ലോ​ക​ത്തി​ന്‍റെ നി​ല​നി​ൽ​പ്പി​നു പ​ര​മാ​ധി​കാ​ര രാ​ഷ്‌​ട്ര​ങ്ങ​ൾ​ക്കൊ​പ്പ​മോ അ​തി​ൽ കൂ​ടു​ത​ലോ പ്ര​തി​ബ​ദ്ധ​ത​യും ഉ​ത്ത​ര​വാ​ദി​ത്വ​വു​മു​ള്ള സ്ഥാ​പ​ന​ങ്ങ​ളാ​ണ് കോ​ർ​പ​റേ​റ്റു​ക​ൾ എ​ന്നു നാം ​മ​ന​സി​ലാ​ക്ക​ണം. ചി​ല​പ്പോ​ഴെ​ങ്കി​ലും അ​മി​ത ലാ​ഭാ​ർ​ത്തി​യി​ലും അ​തി​നു​വേ​ണ്ടി​യു​ള്ള അ​ധാ​ർ​മി​ക മ​ത്സ​ര​ങ്ങ​ളി​ലും​ പെ​ട്ട് പ​ല ക​മ്പ​നി​ക​ളും ഈ ​ഉ​ത്ത​ര​വാ​ദി​ത്വ​ത്തി​ൽ​നി​ന്ന് അ​ക​ന്നു​പോ​കു​ന്നു​ണ്ട്.

"ഗ്രീ​ൻ വാ​ഷിം​ഗ്' എ​ന്നു പ​റ​യു​ന്ന തെ​റ്റാ​യ പ്ര​വ​ണ​ത പ​ല ക​മ്പ​നി​ക​ളും അ​നു​വ​ർ​ത്തി​ക്കു​ന്ന​താ​യി ബി​സി​ന​സ് വി​ദ​ഗ്ധ​ർ ക​ണ്ടെ​ത്തി​യി​ട്ടു​ണ്ട്. പാ​രി​സ്ഥി​തി​ക​വും സാ​മൂ​ഹി​ക​വു​മാ​യ നി​യ​മ​ങ്ങ​ളും നി​ബ​ന്ധ​ന​ക​ളും പാ​ലി​ക്കു​ന്നു​ണ്ടെ​ന്നു വ​രു​ത്തി​ത്തീ​ർ​ത്ത് ലോ​ക​ത്തി​നു​ മു​ന്നി​ൽ "ന​ല്ലപി​ള്ള' ച​മ​യു​ന്ന​താ​ണ് ഗ്രീ​ൻ വാ​ഷിം​ഗ്. ല​ക്ഷ്യം അ​മി​ത​ലാ​ഭം ത​ന്നെ. ഒ​രു ക​മ്പ​നി​യു​ടെ ആ​യു​സ് നി​ർ​ണ​യി​ക്കു​ന്ന​ത് സ്റ്റോ​ക്ക്‌​ വി​പ​ണി​യി​ലെ ദൈ​നം​ദി​ന ചാ​ഞ്ചാ​ട്ട​ങ്ങ​ൾ മാ​ത്ര​മ​ല്ല, മ​റി​ച്ച് ദീ​ർ​ഘ​കാ​ല വി​പ​ണി​യി​ലെ പ്ര​വ​ണ​ത​ക​ളും​കൂ​ടി ചേ​ർ​ന്നാ​ണ്. ദീ​ർ​ഘ​കാ​ല വി​പ​ണി​യെ​ന്നു പ​റ​യു​ന്ന​ത് പ്ര​കൃ​തി​യും സ​മൂ​ഹ​വും​കൂ​ടി ചേ​ർ​ന്ന​താ​ണ്.

