“പ്രി​യ സ്നേ​ഹി​ത​രേ, അ​റി​ഞ്ഞോ അ​റി​യാ​തെ​യോ തി​ന്മ​യു​ടെ അ​ടി​മ​ത്ത​ത്തി​ലേ​ക്ക് ആ​ഴ്ന്നു​പോ​യ ഓ​രോ പു​രു​ഷ​നോ​ടും സ്ത്രീ​യോ​ടും ന​മു​ക്കു പ​റ​യാ​ൻ സാ​ധി​ക്ക​ണം, നി​ന​ക്ക് എ​ഴു​ന്നേ​ൽ​ക്കാം... നി​വ​ർ​ന്നു നി​ൽ​ക്കാം, അ​ത് എ​ത്ര​യ​ധി​കം ബു​ദ്ധി​മു​ട്ടു​ള്ള​താ​ണെ​ങ്കി​ലും. ഇ​താ വി​രി​ച്ചുപി​ടി​ച്ച കൈ​ക​ളു​മാ​യി ഞ​ങ്ങ​ൾ വ​രു​ന്നു... നി​ങ്ങ​ൾ ഒ​രി​ക്ക​ലും ത​നി​ച്ച​ല്ല. സ​ഭ​യും ധാ​രാ​ളം ആ​ളു​ക​ളും നി​ങ്ങ​ളു​ടെ കൂ​ടെ​യു​ണ്ട്. ആ​ത്മ​വി​ശ്വാ​സ​ത്തോ​ടെ മു​ന്പോ​ട്ടു പോ​കൂ’’.

ഫ്രാ​ൻ​സി​സ് അ​സീ​സി​യു​ടെ പേ​രി​ലു​ള്ള ബ്ര​സീ​ലി​ലെ റി​യോ ഡി ​ഷ​നേ​റോ​യി​ലെ ആ​ശു​പ​ത്രി​യി​ൽ​വ​ച്ച് ത​ന്‍റെ കൂ​ടെ​വ​ന്ന ക​ത്തോ​ലി​ക്കാ സു​ഹൃ​ത്തു​ക്ക​ളോ​ട് ഫ്രാ​ൻ​സി​സ് പാ​പ്പാ ഇ​തു പ​റ​ഞ്ഞ​പ്പോ​ൾ മ​ദ്യ​ത്തി​നും മ​യ​ക്കു​മ​രു​ന്നി​നും അ​ടി​മ​ക​ളാ​യ​വ​ർ പാ​പ്പാ​യു​ടെ പി​ന്നി​ൽ​നി​ന്ന് വി​ങ്ങി​ക്ക​ര​യു​ക​യാ​യി​രു​ന്നു. അ​ധാ​ർ​മി​ക​ത മു​റ്റി​നി​ന്ന ഇ​രു​ണ്ട​ കാ​ല​ത്ത് പ്ര​ത്യാ​ശ​യു​ടെ പു​ത്ത​ൻ തേ​ജ​സാ​യി ഫ്രാ​ൻ​സി​സ് പാ​പ്പാ ഉ​ദി​ച്ചു​യ​രു​ക​യാ​യി​രു​ന്നു. ക​ത്തോ​ലി​ക്കാ സ​ഭ​യ്ക്കെ​തി​രേ ഉ​യ​ർ​ന്ന സ​ർ​വ ആ​രോ​പ​ണ​ശ​ര​ങ്ങ​ളു​ടെ​യും മു​ന​യൊ​ടി​ച്ചു ക​ള​യാ​ൻ പോ​ന്ന വ്യ​ക്തി​പ്ര​ഭാ​വ​മാ​ണ് കു​റ​ഞ്ഞ കാ​ല​യ​ള​വി​നു​ള്ളി​ൽ പാ​പ്പാ സൃ​ഷ്‌​ടി​ച്ച​ത്. സ​ഭ​യെ പ്ര​തി​ക്കൂ​ട്ടി​ലാ​ക്കി​യേ​ക്കാമെ​ന്നു ക​രു​തി ഇ​റ​ങ്ങി​പ്പു​റ​പ്പെ​ടു​ന്ന​വ​ർ​പോ​ലും പാ​പ്പാ​യു​ടെ ശൈ​ലി​ക്കു മു​ന്നി​ൽ പ​ഴു​തു​ക​ളൊ​ന്നു​മി​ല്ലാ​തെ പ​ക​ച്ചു​നി​ൽ​ക്കു​ന്ന കാ​ഴ്ച​യാ​ണ് അ​ന്നു ലോ​കം ക​ണ്ട​ത്.

