ഇ​ന്ത്യ ലോ​ക​ത്തെ ഏ​റ്റ​വും വ​ലി​യ ജ​നാ​ധി​പ​ത്യ സ​മൂ​ഹ​മാ​ണെ​ന്ന് അ​വ​കാ​ശ​പ്പെ​ടാ​റു​ണ്ട്. എ​ന്നാ​ൽ സ​ത്യം അത്ര നി​റ​പ്പ​കി​ട്ടു​ള്ള​ത​ല്ല. ഇ​ല​ക്‌​ട്രോ​ണി​ക് വോ​ട്ടിം​ഗ് യ​ന്ത്ര​ത്തി​ന്‍റെ അ​പ​ര്യാ​പ്ത​ത​ക​ളും അ​പ​ക​ട​ങ്ങ​ളും മാ​റ്റി​വ​ച്ചാ​ൽ​ത്ത​ന്നെ, നി​ര​വ​ധി​യു​ണ്ട് പ്ര​ശ്ന​ങ്ങ​ൾ.

ഇ​ന്ത്യ​യു​ടെ ചീ​ഫ് ഇ​ല​ക്‌​ഷ​ൻ ക​മ്മീ​ഷ​ണ​ർ എ​ന്ന പേ​ര് കേ​ൾ​ക്കു​മ്പോ​ൾ എ​ക്കാ​ല​വും ന​മ്മു​ടെ ഓ​ർ​മ​യി​ൽ തെ​ളി​യു​ന്ന ചി​ത്രം മ​ല​യാ​ളി​യാ​യ ടി.​എ​ൻ. ശേ​ഷ​ന്‍റേ​താ​ണ്. ഏ​തൊ​രു സ്വാ​ധീ​ന​ശ​ക്തി​ക്കു മു​മ്പി​ലും വ​ള​യാ​ത്ത ന​ട്ടെ​ല്ലു​മാ​യി ആ ​ഉ​ഗ്ര​ശാ​സ​ന​ൻ ഇ​ന്ത്യ​ൻ തെ​ര​ഞ്ഞെ​ടു​പ്പ് ന​ട​ത്തി​പ്പി​ൽ സു​താ​ര്യ​ത​യും വി​ശ്വ​സ​നീ​യ​ത​യും കൊ​ണ്ടു​വ​ന്നു. അ​തി​ന്‍റെ പേ​രി​ൽ മ​ഗ്സ​സെ അ​വാ​ർ​ഡു നേ​ടി​യ അ​ദ്ദേ​ഹം പ​ക്ഷേ അ​വ​സാ​നം ഒ​രു കു​മ്പ​സാ​രം ന​ട​ത്തി. “ഇ​ന്ത്യ​യു​ടെ ജ​നാ​ധി​പ​ത്യ​പ്ര​ക്രി​യ​യു​ടെ ര​ണ്ട് കോ​ട്ട​ങ്ങ​ളാ​ണ് എ​നി​ക്ക് നേ​രി​ടാ​ൻ ഉ​ണ്ടാ​യി​രു​ന്ന​ത്. ഒ​ന്ന് കാ​യി​ക​മാ​യ ഗു​ണ്ടാ​പ്ര​വ​ർ​ത്ത​നം. പി​ന്നെ സാ​മ്പ​ത്തി​ക ദുഃ​സ്വാ​ധീ​നം. ഇ​തി​ലാ​ദ്യ​ത്തേ​ത് പ്ര​ക​ട​മാ​ണ്. നി​ശ്ച​യ​ദാ​ർ​ഢ്യ​മു​ള്ള ഭ​ര​ണ​ഘ​ട​നാ സ്ഥാ​പ​ന​ത്തി​ന് നി​യ​ന്ത്രി​ക്കാ​ൻ ക​ഴി​യും. ഞാ​ൻ അ​ത് നി​യ​ന്ത്രി​ച്ചു. എ​ന്നാ​ൽ, ര​ണ്ടാ​മ​ത്തേ​ത് നി​യ​ന്ത്ര​ണ​ത്തി​ലാ​ക്കാ​ൻ ക​ഴി​ഞ്ഞി​ട്ടി​ല്ല. ഇ​ന്ന​ത്തെ നി​യ​മം​വ​ച്ച് ക​ഴി​യു​മെ​ന്ന് തോ​ന്നു​ന്നു​മി​ല്ല.”

