പ്ര​ചാ​ര​ണം അ​വ​സാ​ന​ ലാ​പ്പി​ലേ​ക്ക്; കൊ​ണ്ടും കൊ​ടു​ത്തും സ്ഥാ​നാ​ർ​ഥി​ക​ൾ
Monday, April 22, 2024 6:08 AM IST
തി​രു​വ​ന​ന്ത​പു​രം: ലോ​ക്സ​ഭാ തെ​ര​ഞ്ഞെ​ടു​പ്പി​നാ​യു​ള്ള പ്ര​ചാ​ര​ണ​ത്തി​നു ദി​വ​സ​ങ്ങ​ൾ മാ​ത്രം അ​വ​സാ​നി​ക്കെ പ്ര​ചാ​ര​ണ​ച്ചൂ​ടി​നൊ​പ്പം വാ​ക്ക്പോ​രും മൂ​ർ​ച്ഛി​ച്ചു. യു​ഡി​എ​ഫി​ന്‍റെ​യും എ​ൻ​ഡി​എ​യു​ടേ​യും ദേ​ശീ​യ നേ​താ​ക്ക​ൾ ശ​നി​യാ​ഴ്ച്ച് തി​രു​വ​ന​ന്ത​പു​രം മ​ണ്ഡ​ല​ത്തി​ൽ പ്ര​ചാ​ര​ണ​ത്തി​നാ​യി എ​ത്തി​യ​പ്പോ​ൾ സി​പി​എം ദേ​ശീ​യ ജ​ന​റ​ൽ സെ​ക്ര​ട്ട​റി സീ​താ​റാം യ​ച്ചൂ​രി ഇ​ന്ന​ലെ തി​രു​വ​ന​ന്ത​പു​രം ആ​റ്റി​ങ്ങ​ൽ മ​ണ്ഡ​ല​ങ്ങ​ളി​ൽ പ്ര​ചാ​ര​ണ യോ​ഗ​ങ്ങ​ളി​ൽ പ​ങ്കെ​ടു​ത്തു.

തി​രു​വ​ന​ന്ത​പു​രം മ​ണ്ഡ​ല​ത്തി​ലെ യു​ഡി​എ​ഫ്,എ​ൽ​ഡി​എ​ഫ്,എ​ൻ​ഡി​എ സ്ഥാ​നാ​ർ​ഥി​ക​ൾ ഇ​ന്ന​ലെ മ​ണ്ഡ​ല​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ നേ​രി​ട്ടെ​ത്തി വോ​ട്ടു ചോ​ദി​ക്കാ​നാ​യാ​ണ് കൂ​ടു​ത​ൽ സ​മ​യം ക​ണ്ടെ​ത്തി​യ​ത്. തി​രു​വ​ന​ന്ത​പു​രം മ​ണ്ഡ​ല​ത്തി​ലെ യു​ഡി​എ​ഫ് സ്ഥാ​നാ​ർ​ഥി ശ​ശി ത​രൂ​ർ പാ​റ​ശാ​ല നി​യോ​ജ​ക മ​ണ്ഡ​ല​ത്തി​ലെ പാ​റ​ശാ​ല ബ്ലോ​ക്കി​ലാ​ണ് വാ​ഹ​ന പ​ര്യ​ട​നം ന​ട​ത്തി​യ​ത്. അ​രു​വി​പ്പു​റം ക്ഷേ​ത്ര​ത്തി​നു മു​ന്നി​ൽ നി​ന്നു​മാ​ണ് പ​ര്യ​ട​ന പ​രി​പാ​ടി തു​ട​ക്ക​മി​ട്ട​ത്. അ​രു​വി​പ്പു​റം ക്ഷേ​ത്രം മ​ഠാ​ധി​പ​തി സ്വാ​മി സാ​ന്ദ്രാ​ന​ന്ദ സ​ര​സ്വ​തി​യെ സ​ന്ദ​ർ​ശി​ച്ചു.

തു​ട​ർ​ന്ന് ക്ഷേ​ത്ര​ത്തി​ൽ പ്രാ​ർ​ഥ​ന​ക​ൾ ന​ട​ത്തി പ്ര​സാ​ദം സ്വീ​ക​രി​ച്ചു. കാ​ർ​ഷി​ക മേ​ഖ​ല​യാ​യ പാ​റ​ശാ​ല നി​യോ​ജ​ക മ​ണ്ഡ​ല​ത്തി​ൽ ന​ട​ന്ന പ്ര​ചാ​ര​ണ പ​രി​പാ​ടി​ക​ളി​ൽ കാ​ർ​ഷി​ക വി​ഭ​വ​ങ്ങ​ൾ ന​ൽ​കി​യാ​ണ് ജ​നം ത​രൂ​രി​നെ സ്വീ​ക​രി​ച്ച​ത്.

