ഇ​ന്ത്യ-​യു​കെ സ്വ​ത​ന്ത്ര വ്യാ​പാ​ര​ക്ക​രാ​റി​ന് മേ​യ് ആ​റി​ന് അ​ന്തി​മ​രൂ​പ​മാ​യി. മൂ​ന്നു​വ​ര്‍​ഷ​ത്തെ ച​ര്‍​ച്ച​ക​ള്‍​ക്കു​ ശേ​ഷ​മാ​ണ് ആ​ഗോ​ള വ്യാ​പാ​ര ച​ല​നാ​ത്മ​ക​ത​യി​ല്‍ സു​പ്ര​ധാ​ന ​മാ​റ്റം വി​ളി​ച്ച​റി​യി​ക്കു​ന്ന ക​രാ​ർ യാ​ഥാ​ർ​ഥ്യ​മാ​വു​ന്ന​ത്. ലോ​ക​ത്തെ അ​ഞ്ചാ​മ​ത്തെ​യും ആ​റാ​മ​ത്തെ​യും വ​ലി​യ സ​മ്പ​ദ്‌​വ്യ​വ​സ്ഥ​ക​ളാ​ണ് ഇ​ന്ത്യ​യും യു​കെ​യും.

2024-25 സാ​മ്പ​ത്തി​കവ​ര്‍​ഷ​ത്തി​ല്‍ ഇ​രു രാ​ജ്യ​ങ്ങ​ളും ത​മ്മി​ലു​ള്ള വ്യാ​പാ​രം 21.33 ബി​ല്യ​ണ്‍ ഡോ​ള​റി​ലെ​ത്തി​യി​ട്ടു​ണ്ട്. മു​ന്‍ വ​ര്‍​ഷ​ങ്ങ​ളെ അ​പേ​ക്ഷി​ച്ച് ഇ​ന്ത്യ​യി​ല്‍​നി​ന്ന് യു​കെ​യി​ലേ​ക്കു​ള്ള ക​യ​റ്റു​മ​തി 13.3 ശ​ത​മാ​നം വ​ര്‍​ധി​ച്ച് 12.9 ബി​ല്യ​ൺ ഡോ​ള​റി​ലെ​ത്തി. ഇ​റ​ക്കു​മ​തി​യാ​ക​ട്ടെ 6.1 ശ​ത​മാ​നം കു​റ​ഞ്ഞ് 8.4 ബി​ല്യ​ൺ ഡോ​ള​റു​മാ​യി. അ​തി​നാ​ല്‍​ത്ത​ന്നെ പു​ത്ത​ന്‍ വ്യാ​പാ​ര​ക്ക​രാ​ര്‍ ഏ​റെ നി​ര്‍​ണാ​യ​ക​മാ​ണ്. യൂ​റോ​പ്യ​ന്‍ യൂ​ണി​യ​ന്‍ വി​ട്ട​തി​നു​ശേ​ഷം യു​കെ ഒ​പ്പു​വ​യ്ക്കാ​നൊ​രു​ങ്ങു​ന്ന ഏ​റ്റ​വും വ​ലി​യ ക​രാ​റാ​ണി​ത്.

ഏ​താ​നും വ​ര്‍​ഷ​ത്തി​നു​ള്ളി​ല്‍ ഇ​ന്ത്യ ലോ​ക​ത്തി​ലെ മൂ​ന്നാ​മ​ത്തെ വ​ലി​യ സ​മ്പ​ദ്‌​വ്യ​വ​സ്ഥ​യാ​യി മാ​റു​മെ​ന്നാ​ണ് പ്ര​വ​ച​നം. 145 കോ​ടി​യോ​ളം വ​രു​ന്ന ജ​ന​സം​ഖ്യ യു​കെ​യി​ലെ ജ​ന​സം​ഖ്യ​യു​ടെ 20 മ​ട​ങ്ങാ​ണ്. അ​തി​നാ​ല്‍​ത്ത​ന്നെ ആ​ഗോ​ള ഉ​പ​ഭോ​ക്തൃ വി​പ​ണി​യാ​യി ഇ​ന്ത്യ മാ​റു​മ്പോ​ള്‍ ബ്രി​ട്ട​ന് സാ​ധ്യ​ത ഏ​റെ​യാ​ണ്. യു​കെ​യു​മാ​യു​ള്ള ഈ ​വ്യാ​പാ​ര​ക്ക​രാ​റോ​ടെ ഓ​സ്ട്രേ​ലി​യ, യു​എ​ഇ, യൂ​റോ​പ്യ​ന്‍ ഫ്രീ ​ട്രേ​ഡ് അ​സോ​സി​യേ​ഷ​ന്‍, ആ​സി​യാ​ന്‍, മൗ​റീ​ഷ്യ​സ്, ജ​പ്പാ​ന്‍, കൊ​റി​യ തു​ട​ങ്ങി ഇ​ന്ത്യ പ​ങ്കാ​ളി​യാ​കു​ന്ന 16 സ്വ​ത​ന്ത്ര വ്യാ​പാ​രക്ക​രാ​റു​ക​ളാ​കും. ഇ​ന്ത്യ-​യു​കെ വ്യാ​പാ​ര​ക്ക​രാ​റു​മാ​യി ബ​ന്ധ​പ്പെ​ട്ട് 15 റൗ​ണ്ട് ച​ര്‍​ച്ച ന​ട​ത്തി. ഇ​ന്ത്യ​യു​മാ​യു​ള്ള മൊ​ത്ത​വ്യാ​പാ​ര​ത്തി​ല്‍ യു​കെ നി​ല​വി​ല്‍ 16-ാം സ്ഥാ​ന​ത്താ​ണ്. ഇ​ന്ത്യ​യി​ല്‍ കൂ​ടു​ത​ല്‍ നി​ക്ഷേ​പം ന​ട​ത്തു​ന്ന രാ​ജ്യ​ങ്ങ​ളി​ല്‍ ആ​റാം സ്ഥാ​ന​ത്തും.