സു​സ്ഥി​ര ബി​സി​ന​സ് മാ​തൃ​ക​ക​ൾ

യു​എ​ൻ സു​സ്ഥി​ര വി​ക​സ​ന മാ​തൃ​ക​യു​ടെ പ​ന്ത്ര​ണ്ടാ​മ​ത്തെ ല​ക്ഷ്യ​മാ​യ സു​സ്ഥി​ര ഉ​ത്പാ​ദ​നം ബി​സി​ന​സ് ലോ​ക​വും സു​സ്ഥി​ര ഉ​പ​ഭോ​ഗം ജ​ന​ങ്ങ​ളും പാ​ലി​ച്ചാ​ൽ മാ​ത്ര​മേ ലോ​കം നി​ല​നി​ൽ​ക്കു​ക​യു​ള്ളൂ. ഏ​തു ബി​സി​ന​സാ​യാ​ലും വ്യ​വ​സാ​യ​മാ​യാ​ലും അ​സം​സ്‌​കൃ​ത​ പ​ദാ​ർ​ഥ​ങ്ങ​ൾ പ്ര​കൃ​തി​യി​ൽ​നി​ന്നാ​ണ്. ഏ​തു ബി​സി​ന​സി​നും ആ​ദ്യം വേ​ണ്ട​തു പ്ര​വ​ർ​ത്തി​ക്കാ​നു​ള്ള ഇ​ടം. ഈ ​ഇ​ടം ന​ല്കു​ന്ന​തും പ്ര​കൃ​തി​യാ​ണ്. വാ​യു​വും ജ​ല​വും താ​പം അ​ഥ​വാ ഊ​ർ​ജ​വും ലോ​ഹ​ങ്ങ​ളും ധാ​തു​ക്ക​ളു​മെ​ല്ലാം ഏ​തു​ ത​ര​ത്തി​ലു​ള്ള ഉ​ത്പ​ന്ന​ങ്ങ​ളു​ടെ​യും അ​ടി​സ്ഥാ​ന അ​സം​സ്കൃ​ത​പ​ദാ​ർ​ഥ​ങ്ങ​ളാ​ണ്.ചു​രു​ക്ക​ത്തി​ൽ, പ്ര​കൃ​തി​യി​ല്ലാ​തെ ബി​സി​ന​സ് ഇ​ല്ല. ഇ​താ​ണ് ബി​സി​ന​സ് നി​ല​നി​ല്പി​ന്‍റെ പാ​രി​സ്ഥി​തി​ക​ത​ലം എ​ന്നു പ​റ​യു​ന്ന​ത്.

പു​ന​രു​പ​യോ​ഗ ഊ​ർ​ജ​ങ്ങ​ളി​ലേ​ക്കു നീ​ങ്ങു​മ്പോ​ൾ, അ​വ​യു​ടെ ഉ​ത്പാ​ദ​ന​ത്തി​നാ​യി വ​ള​രെ അ​പൂ​ർ​വ​വും അ​തു​കൊ​ണ്ടു​ത​ന്നെ വ​ള​രെ വി​ല​കൂ​ടി​യ​തു​മാ​യ ധാ​തു​ക്ക​ളും ലോ​ഹ​ങ്ങ​ളും ആ​വ​ശ്യ​മാ​യി വ​രു​ന്നു. അ​ങ്ങ​നെ വ​രു​മ്പോ​ൾ പു​ന​രു​പ​യോ​ഗ ഊ​ർ​ജ​സ്രോ​ത​സു​ക​ളു​ടെ കു​ത്ത​ക ചി​ല​പ്പോ​ൾ ആ​ഗോ​ള ബി​സി​ന​സ് വി​ക​സ​ന​ത്തി​നു​ത​ന്നെ വി​ല​ങ്ങു​ത​ടി​യാ​യേ​ക്കാം. ഇ​താ​ക​ട്ടെ സു​സ്ഥി​ര ബി​സി​ന​സ് വി​ക​സ​ന​ത്തി​നും ത​ട​സം സൃ​ഷ്‌​ടി​ക്കും.

