ആ​ടു​ക​ൾ​ക്കുവേ​ണ്ടി ത​ന്‍റെ ജീ​വ​ൻ ന​ൽ​കു​ന്ന​വ​നാ​ണ് യ​ഥാ​ർ​ഥ ഇ​ട​യ​ൻ എ​ന്നാ​ണ് വേ​ദ​പു​സ്ത​കം ന​മ്മെ പ​ഠി​പ്പി​ക്കു​ന്ന​ത്. വ​ഴി​തെ​റ്റാ​തെ ന​യി​ക്കു​ന്ന​വ​ൻ, കാ​ണാ​തെ​പോ​യ ആ​ടി​നെ ക​ണ്ടെ​ത്തും​വ​രെ അ​തി​നെ തി​ര​യു​ന്ന​വ​ൻ, ഓ​രോ ആ​ടി​നെ​യും അ​തി​ന്‍റെ ആ​ല​യി​ൽ എ​ത്തി​ക്കാ​ൻ പ​രി​ശ്ര​മി​ക്കു​ന്ന​വ​ൻ. ഈ ​വി​ശേ​ഷ​ണ​ങ്ങ​ൾ​ക്കെ​ല്ലാം അ​ർ​ഹ​നാ​യ ഒ​രു മ​ഹാ ഇ​ട​യ​നാ​യി​രു​ന്നു ന​മ്മ​ളി​ൽനി​ന്നു വി​ട്ടു​പോ​യ ഫ്രാ​ൻ​സി​സ് മാ​ർ​പാ​പ്പ.

ഫ്രാ​ൻ​സി​സ് മാ​ർ​പാ​പ്പ എ​ന്ന പേ​ര് യാ​ദൃ​ച്ഛി​ക​മാ​യി അ​ദ്ദേ​ഹ​ത്തി​ൽ വ​ന്നുചേ​ർ​ന്ന​ത​ല്ല. ഏ​റ്റ​വും ദു​ർ​ബ​ല​രാ​യ​വ​രെക്കു​റി​ച്ചു​ള്ള ക​രു​ത​ലി​ന്‍റെ​യും സ​മ​ഗ്ര പാ​രി​സ്ഥി​തി​ക ദ​ർ​ശ​ന​ത്തി​ന്‍റെ​യും ഉ​ത്ത​മ ഉ​ദാ​ഹ​ര​ണ​മാ​ണ് അ​സീ​സി​യി​ലെ വി​ശു​ദ്ധ ഫ്രാ​ൻ​സി​സ് എ​ന്ന ഉ​റ​ച്ച വി​ശ്വാ​സ​ത്തി​ൽ ആ ​പേ​ര് അ​ദ്ദേ​ഹം സ്വീ​ക​രി​ക്കു​ക​യാ​യി​രു​ന്നു.