2022ല്‍ ​ബ്രി​ട്ടീ​ഷ് പ്ര​ധാ​ന​മ​ന്ത്രി​യാ​യി​രു​ന്ന ബോ​റി​സ് ജോ​ണ്‍​സ​ന്‍റെ ഭ​ര​ണ​സ​മ​യ​ത്ത് വ്യാ​പാ​ര​ക്ക​രാ​ര്‍ ഒ​പ്പു​വ​യ്ക്കാ​ന്‍ ഇ​രു​രാ​ജ്യ​ങ്ങ​ളും ശ്ര​മി​ച്ചി​രു​ന്നെ​ങ്കി​ലും ന​ട​ന്നി​ല്ല. പി​ന്നീ​ട് ഋ​ഷി സു​ന​ക് 2022 ഡി​സം​ബ​റി​ല്‍ ച​ര്‍​ച്ച​ക​ള്‍ പു​ന​രാ​രം​ഭി​ച്ചു. ഈ ​വ​ർ​ഷം ഫെ​ബ്രു​വ​രി 24ന് ​വീ​ണ്ടും ഇ​ന്ത്യ​യും ബ്രി​ട്ട​നും ഒ​രു​മേ​ശ​യ്ക്കു ചു​റ്റു​മി​രു​ന്ന​താ​ണി​പ്പോ​ള്‍ ല​ക്ഷ്യം ക​ണ്ടെ​ത്തി​യി​രി​ക്കു​ന്ന​ത്.

ക​രാ​ര്‍ ല​ക്ഷ്യ​മി​ടു​ന്ന​ത്

2030ഓ​ടു​കൂ​ടി ച​ര​ക്കു​ക​ളു​ടെ​യും സേ​വ​ന​ങ്ങ​ളു​ടെ​യും വ്യാ​പാ​രം 60 ബി​ല്യ​ണ്‍ ഡോ​ള​ര്‍ എ​ന്ന​താ​ണ് മു​ഖ്യ​ല​ക്ഷ്യം. സാ​മ്പ​ത്തി​ക സ​ഹ​ക​ര​ണം വ​ര്‍​ധി​പ്പി​ക്കു​ക, വ്യാ​പാ​രമേ​ഖ​ല​യി​ലെ നി​യ​മ​ത​ട​സ​ങ്ങ​ള്‍ നീ​ക്കം ചെ​യ്യു​ക, നി​ല​വി​ലു​ള്ള ഇ​റ​ക്കു​മ​തി​ച്ചു​ങ്ക​ങ്ങ​ള്‍ കു​റ​യ്ക്കു​ക, കാ​ല​ക്ര​മേ​ണ ഇ​റ​ക്കു​മ​തിത്തീ​രു​വ ഇ​ല്ലാ​താ​ക്കു​ക, നി​ക്ഷേ​പ​വും തൊ​ഴി​ല​വ​സ​ര​വും വ​ര്‍​ധി​പ്പി​ക്കു​ക എ​ന്നീ ല​ക്ഷ്യ​ങ്ങ​ളു​മു​ണ്ട്. അ​മേ​രി​ക്ക​ന്‍ പ്ര​സി​ഡ​ന്‍റ് ഡോ​ണ​ള്‍​ഡ് ട്രം​പ് പ്ര​ഖ്യാ​പി​ച്ചി​രി​ക്കു​ന്ന വ്യാ​പാ​ര​യു​ദ്ധ​ത്തി​ന് തി​രി​ച്ച​ടി​യാ​യും ഇ​തി​നെ വി​ല​യി​രു​ത്താം. മെ​ച്ച​പ്പെ​ട്ട വി​പ​ണിപ്ര​വേ​ശ​നം, താ​രി​ഫ് ഇ​ള​വു​ക​ള്‍, ല​ളി​ത​മാ​യ നി​യ​ന്ത്ര​ണ​ങ്ങ​ള്‍ എ​ന്നി​വ​യി​ലൂ​ടെ ഇ​ന്ത്യ​യി​ലെ ചെ​റു​കി​ട, ഇ​ട​ത്ത​രം സം​രം​ഭ​ങ്ങ​ള്‍​ക്ക് രാ​ജ്യാ​ന്ത​ര വി​പ​ണി​ക​ള്‍ ക​ണ്ടെ​ത്താ​നും മ​ത്സ​ര​ശേ​ഷി വ​ര്‍​ധി​പ്പി​ക്കാ​നും സാ​ധ്യ​ത​ക​ളു​ണ്ടെ​ന്നാ​ണ് കേ​ന്ദ്ര​സ​ര്‍​ക്കാ​രി​ന്‍റെ അ​വ​കാ​ശ​വാ​ദം.