വി​സ്മ​യാ​വ​ഹ​മാ​യ പ​രി​വ​ർ​ത്ത​നം

കു​റ​ഞ്ഞ സ​മ​യ​ത്തി​നു​ള്ളി​ൽ പാ​പ്പാ കൊ​ണ്ടു​വ​ന്ന പ​രി​വ​ർ​ത്ത​നം വി​സ്മ​യാ​വ​ഹ​മാ​യി​രു​ന്നു. അ​സീ​സി​യി​ലെ നി​സ്വ​ന്‍റെ പേ​രു സ്വീ​ക​രി​ച്ച​തുത​ന്നെ വ​ലി​യ വി​പ്ല​വ​മാ​യി​രു​ന്നു. സാ​ൻ​ ദാ​മി​യോ​നോ​യി​ലെ പ​ള്ളി​യു​ടെ പ​രി​സ​ര​ത്തു​നി​ന്ന് “നി​ങ്ങ​ൾ എ​നി​ക്കൊ​രു ക​ല്ലു ത​രാ​മോ? ന​മു​ക്ക് ഈ ​പ​ള്ളി​യെ പു​തു​ക്കി​പ്പ​ണി​യാം” എ​ന്നു വി​ല​പി​ച്ച അ​സീ​സി​യി​ലെ ആ ​മ​ഹാവി​ശു​ദ്ധ​ന്‍റെ ചൈ​ത​ന്യ​ത്തി​ൽ​നി​ന്ന് പോ​പ്പ് ഫ്രാ​ൻ​സിസും പ​റ​ഞ്ഞു: “സ​ഭ ഒ​രു പ്ര​സ്ഥാ​ന​മ​ല്ല, ഇ​തൊ​രു ചൈ​ത​ന്യ​മാ​ണ്. കെ​ട്ടി​ട​ങ്ങ​ളു​ടെ ബ​ലം​കൊ​ണ്ട് സ​ഭ​യെ പ്ര​തി​രോ​ധി​ച്ചു നി​ർ​ത്താ​മെ​ന്നു ക​രു​തേ​ണ്ട. ക്രി​സ്തു​വി​ലു​ള്ള സ്നേ​ഹ​ത്താ​ൽ ജ്വ​ലി​ക്കു​ന്ന അ​നേ​കാ​യി​ര​ങ്ങ​ളു​ടെ ആ​ത്മാ​വി​ലെ ചൈ​ത​ന്യ​മാ​ണ് സ​ഭ​യു​ടെ ബ​ലം.”

“ളോ​വ​യും ശി​രോ​വ​സ്ത്ര​വു​മി​ല്ലാ​ത്ത വി​ശു​ദ്ധ​രെ ന​മു​ക്ക് ആ​വ​ശ്യ​മു​ണ്ട്” എ​ന്നു പ​റ​ഞ്ഞ് ബ്ര​സീ​ലി​ലെ ലോ​ക ​യു​വ​ജ​നസ​മ്മേ​ള​ന​ത്തി​ൽ പാ​പ്പാ ന​ട​ത്തി​യ പ്ര​സം​ഗം പ​തി​നാ​യി​ര​ക്ക​ണ​ക്കി​ന് യു​വ​ജ​ന​ങ്ങ​ൾ​ക്കാ​ണ് ആ​വേ​ശം ന​ൽ​കി​യ​ത്. “പാ​ട്ടു പാ​ടു​ന്ന, നൃ​ത്തം ച​വി​ട്ടു​ന്ന, ചാ​രി​ത്ര്യശു​ദ്ധി​യോ​ടെ പ്ര​ണ​യി​ക്കു​ന്ന യു​വ​ജ​ന​ങ്ങ​ളെ സ​ഭ​യ്ക്കു വേ​ണം” എ​ന്നു പ​റ​ഞ്ഞ പാ​പ്പാ ച​തു​പ്പു​നി​ല​ത്തി​നു ന​ടു​വി​ൽ അ​നാ​യാ​സം ഒ​രു താ​മ​ര ന​ടു​ന്ന​തു​പോ​ലെ ആ​ത്മീ​യ​ത​യെ കാ​ല​ഘ​ട്ട​ത്തി​നു ചേ​ർ​ന്നവി​ധം ല​ളി​ത​സുന്ദ​ര​മാ​ക്കു​ന്ന​തു ക​ണ്ട് യു​വ​ലോ​കം അ​ത്ഭു​തം​കൂ​റി​ നി​ന്നു.