അ​സീ​സി​യി​ൽ എ​ത്തി വി​ശു​ദ്ധ ഫ്രാ​ൻ​സി​സി​ന്‍റെ ശ​വ​കു​ടീ​ര​ത്തി​ൽ പ്രാ​ർ​ഥ​ന ന​ട​ത്തി​യ ശേ​ഷം അ​ദ്ദേ​ഹം പു​റ​പ്പെ​ടു​വി​ച്ച ചാ​ക്രി​കലേ​ഖ​ന​ത്തി​ന്‍റെ പേ​ര് "ഫ്ര​ത്തേ​ല്ലി തൂ​ത്തി’ (എ​ല്ലാ​വ​രും സ​ഹോ​ദ​ര​ർ ) എ​ന്ന​താ​യി​രു​ന്നു. ഏ​ക​നാ​യി ആ​ർ​ക്കും ജീ​വി​തം വി​ജ​യി​പ്പി​ക്കാ​നാ​വി​ല്ലെ​ന്നും ഒ​റ്റ​യ്ക്ക് കാ​ണു​ന്ന​തു മ​രീ​ചി​ക​യാ​ണെ​ന്നും സ്വ​പ്ന​ങ്ങ​ൾ പ​ടു​ത്തു​യ​ർ​ത്തു​ന്ന​ത് ഒ​രു​മി​ച്ചാ​ണെ​ന്നും ചാ​ക്രി​ക​ലേ​ഖ​ന​ത്തി​ൽ അ​ദ്ദേ​ഹം പ​റ​ഞ്ഞു. അ​തേ, ഫ്രാ​ൻ​സി​സ് മാ​ർ​പാ​പ്പ​യ്ക്ക് മ​നു​ഷ്യ​രെ​ല്ലാം സ​ഹോ​ദ​ര​ങ്ങ​ളാ​യി​രു​ന്നു. മ​ത​വും വ​ർ​ണ​വും സ​മ്പ​ത്തു​മൊ​ന്നും ആ ​ചേ​ർ​ത്തു​നി​ർ​ത്ത​ലി​ന് ത​ട​സ​മാ​യി​രു​ന്നി​ല്ല. എ​ല്ലാ​വ​രെ യും ചേ​ർ​ത്തു​നി​ർ​ത്താ​ൻ ത​ന്‍റെ മു​ൻ​ഗാ​മി​ക​ളു​ടെ വ​ഴി​യി​ൽ​നി​ന്നു മാ​റി​ന​ട​ക്കാ​നും അ​ദ്ദേ​ഹം ത​യാ​റാ​യി. ട്രാ​ൻ​സ്ജെ​ൻ​ഡേ​ഴ്സി​നെയും സ്വ​വ​ർ​ഗാ​നു​രാ​ഗി​ക​ളെ​യും സ​ഹോ​ദ​ര​ങ്ങ​ളാ​യി കാ​ണാ​നും അം​ഗീ​ക​രി​ക്കാ​നും അ​ദ്ദേ​ഹം ത​യാറാ​യി എ​ന്ന​ത് ലോ​കം അ​മ്പ​ര​പ്പോ​ടെ​യാ​ണു ക​ണ്ട​ത്.

ക​ത്തോ​ലി​ക്കാ സ​ഭ​യ്ക്കോ ക്രൈ​സ്ത​വസ​മൂ​ഹ​ത്തി​നോ മാ​ത്ര​മു​ള്ള​താ​യി​രു​ന്നി​ല്ല അ​ദ്ദേ​ഹ​ത്തി​ന്‍റെ ചാ​ക്രി​ക ലേ​ഖ​ന​ങ്ങ​ൾ. അ​ദ്ദേ​ഹ​ത്തി​ന്‍റെ ആ​ദ്യ ചാ​ക്രി​ക ലേ​ഖ​ന​മാ​യ "വി​ശ്വാ​സ​ത്തി​ന്‍റെ വെ​ളി​ച്ച​’ ത്തി​ൽഇ​രു​ളി​നെ ചി​ത​റി​ക്കു​ന്ന​ത​ല്ല, ഇ​രു​ളി​ൽ ന​ട​ക്കാ​ൻ സ​ഹാ​യി​ക്കു​ന്ന​തും പാ​ത​യി​ൽ തു​ണ​യാ​കു​ന്ന​തു​മാ​ണ് വി​ശ്വാ​സം എ​ന്ന കാ​ഴ്ച​പ്പാ​ടാ​ണ് മു​ന്നോ​ട്ടു വ​യ്ക്കു​ന്ന​ത്.

""നാം ​ഭാ​ഗ​മാ​യി​രി​ക്കു​ന്ന ലോ​ക​ത്തെ സം​ബ​ന്ധി​ച്ചി​ട​ത്തോ​ളം വി​ശ്വാ​സം എ​ങ്ങ​നെ പു​തി​യ ഉ​ത്തേ​ജ​ന​ങ്ങ​ളും ആ​വ​ശ്യോ​പാ​ധി​ക​ളും കൊ​ണ്ടു​വ​രു​ന്നു എ​ന്ന​തു പ​രി​ഗ​ണി​ക്കു​ന്ന​തി​നുമു​മ്പ് ന​മ്മു​ടെ പൊ​തു​ഭ​വ​ന​മാ​യ ഭൂ​മി​ക്ക് എ​ന്ത് സം​ഭ​വി​ക്കു​ന്നു എ​ന്ന​തി​ലേ​ക്ക് ഞാ​ൻ ഹ്ര​സ്വ​മാ​യി തി​രി​യ​ട്ടെ’’ എ​ന്നുപ​റ​ഞ്ഞു കൊ​ണ്ടാ​ണ് ഫ്രാ​ൻ​സി​സ് മാ​ർ​പാ​പ്പ "ലൗ​ദാ​ത്തോ സി'​എ​ന്ന ചാ​ക്രി​ക ലേ​ഖ​ന​ത്തി​ന്‍റെ ഒ​ന്നാം അ​ധ്യാ​യം തു​ട​ങ്ങു​ന്ന​ത്.

