കൊ​യി​ലാ​ണ്ടി: ഭ​വ​ന നി​ര്‍​മാ​ണ​ത്തി​നും തൊ​ഴി​ല്‍ സം​രം​ഭ​ങ്ങ​ള്‍​ക്കും ടൂ​റി​സ​ത്തി​നും ന​ഗ​ര​സൗ​ന്ദ​ര്യ വ​ത്ക​ര​ണ​ത്തി​നും മു​ന്‍​ഗ​ണ​ന ന​ല്‍​കി​ക്കൊ​ണ്ട് ത​യാ​റാ​ക്കി​യ കൊ​യി​ലാ​ണ്ടി ന​ഗ​ര​സ​ഭ​യു​ടെ 2025-26 സാ​മ്പ​ത്തി​ക വ​ര്‍​ഷ​ത്തെ ബ​ജ​റ്റ് വൈ​സ് ചെ​യ​ര്‍​മാ​ന്‍ അ​ഡ്വ. കെ ​സ​ത്യ​ന്‍ അ​വ​ത​രി​പ്പി​ച്ചു. 150,23,41,418 രൂ​പ വ​ര​വും 127,49,52,606 രൂ​പ ചെ​ല​വും 22,73,88,812 രൂ​പ മി​ച്ച​വും പ്ര​തീ​ക്ഷി​ക്കു​ന്ന ബ​ജ​റ്റാ​ണ് അ​വ​ത​രി​പ്പി​ച്ച​ത്. ചെ​യ​ര്‍​പേ​ഴ്‌​സ​ണ്‍ സു​ധ കി​ഴ​ക്കെ​പ്പാ​ട്ട് അ​ധ്യ​ക്ഷ​ത വ​ഹി​ച്ചു. ബ​ജ​റ്റ് സം​ബ​ന്ധി​ച്ച് കൗ​ണ്‍​സി​ല​ര്‍​മാ​രു​ടെ ച​ര്‍​ച്ച നാ​ളെ ന​ട​ക്കും.

കൊ​യി​ലാ​ണ്ടി ന​ഗ​ര​ത്തി​ന്‍റെ കി​ഴ​ക്ക് ഭാ​ഗം ബ​സ് സ്റ്റാ​ൻ​ഡി​ന് സ്ഥ​ലം ഏ​റ്റെ​ടു​ക്കു​ന്ന​തി​ന് ബ​ജ​റ്റി​ല്‍ ഒ​രു കോ​ടി രൂ​പ​യും ന​ഗ​ര​സ​ഭാ ശ്മ​ശാ​നം പൂ​ര്‍​ത്തീ​ക​ര​ണ​ത്തി​ന് ര​ണ്ട് കോ​ടി രൂ​പ​യും അ​നു​വ​ദി​ച്ചി​ട്ടു​ണ്ട്. നി​ല​വി​ല്‍ പ്ര​വൃ​ത്തി ന​ട​ന്നു​കൊ​ണ്ടി​രി​ക്കു​ന്ന സ​മ​ഗ്ര കു​ടി​വെ​ള്ള പ​ദ്ധ​തി 227 കോ​ടി രൂ​പ ചെ​ല​വി​ല്‍ പൂ​ര്‍​ത്തീ​ക​രി​ക്കും.

ന​ഗ​ര​സ​ഭാ ഓ​ഫീ​സ് കം ​ഷോ​പ്പിം​ഗ് കോം​പ്ല​ക്‌​സ് സെ​പ്തം​ബ​ര്‍ മാ​സം ജ​ന​ങ്ങ​ള്‍​ക്കാ​യി തു​റ​ന്ന് ന​ല്‍​കു​മെ​ന്നും ബ​ജ​റ്റി​ല്‍ പ​റ​യു​ന്നു. കാ​ലി​ക്ക​ട്ട് സ​ര്‍​വ​ക​ലാ​ശാ​ല​യു​ടെ കൊ​യി​ലാ​ണ്ടി ക്യാ​മ്പ​സ് പെ​രു​വ​ട്ടൂ​രി​ല്‍ സ്ഥാ​പി​ക്കു​ന്ന​തി​ന് അ​ടി​സ്ഥാ​ന സൗ​ക​ര്യ​മൊ​രു​ക്കു​ന്ന​തി​നാ​യി 25 ല​ക്ഷം രൂ​പ​യാ​ണ് ബ​ജ​റ്റി​ല്‍ നീ​ക്കി​വെ​ച്ച​ത്. ഖ​ര-​ദ്ര​വ മാ​ലി​ന്യ സം​സ്‌​ക്ക​ര​ണ​ത്തി​ന് ഭൂ​മി ഏ​റ്റെ​ടു​ക്കു​ന്ന​തി​നും ട്രീ​റ്റ്‌​മെ​ന്‍റ് പ്ലാ​ന്‍റു​ക​ള്‍ സ്ഥാ​പി​ക്കു​ന്ന​തി​നും കേ​ന്ദ്ര-​സം​സ്ഥാ​ന സ​ര്‍​ക്കാ​രു​ക​ളു​ടെ സ​ഹാ​യ​ത്തി​ല്‍ 400 കോ​ടി രൂ​പ​യു​ടെ പ​ദ്ധ​തി​യും ബ​ജ​റ്റ് വി​ഭാ​വ​നം ചെ​യ്യു​ന്നു​ണ്ട്.