ദൈ​വ​ത്തെ തേ​ടു​ന്ന മ​ന​സാ​ണ് പ്ര​ധാ​ന​മെ​ന്ന് ലോ​ക​ത്തോ​ട് ഫ്രാ​ൻ​സി​സ് മാ​ർ​പാ​പ്പ നി​ര​ന്ത​രം പ​റ​ഞ്ഞു​കൊ​ണ്ടി​രു​ന്നു. ദേ​വാ​ല​യ​ത്തി​ൽ പ്ര​വേ​ശി​ക്കാ​ൻ ത​യാ​റാ​യി വ​രു​ന്ന​വ​ന്‍റെ ആ​ത്മീ​യ​ത​യെ നി​യ​മ​വും ച​ട്ട​ങ്ങ​ളു​മു​പ​യോ​ഗി​ച്ച് അ​ള​ന്നുനോ​ക്കാ​നി​രി​ക്കു​ന്ന സ​ക​ല​ർ​ക്കും ഫ്രാ​ൻ​സി​സ് പാ​പ്പാ വെ​ല്ലു​വി​ളി​യാ​യി​രു​ന്നു. “കൂ​ദാ​ശ​ക​ൾ സ്വീ​ക​രി​ക്കാ​ൻ വ​രു​ന്ന​വ​രു​ടെ മു​ന്പി​ൽ ബ്യൂ​റോ​ക്രാ​റ്റി​ക് സ​മീ​പ​ന​ങ്ങ​ൾ പാ​ടി​ല്ല” എന്ന് പാ​പ്പാ ക​ർ​ശ​ന​മാ​യി നി​ർ​ദേ​ശി​ച്ചു. അ​നു​ത​പി​ക്കു​ന്ന ഹൃ​ദ​യ​ത്തെ എ​ല്ലാം മ​റ​ന്ന് ആ​ശ്ലേ​ഷി​ക്കു​ന്ന യ​ഥാ​ർ​ഥ ക്രി​സ്തു​ചൈ​ത​ന്യ​ത്തി​ലേ​ക്കു​ള്ള തി​രി​ച്ചു​പോ​ക്കി​നാ​ണ് പാ​പ്പാ സ​ഭ​യെ ക്ഷ​ണി​ച്ച​ത്.