മാ​രാ​യ​മു​ട്ടം വ​ട​ക​ര, മൈ​ലാ​ടും പാ​റ, ച​പ്പാ​ത്ത്, കാ​ക്ക​ണം, പാ​ട്ട​വി​ള, തൃ​പ്പ​ല​വൂ​ർ, ചി​ത്ര വി​ളാ​കം, പു​ന്ന​കാ​ല, മ​ല​യി​ൽ​ക​ട, ഓ​ണം​കോ​ട്, വ​ഴി നീ​റ​ക​ത്ത​ല​യി​ൽ ഉ​ച്ച​വ​രെ​യു​ള്ള പ്ര​ചാ​ര​ണം അ​വ​സാ​നി​ച്ചു. ഉ​ച്ച​ക​ഴി​ഞ്ഞ് ആ​ന​ക്കു​ന്ന്, ക​ളി​യ​ൽ കോ​ള​നി, ക​ടു​ക്ക​രു​വി​ള കോ​ള​നി, നെ​ടി​യാം​കോ​ട്, കൊ​റ്റാ​മം ജം​ഗ്ഷ​ൻ, കൊ​ല്ലി​യോ​ട്, ആ​ല​ന്പാ​റ, പ​ര​ശു​വ​യ്ക്ക​ൽ, ഇ​ടി​ച്ച​ക്ക​പ്ലാ​മൂ​ട്, പ​വ​തി​യാ​ൻ​വി​ള, ആ​ശു​പ​ത്രി ജം​ഗ്ഷ​ൻ ചെ​റു​വാ​ര​ക്കോ​ണം, കോ​ഴി​വി​ള, പു​ത്ത​ൻ ക​ട, സ​മു​ദാ​യ​പ്പ​റ്റ്, കു​റി​ച്ചി​വി​ള വ​ഴി രാ​ത്രി എ​ട്ടി​ന് പാ​റ​ശാ​ല​യി​ൽ ത​രൂ​രി​ന്‍റെ പ​ര്യ​ട​നം സ​മാ​പി​ച്ചു.

കോ​വ​ളത്തെ പ​ര്യ​ട​നം പൂ​ർ​ത്തി​യാ​ക്കി പ​ന്ന്യ​ൻ ര​വീ​ന്ദ്ര​ൻ

ഇ​ട​തു സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ൻ ഇ​ന്ന​ലെ കോ​വ​ളം നി​യോ​ജ​ക​മ​ണ്ഡ​ല​ത്തി​ലെ പ​ര്യ​ട​നം പൂ​ർ​ത്തി​യാ​ക്കി. അ​വ​സാ​ന​ഘ​ട്ട പ​ര്യ​ട​നം കോ​ട്ടു​കാ​ൽ​പ​ഞ്ചാ​യ​ത്തി​ലെ അ​വ​ണാ കു​ഴി​യി​ൽ നി​ന്നാ​ണ് ആ​രം​ഭി​ച്ച​ത്. സി​പി​ഐ ജി​ല്ലാ സെ​ക്ര​ട്ട​റി മാ​ങ്കോ​ട് രാ​ധാ​കൃ​ഷ്ണ​ൻ ഉ​ദ്ഘാ​ട​നം ചെ​യ്തു. പ​ള്ളി​ച്ച​ൽ വി​ജ​യ​ൻ, പി.​എ​സ്. ഹ​രി​കു​മാ​ർ, കാ​ഞ്ഞി​രം​കു​ളം ഗോ​പാ​ല​കൃ​ഷ്ണ​ൻ തു​ട​ങ്ങി​യ​വ​ർ പ​ങ്കെ​ടു​ത്തു.