തെ​ര​ഞ്ഞെ​ടു​പ്പു​ക​ളി​ൽ സ്ഥാ​നാ​ർ​ഥി​ക്ക് ഫ​ണ്ട് വി​നി​യോ​ഗ​ത്തി​ന് പ​രി​ധി​യു​ണ്ട്. പ​ക്ഷേ, അ​ത് ഏ​ട്ടി​ലെ പ​ശു​വാ​ണ്. സൂ​ക്ഷ്മ​പ​രി​ശോ​ധ​ന​യ്ക്കും നി​യ​ന്ത്ര​ണ​ത്തി​നും കു​റ്റ​മ​റ്റ സം​വി​ധാ​ന​ങ്ങ​ളി​ല്ല. ക​ണ​ക്ക് കൊ​ടു​ക്കു​ക എ​ന്ന​തി​ൽ മാ​ത്ര​മാ​യി, ഒ​രു ച​ട​ങ്ങു​പോ​ലെ നി​യ​ന്ത്ര​ണ​ങ്ങ​ൾ ഒ​തു​ങ്ങു​ന്നു. എ​ന്നാ​ൽ, രാ​ഷ്‌​ട്രീ​യ പാ​ർ​ട്ടി​ക​ളു​ടെ ചെ​ല​വ​ഴി​ക്ക​ലി​ൽ ആ​രും പ​രി​ധി നി​ശ്ച​യി​ച്ചി​ട്ടി​ല്ല. ഭ​രി​ക്കു​ന്ന പാ​ർ​ട്ടി​ക്ക് ഇ​ല​ക്‌​ട​റ​ൽ ബോ​ണ്ട് പോ​ലെ നി​യ​മ​വി​രു​ദ്ധ​മെ​ന്ന് സു​പ്രീം​കോ​ട​തി​ത​ന്നെ വി​ധി​ച്ച സ​ഹ​സ്ര​കോ​ടി​ക​ൾ സ​മാ​ഹ​രി​ക്കാ​നാ​കും. അ​ത് നി​യ​മ​പ്ര​കാ​ര​മ​ല്ല എ​ന്നു പ​റ​ഞ്ഞ കോ​ട​തി​പോ​ലും സ​മാ​ഹ​രി​ച്ച​തി​നെ​ക്കു​റി​ച്ച് ഒ​ന്നും പ​റ​യാ​തെ വി​ട്ടു.

