കു​റ​ച്ചു ദി​വ​സം മു​ന്പാ​ണ് ര​ണ്ടു കു​ട്ടി​ക​ളു​ടെ അ​മ്മ​യും ഉ​ദ്യോ​ഗ​സ്ഥ​യു​മാ​യ ബി​ന്ദു​വി​നോ​ട് സം​സാ​രി​ച്ച​ത്. കു​ടും​ബ, ഔ​ദ്യോ​ഗി​ക തി​ര​ക്കു​ക​ളി​ൽ​പ്പെ​ട്ട് വീ​ർ​പ്പു​മു​ട്ടു​ന്ന അ​വ​ർ കു​ട്ടി​ക​ളു​ടെ വേ​ന​ൽ​ക്കാ​ല അ​വ​ധി​യെ​ക്കു​റി​ച്ചു​ള്ള ആ​ധി​യാ​ണു പ​ങ്കു​വ​ച്ച​ത്.

പ​ക​ലി​ന്‍റെ ന​ല്ല ഭാ​ഗ​വും സ്കൂ​ളി​ന്‍റെ സു​ര​ക്ഷി​ത​ത്വ​ത്തി​ലാ​യ കു​ട്ടി​ക​ൾ ര​ണ്ടു മാ​സം 24 മ​ണി​ക്കൂ​റും വീ​ടി​ന്‍റെ നാ​ലു ചു​വ​രു​ക​ൾ​ക്കു​ള്ളി​ലാ​കു​ന്പോ​ഴു​ണ്ടാ​കു​ന്ന ചെ​റു​തും വ​ലു​തു​മാ​യ പ്ര​ശ്ന​ങ്ങ​ൾ, പൊ​ട്ടി​ത്തെ​റി​ക​ൾ, അ​വ​രു​ടെ സു​ര​ക്ഷി​ത​ത്വം, മൊ​ബൈ​ൽ അ​ഡി​ക്‌​ഷ​ൻ, അ​തി​ലു​പ​രി എ​ട്ടാം ക്ലാ​സു​കാ​ര​നാ​യ മ​ക​ന്‍റെ അ​വ​ധി​ക്കാ​ല പ്ലാ​നിം​ഗി​ൽ കൂ​ട്ടു​കാ​രു​മൊ​ത്തു​ള്ള ക​റ​ങ്ങ​ൽ, സി​നി​മ​ക​ൾ, സാ​ഹ​സി​ക വി​നോ​ദ​യാ​ത്ര​ക​ൾ, കൂ​ട്ടു​കാ​രു​ടെ വീ​ട്ടി​ലു​ള്ള രാ​ത്രി​താ​മ​സം ഒ​ക്കെ അ​വ​രു​ടെ ഉ​റ​ക്കം കെ​ടു​ത്തു​ന്നു.

കു​ട്ടി​ക​ളു​ടെ ഇ​ത്ത​ര​ത്തി​ലു​ള്ള ആ​ഗ്ര​ഹ​ങ്ങ​ളും നി​ർ​ബ​ന്ധ​ങ്ങ​ളും മാ​താ​പി​താ​ക്ക​ളി​ലു​ണ്ടാ​ക്കു​ന്ന സ​മ്മ​ർ​ദ​ത്തെ ഇ​പ്പോ​ഴ​ത്തെ സാ​മൂ​ഹി​ക​സാ​ഹ​ച​ര്യ​ങ്ങ​ളി​ൽ നി​സാ​ര​വ​ത്ക​രി​ക്കാ​നാ​വി​ല്ല​ല്ലോ. ചെ​റി​യ കു​ട്ടി​ക​ളി​ൽ​പോ​ലും ക​ണ്ടു​വ​രു​ന്ന ല​ഹ​രി ഉ​പ​യോ​ഗം, ചെ​റി​യ പ്ര​തി​സ​ന്ധി​ക​ൾ​പോ​ലും ത​ര​ണം ചെ​യ്യാ​നു​ള്ള ക​ഴി​വി​ല്ലാ​യ്മ, പൊ​ട്ടി​ത്തെ​റി​ക​ൾ, അ​ക്ര​മ​വാ​സ​ന​ക​ൾ, വീ​ടു​ക​ളി​ൽ​പോ​ലും സു​ര​ക്ഷി​ത​മ​ല്ലാ​ത്ത രീ​തി​യി​ൽ പെ​രു​കു​ന്ന ലൈം​ഗി​കാ​തി​ക്ര​മ​ങ്ങ​ൾ ഇ​വ​യെ​ല്ലാം ഇ​ത്ര നീ​ണ്ട അ​വ​ധി​ക്കാ​ലം വേ​ണ്ടി​യി​രു​ന്നോ എ​ന്ന ചി​ന്ത​യി​ലേ​ക്കു​പോ​ലും മാ​താ​പി​താ​ക്ക​ളെ എ​ത്തി​ക്കു​ന്നു.