സു​സ്ഥി​ര ബി​സി​ന​സും സ​മൂ​ഹ​വും

അ​ടു​ത്ത​ത്, ബി​സി​ന​സ് നി​ല​നി​ൽ​പ്പി​ന്‍റെ സാ​മൂ​ഹി​ക​ത​ല​മാ​ണ്. ബി​സി​ന​സ് ലോ​ക​വും സ​മൂ​ഹ​വും ത​മ്മി​ൽ വെ​റും കൊ​ടു​ക്ക​ൽ​-വാ​ങ്ങ​ലി​നെ​ക്കാ​ൾ മ​ഹ​ത്താ​യ ഒ​രു ബ​ന്ധ​മു​ണ്ട്. സ​മൂ​ഹ​ത്തി​ന്‍റെ സു​സ്ഥി​ര​മാ​യ നി​ല​നി​ൽ​പ്പി​നു ബി​സി​ന​സ്‌​ രം​ഗം സ​ഹാ​യി​ക്ക​ണം. ജ​ന​ങ്ങ​ൾ​ക്ക് ശു​ദ്ധ​മാ​യ വാ​യു​വും ജ​ല​വും ആ​ഹാ​ര​വും ഒ​പ്പം​ത​ന്നെ അ​വ​രു​ടെ ആ​രോ​ഗ്യ​സം​ര​ക്ഷ​ണ​ത്തി​ലും വി​ദ്യാ​ഭ്യാ​സ പു​രോ​ഗ​തി​യി​ലും കോ​ർ​പ​റേ​റ്റ് സോ​ഷ്യ​ൽ റെ​സ്പോ​ൺ​സി​ബി​ലി​റ്റി​യി​ലൂ​ടെ ക​മ്പ​നി​ക​ൾ​ക്ക് സ​ഹാ​യി​ക്കാ​നാ​കും. ചി​ല നി​ബ​ന്ധ​ന​ക​ൾ​ക്കു വി​ധേ​യ​മാ​യി ലാ​ഭ​ത്തി​ന്‍റെ ര​ണ്ടു ശ​ത​മാ​നം സി​എ​സ്ആ​റി​നു വേ​ണ്ടി വി​നി​യോ​ഗി​ക്ക​ണ​മെ​ന്ന​ത് ഇ​ന്ത്യ​യി​ലെ നി​യ​മ​മാ​ണ്. നി​ല​നി​ല്പി​ന്‍റെ മൂ​ന്നാം​ഘ​ട​ക​മെ​ന്നു പ​റ​യു​ന്ന​ത് ബി​സി​ന​സ് ലോ​കം ത​ന്നെ​യാ​ണ്. എ​ത്ര ലാ​ഭ​മു​ണ്ടാ​ക്ക​ണ​മെ​ന്നും എ​ങ്ങ​നെ ലാ​ഭ​മു​ണ്ടാ​ക​ണ​മെ​ന്നും ഉ​ണ്ടാ​ക്കു​ന്ന ലാ​ഭം എ​വി​ടെ ചെ​ല​വ​ഴി​ക്ക​ണ​മെ​ന്നു​മു​ള്ള കാ​ര്യ​ങ്ങ​ളി​ലാ​ണ് അ​ഭി​പ്രാ​യ​വ്യ​ത്യാ​സ​മു​ള്ള​ത്.

ഇ​ന്ന​ത്തെ ബി​സി​ന​സ് ലോ​ക​ത്തി​നു ശാ​സ്ത്ര​സാ​ങ്കേ​തി​ക​വി​ദ്യ​യു​ടെ സ​ഹാ​യ​മി​ല്ലാ​തെ മു​ന്നോ​ട്ടു​ പോ​കാ​ൻ ക​ഴി​യി​ല്ല. അ​തു​കൊ​ണ്ടു​ത​ന്നെ ശാ​സ്ത്ര​ത്തി​ന്‍റെ​യും സാ​ങ്കേ​തി​ക​വി​ദ്യ​യു​ടെ​യും സ്വ​ഭാ​വം ബി​സി​ന​സി​നും ഉ​ണ്ടാ​കും. സാ​ങ്കേ​തി​ക​വി​ദ്യ ഉ​പ​യോ​ഗി​ച്ചാ​ൽ ലോ​ക​ത്തി​ലെ ഏ​തു പ്ര​ശ്ന​ത്തി​നും പ​രി​ഹാ​രം കാ​ണാ​ൻ ക​ഴി​യു​മെ​ന്നാണ് പലരും ലോ​ക​ജ​ന​ത​യെ പ​ഠി​പ്പി​ച്ചു വ​ച്ചി​രി​ക്കു​ന്ന​ത്. എ​ങ്ങി​നെ​യും ഏ​റ്റ​വും കൂ​ടു​ത​ൽ ലാ​ഭ​മു​ണ്ടാ​ക്കു​ന്ന​വ​രാ​ണ് ഏ​റ്റ​വും മി​ടു​ക്ക​രാ​യ ബി​സി​ന​സു​കാ​ർ എ​ന്നു സ​മൂ​ഹ​വും ധ​രി​ച്ചു​വ​ച്ചി​രി​ക്കു​ന്നു.

