ഭ​ക്തിസാ​ന്ദ്ര​മാ​യി പ​ള്ളി​വേ​ട്ട: പൈ​ങ്കു​നി ഉ​ത്സ​വം ഇ​ന്ന് സ​മാ​പി​ക്കും
Sunday, April 21, 2024 6:03 AM IST
തി​രു​വ​ന​ന്ത​പു​രം: ശ്രീ ​പത്മ​നാ​ഭ സ്വാ​മി ക്ഷേ​ത്ര​ത്തി​ലെ പൈ​ങ്കു​നി ഉ​ത്സ​വ​ത്തോ​ട​നു​ബ​ന്ധി​ച്ചു​ള്ള പ​ള്ളി വേ​ട്ട ഭ​ക്തി​സാ​ന്ദ്ര​മാ​യി. ഒ​ന്പ​താം ഉ​ത്സ​വ ദി​വ​സ​മാ​യ ഇ​ന്ന​ലെ ഉ​ത്സ​വ ശീ​വേ​ലി​ക്കു ശേ​ഷം പ​ള്ളി​വേ​ട്ട​യു​ടെ ച​ട​ങ്ങു​ക​ൾ ആ​രം​ഭി​ച്ചു.

ശ്രീ ​​പത്മ​നാ​ഭസ്വാ​മി​യു​ടെ വി​ല്ലേ​ന്തി​യ വി​ഗ്ര​ഹ​ത്തി​നൊ​പ്പം ന​ര​സിം​ഹ മൂ​ർ​ത്തി​യെ​യും തി​രു​വ​ന്പാ​ടി കൃ​ഷ്ണ​നെ​യും എ​ഴു​ന്ന​ള്ളി​ച്ചു. വാ​ദ്യ​മേ​ള​ങ്ങ​ളി​ല്ലാ​തെ വേ​ട്ട​പ്പു​റ​പ്പാ​ട് സു​ന്ദ​ര​വി​ലാ​സം കൊ​ട്ടാ​ര​ത്തി​നു മു​ന്നി​ലെ വേ​ട്ട​ക്ക​ള​ത്തി​ലെ​ത്തി.

തു​ട​ർ​ന്നു പ്ര​തീ​കാ​ത്മ​ക​മാ​യി ക​രി​ക്കി​ൽ അ​ന്പെ​യ്തു പ​ള്ളി​വേ​ട്ട ന​ട​ത്തി. ശേ​ഷം വ​ട​ക്കേ ന​ട​വ​ഴി വി​ഗ്ര​ഹ​ങ്ങ​ളെ തിരികെ ക്ഷേ​ത്ര​ത്തി​ലേ​ക്ക് എ​ഴു​ന്ന​ള്ളി​ച്ചു. ഒ​റ്റ​ക്ക​ൽ മ​ണ്ഡ​പ​ത്തി​ൽ ​പത്മ​നാ​ഭ​സ്വാ​മി​യു​ടെ വി​ഗ്ര​ഹംവ​ച്ച് ന​വ​ധാ​ന്യ​ങ്ങ​ൾ മു​ള​പ്പി​ച്ച​തു​കൊ​ണ്ട് മു​ള​യീ​ട് പൂ​ജ ന​ട​ത്തി​യ​തോ​ടെ പ​ള്ളി​വേ​ട്ട സ​മാ​പി​ച്ചു.

ഇ​ന്നു വൈ​കു​ന്നേ​രം ശം​ഖും​മു​ഖ​ത്തു ന​ട​ക്കു​ന്ന ആ​റാ​ട്ടോ​ടെ ഈ ​വ​ർ​ഷ​ത്തെ പൈ​ങ്കു​നി ഉ​ത്സ​വ​ത്തി​നു സ​മാ​പ​ന​മാ​കും. പു​ല​ർ​ച്ചെ അ​ഞ്ചി​നു പ​ശു​ക്കിടാവിനെ മ​ണ്ഡ​പ​ത്തി​ലെ​ത്തി​ച്ചു പ​ള്ളി​ക്ക​റു​പ്പ് ദ​ർ​ശ​ന​വും തു​ട​ർ​ന്നു നി​ർ​മാ​ല്യ​വും ന​ട​ത്തും. വൈ​കു​ന്നേ​രം അ​ഞ്ചി​ന് ആ​റാ​ട്ട് ച​ട​ങ്ങു​ക​ൾ ആ​രം​ഭി​ക്കും.

ദീ​പാ​ര​ധ​ന​യ്ക്കുശേ​ഷം ഗ​രു​ഡ വാ​ഹ​ന​ത്തി​ൽ പ​ദ്മ​നാ​ഭ​സ്വാ​മി​യെ​യും ന​ര​സിം​ഹ മൂ​ർ​ത്തി​യെ​യും തി​രു​വ​ന്പാ​ടി ശ്രീ ​കൃ​ഷ്ണ​സ്വാ​മി​യെ​യും പു​റ​ത്തെ​ഴു​ന്ന​ള്ളി​ക്കു​ന്ന​തോ​ടെ ഘോ​ഷ​യാ​ത്ര​യ്ക്കു തുടക്കമാകും.

ഘോ​ഷ​യാ​ത്ര​യോ​ടൊ​പ്പം ചേ​രാ​നാ​യി ന​ഗ​ര​ത്തി​ലെ വി​വി​ധ ക്ഷേ​ത്ര​ങ്ങ​ളി​ൽ നി​ന്നു​ള്ള ആ​റാ​ട്ടു വി​ഗ്ര​ഹ​ങ്ങ​ൾ പ​ടി​ഞ്ഞാ​റെ ന​ട​യി​ൽ എ​ത്തിച്ചേരും. ഇ​വ​യും ചേ​ർ​ന്നാ​ണ് കൂ​ടി​യാ​റാ​ട്ടി​നാ​യി ശം​ഖും​മു​ഖ​ത്തേ​യ്ക്കു ഘോ​ഷ​യാ​ത്ര എ​ത്തു​ക.

തീ​ര​ദേ​ശ​ത്തെ ക​ൽ​മ​ണ്ഡ​പ​ത്തി​ൽ ഇ​റ​ക്കി​വ​ച്ച വി​ഗ്ര​ഹ​ങ്ങ​ളെ ച​ട​ങ്ങു​ക​ൾ​ക്കുശേ​ഷം സ​മു​ദ്ര​ത്തി​ൽ ആ​റാ​ടി​ക്കും. എ​ഴു​ന്ന​ള്ളത്ത് രാ​ത്രി ക്ഷേ​ത്ര​ത്തി​ൽ തി​രി​കെ എ​ത്തു​ന്ന​തോ​ടെ ഉ​ത്സ​വ​ത്തി​നു കൊ​ടി​യി​റ​ങ്ങും.

Copyright @ 2022 , Rashtra Deepika Ltd.