തു​ട​ർ​ന്ന് തീ​ര​ദേ​ശ മേ​ഖ​ല​ക​ളി​ലെ​ത്തി​യ സ്ഥാ​നാ​ർ​ത്ഥി​ക്ക് ഉ​ജ്വ​ല വ​ര​വേ​ൽ​പ്പാ​ണ് ല​ഭി​ച്ച​ത് ന​ൽ​കി. രാ​ത്രി വൈ​കി പ​ര്യ​ട​നം എ​കെ​ജി ന​ഗ​റി​ൽ അ​വ​സാ​നി​ച്ചു. വി​വി​ധ കേ​ന്ദ്ര​ങ്ങ​ളി​ൽ അ​ഡ്വ.​ആ​ർ.​എ​സ്. ജ​യ​ൻ ,ആ​ദ​ർ​ശ് കൃ​ഷ്ണ, ക​ണ്ണ​ൻ എ​സ് ലാ​ൽ ശ​ര​ണ്‍ ശ​ശാ​ങ്ക​ൻ, ആ​ന്‍റ​സ് തു​ട​ങ്ങി​യ​വ​ർ പ്ര​സം​ഗി​ച്ചു.

പാ​റ​ശാ​ല​യി​ൽ പ​ര്യ​ട​നം ന​ട​ത്തി രാ​ജീ​വ് ച​ന്ദ്ര​ശേ​ഖ​ർ

എ​ൻ​എ​ൻ​ഡി​എ സ്ഥാ​നാ​ർ​ഥി രാ​ജീ​വ് ച​ന്ദ്ര​ശേ​ഖ​റി​ന്‍റെ ഇ​ന്ന​ല​ത്തെ തെ​ര​ഞ്ഞെ​ടു​പ്പ് പ്ര​ചാ​ര​ണ പ​രി​പാ​ടി​ക​ളും സ്ഥാ​നാ​ർ​ഥി​പ​ര്യ​ട​ന​വും പാ​റ​ശാ​ല നി​യ​മ​സ​ഭാ മ​ണ്ഡ​ലം കേ​ന്ദ്രീ​ക​രി​ച്ചാ​യി​രു​ന്നു . രാ​വി​ലെ നെ​ടു​വാ​ൻ​വി​ള​യി​ൽ നി​ന്നാ​ണ് പ​ര്യ​ട​ന​ത്തി​ന് തു​ട​ക്ക​മി​ട്ട​ത്.

തു​ട​ർ​ന്ന് പു​ത്ത​ൻ​ക​ട, മു​ള്ള​വി​ള, ഇ​ഞ്ചി​വി​ള, പാ​ന്പാ​ടി, ചി​റ​ക്കോ​ണം, പ​ഞ്ചാ​യ​ത്ത് ഓ​ഫീ​സ് ധ​നു​വ​ച്ച​പു​രം, ഉ​ദി​യ​ൻ​കു​ള​ങ്ങ​ര, പെ​രു​ങ്ക​ട​വി​ള തു​ട​ങ്ങി വി​വി​ധ പ്ര​ദേ​ശ​ങ്ങ​ളി​ലൂ​ടെ ക​ട​ന്നു പോ​യ പ​ര്യ​ട​നം ഉ​ച്ച​യ്ക്ക് ആ​ങ്കോ​ട് ബ്ലോ​ക്ക് ന​ട​യി​ൽ സ​മാ​പി​ച്ചു.

എ​ല്ലാ​യി​ട​ത്തും സ്ഥാ​നാ​ർ​ഥി​യു​ടെ തു​റ​ന്ന വാ​ഹ​ന​ത്തെ അ​നു​ഗ​മി​ച്ച് ബൈ​ക്ക് റാ​ലി​യും ഓ​ട്ടോ റാ​ലി​യു​മു​ണ്ടാ​യി​രു​ന്നു. ആ​ല​ത്തൂ​ർ കോ​ഴി​ക്കോ​ട് നി​ന്നാ​യി​രു​ന്നു ഉ​ച്ച ക​ഴി​ഞ്ഞു​ള്ള പ​ര്യ​ട​നം പു​ന​രാ​രം​ഭി​ച്ച​ത്. വ​ര​ന്പി​ൻ​ക​ട, ആ​നാ​വൂ​ർ, എ​ള്ളു​വി​ള, ന​രി​ക്കോ​ട്, നി​ല​മാം​മൂ​ട്, പ​ന​യ​റ​ക്കോ​ണം, വ​ര​ട്ട​യം തു​ട​ങ്ങി​യ ഇ​ട​ങ്ങ​ളി​ലൂ​ടെ ക​ട​ന്നു പോ​യി വ​ണ്ടി​ത്ത​ട​ത്ത് സ​മാ​പി​ച്ചു. വ​ണ്ടി​ത്ത​ട​ത്തു നി​ന്നും റോ​ഡ് ഷോ ​ആ​രം​ഭി​ച്ചു. ത​മി​ഴ്നാ​ട് ബി​ജെ​പി അ​ധ്യ​ക്ഷ​ൻ അ​ണ്ണാ​മ​ലൈ റോ​ഡ് ഷോ​യി​ൽ പ​ങ്കാ​ളി​ക​ളാ​യി.