പ​ണ​സ്വാ​ധീ​ന​വും ഇ​ന്ത്യ​ൻ​ദാ​രി​ദ്ര്യ​വും

ലോ​ക​ബാ​ങ്കി​ന്‍റെ പ​ഠ​നം പ​റ​യു​ന്ന​ത് പ്ര​തി​ദി​നം 200 രൂ​പ​യെ​ങ്കി​ലും ചെ​ല​വ​ഴി​ക്കാ​ൻ ക​ഴി​യാ​ത്ത ഓ​രോ വ്യ​ക്തി​യും ദാ​രി​ദ്ര്യ​രേ​ഖ​യ്ക്ക് താ​ഴെ​യാ​ണെ​ന്നാ​ണ്. ഇ​തി​ൻ​പ്ര​കാ​രം ലോ​ക​രാ​ജ്യ​ങ്ങ​ളു​ടെ ഇ​ട​യി​ൽ ഏ​റ്റ​വും അ​ധി​കം ദ​രി​ദ്ര​നാ​രാ​യ​ണ​ന്മാ​രു​ള്ള രാ​ജ്യ​മാ​ണ് ഇ​ന്ത്യ. പ്ര​ത്യേ​കി​ച്ച് ഉ​ത്ത​രേ​ന്ത്യ​യി​ലെ ബി​ഹാ​ർ, ജാ​ർ​ഖ​ണ്ഡ്, ഒ​ഡി​ഷ മു​ത​ലാ​യ സം​സ്ഥാ​ന​ങ്ങ​ൾ. ഭ​ര​ണ​വ​ർ​ഗ​വും അ​വ​രി​ൽ​നി​ന്ന് ആ​നു​കൂ​ല്യ​ങ്ങ​ൾ പി​ടി​ച്ചു​പ​റ്റാ​ൻ ക​ഴി​വു​ള്ള വ്യ​വ​സാ​യ കോ​ർ​പ​റേ​റ്റ് ഭീ​മ​ന്മാ​രും പ​ര​സ്പ​രം കൊ​ടു​ക്ക​ൽ വാ​ങ്ങ​ലി​ലൂ​ടെ ക​ന​ത്ത സാ​മ്പ​ത്തി​ക​സം​ഭാ​വ​ന​ക​ൾ കൈ​മാ​റു​ന്നു. വ്യ​ക്തി​ഗ​ത ആ​ദാ​യ​നി​കു​തി​യേ​ക്കാ​ൾ വ്യ​വ​സാ​യി​ക​ളു​ടെ ആ​ദാ​യ​നി​കു​തി പ​കു​തി​ക​ണ്ട് കു​റ​ച്ചു​കൊ​ടു​ത്ത​തി​ലൂ​ടെ ഈ ​പ​ര​സ്പ​ര​ധാ​ര​ണ വ്യ​ക്ത​വു​മാ​ണ്.

ഭീ​തി​യോ പ്രീ​തി​യോ കൂ​ടാ​തെ എ​ല്ലാ ഭ​ര​ണ​തീ​രു​മാ​ന​ങ്ങ​ളും ജ​ന​ക്ഷേ​മം മു​ൻ​നി​ർ​ത്തി എ​ടു​ത്തു​കൊ​ള്ളാ​മെ​ന്നു ഭ​ര​ണ​ഘ​ട​ന​യെ​ തൊ​ട്ട് സ​ത്യ​പ്ര​തി​ജ്ഞ ചെ​യ്യു​ന്ന​വ​ർ 140 കോ​ടി​യി​ലേ​റെ ആ​ളു​ക​ളോ​ടും നു​ണ പ​റ​ഞ്ഞു​കൊ​ണ്ട് ഭ​ര​ണ​നി​ർ​വ​ഹ​ണ​ത്തി​ന്‍റെ ഉ​ദ്ഘാ​ട​നം നി​ർ​വ​ഹി​ക്കു​ന്നു. ഓ​രോ രാ​ഷ്‌​ട്രീ​യ പാ​ർ​ട്ടി​ക്കും ചെ​ല​വ​ഴി​ക്കാ​ൻ ക​ഴി​യു​ന്ന തു​ക​യ്ക്ക് നി​യ​മ​പ്ര​കാ​രം ഒ​രു പ​രി​ധി​യും ഇ​ന്നു​വ​രെ നി​ശ്ച​യി​ച്ചി​ട്ടി​ല്ല. സാ​മ്പ​ത്തി​ക ന​യ​ങ്ങ​ളു​ടെ മ​റ​വി​ൽ വ​മ്പ​ൻ കോ​ർ​പ​റേ​റ്റു​ക​ളും വ്യ​വ​സാ​യ ലോ​ക​വും ജ​നാ​ധി​പ​ത്യ​ത്തെ വെ​റും പ​ണാ​ധി​പ​ത്യ​മാ​ക്കി മാറ്റു​മ്പോ​ൾ ജ​ന​പ്ര​തി​നി​ധി​കൾ അ​വ​രു​ടെ കൈ​ക​ളി​ലെ ഉ​ത്പന്ന​വും ഉ​പ​ഭോ​ഗ​വ​സ്തു​വു​മാ​യി മാ​റു​ന്നു.