ഉ​ള്ള​ട​ക്ക​ത്തി​ലെ​ന്ത്?

ഇ​ന്ത്യ​യി​ല്‍​നി​ന്നു യു​കെ​യി​ലേ​ക്ക് ക​യ​റ്റു​മ​തി ചെ​യ്യു​ന്ന വ​സ്ത്ര​ങ്ങ​ള്‍, പാ​ദ​ര​ക്ഷ​ക​ള്‍, ശീ​തീ​ക​രി​ച്ച ചെ​മ്മീ​ന്‍ തു​ട​ങ്ങിയ ഭ​ക്ഷ്യോത്പ​ന്ന​ങ്ങ​ള്‍, ആ​ഭ​ര​ണ​ങ്ങ​ള്‍, ര​ത്ന​ങ്ങ​ള്‍, ചി​ല​യി​നം കാ​റു​ക​ള്‍ എ​ന്നി​വ​യ്ക്ക് നി​കു​തി കു​റ​യും. യു​കെ​യി​ല്‍​നി​ന്ന് ഇ​ന്ത്യ​യി​ലേ​ക്ക് ഇ​റ​ക്കു​മ​തി ചെ​യ്യു​ന്ന സൗ​ന്ദ​ര്യ​വ​ര്‍​ധ​ക വ​സ്തു​ക്ക​ള്‍, സ്കോ​ച്ച് വി​സ്കി, ജി​ന്‍, സോ​ഫ്റ്റ് ഡ്രി​ങ്കു​ക​ള്‍, ഉ​യ​ര്‍​ന്ന മൂ​ല്യ​മു​ള്ള കാ​റു​ക​ള്‍, സാ​ല്‍​മ​ണ്‍ മ​ത്സ്യം, ചോ​ക്ലേ​റ്റ്, ബി​സ്ക​റ്റ് ഉ​ള്‍​പ്പെ​ടെ​യു​ള്ള ഭ​ക്ഷ​ണം, മെ​ഡി​ക്ക​ല്‍ ഉ​പ​ക​ര​ണ​ങ്ങ​ള്‍, ബ​ഹി​രാ​കാ​ശ ഉ​പ​ക​ര​ണ​ങ്ങ​ള്‍, വൈ​ദ്യു​ത യ​ന്ത്ര​ങ്ങ​ള്‍ എ​ന്നി​വ​യു​ടെ നി​കു​തി​യും കു​റ​യും. യു​കെ​യി​ലേ​ക്കു​ള്ള ഇ​ന്ത്യ​യു​ടെ ക​യ​റ്റു​മ​തി​യു​ടെ 99 ശ​ത​മാ​ന​ത്തി​നും താ​രി​ഫ് ഒ​ഴി​വാ​ക്കാ​നും യു​കെ​യി​ല്‍​നി​ന്ന് ഇ​ന്ത്യ​യി​ലേ​ക്ക് വ​രു​ന്ന 90 ശ​ത​മാ​നം സാ​ധ​ന​ങ്ങ​ളു​ടെ തീ​രു​വ കു​റ​യ്ക്കാ​നും ധാ​ര​ണ​യാ​യി. 10 വ​ര്‍​ഷ​ത്തി​നു​ള്ളി​ല്‍ 85 ശ​ത​മാ​നം ഇ​ന​ങ്ങ​ളും തീ​രു​വ​ര​ഹി​ത​മാ​കും.

ക​രാ​റ​നു​സ​രി​ച്ച് യു​കെ​യി​ല്‍നി​ന്ന് ഇ​റ​ക്കു​മ​തി ചെ​യ്യു​ന്ന വി​സ്കി, ജി​ന്‍ എ​ന്നി​വ​യു​ടെ തീ​രു​വ നി​ല​വി​ലു​ള്ള 150 ശ​ത​മാ​ന​ത്തി​ല്‍​നി​ന്ന് 75 ശ​ത​മാ​ന​മാ​യും തു​ട​ര്‍​ന്ന് 10 വ​ര്‍​ഷ​ത്തി​നു​ള്ളി​ല്‍ 40 ശ​ത​മാ​ന​മാ​യും കു​റ​യ്ക്കും. വാ​ഹ​ന​ങ്ങ​ളു​ടെ ഇ​റ​ക്കു​മ​തിത്തീ​രു​വ 100 ശ​ത​മാ​ന​മാ​യി​രു​ന്ന​ത് 10 ശ​ത​മാ​ന​മാ​കും. ഇ​ന്ത്യ​ന്‍ വി​സ്കി വി​പ​ണി​യു​ടെ 2.5 ശ​ത​മാ​നം സ്കോ​ച്ച് വി​സ്കി​യു​ടേ​താ​ണ്. എ​ൻ​ജി​ന്‍ ശേ​ഷി​യും ഇ​ല​ക്‌​ട്രി​ക്ക​ല്‍ വാ​ഹ​ന​വി​ല​യും അ​ടി​സ്ഥാ​ന​മാ​ക്കി​യാ​ണ് ഓ​ട്ടോ​മൊ​ബൈ​ല്‍ താ​രി​ഫ് ഇ​ള​വു​ക​ള്‍ നീ​ട്ടു​ന്ന​ത്. ആ​റാം വ​ര്‍​ഷം മു​ത​ല്‍ മാ​ത്ര​മേ മെ​ഡി​ക്ക​ല്‍ ഉ​പ​ക​ര​ണ​ങ്ങ​ളു​ടെ ഇ​റ​ക്കു​മ​തിത്തീ​രു​വ ഇ​ന്ത്യ കു​റ​യ്ക്കു​ക​യു​ള്ളൂ.