ക​ഴി​ഞ്ഞ കാ​ല​ങ്ങ​ളി​ൽ കു​ട്ടി​ക​ൾ അ​നു​ഭ​വി​ച്ചി​രു​ന്ന സ്വാ​ത​ന്ത്ര്യ​വും സ​ന്തോ​ഷ​വും ബ​ന്ധു​വീ​ടു​ക​ളി​ലെ രാ​പാ​ർ​ക്ക​ലും വി​കൃ​തി​യും വി​നോ​ദ​വും ഇ​ന്ന​ത്തെ കു​ട്ടി​ക​ൾ​ക്ക് അ​പ്രാ​പ്യ​മാ​യി​രി​ക്കു​ന്നു. കു​ട്ടി​ക​ൾ​ക്ക് അ​ക്കാ​ദ​മി​ക് വി​ദ​ഗ്ധ​രി​ൽ​നി​ന്നു കി​ട്ടു​ന്ന നീ​ണ്ട അ​വ​ധി​ക്കാ​ല​മാ​ണ് ഏ​റ്റ​വും ന​ല്ല വി​ശ്ര​മ​സ​മ​യം. പ​ഠ​ന​ഭാ​രം മ​റ​ന്നു​ക​ള​യാ​നും ഇ​റ​ക്കി​വ​യ്ക്കാ​നും ഊ​ർ​ജ​സ്വ​ല​ത കൈ​വ​രി​ക്കാ​നു​മു​ള്ള സ​മ​യം. സ്കൂ​ളി​ൽ പാ​ഠ്യ​പ​ദ്ധ​തി​ക്ക് അ​പ്പു​റ​ത്തു​ള്ള താ​ത്പ​ര്യ​ങ്ങ​ളും പ​ദ്ധ​തി​ക​ളും പ​ര്യ​വേ​ക്ഷ​ണം ചെ​യ്യാ​ൻ കി​ട്ടു​ന്ന ഈ ​അ​വ​സ​രം പ​ര​മാ​വ​ധി ഉ​പ​യോ​ഗി​ക്കാ​ൻ കു​ട്ടി​ക​ൾ​ക്ക് അ​വ​സ​രം ന​ല്കാ​ൻ മാ​താ​പി​താ​ക്ക​ൾ ശ്ര​ദ്ധി​ക്ക​ണം. അ​തു​വ​ഴി അ​വ​രു​ടെ ശാ​രീ​രി​ക-​മാ​ന​സി​കാ​രോ​ഗ്യം, ഊ​ർ​ജ​സ്വ​ല​ത, അ​നു​ഭ​വ​ങ്ങ​ൾ എ​ന്നി​വ കൂ​ട്ടു​ക​യും തു​ട​ർ​ന്നു വ​രു​ന്ന വ​ർ​ഷ​ത്തെ കൂ​ടു​ത​ൽ ഉ​ണ​ർ​വോ​ടെ സ്വീ​ക​രി​ക്കാ​ൻ പ്രാ​പ്ത​രാ​ക്കു​ക​യും ചെ​യ്യും.