ചി​ല ഉ​ൾ​ഗ്രാ​മ​ങ്ങ​ളി​ലെ വോ​ട്ട്‌ മൊ​ത്ത​ക്ക​ച്ച​വ​ടം ചെ​യ്തു​റ​പ്പി​ക്കു​ന്ന ഇ​ട​നി​ല​ക്കാ​ർ അ​വി​ട​ങ്ങ​ളി​ൽ വി​ര​ള​മ​ല്ല. ക​ണ്ണ​ഞ്ചി​പ്പി​ക്കു​ന്ന നോ​ട്ടു​കെ​ട്ടു​ക​ൾ തെ​ര​ഞ്ഞെ​ടു​പ്പി​ന് മു​മ്പും വാ​ക്കു​പാ​ലി​ച്ചാ​ൽ അ​തി​നു​ശേ​ഷ​വും അ​വ​ർ വി​ത​ര​ണം ചെ​യ്യു​ന്നു. അ​തി​നൊ​ക്കെ മു​മ്പാ​യി ആ​യി​ര​ക്ക​ണ​ക്കി​ന് സ​മ്മ​തി​ദാ​യ​ക​രെ ആ​റു​മാ​സ​ത്തി​നു​ള്ളി​ൽ വോ​ട്ടേ​ഴ്സ് ലി​സ്റ്റി​ൽ ചേ​ർ​ക്കു​ന്നു. ഇ​വ​രു​ടെ സം​ഖ്യ അ​ഞ്ചു​വ​ർ​ഷ​ത്തി​ൽ ചേ​ർ​ത്തി​ട്ടു​ള്ള​തി​നേ​ക്കാ​ൾ അ​ധി​ക​മാ​ണെ​ന്നു പ​രാ​തി ഉ​യ​രു​മ്പോ​ഴും തെ​ര​ഞ്ഞെ​ടു​പ്പ് ക​മ്മീ​ഷ​ൻ പ്ര​തി​ക​രി​ക്കു​ന്നി​ല്ല.

ഒ​രു പാ​ർ​ട്ടി പ്ര​വ​ർ​ത്ത​ക​ൻ ത​ന്നെ അ​പേ​ക്ഷ സ​മ​ർ​പ്പി​ച്ച് ഒ​രു സ​മു​ദാ​യ​ത്തി​ലെ 18,000 സ​മ്മ​തി​ദാ​യ​ക​രു​ടെ പേ​രു​ക​ൾ​വ​രെ ഒ​രു നി​യോ​ജ​ക മ​ണ്ഡ​ല​ത്തി​ൽ​നി​ന്ന് നീ​ക്കം​ചെ​യ്ത​താ​യി അ​ടു​ത്ത​കാ​ല​ത്ത് ഡ​ൽ​ഹി​യി​ൽ​നി​ന്ന് പ​രാ​തി ഉ​യ​ർ​ന്നി​രു​ന്നു. മു​ൻ ​കേ​ന്ദ്ര മാ​ന​വ വി​ഭ​വ വി​ക​സ​ന മ​ന്ത്രി ക​പി​ൽ സി​ബ​ൽ രേ​ഖാ​മൂ​ലം ഉ​ന്ന​യി​ച്ച ഒ​രു പ​രാ​തി​യി​ൽ ഉ​ത്ത​ർ​പ്ര​ദേ​ശി​ലെ മി​ക്കി​പ്പൂ​ർ ഉ​പ​തെ​ര​ഞ്ഞെ​ടു​പ്പി​ൽ ആ​ൾ​മാ​റാ​ട്ട​ത്തി​ന്‍റെ​യും ബൂ​ത്ത് പി​ടിത്ത​ത്തി​ന്‍റെ​യും ഭീ​ഷ​ണി​യു​ടെ​യും അ​ഞ്ഞൂ​റി​ലേ​റെ പ​രാ​തി​ക​ൾ കൊ​ടു​ത്തി​ട്ട് ഒ​രു മ​റു​പ​ടി​യും നാ​ളി​തു​വ​രെ കി​ട്ടി​യി​ട്ടി​ല്ല എ​ന്ന​ദ്ദേ​ഹം പ​രി​ത​പി​ക്കു​ന്നു.


തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ൽ അ​ന്യ​മ​ത വി​ദ്വേ​ഷ​ത്തി​ന്‍റെ​യും വ​ർ​ഗീ​യ​ത​യു​ടെ​യും പ​രാ​മ​ർ​ശ​ങ്ങ​ൾ ന​ട​ത്തി അ​ണി​ക​ളി​ൽ വി​കാ​രാ​വേ​ശം ജ്വ​ലി​പ്പി​ക്കു​ന്ന ഭ​ര​ണ​ക​ക്ഷി​യു​ടെ ഉ​ന്ന​ത​നേ​താ​ക്ക​ൾ​ക്ക് ഒ​രു താ​ക്കീ​ത് ന​ൽ​കാ​ൻ​പോ​ലും തെ​ര​ഞ്ഞെ‌​ടു​പ്പ് ക​മ്മീ​ഷ​ൻ തു​നി​യു​ന്നി​ല്ല. മാ​ത്ര​മ​ല്ല തെ​ര​ഞ്ഞെ​ടു​പ്പു സം​ബ​ന്ധ​മാ​യ രേ​ഖ​ക​ൾ പ​രി​ശോ​ധി​ച്ച​റി​യാ​ൻ വേ​ണ്ടി​യു​ള്ള പൗ​രാ​വ​കാ​ശം 2024 ഡി​സം​ബ​ർ 20ലെ ​ഉ​ത്ത​ര​വു​പ്ര​കാ​രം ത​ട​യ​പ്പെ​ട്ടി​രി​ക്കു​ക​യാ​ണ്. തെ​ര​ഞ്ഞെ​ടു​പ്പു പ്ര​ക്രി​യ​യു​ടെ വീ​ഡി​യോ ഫു​ട്ടേ​ജു​ക​ൾ ഇ​നി​മു​ത​ൽ ര​ഹ​സ്യ​രേ​ഖ ആ​യി​രി​ക്കും.

തെ​ര​ഞ്ഞെ‌​ടു​പ്പ് ക​മ്മീ​ഷ​ന്‍റെ നി​യ​മ​നം

ഉ​ദ്യോ​ഗ​സ്ഥ​രി​ൽ​നി​ന്ന് തെ​ര​ഞ്ഞെ‌​ടു​പ്പ് ക​മ്മീ​ഷ​ൻ അം​ഗ​ങ്ങ​ളെ നി​യ​മി​ക്കു​ന്ന​തു ഭ​ര​ണ വ​ർ​ഗ താ​ത്പ​ര്യ​സം​ര​ക്ഷ​ണം സാ​ധ്യ​മാ​ക്കു​ന്നു എ​ന്ന ആ​രോ​പ​ണം ഉ​ള്ള​പ്പോ​ൾ​ത്ത​ന്നെ സു​പ്രീം​കോ​ട​തി ചീ​ഫ് ജ​സ്റ്റീ​സി​നെ തെ​ര​ഞ്ഞെ​ടു​പ്പു പാ​ന​ലി​ൽ​നി​ന്ന് ഒ​ഴി​വാ​ക്കി​യ​ത് ഒ​രി​ക്ക​ലും നീ​തീ​ക​രി​ക്കാ​വു​ന്ന​ത​ല്ല. ഭ​ര​ണ​ഘ​ട​ന​യു​ടെ 324 വ​കു​പ്പ് പ്ര​കാ​ര​മാ​ണ് തെ​ര​ഞ്ഞെ‌​ടു​പ്പ് ക​മ്മീ​ഷ​ന്‍റെ നി​യ​മ​നം വ്യ​വ​സ്ഥ​പ്പെ​ടു​ത്തി​യി​രി​ക്കു​ന്ന​ത്. അ​തി​ൻ​പ്ര​കാ​രം ഭ​ര​ണ​കൂ​ട​ത്തി​ന്‍റെ സ്വാ​ധീ​ന​ങ്ങ​ളി​ൽ​നി​ന്ന് തെ​ര​ഞ്ഞെ‌​ടു​പ്പ് ക​മ്മീ​ഷ​നെ സ്വ​ത​ന്ത്ര​മാ​ക്ക​ണ​മെ​ന്നും സു​താ​ര്യ​മാ​യ തെ​ര​ഞ്ഞെ​ടു​പ്പു ന​ട​ക്ക​ണ​മെ​ന്നും ജ​ന​ങ്ങ​ളു​ടെ ജ​നാ​ധി​പ​ത്യ​ത്തി​ലു​ള്ള വി​ശ്വാ​സം നി​ല​നി​ർ​ത്തു​ന്ന​തി​ന് ഇ​ത് അ​നു​പേ​ക്ഷ​ണീ​യ​മാ​ണെ​ന്നും പ​റ​ഞ്ഞി​രി​ക്കു​ന്നു.