വ​ർ​ക്ക​ല​യി​ലും ചി​റ​യി​ൻ​കീ​ഴി​ലും പ​ര്യ​ട​നം ന​ട​ത്തി വി. ​മു​ര​ളീ​ധ​ര​ൻ

ആ​റ്റി​ങ്ങ​ലി​ലെ എ​ൻ​ഡി​എ സ്ഥാ​നാ​ർ​ഥി വി. ​മു​ര​ളീ​ധ​ര​ൻ വ​ർ​ക്ക​ല​യി​ലും ചി​റ​യി​ൻ​കീ​ഴി​ലു​മാ​ണ് ഇ​ന്ന​ലെ പ​ര്യ​ട​നം ന​ട​ത്തി​യ​ത്. അ​ങ്കി​ളി​മു​ക്കി​ൽ അ​യ്യ​ങ്കാ​ളി​യു​ടെ​യും ശ്രീ​നാ​രാ​യ​ണ​ഗു​രു​വി​ന്‍റെ​യും പ്ര​തി​മ​യി​ൽ പു​ഷ്പ​ഹാ​രം ചാ​ർ​ത്തി​യാ​ണ് വി. ​മു​ര​ളീ​ധ​ര​ൻ ചി​റ​യി​ൻ​കീ​ഴ് മ​ണ്ഡ​ല​ത്തി​ലെ സ്ഥാ​നാ​ർ​ഥി​പ​ര്യ​ട​നം ആ​രം​ഭി​ച്ച​ത്.

ബി​ജെ​പി ജി​ല്ലാ ട്ര​ഷ​റ​ർ ബാ​ല​മു​ര​ളി പ​ര്യ​ട​നം ഉ​ദ്ഘാ​ട​നം ചെ​യ്തു. അ​ഴൂ​ർ, ചി​റ​യി​ൻ​കീ​ഴ് ഗ്രാ​മ പ​ഞ്ചാ​യ​ത്തു​ക​ളി​ലാ​യി​രു​ന്നു പ​ര്യ​ട​നം. മ​ണ്ണാ​ത്തി മൂ​ല, ആ​ന​ത്ത​ല​വ​ട്ടം കോ​ള​നി, പു​തു​ക്ക​രി, ശാ​ർ​ക്ക​ര തു​ട​ങ്ങി 30 സ്ഥ​ല​ങ്ങ​ളി​ൽ സ​ന്ദ​ർ​ശ​നം ന​ട​ത്തി​യാ​ണ് മ​ണ്ഡ​ല​ത്തി​ലെ പ​രി​പാ​ടി സ​മാ​പി​ച്ച​ത്. ഉ​ച്ച​യ്ക്കു​ശേ​ഷം വ​ർ​ക്ക​ല മ​ണ്ഡ​ല​ത്തി​ലാ​യി​രു​ന്നു പ​ര്യ​ട​നം. പ്ലാ​വ​ഴി​ക​ത്തു നി​ന്നും തു​ട​ങ്ങി​യ പ​ര്യ​ട​നം വ​ർ​ക്ക​ല മു​നി​സി​പ്പാ​ലി​റ്റി​യി​ലും വെ​ട്ടൂ​ർ ഗ്രാ​മ​പ​ഞ്ചാ​യ​ത്തി​ലു​മാ​യി 34 സ്ഥ​ല​ങ്ങ​ൾ സ​ന്ദ​ർ​ശി​ച്ച് ര​ഘു​നാ​ഥ​പു​ര​ത്ത് സ​മാ​പി​ച്ചു.

വെ​ന്പാ​യം ബ്ലോ​ക്കി​ൽ പ​ര്യ​ട​നം ന​ട​ത്തി അ​ടൂ​ർ പ്ര​കാ​ശ്

ആ​റ്റി​ങ്ങ​ൽ: തെ​ര​ഞ്ഞെ​ടു​പ്പ് പ്ര​ചാ​ര​ണം അ​വ​സാ​ന​ഘ​ട്ട​ത്തോ​ട​ടു​ക്കു​ന്പോ​ൾ അ​തി​വേ​ഗം പ​ര​മാ​വ​ധി വോ​ട്ട​ർ​മാ​രെ നേ​രി​ൽ കാ​ണാ​നാ​ണ് യു​ഡി​എ​ഫ് സ്ഥാ​നാ​ർ​ഥി അ​ടൂ​ർ പ്ര​കാ​ശി​ന്‍റെ ശ്ര​മം. ഇ​ന്ന​ലെ നെ​ടു​മ​ങ്ങാ​ട് നി​യോ​ജ​ക​മ​ണ്ഡ​ല​ത്തി​ലെ വെ​ന്പാ​യം ബ്ലോ​ക്കി​ലാ​ണ് അ​ടൂ​ർ പ്ര​കാ​ശ് പ​ര്യ​ട​നം ന​ട​ത്തി​യ​ത്.