ഇ​പ്പോ​ൾ, പ്ര​ത്യേ​കി​ച്ച് കോ​വി​ഡി​നു​ശേ​ഷം കു​ട്ടി​ക​ൾ പ​ല​രും പു​റ​ത്തി​റ​ങ്ങാ​ൻ മ​ടി​യു​ള്ള​വ​രാ​ണ്. അ​വ​രു​ടെ ലോ​കം​ത​ന്നെ മൊ​ബൈ​ലി​ലേ​ക്ക് ചു​രു​ങ്ങി. ഇ​ത​വ​രു​ടെ സാ​മൂ​ഹ്യ​ബ​ന്ധ​ങ്ങ​ൾ കു​റ​യ്ക്കു​ന്നു. ആ​ശ​യ​വി​നി​മ​യ​ശേ​ഷി​യെ ബാ​ധി​ക്കു​ന്നു. ശാ​രീ​രി​ക​വും മാ​ന​സി​ക​വു​മാ​യ ആ​രോ​ഗ്യ​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു. വി​വി​ധ പ​ഠ​ന​ങ്ങ​ൾ ഇ​ക്കാ​ര്യ​ങ്ങ​ളെ​ല്ലാം അ​ടി​വ​ര​യി​ട്ടു​റ​പ്പി​ക്കു​ന്നു​മു​ണ്ട്. അ​തു​കൊ​ണ്ടു​ത​ന്നെ സാ​മൂ​ഹ്യ​ബ​ന്ധ​ത്തെ വ​ള​ർ​ത്താ​നു​പ​ക​രി​ക്കു​ന്ന​തും ന​ല്ല സു​ഹൃ​ദ്ബ​ന്ധ​ങ്ങ​ൾ ഉ​ണ്ടാ​ക്കു​ന്ന​തും വ്യ​ക്തി​ത്വ വ​ള​ർ​ച്ച​യ്ക്കു​ത​കു​ന്ന​തു​മാ​യ, വി​നോ​ദ​വും വി​ജ്ഞാ​ന​വും ന​ല്കു​ന്ന പ്ര​വ​ർ​ത്ത​ന​ങ്ങ​ളി​ലേ​ർ​പ്പെ​ടാ​ൻ കു​ട്ടി​ക​ൾ​ക്ക് അ​വ​സ​രം ന​ല്കാ​ൻ മാ​താ​പി​താ​ക്ക​ൾ ശ്ര​ദ്ധി​ക്ക​ണം.

പ​ല​ത​ര​ത്തി​ലു​ള്ള ക്യാ​ന്പു​ക​ളും പ​രി​ശീ​ല​ന ക്ലാ​സും മ​ധ്യ​വേ​ന​ല​വ​ധി​ക്കാ​ല​ത്ത് ന​ട​ക്കാ​റു​ണ്ട്. കു​ട്ടി​ക​ളു​ടെ അ​ഭി​രു​ചി മ​ന​സി​ലാ​ക്കി നൃ​ത്തം, ഡ്രോ​യിം​ഗ്, പെ​യി​ന്‍റിം​ഗ്, ഡി​സൈ​നിം​ഗ്, ഗ്രാ​ഫി​ക്സ് തു​ട​ങ്ങി​യ പ​രി​പാ​ടി​ക​ളി​ലേ​ക്ക് അ​വ​രെ തി​രി​ച്ചു​വി​ടാം. കു​ട്ടി​ക​ളു​ടെ ക​ഴി​വ് വ​ർ​ധി​പ്പി​ക്കാ​നും അ​വ​രു​ടെ വി​ര​സ​ത മാ​റ്റാ​നും സ​മ​യം ഉ​പ​യോ​ഗ​പ്ര​ദ​മാ​യി ചെ​ല​വ​ഴി​ക്കാ​നും ഇ​തു സ​ഹാ​യി​ക്കും. ഔ​ട്ട്ഡോ​ർ ഗെ​യി​മു​ക​ൾ കു​ട്ടി​ക​ളെ ടീം ​ബി​ൽ​ഡിം​ഗ്, മ​റ്റു​ള്ള​വ​രു​മാ​യി ഇ​ട​പെ​ടാ​നു​ള്ള ക​ഴി​വ്, ആ​ശ​യ​വി​നി​മ​യ​ശേ​ഷി, വി​ട്ടു​വീ​ഴ്ച, ന​ല്ല ശാ​രീ​രി​ക​ക്ഷ​മ​ത എ​ന്നി​വ​യ്ക്ക് സ​ഹാ​യി​ക്കു​ന്നു. കു​ട്ടി​ക​ളു​ടെ താ​ത്പ​ര്യ​ത്തി​നും വാ​യ​നാ​നി​ല​വാ​ര​ത്തി​നും അ​നു​സ​രി​ച്ചു​ള്ള പു​സ്ത​ക​ങ്ങ​ൾ ന​ല്കു​ന്ന​ത് അ​വ​രി​ലെ വി​ജ്ഞാ​ന​ദാ​ഹം വ​ർ​ധി​പ്പി​ക്കാ​നും ഭാ​ഷാ​നൈ​പു​ണ്യം വ​ള​ർ​ത്താ​നും ഉ​പ​ക​രി​ക്കും. ക​ഥ, ക​വി​ത എ​ന്നി​വ​യി​ൽ താ​ത്പ​ര്യ​മു​ള്ള കു​ട്ടി​ക​ളെ പ്രോ​ത്സാ​ഹി​പ്പി​ക്കു​ക ​വ​ഴി അ​വ​രു​ടെ സ​ർ​ഗാ​ത്മ​ക​ശേ​ഷി വ​ള​ർ​ത്താ​നാ​കും.