സു​പ്രീം​കോ​ട​തി​യു​ടെ അ​ഞ്ച് പേ​ര​ട​ങ്ങി​യ ഡി​വി​ഷ​ൻ ബെ​ഞ്ച് വി​ധി​ച്ച​ത് ഇ​ന്ത്യ​ൻ ചീ​ഫ് ജ​സ്റ്റീ​സും പ്ര​ധാ​ന​മ​ന്ത്രി​യും പ്ര​തി​പ​ക്ഷ നേ​താ​വും അ​ട​ങ്ങി​യ മൂ​ന്നം​ഗ​സം​ഘ​മാ​ക​ണം തെ​ര​ഞ്ഞെ​ടു​പ്പ് ക​മ്മീ​ഷ​നെ നി​യോ​ഗി​ച്ചു​കൊ​ണ്ട് പ്ര​സി​ഡ​ന്‍റി​നു ക​ത്തു​കൊ​ടു​ക്കാ​ൻ എ​ന്നാ​ണ്. എ​ന്നാ​ൽ, ഈ ​വി​ധി​യെ കാ​റ്റി​ൽ​പ​റ​ത്തി​ക്കൊ​ണ്ട് 2023ൽ ​പാ​ർ​ല​മെ​ന്‍റി​ലെ മൃ​ഗീ​യ ഭൂ​രി​പ​ക്ഷം ഉ​പ​യോ​ഗി​ച്ച് ഒ​രു നി​യ​മം പാ​സാ​ക്കി​യ​തി​ലൂ​ടെ ഇ​ന്ത്യ​ൻ ചീ​ഫ് ജ​സ്റ്റീ​സ് പ്ര​സ്തു​ത പാ​ന​ലി​ൽ​നി​ന്ന് ഒ​ഴി​വാ​ക്ക​പ്പെ​ട്ടി​രി​ക്കു​ന്നു.

ആ​ഭ്യ​ന്ത​ര​മ​ന്ത്രി​യെ അ​തി​ൽ നി​യോ​ഗി​ക്കു​ക​യും ചെ​യ്തി​രി​ക്കു​ന്നു. ഭ​ര​ണ​കൂ​ട താ​ത്പ​ര്യ​ങ്ങ​ളെ ന​ഗ്ന​മാ​യി താ​ലോ​ലി​ക്കു​ന്ന​തി​നാ​ണ് ഈ ​ന​ട​പ​ടി​യെ​ന്ന​ത് പ​ക​ൽ​പോ​ലെ വ്യ​ക്ത​മാ​ണ്. ഇ​തി​നെ​തി​രേ സു​പ്രീം​കോ​ട​തി​യി​ൽ അ​പ്പീൽ കൊ​ടു​ത്തു​വെ​ങ്കി​ലും 2023ലെ ​നി​യ​മം സ്റ്റേ ​ചെ​യ്യാ​ൻ കോ​ട​തി മ​ടി​കാ​ണി​ക്കു​ക​യാ​യി​രു​ന്നു. തെ​ര​ഞ്ഞെ‌​ടു​പ്പ് അ​ടു​ത്തി​രി​ക്കു​ന്നു എ​ന്ന​താ​ണ് കാ​ര​ണ​മാ​യി പ​റ​ഞ്ഞ​ത്. ഇ​ട​ക്കാ​ല ഉ​ത്ത​ര​വ് പു​റ​പ്പെടു​വി​ക്കു​ക​യോ താ​ത്ക്കാ​ലി​ക സ്റ്റേ ​അ​നു​വ​ദി​ക്കു​ക​യോ ചെ​യ്തി​ല്ല.

