നിഖ്യാ സൂനഹദോസിന്‍റെ 1700-ാം വാർഷികം -1/ റവ. ഡോ. ​ജ​യിം​സ് പു​ലി​യു​റു​ന്പി​ൽ

സ​ഭാ ച​രി​ത്ര​ത്തി​ലെ എ​ന്ന​ല്ല, റോ​മ​ൻ ച​രി​ത്ര​ത്തി​ലെ​യും പാ​ശ്ചാ​ത്യ​ലോ​ക​ച​രി​ത്ര​ത്തി​ലെ ത​ന്നെ​യും ഒ​രു മ​ഹ​ത‌്സം​ഭ​വ​മാ​യ നി​ഖ്യാ സൂ​ന​ഹ​ദോ​സി​ന്‍റെ 1700-ാം വാ​ർ​ഷി​കം ആ​ച​രി​ക്കു​ന്പോ​ൾ ഈ ​മ​ഹാ​സ​മ്മേ​ള​ന​ത്തി​ന്‍റെ അ​ന​ന്ത​ര​ഫ​ല​ങ്ങ​ളും ച​രി​ത്ര​പ​ശ്ചാ​ത്ത​ല​വും പ്രാ​ധാ​ന്യ​വും പ്ര​സ​ക്തി​യും പ​ഠ​ന​വി​ഷ​യ​മാ​ക്കേ​ണ്ട​തു​ണ്ട്. ക്രൈ​സ്ത​വ​ലോ​ക​ത്തെ ആ​ദ്യ പൊ​തു​സ​മ്മേ​ള​നം, ഒ​രു റോ​മ​ൻ ച​ക്ര​വ​ർ​ത്തി വി​ളി​ച്ചു​കൂ​ട്ടി​യ സ​മ്മേ​ള​നം, ദൈ​വ​ശാ​സ്ത്ര​ചി​ന്ത​ക​ൾ​ക്ക് ആ​രം​ഭം കു​റി​ച്ച സ​മ്മേ​ള​നം, വി​ശ്വാ​സ​പ്ര​മാ​ണം രൂ​പ​പ്പെ​ട്ട സ​മ്മേ​ള​നം, കാ​ന​ൻ നി​യ​മ​ങ്ങ​ൾ​ക്ക് ആ​രം​ഭം കു​റി​ച്ച സ​മ്മേ​ള​നം എ​ന്ന​തെ​ല്ലാം ഇ​തി​ന്‍റെ സ​വി​ശേ​ഷ​ത​ക​ളാ​ണ്. 21-ാം നൂ​റ്റാ​ണ്ടി​ൽ എ​ത്തി​യി​രി​ക്കു​ന്ന സാ​ർ​വ​ത്രി​ക​സ​ഭ​യി​ൽ 21 സാ​ർ​വ​ത്രി​ക സൂ​ന​ഹ​ദോ​സു​ക​ളാ​ണ് (എ​ക്യു​മെ​നി​ക്ക​ൽ കൗ​ണ്‍​സി​ൽ, ജ​ന​റ​ൽ അ​സം​ബ്ലി, പൊ​തു​സി​ന​ഡു​ക​ൾ എ​ന്നും അ​റി​യ​പ്പെ​ടു​ന്നു) ന​ട​ന്ന​ത്. 325ലെ ​നി​ഖ്യാ I മു​ത​ൽ 787ലെ ​നി​ഖ്യ II വ​രെ​യു​ള്ള എ​ട്ടു പൊ​തു​സ​മ്മേ​ള​ന​ങ്ങ​ളാ​ണ് ഇ​വ​യി​ൽ കൂ​ടു​ത​ൽ പ്രാ​ധാ​ന്യ​മ​ർ​ഹി​ക്കു​ന്ന​ത് എ​ന്നു പ​റ​യുന്നത് എ​ല്ലാ​സ​ഭ​ക​ളും അം​ഗീ​ക​രി​ക്കു​ന്ന​തും സ​ഭ​യു​ടെ അ​ടി​സ്ഥാ​ന​ത​ത്വ​ങ്ങ​ളും സ്വ​ഭാ​വ​ങ്ങ​ളും രൂ​പ​പ്പെ​ട്ട​തും ഇ​വ​യി​ൽ ആ​യ​തി​നാ​ലാ​ണ്.