അ​വ​ധി​ക്കാ​ല​മാ​ണെ​ങ്കി​ലും കു​ട്ടി​ക​ൾ​ക്കൊ​പ്പം കു​റ​ച്ചു​സ​മ​യ​മെ​ങ്കി​ലും ക​ളി​ക്കാ​നും അ​വ​രെ കേ​ൾ​ക്കാ​നും മാ​താ​പി​താ​ക്ക​ൾ സ​മ​യം ക​ണ്ടെ​ത്ത​ണം. കു​ടും​ബാം​ഗ​ങ്ങ​ളൊ​ന്നി​ച്ച് ഗു​ണ​നി​ല​വാ​ര​മു​ള്ള സ​മ​യം ചെ​ല​വ​ഴി​ക്കു​ന്പോ​ൾ അ​ത് മാ​താ​പി​താ​ക്ക​ളു​ടെ​യും മാ​ന​സി​ക​സ​മ്മ​ർ​ദം കു​റ​യ്ക്കും. ശാ​രീ​രി​കാ​രോ​ഗ്യം​പോ​ലെ ത​ന്നെ മാ​ന​സി​കാ​രോ​ഗ്യ​വും പ്ര​ധാ​ന​പ്പെ​ട്ട​താ​യ​തി​നാ​ൽ കു​ട്ടി​ക​ളു​ടെ ആ​ശ​ങ്ക​ക​ൾ, ഉ​ത്ക​ണ്ഠ, മാ​ന​സി​ക സ​മ്മ​ർ​ദ​ങ്ങ​ൾ, തെ​റ്റി​ദ്ധാ​ര​ണ​ക​ൾ എ​ന്നി​വ​യെ​ല്ലാം മ​ന​സി​ലാ​ക്കാ​നും അ​വ​ർ​ക്കു മാ​ന​സി​ക പി​ന്തു​ണ ന​ൽ​കാ​നും പ്ര​ശ്ന​പ​രി​ഹാ​ര ത​ന്ത്ര​ങ്ങ​ൾ അ​വ​രെ പ​രി​ശീ​ലി​പ്പി​ക്കാ​നും ഇ​ത്ത​രം ഒ​ത്തു​ചേ​ര​ലു​ക​ളി​ൽ​കൂ​ടി സാ​ധി​ക്കും. കൂ​ടാ​തെ ഇ​തി​നി​ട​യി​ലു​ണ്ടാ​കു​ന്ന സം​സാ​ര​വും പൊ​ട്ടി​ച്ചി​രി​ക​ളും ആ​രോ​ഗ്യ​പ​ര​മാ​യ ക​ളി​യാ​ക്ക​ലു​ക​ളും വി​മ​ർ​ശ​ന​ങ്ങ​ളു​മെ​ല്ലാം അ​വ​രു​ടെ വ്യ​ക്തി​ത്വ, സ്വ​ഭാ​വ​രൂ​പീ​ക​ര​ണ​ത്തി​ന് സ​ഹാ​യ​ക​ര​മാ​വും. ഇ​ന്ന​ത്തെ പ​ല കു​ട്ടി​ക​ളും വി​മ​ർ​ശ​ന​ങ്ങ​ളെ​യും ക​ളി​യാ​ക്ക​ലു​ക​ളെ​യും ഭ​യ​ത്തോ​ടെ കാ​ണു​ന്ന​വ​രും അ​വ​യെ ആ​രോ​ഗ്യ​പ​ര​മാ​യി നേ​രി​ടാ​ൻ ക​ഴി​യാ​ത്ത​വ​രു​മാ​ണ​ല്ലോ.