പാ​പ്പാ​യു​ടെ മു​ന്നി​ൽ അ​വ​ത​രി​പ്പി​ക്ക​പ്പെ​ട്ട നി​ര​വ​ധി​യാ​യ സ​ന്നി​ഗ്ധാ​വ​സ്ഥ​ക​ളോ​ട് പാ​പ്പാ കൊ​ടു​ത്ത മ​റു​പ​ടി നി​യ​ത​മാ​യ ധ​ർ​മ​പ്ര​മാ​ണ​ങ്ങ​ളു​ടെ​മേ​ൽ വീ​ഴ്ത്തി​യ നി​ഴ​ൽ ചെ​റു​ത​ല്ല. “കൂ​ദാ​ശ​ക​ൾ പൂ​ർ​ണ​രാ​ക്ക​പ്പെ​ട്ട​വ​ർ​ക്കു ന​ൽ​കു​ന്ന സ​മ്മാ​ന​മ​ല്ല, മ​റി​ച്ച് ഇ​ത് ബ​ല​ഹീ​ന​രാ​യ​വ​ർ​ക്കു​ള്ള ശ​ക്തി​യേ​റി​യ മ​രു​ന്നും പോ​ഷ​ണ​വു​മാ​ണ്” എ​ന്നു പ​റ​യു​ന്പോ​ൾ ആ​രാ​ണ് ഞെ​ട്ടാ​ത്ത​ത്? “അ​വ​ൻ വി​വാ​ദ വി​ഷ​യ​മാ​യ ഒ​ര​ട​യാ​ള​മാ​യി​രി​ക്കും” എ​ന്നാ​ണ​ല്ലോ ഈ​ശോ​മി​ശി​ഹാ​യെ​കു​റി​ച്ച് പ്ര​വ​ചി​ക്ക​പ്പെ​ട്ട​ത്.
“പോ​പ്പ് ഫ്രാ​ൻ​സി​സ് പി​ശാ​ചോ അ​തോ മാ​ലാ​ഖ​യോ?” എ​ന്ന ചോ​ദ്യ​ത്തോ​ടെ നി​ര​വ​ധി മാ​സി​ക​ക​ൾ പ്ര​സി​ദ്ധീ​കൃ​ത​മാ​യി. ടൈം ​മാ​ഗ​സി​ൻ ഒ​രി​ക്ക​ൽ റി​പ്പോ​ർ​ട്ട് ചെ​യ്ത ചി​ല ക​ത്തോ​ലി​ക്കാ ബ്ലോ​ഗു​ക​ളി​ൽ പ്ര​ത്യ​ക്ഷ​പ്പെ​ട്ട ക​മ​ന്‍റു​ക​ൾ ഇ​ങ്ങ​നെ​യാ​ണ്. “ഇ​തു​പോ​ലു​ള്ള ക​മ​ന്‍റു​ക​ൾ പാ​പ്പാ നി​റു​ത്ത​ണം. വായ ​തു​റ​ക്കു​ന്ന​തി​നു മു​ന്പേ മ​ണി​ക്കൂ​റു​ക​ൾ ധ്യാ​നി​ക്ക​ണം. മാ​ധ്യ​മ​ങ്ങ​ൾ​ക്ക് തെ​റ്റാ​യ ആ​ശ​യ​ങ്ങ​ൾ കി​ട്ടാ​ത്ത​വി​ധം ഓ​രോ വാ​ക്കും ശ്ര​ദ്ധാ​പൂ​ർ​വം മെ​ന​ഞ്ഞെ​ടു​ക്ക​ണം.”

അ​ത്ഭു​ത​പ്പെ​ടു​ത്തിയ ആ​ത്മീ​യ അ​ടി​ത്ത​റ

ക​ത്തോ​ലി​ക്കാ സ​ഭ​യു​ടെ ആ​ത്മീ​യ അ​ടി​ത്ത​റ​ക​ളെ ഫ്രാ​ൻ​സി​സ് പാ​പ്പാ ത​ക​ർ​ത്തു​ക​ള​യു​മോ എ​ന്നു​പോ​ലും ഭ​യ​പ്പെ​ട്ടി​രു​ന്ന യാ​ഥാ​സ്ഥി​തി​ക​രോ​ട് പാ​പ്പാ പ​റ​ഞ്ഞ​ത് ഇ​ങ്ങ​നെ​യാ​യി​രു​ന്നു: “സു​ര​ക്ഷി​ത​ത്വ​ങ്ങ​ളോ​ട് പ​റ്റി​ച്ചേ​ർ​ന്നി​രി​ക്കു​ന്ന സ​ഭ അ​നാ​രോ​ഗ്യ​യാ​യ സ​ഭ​യാ​ണ്. ഞാ​ൻ പ​ക്ഷേ ഇ​ഷ്‌​ട​പ്പെ​ടു​ന്ന​ത് തെ​രു​വു​ക​ളി​ലേ​ക്കി​റ​ങ്ങി​യ​തി​നാ​ൽ ചെ​ളി പ​റ്റു​ക​യും മു​റി​വേ​ൽ​ക്കു​ക​യും ചെ​യ്യു​ന്ന സ​ഭ​യാ​ണ്.” എ​ല്ലാ വാ​ഗ്വാ​ദ​ങ്ങ​ൾ​ക്കു ന​ടു​വി​ലും പാ​പ്പാ​യു​ടെ ബോ​ധ്യ​ങ്ങ​ളു​ടെ ശ​ക്ത​മാ​യ ആ​ത്മീ​യാ​ടി​ത്ത​റ ലോ​ക​ത്തെ അ​ദ്ഭു​ത​പ്പെ​ടു​ത്തു​ക​യും അ​ന്പ​ര​പ്പി​ക്കു​ക​യും ചെ​യ്തി​രു​ന്നു.