രാ​വി​ലെ എ​ട്ടി​ന് വെ​ട്ടു​റോ​ഡ് ജം​ഷ​നി​ൽ നി​ന്നു​മാ​രം​ഭി​ച്ച പ​ര്യ​ട​നം സി​എം​പി സം​സ്ഥാ​ന സെ​ക്ര​ട്ട​റി സി​പി ജോ​ണ്‍ ഉ​ദ്ഘാ​ട​നം ചെ​യ്തു. ദ​ഫ്മു​ട്ടും വാ​ദ്യ​മേ​ള​ങ്ങ​ളും വാ​ഹ​ന റാ​ലി​ക​ളും വെ​ന്പാ​യ​ത്ത് പ​ര്യ​ട​ന​ത്തി​ന് നി​റം കൂ​ട്ടി. വെ​ന്പാ​യ​ത്ത് നി​ന്നു​മാ​രം​ഭി​ച്ച് അ​ണ്ട ൂർ​ക്കോ​ണം, പോ​ത്ത​ൻ​കോ​ട്, വെ​ന്പാ​യം, മാ​ണി​ക്ക​ൽ പ​ഞ്ചാ​യ​ത്തു​ക​ളി​ലൂ​ടെ പ​ര്യ​ട​നം ക​ട​ന്നു​പോ​യി. രാ​ത്രി 10 മ​ണി​യോ​ടെ പൂ​ല​ന്ത​റ​യി​ൽ പ​ര്യ​ട​നം അ​വ​സാ​നി​പ്പി​ച്ചു.

തെരഞ്ഞെടുപ്പ് ഫാ​സി​സ്റ്റ് നി​യ​മ​വാ​ഴ്ച്ച​യ്ക്കെ​തി​രേ​: യെ​ച്ചൂ​രി

ആ​റ്റി​ങ്ങ​ൽ: രാ​ജ്യ​ത്തി​ന്‍റെ ഭ​ര​ണ​ഘ​ട​നാ മൂ​ല്യ​ങ്ങ​ളെ സം​ര​ക്ഷി​ക്കാ​ന് വേ​ണ്ടി​യു​ള്ള തി​ര​ഞ്ഞെ​ടു​പ്പാ​ണ് ന​ട​ക്കാ​ൻ പോ​കു​ന്ന​തെ​ന്ന് സി​പി​ഐ​എം അ​ഖി​ലേ​ന്ത്യ ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി.

ആറ്റി​ങ്ങ​ൽ മാ​മം ഗ്രൗ​ണ്ടി​ൽ ന​ട​ന്ന ഇ​ട​തു​പ​ക്ഷ ജ​നാ​ധി​പ​ത്യ മു​ന്ന​ണി സ്ഥാ​നാ​ർ​ഥി വി .​ജോ​യി​യു​ടെ തെ​ര​ഞ്ഞെ​ടു​പ്പ് പ്ര​ച​ര​ണ യോ​ഗ​ത്തി​ൽ പ്ര​സം​ഗി​ക്കു​ക​യാ​യി​രു​ന്നു സീ​താ​റാം യെ​ച്ചൂ​രി. കേ​ന്ദ്ര സ​ർ​ക്കാ​ർ ഇ​ന്ത്യ​യു​ടെ അ​ടി​സ്ഥാ​ന മൂ​ല്യ​ങ്ങ​ൾ ത​ക​ർ​ത്തു. പാ​ർ​ള​മെ​ന്‍റി​നെ നോ​ക്കു​കു​ത്തി​യാ​ക്കി രാ​ജ്യ​ത്തി​ന്‍റെ മ​ത​നി​ര​പേ​ക്ഷ​ത ത​ക​ർ​ക്കു​ന്ന നി​യ​മ​ങ്ങ​ൾ കൊ​ണ്ടു​വ​ന്നെ​ന്നും യെ​ച്ചൂ​രി പ​റ​ഞ്ഞു.