കു​ടും​ബാം​ഗ​ങ്ങ​ളു​മൊ​ത്തു​ള്ള ഒ​ത്തു​ചേ​ര​ലു​ക​ൾ (താ​ത്പ​ര്യ​ക്കു​റ​വു​കൊ​ണ്ടോ, സ​മ​യ​ക്കു​റ​വു​കൊ​ണ്ടോ) കു​റ​വു​ള്ള കാ​ല​ത്താ​ണ് ഇ​ന്ന​ത്തെ കു​ട്ടി​ക​ൾ ജീ​വി​ക്കു​ന്ന​ത്. കു​ട്ടി​ക​ളു​മൊ​ത്ത് ബ​ന്ധു​വീ​ടു​ക​ളി​ലും മു​ത്ത​ച്ഛ​നെ​യും മു​ത്ത​ശ്ശി​യെ​യു​മൊ​ക്കെ സ​ന്ദ​ർ​ശി​ക്കു​ന്ന​ത് സ്നേ​ഹം പ​ങ്കി​ടാ​നു​ള്ള ന​ല്ല അ​വ​സ​ര​മാ​ണ്. ബ​ന്ധ​ങ്ങ​ളു​ടെ ഊ​ഷ്മ​ള​ത അ​വ​രു​ടെ മ​ന​സി​ൽ ജീ​വി​ത​കാ​ല​ത്തേ​ക്കു​ള്ള നി​ക്ഷേ​പ​മാ​യി മാ​റും. അ​വ​ധി​ക്കാ​ല​ത്ത് മ​ക്ക​ളു​മൊ​ത്ത് യാ​ത്ര​ക​ൾ പോ​കു​ന്ന​തി​ന് മാ​താ​പി​താ​ക്ക​ൾ ത​യാ​റാ​വ​ണം.

കു​ട്ടി​ക​ൾ​ക്ക് പ​ഠ​ന​ഭാ​ര​ത്തി​ൽ​നി​ന്ന് ഒ​ഴി​വ് കി​ട്ടു​ന്ന അ​വ​ധി​ക്കാ​ല​ത്ത് ചി​ല പു​തി​യ കാ​ര്യ​ങ്ങ​ൾ പ​ഠി​ക്കാ​നും ശീ​ലി​ക്കാ​നു​മു​ള്ള വ​ഴി​യാ​യി അ​തി​നെ മാ​റ്റി​യെ​ടു​ക്കാം. വീ​ട് വൃ​ത്തി​യാ​ക്കു​ക, സാ​ധ​ന​ങ്ങ​ൾ അ​ടു​ക്കി​വ​യ്ക്കു​ക, പൂ​ന്തോ​ട്ട പ​രി​പാ​ല​നം, പാ​ച​കം തു​ട​ങ്ങി​യ പ്ര​വൃ​ത്തി​ക​ളി​ൽ കു​ട്ടി​ക​ളെ​ക്കൂ​ടി ഭാ​ഗ​മാ​ക്കു​ക തു​ട​ങ്ങി​യ ചെ​റി​യ ഉ​ത്ത​ര​വാ​ദി​ത്വ​ങ്ങ​ൾ ഏ​ല്പി​ക്കു​ന്ന​തി​ലൂ​ടെ അ​വ​രു​ടെ ക​ഴി​വു​ക​ൾ വി​ക​സി​പ്പി​ക്കാ​നും ആ​ത്മ​വി​ശ്വാ​സം വ​ർ​ധി​പ്പി​ക്കാ​നും സ​ഹാ​യി​ക്കും.