ച​ര​ക്കും സേ​വ​ന​വും

യൂ​റോ​പ്പ് പ്ര​ധാ​ന വി​പ​ണി​യാ​യ ഇ​ന്ത്യ​യു​ടെ തു​ണി​ത്ത​ര​വ്യ​വ​സാ​യ​ത്തി​ന് ഈ ​ക​രാ​ര്‍ ഏ​റെ നേ​ട്ട​മു​ണ്ടാ​ക്കും. വി​യ​റ്റ്നാം, ബം​ഗ്ലാ​ദേ​ശ് തു​ട​ങ്ങി​യ രാ​ജ്യ​ങ്ങ​ളി​ല്‍​നി​ന്നു​ള്ള തു​ണി​ത്ത​ര​ങ്ങ​ളെ അ​പേ​ക്ഷി​ച്ച് ബ്രി​ട്ട​നി​ല്‍ ഇ​ന്ത്യ​ന്‍ വ​സ്ത്ര​ങ്ങ​ള്‍​ക്ക് സ്വീ​കാ​ര്യ​ത കൂ​ടും. ബ്രി​ട്ടീ​ഷ് സ്ഥാ​പ​ന​ങ്ങ​ള്‍​ക്ക് ഇ​ന്ത്യ​യി​ല്‍ കൂ​ടു​ത​ല്‍ സേ​വ​ന​ക​രാ​റു​ക​ള്‍​ക്കാ​യി മ​ത്സ​രി​ക്കാ​നാ​കും. ബാ​ങ്കിം​ഗ്, ഇ​ന്‍​ഷ്വ​റ​ന്‍​സ് മേ​ഖ​ല​ക​ള്‍​ക്ക് തു​ല്യ​പ​രി​ഗ​ണ​ന ന​ല്‍​കു​ന്ന സ​ഹ​ക​ര​ണ​ത്തി​നും സാ​ധ്യ​ത​യേ​റെ.

വീ​സ​ക​ള്‍​ക്ക് സം​ഭ​വി​ക്കു​ന്ന​ത്

ക​രാ​ർ ച​ര്‍​ച്ച​ക​ള്‍ ഇ​ത്ര​യും​ കാ​ലം നീ​ളാ​ൻ പ്ര​ധാ​ന കാ​ര​ണം വീ​സ നി​യ​മ​ങ്ങ​ളി​ല്‍ തീ​രു​മാ​ന​മാ​കാ​ത്ത​താ​യി​രു​ന്നു. ഇ​ന്ത്യ​യി​ലെ പ്ര​ഫ​ഷ​ണ​ലു​ക​ള്‍​ക്കും വി​ദ്യാ​ര്‍​ഥി​ക​ള്‍​ക്കും യു​കെ​യി​ല്‍ ജോ​ലി ചെ​യ്യാ​നും പ​ഠി​ക്കാ​നു​മു​ള്ള വീ​സ സം​ബ​ന്ധി​ച്ച് ഇ​ന്ത്യ പ്ര​ത്യേ​ക ആ​വ​ശ്യ​ങ്ങ​ള്‍ മു​ന്നോ​ട്ടു​ വ​ച്ചി​രു​ന്നു. ഹ്ര​സ്വ​കാ​ല വീ​സ​ക​ളി​ല്‍ യു​കെ​യി​ല്‍ ജോ​ലി ചെ​യ്യു​ന്ന ഇ​ന്ത്യ​ന്‍ ജീ​വ​ന​ക്കാ​ര്‍ ന​ല്‍​കു​ന്ന സാ​മൂ​ഹ്യ​സു​ര​ക്ഷാ നി​കു​തി​ക്ക് മൂ​ന്നു​വ​ര്‍​ഷ​ത്തെ ഇ​ള​വ് ക​രാ​ര്‍ പ്ര​ഖ്യാ​പി​ക്കു​ന്നു. ചി​ല പ്ര​ത്യേ​ക മേ​ഖ​ല​ക​ളി​ല്‍ വൈ​ദ​ഗ്ധ്യ​മു​ള്ള ആ​ളു​ക​ള്‍​ക്ക് യു​കെ​യി​ല്‍ താ​ത്കാ​ലിക ജോ​ലി​ക​ളി​ലേ​ര്‍​പ്പെ​ടാ​ന്‍ ഈ ​ക​രാ​ര്‍ നേ​ട്ട​മാ​കു​മെ​ന്ന വാ​ദ​വു​മു​ണ്ട്.