ക​ത്തോ​ലി​ക്കാ സ​ഭ​യു​ടെ 266-ാമ​ത്തെ തലവന്‍ പ്ര​ത്യാ​ശ​യു​ടെ വ​ലി​യ പ്ര​കാ​ശ​ഗോ​പു​ര​മാ​യി​രു​ന്നു. ലോ​ക​ത്തി​ലെ ഏ​റ്റ​വും സ്വാ​ധീ​ന​മു​ള്ള മ​നു​ഷ്യ​നാ​യി ഫ്രാ​ൻ​സി​സ് പാ​പ്പാ​യെ തെ​ര​ഞ്ഞെ​ടു​ത്ത്, ജ​ന​ങ്ങ​ളു​ടെ പാ​പ്പാ എ​ന്ന ത​ല​ക്കെ​ട്ടോ​ടെ ടൈം ​മാ​ഗ​സി​ൻ എ​ഴു​തി, “ലോ​ക​ത്തി​ന്‍റെ എ​ല്ലാ മൂ​ല​ക​ളി​ലും അ​ദ്ദേ​ഹം വ​ലി​യ പ്ര​തീ​ക്ഷ​യു​ണ​ർ​ത്തു​ന്നു. കോ​ടി​ക്ക​ണ​ക്കി​നു മ​നു​ഷ്യ​രു​ടെ ഭാ​വ​ന​ക​ളി​ലേ​ക്ക് അ​ദ്ദേ​ഹം ചി​റ​ക​ടി​ച്ചു​യ​ർ​ന്നു.” സ​ഭ​യു​ടെ സൗ​ഖ്യ​പ്പെ​ടു​ത്തു​ന്ന ദൗ​ത്യ​ത്തെ പീ​ഠ​ത്തി​ൽ ഉ​യ​ർ​ത്തി സ്ഥാ​പി​ച്ചാ​ണ് അ​ദ്ദേ​ഹം പ്ര​തീ​ക്ഷ ന​ൽ​കി​യ​ത്.

വി​ധി​പ്ര​സ്താ​വ​നാ​ദൗ​ത്യ​ത്തെ ര​ണ്ടാ​മ​താ​യി നി​റു​ത്തി അ​നേ​കാ​യി​ര​ങ്ങ​ൾ​ക്ക് സൗ​ഖ്യം പ​ക​രു​ന്ന സ​ഭ​യു​ടെ യ​ഥാ​ർ​ഥ ദൗ​ത്യ​ത്തെ അ​ദ്ദേ​ഹം ഒ​ന്നാ​മ​താ​യി പ്ര​തി​ഷ്ഠി​ച്ചു. ഇ​റ്റ​ലി​യി​ലെ നി​രീ​ശ്വ​ര​ന്മാ​രു​ടെ പ​ത്ര​മാ​യ ലാ ​റെ​പ്പുബ്ലി​ക്കാ​യു​ടെ സ്ഥാ​പ​ക​ൻ സ്ക​ൾ​ഫാ​രി​ക്കു​പോ​ലും പാ​പ്പാ​യു​ടെ അ​ഭി​മു​ഖ​ത്തി​നി​ട​യി​ൽ ചോ​ദി​ക്കേ​ണ്ടി​വ​ന്നു: “അ​ങ്ങ് എ​ന്നെ മാ​ന​സാ​ന്ത​ര​പ്പെ​ടു​ത്താ​ൻ ശ്ര​മി​ക്കു​ക​യാ​ണോ?” ആ​ർ​ക്കും പാ​പ്പാ​യു​ടെ ധാ​ർ​മി​ക​ശ​ബ്ദ​ത്തെ അ​വ​ഗ​ണി​ക്കാ​നാ​യി​ല്ല. എ​ൻ​ബി​സി ന്യൂ​സി​ന് അ​നു​വ​ദി​ച്ച അ​ഭി​മു​ഖ​ത്തി​ൽ അ​തു​കൊ​ണ്ടാ​ണ് അ​മേ​രി​ക്ക​ൻ പ്ര​സി​ഡ​ന്‍റ് ഒ​ബാ​മ പ​റ​ഞ്ഞ​ത്: “പോ​പ്പ് എ​ന്‍റെ അ​ടി​സ്ഥാ​ന​പ​ര​മാ​യ ക​ട​മ​ക​ളെ ഓ​ർ​മ​പ്പെ​ടു​ത്തു​ന്നു. അ​സാ​ധാ​ര​ണ​മാ​യ ചി​ന്താ​ശ​ക്തി​യു​ള്ള, സ​മാ​ധാ​ന​ത്തി​ന്‍റെയും നീ​തി​യു​ടെ​യും സ​ന്ദേ​ശ​വാ​ഹ​ക​നാ​ണ് അ​ദ്ദേ​ഹം.’’ പാ​പ്പാ​യു​ടെ അ​പ്പ​സ്തോ​ലി​ക പ്ര​ബോ​ധ​ന​ത്തി​ൽ​നി​ന്ന് ഒ​രു വാ​ക്യം ക​ട​മെ​ടു​ത്താ​ണ് ഒ​രി​ക്ക​ൽ ബ​റാ​ക് ഒ​ബാ​മ രാ​ഷ്‌​ട്ര​ത്തോ​ടു സം​സാ​രി​ച്ച​ത്: “ഭ​വ​ന​ര​ഹി​ത​നാ​യ വൃ​ദ്ധ​നാ​യ ഒ​രു മ​നു​ഷ്യ​ൻ തെ​രു​വി​ൽ കി​ട​ന്നു മ​രി​ക്കു​ന്ന​തു വാ​ർ​ത്ത​യ​ല്ലാ​താ​വു​ക​യും സ്റ്റോ​ക്ക് മാ​ർ​ക്ക​റ്റ് ഒ​രു പോ​യി​ന്‍റ് താ​ഴു​ന്ന​തു വാ​ർ​ത്ത​യാ​വു​ക​യും ചെ​യ്യു​ന്ന​തെ​ങ്ങ​നെ?”