കേ​വ​ല​മാ​യ വി​വ​ര​ശേ​ഖ​ര​ണ​ങ്ങ​ൾ അ​വ​ത​രി​പ്പി​ക്കു​ന്ന​തി​ന് അ​പ്പു​റ​ത്തേ​ക്ക് ലോ​ക​ത്തി​ൽ എ​ന്തു സം​ഭ​വി​ക്കു​ന്നു എ​ന്ന​തി​നെ വ്യ​ക്തി​പ​ര​മാ​യി ഉ​ൾ​ക്കൊ​ള്ളുകയും നാം ​ഓ​രോ​രു​ത്ത​ർ​ക്കും എ​ന്ത് ചെ​യ്യാ​ൻ ക​ഴി​യും എ​ന്നു പ​ഠി​പ്പി​ക്കു​ക​യും ചെ​യ്യു​ന്ന​താ​യി​രു​ന്നു ഫ്രാ​ൻ​സി​സ് മാ​ർ​പാ​പ്പ​യു​ടെ ഓ​രോ ചാ​ക്രി​കലേ​ഖ​ന​വും.

പൗ​രോ​ഹി​ത്യ​ത്തി​ന്‍റെ ഉ​യ​ർ​ന്ന ത​ല​ങ്ങ​ളി​ലെ​ല്ലാം എ​ത്തു​മ്പോ​ഴും വി​ന​യ​ത്തോ​ടെ, ലാ​ളി​ത്യ​ത്തോ​ടെ ജീ​വി​ക്കാ​നാ​യ​തും എ​ക്കാ​ല​വും വെ​ളി​ച്ച​ത്തി​ന്‍റെ പാ​ത​യി​ലൂ​ടെ അ​ദ്ദേ​ഹ​ത്തി​ന് സ​ഞ്ച​രി​ക്കാ​ൻ ക​ഴി​ഞ്ഞ​തുകൊ​ണ്ടാ​ണ്.


ലോ​കം ക​ണ്ട ആ​ദ്യ ഹ​രി​ത മാ​ർ​പാ​പ്പ എ​ന്ന് ഫ്രാ​ൻ​സി​സ് മാ​ർ​പാ​പ്പ​യെ നി​സം​ശ​യം വി​ശേ​ഷി​പ്പി​ക്കാ​ൻ ക​ഴി​യും. ബന​ഡി​ക്‌​ട് പ​തി​നാ​റാ​മ​ൻ വ​രെ​യു​ള്ള മാ​ർ​പാ​പ്പ​മാ​ർ പ്ര​കൃ​തി​സം​ര​ക്ഷ​ണ​ത്തി​നാ​യി എ​ടു​ത്ത നി​ല​പാ​ടു​ക​ളി​ൽ ഉ​റ​ച്ചുനി​ന്ന്, മ​നു​ഷ്യ​നും പ്ര​കൃ​തി​യും കേ​ന്ദ്ര​ബി​ന്ദു​വാ​കേ​ണ്ട​തി​ന്‍റെ അ​നി​വാ​ര്യ​ത​യെക്കുറി​ച്ച് ഫ്രാ​ൻ​സി​സ് മാ​ർ​പാ​പ്പ ഉ​ച്ച​ത്തി​ൽ സം​വ​ദി​ച്ചു. ന​മ്മ​ൾ അ​ധി​വ​സി​ക്കു​ന്ന ഗ്ര​ഹ​ത്തി​ന് ന​മ്മ​ൾ ദോ​ഷം വ​രു​ത്ത​രു​തെ​ന്ന് ഗൗ​ര​വ​പൂ​ർ​വം അ​ദ്ദേ​ഹം ചൂ​ണ്ടി​ക്കാ​ട്ടി. കാ​ലാ​വ​സ്ഥാവ്യ​തി​യാ​നം എ​ന്നാ​ൽ പാ​രി​സ്ഥി​തി​ക​വും സാ​മൂ​ഹി​ക​വും സാ​മ്പ​ത്തി​ക​വും രാ​ഷ്‌​ട്രീ​യ​വും വ​സ്തു​ക്ക​ളു​ടെ വി​ത​ര​ണം സം​ബ​ന്ധി​ച്ചു​ പ്ര​ത്യാ​ഘാ​ത​ങ്ങ​ളു​ള്ള ആ​ഗോ​ള​പ്ര​ശ്ന​മാ​ണെ​ന്നാ​ണ് മാ​ർ​പാ​പ്പ വി​ശ​ദീ​ക​രി​ക്കു​ന്ന​ത്.