സൂ​ന​ഹ​ദോ​സി​ന്‍റെ പ​ശ്ചാ​ത്ത​ലം

ആ​ര്യ​ൻ പാ​ഷ​ണ്ഡ​ത​യാ​ണ് നി​ഖ്യാ​ സൂ​ന​ഹ​ദോ​സ് വി​ളി​ച്ചു​കൂ​ട്ടാ​നു​ള്ള പ്ര​ധാ​ന​ കാ​ര​ണം. പ​രി​ശു​ദ്ധ ത്രി​ത്വ​ത്തി​ലെ പി​താ​വ്, പു​ത്ര​ൻ, പ​രി​ശു​ദ്ധാ​ത്മാ​വ് എ​ന്നീ മൂ​ന്നാ​ളു​ക​ൾ ത​മ്മി​ലു​ള്ള ബ​ന്ധ​മെ​ന്ത്? വ്യ​ത്യാ​സം എ​ന്ത്? തു​ട​ങ്ങി​യ ചോ​ദ്യ​ങ്ങ​ളും, വ​ച​ന​മാ​യി അ​വ​ത​രി​ച്ച ര​ണ്ടാ​മ​ത്തെ ആ​ളാ​യ പു​ത്ര​ന് പി​താ​വി​ന്‍റെ ത​ന്നെ ‘സ്വ​ഭാ​വ’​മാ​ണോ, ഒ​രേ ‘സ​ത്ത’​യാ​ണോ, അ​വ ‘ദൈ​വി​ക’​മാ​ണോ, അ​തോ ‘മാ​നു​ഷി​ക’​മാ​ണോ തു​ട​ങ്ങി​യ ചി​ന്ത​ക​ളും സ​ഭ​യി​ൽ രൂ​പ​പ്പെ​ടാ​ൻ തു​ട​ങ്ങി. എ​ഡി 64ൽ ​നീ​റോ ച​ക്ര​വ​ർ​ത്തി ആ​രം​ഭം​ കു​റി​ച്ച് ഡ​യ​ക്ലീ​ഷൻ ച​ക്ര​വ​ർ​ത്തി​യു​ടെ കാ​ലം​വ​രെ (എ​ഡി 306) ഏ​താ​ണ്ട് ര​ണ്ട​ര നൂ​റ്റാ​ണ്ടു നീ​ണ്ടു​നി​ന്ന ക്രൈ​സ്ത​വ മ​ത​പീ​ഡ​നകാ​ല​ത്ത് ക്രി​സ്ത്യാ​നി​ക​ൾ ഈ​ശോ​യു​ടെ​യും ശ്‌ലീഹ​ന്മാ​രു​ടെ​യും ജീ​വി​തം മാ​തൃ​ക​യാ​ക്കി ക്രൈ​സ്ത​വ വി​ശ്വാ​സ​ത്തി​ൽ ജീ​വി​ക്കു​ക​യാ​യി​രു​ന്നു, അ​ന്ന് ദൈ​വ​ശാ​സ്ത്ര വി​ചി​ന്ത​ന​ങ്ങ​ൾ​ക്ക് സാ​ധ്യ​ത​യും സാഹചര്യവും ഇ​ല്ലാ​യി​രു​ന്നു.