സ​ഭ​യു​ടെ ശ​ക്ത​മാ​യ പ​ട​ച്ച​ട്ട

ക​ത്തോ​ലി​ക്കാ സ​ഭ​യു​ടെ ശ​ക്ത​മാ​യ പ​ട​ച്ച​ട്ടകൂ​ടി​യാ​യി​രു​ന്നു ഫ്രാ​ൻ​സി​സ് പാ​പ്പാ. ലോ​ക​മാ​സ​ക​ലം പാ​പ്പാ ചെ​ലു​ത്തി​യ സ്വാ​ധീ​ന​ത്തി​ന് മ​ങ്ങ​ലേ​ൽ​പ്പി​ക്ക​ണമെ​ന്ന ഉ​ദ്ദേ​ശ്യ​ത്തോ​ടു​കൂ​ടി​യാ​വ​ണം യു​എ​ൻ അ​നാ​വ​ശ്യ​മാ​യും അ​ന​വ​സ​ര​ത്തി​ലും കു​ട്ടി​ക​ൾ​ക്കെ​തി​രേയു​ള്ള ലൈം​ഗി​ക അ​തി​ക്ര​മ​ങ്ങ​ളി​ൽ വ​ത്തി​ക്കാ​ൻ ന​ട​പ​ടി​യെ​ടു​ക്ക​ണം എ​ന്നാ​വ​ശ്യ​പ്പെ​ട്ട് ക​ടു​ത്ത വി​മ​ർ​ശ​നം ന​ട​ത്തി​യ​ത്. യു​എ​ന്നി​ന്‍റെ വി​മ​ർ​ശ​ന​ത്തി​ന് ക​ന​ത്ത തി​രി​ച്ച​ടി​യാ​ണ് പാ​പ്പാ ന​ൽ​കി​യ​ത്. “യു​എ​ൻ അ​തി​ന്‍റെ അ​തി​ർവ​ര​ന്പു​ക​ൾ ലം​ഘി​ക്കു​ന്നു” എ​ന്നു പ​റ​യാ​ൻ പാ​പ്പാ മ​ടി​ച്ചി​ല്ല.