കു​ടി​യേ​റ്റ​ന​യം വേ​റെ

ബ്രി​ട്ട​ന്‍റെ പു​തി​യ കു​ടി​യേ​റ്റ​ന​യ​ത്തി​ലെ നി​ര്‍​ദേ​ശ​ങ്ങ​ള്‍​ക്ക് വ്യാ​പാ​ര​ക്ക​രാ​റു​മാ​യി ബ​ന്ധ​മി​ല്ല. യു​കെ​യി​ല്‍ പ​ഠി​ക്കാ​ന്‍ ആ​ഗ്ര​ഹി​ക്കു​ന്ന ഇ​ന്ത്യ​യി​ല്‍​നി​ന്നു​ള്ള വി​ദ്യാ​ര്‍​ഥി​ക​ളെ ഈ ​ക​രാ​ര്‍ എ​ത്ര​ത്തോ​ളം ബാ​ധി​ക്കു​മെ​ന്ന് ഇ​തു​വ​രെ വ്യ​ക്ത​മ​ല്ല. യു​കെ​യി​ലേ​ക്ക് വി​ദ്യാ​ര്‍​ഥി​ക​ളെ അ​യ​യ്ക്കു​ന്ന​തി​ല്‍ ഇ​ന്ത്യ മു​ന്‍​നി​ര​യി​ല്‍ തു​ട​രു​ന്നു. 2022-23 അ​ധ്യ​യ​ന​വ​ര്‍​ഷ​ത്തി​ല്‍ 1,73,190 ഇ​ന്ത്യ​ന്‍ വി​ദ്യാ​ര്‍​ഥി​ക​ളെ യു​കെ സ്വീ​ക​രി​ച്ചു. അ​തേ​സ​മ​യം, രാ​ജ്യാ​ന്ത​ര വി​ദ്യാ​ഭ്യാ​സ പ​ങ്കാ​ളി​ത്തം സ്ഥാ​പി​ക്കു​ന്ന​തി​നു​ള്ള പ്ര​ധാ​ന സ്ഥ​ല​മാ​യി ഇ​ന്ത്യ​യെ ബ്രി​ട്ട​ന്‍ ല​ക്ഷ്യ​മി​ടു​ന്നു.


ബ്രി​ട്ട​ന്‍റെ കു​ടി​യേ​റ്റ​ന​യം വ്യ​ക്ത​മാ​ക്കു​ന്ന ധ​വ​ള​പ​ത്രം ബ്രി​ട്ടീ​ഷ് പാ​ര്‍​ല​മെ​ന്‍റി​ല്‍ ക​ഴി​ഞ്ഞ ദി​വ​സം അ​വ​ത​രി​പ്പി​ച്ചി​രു​ന്നു. ന​യം ന​ട​പ്പാ​ക്കി​യാ​ല്‍ ഇ​ന്ത്യ​ക്കാ​രെ ബാ​ധി​ക്കും. പൗ​ര​ത്വം ല​ഭി​ക്കാ​ന്‍ അ​ഞ്ചു​വ​ര്‍​ഷ​മെ​ന്ന​തു മാ​റ്റി 10 വ​ര്‍​ഷ​മാ​ക്കും, ഉയര്‍ന്ന ഇം​ഗ്ലീ​ഷ് മാ​ന​ദ​ണ്ഡ​ങ്ങ​ൾ വേ​ണം, ഗ്രാജ്വേ​റ്റ് റൂ​ട്ട് വീ​സ ആ​ക​ര്‍​ഷ​ക​മ​ല്ലാ​താ​കും, പ​ഠ​ന​ത്തി​നു​ശേ​ഷം ര​ണ്ടു വ​ര്‍​ഷം തു​ട​രാ​മെ​ന്ന വ്യ​വ​സ്ഥ 18 മാ​സ​മാ​യി കു​റ​യ്ക്കും തു​ട​ങ്ങി​യവ തി​രി​ച്ച​ടി​യാകും.