ആ​രി​യൂ​സി​ന്‍റെ പ്ര​സ​ക്തി

കോ​ണ്‍​സ്റ്റ​ന്‍റൈ​ൻ ച​ക്ര​വ​ർ​ത്തി​യു​ടെ എ​ഡി 313ലെ ​‘മി​ലാ​ൻ വി​ളം​ബ​ര’​ത്തി​നു ശേ​ഷ​മാ​ണ് ഇ​ത്ത​രം ദൈ​വ​ശാ​സ്ത്ര ചി​ന്ത​ക​ൾ രൂ​പ​പ്പെ​ട്ട​ത്. ത​ന്‍റെ ഗു​രു​വാ​യ അ​ന്ത്യോ​ഖ്യാ​യി​ലെ ലൂ​ഷ്യ​ന്‍റെ ആ​ശ​യ​ത്തോ​ട് യോ​ജി​ച്ചു​കൊ​ണ്ട് അ​ല​ക്സാ​ൻഡ്രി​യ​ൻ സ​ഭ​യി​ലെ ആ​രി​യൂ​സ് എ​ന്ന വൈ​ദി​ക​ൻ പി​താ​വി​നോ​ടു​ള്ള പു​ത്ര​ന്‍റെ ബ​ന്ധ​ത്തെ​ക്കു​റി​ച്ചു​ള്ള ത​ന്‍റെ പ​ഠ​ന​ങ്ങ​ൾ ജ​ന​ത്തെ പ​ഠി​പ്പി​ക്കാ​ൻ തു​ട​ങ്ങി. ത്രി​ത്വ​ത്തി​ലെ മൂ​ന്ന് ആ​ളു​ക​ളെ​പ്പ​റ്റി, പ്ര​ത്യേ​കി​ച്ച് മ​നു​ഷ്യ​നാ​യി അ​വ​ത​രി​ച്ച പു​ത്ര​നെ​പ്പ​റ്റി, അ​തു​വ​രെ ആ​രും ഗൗ​ര​വ​മാ​യി ചി​ന്തി​ക്കാ​നോ പ​റ​യാ​നോ ധൈ​ര്യ​പ്പെ​ടാ​തി​രു​ന്ന കാ​ല​ത്താ​ണ് ആ​രി​യൂ​സ് അ​തി​ന് മു​തി​ർ​ന്ന​ത്. അ​ദ്ദേ​ഹ​ത്ത​ന്‍റ പ​ഠ​ന​ങ്ങ​ൾ പി​ന്നീ​ട് സ​ഭ ഔ​ദ്യോ​ഗി​ക​മാ​യി ത​ള്ളി​ക്ക​ള​ഞ്ഞെ​ങ്കി​ലും ദൈ​വ​ശാ​സ്ത്ര​പ​ഠ​ന​ത്തി​നും വി​ചി​ന്ത​ന​ത്തി​നും വ​ഴി തു​റ​ന്ന​തും അ​തി​ന് ആ​ദ്യം ധൈ​ര്യ​പ്പെ​ട്ട​തും അ​ദ്ദേ​ഹ​മാ​ണ് എ​ന്ന​താ​ണ് ആ​രി​യൂ​സി​ന്‍റെ പ്ര​സ​ക്തി.

പു​ത്ര​ന് പി​താ​വി​നോ​ടു​ള്ള ബ​ന്ധം എ​ന്താ​ണ്? പു​ത്ര​ൻ എ​ങ്ങ​നെ പി​താ​വി​ൽ​നി​ന്ന് വ്യ​ത്യ​സ്ത​നാ​യി​രി​ക്കു​ന്നു? പു​ത്ര​ന് ഏ​തെ​ല്ലാം കാ​ര്യ​ങ്ങ​ളി​ലാ​ണ് പി​താ​വി​നോ​ട് സാ​ദൃ​ശ്യം തു​ട​ങ്ങി​യ കാ​ര്യ​ങ്ങ​ളാ​ണ് അ​ദ്ദേ​ഹം ആ​ദ്യ​മാ​യി വി​ചി​ന്ത​നം ചെ​യ്ത​ത്. ഗ്രീ​ക്ക് ത​ത്വ​ശാ​സ്ത്ര​ത്തി​ലെ ‘സ​ബ് ഓ​ർ​ഡി​നേ​ഷ​നി​സം’ എ​ന്ന ത​ത്വ​മാ​ണ് ത​ന്‍റെ ചി​ന്ത​യ്ക്ക് ഉ​പോ​ദ്ബ​ല​ക​മാ​യി അ​ദ്ദേ​ഹം സ്വീ​ക​രി​ച്ച​ത്. അ​ന്ന​ത്തെ സ​ഭാ​ പി​താ​ക്ക​ന്മാ​രി​ലെ ചി​ല​ർ ആ​രി​യൂ​സി​ന്‍റെ പ​ഠ​ന​ങ്ങ​ളെ അ​നു​കൂ​ലി​ച്ചെ​ങ്കി​ൽ വേ​റെ ചി​ല​ർ എ​തി​ർ​ത്തു.