അ​വ​ധി​ക്കാ​ലം പൊ​തു​വേ ദി​ന​ച​ര്യ​ക​ൾ മാ​റു​ന്ന സ​മ​യ​മാ​ണ്. വീ​ട്ടി​ലെ നി​യ​മ​ങ്ങ​ൾ ല​ഘൂ​ക​രി​ക്ക​പ്പെ​ടു​ന്ന സ​മ​യ​വും. ജം​ഗ് ഫു​ഡി​ന്‍റെ അ​മി​ത ഉ​പ​യോ​ഗം, ഏ​റെ വൈ​കി​യു​ള്ള ഉ​റ​ക്കം, താ​മ​സി​ച്ചു​ള്ള ഉ​ണ​ര​ൽ, സാ​മൂ​ഹ്യ​മാ​ധ്യ​മ​ങ്ങ​ളു​ടെ അ​മി​ത ഉ​പ​യോ​ഗം, വ്യാ​യാ​മ​ക്കു​റ​വ് ഒ​ക്കെ പ്ര​ശ്ന​മാ​യി മാ​റും. അ​തു​കൊ​ണ്ടു​ത​ന്നെ ഈ ​കാ​ര്യ​ങ്ങ​ളൊ​ക്കെ കു​ട്ടി​ക​ളെ​ക്കൂ​ടി ഉ​ൾ​പ്പെ​ടു​ത്തി ച​ർ​ച്ച​ചെ​യ്ത് തീ​രു​മാ​നി​ക്കു​ക​യും അ​വ ന​ട​പ്പാ​ക്കു​ന്നു​ണ്ടെ​ന്ന് ഉ​റ​പ്പാ​ക്കു​ക​യും ചെ​യ്യ​ണം.

സ​മ​യ​വും സൗ​ക​ര്യ​വും ഏ​റെ ല​ഭി​ക്കു​ന്ന അ​വ​ധി​ക്കാ​ല​ത്ത് കു​ട്ടി​ക​ളു​ടെ സ്വ​ഭാ​വ പെ​രു​മാ​റ്റ​ങ്ങ​ളെ​യും സു​ഹൃ​ദ്ബ​ന്ധ​ങ്ങ​ളെ​യും മാ​താ​പി​താ​ക്ക​ൾ ജാ​ഗ്ര​ത​യോ​ടെ ശ്ര​ദ്ധി​ക്ക​ണം. സാ​ഹ​സി​ക​ത ഇ​ഷ്‌​ട​പ്പെ​ടു​ന്ന കു​ട്ടി​ക​ൾ പ​ല​ത​ര​ത്തി​ലു​ള്ള അ​പ​ക​ട​ങ്ങ​ളി​ൽ​പ്പെ​ട്ടു​പോ​കാം.അ​വ​ധി​ക്കാ​ലം കു​ട്ടി​ക​ൾ​ക്ക് അ​വ​രു​ടെ മ​ന​സി​നെ​യും ശ​രീ​ര​ത്തെ​യും പു​ന​രു​ജ്ജീ​വി​പ്പി​ക്കാ​നും സ​മ്മ​ർ​ദം കു​റ​യ്ക്കാ​നും വ​രാ​നി​രി​ക്കു​ന്ന അ​ധ്യ​യ​ന​വ​ർ​ഷ​ത്തി​നാ​യി പു​തി​യ ഊ​ർ​ജ​വും ഉ​ത്സാ​ഹ​വും ഉ​പ​യോ​ഗി​ച്ച് ത​യാ​റെ​ടു​ക്കാ​നും സ​ഹാ​യി​ക്കും. ന​ല്ലൊ​രു വേ​ന​ൽ​ക്കാ​ലാ​വ​ധി ഓ​ർ​മ അ​വ​രു​ടെ ജീ​വി​ത​ത്തി​ലു​ട​നീ​ളം നി​ല​നി​ൽ​ക്കാ​ൻ ത​ക്ക​വി​ധ​മാ​ക്കാ​ൻ മാ​താ​പി​താ​ക്ക​ൾ​ക്ക് ക​ഴി​യ​ട്ടെ.

(30 ​വ​ർ​ഷ​മാ​യി കൗ​ൺ​സ​ലിം​ഗ് രം​ഗ​ത്തു പ്ര​വ​ർ​ത്തി​ക്കു​ന്ന​യാ​ളാ​ണു ലേ​ഖി​ക)