്ക്ക് ബോ​ധ്യ​പ്പെ​ട്ടുവെന്നും നോട്ടീസിൽ പറയുന്നു.

ന​ഗ​ര​സ​ഭാ ആ​ക്ട് പ്ര​കാ​രം കു​റ്റ​ക​ര​മാ​യ​തി​നാ​ൽ 5000/- രൂ​പ പി​ഴ ഒ​ടു​ക്കേ​ണ്ട​താണെന്നും അ​ല്ലാ​ത്ത​പ​ക്ഷം പ്രോ​സി​ക്യൂ​ഷ​ൻ ന​ട​പ​ടി ഉ​ണ്ടാ​കു​മെ​ന്നും പ​റ​യു​ന്നുണ്ട്. കൊ​റി​യ​ർ വ​ഴി ക​ളി​പ്പാ​ട്ടം പൊ​തി​ഞ്ഞു വ​ന്ന ക​വ​ർ ഹ​രി​ത ക​ർ​മസേ​ന​യ്ക്ക് മാ​ലി​ന്യ​മാ​യി ന​ൽ​കി​യ​താ​ണെന്നും ഇ​തെ​ങ്ങ​നെ എ​ൻ​എഡി ​റോ​ഡി​ൽ വ​ന്നെ​ന്ന് അ​റി​യി​ല്ലെ​ന്നുമാണ് കു​ട്ടി​യു​ടെ അ​പ്പൂ​പ്പ​ൻ പ​റ​ഞ്ഞത്. കാ​ര്യ​കാ​ര​ണ​സ​ഹി​തം സെ​ക്ര​ട്ട​റി​ക്ക് പ​രാ​തി ന​ൽ​കി​യി​രി​ക്കു​ക​യാ​ണ് ര​ക്ഷി​താ​ക്ക​ൾ.