അ​സ്വ​സ്ഥ​ത​ക​ളും പൊ​തു​സ​മ്മേ​ള​ന​വും

ആ​രി​യൂ​സി​ന്‍റെ പു​തി​യ പ​ഠ​ന​ങ്ങ​ൾ റോ​മാ സാ​മ്രാ​ജ്യ​ത്തി​ൽ ഉ​ള​വാ​ക്കി​യ അ​സ്വ​സ്ഥ​ത​ക​ൾ ഒ​രു സ​ഭാ​ സ​മ്മേ​ള​നം വി​ളി​ച്ചു​കൂ​ട്ടു​ന്ന​തി​ന് അ​ന്ന​ത്തെ റോ​മ​ൻ ച​ക്ര​വ​ർ​ത്തി​യാ​യ കോ​ണ്‍​സ്റ്റ​ന്‍റൈ​നെ പ്രേ​രി​പ്പി​ച്ചു. കൊ​ർ​ദോ​വാ​യി​ലെ(സ്പെയിന്‍) ഹോ​സി​യൂ​സി​ന്‍റെ മാ​ധ്യ​സ്ഥ​ശ്ര​മ​വും പ​രാ​ജ​യ​പ്പെ​ട്ട​പ്പോ​ഴാ​ണ് കൗ​ണ്‍​സി​ൽ വി​ളി​ച്ചു​കൂ​ട്ടാ​ൻ ച​ക്ര​വ​ർ​ത്തി തീ​രു​മാ​നി​ച്ച​ത്. ആ​രി​യൂ​സി​നെ അ​നു​കൂ​ലി​ക്കു​ക​യും പ്ര​തി​കൂ​ലി​ക്കു​ക​യും ചെ​യ്ത​വ​ർ ഉ​ണ്ടാ​യി​രു​ന്ന​തു​കൊ​ണ്ട് എ​ന്താ​ണ് സ​ത്യം, ഏ​താ​ണ് ശ​രി​യാ​യ പ​ഠ​നം എ​ന്ന് ആ​ർ​ക്കും നി​ശ്ച​യ​മി​ല്ലാ​യി​രു​ന്നു. അ​തി​നാ​ലാ​ണ് ഒ​രു പൊ​തു​സ​മ്മേ​ള​ന​ത്തി​ൽ ഇ​ക്കാ​ര്യം ച​ർ​ച്ച​ചെ​യ്ത് കൃ​ത്യ​മാ​യ തീ​രു​മാ​ന​ത്തി​ലെ​ത്താ​ൻ കോ​ണ്‍​സ്റ്റ​ന്‍റൈ​ൻ ച​ക്ര​വ​ർ​ത്തി ശ്ര​മി​ച്ച​ത്. ഈ ​കൗ​ണ്‍​സി​ലി​ലേ​ക്ക് ക്ഷ​ണി​ച്ചു​കൊ​ണ്ട് കോ​ണ്‍​സ്റ്റന്‍റൈ​ൻ ച​ക്ര​വ​ർ​ത്തി ത​ന്‍റെ സാ​മ്രാ​ജ്യ​ത്തി​ലെ എ​ല്ലാ മെ​ത്രാ​ന്മാ​ർ​ക്കും ക​ത്ത​യ​ച്ചു. അ​ക്കാ​ല​ത്ത് രാ​ജ്യ​ഭ​ര​ണ​സം​ബ​ന്ധ​മാ​യ കാ​ര്യ​ങ്ങ​ൾ ച​ർ​ച്ച​ചെ​യ്യാ​ൻ പ്രാദേശികഭ​ര​ണ​ക​ർ​ത്താ​ക്ക​ളെ​യും ച​ക്ര​വ​ർ​ത്തി​മാ​ർ ഇ​ങ്ങ​നെ വി​ളി​ച്ചു​കൂ​ട്ടാ​റു​ണ്ടാ​യി​രു​ന്നു. ആ ​രീ​തി ത​ന്നെ​യാ​ണ് ഈ ​അ​വ​സ​ര​ത്തി​ലും രാ​ജാ​വ് അ​വ​ലം​ബി​ച്ച​ത്.