ആ​ഗോ​ള​താ​പ​ന​വു​മാ​യി ബ​ന്ധ​പ്പെ​ട്ട പ്ര​തി​ഭാ​സ​ങ്ങ​ൾ ബാ​ധി​ച്ച പ്ര​ദേ​ശ​ങ്ങ​ളി​ൽ ജീ​വി​ക്കു​ന്ന​വ​രി​ൽ ഏ​റെ​യും ദ​രി​ദ്ര​രാ​യ ജ​ന​ത​യാ​ണെ​ന്നും അ​ദ്ദേ​ഹം ഉ​റ​ക്കെ പ​റ​ഞ്ഞു. ആ​ഗോ​ള​താ​പ​ന​ത്തി​ന്‍റെ​യും കാ​ലാ​വ​സ്ഥാ വ്യ​തി​യാ​ന​ത്തി​ന്‍റെ​യും എ​ത്ര​യോ പ്ര​ബ​ന്ധ​ങ്ങ​ൾ നാം ​ക​ണ്ടി​ട്ടു​ണ്ട്. എ​ത്ര​യോ പ്ര​ഭാ​ഷ​ണ​ങ്ങ​ൾ നാം ​കേ​ട്ടി​ട്ടു​ണ്ട്. എ​ല്ലാ​വ​ർ​ക്കും സ്വ​ന്ത​മാ​യ​തും എ​ല്ലാ​വ​രെ​യും ഉ​ദ്ദേ​ശി​ച്ചു​ള്ള​തു​മാ​യ പൊ​തുന​ന്മ​യാ​ണ് കാ​ലാ​വ​സ്ഥ എ​ന്ന് മാ​ർ​പാ​പ്പ വി​ശ​ദീ​ക​രി​ക്കു​മ്പോ​ൾ നാം ​ഇ​തു​വ​രെ​യും കേ​ൾ​ക്കു​ക​യും അ​റി​യു​ക​യും ചെ​യ്തി​ട്ടി​ല്ലാ​ത്ത പു​തി​യ വ​ഴി​യി​ലേ​ക്ക് അ​ദ്ദേ​ഹം ന​മ്മെ ആ​ന​യി​ക്കു​ക​യാ​യി​രു​ന്നു.