കേ​ര​ള​ത്തി​ൽ കോ​ണ്‍​ഗ്ര​സി​ന്‍റെ പ്ര​ധാ​ന ശ​ത്രു സി​പി​ഐ​എ​മ്മാ​ണ്. എ​ന്നാ​ൽ ബി​ജെ​പി​ക്കെ​തി​രേ നി​ര​ന്ത​രം പോ​രാ​ടി​യ പാ​ർ​ട്ടി​യാ​ണി​തെ​ന്നും യെ​ച്ചൂ​രി വ്യ​ക്ത​മാ​ക്കി. ​കേ​ര​ള​ത്തി​ൽ നി​ന്ന് ബി​ജെ​പി​യു​ടെ ഒ​രു എം​പി പോ​ലും പാ​ർ​ല​മെ​ന്‍റി​ലേ​ക്ക് പോ​കി​ല്ല. ഇ​ന്ത്യ​യു​ടെ സ​ന്പ​ത്ത് കൊ​ള്ള​യ​ടി​ക്കാ​ൻ ബി​ജെ​പി പി​ന്തു​ണ ന​ൽ​കു​ക​യാ​ണ്. മോ​ദി സ​ർ​ക്കാ​ർ ദേ​ശീ​യ സ​ന്പ​ദ് വ്യ​വ​സ്ഥ​യെ ത​ക​ർ​ക്കു​ന്നു.

രാ​ജ്യ​ത്ത് തൊ​ഴി​ലി​ല്ലാ​യ്മ രൂ​ക്ഷ​മാ​ണ്. വി​ല​ക്ക​യ​റ്റം കൂ​ടി​കൊ​ണ്ടി​രി​ക്കു​ന്നു. സാ​ധാ​ര​ണ​ക്കാ​ർ​ക്ക് ജീ​വി​ക്കാ​ൻ ക​ഴി​യു​ന്നി​ല്ല. വ​ർ​ഗീ​യ​ത​യു​ടെ പേ​രി​ൽ ആ​ളു​ക​ളെ ത​മ്മി​ല​ടി​പ്പി​ക്കു​ക​യാ​ണ് ബി ​ജെ പി ​ചെ​യു​ന്ന​ത് -യെ​ച്ചൂ​രി വ്യ​ക്ത​മാ​ക്കി. ഇ​ല​ക്ട​റ​ൽ ബോ​ണ്ടി​നെ എ​തി​ർ​ത്ത​ത് ഇ​ട​തു​പ​ക്ഷ​മാ​ണ​ന്നും യെ​ച്ചൂ​രി ഓ​ർ​മി​പ്പി​ച്ചു.

തെ​ര​ഞ്ഞെ​ടു​പ്പ് മു​ദ്രാ​വാ​ക്യം പു​റ​ത്തി​റ​ക്കി

തി​രു​വ​ന​ന്ത​പു​രം: തി​രു​വ​ന​ന്ത​പു​രം ലോ​ക്സ​ഭാ മ​ണ്ഡ​ല​ത്തി​ലെ എ​ൽ​ഡി​എ​ഫ് സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ന്‍റെ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്‍റെ ഭാ​ഗ​മാ​യു​ള്ള തെ​ര​ഞ്ഞെ​ടു​പ്പ് മു​ദ്രാ​വാ​ക്യം പു​റ​ത്തി​റ​ക്കി.

പൂ​ജ​പ്പു​ര മൈ​താ​നി​യി​ൽ സം​ഘ​ടി​പ്പി​ച്ച പൊ​തു​പ​രി​പാ​ടി​യി​ൽ സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യ​ച്ചൂ​രി​യാ​ണ് മു​ദ്രാ​വാ​ക്യം പു​റ​ത്തി​റ​ക്കി​യ​ത്. മ​ന്ത്രി​മാ​രാ​യ വി.​ശി​വ​ൻ​കു​ട്ടി, ജി.​ആ​ർ.​അ​നി​ൽ, മു​ൻ മ​ന്ത്രി ആ​ന്‍റ​ണി രാ​ജു, മേ​യ​ർ ആ​ര്യ രാ​ജേ​ന്ദ്ര​ൻ, വി.​കെ.​പ്ര​ശാ​ന്ത് എം​എ​ൽ​എ, എം.​വി​ജ​യ​കു​മാ​ർ, സി.​ജ​യ​ൻ​ബാ​ബു തു​ട​ങ്ങി​യ​വ​ർ പ​ങ്കെ​ടു​ത്തു.

Copyright @ 2022 , Rashtra Deepika Ltd.