അ​ൻ​സീ​റാ(ഇന്നത്തെ അങ്കാറ) എ​ന്ന സ്ഥ​ല​ത്ത് കൂ​ടാ​നാ​ണ് ആ​ദ്യം തീ​രു​മാ​നി​ച്ച​തെ​ങ്കി​ലും പാ​ശ്ചാ​ത്യ​ർ​ക്ക് വ​ന്നെ​ത്താ​നു​ള്ള സൗ​ക​ര്യ​ത്തെ ഉ​ദ്ദേ​ശി​ച്ചും ച​ക്ര​വ​ർ​ത്തി​യു​ടെ ആ​സ്ഥാ​ന​മാ​യ നി​ക്കൊ​മേ​ദി​യാ​യി​ൽ​നി​ന്ന് അ​ധി​കം അ​ക​ല​ത്തി​ൽ അ​ല്ലാ​ത്ത​തി​നാ​ലും നി​ഖ്യാ​യി​ലേ​ക്കു മാ​റ്റി.
നി​ഖ്യാ ഉ​ൾ​പ്പെ​ടു​ന്ന ബി​ഥീ​നി​യ അ​ഥ​വാ ‘അ​ന​ത്തോ​ലി​യ’ അ​ന്ന​ത്തെ ഏ​ഷ്യാ​മൈ​ന​റി​ലെ (ഇ​പ്പോ​ഴ​ത്തെ തു​ർ​ക്കി) ഒ​രു പ്ര​ദേ​ശ​മാ​യി​രു​ന്നു. അ​വി​ടത്തെ ഒ​രു പ്ര​ധാ​ന ക്രൈ​സ്ത​വ​പ​ട്ട​ണ​മാ​യി​രു​ന്നു നി​ഖ്യാ. പൗ​ലോ​സ് സു​വി​ശേ​ഷ​മ​റി​യി​ച്ച ബി​ഥീ​നി​യ, ഗ​ലാത്തിയ, ഫ്രീ​ജി​യാ തു​ട​ങ്ങി​യ പ്ര​ദേ​ശ​ങ്ങ​ൾ ഉ​ൾ​പ്പെ​ടു​ന്ന ഏ​ഷ്യാ ​മൈ​ന​ർ അ​ന്ന് ഏ​റ്റ​വും കൂ​ടു​ത​ൽ ക്രൈ​സ്ത​വ​രു​ള്ള രാ​ജ്യ​മാ​യി​രു​ന്നു. നി​ഖ്യാ ഒ​രു ഗ്രീ​ക്ക് പ​ട്ട​ണം എ​ന്ന​റി​യ​പ്പെ​ടുന്നത് യ​വ​ന​സം​സ്കാ​ര​ത്തെ പ്രോ​ത്സാ​ഹി​പ്പി​ച്ച ഒ​രു പ​ട്ട​ണ​മാ​യി​രു​ന്ന​തി​നാ​ലാ​ണ്. അ​ങ്ങ​നെ ഗ്രീ​ക്ക് സം​സ്കാ​ര​ത്തി​ന്‍റെ​യും ക്രൈ​സ്ത​വ​മ​ത​ത്തി​ന്‍റെ​യും കേ​ന്ദ്ര​മാ​യ നി​ഖ്യാ​യാ​ണ് ആ​ദ്യ സാ​ർ​വ​ത്രി​ക സൂ​ന​ഹ​ദോ​സി​നാ​യി കോ​ണ്‍​സ്റ്റ​ന്‍റൈ​ൻ ച​ക്ര​വ​ർ​ത്തി തെ​ര​ഞ്ഞെ​ടു​ത്ത​ത്. നി​ഖ്യാ ഉ​ൾ​പ്പെ​ടു​ന്ന ഏ​ഷ്യാ ​മൈ​ന​റി​ലാ​ണ് ആ​ദ്യ​ത്തെ എ​ട്ട് കൗ​ണ്‍​സി​ലു​ക​ളും ന​ട​ന്ന​ത് എ​ന്ന​ത് ആ ​രാ​ജ്യ​ത്തി​ന്‍റെ ആ​ദ്യനൂ​റ്റാ​ണ്ടു​ക​ളി​ലെ പ്രാ​ധാ​ന്യ​മാ​ണ് എ​ടു​ത്തു​കാ​ട്ടു​ന്ന​ത്.