ക​ര്‍​ഷ​ക​ര്‍​ക്ക് ആ​ശ​ങ്ക​ക​ള്‍

സ്വ​ത​ന്ത്ര​ വ്യാ​പാ​ര​ക്ക​രാ​റു​ക​ളെ ഇ​ന്ത്യ​യി​ലെ ക​ര്‍​ഷ​ക​ര്‍ എ​ക്കാ​ല​വും ആ​ശ​ങ്ക​ക​ളോ​ടെ​യാ​ണു കാ​ണു​ന്ന​ത്. ക​രാ​റു​ക​ളു​ടെ ഭാ​ര​വും തി​ക്ത​ഫ​ല​ങ്ങ​ളും ഏ​റ്റ​വും അ​നു​ഭ​വി​ക്കു​ന്ന​ത് ഗ്രാ​മീ​ണ ക​ര്‍​ഷ​ക​രും കാ​ര്‍​ഷി​ക സ​മ്പ​ദ്ഘ​ട​ന​യു​മാ​ണ്. ആ​സി​യാ​ന്‍ ക​രാ​ര്‍ ഇ​ന്ത്യ​യി​ലെയും പ്ര​ത്യേ​കി​ച്ച് കേ​ര​ള​ത്തി​ലെയും കാ​ര്‍​ഷി​ക​മേ​ഖ​ല​യെ ഇ​ന്നും ത​ക​ര്‍​ത്തു​കൊ​ണ്ടി​രി​ക്കു​ന്ന​തു കാ​ണാ​തി​രി​ക്ക​രു​ത്. ഇ​ന്ത്യ ഏ​ര്‍​പ്പെ​ട്ട പ​ല ഉ​ഭ​യ​ക​ക്ഷി ക​രാ​റു​ക​ളും ക​ര്‍​ഷ​ക​ര്‍​ക്കും ചെ​റു​കി​ട വ്യ​വ​സാ​യ​ങ്ങ​ള്‍​ക്കും ഏ​റെ പ്ര​തി​സ​ന്ധി​യു​ണ്ടാ​ക്കി​യി​ട്ടു​ണ്ട്. ആ​ട്ടി​റ​ച്ചി, സാ​ല്‍​മ​ണ്‍ മ​ത്സ്യ​ങ്ങ​ള്‍, സോ​ഫ്റ്റ് ഡ്രി​ങ്കു​ക​ള്‍, ചോ​ക്ലേ​റ്റ്, ബി​സ്ക​റ്റു​ക​ള്‍ എ​ന്നി​വ നി​യ​ന്ത്ര​ണ​വും നി​കു​തി​യു​മി​ല്ലാ​തെ ഇ​ന്ത്യ​യു​ടെ ആ​ഭ്യ​ന്ത​ര​വി​പ​ണി​യി​ല്‍ എ​ത്തു​മ്പോ​ള്‍ അ​തി​ന്‍റെ ആ​ഘാ​തം അ​നു​ഭ​വി​ക്കു​ന്ന​തു ഗ്രാ​മീ​ണ ക​ര്‍​ഷ​ക​രും ചെ​റു​കി​ട സം​രം​ഭ​ക​രു​മാ​ണ്. ഇ​ന്ത്യ​ന്‍ വി​പ​ണി ആ​ഗോ​ള സാ​മ്രാ​ജ്യ​ത്വ​ ശ​ക്തി​ക​ള്‍ പി​ടി​മു​റു​ക്കു​ന്ന​ത് അ​പ​ക​ട​ക​ര​മാ​ണ്.

അ​തേ​സ​മ​യം, ഇ​ന്ത്യ-​ബ്രി​ട്ട​ന്‍ വ്യാ​പാ​ര​ക്ക​രാ​റി​ല്‍ പാ​ലു​ത്പ​ന്ന​ങ്ങ​ള്‍, ആ​പ്പി​ള്‍, ചീ​സ്, ഓ​ട്സ്, മൃ​ഗ​ങ്ങ​ളു​ടെ​യും സ​സ്യ​ങ്ങ​ളു​ടെ​യും എ​ണ്ണ ഉ​ള്‍​പ്പെ​ടെ കാ​ര്‍​ഷി​ക​മേ​ഖ​ല​യു​മാ​യി ബ​ന്ധ​പ്പെ​ട്ട ഒ​ട്ടേ​റെ ഉ​ത്പ​ന്ന​ങ്ങ​ളെ സെ​ന്‍​സി​റ്റീ​വ് ഇ​ന​ങ്ങ​ളാ​യി ക​ണ​ക്കാ​ക്കി ക​രാ​റി​ല്‍​നി​ന്ന് ഒ​ഴി​വാ​ക്കി​യി​ട്ടു​ണ്ട്. ഇ​വ ഇ​ന്ത്യ​യി​ലേ​ക്ക് ഇ​റ​ക്കു​മ​തി ചെ​യ്യാ​ന്‍ നി​ല​വി​ലു​ള്ള നി​കു​തി​യും നി​യ​ന്ത്ര​ണ​ങ്ങ​ളും തു​ട​രും. സെ​ന്‍​സി​റ്റീ​വാ​യ​തും ചെ​റു​കി​ട വ്യ​വ​സാ​യ​ങ്ങ​ളു​ടെ ഭാ​ഗ​മാ​യ​തു​മാ​യ ഉ​ത്പ​ന്ന​ങ്ങ​ളെയും ക​രാ​റി​ല്‍​നി​ന്ന് ഒ​ഴി​വാ​ക്കി​യി​രി​ക്കു​ന്ന​ത് ആ​ശ്വാ​സ​കരമാണ്.

വെ​ല്ലു​വി​ളി​ക​ള്‍ ബാ​ക്കി

കാ​ര്‍​ബ​ണ്‍ നി​കു​തി​യും നി​ക്ഷേ​പ​രം​ഗ​ത്തെ മ​ന്ദ​ഗ​തി​യും പു​ത്ത​ന്‍ വ്യാ​പാ​രക്ക​രാ​റി​ന് വെ​ല്ലു​വി​ളി ഉ​യ​ര്‍​ത്തും. ബ്രി​ട്ട​ന്‍റെ കാ​ര്‍​ബ​ണ്‍ നി​കു​തി ഇ​ന്ത്യ​ന്‍ ക​യ​റ്റു​മ​തി​യെ ദോ​ഷ​ക​ര​മാ​യി ബാ​ധി​ക്കു​മെ​ന്നു വി​ല​യി​രു​ത്ത​ലു​ണ്ട്. ഇ​തു സം​ബ​ന്ധി​ച്ചു​ള്ള വ്യ​വ​സ്ഥ​ക​ള്‍ ക​രാ​റി​ലി​ല്ല. അ​തേ​സ​മ​യം, നി​കു​തി​ര​ഹി​ത​മാ​യും ത​ട​സ​മി​ല്ലാ​തെ​യും ബ്രി​ട്ടീ​ഷ് ഉ​ത്പ​ന്ന​ങ്ങ​ള്‍ ഇ​ന്ത്യ​ന്‍ വി​പ​ണി​യി​ല്‍ ഒ​ഴു​കി​യെ​ത്തും.