ഈ ​സാ​ഹ​ച​ര്യ​ത്തി​ലാ​ണ് 2024ലെ ​പാ​ർ​ല​മെ​ന്‍റ് തെ​ര​ഞ്ഞെ​ടു​പ്പു ന​ട​ന്ന​ത്. ഇ​തി​ന്‍റെ വി​ധി​തീ​ർ​പ്പ് സു​പ്രീം​കോ​ട​തി​യി​ൽ ഇ​ന്നും പ​രി​ഗ​ണ​ന​യി​ൽ ഇ​രി​ക്കു​ക​യാ​ണ്. “നി​യ​മ​ലം​ഘ​ന​ങ്ങ​ൾ ന​ട​ത്തു​ന്ന​വ​ർ നി​യ​മം നി​ർ​മി​ക്കു​ന്ന​വ​രാ​ക​രു​ത്” എ​ന്ന മു​ദ്രാ​വാ​ക്യ​മു​യ​ർ​ത്തി​യ​ത് തെ​ര​ഞ്ഞെ‌​ടു​പ്പ് ക​മ്മീ​ഷ​നാ​ണ്. പ​ക്ഷേ, 2024ലെ ​തെ​ര​ഞ്ഞെ​ടു​പ്പി​ൽ ലോ​ക്സ​ഭ​യി​ലെ 543 പേ​രി​ൽ 251 പേ​ർ​ക്കെ​തി​രേ​യും ക്രി​മി​ന​ൽ കേ​സു​ക​ൾ നി​ല​നി​ൽ​ക്കു​ന്നു എ​ന്ന് കാ​ണാം.

170 പേ​ർ​ക്കെ​തി​രേ​യു​ള്ള ക്രി​മി​ന​ൽ കേ​സു​ക​ൾ ബ​ലാ​ത്സം​ഗം, ത​ട്ടി​ക്കൊ​ണ്ടു​പോ​ക​ൽ, കൊ​ല​പാ​ത​കം, കൊ​ല​പാ​ത​ക​ശ്ര​മം എ​ന്നി​വ​യാ​ണു​താ​നും. ക്രി​മി​ന​ൽ കേ​സു​ക​ളി​ൽ പ്ര​തി​സ്ഥാ​ന​ത്തു​ള്ള​വ​രു​ടെ സ്ഥാ​നാ​ർ​ഥി​ത്വം ഒ​ഴി​വാ​ക്കാ​ൻ നി​യ​മം കൊ​ണ്ടു​വ​ര​ണ​മെ​ന്ന് സു​പ്രീം​കോ​ട​തി പ​ല​വ​ട്ടം സ​ർ​ക്കാ​രു​ക​ളോ​ട് ഓ​ർ​മ​പ്പെ​ടു​ത്തി​യി​ട്ടും ഭ​ര​ണ​ക്കാ​ർ ഗൗ​നി​ക്കു​ന്നി​ല്ല. ഭ​ര​ണ​ഘ​ട​ന​പ്ര​കാ​രം, എ​ല്ലാ അ​ധി​കാ​ര​വും ജ​ന​ങ്ങ​ൾ​ക്കാ​ണെ​ങ്കി​ലും ജ​ന​പ്രാ​തി​നി​ധ്യം പാ​ളം​തെ​റ്റു​മ്പോ​ൾ ജ​നാ​ധി​പ​ത്യം ഭീ​ഷ​ണി നേ​രി​ടു​ന്നു.