ഇ​ന്ന​ത്തെ ലോ​ക ജ​ന​സം​ഖ്യ​യും അ​തി​ന്‍റെ വ​ള​ർ​ച്ചാ​നി​ര​ക്കും അ​വ​രു​ടെ അ​ത്യാ​വ​ശ്യ-​ആ​വ​ശ്യ-​ആ​ഡം​ബ​ര വ​സ്തു​ക്ക​ൾ​ക്കു​ള്ള ചോ​ദ​ന​വും ക​ണ​ക്കി​ലെ​ടു​ത്തു ന​ട​ത്തി​യി​ട്ടു​ള്ള പ​ല പ​ഠ​ന​ങ്ങ​ളു​ടെ​യും ഫ​ലം അ​ത്ര ശു​ഭ​പ്ര​തീ​ക്ഷ ന​ൽ​കു​ന്ന​ത​ല്ല. നി​ല​നി​ല്പി​നു​ത​കു​ന്ന ബി​സി​ന​സ് വി​ദ്യാ​ഭ്യാ​സം​കൂ​ടി ന​ൽ​കി​യാ​ൽ മാ​ത്ര​മേ ഈ​വ​ക ദു​ര​ന്ത​ങ്ങ​ളി​ൽ​നി​ന്ന് ലോ​ക​ത്തി​നു ക​ര​ക​യ​റാ​ൻ സാ​ധി​ക്കു​ക​യു​ള്ളൂ.

ആ​ധു​നി​ക ബി​സി​ന​സ് വി​ദ്യാ​ഭ്യാ​സം

1953ൽ, "​ബി​സി​ന​സ് ലോ​ക​ത്തി​ന്‍റെ സാ​മൂ​ഹ്യ പ്ര​തി​ബ​ദ്ധ​ത' എ​ന്ന ഗ്ര​ന്ഥ​ത്തി​ലൂ​ടെ എ​ച്ച്.​ആ​ർ. ബോ​വാ​ൻ ആ​ദ്യ​മാ​യി ബി​സി​ന​സി​ൽ ധാ​ർ​മി​ക​ത​യു​ടെ ആ​വ​ശ്യ​ക​ത​യെ​ക്കു​റി​ച്ച് ച​ർ​ച്ച ചെ​യ്തു​കൊ​ണ്ട് ഒ​രു പു​തി​യ ബി​സി​ന​സ് മാ​തൃ​ക​യ്ക്ക് തു​ട​ക്കം​കു​റി​ച്ചു. പി​ന്നീ​ട് ആ​ർ​ച്ചി ക​രോ​ൾ, ജോ​ൺ ഏ​ൽ​ക്കി​ങ്‌​ടോ​ൺ മു​ത​ലാ​യ ബി​സി​ന​സ് വി​ദ​ഗ്ധ​ർ പ​രി​സ്ഥി​തി​യും സ​മൂ​ഹ​വും ബി​സി​ന​സ് ലോ​ക​വും ത​മ്മി​ലു​ള്ള അ​ഭേ​ദ്യ​മാ​യ ബ​ന്ധ​ത്തെ​ക്കു​റി​ച്ച് ആ​ഴ​ത്തി​ലു​ള്ള പ​ഠ​ന​ങ്ങ​ൾ ന​ട​ത്തി. ഏ​റ്റ​വും പു​തി​യ ബി​സി​ന​സ് പ്ര​വ​ണ​ത​യാ​യ പാ​രി​സ്ഥി​തി​ക-​സാ​മൂ​ഹി​ക-​ഗ​വേ​ണ​ൻ​സ് ലോ​ക​ത്തി​ന്‍റെ​യും ബി​സി​ന​സി​ന്‍റെയും സു​സ്ഥി​ര​ത ഉ​റ​പ്പാ​ക്കാ​നു​ള്ള ഫ​ല​വ​ത്താ​യ മാ​തൃ​ക​യാ​ണ്.

ഇ​ന്ത്യ​യി​ൽ​ മാ​ത്രം ഏ​താ​ണ്ട് ആ​റാ​യി​ര​ത്തോ​ളം ബി​സി​ന​സ് സ്കൂ​ളു​ക​ൾ ഉ​ണ്ടെ​ന്നാ​ണു ക​ണ​ക്കാ​ക്കി​യി​ട്ടു​ള്ള​ത്. ആ​ഗോ​ള​വ​ത്ക​ര​ണ​ത്തി​നു​ശേ​ഷം ബി​സി​ന​സ് വി​ദ്യാ​ഭ്യാ​സ​ത്തി​നു ഒ​രു പ്ര​ത്യേ​ക ഉ​ണ​ർ​വ് കി​ട്ടി​യി​ട്ടു​ണ്ട്.