ഇ​ന്ത്യ-​ബ്രി​ട്ട​ന്‍ ഉ​ഭ​യ​ക​ക്ഷി നി​ക്ഷേ​പ​ക്ക​രാ​റി​ലെ പ്ര​ശ്ന​ങ്ങ​ളൊ​ന്നും പ​രി​ഹ​രി​ക്ക​പ്പെ​ട്ടി​ട്ടി​ല്ല. ഇ​വ പ​രി​ഹ​രി​ച്ചാ​ല്‍ മാ​ത്ര​മേ ക​രാ​റി​ന്‍റെ പൂ​ര്‍​ണ സാ​ധ്യ​ത​ക​ള്‍ വ്യ​ക്ത​മാ​കൂ. സ്വ​ത​ന്ത്ര​ വ്യാ​പാ​ര​ത്തി​ല്‍ കാ​ര്‍​ബ​ണ്‍ നി​കു​തി ചു​മ​ത്തി​യാ​ല്‍ ഇ​ന്ത്യ​ക്ക് പ്ര​തി​കാ​ര​നി​കു​തി ഏ​ര്‍​പ്പെ​ടു​ത്തേ​ണ്ടി​വ​രും. പൊ​തു​വാ​യ ഒ​ഴി​വാ​ക്ക​ലു​ക​ള്‍ എ​ന്ന അ​ധ്യാ​യ​ത്തി​ൻകീ​ഴി​ലു​ള്ള ഈ ​വ്യ​വ​സ്ഥ​ പ്ര​കാ​രം കാ​ര്‍​ബ​ണ്‍ നി​കു​തി സ്വ​ത​ന്ത്ര​ വ്യാ​പാ​ര​ത്തി​ന് പ്ര​തി​കൂ​ല​മാ​യാ​ല്‍ ന​ഷ്‌​ട​പ​രി​ഹാ​രം തേ​ടാ​ന്‍ ഇ​ന്ത്യ​യെ അ​നു​വ​ദി​ക്കു​മെ​ന്നു പ്ര​തീ​ക്ഷി​ക്കാം.

ഇ​ന്ത്യ-​യു​കെ ദ്വി​രാ​ഷ്‌​ട്ര നി​ക്ഷേ​പ ഉ​ട​മ്പ​ടി 1994ല്‍ ​ഒ​പ്പു​വ​യ്ക്കു​ക​യും 1995ല്‍ ​പ്രാ​ബ​ല്യ​ത്തി​ല്‍ വ​രു​ക​യും ചെ​യ്തു. 2017 മാ​ര്‍​ച്ച് 31ന് ​ഇ​ന്ത്യ ഏ​ക​പ​ക്ഷീ​യ​മാ​യി ഈ ​ഉ​ട​മ്പ​ടി അ​വ​സാ​നി​പ്പി​ച്ചു. 2022 മു​ത​ലു​ള്ള വ്യാ​പാ​രച​ര്‍​ച്ച​ക​ളി​ല്‍ മു​ന്നോ​ട്ടു​വ​ച്ച നി​ക്ഷേ​പ​സം​ര​ക്ഷ​ണം, നി​ക്ഷേ​പ ത​ര്‍​ക്ക​പ​രി​ഹാ​രം എ​ന്നി​വ​യ്ക്ക് ഇ​തു​വ​രെ​യും തീ​രു​മാ​ന​മാ​യി​ട്ടി​ല്ല.

ഇ​റ​ക്കു​മ​തി ചെ​യ്യു​ന്ന ഉ​ത്പ​ന്ന​ങ്ങ​ളു​ടെ ഉ​ത്ഭ​വ​ത്തി​ന്‍റെ​യും ഉ​ള്ള​ട​ക്ക​ത്തി​ന്‍റെ​യും വി​ഷ​യ​ങ്ങ​ളി​ല്‍ ക​ര്‍​ശ​ന ​നി​യ​മ​മി​ല്ലെ​ങ്കി​ല്‍ ക​രാ​ര്‍ ദു​രു​പ​യോ​ഗം ചെ​യ്യ​പ്പെ​ടാം. ആ​സി​യാ​ന്‍ ക​രാ​റു​ക​ളി​ല്‍ സം​ഭ​വി​ച്ചി​രി​ക്കു​ന്ന​തും സ​മാ​ന​മാ​യ പ്ര​ശ്ന​മാ​ണ്. ഇ​ന്ത്യ-​ബ്രി​ട്ട​ന്‍ ക​രാ​റി​ന്‍റെ മ​റ​വി​ല്‍ ചൈ​നീ​സ് ഉ​ത്പ​ന്ന​ങ്ങ​ള്‍ പി​ന്‍​വാ​തി​ലി​ലൂ​ടെ വി​പ​ണി​യി​ലെ​ത്തു​ന്ന​തി​നു ത​ട​യി​ടാ​ന്‍ ഉ​ത്പ​ന്ന​പ്ര​ഭ​വ​സ്ഥാ​നം നി​ര്‍​ണ​യി​ക്കു​ന്ന പ്രാ​ദേ​ശി​ക​ നി​യ​മ​ങ്ങ​ളും ക​രാ​റി​ല്‍ ഉ​ള്‍​പ്പെ​ടു​ത്തേ​ണ്ട​താ​യു​ണ്ട്.