ഷീ ​ഹോ​സ്റ്റ​ല്‍ പൂ​ര്‍​ത്തീ​ക​ര​ണ​ത്തി​നും ന​ഗ​ര​ത്തി​ലെ പാ​ര്‍​ക്കിം​ഗ് പ്ര​ശ്‌​നം പ​രി​ഹ​രി​ക്കു​ന്ന​തി​ന് ഫ്‌​ളൈ ഓ​വ​റി​നു​താ​ഴെ പാ​ര്‍​ക്കിം​ഗ് ഒ​രു​ക്കു​ന്ന​തി​നു​മാ​യി 50 ല​ക്ഷം രൂ​പ വീ​തം അ​നു​വ​ദി​ച്ചി​ട്ടു​ണ്ട്. കൊ​യി​ലാ​ണ്ടി റെ​യി​ല്‍​വെ ഫൂ​ട്ഓ​വ​ര്‍ ബ്രി​ഡ്ജ് കേ​ന്ദ്ര - സം​സ്ഥാ​ന സ​ര്‍​ക്കാ​റു​ക​ളു​ടെ സ​ഹാ​യ​ത്തോ​ടു​കൂ​ടി നി​ര്‍​മി​ക്കും.

ന​ഗ​ര​ഹൃ​ദ​യ​ത്തി​ല്‍ ഷീ ​മാ​ര്‍​ക്ക​റ്റ് നി​ര്‍​മ്മി​ക്കു​ന്ന​തി​ന് യു​ഐ​ഡി​എ​ഫ് പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി അ​ഞ്ച് കോ​ടി രൂ​പ​യു​ടെ പ​ദ്ധ​തി​യ്ക്കും ബ​ജ​റ്റി​ല്‍ പ്ര​ഖ്യാ​പ​ന​മു​ണ്ട്. ന​ഗ​ര റോ​ഡ് വി​ക​സ​ന​ത്തി​നും സൗ​ന്ദ​ര്യ​വ​ത്ക്ക​ര​ണ​ത്തി​നും യു​ഐ​ഡി​എ​ഫ് പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി മൂ​ന്ന് കോ​ടി രൂ​പ​യു​ടെ പ​ദ്ധ​തി, വ​ലി​യ​മ​ല​യി​ല്‍ മി​നി ഇ​ന്‍​ഡ​സ്ട്രി​യ​ല്‍ പാ​ര്‍​ക്കി​ന് അ​ടി​സ്ഥാ​ന സൗ​ക​ര്യം ഒ​രു​ക്കു​ന്ന​തി​ന് 25 ല​ക്ഷം രൂ​പ,

വ​ര​കു​ന്ന് വ​നി​ത പ​രി​ശീ​ല​ന കേ​ന്ദ്ര​ത്തി​ല്‍ കു​ടും​ബ​ശ്രീ ട്രെ​യി​നിം​ഗ് സെ​ന്‍റ​ര്‍ ഒ​രു​ക്കു​ന്ന​തി​ന് 25 ല​ക്ഷം രൂ​പ, ന​ഗ​ര​ത്തി​ല്‍ ഓ​പ്പ​ണ്‍ ജിം ​സ്ഥാ​പി​ക്കു​ന്ന​തി​ന് 25 ല​ക്ഷം രൂ​പ, ന​ഗ​ര​ത്തി​ല്‍ കാ​യി​ക പാ​ര്‍​ക്കി​നാ​യി സ​ര്‍​ക്കാ​ര്‍ സ​ഹാ​യ​ത്തോ​ടെ ഒ​രു കോ​ടി രൂ​പ​യു​ടെ പ​ദ്ധ​തി എ​ന്നി​വ​യും അ​നു​വ​ദി​ച്ചി​ട്ടു​ണ്ട്.