ഒ​രു പ​ടി​കൂ​ടി ക​ട​ന്ന് പാ​പ്പാ പ​റ​ഞ്ഞ അ​ടു​ത്ത മ​റു​പ​ടി​ക്ക് ഒ​രു വെ​ല്ലു​വി​ളി​യു​ടെ സ്വ​രം കൂ​ടി​യു​ണ്ടാ​യി​രു​ന്നു. “ശി​ശു​പീ​ഡ​നം ഇ​ല്ലാ​താ​ക്കാ​ൻ ക​ത്തോ​ലി​ക്കാ സ​ഭ​യോ​ളം എ​ന്തെ​ങ്കി​ലും ചെ​യ്ത ഒ​രു പ്ര​സ്ഥാ​ന​വു​മി​ല്ല.” അ​നാ​വ​ശ്യ വി​മ​ർ​ശ​ന​ങ്ങ​ൾ​ക്കും അ​ധി​ക്ഷേ​പ​ങ്ങ​ൾ​ക്കും മു​ന്നി​ൽ ശി​ര​സു ന​മി​ച്ചു​നി​ൽ​ക്കും എ​ന്നു ക​രു​തേ​ണ്ട എ​ന്ന വ്യ​ക്ത​മാ​യ സൂ​ച​ന​യാ​ണ് പാ​പ്പാ ന​ൽ​കി​യ​ത്.

ലോ​ക​ത്തി​ലെ ഏ​റ്റ​വും ശ​ക്ത​മാ​യ ധാ​ർ​മി​കപ്ര​സ്ഥാ​ന​ത്തെ മ​റ്റു പ​ല ത​ല​ങ്ങ​ളി​ലു​മു​ള്ള അ​പ​ച​യ​ങ്ങ​ൾ​ക്ക് തി​രു​ത്ത​ൽ ന​ട​ത്താ​ൻ ശ്ര​മി​ക്കാ​തെ അ​നാ​വ​ശ്യ​മാ​യി ധാ​ർ​മി​ക​ത പ​ഠി​പ്പി​ക്കാ​ൻ ശ്ര​മി​ക്കേണ്ട എ​ന്ന് പാ​പ്പ പ​റ​യാ​തെ പ​റ​യു​ക​യാ​യി​രു​ന്നു. ഇ​റ്റാ​ലി​യ​ൻ പ​ത്ര​ത്തി​നു ന​ൽ​കി​യ അ​ഭി​മു​ഖ​ത്തി​ൽ പാ​പ്പാ സ്വ​രം കൂ​ടു​ത​ൽ ക​ടു​പ്പി​ച്ചു. “ഈ ​വി​ഷ​യ​ങ്ങ​ളി​ൽ ഇ​ത്ര​മാ​ത്രം സു​താ​ര്യ​മാ​യും ഉ​ത്ത​ര​വാ​ദി​ത്വ​ബോ​ധ​ത്തോ​ടെ​യും പ്ര​വ​ർ​ത്തി​ച്ച ഒ​രേ​യൊ​രു പൊ​തുസ്ഥാ​പ​നം ക​ത്തോ​ലി​ക്കാ സ​ഭ​ മാ​ത്ര​മാ​ണ്. ആ​രും സ​ഭ​യോ​ളം ഒ​ന്നും ചെ​യ്തി​ട്ടി​ല്ല. മ​ഹാ​ഭൂ​രി​പ​ക്ഷം സം​ഭ​വ​ങ്ങ​ളും ന​ട​ക്കു​ന്ന​ത് വീ​ടു​ക​ളി​ലും അ​യ​ൽ​പ​ക്ക​ങ്ങ​ളി​ലു​മാ​ണെ​ന്ന് നി​ങ്ങ​ൾ മ​റ​ക്ക​രു​ത്” എ​ന്ന ഓ​ർ​മ​പ്പെ​ടു​ത്ത​ൽ കൂ​ടി​യാ​യ​പ്പോ​ൾ എ​ല്ലാം പൂ​ർ​ത്തി​യാ​യി.