ഇ​നി​യു​മു​ണ്ട് ക​ട​മ്പ​ക​ള്‍

ക​രാ​ര്‍ ഒ​പ്പു​വ​യ്ക്കു​ന്ന​തി​ന് ബ്രി​ട്ടീ​ഷ് പ്ര​ധാ​ന​മ​ന്ത്രി കെ​യ​ര്‍ സ്റ്റാ​ര്‍​മ​ര്‍ വൈ​കാ​തെ ഇ​ന്ത്യ​യി​ലെ​ത്തും. ഇ​ന്ത്യ​യു​മാ​യു​ള്ള വ്യാ​പാ​രക്ക​രാ​ര്‍ യു​കെ​യി​ലെ ബി​സി​ന​സി​നെ പി​ന്നോ​ട്ട​ടി​ക്കു​മെ​ന്നു പ്ര​തി​പ​ക്ഷം ആ​രോ​പി​ക്കു​മ്പോ​ഴും ക​രാ​ര്‍ ബ്രി​ട്ടീ​ഷ് സ​മ്പ​ദ്‌​വ്യ​വ​സ്ഥ​യെ ഉ​ത്തേ​ജി​പ്പി​ക്കു​മെ​ന്ന് കെ​യ​ര്‍ സ്റ്റാ​ര്‍​മ​ര്‍ പ​റ​യു​ന്നു. അ​ഭി​ലാ​ഷ​പൂ​ര്‍​ണ​വും പ​ര​സ്പ​ര പ്ര​യോ​ജ​ന​ക​ര​വു​മാ​യ ഒ​രു ച​രി​ത്ര​ നാ​ഴി​ക​ക്ക​ല്ലെ​ന്നാ​ണ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി ക​രാ​റി​നെ വി​ശേ​ഷി​പ്പി​ച്ച​ത്. ക​രാ​ര്‍ പ്രാ​ബ​ല്യ​ത്തി​ല്‍ വ​രാ​ന്‍ ഒ​രു​വ​ര്‍​ഷം​വ​രെ സ​മ​യ​മെ​ടു​ക്കാം. ഉ​ഭ​യ​ക​ക്ഷി ച​ര്‍​ച്ച​ക​ള്‍ മാ​ത്ര​മേ പൂ​ര്‍​ണ​മാ​യി​ട്ടു​ള്ളൂ. ഇ​നി നി​യ​മ​പ​ര​മാ​യ പ​ഠ​നം പൂ​ര്‍​ത്തീ​ക​രി​ക്ക​ണം. ച​ര്‍​ച്ച​ക​ളു​ടെ പ​ശ്ചാ​ത്ത​ല​ത്തി​ല്‍ ഇ​രു​ രാ​ജ്യ​ങ്ങ​ളു​ടെ​യും വ്യാ​പാ​ര​ബ​ന്ധ​ത്തെ നി​യ​മ​പ​ര​മാ​യി ബ​ന്ധി​പ്പി​ക്കു​ന്ന ഉ​ട​മ്പ​ടി​യു​ണ്ടാ​ക​ണം. പാ​ര്‍​ല​മെ​ന്‍റി​ല്‍ അം​ഗീ​കാ​ര​വും തേ​ട​ണം. ഇ​ത് മോ​ദി സ​ര്‍​ക്കാ​രി​ന് എ​ളു​പ്പ​മാ​ണെ​ങ്കി​ലും ബ്രി​ട്ട​നി​ല്‍ സ്ഥി​തി വ്യ​ത്യ​സ്ത​മാ​യി​രി​ക്കും.

ഇ​ന്ത്യക്ക് ബ്രി​ട്ട​നെ​യ​ല്ല, ബ്രി​ട്ട​ന് ഇ​ന്ത്യ​യെ​യാ​ണ് ഇ​ന്നാ​വ​ശ്യം. പ​ക്ഷേ അ​തി​ന്‍റെ പേ​രി​ല്‍ ഇ​ന്ത്യ​യു​ടെ കാ​ര്‍​ഷി​ക സ​മ്പ​ദ്ഘ​ട​ന സാ​മ്രാ​ജ്യ​ത്വ​ ശ​ക്തി​ക​ള്‍​ക്കും ആ​ഗോ​ള​വി​പ​ണി​ക്കു​മാ​യി ഒ​രു നി​യ​ന്ത്ര​ണ​വു​മി​ല്ലാ​തെ തു​റ​ന്നു​കൊ​ടു​ക്കു​ന്ന​ത് അ​പ​ക​ട​ങ്ങ​ള്‍ ക്ഷ​ണി​ച്ചു​വ​രു​ത്തും. ക​രാ​ര്‍ ഒ​പ്പി​ടു​ന്ന​തി​നു​മു​മ്പ് ആ​സി​യാ​ന്‍ അ​നു​ഭ​വ​ങ്ങ​ള്‍ കേ​ന്ദ്ര​സ​ര്‍​ക്കാ​ര്‍ ഓ​ര്‍​മി​ക്ക​ണം.