കൃ​ഷി ചെ​യ്യു​ക എ​ന്നാ​ൽ ക​രു​ത​ൽ എ​ടു​ക്കു​ക, സം​ര​ക്ഷി​ക്കു​ക, മേ​ൽ​നോ​ട്ടം വ​ഹി​ക്കു​ക, നി​ല​നി​ർ​ത്തു​ക എ​ന്നെ​ല്ലാ​മാ​ണ് അ​ർ​ഥ​മാ​ക്കു​ന്ന​ത് എ​ന്നു വി​ശ​ദീ​ക​രി​ച്ച​ത് ഫ്രാ​ൻ​സി​സ് മാ​ർ​പാ​പ്പ​യാ​ണ്. ഇ​ത്ത​രം ഒ​രു വി​ശ​ദീ​ക​ര​ണം ഇ​തു​വ​രെ ആ​രും ന​ൽ​കി​യി​രു​ന്നി​ല്ല. മ​നു​ഷ്യ​നും പ്ര​കൃ​തി​യും ത​മ്മി​ലു​ള്ള പ​ര​സ്പ​ര ഉ​ത്ത​ര​വാ​ദി​ത്വ​ത്തി​ന്‍റെ ഒ​രു ബ​ന്ധം ഇ​തി​ൽ ആ​വ​ശ്യ​പ്പെ​ടു​ന്നു​ണ്ട് എ​ന്നും മാ​ർ​പാ​പ്പ വി​ശ​ദീ​ക​രി​ക്കു​ന്നു. ഓ​രോ സ​മൂ​ഹ​ത്തി​നും ഭൂ​മി​യു​ടെ സ​മൃ​ദ്ധി​യി​ൽ​നി​ന്ന് ത​ങ്ങ​ളു​ടെ നി​ല​നി​ൽ​പ്പി​ന് ആ​വ​ശ്യ​മു​ള്ള​ത് എ​ടു​ക്കാം. എ​ന്നാ​ൽ വ​രും​ത​ല​മു​റ​ക​ൾ​ക്കുവേ​ണ്ടി ഭൂ​മി​യെ സം​ര​ക്ഷി​ക്കാ​നും അ​തി​ന്‍റെ ഫ​ലം ഉ​റ​പ്പു​വ​രു​ത്താ​നു​ള്ള ചു​മ​ത​ല​യും അ​വ​ർ​ക്കു​ണ്ട് എ​ന്ന് കൃ​ത്യ​മാ​യി പ്ര​ഖ്യാ​പി​ക്കു​മ്പോ​ൾ ഒ​രു ആ​ധു​നി​ക പ​രി​സ്ഥി​തി ശാ​സ്ത്ര​ജ്ഞ​നെ​യാ​ണ് നാം ​കാ​ണു​ന്ന​ത്.

അ​ർ​ജ​ന്‍റീ​ന​യി​ൽ ജ​നി​ച്ച് മ​നു​ഷ്യ​നെയും പ്ര​കൃ​തിയെയും സ​ർ​വ​ജീ​വ​ജാ​ല​ങ്ങ​ളെ​യും ഫു​ട്ബോ​ളി​നെ​യും പ്ര​ണ​യി​ച്ച ആ​ഗോ​ള ക​ത്തോ​ലി​ക്കാ സ​ഭ​യു​ടെ നേ​താ​വ്, ലോ​കജ​ന​ത​യു​ടെ ഹൃ​ദ​യം കീ​ഴ​ട​ക്കി വി​ട വാ​ങ്ങു​മ്പോ​ൾ, അത് ഈ ലോ​ക​ത്തി​ൽ സൃ​ഷ്‌​ടി​ക്കു​ന്ന ശൂ​ന്യ​ത നി​ക​ത്താ​നാ​വു​ന്ന​ത​ല്ല. അ​വ​സാ​ന നി​മി​ഷ​ങ്ങ​ളി​ലും യു​ദ്ധം ഉ​യ​ർ​ത്തു​ന്ന കെ​ടു​തി​ക​ളെ തു​റ​ന്നുകാ​ട്ടാ​നാ​ണ് അ​ദ്ദേ​ഹം ശ്ര​മി​ച്ച​ത്. വെ​ടി​യു​ണ്ട​ക​ളി​ലും ബോം​ബ് വ​ർ​ഷ​ത്തി​ലും നി​ല​വി​ളി​ക്കു​ന്ന ഗാ​സ​യി​ലെ കു​ഞ്ഞു​ങ്ങ​ളെ ഓ​ർ​ത്ത് അ​ദ്ദേ​ഹ​ത്തി​ന്‍റെ മ​ന​സ് വേ​ദ​നി​ച്ചി​രു​ന്നു. ത​ന്‍റെ അ​വ​സാ​ന സ്പ​ന്ദ​ന​ങ്ങ​ളി​ലും, ഒ​രു കാ​ക്ക​ക്കാ​ലി​ന്‍റെ ത​ണ​ൽ പോ​ലും ല​ഭി​ക്കാ​ത്ത ആ​ലം​ബ​ഹീ​ന​ർ​ക്കാ​യി വേ​ദ​നി​ച്ച അ​വ​രി​ൽ ദൈ​വ​ത്തി​ന്‍റെ പ്ര​തി​രൂ​പം ക​ണ്ട മ​ഹാ ഇ​ട​യ​ന്‍റെ ഓ​ർ​മ​ക​ൾ​ക്കു മു​ന്നി​ൽ അ​ശ്രു​പു​ഷ്പ​ങ്ങ​ൾ അ​ർ​പ്പി​ക്കു​ന്നു.