ര​ണ്ടു മാ​സം നീ​ണ്ട സ​മ്മേ​ള​നം

325 മേ​യ് 20 മു​ത​ൽ ജൂ​ലൈ 25 വ​രെ​യാ​യി​രു​ന്നു സ​മ്മേ​ള​നം. ര​ണ്ടു മാ​സം നീ​ണ്ട ഈ ​സ​മ്മേ​ള​നം ച​ക്ര​വ​ർ​ത്തി​യു​ടെ നി​ഖ്യാ​യി​ലെ വേ​ന​ൽ​ക്കാ​ല​വ​സ​തി​യി​ലെ ഹാ​ളി​ലാ​യി​രു​ന്നു. സ​മ്മേ​ള​ന​ത്തി​ലെ അം​ഗ​ങ്ങ​ളെ അ​ഭി​സം​ബോ​ധ​ന ചെ​യ്ത് ച​ക്ര​വ​ർ​ത്തി ല​ത്തീ​നി​ൽ സം​സാ​രി​ച്ചു. രാ​ജ്യ​ത്ത് സ​മാ​ധാ​നം സ്ഥാ​പി​ക്കേ​ണ്ട​തി​ന്‍റെ ആ​വ​ശ്യ​ക​ത അ​ദ്ദേ​ഹം എ​ടു​ത്തു​കാ​ട്ടി. ചി​ല ദി​വ​സ​ങ്ങ​ളി​ലെ സ​മ്മേ​ള​ന​ങ്ങ​ളി​ൽ രാ​ജാ​വുത​ന്നെ പ​ങ്കെ​ടു​ത്തെ​ങ്കിലും ച​ർ​ച്ച​യി​ലും തീ​രു​മാ​ന​മെ​ടു​ക്കു​ന്ന​തി​ലും അ​ദ്ദേ​ഹം ഇ​ട​പെ​ട്ടി​ല്ല. കൗ​ണ്‍​സി​ൽ അം​ഗ​ങ്ങ​ൾ​ക്ക് സ്വ​ത​ന്ത്ര​മാ​യി ച​ർ​ച്ച​ചെ​യ്യാ​ൻ അ​വ​സ​രം കൊ​ടു​ത്തു.

തീ​രു​മാ​ന​ങ്ങ​ളെ​ടു​ത്ത​ത് സ​ഭാ​ പി​താ​ക്ക​ന്മാ​ർ

രാ​ജാ​വ് വി​ളി​ച്ചുകൂ​ട്ടി​യെ​ങ്കി​ലും തീ​രു​മാ​ന​ങ്ങ​ൾ എ​ടു​ത്ത​ത് സ​ഭ​യി​ലെ പി​താ​ക്ക​ന്മാ​രാ​യി​രു​ന്നു. രാ​ജാ​വാ​ണ് ഇ​ത് വി​ളി​ച്ചു​കൂ​ട്ടി​യ​തെ​ങ്കി​ലും അ​ത് രാ​ജാ​ധി​കാ​ര​പ്ര​യോ​ഗ​മാ​യി ക​ണ​ക്കാ​ക്കാ​ൻ പാ​ടി​ല്ല. കാ​ര​ണം, നേ​ര​ത്തേ ക​ണ്ട​തു​പോ​ലെ സ​ഭ​യെ അ​സ്വ​സ്ഥ​മാ​ക്കി​യ ആ​രി​യൂ​സ് പ്ര​ശ്ന​ത്തി​ൽ തീ​രു​മാ​ന​മെ​ടു​ക്കാ​ൻ സ​ഭ​യി​ലെ നേ​താ​ക്ക​ന്മാ​രെ വി​ളി​ച്ചു​കൂ​ട്ടാ​ൻ അ​ദ്ദേ​ഹം ധൈ​ര്യം കാ​ണി​ച്ചു എ​ന്ന​ത് ന​ല്ല ക​ര്യം​ത​ന്നെ. പ്ര​ശ്ന​ങ്ങ​ൾ പ​രി​ഹ​രി​ച്ചു എ​ന്ന മാ​ത്ര​മ​ല്ല, സ​ഭ​യ്ക്ക് വി​ശ്വാ​സ​സം​ബ​ന്ധ​മായ കാ​ര്യ​ങ്ങ​ളി​ൽ ശ​ക്ത​മാ​യ അ​ടി​ത്ത​റ​യി​ടാ​നും അ​ത് സ​ഹാ​യ​ക​മാ​യി. ദൈ​വേ​ഷ്ട​ത്തി​ന്‍റെ ന​ട​ത്തി​പ്പി​ന് അ​ദ്ദേ​ഹം അ​ങ്ങ​നെ നി​മി​ത്ത​മാ​യി ഭ​വി​ച്ചു എ​ന്ന് ക​ണ​ക്കാ​ക്കി​യാ​ൽ മ​തി. റോ​മി​ലെ മാ​ർ​പാ​പ്പ​മാ​രു​ടെ അ​ധി​കാ​ര​ത്തി​ന്മേ​ലു​ള്ള ക​ട​ന്നു​ക​യ​റ്റ​മാ​യും ഇ​തി​നെ കാ​ണാ​ൻ പാ​ടി​ല്ല. കാ​ര​ണം, അ​ന്ന് പ​ല ക്രൈ​സ്ത​വ​കേ​ന്ദ്ര​ങ്ങ​ളു​ണ്ടാ​യി​രു​ന്നു. അ​വ​യെ ഒ​ന്നി​പ്പി​ക്കു​ന്ന ഘ​ട​കം റോ​മ​ൻ ച​ക്ര​വ​ർ​ത്തി​ത​ന്നെ ആ​യി​രു​ന്നു. റോ​മി​ലെ മാ​ർ​പാ​പ്പ​യു​ടെ സ്ഥാ​നം വാ​സ്ത​വ​ത്തി​ൽ കൗ​ണ്‍​സി​ലു​ക​ളോ​ടെ​യാ​ണ് കൃ​ത്യ​മാ​യ​തും വ​ർ​ധി​ച്ചു​വ​ന്ന​തും; മ​റ്റ് കേ​ന്ദ്ര​ങ്ങ​ളു​ടെ മേ​ലു​ള്ള അ​ധി​കാ​രം പ്ര​യോ​ഗി​ക്കാ​ൻ തു​ട​ങ്ങു​ന്ന​തും. അ​ങ്ങ​നെ പി​റ​കോ​ട്ട് നോ​ക്കു​ന്പോ​ൾ ഈ ​അ​ധി​കാ​രം റോ​മി​ലെ മാ​ർ​പാ​പ്പ​യി​ൽ​നി​ന്ന് ആ​രം​ഭി​ക്കു​ന്ന​ത് കാ​ണാം. എ​ന്നാ​ൽ, അ​ത് കൃ​ത്യ​മാ​യി കാ​ണു​ന്ന​ത് എ​ഫേ​സൂ​സ്, കാ​ൽ​സി​ഡ​ൻ കൗ​ണ്‍​സി​ലു​ക​ളോ​ടു കൂ​ടി​യാ​ണ്.