സ​ഭ​യ്ക്കു​ള്ളി​ൽ പ​രി​വ​ർ​ത്ത​ന​ത്തി​ന്‍റെ സ​ന്ദേ​ശം

ചു​രു​ക്ക​ത്തി​ൽ, ക​ത്തോ​ലി​ക്കാ സ​ഭ​യ്ക്ക് ന​ഷ്‌​ട​പ്പെ​ട്ടു​പോ​യ ധാ​ർ​മി​ക​ശ​ബ്ദ​ത്തെ ഫ്രാ​ൻ​സി​സ് പാ​പ്പ വീ​ണ്ടെ​ടു​ത്തു. സ​ങ്കീ​ർ​ണ​ത​ക​ളു​ടെ ലോ​ക​ത്ത് പ്ര​വാ​ച​ക​ശ​ബ്ദ​ത്തി​നാ​യി റോ​മി​ലേ​ക്കു ശ്ര​ദ്ധ തി​രി​ക്കാ​ൻ ഭൗ​തി​ക​ലോ​കം നി​ർ​ബ​ന്ധി​ത​മാ​യി. എ​ല്ലാ മ​നു​ഷ്യ​രു​ടെ​യും ഉ​ള്ളി​ലു​ള്ള ദൈ​വാം​ശ​ത്തി​ന്‍റെ മു​ങ്ങി​പ്പോ​യ പ്ര​ഭ​യെ അ​ദ്ദേ​ഹം പൊ​ക്കി​യെ​ടു​ത്തു. ക​ത്തോ​ലി​ക്കാ സ​ഭ​യ്ക്കു​ള്ളി​ൽ പ​രി​വ​ർ​ത്ത​ന​ത്തി​ന്‍റെ ശ​ക്ത​മാ​യ സ​ന്ദേ​ശം പാ​പ്പാ പ്ര​ച​രി​പ്പി​ച്ചു. കാ​രു​ണ്യ​ത്തി​ന്‍റെ മ​ന​സാ​ണ് അ​ജ​പാ​ല​ന​ശു​ശ്രൂ​ഷ​യ്ക്ക് ആ​വ​ശ്യം എ​ന്ന് പാ​പ്പാ പ​ഠി​പ്പി​ച്ചു. അ​ധി​കാ​ര​ബിം​ബ​ങ്ങ​ളെ അ​ദ്ദേ​ഹം നി​സാ​ര​വ​ത്ക​രി​ച്ചു. സിം​ഹാ​സ​ന​ങ്ങ​ളി​ൽനി​ന്ന് മ​ൺവ​ഴി​ക​ളി​ലേ​ക്ക് അ​ദ്ദേ​ഹം സ​ഭ​യെ ന​ട​ത്തി.

ശീ​ലി​ച്ചു സു​ര​ക്ഷി​ത​മാ​ക്കി​യ മാ​ർ​ഗ​ങ്ങ​ളെ ത​ക​ർ​ത്ത് പ​രി​ചി​ത​മ​ല്ലാ​ത്ത, എ​ന്നാ​ൽ സു​വി​ശേ​ഷ​ത്തി​ന്‍റെ ചൈ​ത​ന്യം വീ​ണു​കി​ട​ക്കു​ന്ന വ​ഴി​ക​ളി​ലേ​ക്ക് സ​ഭ​യെ പാ​പ്പ ഇ​റ​ക്കി​ക്കൊ​ണ്ടു​വ​ന്നു. എ​തി​ർ​ത്തു​ നി​ന്ന​വ​ർ​ക്ക് സ​ഭ​യി​ലേ​ക്ക് തി​രി​ച്ചു​വ​ര​ണ​മെ​ന്ന തോ​ന്ന​ലു​ണ്ടാ​ക്കി. പ​ര​സ്പ​രം സ്നേ​ഹി​ക്കു​ന്ന വി​ശ്വാ​സീ​സ​മൂ​ഹ​ത്തി​ന്‍റെ കെ​ട്ടു​റ​പ്പാ​ണ് യ​ഥാ​ർഥ വ​ള​ർ​ച്ച​യെ​ന്ന ബോ​ധ്യ​ത്തി​ലേ​ക്ക് സ​ഭ​യെ തി​രി​കെകൊ​ണ്ടു​വ​ന്നു. അ​സീ​സി​ക്കു​ശേ​ഷം ലോ​കം ക​ണ്ട മ​റ്റൊ​രു ക്രി​സ്തു​വാ​യി​രു​ന്നു ഫ്രാ​ൻ​സി​സ് പാ​പ്പാ.