ര​ണ്ടാം​ഘ​ട്ട ചെ​ല​വ് പ​രി​ശോ​ധ​ന ഇ​ന്ന്; രേ​ഖ​ക​ള്‍ ഹാ​ജ​രാ​ക്കി​യി​ല്ലെ​ങ്കി​ല്‍ ന​ട​പ​ടി
Thursday, April 18, 2024 4:14 AM IST
പ​ത്ത​നം​തി​ട്ട: ലോ​ക്സ​ഭാ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് മ​ണ്ഡ​ല​ത്തി​ലെ സ്ഥാ​നാ​ര്‍​ഥി​ക​ളു​ടെ ചെ​ല​വ് സം​ബ​ന്ധി​ച്ച വി​വ​ര​ങ്ങ​ളു​ടെ ര​ണ്ടാം​ഘ​ട്ട പ​രി​ശോ​ധ​ന ജി​ല്ലാ ചെ​ല​വ് നി​രീ​ക്ഷ​ക​ന്‍ ക​മ​ലേ​ഷ് കു​മാ​ര്‍ മീ​ണ​യു​ടെ നേ​തൃ​ത്വ​ത്തി​ല്‍ ഇ​ന്നു രാ​വി​ലെ 11ന് ​ക​ള​ക്ട​റേ​റ്റ് കോ​ണ്‍​ഫ​റ​ന്‍​സ് ഹാ​ളി​ല്‍ ന​ട​ക്കും.

പ​രി​ശോ​ധ​ന​യി​ല്‍ ചെ​ല​വ് സം​ബ​ന്ധി​ച്ച വി​വ​ര​ങ്ങ​ള്‍ സൂ​ക്ഷി​ക്കു​ന്ന ര​ജി​സ്റ്റ​റു​ക​ള്‍, അ​നു​ബ​ന്ധ രേ​ഖ​ക​ള്‍ എ​ന്നി​വ ഹാ​ജ​രാ​ക്ക​ണം. സ്ഥാ​നാ​ര്‍​ഥി​ക​ളോ അ​വ​രു​ടെ പ്ര​തി​നി​ധി​ക​ളോ ചെ​ല​വു​ക​ള്‍ രേ​ഖാ​മൂ​ലം സ​മ​ര്‍​പ്പി​ച്ചി​ല്ലെ​ങ്കി​ല്‍ ജ​ന​പ്രാ​തി​നി​ധ്യ നി​യ​മ​പ്ര​കാ​ര​മു​ള്ള ന​ട​പ​ടി സ്വീ​ക​രി​ക്കു​മെ​ന്ന് വ​ര​ണാ​ധി​കാ​രി കൂ​ടി​യാ​യ ജി​ല്ലാ ക​ള​ക്ട​ര്‍ എ​സ്. പ്രേം ​കൃ​ഷ്ണ​ന്‍ പ​റ​ഞ്ഞു.

75 ശ​ത​മാ​നം ബൂ​ത്തു​ക​ളി​ലും വെ​ബ് കാ​സ്റ്റിം​ഗ്

പ​ത്ത​നം​തി​ട്ട: ലോ​ക്‌​സ​ഭാ തെ​ര​ഞ്ഞെ​ടു​പ്പി​ല്‍ പ​ത്ത​നം​തി​ട്ട ജി​ല്ല​യി​ലെ 75 ശ​ത​മാ​നം ബൂ​ത്തു​ക​ളി​ല്‍ ത​ത്സ​മ​യ നി​രീ​ക്ഷ​ണം (വെ​ബ് കാ​സ്റ്റിം​ഗ്) ന​ട​ത്തു​മെ​ന്നു മു​ഖ്യ​തെ​ര​ഞ്ഞെ​ടു​പ്പ് ഓ​ഫീ​സ​ര്‍ സ​ഞ്ജ​യ് കൗ​ള്‍ അ​റി​യി​ച്ചു. എ​ട്ട് ജി​ല്ല​ക​ളി​ല്‍ മു​ഴു​വ​ന്‍ ബൂ​ത്തു​ക​ളി​ലും ത​ത്സ​മ​യ നി​രീ​ക്ഷ​ണം ന​ട​ത്തു​മ്പോ​ള്‍ പ​ത്ത​നം​തി​ട്ട ഉ​ള്‍​പ്പെ​ടെ ആ​റ് ജി​ല്ല​ക​ളി​ല്‍ 75 ശ​ത​മാ​നം നി​രീ​ക്ഷ​ണ​മേ ഉ​ണ്ടാ​കൂ.

മു​ഴു​വ​ന്‍ പ്ര​ശ്‌​ന​ബാ​ധി​ത ബൂ​ത്തു​ക​ളും ത​ത്സ​മ​യ നി​രീ​ക്ഷ​ണ​ത്തി​ലാ​യി​രി​ക്കും. കോ​ന്നി ആ​റ്, അ​ടൂ​ര്‍ നാ​ല്, ആ​റ​ന്മു​ള ര​ണ്ട് എ​ന്നി​ങ്ങ​നെ ജി​ല്ല​യി​ല്‍ പ്ര​ശ്ന​സാ​ധ്യ​ത​യു​ള്ള​ത് 12 ബൂ​ത്തു​ക​ളാ​ണ്. ഒ​ന്നി​ല​ധി​കം ബൂ​ത്തു​ക​ളു​ള്ള വോ​ട്ടെ​ടു​പ്പ് കേ​ന്ദ്ര​ങ്ങ​ളി​ല്‍ തി​ര​ക്ക് നി​യ​ന്ത്രി​ക്കു​ന്ന​തി​ന് ബൂ​ത്തു​ക​ള്‍​ക്ക് പു​റ​ത്തും കാ​മ​റ സ്ഥാ​പി​ക്കും.

ബൂ​ത്ത് പി​ടു​ത്തം, പ​ണ​വി​ത​ര​ണം, ക​ള്ള വോ​ട്ട് ചെ​യ്യ​ല്‍ തു​ട​ങ്ങി​യ​വ ത​ട​ഞ്ഞ് സു​താ​ര്യ​മാ​യ തെ​ര​ഞ്ഞെ​ടു​പ്പ് ഉ​റ​പ്പാ​ക്കു​ക​യാ​ണ് ല​ക്ഷ്യം. ത​ത്സ​മ​യ നി​രീ​ക്ഷ​ണ​ത്തി​ന് മു​ഖ്യ​തെ​ര​ഞ്ഞെ​ടു​പ്പ് ഓ​ഫീ​സ​റു​ടെ ഓ​ഫീ​സി​ലും ജി​ല്ലാ ക​ള​ക്ട​റേ​റ്റു​ക​ളി​ലും ക​ണ്‍​ട്രോ​ള്‍ റൂ​മു​ക​ള്‍ സ​ജ്ജ​മാ​ക്കും.

Copyright @ 2022 , Rashtra Deepika Ltd.