സ​മ്മേ​ള​ന​ത്തി​ൽ 318 പേ​ർ പ​ങ്കെ​ടു​ത്തു. സി​റി​യ, സി​ലീ​ഷ്യ, ഫി​നീ​ഷ്യ, അ​റേ​ബ്യ, പ​ല​സ്തീ​നാ, ഈ​ജി​പ്ത്, തീബ്​സ്, ലി​ബി​യ, മെ​സൊ​പ്പൊ​ട്ടാ​മി​യാ, പോ​ന്തുസ്, ഗ​ലാത്തിയ, ക​പ്പ​ദോക്കിയ, ഏ​ഷ്യ, ഫ്രീ​ജി​യ, പം​ഫീ​ലി​യ, ത്രെ​യി​സ്, മാ​സി​ഡോ​ണി​യ, അ​ക്കാ​യി​യ, എ​പ്പി​റ​സ്, സ്പെ​യി​ൻ എ​ന്നി​വി​ട​ങ്ങ​ളി​ൽ​നി​ന്നു​ള്ള മെ​ത്രാ​ന്മാ​രാ​ണ് ഇ​തി​ൽ പ​ങ്കെ​ടു​ത്ത​ത്. റോ​മി​ലെ മെ​ത്രാ​ൻ സി​ൽ​വ​സ്റ്റ​ർ വ​ന്നി​ല്ല; പ​ക​രം പ്ര​തി​നി​ധി​ക​ളാ​യി വീ​ത്തൂ​സ്, വി​ൻ​സെ​ന്‍റ് എ​ന്നീ വൈ​ദി​ക​രെ​ത്തി. ‘പേ​ർ​ഷ്യ​യു​ടെ​യും ഇ​ന്ത്യ​യു​ടെ​യും മെ​ത്രാ​നാ​യ യോഹന്നാന്‍’ ഈ ​കൗ​ണ്‍​സി​ലി​ൽ പ​ങ്കെ​ടു​ത്തു എ​ന്ന് സി​സി​ക്കൂ​സി​ലെ ജ​ലാ​സി​യൂ​സ് 475ൽ ​ത​യാ​റാ​ക്കി​യ നി​ഖ്യാ​യു​ടെ ച​രി​ത്ര​ത്തി​ൽ രേ​ഖ​പ്പെ​ടു​ത്തി​യി​ട്ടു​ണ്ട്.

(തുടരും)