ലാ​ഭ​ത്തി​ൽ​നി​ന്ന് ക്ഷേ​മ​ത്തി​ലേ​ക്ക്

1970ക​ളി​ൽ ലോ​ക ബി​സി​ന​സ് വി​ദ്യാ​ഭ്യാ​സം മു​ഴു​വ​ൻ​ത​ന്നെ അ​ന്ന​ത്തെ ലോ​ക​പ്ര​ശ​സ്ത​നാ​യി​രു​ന്ന സാ​മ്പ​ത്തി​ക ശാ​സ്ത്ര​ജ്ഞ​ൻ മി​ൽ​ട്ട​ൺ ഫ്രി​ഡ്‌​മാ​ന്‍റെ ആ​ശ​യ​ങ്ങ​ൾ​ക്ക​നു​സ​രി​ച്ചാ​യി​രു​ന്നു. ബി​സി​ന​സി​ന്‍റെ ഏ​ക ല​ക്ഷ്യം ലാ​ഭം മാ​ത്ര​മാ​ണെ​ന്ന അ​ദ്ദേ​ഹ​ത്തി​ന്‍റെ സി​ദ്ധാ​ന്ത​ത്തി​നു ആ​കെ ഒ​രു ബ​ദ​ലു​ണ്ടാ​യി​രു​ന്ന​ത് സോ​ഷ്യ​ലി​സ്റ്റ് രാ​ജ്യ​ങ്ങ​ളു​ടെ പൊ​തു​മേ​ഖ​ലാ സി​ദ്ധാ​ന്ത​മാ​യി​രു​ന്നു. പൊ​തു​മേ​ഖ​ലാ സി​ദ്ധാ​ന്തം പ​രാ​ജയ​പ്പെ​ട്ടപ്പോൾ മു​ത​ലാ​ളി​ത്ത ഉ​ത്പാ​ദ​ന ക്ര​മ​ങ്ങ​ൾ​ക്ക​നു​സ​രി​ച്ചു ബി​സി​ന​സ് വി​ദ്യാ​ഭ്യാ​സം രൂ​പ​പ്പെ​ടു​ക​യും ചെ​യ്തു.

ഇ​രു​പ​ത്തൊ​ന്നാം നൂ​റ്റാ​ണ്ടി​ൽ ബി​സി​ന​സ് വി​ദ്യാ​ഭ്യാ​സ​ത്തി​നു കാ​ര്യ​മാ​യ ദി​ശാമാ​റ്റം സം​ഭ​വി​ച്ചു.പ്ര​കൃ​തി​യി​ലെ മാ​റ്റ​ങ്ങ​ൾ ഭൂ​മി​ക്കു​ത​ന്നെ​യും അ​പ​ക​ട​മാ​ണെ​ന്ന തി​രി​ച്ച​റി​വാ​ണ് ബി​സി​ന​സ് വി​ദ്യാ​ഭ്യാ​സ​ത്തി​ന്‍റെ ഗ​തി തി​രി​ച്ചു​വി​ട്ട​ത്. കൂ​ടാ​തെ, സ​മൂ​ഹ​ത്തി​നും ബി​സി​ന​സി​ൽ സ്ഥാ​ന​മു​ണ്ടെ​ന്ന ബോ​ധം വ്യാ​പ​രി​ച്ചു. ലോ​ക​ക്ഷേ​മ​മാ​ണ് നി​ല​നി​ല്പി​നു​ത​കു​ന്ന ബി​സി​ന​സ് വി​ദ്യാ​ഭ്യാ​സ​ത്തി​ന്‍റെ (Sustainability Business Education) ല​ക്ഷ്യം.

സു​സ്ഥി​ര ബി​സി​ന​സ് ലോ​കം

ലോ​കം നി​ല​നി​ന്നാ​ൽ മാ​ത്ര​മേ ബി​സി​ന​സ് നി​ല​നി​ൽ​ക്കൂ എ​ന്ന തി​രി​ച്ച​റി​വ് സാ​വ​ധാ​ന​മാ​ണെ​ങ്കി​ലും ബി​സി​ന​സ് ലോ​ക​ത്തു വ്യാ​പ​രി​ക്കു​ന്നു​ണ്ട്.
(അവസാനിച്ചു)